教育王國

標題: 好嬲迦南幼稚園 [打印本頁]

作者: sandrawun 時間: 08-11-10 11:02 標題: 好嬲迦南幼稚園

提示: 作者被禁止或刪除內容自動屏蔽

作者: stone940828 時間: 08-11-10 11:48

唔好唔開心啦!你小朋友讀左幾耐呀?
今年學位真係唔多,
我之前都曾問過呢間學校ge playgroup,
當時好似係話入讀3個月以上ge學生,
會優先處理,免除面試.....
當時都問過....唔代表一定收,!

但我所知今年playgroup d學生,
好多都係有參考加interview,
但結果有冇人被取錄....就唔知!

我今年4月問過n班的資料,
當時已經上午班full晒,下午仲有少少位....
所以順便問埋playgroup d野lor.
我當時都諗,今年的09年k1....都唔易入lu.

作者: xanax1mg 時間: 08-11-10 11:56

可能今年太多人in 啦

我囡囡都係返綠苗,之前係真係直上ka, 而家我bb讀緊迦南n1

原帖由 sandrawun 於 08-11-10 11:02 發表
我囡囡係九龍塘迦南返Playgroup，要成千幾蚊一個月，一星期只係返兩、三日，每日只係一小時十五分鐘，一心諗住係到讀K.1，佢地話明返playgroup的小朋友是可以優先處理升讀幼兒園及幼稚園而無需面試，結果不單要面試，重要面試後唔 ...

作者: jj_bb 時間: 08-11-10 13:07

過路問下,會唔會只係九龍塘先唔以直升?

原帖由 xanax1mg 於 08-11-10 11:56 發表
可能今年太多人in 啦
我囡囡都係返綠苗,之前係真係直上ka, 而家我bb讀緊迦南n1

作者: tscr701nt 時間: 08-11-10 13:08

佢地仲離譜係. 1/11 我同囡囡去 interview. 佢地話其實佢地得好少好少位係俾 walk-in o既小朋友. 但係... 佢地又照樣收幾千個 application. 每人 30 蚊. 嘩... 果度佢都賺唔少.

仲有. Interview 個人員. 俾我感覺只係例行公事咁. 完全無 heart. 無引導小朋友. 說話亳無愛人. 唉... 呢間野. 我真係睇唔到佢地點解可以咁多人報. (我蠢左)

作者: yan321 時間: 08-11-10 13:19

我想問吓你，佢通知你係唔收，定係wainting?
其實我同你都係一樣，返緊playgroup(二、四)，都已超過3個月。
咁我都有申請k1，playgroup老師話面試的表現係唔會影響入學資格，咁我咪照去面試囉(11月1日)，但當日我囡囡的表現就不好，所以我都好擔心係未有優先，因為我見到我去in時個張form係無註明佢係playgroup學生，同街外人都係一樣。
同埋我係9月交表，但佢話11月先會in playgroup。不過我見有部份街外人已經10月in咗仲收埋添，咁如果佢學位咁緊張，點解咁等in哂所有人，比咗讀緊既學生優先，先再收街外人呢!所以呢點我真係唸唔通。
但而家我要到21,22號先寄信通知，我都想打電話問吓校長點?

原帖由 sandrawun 於 08-11-10 11:02 發表
我囡囡係九龍塘迦南返Playgroup，要成千幾蚊一個月，一星期只係返兩、三日，每日只係一小時十五分鐘，一心諗住係到讀K.1，佢地話明返playgroup的小朋友是可以優先處理升讀幼兒園及幼稚園而無需面試，結果不單要面試，重要面試後唔 ...

作者: sandrawun 時間: 08-11-10 13:24

提示: 作者被禁止或刪除內容自動屏蔽

作者: ddby 時間: 08-11-10 14:11

我仔仔係九龍塘迦南返n1,我問老師佢話我地可以直上k1,所以其實得好少位比新生.

