教育王國
標題: 仲未訣定揀"仁立"定係"仁記"好呀 [打印本頁]
作者: TAOTAOLEE 時間: 08-5-14 11:11 標題: 仲未訣定揀"仁立"定係"仁記"好呀
提示: 作者被禁止或刪除 內容自動屏蔽
作者: csy_ma 時間: 08-5-14 17:45
有關您這個問題，年多前有仁紀家長分享佢在抉擇之前既經驗，抄錄如下：
呢排仁立,仁纪好 hit 喎, 咁多 topic 講緊 
其實我係另一個 topic 都講過每間學校都係各自有自己的問題，好似谷小朋友咁, 睇完 heart & moon 嘅 topic 都知間間學校都係咁架啦，之前仁立 & 仁纪都收我個囡時, 我都問過好多人意見.
1) 仁立三年级 ~ 成績比較差，見家長時老師話我地幫唔到佢請佢自己揾人補多 d 習 (查實個男仔已經一至六都補習),
個 Mammy 同我講話你選仁立讀得叻就好，成績差就冇人理架啦, 佢話佢覺得 D 老師直頭暗示已經放棄咗佢！
2) 仁立六年级 ~ 2個都剛今年畢業, 2個都讀書好叻 brand 1 學生, 1個就話仁立 Ok 冇問題, 係果廁所污糟 d 唧 (佢話之前有家長寫去報紙投訴過, 但我唔 sure 呀)
另一個就話如果有细佬妹一定唔會比佢讀仁立，因為大家都好辛苦，喺四年級都想轉校，但冇轉到。
至於仁紀我問過三個都係今年升二年班, 可能佢地 3個都好叻, 考試都係全级 50名以內, 剩係話比我聽適應得好好，只係頭一兩個學期要習慣吓默書，測驗呢 d，之後就 OK。
其實我呢個幾月都好大壓カ，
Fm: ccpig06-10-22
http://forum.baby-kingdom.com/viewthread.php?tid=642161&extra=page%3D2&page=30
（舊的在前p30)
作者: csy_ma 時間: 08-5-14 17:49
Re: YLM is a good school
Hi,各位仁紀媽媽
讓我跟大家分享小女過去5年的學習生活情況 :-
我有兩位小朋友就讀於仁紀，大女是精英班學生，細女並不是。她們分別於3年級及現時5年級也有留校補課，而放學亦需坐40分當校車才回到家中。當然，小朋友間中也必定有呻tired的情況，但根據我的長期經驗與觀察，大部分時間，她們及一些同學們亦十分享受留校補課，而最重要的是她們領略到老師付出心血，師生目標一致 : 求學就是求進步-------各方面的進步。從而令她們保持有學習動機，小朋友的小學知識基礎好，到上中學時，便應相對容易如何解決學習上的困難了，不用太心亦啊。本人是在職媽媽，平日實在沒有什麼時間跟她們活動及溫習，但退一步想，平日可以讓她們學會獨立，學會時間管理，到Friday evening & Saturday ,則盡量安排課外活動舒展身心 : Piano, ballet dance and swimming etc….於星期日安排一些時間了解及指導她們不明白的功課後才外出一起吃喝現樂， 增加親子感情。
再講：有些小朋友的奮鬥心是要不斷地磨練出來的，不要怕她們遇上壓力，最緊要讓她們知道如何解決及面對困難。
我的幼女，資質較平庸，但她得到老師的關愛及鼓勵並不會比並他學業成績優良的同學少，而她獲得公職的機會如班長、風紀等職位和成績好的同學相差不大，學校這一些安排既可在令小朋友無論在自信心培養方面幫助不少，又可讓小朋友得到朋輩的認同，學業成績自然有進步，十分感謝仁紀老師對(相對)表現較低學生: 時加鼓勵。好了，我要開工了，有機會再寫吧﹗
以上是當年(06-10-25)另一位高年級家長TungMuiMa 的分享
摘自http://forum.baby-kingdom.com/viewthread.php?tid=642161&extra=page%3D2&page=33
(舊的在前)
作者: csy_ma 時間: 08-5-14 17:54
Re: YLM is a good school
看到Tung Mui Ma 的分享, 我也想發表一下我的感受。
我兒子p1&p2都是「出名」的學生, 也令老師們頭痛不已, 但我真的很感謝他的班主任及其他一些老師, 他們並不因他頑皮而"label"他, 反而發掘他的一些其他優點, 並讓他加以發揮, 在他出錯時除了懲罰外, 也耐心教導他改過; 有時我到學校接他, 班主任看見我也會與我討論教好他的方法, 現在他上了P3, 看見他真的改善了不少; 而現在的班主任也很好, 讓他有機會參與服務性岡位, 他的責任感增加了不少, 我很興幸到現時為止他能遇到不少好老師。
以上又係另一位高/低年級家長plee（因佢有三位小朋友）既分享，摘自http://forum.baby-kingdom.com/viewthread.php?tid=642161&extra=page%3D2&page=34
[ 本文章最後由 csy_ma 於 08-5-15 18:13 編輯 ]
作者: csy_ma 時間: 08-5-14 18:38
原文章由 TAOTAOLEE 於 08-5-14 11:11 發表 
亞仔9月要自行分配揀小學啦, 聽聞仁立好注重學生成績, 小朋友會讀得好辛苦, 成績會比較好D喎, 而仁紀就關注學生全面發展. 我老公成日都話想亞仔報仁立, 而我反而就想亞仔報仁紀, 因為唔想亞仔讀書太大壓力, 而且我係 ...
