- 在線時間
- 1345 小時
- 最後登錄
- 24-1-30
- 國民生產力
- 383
- 附加生產力
- 8312
- 貢獻生產力
- 0
- 註冊時間
- 03-6-1
- 閱讀權限
- 10
- 帖子
- 10918
- 主題
- 106
- 精華
- 1
- 積分
- 19613
- UID
- 10928
|
首先你要了解香港有4種小學: 國際學校, 私校, 直資 同埋津校。
先唔好講國際學校。咁就講一講其餘三種既分別你知。
私立&直資(兩種都要比學費) - 你可以不分區域,考幾多間都得。大約係你小朋友升k3果年既暑假就要開始留意簡介會同報名日期。因此,有好些家長認為名幼稚園出黎考呢兩種小學比較有利。而結果通常會係自行分配結果的時間同時公佈。
但要注意,直資小學收左你, 而你又接受佢地個學位, 你就冇得參加政府既大抽獎, 抽津校啦!私小有d都會有咁既情況, 因此你決定接受個學位之前要問清楚。如果可以照抽, 你就交留位費hold起個位先都得, touchwood抽得唔好都可以讀返佢地。
津校: 大約9月/10月就會有一個叫自行分配辦法要你填, 只可申請一間津校。呢個係一個計分辦法,例如: 首名子女+5分, 同一宗教+5分, 父或母係舊生又有分, 詳情可以睇教育局個網。如果選出名既津校, 真係有20分都未必一定入! 但係你見自己少分, 你都要試下, 為日後派得唔好要叩門天舖路。
如果自行失敗, 到1月就要交統一派位意願, 睇你個屋企網(唔係幼稚園網呀!)你鐘意按照自己既喜愛度填哂成個乙部申請都得。 仲有個甲部係誇網, 有三個志願比你填, 不過中獎機會微乎其微。派位結果會係6月公佈。
仲有一點要留意, 小學個校網會影響中學派位, 除非住宅個網有好多好正中學啦, 否則都要小心d!
希望以上資料幫到你。得閒上教育局個網, 睇下自己咩網, 有咩學校係心水, 係邊類型, 聽下口碑, 都會幫到你架!
[ 本文章最後由 silvia_ng 於 08-7-10 01:27 編輯 ] |
|