轉校 - 事不延遲 - 小學雜談

Rank: 5 Rank: 5


	3928

401^#

發表於 11-8-19 17:24 |只看該作者

原帖由 fsforth 於 11-8-19 16:15 發表

BK 中學板有...
各學校web site有school report 比你download, 大好多都係open to public....
..

請問男拔或ls的成績可以在哪裡找到呢?

daydayup

洋房

Rank: 2


	85

402^#

發表於 11-8-19 18:06 |只看該作者

2010年8.3萬多會考生才2.6萬考獲14分或以上.....推論不是太現實吧!!!

20101101

Rank: 3 Rank: 3


	226

403^#

發表於 11-8-19 22:31 |只看該作者

原帖由 fsforth 於 11-8-19 16:15 發表

BK 中學板有...
各學校web site有school report 比你download, 大好多都係open to public
成績差不是大罪, 問題是為什麼會差? 如果個人專長是體藝音樂, 就算其他學術科無A無B也不是問題, 教音樂也一樣好搵錢, 行行 ...

分析中肯、客觀、獨到！

fsforth

Rank: 5 Rank: 5


	2670

404^#

發表於 11-8-20 00:06 |只看該作者

原帖由 daydayup 於 11-8-19 18:06 發表
2010年8.3萬多會考生才2.6萬考獲14分或以上.....推論不是太現實吧!!!

http://www.sjc.edu.hk/students_ce.php
Band1頭的成績的例子, 完全感受到相中人的"喜悅", 因為天資加後天的努力, 而得到"卓越"的成績
No pain, No gain, 先卓越, 而後喜悅
幼稚園學生都聽過"螞蟻和蟋蟀"的故事, 自己回想過去考試的日子, 就已經知道GT呢句口號在香港, 至亞太區都不可能實現, Norway 的一套不能完全在香港使用...
講笑咁講...如果有一日在維港捉條三文魚可以用來生食, 我會覺得已經身在北歐, 我不知道你信不信，反正我信了!

Rank: 3 Rank: 3


	488

405^#

發表於 11-8-20 11:12 |只看該作者

回覆 404# fsforth 的文章

講明先…我不是xx黨, 學校呢...啱讀就讀, 唔啱咪轉, 讀得好呢, 得閒都可以講番兩句, 如果有一天讀得唔好, 我諗我應該都唔會得閒出來數.

你講起"螞蟻和蟋蟀"的故事, 我又諗起啲嘢想”DAD”吓, 無惡意的, 勿太敏感喎!

有個幼稚園書友仔, 俾媽咪K3留多一年, 個小朋友學習能力無問題的, 個媽咪話小學競爭好大, 一定要留, 這樣到小學時可有優勢, K2開始己帶去佢學公文數等等….不停做題目的方式, K2開始唔俾佢落街玩, 由早至晚只準坐定定看書, 運動都不能做, 她說要佢不動, 性格就會慢慢靜下來, 個心就唔會再諗玩, 也會忘了玩這樣嘢, 我聽了之後, 心裏想”黐綫”, 不過佢好成功, 有時見到佢個小朋友, 叫佢都無咩反應, 目光呆滯, 佢同個媽咪仲瘦到得排骨, 聽佢媽咪話個仔好喜歡看書, 見佢晚晚看書看到12時多都未上床瞓, 看得好安慰(仲係K2, K3的時候),很另類的小朋友, 將來地球可能都要靠佢(說笑吧).

小朋友越玩越聰明, 腦部收到外來事物接觸, 我覺得身體健康, 才是聰明的來源呢! 我又睇過施永X的文章, 他有提及佢的小朋友, 咩俾老師罰, 成績差等等, 佢亦有佢的見解, 考試考得唔好, 唔來表佢平日上課學唔到嘢, 只不過係無經常操練來用在考試啫, 知識仍在腦裏呢! 無必要讀得咁辛苦呀, 唔得咪去外國讀囉…等說話.