TAOTAOLEE：
既然您鋪個問題響仁紀討論區，似乎睇到您既傾向
揀校呢樣野，其實好睇家長想要咩，個小朋友又適合D咩。可謂人夾人緣。
我都識有囡囡既同學仔揀仁立，成績仲好叻添，似乎都讀得好開心。但我就從無考慮過俾自己小朋友讀仁立既可能性，在仁紀時小一適應都頗辛苦，當時都曾有轉校既考慮。您可以去兩邊既討論區都問吓，同睇吓。
究竟，讀書係唔係一定要有好多功課做，讀得好辛苦，先至有好成績呢？
近排聽到有位高年級家長分享，佢話仁紀以前響舊校時都好多功課做，佢個大囡做得好辛苦，到搬咗新校後，功課量先慢慢減少咗。佢個囡反而響功課減少後，成績不退反進，排名由百名左右攀升至級前列，最後入咗林護，成績仲相當唔錯添
這位家長分享時，十分多謝學校的老師（係超多教學外任務既李美珊主任），話李主任教咗佢大囡兩年，英文成績一路升。又多謝每次見到佢大囡都親切鼓勵既校長，令佢個囡有自強既信心同動力......
其實，每間學校都有其傾向同傳統，冇乜話絕對既好與壞，要睇小朋友既個性同際遇，還要看家長整體既培育計劃（我識果位響仁立讀得幾開心既小朋友，佢家長響小朋友幼稚園時，已安排多項學術及體藝既課外活動俾佢，等佢中英數各方面都可以快人一步學野）同傾向。今時今日，我諗家長冇可能會認為揀咗間成績好既學校，就一了百了吧？
作者: TAOTAOLEE 時間: 08-5-15 15:57
提示: 作者被禁止或刪除 內容自動屏蔽
作者: dudu19812002 時間: 08-7-9 00:08
HI~TAOTAOLEE &各媽咪 ：
睇完你地既文章，我都決定今年９月真係俾大女試下仁紀，其實間間學校都真係有好有唔好～不過，我就真係想個女讀書冇咁多壓力！因為依家佢幼稚園評估，都已經要做卷～佢溫習都已經會嗰晚訓唔到，訓到都發開口夢讀書！！唉．．真係好擔心佢小學會點架～而且，我喜歡親民既校長多ｄ，希望佢入仁紀既路會成功啦～～依家佢讀緊全完～
作者: TAOTAOLEE 時間: 08-7-10 21:05
提示: 作者被禁止或刪除 內容自動屏蔽
作者: 咩咩豬 時間: 08-7-12 10:08
原文章由 TAOTAOLEE 於 08-7-10 21:05 發表
HI dudu19812002,
我囝囝讀緊既幼稚園都係k3先有評估咋, 所以還未開始感受到果份壓力呀.
TAOTAOLEE,
我係咩咩豬,我囝囝K1至K3都有評估,上/下學期都有(叫評估週),而每本教材書完了也要做評估.
還有K3功課多好多,每個星期都要做週記(即要作文個隻).
作者: TAOTAOLEE 時間: 08-7-12 10:40
提示: 作者被禁止或刪除 內容自動屏蔽
作者: 軒靚媽媽 時間: 08-9-30 12:07
提示: 作者被禁止或刪除 內容自動屏蔽
作者: kswiss 時間: 08-9-30 13:11
提示: 作者被禁止或刪除 內容自動屏蔽
作者: 黃巴士 時間: 08-9-30 14:26
原帖由 軒靚媽媽 於 08-9-30 12:07 發表 
大家好 >>
我岩岩交咗表去'仁紀'.
但都幾失望,因交表嘅時候.個職員睇完我份表
就話機會微D，叫我２４／１１睇啦．
有就有，無就無 ！
唉．．．．．我仔仔得１５分 （首名子女）
係未好難入到 ？
好擔心～～～～～
...
