tuen　ｍｕｎ　70 區的學校中, 有冇好介紹? [複製鏈接]

健朗媽咪 寫道:
咁你住藍地, 最近就係屯官, 再遠可以揀方王錦全,志豪,道教青松,莊啟程,再入d可以揀梁周順琴,羅陳楚思, 五邑等等......全部都係70區比較多人揀的小學

其中方王錦全,志豪,莊啓程同梁周順琴都係保良小學, 比較重視抄寫同背誦,聯繫中學有李兆忠同董玉娣,
屯門官小,活動教學(小一,二)之後用返傳統教學, 聯繫中學就有屯門官中&南屯門官中,
羅陳楚思都係活動教學, 聯繫中學就有仁濟二中(不過band2/3)

kit7266 寫道:
保良局梁周順琴(下午校)
上,下學期中, 英文默書各7次
中默(1段-2段)+詞語, 英默範圍 (5-10句)+生字各抄1次,
中文背默(詩)---每學期只有1至2篇,
英文默書全是讀默.
小一中文每課詞語約有5-7個, 每個抄3次,
個人認為抄寫同背誦不算多.

健朗媽咪 寫道:
[quote]
kit7266 寫道:
保良局梁周順琴(下午校)
上,下學期中, 英文默書各7次
中默(1段-2段)+詞語, 英默範圍 (5-10句)+生字各抄1次,
中文背默(詩)---每學期只有1至2篇,
英文默書全是讀默.
小一中文每課詞語約有5-7個, 每個抄3次,
個人認為抄寫同背誦不算多.

健朗媽咪 寫道:
幣在成績咁好,都只係收得咁少學生呢, 呢個係不爭的事實, 今年話會搬去黃金, 收生都係多番少少咋, 而家搬唔成住, 分分鐘07年又少番(07年小朋友都無今年咁多), 正明都唔係好得家長心, 我個仔讀果間幼稚園, 今年k3放塝, 好多家長都係話如果派位唔理想,而又叩門又唔成功先至會考慮梁周下午, 因為梁周下午大把位, 其實大家都知梁周下午成績好好, 但係點解都唔似其他熱門小學咁, 咁多人爭住報,要做後備再後備, 我諗最大原因係佢一來返下午, 下午校一向都無咁受家長歡迎(其他小學的下午都係一樣), 好多家長都覺得d時間無咁好用,想報間全日或上午校, 同埋成日都講搬, 但次次都唔成, 而家話唔搬住, 但唔知幾時政府又話點點,成日變, 又攪到d學生同家長空歡喜一場,係家長都想幫仔女揀間穩陣的學校, 都想學校有可見的未來, 但連校長都唔知幾時可以合拼新校, 家長唔擔心就假啦, 其實最衰都係政府, 成日一時一樣, 攪到d家長無晒信心, 如果唔係梁周下午校都應該好受歡迎,

ki33221100 寫道:

唔好咁m老定，因為最近定咗轉全日的計劃：留在現址直至2010年搬黃金轉全日，所以好多回流生返來，我個friend想同個囡申請插班生都好困難，現在仍未知結果。

因校舍問題而影響梁下的收生是不爭的事實，但始終有家長係重學校的教育質素多過校舍，所以在梁下最困難的時候仍然不離不捨，尤其是有大仔大囡在梁下的，因為了解學校而堅定不移地繼續選擇梁下。

健朗媽咪 寫道:
大家咁老定係因為, 屯門好多熱門小學都好高姿態, 講到明, 一律只收以該校為第一志願的學生(要加統一派位的小朋友), 但我在我間幼稚園不下一次聴到或收到梁周下午的傳單,話若以該校為第二志願, 入讀機會也很高,比人感覺好似無人去咁, 我個有朋友住湖景邨, 都係梁周下午畢業, 佢小朋友都係今年升小一, 佢都放棄20分, 用首名子女15分揀梁周上午,連校友都唔支持, 巳經有大仔大女係度讀,就梗係揀返佢啦, 唔通無分揀第二間咩!

ki33221100 寫道:
梁下的校長是一位很踏實的人，對辦教育好有心機，佢好謙虛務實、寬容大度，唔會介意第幾志願，並非因近兩年由於校舍問題而影響了收生才如此。

我的小朋友是插班生，所以我有比較，我之前個間够係非第一志願不可，因為個間第一志願都實在收唔哂，從冇為自己間學校宣傳過，因為唔憂收生，初初我入到仲好開心：又近屋企，返學唔使5分鐘，又有聯繫英中，又大把人爭住入都俾我入到，過兩年細果個跟住入咗，仲以為萬事大吉了。

點知間學校係「前人栽樹，後人乘涼」，因為有了過往的好成績，大家就可以躺在上面睡大覺了，全校由上至下就係一個「懶」字，先生對學生不負責任(不是全部，但不少，有d仲離譜到冇人信)，對學生的要求係：你唔好煩住我，上堂唔好提問題，坐定定等我教哂d書，放學一定要補習，成績唔好就俾面色你睇，入唔到精英班就慘變成被放棄的學生了，課程簡單死板，培養d死讀書既高分低B學生……等等等等，不勝枚舉。眼見間學校行緊下坡路，自己小朋友有能力卻身受其害，唔想小朋友被學校耽誤了，所以我現在兩個小朋友都轉咗校。