好唔開心，以後既路好難行 - 自閉寶寶 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 自閉寶寶 › 好唔開心，以後既路好難行

發新帖

查看: 27218\|回覆: 37	go 好唔開心，以後既路好難行 [複製鏈接]

Rank: 4


	888

1^#

發表於 14-10-5 00:51 |只看該作者 |倒序瀏覽 |打印

仔仔1歲7個月大，唔識聽人講野，唔識用手指指野，叫佢名冇乜反應，歲半俾健康院既醫生提醒話唔排除佢有自閉症且學習困難。排緊CAC但姑娘話可能要1年，諗住幾個月後2歲先帶佢去私人機構做評估。仔仔個樣好可愛，我從來都冇諗過佢會同呢個病扯上關係，一諗到我地以後既難苦而漫長既日子，一諗到萬一我地百年歸老仔仔唔知點算好，一諗到佢將來可能要受盡歧視，個心就好酸好酸，我願意用我的生命來換取佢一生既健康快樂。

Rank: 3 Rank: 3


	112

2^#

發表於 14-10-5 08:22 |只看該作者

本帖最後由 stone9876 於 14-10-5 08:23 編輯

回覆 DearBabie 的帖子

樓主..我的BB情況同你差唔多,.
18個月大.

而家係懷疑中,

真的..做為爸爸..真的心痛,也願意用一切換取BB的健康快樂.

大家一起加油

Rank: 4


	888

3^#

發表於 14-10-5 08:46 |只看該作者

回覆 stone9876 的帖子

嗯，我地一齊加油呀!咁你而家諗住為你B B 做D 訓練或其他嗎?我想幫佢報讀出年既n 班等佢多d 同其他小朋友接觸但恐怕佢而家連認知都無，人地唔收佢。

Rank: 6 Rank: 6


	7004

4^#

發表於 14-10-5 09:30 |只看該作者

報D村校、少人爭的幼兒園，我仔IN得唔好，都有4間收，當中包括民生，希望在人間。

Rank: 3 Rank: 3


	112

5^#

發表於 14-10-5 12:00 |只看該作者

回覆 DearBabie 的帖子

而家等緊健康院1.5歲既檢查,
協康冇人聽,自閉評估要2歲UP 不過安排緊個幼兒評估..0歲都得.

Apply左但未有回覆...始終才發覺一個星期,呢個星期又多假期

而家SEARCH緊D 1.5歲既私人評估....

亦有人SUGGEST感統...

Rank: 5 Rank: 5


	1326

6^#

發表於 14-10-5 17:14 |只看該作者

引用：回覆+DearBabie+的帖子而家等緊健康院1.5

原帖由 stone9876 於 14-10-05 發表
回覆 DearBabie 的帖子

而家等緊健康院1.5歲既檢查,

多d同佢去公園玩呀，打千秋，滑梯，轉轉，因為感統都係做呢d。又可以多d機會見下接觸其他小朋友。

Rank: 3 Rank: 3


	102

7^#

發表於 14-10-5 22:17 |只看該作者

回覆：DearBabie 的帖子

我兒歲半都懷疑有問題，但總說不出係乜問題，只以為男孩比較慢，之後嵗九个月知吾对路，看看資料跟自閉症非常相似，唉！！我跟你想法一樣，如此可愛的小孩，為甚麼？為甚麼上天要選中我……半个月時間先做好自己的心理問題，二个月找資料,找專業課程，做好長期作戰的準備，煩，非常煩人，都吾想得咁多，吾想得咁長遠，因現在幫得他的只有父母,當自己努力过後，小孩的一点突破，只是一小点，都令自己非常快樂，驚喜，這些是我的推動力，我太太跟我說，你对他都無信心，咁他更加做不到，明天的事都會有變數，想他長大後咁長遠做乜？最重要嘅係每个人都有他自己的才能的，只係有冇給發現。現在兒子二歲了，可以話乜都末識，好像个長不大的BB，不过他帶給我們一家非常开心快樂，你要努力加油呀！！！！

