- 在線時間
- 0 小時
- 最後登錄
- 24-5-3
- 國民生產力
- 0
- 附加生產力
- 10
- 貢獻生產力
- 0
- 註冊時間
- 24-5-3
- 閱讀權限
- 10
- 帖子
- 1
- 主題
- 1
- 精華
- 0
- 積分
- 11
- UID
- 3487275
|
本帖最後由 金安之 於 24-5-3 23:50 編輯
親友不幸地曾經喺創x學堂做過一段日子，果排見佢翻工真係好～好～好大壓力，話每日都拖住個軀殼翻工，冇靈魂，見佢壓力大到夜晚食飽飯都仲暴飲暴食最乞人憎系淘大個ee，聽講呢條友系事頭婆個阿媽，成日糟質班老師，仲話人哋樣衰，今日講做a系啱做b系錯嘅，聽日（真係隔一日咁大把）就話做a系錯，做b先啱，到後日，呵！做c先啱呀！ab都錯！系咪痴線吖你話？！着名牌就狗眼看人低，對家長就最nice，人後對學生就呼呼喝喝，特別系冇交/遲交學費嘅學生，態度好差，聽講連老闆阿媽都比佢背後話過，遮遮掩掩咁呻左兩句話唔洗做好識嘆，親友同事都幸不得佢都學下親家，折埋早唞唔好出嚟現世眼！
仲有小西灣果個都好難頂咁話，有次個老師遲左少少打卡收工，因為上完堂得10分鐘左右做清潔，要執好擺好啲用具、抹枱、急急腳跑去商場厠所洗筆洗碟，如果不幸地學生整污糟地板仲要拖埋，10分鐘一個人做，chur成點可以想像得到🙈，而佢（講過唔記得叫Mandy定Wendy啦）要準時收工，個老師遲咗左少少打卡，佢就發曬脾氣咁鬧，仲要好大力咁掉野到對面牆，個老師見到咁嘅情況即刻走隔唔唞，講真你又要準時走但又唔幫手做嘢，仲要求老師必須清潔乾淨個場，唔系又發脾四，換轉系你都做唔嚟啦！仲有好多小事系咪都鬧，其他老師遇過嘅事，學生自己唔記得帶嘢鬧老師，仲同家長講話系老師叫學生買過成盒顏色筆上堂。以上唔系單一事件，其他老師都遇過類似大力掉嘢事件、大力冚門事件！搞到個個老師都唔想去果度上堂
上堂一個鐘又好、一個幾鐘又好，唔洗旨意個學生學到幾多嘢，幼稚園果啲8、9成老師畫的，親友都冇辦法，果堂做唔完會俾人鬧，咁多個學生，咁短時間，叫個三四歲小朋友自己揸筆畫畫，佢識揸都算好啦，仲要畫咪玩啦！小學果啲畫嚟畫去都系差唔多咁嘅嘢，中學生畫果啲就真系好幼稚（我都學過藝術所以知，不過唔系做呢行🤣）每堂都限制學生做夠幾多嘢，學生用多少少時間諗下點畫都唔得，其實咁樣好扼殺學生創意，好難享受畫畫樂趣，冇左樂趣咪冇動力去畫囉，有時學生想畫啲野都唔得，因為課題內容冇呢樣嘢，就例如啦，要畫有窗嘅建築，但學生想畫交通工具，唔得🤷🏻♀️，老師俾佢畫就要比人鬧，唔俾佢畫就良心過唔去，睇老師點取捨啦，反正後來親友完左約就急不及待炒左刻薄老細魷魚，點解刻薄？人工低過鬼咁，辭職要比三/四個月通知期，唔系就賠一個月人工，做pt果啲都系咁長通知期，佢哋仲要每個月去寫字樓開會，開幾耐唔知啦，座底一個鐘，冇人工，美其名義話系教你做嘢所以冇人工🤣剛出嚟做嘢入世未深嘅咪傻左囉。
聽講好似仲試過有個學生自己唔見咗盒顏色筆，邊間分校唔知啦，親友聽舊同事講，公司居然叫個老師賠，幾舊水一盒，老師梗係企硬唔賠啦，後尾出糧話個老師某一日打卡遲到兩三分鐘扣左成千蚊勤工🤷🏻♀️呢個老師後尾都冇再做啦
入去做嘅諗清諗楚，入去學畫畫嘅，睇你想點，如果淨係單純想擺低個仔女比人睇住嘅…又有米嘅就隨便；如果想話博個獎攞下，圍威喂嘅嘢你知啦，隨便；真系想畫畫嘅、陶冶性情嘅，出面大把選擇
|
|
發表於 24-5-3 22:19