我覺得佢只係"官腔"咁答你. 費時你期望太大, 只寄託灑佢地一間學校遮!!
撰多間幾間心儀學校啦!!!
唔洗咁擔心喎!!! 最緊要小朋友有實力!!!
黃巴士
作者: j2j2tracy 時間: 08-10-15 10:29 標題: 從新開始,從心出發
小孩的新開始，各位媽媽要繼續努力！
作者: 劉健明 時間: 09-9-9 23:06
我相信你要失望了...
仁紀谷學生成績的情況比仁立其實不遑多讓...
當你的小朋友讀到 3,5,6 年級時 , 你就知這間學校是否真的著重學生全面發展。那些全年課後補課，試後補課，暑假補課的次數和密度 , 足以令你明白在這間學校讀書的壓力。
作者: 黃巴士 時間: 09-9-9 23:24
原帖由 劉健明 於 09-9-9 23:06 發表
我相信你要失望了...
仁紀谷學生成績的情況比仁立其實不遑多讓...
當你的小朋友讀到 3,5,6 年級時 , 你就知這間學校是否真的著重學生全面發展。那些全年課後補課，試後補課，暑假補課的次數和密度 , 足以令你明白在這 ...
3年級好多補課嗎?? 只是一星期2天而言.
其他日子, 他都享受去玩校內的課外活動.
暑假補課有多少天呢, 多少HOURS?? 多於返學上堂時間嗎??
作者: kswiss 時間: 09-9-10 13:08
提示: 作者被禁止或刪除 內容自動屏蔽
作者: 劉健明 時間: 09-9-10 19:37
原帖由 kswiss 於 09-9-10 13:08 發表
點解我一點都感受不到仁紀有谷學生既?
對在職的爸媽來說,課後補課真好,有老師督促學生做卷,反正有些父母自己都會係坊間偏尋練習俾仔女做架啦!而家硬性規定佢地做,幫忙家長不少!
還有,你話谷成績,好老實說,係得既,就 ...
恕我愚昧 ,
如果不是要谷學生成績 ? 為何要有這麼多補課 ? 我同意囝囝要補課 , 但係唔係要補咁多個月 , 一星期要補兩次。 如果你有睇清楚張通告 , 其實 d 補課係補到考 TSA 前 , 根本補課係有目的。
照你所講：「係得o既 , 就唔洗谷都咁掂.唔得既,只會吃不消,會谷得起....」如果係咁 , 呢 D 沉重補課有意義嗎 ? 對子女有用嗎 ? 因為係得就得 , 係唔得就唔得...
既然明知唔掂o既谷來都冇用 , 為何大人們仍要勞役自己心愛的子女 , 於心何忍 ?
作為家長 , 放工後都會幫囝囝溫習 , 唔係將所有責任交俾學校就算 。不過 , 睇到咁細個O既小朋友係校內面對排山倒海O既操練 , 而回家後仍要讀書溫習做功課 , 我真係十分難過。
作者: 黃巴士 時間: 09-9-11 10:17
原帖由 劉健明 於 09-9-10 19:37 發表
恕我愚昧 ,
如果不是要谷學生成績 ? 為何要有這麼多補課 ? 我同意囝囝要補課 , 但係唔係要補咁多個月 , 一星期要補兩次。 如果你有睇清楚張通告 , 其實 d 補課係補到考 TSA 前 , 根本補課係有目的。
照你所講：「 ...
你是仁紀家長嗎??
作者: Himby 時間: 09-9-14 14:39
各住仁紀家長，妳地好! 想請教下妳地對學校的評價~
(1) 校風如何?
(2) 校長、老師對學生及家長的態度。
(3) 課程編排會否過深? 一般學生可以handle嗎?
(4) 學校是否著重課外活動?
謝謝!
作者: csy_ma 時間: 09-9-14 22:00
原帖由 劉健明 於 09-9-9 23:06 發表
我相信你要失望了...
仁紀谷學生成績的情況比仁立其實不遑多讓...
當你的小朋友讀到 3,5,6 年級時 , 你就知這間學校是否真的著重學生全面發展。那些全年課後補課，試後補課，暑假補課的次數和密度 , 足以令你明白在這 ...