點解兩個家長會有如此不同? 有時我在想, 嗰個不玩耍的小朋友, 爸爸是做藍領的, 佢媽咪曾說過識了一個乜乜職業的朋友, 我覺得是普通行業, 因為我的朋友, 家人裏都有幾個啦, 但佢覺得識到這些朋友, 好似好開心, 覺得佢哋好高級喎, 聽咗都幾好笑, 會唔會係在這個媽咪心裏, 想個小朋友將來一定要出人頭地, 加了太大壓力給自己呢? 而施永X, 明知自己身家多到個仔個仔嘅孫都食唔晒, 所以咪咁”睇得開”呢? 請不要唔會我意思, 我只是想說, 個個人的需要唔同, 會考成績有幾”好”, 你知我知個個知, 點解常常要攞嚟同啲TOP BAND ONE比呢, 不必啦! 如果無記錯, 有朋友在這裏分析過, 因為這間學校程度偏向深的, 較啱些資質較好, 而父母又唔想太過催谷的小朋友讀, 所以有出現一兩個成績追不上的, INTERVIEW個小朋友, 有多少時間呀? 點會吓吓個個都睇得咁準呢? 有經歷個小學面試的父母都應該知, 收唔收你個小朋友, 除咗有實力, 仲要有運氣, 你得唔代表你叻晒, 唔得亦唔代表你生咗個蠢人, 有幾多收咗又俾DBX, LX, 協X, SPXX趕出嚟呀! 年年都有, 這些名校有無好似這裏俾人開個TOPIC來講呢? 我都唔知, 因我只係得閒才到此遊遊吧!

Rank: 3 Rank: 3


	488

406^#

發表於 11-8-20 12:14 |只看該作者

回覆 404# fsforth 的文章

還有 “點解常常要攞嚟同啲TOP BAND ONE比呢, 不必啦!” 攞嚟跟些幾十年, 甚至是有百多年辦學經驗的學校來比較? 這間學校只有十年多些吧!
有時真係唔好介意人家所說的, 說自己有多”勁”. 點解? 因每個人標準不同, 就好以我個姨甥k3嘅時候, 已經游到300米自由和蛙式, 有一天有個街坊跟我說, 話佢好開心, 佢個小朋友今年第一次參加暑期游泳course, 就學懂游水了, 個媽咪好開心呀! 點知我有一天係個泳池見到佢個小朋友”游水”, 原來她所說的識游水, 只係識踏水不至沉下水裏, 踢幾吓腳吧, 全無泳姿可言, 有時對於人家所說的, 不要太認真吧, 各有各的標準不同, 需要不同, 在這裏讀得好的, 讀得開心的是佔好大部份啊, 如果喜歡催谷的, 又或者唔洗點理, 自然可以年年升級的, 真係可能選錯了地方, 我又記得舊年好以有幾位對學校不滿的家長在這裏說, 說的很多很多, 但她/他的小朋友全部都轉升去了band one中學, 還說全是自己的功勞?????? 這樣她/他的小朋友過了六年的小學, 都是白過的嗎? 自己諗諗吧! 我就唔信囉!

Rank: 3 Rank: 3


	488

407^#

發表於 11-8-20 13:35 |只看該作者

等緊位飲茶, 仲未有位呀….我想再分享多啲, 我估可能有人覺得等位飲茶好”無聊”, 但我就覺好有意思呀, 我等到位就去叫屋企啲老人家來, 佢哋會好開心啊!

年紀唔細, 看到很多不同故事, 有個朋友, 家庭環境不錯, 有個仔仔是”名校仔”, 讀到書之餘, 又生得高大英俊, 做金融, 日日要睇埋個美國市, 不到廿八歲, 已找到兩三層豪宅, 生活無憂, 有一天他的媽媽跟我說, 當時這個叻仔還未到三十, 說他有肝癌, 不到幾個月就去了, 這可能是生活方式問題, 影響健康所至.

有個親戚, 老公早去, 有一仔一女, 個仔中五都無full cert, 個媽咪當時痛不欲生,要個仔再讀, 但不成功, 做了一份技術員的工, 現在個仔都三十, 有個好靚嘅老婆, 有小朋友, 而個女細細個已經好叻, 讀maryxxxx, hku畢業, 高級行政人員, 個樣都幾靚嫁, 不過廿多歲就搬了出來自己住, 我哋啲親戚都唔咁多問一句, 見佢個女唔睬個媽媽的, 個女今年都近四十啦, 仲未結婚, 睇佢都唔會有結婚一日啦, 平日打扮男性化, 有親戚見過佢同個女仔一齊係間診所等睇醫生, 其實唔講不家親戚都知的, 個女攪”咩”,.

