返K1後的感想！ - 幼校討論 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 幼校討論 › 返K1後的感想！

發新帖

查看: 4132\|回覆: 23	go 返K1後的感想！ [複製鏈接]

Rank: 4


	743

1^#

發表於 04-8-31 10:34 |只看該作者

返K1後的感想！

今天送小女回校，已經抱實我不放手，我只有一直向前走，不向後望，到我離開課室時，我偷偷地望下佢，而經哭了出來，再望下其它家長們，大家同樣地想哭，一路回家強忍淚水．．．我明白這是每一個小孩必經的階段，我只係擔心小女在學校唔聽話，又怕俾人蝦，俾人打等等．所以話小時怕佢多病，大時又要擔心返學的問題，一個在職的媽咪，真的不易做！！！

Rank: 1


	9

2^#

發表於 04-8-31 12:49 |只看該作者

Re: 返K1後的感想！

Hi,

不用擔心, 小朋友必經階段, 如果想小朋友快的獨立忍心都要, 我仔仔都係,要搭校車,成個幾鐘,我都好唔開心。

搭了2個星期習慣了, 好開心,日日都想返學。

:cry:

Rank: 5 Rank: 5


	2240

3^#

發表於 04-8-31 13:03 |只看該作者

Re: 返K1後的感想！

絕對同意 qqwong既講法, 見到阿仔喊, 自己都想喊埋一份, 個種感覺不知幾悽涼...

但見佢一日一日進步, 最後好開心咁同你講 "媽咪, 我返學啦, 你走啦!!!" 嘩, 個種感覺開心到不得了...

Rank: 3 Rank: 3


	118

4^#

發表於 04-8-31 13:09 |只看該作者

Re: 返K1後的感想！

我個仔曾經返過兩歲學前班一個月,當時佢亦沒有叫不想返學.但現在讀了K1之後,頭兩星期亦說想返學,喜歡返學.但這兩天則不肯.上學及大哭.不知是否與我上星期五交了退學信有關

Rank: 4


	743

5^#

發表於 04-8-31 17:20 |只看該作者

Re: 返K1後的感想！

今早接囡囡放學,係外面窗望入裡面,看見囡囡像剛剛哭完的樣子,還要由一位老師企在她隔離，當叫名時，她不其然哭了出來，還越哭越大聲，看在我眼內實在有點心痛．．而其它小朋友同樣地大大聲哭，接放學的家長想盡辦法怎樣令他們不再哭，經過今天的過程，我相信囡囡會慢慢適應學校生活及更加愛上返學！

:

Rank: 1


	22

6^#

發表於 04-8-31 18:33 |只看該作者

Re: 返K1後的感想！

其實比d信心給小朋友及老師便可，要狠心地走，交比專業既老師，小朋友初期會唔習慣，但慢慢佢會同你講校園生活，你便會覺得好正．佢地初期仲會成日講”唔返學呀！”．　但千祈唔好心軟或懷疑學校，可以的話便拍底小朋友的上學珍貴片短，等佢大D睇返好正．

Rank: 5 Rank: 5


	2098

7^#

發表於 04-8-31 21:02 |只看該作者

Re: 返K1後的感想！

果種心情真係好矛盾...

我仔已經返了兩日(一小時), 但他表現不太熱衷, 成日冇厘心機伏 0係檯面, 老師教唱歌唔出聲, 唔排隊去toilet 洗手,總之唔係好合作...

Matthew 仔快11歲. 向小五的階段出發啦 !!!...[img]

Rank: 5 Rank: 5


	1249

8^#

發表於 04-9-1 02:35 |只看該作者

Re: 返K1後的感想！

我個女完全融入學校,好開心,成個暑假已經日日問我番得學未,佢第一日放學後就同我講,聽日要帶tissue番學校俾同學仔抺眼淚.

Rank: 4


	800

9^#

發表於 04-9-1 10:20 |只看該作者

Re: 返K1後的感想！

仔仔開學頭2日有爸媽陪......今日開始要自立喇.......工人話仔仔好開心........仲分附工人姐姐送完佢上學後........去街市買"送食".......然後先再去接佢.......仔仔既表現比我地想像中叻仔.......好開心好欣慰.

Rank: 7 Rank: 7 Rank: 7


	12240

10^#

發表於 04-9-1 12:37 |只看該作者

Re: 返K1後的感想！

hi babyjerry 好耐冇係到見你喇, 你好嗎??

今日囡囡第一日返學, 自己一個入課室冇家長陪, 我同佢講話媽咪同daddy一陣間會接佢放學, 佢話:"哦.. 知道喇, 拜拜...." 跟住就直入課室, 平時佢一定會喊同扭計, 但今次佢真係好叻, 反而我有點眼紅........ 因為囡囡真係大個女喇, 好開心.

Rank: 1


	8

11^#

發表於 04-9-1 13:24 |只看該作者

Re: 返K1後的感想！

放心吧,小朋友初入學哭是很正常,因為他們離開屋企到陌生的地方會恐懼,同時媽咪又話要走,咁佢地就會好驚.
你可以同佢講話,媽咪佢買野渣,幾個鐘後會返黎接你,我諗咁樣會好D.
其實依個階段最要的就是時間,一至兩個月後佢熟悉環境同人後佢就會好鍾意返學,因為依家幼稚園採活動教學,好多野玩嫁~
同埋現在的老師都唔會體罰學生,你可以100%放心,我諗你囡囡日後都會好享受返學的樂趣.