據我所知，暑期補課僅限於非精英班（我以此告訴女兒留在精英班的好處），且在準備升中的五六年級。
我也不認為補課這措施很好，但更不認同您單就補課一項看問題，抹殺了仁紀老師為提升學生質素所作的各方面努力。
催谷？相信很多非精英班既高年級家長，為了子女有更佳的升學成績，亦同樣聘有補習等私下"催谷"手段。但沒有財力的學生又如何？
相信，仁立的教學資源，不會像仁紀般倒過來向非精英班傾斜，這可是出力多而收效較低的賠本買賣啊
作者: csy_ma 時間: 09-9-15 00:18
以下在仁紀另一欄目上，有三位仁紀生的家長Plee關於"催谷"的回應：
我大仔也讀P6，我也認識不少其他小學
生及家長；說真的，我不認為仁紀特別谷學生，功課和學習內容量也沒比其他大部份津校多。
我很認同讀書是培養學習興趣及求學精神，不是為了應付考試升學。我有些親友在英國讀小學，一星期只得一兩篇工作紙，沒有考試，卻有濃厚的閱讀及學習興趣。如果我有能力，也想讓小朋友到外國或讀國際學校。
但現實是我們在香港的津貼學校升學；我覺得是整個教育制度問題，我們以前是自己的成績自己受；但現在的升中
制度很有問題，考試成績好，還要看運氣(隨機No);自己級的派位banding數目不是看自己級的表現，是根據師兄姊的成績！在這個遊戲規則下，學校為自己學生爭取好一些的成績，多取一些band 1位，是無可厚非的。
對一位負責及有能力的家長來說，就算沒補課也一樣指導子女溫習，但無可否認仁紀的家長程度有些參差，對沒能力的家庭，補課相信是不少的幫助。
分享兩事件:我細女(現P2)的幼稚園同學被派往荃灣一以活動教學著名的小學，但在P1下學期開始時，被老師
暗示她跟不上希望她轉校(P1!)。另一朋友兒子在同區唸一同是出名活動型小學(P3)，考八十多分老師致電家長要他們加倍努力。但我次子(現P3)成績低下，老師從無給我們壓力，反而留意到他其他方面的優點。我也問過大仔，他沒覺補課很辛苦。
我三個小朋友給我的經驗是個別差異很不同，在同一階段大仔及細女1小時輕鬆完成的功課溫習，次子卻要3小時吃力完成，但我也欣賞他其他方面的才能。(我只分享自己小朋友的情況，無其他意思。)
我很明白六年級小朋友及家長的壓力，但相信這是全港性問題；我也希望他快些渡過這艱辛的一年，一起努力吧！
[ 本帖最後由 plee 於 09-9-13 01:57 編輯 ]
copy自：http://forum.edu-kingdom.com/viewthread.php?tid=1046021&extra=page%3D1
作者: csy_ma 時間: 09-9-15 00:36
原帖由 Himby 於 09-9-14 14:39 發表
各住仁紀家長，妳地好! 想請教下妳地對學校的評價~
(1) 校風如何?
(2) 校長、老師對學生及家長的態度。
(3) 課程編排會否過深? 一般學生可以handle嗎?
(4) 學校是否著重課外活動?
謝謝! ...
Himby：
假如您肯花多少少時間，睇吓此欄之前，或者問大圍學校環境等既topic，可能都會得到有關資料。而且，近來好似有不同角度既意見，咁可能令您睇得更立體：）
您睇完仲有問題才再提出好嗎？真係有好多位家長問過類似既問題，我地唔係錄音機，未必有時間不斷重覆播放^^
作者: Himby 時間: 09-9-17 14:35
csy_ma
謝謝妳的回應
我發問前已看了此topic前面的post，關於校風及課外活動方面好像很少提及，而且大部份是一年前的回應，想知道近期家長的feedback，所以才提問，唔好意思呀
原帖由 csy_ma 於 09-9-15 00:36 發表
Himby：
假如您肯花多少少時間，睇吓此欄之前，或者問大圍學校環境等既topic，可能都會得到有關資料。而且，近來好似有不同角度既意見，咁可能令您睇得更立體：）
您睇完仲有問題才再提出好嗎？真係有好多位家長問過類似既問題，我地 ...
作者: Himby 時間: 09-9-17 14:38
非常同意.......真正有heart學校才會花時間同資源幫學生補底
原帖由 csy_ma 於 09-9-14 22:00 發表
據我所知，暑期補課僅限於非精英班（我以此告訴女兒留在精英班的好處），且在準備升中的五六年級。
我也不認為補課這措施很好，但更不認同您單就補課一項看問題，抹殺了仁紀老師為提升學生質素所作的各方面努力。
催谷？相信很 ...
作者: csy_ma 時間: 09-9-17 20:27
原帖由 Himby 於 09-9-14 14:39 發表
各住仁紀家長，妳地好! 想請教下妳地對學校的評價~
(1) 校風如何?
(2) 校長、老師對學生及家長的態度。
(3) 課程編排會否過深? 一般學生可以handle嗎?
(4) 學校是否著重課外活動?
謝謝! ...