又有些朋友, 每次出來總是說個仔女有幾叻, 全級考第一,第二, 但我知佢個小朋友要食藥, 好似話兒童精神問題,

我只想說, 凡事不要太執著, 如果個個都係toptop band one名校生, 個世界會點呢? 人生苦短, 小朋友當然要做好自己, 但不是每一個父母都要個仔做toptop嫁, 只要佢健康快樂, 有個幸福人生, 當然要叻, 但唔一定要叻到上頂, 所以不同學校會適合不同人嘅需要, 比較來有何意思呢! 你覺得間學校好”差”, 你咪唔好入讀囉, 去一間自己喜歡的, 好似有好多街坊說自己的學校有幾好幾好, 就算我一定唔會俾我個小朋友入讀, 我都唔會去質疑人家的選擇, 因為各有所需和各有各不同的條件呢! 有位啦, 得閒再”dad”

fsforth

Rank: 5 Rank: 5


	2670

408^#

發表於 11-8-20 14:11 |只看該作者

回覆 406# snowvw 的文章

我對你有80%讚同, 其餘20%不是不讚同, 只是誤解, 我針對的是中學部對公開試的態度, 對於幾歲大的小朋友, 我和你的觀點大致相同, 過大的壓力只會使他們的學習興趣消失

學校的問題是太標榜自己是資優教育的專家, 講得出家長自然有祈望, 如果市場定位正確就不會有太多錯配

daydayup

洋房

Rank: 2


	85

409^#

發表於 11-8-21 14:56 |只看該作者

回覆 408# fsforth 的文章

問題在於何謂 "資優"???

家長對子女的期望往往與現實有很大的落差，其實子女數學考試次次攞A未必是數學資優、小學己考獲8級鋼琴未必是音樂資優。

可笑是只要在某一方面 "無其他咁差"，亦有家長覺得子女是某方面的資優。

一句老掉大牙的說話：天才是一個比其他人付出更多努力的人。

優才不是沒有要求學生 "勤奮" 的 (看學校網頁)。

Rank: 3 Rank: 3


	488

410^#

發表於 11-8-22 13:25 |只看該作者

回覆 408# fsforth 的文章

“我針對的是中學部對公開試的態度”….係咩態度? 加埋daydayup那句”優才不是沒有要求學生 "勤奮" 的(看學校網頁)。”, 我估吓, 唔知我有無誤解? 係唔係你意思是指你唔喜歡優才話有"喜悅"和"卓越", 因為你認為這樣等同叫學生不用勤奮呢?

如果有一個男人對個女人說: “你嫁俾我, 我哋以後嘅日子都會好幸福”. 可知要這句說話成立是要有條件的？　首先就是男女相方要深愛對方, 以後嘅日子裏大家都要為個家而出力,一起灌溉這段婚姻, 維繫相方感情. 會唔會個女仔根本唔鐘意這個男人, 而認為只要”嫁咗俾佢”這動作做了, 不需付出, 自己的下半生, “chuk”一聲就會變得幸福, 快快樂樂地生活下去呢? 咁我都相信仍存有些天真無知少女的. 須知做成”錯配”要有相方.

多口問句, 你是有小朋友入了優中, 成績欠佳而有感而發嗎? 全港九新界的學校, 各有不同的”標榜自己”, 加上在你口中優才只是間band1都不入的學校, 你無理由只係跟優才”計較”的, 所以有點好奇!

我又講吓我自己, 你所講的” 錯配” 對我來說, 從沒出現, 認識你之前諗都無諗過會有這個問題(對我來說), 大部份學校,　都有不同的“標榜自己”，好似我幫小兒開始申請小學時，真的很忙，每日不停在這裏看資料，看父母們的評價，問同事，同事的親戚朋友，問街坊，街坊的親戚朋友，自己的親戚朋友，仲要聽埋親戚朋友的親戚朋友的評價，我不停的“收料”，所以入讀前已知優才程度偏深，我偏喜歡，我從無諗過，亦唔相信唔洗理，日日玩得開心，就會有好成績，喜悅的是這所學校的老師，　會在校教好所要教的，無需另外補習，考試默書只要温温就可以，這點當然要小朋友平時上課專心，我相信大部份人都做到的，功課又適量，無須每天都忙着應付沉重的功課而夜瞓，健康係最重要的．　亦有朋友直言，佢唔會申請，因為她知到自己的小朋友有“多少”，事實吸收能力是各人不同的．

哈哈．．．其實我無諗咁多中學，太遙遠了，不過我有諗出年2012, 12月２２日．這個日子之前要食啲咩好嘢.

edea

王國長老

Rank: 14

王國長老


	6361

411^#

發表於 11-8-22 14:20 |只看該作者

少女時候, 睇下亦舒, 黃玫瑰好聰明啊, 永遠只係考試前夕翻下書, 就科科A.
大話西遊, 睇下好啦. 現實中冇見過真係可以有人上堂唔聽書, 只係考試前溫一下就科科A.
講到底, 成功雖苦幹.

