阿仔讀緊傳統名津校三年班。考試大約班十五名。每日功課大約一個至個半鐘做完。每日上一個興趣班，做哂功課溫埋默書九點瞓。當然放學後的時間都幾緊張，每件事都要好趕咁完成。因我地打算送佢去外國（英國或美國）讀大學，又唔想中三咁早送佢去boarding, 而且我們比較欣賞國際學校的教法，所以最近幫佢報了國際學校。面試後剛收到國際學校offer下年暑假後入學。我們十分喜歡間國際學校，雖然不是最出名的國際學校，但校風好，老師有愛心，唯一中文程度會比依家低。
但阿仔自己不太想轉，因為佢不覺得依家好辛苦，也不想和同學分開。不過阿仔不抗拒讀完小學先轉，當然到時要再申請過，而且唔知有冇位。我地仲有個細仔將會跟哥哥入同一間小學。如果哥哥轉也會跟著轉。我地負擔到兩個仔讀國際，也不算吃力。
阿仔算聽話，如果我地盡量說服，佢應該會聽。請問大家我地應該盡量說服阿仔下年轉嗎，還是比佢讀完小學先轉國際？謝謝！ | 
發表於 18-11-14 14:50