Himby：
既然您咁有誠意，我只好奉陪了。
校風：
呢個好似係仁紀既強項 。
對比起d名校，仁紀既好處係學生唔會太物質，亦唔流行對比牌子等等。
有對比，亦係人之常情，但傳承仁立舊校既傳統，仁紀學生和家長最看重既，仍然係成績。至於其他，如邊位捐錢捐得最多咁，似乎都唔係幾多人關心。
至於同區學校，仁紀既環境相對就純。點解，據我呢三年響學校既觀察，估計係以下原因：
1. 學生來源偏簡單：仁紀係區內受歡迎既學校，附近又有兩個大屋邨同兩個紀律部隊宿舍，經由同區抽籤入校既，頗有部分來自此兩個屋邨和兩宿舍。
來自此兩屋邨兩宿舍既小朋友，係家長接送同自行放學的主力。就三年接放學所見，屋邨中既全職媽咪較多，她們互相相識，交流育兒資料，亦頗緊張小朋友既學業，全副精神放在子女身上。所以唔好睇少佢地，級十名內的，來自這些全職媽咪既就比例不少 。
就算成績唔標青，這些小朋友都在家長（或者相熟家長）看管下，一般而言，放學讓其在學校對開的遊樂場玩一會，便得回家做功課，縱然係自行放學隊伍的，亦罕見有流連在外的學生。
這跟我們落樓梯到大窩口邨所見、林炳炎小學附近公園有頗多該校高年級學生乏看管流連不同。
作者: csy_ma 時間: 09-9-17 21:05
仁紀生源的另一個來源，是仁立下午校舊畢業生。舊仁立之所以成區內最受觀迎學校，就因為校風夠純，縱然身在字頭眾多既新區中，舊仁立學生當時多半直上林護，然後上大學。亦即是，這些生源的父母是平民階層晉升中產的實幹派。
這些家長多半為雙職父母，聘有外傭，但很緊張孩子。許多由外傭接送的小朋友，未踏出校門，便即致電父母，報告一天發生之事。有時走在他們身旁，還可以八到不少別班的事
。您可以睇吓在此欄經常出現既媽咪，都屬此類。
老實講，講家庭質素，仁紀學生可謂頗參差。我聽聞過唔只一位在校內公然講粗口既家長：一位在正常放學時間進校，等小朋友放課外活動時，借校務處的電話向電話那頭大肆問候的。該位家長的口頭禪，令校方一度限制家長於校內逗留的時間，不許接活動的家長提前於放學後進入校內。
另一位，則領學生於課餘活動後回家換衣服再返校換校服，得悉校服商已離開後，他用粗口招呼校工，有家長義工不憤，插口解釋，家長亦遭同樣對待。後來我倒看見該名粗口家長在某次家教會活動上，獲邀與校長同坐談天，後來發現，粗口家長開始粗口不再，亦有與其他人友善地談話，可見，仁紀的教育成效不只可見在學生身上，連家長也受改造
閒話似乎多了？想講的是：相對於學生家庭的質素，仁紀學生整體質素已有相當不錯的提升，最小，我未聽聞過有學生講粗言穢語（聽到了，我一定不放過借機教訓的機會)，除了有位已畢業的學生因生了濕疹、長滿瘡疥而受同學排擠外，未聞其他嚴重欺凌事件，那位學生同時亦受很多老師、家長和同學的關心，最後順利升讀band2頭的中學。
作者: csy_ma 時間: 09-9-17 22:09
好了，質素參差的家長，為什麼會出了質素ok的學生？這就是學校團隊的努力所凝造的校風所致。
據個人觀察，這校風的形成基於：
1 對小一生要求嚴格。
記得我囡初入學時，放學後每每需十至十多分鐘才放家長入內，囡囡說，不只一日花很多時間來學排隊。小息時，無論在課室或在操場上，都有高年級風紀看管他們的秩序，一年級的走廊上亦經常看到孫Sir捉著某學生訓話。跟她同幼稚園的別班同學，就因跟幾個小朋友在洗手間內玩和搗亂，被集體記缺點，至操行只得C+（但據小囡的最新消息，該位其實很有禮和乖巧的同學，升四年級後已成為了風紀 ）
2 老師亦莊亦諧，嚴格之餘亦親切。
常聽說囡囡班上的同學被老師改綽號，老師對需經常需要受特別關注的同學都有特別形容，有些很貼切 。亦有聽到囡囡說老師今天特別讚誰誰誰，通常她以新聞報告口吻告訴我的，那同學大抵少受讚揚，這可表明，老師懂得捉緊學生們每一個進步的機會，給予鼓勵。
3 班主任老師跟學生關係密切。
初小的班主任，午膳是跟自己班的學生一起吃的，所以他／她們對學生很快就深入了解。
4 校方亦調動學生組合，來調整教學策略。
基本上，小一升小二是直升的，班主任老師亦跟著上，讓需要時間適應新環境的初小學生有所習慣。但小調動還是有的。據我觀察，校方會根據個別學生性格和成績而予彈性調動。
例如升小二時，囡囡有位別班的幼稚園同學仔被調去她的一班，理由就是認為該生成績不錯，且頗有鬥心，期望他在較好同學的刺激下可更進一步。
今年，升小四的班級亦有大調動。我推測是去年3B班普遍較為活躍，成績亦有相當起落，因此拆散原有組合期待有新的化學作用。