Rank: 3 Rank: 3


	279

412^#

發表於 11-8-22 16:49 |只看該作者

成功需苦幹

[ 本帖最後由 Minnie_Mickey 於 11-8-22 16:54 編輯 ]

ok_ko

Rank: 5 Rank: 5


	3142

413^#

發表於 11-8-22 16:53 |只看該作者

原帖由 Minnie_Mickey 於 11-8-22 16:49 發表
但我要多謝他，沒有陪跑的日子我也沒有今天的成就。

你個態度真好。

fsforth

Rank: 5 Rank: 5


	2670

414^#

發表於 11-8-22 17:30 |只看該作者

原帖由 snowvw 於 11-8-22 13:25 發表
“我針對的是中學部對公開試的態度”….係咩態度? 加埋daydayup那句”優才不是沒有要求學生 "勤奮" 的(看學校網頁)。”, 我估吓, 唔知我有無誤解? 係唔係你意思是指你唔喜歡優才話有"喜悅"和"卓越", 因為你認為這樣 ...

因為今次的題目是有關有優才學生轉校問題, 所以, 我先會談論貴校, 如果你開另外一個topic, 而我又有相關的資料, 我很樂意去交流一下.
我不是優才家長, 但曾經也覺得呢間學校很合適小兒, 自07年就開始上web site留意業績報告, GT 的簡介會我連續去過兩次, 小兒未到K2時我已經親自到簡介會拿 form去研究, 花一年時間去思考點樣去填form, 09年考優小, 有offer, 曾經考慮放棄就近屋企的母校而去check 下都會X樓價, 計畫12年在優才的生活, 在BK解答有關GT的教育理念, 有些人更覺得我是GT家長, 而最後我是放棄留位費, 因為, 我心中有一些問題學校比唔到答案比我.
當年, 有人post過GT F.4學生試考HKCEE Bio, 而大半班人不及格, 其實當時已經響了一個警號, 如果我是老師, 一定會在來緊一年救成績.
點知真係無人理, 在2010 Bio 成績都係咁差, 一方面我慶幸自己無中伏, 但另一方面, 我覺得學生真係很可憐, 因為, 我覺得如果及早有人救, 是一定有得救, 我自己就是一個例子, 我是一個理科生, 讀band2校, form 4成績很差, 幸好, 自己的老師及時幫助, 和自己發奮認真, 會考Bio 最後有B, 教育就是以生命去啟發生命, 雖然有A, 有B也不代表將來一定有好日子, 但是學習是學做事的態度, 一個本應可以有A的學生因不認真而得個C, 和一個平庸的學生如努力地得個C, 後者更珍貴!
多謝大家花時間看過我的分享

melodyyy

Rank: 3 Rank: 3


	415

415^#

發表於 11-8-23 11:40 |只看該作者

今年中一已經有 Bio 呢科
如果我無記錯的話，以往好似無咁早教
反而有d擔心，對於中一生來講，會唔會難左d呀!

其實我覺得如果小朋友跟唔到的話，早些轉校更好

好過勉強升左上中學，會越來越辛苦，到時先至轉就重麻煩!

Minnie_Mickey

Rank: 3 Rank: 3


	279

416^#

發表於 11-8-23 13:32 |只看該作者

我朋友囡囡在一間出名多功課課程深的真資小學讀書，小五時因不適應學校課程成績退步而心理出現變化，好在父母發現得早，轉去另一間小學後問題很快解決及重拾學習的動力，AL 時 1A 3B 考入讀大學。

所以有時發覺小朋友同學校之間不配合，轉過一個新環境其實係比小朋友一個更新的機會。

原帖由 melodyyy 於 11-8-23 11:40 發表
今年中一已經有 Bio 呢科
如果我無記錯的話，以往好似無咁早教
反而有d擔心，對於中一生來講，會唔會難左d呀!

其實我覺得如果小朋友跟唔到的話，早些轉校更好

好過勉強升左上中學，會越來越辛苦，到時先至轉就重麻煩! ...

daydayup

洋房

Rank: 2


	85

417^#

發表於 11-8-23 14:18 |只看該作者

上年中一都有Bio (igce) 只教部份及IS (1b & 2a), 好多生字.....Science考試亦分兩部份

我知優小六年級下學期數學已用中學1a書,唔知有冇教IS(1a)???