我女學競技體操好多年了, 之前跟私人中心學, 後來一黎功課忙, 2黎貴(因為高班要上1.5HR), 所以QUIT左 (又有D覺得次次比賽都唔係咩得獎人物好似....交左咁多年學費有D為咩咁)
之後斷左約1,2年, 有次見到朋友個女跳舞, 動作好生硬, 然後我女又無厘頭入左學校舞蹈隊, 突然醒覺原來一直以黎學既野無白費, 雖然我女未至於係體操冠軍級人馬, 但唔覺唔覺肢體動作會靚左, 於是又開始去搵班
咁岩朋友個老公原來係教彈網, 佢都話會同體操有D唔同, 但基本功都有關, 問我有無興趣, 於是又開始左彈網, 1星期一次, 學左咁耐, 學左坐彈, 分腿, 半轉果D, PAR彈, 最近學半轉PAR同背彈, 下一關就係空翻, 去過2次大型比賽, 第一次慘敗幾乎全組第尾, 第2次大躍進, 50幾人排20, 我女已經好開心(無辦法有D真係好勁, 空晒翻咁我女拎唔到難度分), 亦對自己要求高左知道努力可以有進步
前排見到體操總會, 時間係逢1,3,5 8-10PM, 真係幾得人驚架, 不過好近屋企唸住即管試下, 1星期跳4次, 進步一定快過1星期1次, 而且$220/10堂, 真係頂唔順咪唔再去LOR
我見個個小朋友都係拎埋功課去, 未到自己就返觀眾席做功課, 細個阿媽教大個自己做, 都OK WOR, 我而家都係本住"去到就去太忙就唔去"既精神, 盡量去啦, 而家個女開始大, 學野想FOCUS D唔再樣樣試了, 難得又平又近又教得OK, 辛苦D LOR........... |