Rank: 3 Rank: 3


	195

8^#

發表於 14-10-5 23:18 |只看該作者

回覆：好唔開心，以後既路好難行

我都经历过呢个阶段，一開始真係以淚洗面，不過喊完都要收拾心情，該做咩就做咩，有時唔到你林太遠嘎。三月去CAC排隊，然後排語言訓練，然後穩私人评估，6月評估，七月拿住報告去社署排隊，然後排到語言開始上課，9月通知排到一個小組訓練，感到現在雖然同同齡的比當然無得比但係同自己比都有少少進步。樂觀d，吾开心系要发泄，但系发泄完就收拾心情再上路啦。

Rank: 5 Rank: 5


	1887

9^#

發表於 14-10-5 23:45 |只看該作者

唔好唔開心啦，在忙亂的訓練與生活中，會忙到無咁唔開心的。留返D力量來應付生活。

另，試下生物治療，我女兩歲被評為自傾，言語 delay 九個月，搞左一年，三歲開始生物治療，做左三年，今年入小一。最近一次在政府醫院做評估，智力及溝通力(韋氏智力測試)去返中間範圍的中間位，叫做追返大份的了。而且學習、溝通及自制力與一般小朋友無異，只是言語表達弱過同年紀的小朋友，係講野無咁叻囉，但俾時間佢幫一幫，我深信唔影響佢第日搵食及照顧自已，我都有信心佢第日有能力可以照顧返我。

上周剛去了小學的家長會，班主任話，我女比想像中情況好好多，基本上唔駛特別照顧，而且做事很細心，學習能力良好，但就是文字體、理解要轉個彎時，佢會較慢，這是理解力問題，也是她未來要努力追的地方。

Rank: 4


	888

10^#

發表於 14-10-6 06:51 |只看該作者

多謝咁多位既打氣,我諗我都要收拾好心情去面對。大家一齊努力呀! 睇到好多post大多數人小朋友既診斷都係發長緩慢+自閉症傾向,情況唔算太嚴重。我而家最擔心既係我仔仔會係中度自閉症或更嚴重。因為佢而家都已經一歲7個幾月聽到拜拜都仲未識揮手，無認知無任何語言，唔識聽任何指令，唔似係自傾或輕微自閉。

Rank: 3 Rank: 3


	147

11^#

發表於 14-10-6 10:53 |只看該作者

引用：仔仔1歲7個月大，唔識聽人講野，唔識用手指

原帖由 DearBabie 於 14-10-05 發表
仔仔1歲7個月大，唔識聽人講野，唔識用手指指野，叫佢名冇乜反應，歲半俾健康院既醫生提醒話唔排除佢有自閉 ...

You are not alone. The parents in this group have the similar case as yours and even worse. Add oil! Your support to yr child is the most important. you can be upset now but you hv more to.do for yr child and u will forget the sadness. You will be v happy when u see there is any improvement from yr child! Let's add oil together!


	34

12^#

發表於 14-10-6 17:08 |只看該作者

提示: 作者被禁止或刪除內容自動屏蔽

Rank: 3 Rank: 3


	195

13^#

發表於 14-10-7 00:44 |只看該作者

回覆：free_style 的帖子

生物治療係米就係指排毒？沙田那位Dr Feng？

Rank: 5 Rank: 5


	1887

14^#

發表於 14-10-8 22:30 |只看該作者

Tracymom 發表於 14-10-7 00:44
生物治療係米就係指排毒？沙田那位Dr Feng？

生物治療 = [ 戒口(唔食致敏的食物+戒蛋、奶及小麥) + 食營養補充劑 ]
排毒可以是其中之一，但唔係全部，亦可以唔做住。

我的情況係，第一年先戒口+食營養補充劑。後見效果很好，便做埋排毒，都只是驗一次尿及食多粒藥而己。

效果呢，第一年感覺眼神定左好多，說話及說話的意慾多了，但傾計時總是差D差D，講野一句起、兩句止，成日都唔可以傾到偈，無乜交流式的持續對話。排毒後好好多，之後有那種「有來有往」式的溝通了。感覺上，排毒後，佢對外界的反應度會高左。