作者: yan321 時間: 08-11-10 14:13

剛剛打咗電話去找羅校長傾，佢話因為唔係讀n1機會無咁大，係真係好微，多數都係wainting，咁我話我9月遞表，要等到11月先面試，但有d非本校學生就可以10月面試仲收埋添(我話係我有d朋友)?佢仲話唔知點解我話有d朋友係出面既人都收咗(佢有d質疑我的說話)。
跟住佢話Playgroup係徐主任負責，要一個星期左右，佢找徐主任聯絡返我再詳細講，同埋問咗我小朋友叫咩名。
不過我覺得佢好似趕住收綫，唔想再同我講落去咁。

原帖由 sandrawun 於 08-11-10 13:24 發表
每人收三十蚊，分明係為賺錢，我囡囡讀playgroup都幾仟蚊，諗住買個保障，越諗越嬲。

作者: kc_united 時間: 08-11-10 14:41

算吧啦. 讀唔到搵第二間!! 聽你說, 間學校好似唔係好好. 入到都無為啦!! 我原本都打算明年報迦南k.1, 現在我都想想了.

作者: smalleatb 時間: 08-11-10 14:53

原帖由 sandrawun 於 08-11-10 11:02 發表
我囡囡係九龍塘迦南返Playgroup，要成千幾蚊一個月，一星期只係返兩、三日，每日只係一小時十五分鐘，一心諗住係到讀K.1，佢地話明返playgroup的小朋友是可以優先處理升讀幼兒園及幼稚園而無需面試，結果不單要面試，重要面試後唔 ...

完全同意呢間迦南幼稚園(九龍塘總校)係想昆人$30，最初我in另一迦南時(10月4日in)，我就打去總校講想轉去佢哋o個間，有個miss就同我講收咗我個小朋友先再打黎話轉，跟著十月底我一收到信(accept咗)就即刻打去話轉，佢學校竟然同我講話已冇晒位，以我所知11月1日根本仲有學生以去in，跟著佢同我講o個日ino個啲係後備多，咁樣唔係昆人錢係咩。

作者: 靚媽唔易做 時間: 08-11-10 15:20

嘩, 咁佢真係呃人錢同時間喎, 得小小位就唔好比咁多quota in啦, 我除咗晒$30報名費, 仲晒埋的士錢同時間呢, 真過份喎.

o個時收到封信係waiting仲有d唔開心, 依家終於知唔係我囡問題........感覺間學校有d cheap喎.......

作者: fskaren2002 時間: 08-11-10 16:28

始終呢d都係商業性同牟利學校唔多唔少都$字行先!
我上年考k1時, 因為好多間都未通知結果, 迦南亦係早先interview同最早有結果; 最後我連留位費六百幾都"薛 "埋tim! (因為佢地會打嚟叫d家長早d交註冊費可以早d留位)

作者: tanoshi127 時間: 08-11-10 17:03

原帖由 tscr701nt 於 08-11-10 13:08 發表
佢地仲離譜係. 1/11 我同囡囡去 interview. 佢地話其實佢地得好少好少位係俾 walk-in o既小朋友. 但係... 佢地又照樣收幾千個 application. 每人 30 蚊. 嘩... 果度佢都賺唔少.

仲有. Interview 個人員. 俾我感覺只 ...

其實些幼稚園真係好發，每個收三十元，得唔得都比左去先有得申請，真搞野，其實我都去過迦南面試，我都覺得些老師沒有耐性和愛心，好似返工咁，小朋友答唔答都無所謂，因她都好似沒有耐性性引導小朋友去答，你都知小朋友見到陌生人當然怕，怕就不想答老師，只係哭，總之我覺得間學校學校好商業化，無愛心。

作者: BBR 時間: 08-11-10 17:42

不嬲都覺迦南差,亦唔係咩名校,我個女之前入左,讀左一年我轉返佢出黎,咁辛苦入迦南不如讀其他普通幼稚園好過,我可以話你知迦南同出面的普通幼稚園一樣,响見小學時唔會因為你讀迦南而有幫助,所以如果讀迦南不如搵其他好過

作者: HebeMama630 時間: 08-11-10 17:44 標題: 回覆 # 的文章

I don't agree with you, my daughter interview in Oct, all the teachers there are nice and friendly!

作者: CKAU06 時間: 08-11-10 20:47

我就好好彩la.
我都同小朋友in左呢間la,
但我就對D老師印象非常好.

