學校功課多，小朋友做得慢，Hea住做，點攪？ - 小學雜談

Rank: 12


	64163

2^#

發表於 17-11-9 09:54 |只看該作者

一女子發表於 17-11-9 02:09
學校日日8樣功課，大果件日日Hea住做，一樣功課最長可以做70分鐘，細果件就個幾鐘攪惦，深知程度唔同難度唔 ...

同我細果件一樣。我唔同意你細既因為程度唔同所以做得快, 人哋細個佢大個, 我阿大做功課都好快手, 係性格問題。我阿細幼稚園時做功課都好快手, 因為要快D玩, 但上到小學, 因為功課多咗, 佢感覺好似永遠做唔晒, 所以放peah係咁拖。佢一三五有功課堂, 一個鐘居然只做一樣功課, 真係同你個差唔幾。不過你果個應該大D, 係男仔? 所以更慘。

話無比較就假既, 人非草木, 誰無比較, 兩個速度差咁遠, 我阿細小一時我都發顛架。不過顛完一輪發覺佢一D改善都無, 咪唯有用plan B囉。依家就小二好過小一, 今年小三又好過小二, 進步係慢D, 但都叫有丫嘛。首先, 我阿細係勁唔專心既人, 真係一隻烏繩飛過都關佢事, 咁我只好認同佢係咁既人, 目標降到全級中間。功課陪佢做, 如果你要上班, 鼓勵佢先做抄寫果D唔駛用腦既, 然後佢強邊科叫佢先做果科。功課又唔會日日8樣, 實有少功課既時間, 如果佢做得快, 真係要讚下佢, 甚至買少少佢鐘意既零食蛋糕獎下佢。不過唔好預佢馬上可以改變, 呢個改變係漫長既。改好一樣得一樣。打開本手冊, 先做簡單的, 做好tick一樣, 做好tick一樣, 少D少D好快就做晒。有時要鼓勵佢, 錯少D唔駛改正咪又少一樣功課, 默書溫好D默得好又唔駛改正, 幾好。

我個仲細, 而且好黏我, 所以都叫聽講聽教, 係佢有時堅持唔到啫。不過我都鬧佢少咗, 佢都話：媽咪你平時好似天使咁, 不過嬲起上嚟係暴力市民。

MonkeyGirl

大宅

Rank: 5 Rank: 5


	1813

3^#

發表於 17-11-9 11:07 |只看該作者

同我個件一樣, 又係有功課堂, 又係做一樣, 又或者唔做...

我晚晚返到屋企只教佢做功課 , 都用咗2個鐘...日日無溫書...下星期考試, 溫都未溫...今星期全無功課比你溫書, 佢都唔寫下生字.... 晚晚等佢記生字....都未開始問問題, 叫佢答...我都好"敏"

英文仲慘...一見好多字, 佢睇都唔睇, 就話唔識....測驗又唔識字.差唔多交白卷...

我都煩惱中...又唔想佢甘早就怕咗讀書.. 成日同自己講, 佢未識應.. 但見人地個d 都識寫, 自己個件....個心又會急

IloveJJ

禁止訪問


	45691

4^#

發表於 17-11-9 11:13 |只看該作者

提示: 作者被禁止或刪除內容自動屏蔽

Rank: 12


	64163

5^#

發表於 17-11-9 12:00 |只看該作者

IloveJJ 發表於 17-11-9 11:13
我大嗰個結果係有課外活動，無時間做功課嗰日，就會做得好快，你試下安排啲野要佢唔好咁得閒。例如:游水打 ...

我個唔會咁, 佢之前星期四要跳芭蕾, 都係咁款。好彩今年加堂係星期日。

MonkeyGirl

大宅

Rank: 5 Rank: 5


	1813

6^#

發表於 17-11-9 12:03 |只看該作者

回覆 IloveJJ 的帖子

我都有activities , 佢最Like 既ping pong . 打之前hea 做, 打完, 食完飯, 沖埋涼.. 7點半, 又係等你教佢做功課.. 做到9點, 打完波, 特別倦, 書都溫唔到, 要訓

Rank: 12


	64163

7^#

發表於 17-11-9 12:24 |只看該作者

MonkeyGirl 發表於 17-11-9 12:03
回覆 IloveJJ 的帖子

我都有activities , 佢最Like 既ping pong . 打之前hea 做, 打完, 食完飯, 沖埋涼.. ...

真係人間慘情, 你仲慘過我, 你個幾多年班? 我個依家三年班, 好D了, 起碼測考前叫佢先溫書, 我再問, 佢會溫, 不過熟唔熟就唔好提了, 不過都起碼叫做有做, 唔係等運到。

但正常實有D唔駛用腦功課喎, 例如：改正、penmanship、抄生字果D, 叫佢先做果D啦。

IloveJJ

禁止訪問


	45691

8^#

發表於 17-11-9 13:41 |只看該作者

提示: 作者被禁止或刪除內容自動屏蔽

S-Kwok

男爵府

Rank: 6 Rank: 6


	9057

9^#

發表於 17-11-9 13:42 |只看該作者

little_yolky 發表於 17-11-9 12:24
真係人間慘情, 你仲慘過我, 你個幾多年班? 我個依家三年班, 好D了, 起碼測考前叫佢先溫書, 我再問, 佢會溫, ...

温唔熟，你唔嬲咩？
要小朋友用心做好每一件事，對小三、四嘅小朋友來說，是否太高要求？近來每日都火山爆發咁，我已經壓力大到嘔（係堅嘔）/心口痛。係咪我要求太高。其實我心裡係覺得依家啲小朋友真係好多嘢做，食飯前完成好功課，食完飯仲要温書，仲有網上功課等住星期六/日完成。
我問過仔好多次，平日係咪覺得多嘢做，佢又想平日温書、做數，等成績好啲，又想多啲時間睇書，佢又時都會話好多嘢做，但佢又要做，我怕佢壓力大，又怕佢係口裡氹我開心，但其實唔想做。好似噚日咁，用一小時計6條數，我自己又氣炸，我自己都迷失咗，唔知想走嘅方向。

MonkeyGirl

大宅

Rank: 5 Rank: 5


	1813

10^#

發表於 17-11-9 14:14 |只看該作者

回覆 little_yolky 的帖子

今年小一...我就係諗, 係佢唔識應呀, 定佢本身懶性強呢....我應該比補習社跟功課, 定點好呢

Rank: 12


	64163

11^#

發表於 17-11-9 15:07 |只看該作者

MonkeyGirl 發表於 17-11-9 14:14
回覆 little_yolky 的帖子

今年小一...我就係諗, 係佢唔識應呀, 定佢本身懶性強呢....我應該比補習社跟功 ...

唓！先小一。

不過, 你要不斷日哦夜哦, 黑白天鵝咁提醒佢, 做功課、溫書係佢既責任, 你個係男仔吧, 聽講話仲會嚴重D既。我好彩, 兩隻嘢放學時有爸爸gup住佢哋, 散極有個限度。你睇下小朋友受邊套就用邊套方法, 見機行事。