校長曾透露，對於精英班，會傾向調派較嚴格的老師，而非精英班，則找教法較活的老師。不過，為公平起見，仁紀的老師不會固定教精英或非精英班。據很受歡迎的老師透露，如遇秩序不好的班級，她會多發習題紙給學生做，愈吵，愈要多做功課和習題。如遇較乖和肯聽書的班，她則會多說故事或者課外知識云云
作者: seven_cola 時間: 09-9-17 22:31
csy_ma,真係多謝你比到咁多資訊我地,仲要咁詳細添,令我更加了解學校
作者: csy_ma 時間: 09-9-17 22:58
有關校長、老師對學生及家長的態度。
簡而言之，想說家長跟校方溝通的機制：
由家教會主辦，每學年定期舉行（近兩年是兩次）與黃副校的茶聚。
該茶聚由家教會主席主持，上半部分為主席搜集家長意見和問題，下半部分黃副校才現身，並即場解答家長問題。
我曾把其中兩次的茶聚記錄放在bk這裡，好像在07年入學的新生欄裡，請參考，從中可看到校方跟家長的互動。
家長意見反映，除了通過茶聚外，還可以通過家教會，及接送時直接跟校長及各位老師了解。有一次，小一有某些班主任要求較嚴謹，家長在bk中反映了，碰巧我當時仍未卸任家教會，在有次回校幫忙作其他義工時，向校長和副校反映了有關事件，事情後來獲家長較滿意的發展，這個，亦在bk中顯示了事件的過程，請參考。
以上提及事件的參考網頁：
（http://forum.edu-kingdom.com/viewthread.php?tid=1014898&extra=page%3D2&page=3）
http://forum.edu-kingdom.com/viewthread.php?tid=1014898&extra=page%3D2&page=4
[ 本帖最後由 csy_ma 於 09-9-18 01:46 編輯 ]
作者: csy_ma 時間: 09-9-17 23:03
原帖由 seven_cola 於 09-9-17 22:31 發表
csy_ma,真係多謝你比到咁多資訊我地,仲要咁詳細添,令我更加了解學校
Seven_cola：
謝回應
請參考我下面鋪既連結，之前對小一媽咪講既野，可能對您地都有參考價值
另外，請參考有位仁立媽咪搵錯黎仁紀網，問how to study English？既欄目，因為我將學校某次既講座講義打咗上去，跟住黎做應對小朋友頗有幫助。
作者: csy_ma 時間: 09-9-17 23:18
對了，校風的形成漏講了一點：
仁紀供學生擔任的服務生職務很多，如：班長四位，圖書館管理員，各科科長，各行行長等，小四後還有風紀和服務生，仲係每學期換兩次（總測和試後換），有數得計，只要學生肯，每學年都有多次擔任職務既機會，引發學生自尊自重既德行。
還有，校方十分歡迎肯擔任義工的家長，像家教會符太搞的有機耕作示範田，之前每日都有家長在小息時值班，教小朋友淋水和栽種。放假前亦有家長義工於上課前，幫忙看管學生回校洗手的程序。
另外，除了符太免費教授有耕種植外，還有兩位已考獲證書、並在外有有關教學經驗的家長，免費開辦過課餘普通話課程。還有一位擅長做水晶小首飾的家長，免費開辦過家長穿珠班，凝聚全職家長既力量。
家長亦可參加故事媽媽等義工，更多地了解孩子的學校生活。
家校合作，也是形成良好校風的原因之一吧？所以，我也聽說過老師罰留堂，是要留至家長下班來接走，外傭姐姐不行的情況。
作者: csy_ma 時間: 09-9-18 00:52
忘了補充：
小一生一般在開學後一個月，有一次家長會，是由班主任老師及一位主任級老師直接到每一班，聽取家長意見和解答家長問題，細微至哪一位同學仔午飯吃得小，要請老師多檢查其飯盒，老師也會記下，以便幫助小一生盡快適應新生活。
這個家長會，一般在下午，奉勸各位雙職小一家長請假到會，這是為令各位放心而設的溝通渠道。
其他的常設溝通渠道包括：小一小二的親子旅行，讓小二小三小四生參與一次的親子日營（因為這三個年級沒有常設的家長會與家長溝通，因此特設一個親子日營），到小五，因為選校，老師與家長據聞有很多渠道溝通，不過我囡未到小五，不大清楚。
除手冊外，家長還可致電到校務處留言請有關老師覆電。以前也有對家長問詢表現得很不耐煩的老師，但似乎都消失了
。主任老師對無理家長的無理要求，也會保持禮貌去解釋
（有家長明知子弟白吃了半個月，到月中仍欠飯錢，仲聲大夾惡，對負責通知繳費的老師粗口相向
，真係聞所未聞，幾開眼界
），有時候想提點一下家長的不值效法行為（例如派校服的那幾天，校園內很多地點都散著包校服的膠袋），有時情願借助家教會的常委家長出面調停，盡量避免各執一詞。