我小朋友唔入課室,老師好有耐性企响度同我講,
唔緊要啦.來到新環境不如你抱住佢攬佢一陣先啦!
等佢熱下身先喎.
之後入房...阿仔冇再扭計la,
仲成日望住老師笑,好似好鍾意呢間學校咁.

我都知今年學位緊張,所以都唔敢抱太大期望,
畢竟都係細仔,冇大仔咁醒ga la.

作者: BBR 時間: 08-11-10 21:04

我好記得個女剛升K2時因為我自己湊返學,星期一通常書包好重,我就幫個女拎,點知一入到學校門口,個主任就好惡同個講"你做咩自己唔拎書包?快D拎返個書包" 因為我拎住左個女就望一望我,跟住個主任就話"你重唔拎返?

" 我幾嬲,費事理佢同個女上班房,因為佢班房要上一層要行20幾級樓梯我唔放心米同佢上,跟住佢又黎"你自己上去!" 我都費事彩佢,一D禮貌都無,你估我個女黎返軍校咩?!同埋基本上我唔鍾意佢地上課時的活動安排,每日頭一個鍾都係做同一樣野,分3組,一組畫畫油顏色,一組玩玩具,一組小肌肉活動(剪紙,夾豆,串珠),成個學期有一個鐘頭就係做這些

作者: smalleatb 時間: 08-11-10 21:12

咁講真唔係話間間迦南啲miss都唔好，每間都總會有好同唔好，你in時遇到好既咪就係你好彩囉，遇到啲唔好既咪黑囉，但本人就覺得身為總校(金巴倫道)，就應該比其他分校再做好啲先啱，人哋有心想讀你間多過其他分校既話，就應該好好同人傾吓，教吓人點做，唔係一句話收咗你先再打黎(呢句既意思我都唔肯定佢係串我定係乜意思)，到收咗又同我講唔會再有位，咁係玩我定係點呢？同埋身為總校既主任啲禮貌真係好一般囉，趕頭趕命咁仲要快過我收線，我真係唔多覺呢啲miss會對啲小朋友會有耐性囉，完全係收完人錢就乜都唔做。

作者: CKAU06 時間: 08-11-10 21:26

其實真係有冇一d無上playgroup又唔係n班學生,
已被迦南收左呢?

作者: faitakb 時間: 08-11-10 21:52

我也是1Nov interview 的, 以我所知, interview 日子編排係按小朋友出生月份所定的, 因我係9月中交from的, 但都要隔0甘耐先有得in, anyway, 真係唔知佢地的收生準則!! 至於係咪要賺錢而搏命接見小朋友, 我又唔多認同, 起碼interveiw後, 小朋友都有本精美貼子畫報丫, if 佢地只想"cap" 水, 洗乜晒呢筆錢呢??

作者: hahaha1529 時間: 08-11-10 22:22

本人唔太覺迦南有咩好，講啲miss nice，又一村呢間咪仲nice，而且大家質數都係差唔多，駛乜讀迦南咁受氣呢。

作者: happy_cow 時間: 08-11-10 23:15

介意我加入講吓嗎? 我囝囝依家讀梗迦南n班, 可能我囝囝比較好彩, 班的老師好nice, 有問題亦主動搵媽咪傾!

以我所知, playgroup的學生係比較易入n班架, 而學校亦講過, n班學生可直升k班, 所以每年k班街外收生唔多!

我都相信你地的講法, 我朋友的囡囡讀另一班, 老師就比較靜啲, 每次都係我朋友自己主動去問老師囡囡的情況; 所以都幾講彩數...

不過我見playgroup好多人上, 仲以為好好, 又諗過如果我有一個細嘅, 都考慮比佢上吓... 點知果日傾開, 至知原來佢上嘅同n班差不多, 變相即係如果想讀佢幼稚園, 難道要由playgroup起, 讀n班入k班....

[ 本帖最後由 happy_cow 於 08-11-10 23:17 編輯 ]

作者: LovelyBB06 時間: 08-11-10 23:21

車! 間間學校都要收報名費家啦!! 點解淨係話迦南"掠"水啫!可能佢地預左實有n1的學生退學, 所以現在in定d人, 準備到時即刻比佢地補上呢?
又一村學校始終唔係九龍塘區呢!

