我小朋友2008年11月出世,我同小朋友2009年6月開始報顯徑既腓力堂愛鄰排N班WAITING LIST,因為表哥,堂姐都喺呢間讀K1.K2,所以我都報,交表時D MISS仲同我講無問題,到時會寄信通知面試,不過都應該無咩問題,因為我都好早報名,都排好前,仲話會MARK低資料喺張報名表度,寫低有親人喺度讀緊,咁好啦,我當時好放心,亦都無再搵第二間學校留WAITING,到咗2010年6月,我見學校無寄信嚟通知面試,又無電話,咁我親身去學校問,其實係唔係有我張表架,佢當時都話有,仲話小朋友11月先2歲,我地到時會寄信通知你架啦,到時返學無問題架啦...咁好啦..我又等過,到咗2010年9月,我見N1都開學啦,我都仲未有信,咁我又打電話去啦,我問佢,我小朋友係返今年既N1喎,點解仲未面試既,咁佢當時答我,小朋友11月先2歲,我地10月會寄船比你,你係諗住報2010年既N班嘛,我話係,佢一夠2歲就即刻返架啦...(以上呢段就係我同腓力堂愛鄰既對話,可能有D長,請各位見諒)
到了而家10月中,上星期我奶奶同我講話D MISS同佢講,無位比阿囝(因為我奶奶負責湊表哥同堂家姐放學,所以D MISS同佢講),咁我就覺得出奇啦,邊有可能無位呀,佢答咗我幾次無問題喎,仲話我排得前,咁我以為我奶奶聽錯,我自己打去學校問啦,佢D MISS都係話,無位比小朋友插班讀N班,如果要讀就要等到2011年8,9月先返,之後我即刻同佢講,我當時交表時,你地唔係咁同我講,仲同我講無問題,又話我排既位都算前,有咩理由而家話無位,之後佢話,8月份入學既已經FULL晒,所以無位,之後都講咗好耐,佢都淨係不停答話無位,仲話一直都係幫我排緊K1,咁我話我要同校長傾,之後個校長仲過份,第一句就同我講,而家無位比佢插班架,要讀就繼續排WAITING啦,跟住我同佢講,你D MISS初初唔係咁同我講,佢地講話無問題,又話我係較前位喎,跟住佢就話佢D MISS唔會咁答家長,係我自已誤會,個校長仲問咗我4,5次話,你係唔係CANCEL個WAITING,係唔係有位唔洗通知我面試,分明唔想我繼續報佢學校!
以下就係校長覆我既解釋:
1)無問題既意思係收我張表無問題
2)你排得前,但係你囝囝開學時未夠2歲,所以遲過你WAITING既,只要開學時夠2歲,佢地都優先過你小朋友有位(咁即係話如果9月之後出世既都一定係要等有人退學先會有位,如果一路無人退學,就一路都無得讀N班咁就算幾早排WAITING都無意思啦)
3)佢話一直都幫我小朋友排緊K1,我話我一直排緊N班,佢話佢地唔知(簡直係笑話,如果佢地一直唔知我排緊N班,跟本就唔會有人通知我無位插班啦) |
發表於 10-10-23 19:11