好彩，據接送上下課所見，家長接送隊壯大咗，但D家長都好似好文明 ，我諗會愈來愈好吧？
作者: csy_ma 時間: 09-9-18 01:24
至於課程，據我所知，英文課本Longman Express是全港很多學校選用既英文課文（除咗部分名校，如男抜，瑪利諾則會讀高一級），聞說亦有部分學校採用較Longman淺些的課本。
Longman Express的好處是配套齊備，通常，我地測考之前係玩一次E-book，鬥快搶答當中的問題，就算溫咗。
我囡上小學前有聽床前故事既習慣，後來我懶咗，臨瞓前開課本隻CD佢聽，佢好多時都會背晒d課文，所以，雖然佢中英默唔係好得（八十上下，通常全級排名百五名上下），但英文都ok，都係輔助教材既功用。
至於深唔深，真係見人見智，答唔到您，只能跟普遍學校來對比？
中文：課文換了出版社，聞說是深了，我認為是有系統了。我囡既中文是弱項，小一默書試過剛及格，其他都……好過及格少少。這三年來，我們嘗試請她努力以八十分為目標（這是我們對她各科的指標），但不是有太多次做到。
不過，重要既係，佢中文雖然唔係好好，但係仍然不失興趣，有時作文都會寫到唔停得手。
數學：以前測考會多d轉彎題，但而家減少咗。轉彎題多見老師製造既工作紙上，我覺得，對比起某d以活動教學見稱既小學，仁紀既數可能係刻板咗少少，著重準確和打基礎，少咗以前傳說中既刁轉。
常識：比仁立淺，起碼較少課外時事題，聽講過仁立小一考題係要學生寫某司長名字（唔係特首），唔好話考小一生，可能會問起幾多大人。
不過，今年既小四常識好似要多學d英文生字，因為我囡上星期請咗三日假，暫時都未了解到最新詳情。
我囡資質唔算好，佢果班，好多小一已非常喜歡看字書如老鼠記者，互相交換讀物既風氣好盛，但佢只係捧一套四集既五十嵐優美子畫既漫畫集<紅髮安妮＞睇咗成年，外加幾本俾幼稚園睇既士多啤梨妹妹。
她到小二先有少少興趣睇字，所以起步較慢。不過都跟得ok，我既經驗係，搵個長假同小朋友惡補下，多做數和閱讀，英文可多看幼兒既英文VCD，打好基礎，都可以跟得上。
但係，假如小一二唔打好基礎，上到去就幾難。好似去年囡囡小三英文卷既題目，好多根本係考返小一二既野，識既，咪高分，忘記了，就頗難再吸收，所以培養小朋友閱讀習慣（無論中英），個底打好D就著數D。
作者: csy_ma 時間: 09-9-18 01:36
仲有，作為注重學業既舊仁立既延伸，仁紀雖然響分數上唔勢利，但係家長需求殷切，冇可能唔排名。但排名，就排得好徹底，個成績表列明每一科每一個細目中，你既小朋友既分數同全級排名。
試過我囡中文得七十幾分，但係響級排名五十幾，咁就知道果次考卷可能深咗D。不過，仁紀生D中英默書真係好勁，就算九十分，級排名分分去到七八十名之後。
就算音樂、美術、體育、電腦、倫宗等術科，沒有分數，只有等級的，都有級排名（同等級的並列，如拿A的有廿七人，那A-的就排第廿八，如此類推）。就算學術成績唔好，成績表內都有機會有d科係會排名第一，我囡就成日自豪佢既術科或者聆聽既成績（查實我都幾懷疑，中文聆聽可能超過半級人係"全級第一＂）。
作者: csy_ma 時間: 09-9-18 02:03
至於課外活動，夜了，只能告訴您：著重，唔係唔會攞咗葵青區體育比賽冠軍，仲贏咗友校成條街
除咗老師搞的校隊外，仁紀家教會監管、與外聘機構合辦的課餘活動亦超過六十項（所以家長義工處理報名，抽籤等程序需時，通常過了開學後的第一個大活動：仁紀中秋夜之後，才開始做）。校方鼓勵這些活動授課團體自行為學生報名參加校外比賽，一旦獲獎了（縱然是團體獎），每一項都會獎以優點作鼓勵。
而近年，學校積極引發學生美術的創意，不斷舉辦校內校外（參加兒童雜誌的）美術比賽，學校的各項大型活動的海報設計和各種活動的場刊等，都是經由比賽形式向同學搜集並遴選的，初一歡迎親子作品，高小則只限學生，小朋友如有美術天分，應多的是發揮的機會。
至於去年成立的敲擊樂和今年成立的管樂團，則是校長很有心搞下去的新嘗試。
而體育組當中，老師帶領校隊作賽中亦有許多感人故事，現已夜深了，改日再談^^
作者: TAOTAOLEE 時間: 09-9-18 09:36
提示: 作者被禁止或刪除 內容自動屏蔽
作者: kswiss 時間: 09-9-18 10:21
提示: 作者被禁止或刪除 內容自動屏蔽
作者: Himby 時間: 09-9-18 22:58
csy_ma
真萬分感謝妳詳盡的資料，加上不同角度的詳盡分析，令我對仁紀有更全面的理解!