作者: stone940828 時間: 08-11-10 23:26

大家都唔好唔開心la,
好過迦南ge幼稚園有好多,
被取錄左ge....咪開開心心lor,
如果冇被取錄ge....可能搵到間更好呢!!
唔好因為今次的"不滿".令小朋友感到壓力呀!

講真.....沒被取錄ge學生,
如果"爭取"得到ge,
又會唔會讀呢?我就唔會la,
我怕日後小朋友被"label"左......
學校又會唔會覺得我係一個好煩家長....

你問我的話,我都好鍾意呢間迦南ga,
環境好舒服,我之前遇過ge老師又好友善,
但交通對我嚟講...唔係太方便!!

大家加油!希望大家可以入到心儀ge學校.

作者: LittleRoxie 時間: 08-11-11 00:02

提示: 作者被禁止或刪除內容自動屏蔽

作者: midcochow 時間: 08-11-11 00:56

其實每一間幼稚園都會o甘講o架啦, 唔好話幼稚園, 小學都係o甘話會優先處理有細佬妹d 學生tim, 但最後唔收就話間學校呃人呃錢, 好似對d 學校唔公平, 而且講真, 我由第一個睇到最尾依個家長, 都好似只係講緊interview 老師點唔識引導小朋友答問題(如果小朋友係都唔答, 唔通打佢咩, 小朋友只有2歲, 唔好諗住佢哋好似大人o甘), 老師點無奈性, 點無笑容, 收生少, 但收form收報名費多, 所以依間學校就唔好, 如果係o甘嘅話, 我諗全港幼稚園都有問題, 其實我希望家長理性d 去諗, 而且每間學校都有好處有壞處, 最重要唔好影響小朋友嘅學習. 最後希望大家搵到間適合小朋友嘅幼稚園.

作者: 0604mama 時間: 08-11-11 01:10

I'm a Kln Tong Cannan N1 MaMa and I have to say that Cannan has provided a very happy environment to my daughter and has definitely trained her to be more independent just in a few months time.

Other BK mama don't just give up this chance as many N1 student will change KG when K1 (i'm one of them). So, your chances are still there!

Add Oil!!

作者: sandrawun 時間: 08-11-11 08:56

提示: 作者被禁止或刪除內容自動屏蔽

作者: hyto 時間: 08-11-11 09:37

My son has taken part in both Cannan and KV interview.

Both od them did not give a very good impression to me.

In Cannan, I even didn't know the interview started as the teacher didn't say "Good morning" to us and the kid but I asked my son to greet the teacher. You know, there are a number of round tables in a small room and it was quite noisy there.

In KV, everything is rush. When we entered the room, the teacher didn't greet us and said "Hurry Up! Come here! Sit down!" and she just tried to finish what she want to ask. She just asked the questions once and skipped to the next question if when my kid tried to think about the answer. The whole interview is about 2 minutes.

I can say they are robots during the interview...I am not sure if the result is reliable...

But they have a day-off on Monday after the interwiew...

You know, we are also choosing...

作者: tscr701nt 時間: 08-11-11 09:41

原帖由 stone940828 於 08-11-10 23:26 發表
大家都唔好唔開心la,
好過迦南ge幼稚園有好多,
被取錄左ge....咪開開心心lor,
如果冇被取錄ge....可能搵到間更好呢!!
唔好因為今次的"不滿".令小朋友感到壓力呀!

講真.....沒被取錄ge學生,
如果"爭取"得到ge,
又會 ...

講真, 見佢個 interviewer 係咁o既質素(無耐性, 無愛心). 佢肯收我個女. 我都唔會俾佢讀. 我冇理由把我最寶貴的小朋友. 放到一個唔會懂得珍惜她的人手上嘛. 同時... 對呢間咁o既學校, 亦都幾失望囉. :;pppp:

作者: honeyki 時間: 08-11-11 09:48 標題: 回覆 # 的文章

其實會唔會剩係九龍塘迦南先係咁, 阿仔見麗港城個間又好似ok喎, d 老師都有禮貌啊.

作者: tscr701nt 時間: 08-11-11 09:54

原帖由 LovelyBB06 於 08-11-10 23:21 發表
車! 間間學校都要收報名費家啦!! 點解淨係話迦南"掠"水啫!可能佢地預左實有n1的學生退學, 所以現在in定d人, 準備到時即刻比佢地補上呢?
又一村學校始終唔係九龍塘區呢! ...

