急需你地幫忙比意見 - 特殊教育

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 特殊教育 › 急需你地幫忙比意見

查看: 1249\|回覆: 12	go 急需你地幫忙比意見 [複製鏈接]

saiman1408

洋房

Rank: 2


	40

1^#

發表於 12-6-17 20:25 |只看該作者 |倒序瀏覽 |打印

小兒2歲半，剛評估完証實左有自閉傾向，言語障礙，要做言語治療，叫申請入讀自閉傾向果d幼稚園！
其實我想問，係咪真係轉去讀會好d!?如果唔轉既話，係咪就唔會有好轉？同埋，我平時係屋企可以做d咩黎幫佢？

2 0 0 0

返回頂部

Anpanmama

大宅

Rank: 5 Rank: 5

醒目開學勳章


	2041

2^#

發表於 12-6-18 02:29 |只看該作者

小兒2歲半，剛評估完証實左有自閉傾向，言

本帖最後由 Anpanmama 於 12-6-18 02:33 編輯

原帖由 saiman1408 於 12-06-17 發表
小兒2歲半，剛評估完証實左有自閉傾向，言語障礙，要做言語治療，叫申請入讀自閉傾向果d幼稚園！
其實我想 ...

唔清楚你所講嘅俾自閉傾向幼稚園係指S位(特殊中心，有齊言語治療師等三T服務)，定係I位(兼收幼稚園，普通幼稚園及課程但有一名特殊老師長註)。
如果評估咗而提議跟進，點解唔入？怕俾人標籤定怕效益唔大。
假如唔需要政府嘅服務支援，而你經濟能力可以的話，你當然可以選擇安排自費訓練同私人S位俾小朋友。但費用真係好貴好貴。
小朋友2歲半，樂觀啲講，最快排到政府服務都可能係一年至年半嘅事(講緊好彩趕得切2013年9月派到)，
響等候派到服務前，除咗一啲零星政府俾嘅訓練外，其實你都要自己安排一啲自費訓練如言語治療，社交訓練等。
也可以報讀一些私人S位，等小朋友適應上堂模式之餘，也跟進訓練。
你假如諗住只靠自己響屋企教；你必須對該訓練有相當嘅認識及專業，建議還是交俾專業導師吧!
唔係自己攪到唔拖唔水；又擔誤小朋友改善嘅黃金期，真係後悔莫及!

返回頂部

scholar

別墅

Rank: 4


	998

3^#

發表於 12-6-18 15:02 |只看該作者

如果已經讀緊幼兒園, 你自己可以衝量一下, 囝囝返學返成點.

好多幼稚園都有好老師, 但好老師又可能會走, 始終幼兒園老師流失率都好高. 所以冇話邊間好/不好. 不用因一個意見就太上心.

但如果未入學, 可以報讀有I位幼稚園, 因為一定有受過訓練的老師. 始終唔係間間幼稚園D老師都識跟進發展遲緩/有障礙的小朋友.而且如果真係排I位, 又可以排返同一幼稚園, 小朋友就不用轉校.

返回頂部

Olympian

男爵府

Rank: 6 Rank: 6


	5302

4^#

發表於 12-6-18 17:20 |只看該作者

平時係屋企你可以教佢多些詞彙，可以用食物或玩具做利誘，講左先有得食或玩。因為要有一定的詞彙數量才可以講到句子。(記得同佢講野時要face to face ，同佢同一eye level﹗)

其他的可以等到安排了訓練後，再由導師教你。

加油﹗

返回頂部

saiman1408

洋房

Rank: 2


	40

5^#

發表於 12-6-19 00:45 |只看該作者

回覆：急需你地幫忙比意見 ...

多謝大家比我既意見，對我黎講真係好實用。其實唔係話怕自己小朋友會被標籤，而係自己無從入手，一時之間唔知點樣去應付同處理。相比起其他小朋友，可能我小朋友已經算係好彩，但內心一直都放唔低擔憂，擔心佢日後既路，擔心佢情況會否變差。當然，我一定會盡自己所能去做！今日去搵左社工安排排兼收位，社工提議我先自行選擇幾間心儀既學校，分好次序然後佢就會幫我遞交。我望了一整日電腦，其實兼收位應該點樣去選擇才是適合？

返回頂部

saiman1408