緃然妳的打字速度驚人，回應這幾篇長篇POST必定花了妳不少時間~many many thanks
十分欣賞仁紀校長老師重視與家長溝通的精神、家教會及義工媽媽的熱心........有一班咁高質素的家長，仁紀必定會更成功!
我已決定在自行分配學位申請仁紀，期望能夠加入仁紀的大家庭! 祝各位仁紀小朋友學習愉快!
作者: wingchu 時間: 09-9-19 01:41
csy_ma,
thank you so so so so so much!
作者: 琛爸 時間: 10-1-16 21:23
csy_ma:
多謝妳嘅資料!
作者: big-head 時間: 10-4-16 12:47
提示: 作者被禁止或刪除 內容自動屏蔽
作者: csy_ma 時間: 10-4-16 15:02
個資料有少少名稱上的錯誤：仁紀係一年兩測兩考，雖然我唔係太知道，照出成績表同每科排名既測驗同正式考試有乜太大既分別。
至於是否愈高班愈谷，則見仁見智。我囡才小四，仲未打到黎。可看到的是：仁紀於小三、小五和小六這三年級，均有對象為全級學生的課後補課，每周兩節。
曾有家長反映補課拖長學時，令學生很辛苦。學校既改善方法係：每課縮短五分鐘，提早上學十五分鐘（上午七時五十五分），放學時間提早近一小時，因此，在補完課後，仁紀的放學為三點四十五分，與部分小學的正常下課時間差距不大。
由於小女在初小期間做功課做得很慢，小一適應尤為辛苦，因此在我的角度，不是愈黎愈谷，是漸入佳境。
但由於仁紀唔係中產名校，小朋友成績唔好，老師唔可以靠召見家長就搞得掂，所以好多老師都較傾向在功課量上保證到小朋友課後會溫習。所以，我囡一向係做完功課就算（以前係冇乜時間剩，而家有，佢會睇書或做手工之類，亦聽聞有同學仔一日要練兩三個鐘鋼琴），平日冇乜額外既習題或溫習，到測考時複習錯既功課，就應付過去了。
谷呢個字，睇吓點去理解。不過我幾認同，無論係精英或非精英班，高年級既老師都傾向多給學生不同形式的功課，認為這可以幫助他們溫習。不過高年級學生寫字較快，似乎冇低小時咁大壓力？
我囡除咗周四外，周五至周三都有課外活動，有時也頗吃力，尚算應付得來。但小五小六每周有兩節補課後，就可能要放棄部分活動，得看情況。
作者: csy_ma 時間: 10-4-16 15:14
原帖由 csy_ma 於 10-4-16 15:02 發表
谷呢個字，睇吓點去理解。
或者再補充一點，例如老師的要求。我們向來要求小囡測考成績爭取八十分或以上。這個要求，到小四才達到（也不是次次可以，這次就仍有一科失手），她在全級屬中游位置。但不只一位任教老師都認為，她（或曰她父母吧？）對自己的成績要求不高，阻礙她更進一步的提升。交流過後，為父母的慚愧得立即去買補充練習教材……雖然買回後不過是放在家裡擱著。
成績這東西，可能是一分耕耘一分收穫吧？只能說，老師對不同成績的學生都有殷切的期望。
[ 本帖最後由 csy_ma 於 10-4-16 22:10 編輯 ]
| 歡迎光臨 教育王國 (/) |
Powered by Discuz! X1.5 |