我仔記中文字都幾弱, 記得K2時開始寫多左字, 我女細個, 俾咩佢就抄咩, 我仔學寫字就慘LOR! 係要續個字拆散一個個部分去教佢抄, 我果時好驚佢係學障, 好彩去到K3, 情況又改善左
到小一, 有默書, 簡直係惡夢, 我仔係要溫習足足一星期, 至可以記得到一課D字, 而記字途中亦唔係咁順利, 我明佢唔係懶, 係佢做唔到, 於是我開始作故仔令佢記得D字點寫(可幸佢睇字認字係非常OK的)
例如: "息", 我會同佢講, 呢個係小息既息, "自"己個"心"好想小息
"就", 東"京"既"大""尢"魚, "就"是最好食 (因為佢唔識個"尢"字, 所以要加多個差唔多樣既"大"字幫佢形象化)
"急", 條"魚"見到個叉好"心" 急
"蝴", 十隻蝴蝶, "十"個"口", 一齊去食"月"餅
諸如此類, 佢每次寫到呢D字故會唸唸有詞, 咁好幫到佢, 佢亦覺得有趣, 有時佢都會主動同我一齊去唸呢D口訣(好過鬧到拆天)
佢而家進步左好多, 我亦少左需要去整呢D口訣, 尋晚, 我發現原來佢自己都有用呢D方法去幫自己, 佢唔識個"獵"字, 我話, 打獵丫嘛, 所以有箭架, 之後臨訓, 佢自己講: 第一次叫隻獵狗去呢邊, 佢唔識, 第2次叫佢去呢邊, 佢又唔識, 第3次終於識喇, 我再作多D, 係呀, 第一次去呢邊唔識, 所以FIT左佢2下, 第2次去呢邊又唔識, 所以又FIT左佢2下, 第3次終於識, 所以唔駛FIT2下喇
然後大家哈哈哈, 佢又記多左個字了
希望呢個開心分享, 可以幫到各位 |