- 在線時間
- 15 小時
- 最後登錄
- 15-10-4
- 國民生產力
- 0
- 附加生產力
- 184
- 貢獻生產力
- 0
- 註冊時間
- 11-11-27
- 閱讀權限
- 10
- 帖子
- 24
- 主題
- 4
- 精華
- 0
- 積分
- 208
- UID
- 836402
 
|
本帖最後由 william9_2003 於 12-2-9 11:02 編輯
(以下篇文小弟已經修正過,增加返幾個重點)
好多家長都想教好英文,但好多時佢地唔掌握方法,技巧,唔夠英文程度,反而最終弄巧成拙,事倍功半,所以我寫以下意見係想同你地交流 教,講英文心得,改善一下問題所在,小弟A-Level UE攞A ,大學都修讀過英文系一 d語言學課程,曾經幫過會考生補習英文,明白香港學生問題所在 
1. 好d 家長教小朋友時除左讀音問題外(如 Z , buffet),佢地仲忽略左英文發音音調,英文生字除左有重音,輕聲外,英文句子仲會有音調,即句子入面音調仲有升或降 元素 ,呢點同廣東話好唔同,好多學生仲係用同一個音調講英文,講問句.例如"What's your name ?" , "Do you speak English ?" 等等.
2. 家長想教小朋友英文 or 用英文溝通除左可以預先參考口語書藉,DVD,西片外,仲可以參考教育局 教育電視英文科節目,學下佢地點用字,點講同埋速度,例如睇下初中,小六,小五. 西片果 d 用字深,速度快,香港唔多家長,小朋友會跟得到 
3.睇故事書,俾佢地選擇最有興趣既英文故事書,由淺入深,因為佢地有興趣先致會學好英文
4.睇報紙,除左睇英文報紙外,其實佢地仲應該睇埋明報 & 星島日報 教育版既 中,英文版新聞,咁先可以最好,最有效學到最多英文.
5.得閒睇下西片,英文電視劇,最好係有英文字幕,有 d同時有埋中,英文字幕就更加好,睇下英文新聞,聽下 BBC World (收音機AM 頻道 or 收費電視都有呢個台)
6.家長最好幫子女報讀英文話劇 or 朗誦,特別係報讀同埋演出優質話劇,可以從中大量提升子女英文運用溝通能力,從而大幅改善香港學生講英文/港式英文問題
我同姪仔都係用全中文廣東話溝通,因為我亦以精通中文而自豪,但我都有抽時間教佢英文,間唔中訓練佢用英文溝通能力 , 其中學英文都可以從中得到趣味性,從中鑽研下 文化和 歷史 ,例如
1. 英文Kindergarten 其實係德文,你地可以研究下呢個德文點解用kinder 而唔用 child or kid ? 眾數點解唔用 s ? 點解 garden 會變成 garten.而且英文又有 Tea, Kung Fu 等呢 d 外來字.
2. 睇西片(多數係美國片)點解佢地會發咁多 r 音,研究下原來以前古老英式英文所有 /r/ 都係要發, 只不過當英式英文更改時,美式英文因地理關係同忠於 '傳統' 所以無改,發音方面美式英文比英式英文更接近古老英文.而有d字美式英文發音同英式英文好唔同 .雖然香港學校係學英式英文,但西片,電視劇國際上多數用美式英文,家長可以從歷史,地理,文化係英文同子女分析呢方面分別
3.又例如有 d英式英文同美式英文用字不同 .如 Centre同 Center 等. 美國又有俚語,曾經有學生 問過我美國人d英文好似禮貌 d 如佢地 washroom,我地用 toilet 等,所以從英文中 學到佢地 d風土人情都極之過癮.
4. 又例如學英文一定要知道佢地當地文化,風土人情咁先學到好既英文,如果只係學埋 d表面功夫,表面意思咁就好失敗
舉個例, 英國人講野比較含蓄,婉轉,即係佢地講野既 Hidden rules .口裡講一個意思,但心裡實際上係指另外一個意思
例如分別獨立以呢幾句為例 " I almost agree " , " I'm sure it's my fault " ,"very interesting " ,"
" I only have a few comments" " ,你地千萬唔好照字面解,其實實際意思同句子意思係啱啱相反, 英國人講野既藝術係進可攻,退可守,即所謂既 under-statement ,呢點同美國人講野比較直接,率直性格好唔同 ,如果你連人地習慣都唔掌握,只係死讀書一定學唔到好既英文. .
想有大師級英文??? 就要去英國搵個英文家庭浸淫 同埋落 pub,即落酒吧特訓英文,咁你地就會知香港學生學既英文有幾咁垃圾 
希望我以上意見可以幫到各位家長,小朋友
(Sorry 我以上篇文打得太長)
|
|
發表於 12-2-6 19:14
,但如果學生英文程度唔夠就最好有英文字幕,習慣左就慢慢減少,最後到無.