Rank: 4


	888

15^#

發表於 14-10-26 02:27 |只看該作者

仔仔今個月就嚟一歲八個月大，已預約下個月做私人評估。由上個月開始連拜拜都唔係好識，到今個月見到佢聽指令方面有小小進步，聽到拜拜會fing手（但有時會fing頭）,聽到好嘢會拍手，仲有聽得明俾俾，喂媽咪食食，跳舞舞，撩鼻鼻，僅此而已，仲未識得分爸爸媽媽。佢好中意玩形狀配對，當配對啱左佢每次都會好開心咁望住我笑，但叫佢名時都係冇乜點望人。有時見到小朋友會行埋去人地面前望住人去咿吚呀呀或笑，有時又輕輕拍下人地，見到人地攞住玩具有時會行埋去摸下件玩具，但其他小朋友同佢爭玩具時佢冇咩反應。我都唔知咁樣叫唔叫主動同小朋友玩。

Rank: 2


	57

16^#

發表於 14-11-7 11:58 |只看該作者

引用：仔仔1歲7個月大，唔識聽人講野，唔識用手指

原帖由 DearBabie 於 14-10-05 發表
仔仔1歲7個月大，唔識聽人講野，唔識用手指指野，叫佢名冇乜反應，歲半俾健康院既醫生提醒話唔排除佢有自閉 ...

我bb 現今⑲個月，而家嘅情況同你bb 一樣。唔講野
、唔識聽指令、叫名無反應﹑唔會指野、擰頭或自轉。
佢bb 嘅時候喺好正常咁發展。喺呢兩個月突然開始A 仔行為。正常或學咗嘅野慢慢咁失去。

我自己一開始懷疑嘅時候已經好down, 好擔心﹑ 好徬徨﹑傷心。。
曾經有諗住同bb 一齊死，因為我真喺諗都無諗過佢咁健康可愛突然同自閉或智障拉上關連。。。好心痛。
之後慢慢咁接受又驚我自己有咩3長兩短無人照顧bb. 日日以眼淚洗面。。。不過，同自己講，我自己做mami 嘅都放棄佢，咁bb 好可憐。因為佢表達唔到佢都唔想。。所以我慢慢要自己堅強再堅強。。。
而家我地等近排期做評估同治療。。。大家一齊加油，做父母嘅一定要用一切力量幫助同愛自己嘅仔女。。努力!

Rank: 5 Rank: 5


	2571

17^#

發表於 14-11-7 12:26 |只看該作者

回覆楽家豆豆的帖子

如果飲緊牛奶，戒左先。

Rank: 7 Rank: 7 Rank: 7


	10937

18^#

發表於 14-11-7 13:32 |只看該作者

回覆楽家豆豆的帖子

想問下係咪打左18個月大支針,先開始發覺有問題

Rank: 7 Rank: 7 Rank: 7


	10937

19^#

發表於 14-11-7 13:35 |只看該作者

回覆楽家豆豆的帖子

唔係死,自殺係罪,下世咪又係自己受番
我都行左7年....

Rank: 2


	57

20^#

發表於 14-11-7 14:13 |只看該作者

引用：回覆+楽家豆豆+的帖子如果飲緊牛奶，戒左

原帖由 misshk12 於 14-11-07 發表
回覆楽家豆豆的帖子

如果飲緊牛奶，戒左先。

我b 仔其實⑪個月就自己介奶同奶樽。。之後無飲奶粉轉牛奶。但唔喺好飲。大約1日先飲200ml 咁上下，而家開始比早餐豆奶，淨喺晚睡前100~150ml 牛奶。。好驚佢唔夠鈣。。因為真喺還細個。。。點好？

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