- 在線時間
- 10 小時
- 最後登錄
- 15-11-24
- 國民生產力
- 12
- 附加生產力
- 10
- 貢獻生產力
- 0
- 註冊時間
- 03-8-22
- 閱讀權限
- 10
- 帖子
- 22
- 主題
- 7
- 精華
- 0
- 積分
- 44
- UID
- 13334
|
筲箕灣丁毓珠幼兒園,請聽聽我經歷
hello,各位家長,,我想講講關於"筲箕灣丁毓珠幼兒園"因我最近真係好忙、好煩;一來我公司最近工作量好多,每晚最早都收8:00pm,二來我爸媽上星期開始要去歐洲旅行12日,我煩緊搵人湊我囡囡,因我囡囡一直都係由我爸媽湊開;最後我用左好多時間左問右問先搵到筲箕灣"丁毓珠幼兒園"可以做全日暫託,仲可以延長到8:00pm,因我囡囡只得2歲4個月,9月先正式讀幼兒園,而我囡囡亦係一個好鍾意同小朋友相處又唔多怕羞o既bb,亦好多時連屋企人都唔痴跟其他人去左玩都唔搵我地,咁我打算可以比佢習慣下學校生活,而又可以解決照顧佢o既問題,所以就申請左由15/5/06至23/5/06止暫託;之前丁毓珠幼兒園o既老師都提議過我叫我開頭幾日先半日比囡囡適應,咁我本打算11,12/5我好免強可請2日半日假比囡囡試返,但佢地又話冇位,咁我都冇辦法啦,硬住由第一日就比佢返全日....不過惡夢開始,估唔到囡囡第一日已經扭計,咁都正常,我下午打電話去問情況時,n1個老師叫我最好而家搵人帶走佢,咁我咪即刻叫我老公2:00到去湊佢(事實上我老公最近工作比我仲忙),但我老公話去到見到囡囡時冇扭計o係到玩;第2日我帶返學,n1個老師又叫我今日早d湊佢,我話我最早都要6:00pm,但一到下午我打電話一問,佢地又話佢成日喊,叫我即刻搵人帶走佢,我冇計只好揾我弟弟湊佢,但當日我弟弟話湊佢時又冇扭計wor~~,我每日將囡囡o既情況同我d同事傾,成6個做媽咪o既同事仔女都讀緊不同年級幼稚園,佢地都好大反應話呢間幼稚園d老師好有問題,佢地唔單止唔識去照顧一個初讀書o既bb,2來佢地話只有老師去安慰家長,唔係比壓力家長成日話"妳bb扭計,快d湊佢走";攪到我日日返工都冇心機又擔心,由第3日我忍心唔打電話問情況,但我朝朝帶返學時都叫我下午好快d湊佢走,結果都係由我老公日日偷時間下午帶佢走,等我放工唔OT趕返屋企接手,(我老闆已經好唔願意但又冇計)我老公再返工做到半夜3更先放工。如是者到19/5,我帶返學時N1個老師問我係唔係哥日係last day,我話仲要返到22,23/5,佢竟然即黑面唔出聲,我當時真係  想喊出o黎,加上好黑仔,同時間我爸媽打電話比我話佢地o係羅馬比人偷左passport,而家留左佢地2個唔識英文o既老人家o係哥度,等我地o係hk幫佢地攪返証件先可以返o黎,起碼要濟留幾日,我又勁擔心佢兩老,佢兩老忡同我講嚇到佢地鬼咁怕;  結果,我決定由當日起我唔比囡囡再返幼兒園,星期六我帶囡囡跟我返工,我老闆都體諒我,但我跟緊o既job唔可以唔返去做;而今日我一早去幼兒園攞返囡囡d野,同佢地講囡囡唔再返,個主任仲好意思問我係唔係囡囡唔習慣,我好客氣但好有骨咁話我係比你地全日託管,但你地就日日叫我半日就湊走佢,咁我為乜要比全日學費?你地係professional,所謂o既專業認可資格,年年都要面對由n1至k3o既學生,我相信一定有一班小朋友實喊同扭計,你地係全日制學校,唔通d小朋友一喊就要家長帶走咩?一個初返學o既小朋友多數實喊同扭計ka la!但而家連(一個)咁都攪唔掂,朝朝我囡囡一見到個老師都唔肯跟,我好懷疑你地o係呢段時間係點對待我囡囡,仲攪到我囡囡而家對返學有恐懼,星期五又發埋燒....咁個主任即時好不知所話妳囡囡一扭計時真係好嘈,咁我話你地係老師,呢d情況我唔信o係學校係唔會發生,唔日日相信都經常會有發生,我交得比你地就要用你地o既專業去攪掂,係你地o既工作同責任,唔係小朋友一喊,一扭計就要揾家長去解決,我唔sure我囡囡好乖,但相信比起來一定唔會係最惡攪,我身邊有好多親朋好友、同事o既仔女比我囡囡更應人、扭計、惡霸,好多都返全日幼稚園,但其他幼稚園都可以好快攪掂佢地,仲係一返就全日制,我搵得你地全日託管,你地比得個service我,就係因個家庭父母要全日工作需要,如果唔係我地都可以請大假自己湊唔使求你地啦!結果個主任都冇野講話我比晒7日錢唔好意思,我就話我成個星期都返半日啦,都係比全日錢,仲要兩公婆冒住被抄o既危險去接手你地o既麻煩,呢小小錢咪由得佢law!我唔會再浪費時間同你地計數,總之我對你地呢間幼稚園好失望.......各位媽咪,我真係好黑仔 ,記住,以我今次o既遭遇,筲箕灣"丁毓珠幼兒園"你地若要報讀就要好好考慮呀!
#PS:屬個人意見,個人遭遇# |
|
發表於 06-5-23 02:45
,其實總括來講我只係針對佢地