Rank: 4


	743

12^#

發表於 04-9-1 18:08 |只看該作者

Re: 返K1後的感想！

今天我的囡囡又係大喊包,喊得大聲過其它小朋友,老師又話佢今天特別嗲,特別要老師經常陪住佢,囡囡先至安定D!老師一走開,就失控喇!不過,作為媽咪的我,今早的情緒比前天好得多,送佢入課室後,同囡囡講兩句,話我係學校門口等佢之類說話,再送埋Goodbye kiss,就唔理三七二十一,直衝出課室門外,頭也不向後望....我覺得除了要忍心外,還要控制自己情緒,所以我不再擔憂上學的事情,專心去工作!!!

Rank: 3 Rank: 3


	150

13^#

發表於 04-9-1 21:07 |只看該作者

Re: 返K1後的感想！

我囝囝今日第一日返學. 我唔可以同佢上學, 但本來我可以接佢放學, 可惜在公司給一些無良人士阻住我, 我遲左離開公司. 其實我已經連老細叫住我我都唔理, 話有要事, 要出去, 於是我不顧一切出去搭的士. on the way, 我老公打電話比我, 話已經放左學啦, 我即刻"盟"到喊左出黎. 個司機以為我有什麼大事...坦白講, 我覺得唔能夠同我囝囝返第一日學, 係我一生中其中一個遺憾...會唔會太誇張? 但係事實...

Rank: 4


	557

14^#

發表於 04-9-2 10:58 |只看該作者

Re: 返K1後的感想！

我女已經返了一年PN,但今天是第一日自己住媬母車上學去,雖然佢冇cry(係媬母車及學校裡),但唔知點解自己總是放心唔落,返到公司依然遊魂冇心機做o野!唉!其實女女已經長大,只是做母親o既我放唔低罷了,真係唔知要到何時才可以放開呢!??!

世上只有媽媽好,我就係一個好媽媽啊 :)

Rank: 3 Rank: 3


	273

15^#

發表於 04-9-2 12:15 |只看該作者

Re: 返K1後的感想！

Mrs. Fong,

我都係在職媽媽, 我好同意你所講的"我覺得唔能夠同我囝囝返第一日學, 係我一生中其中一個遺憾". 因為這是自己個囝的人生另一階段開始, 係第一天我係應該要陪住佢的! 所以為免自己後悔及錯過這個机會, 就算驚老細唔鐘意, 都的起心肝請假陪佢!

Rank: 4


	634

16^#

發表於 04-9-2 15:59 |只看該作者

Re: 返K1後的感想！

我仔仔昨天才一歲,我會記住不會錯過這珍貴一刻.

Ho Lam's Homepage 2005年度我最喜愛video-1-層層叠

Rank: 4


	743

17^#

發表於 04-9-3 07:32 |只看該作者

Re: 返K1後的感想！

我個囡囡返左第四日學,送佢返課室時,還高聲大哭,到我接囡囡放學時,意外地竟然沒有哭,老師還誠讚佢叻叻,又説這2小時內很合作,主動找玩具玩,食早點時再沒有哭,話佢進步左!雖然聽落係好消息,但囡囡比較情緒化,話唔定今天又打回原形呢!其實,我都係在職媽咪,我囡囡開學咁大日子,我就將上半年唔放的大假一次過放一個星期,我亦知道老闆唔多鐘意,但都沒有辦法,我又唔信他的仔女初初開學時,沒有比我們那麼緊張呢!!

Rank: 2


	62

18^#

發表於 04-9-4 22:55 |只看該作者

Re: 返K1後的感想！

我女女都係未適應,喊到緊緊抱著我,那種心情相信各位媽咪都領會到,但我知這是必經的皆段,忍心D la!
唯願寶寶快樂成長

Rank: 4


	743

19^#

發表於 04-9-5 09:00 |只看該作者

Re: 返K1後的感想！

對呀!囡囡每早對我說:媽咪不要返工,留下來陪我!每早都會重覆說幾次,心情難免百感交集!好想陪囡囡多一陣,但是這樣做會越來越不捨得她!所以每次送返課室後,向囡囡說兩句,頭也不回便離開! :cry:

Rank: 3 Rank: 3


	298

20^#

發表於 04-9-5 11:11 |只看該作者

Re: 返K1後的感想！

囡囡第一天上學, 學校不許家長陪同, 因為開學前一星期己有實習週. 頭兩天, 我和先生都請了半天假陪佢上學, 拍照和拍video. 第三天, 佢就開始自己搭保母車, 囡囡好叻, 亦很期待6號校車的來臨. 所以她都沒有哭, 上車後更和我們say goodbye. 我也留意到, 校車上沒有一個小孩有淚光, 個個情緒都很隱定. 他們很利害啊! 到正式開學的一天, 我和先生如常送她搭保母車, 她也很開心地上學去. 過程尚算順利.

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