收報名費無話唔o岩. 不過佢收咁多人報名費, 但係派出o黎o既學位得咁少. 好難唔會比人懷疑佢係話收生為名. 收錢為實囉.

仲有. 教統局的香港學校分區表上係冇九龍塘區. 只有九龍城區. 迦南亦都唔係乜野九龍塘. 請查清楚.

作者: fskaren2002 時間: 08-11-11 10:01

老實講，我上年同亞囡ｉｎｔｅｒｖｉｅｗ迦南經驗唔差，學校亦企理。　老師俾我的感覺尊業，細心有耐性！　ｅｖｅｎ亞囡當時唔係好合作，　個老師都非常有經驗地引導小朋友；　雖然最後考到我都冇去讀，　不過印象真的不是太差呢！

作者: midcochow 時間: 08-11-11 10:50

我覺得一o黎唔係間間學校有n1, 二o黎n1讀完唔讀k.1, 唔代表間學校唔好, 大家都知很多家長只係搵間學校讀n.1原因, 只係為左小朋友早一點適應, 其實一早已諗好考一d 所謂名校及有中小學幼稚園嘅學校.

原帖由 sandrawun 於 08-11-11 08:56 發表
如果間學校咁好，讀完N1咪升K.1囉，為咩要轉校？

作者: midcochow 時間: 08-11-11 11:01

其實每間幼稚園都得很少學位, 我相信大家家長都知道, 好似民生, 啟思o甘都係得好少學位, 但都不停收o甘多人報名費, 民生今年好似話有5000人考, 但佢哋學位又得o甘少, o甘唔收o個d 4760個咪又話呃錢咩? 其實如果大家一早知道間學校係呃錢嘅話, 點解又要去報名, 比人呃呢? 而且正如你o甘講, 分區表上係冇九龍塘區, 只有九龍城區, o甘全部九龍塘學校都係九龍城區啦, 而且就算係九龍城區又有乜問題呢? 我相信所有家長幫小朋友選學校時, 最重要係睇間學校係課程. 唔係地點lor.

原帖由 tscr701nt 於 08-11-11 09:54 發表

收報名費無話唔o岩. 不過佢收咁多人報名費, 但係派出o黎o既學位得咁少. 好難唔會比人懷疑佢係話收生為名. 收錢為實囉.

仲有. 教統局的香港學校分區表上係冇九龍塘區. 只有九龍城區. 迦南亦都唔係乜野九龍塘. 請查 ...

[ 本帖最後由 midcochow 於 08-11-11 11:02 編輯 ]

作者: 0604mama 時間: 08-11-11 13:44

原帖由 sandrawun 於 08-11-11 08:56 AM 發表
如果間學校咁好，讀完N1咪升K.1囉，為咩要轉校？

Cannon is good, but not just the best one for me. So, I planned from Day 1 that I will change to other KG for my daughter with an aim to find stronger academic education from K1.

Nevertheless, if we didn't get any other offer at the end, I'll be happily staying at Cannan. So, I think it might not be the best KG, but not a bad one to my standard.

作者: yan321 時間: 08-11-11 14:55

其實我中肯d咁講啦。
我自己就係9月尾交咗表，但我有個朋友响10月中左右打去查詢報k1事宜，當時d老師話已經滿哂額，不接受報名，所以我朋友連報到報唔到名添；所以我相信就唔係話人人都收$30報名費嚟呃錢既。
至於interview當日，面試既老師的確有d急趕，好似有個媽咪所講，佢問完一題問題之後，個小朋友可能未有即時反應，佢已經問第二題啦，整個過程其實真係好快。
同埋我覺得昨日我打電話返去同校長查訽，佢又真係比較無耐性答我，想快d收我線，又話搵主任覆我，到時真係唔知佢會唔會覆啦....
但係我囡囡而家返緊playgroup既老師又好好喎，係真係好好笑容，試過有次我同佢查詢上k1的資料時，佢真係好詳細咁解釋，同即刻幫我打去幼稚園部查詢添。
所以可能真係咁大間學校，有咁多老師，梗有d好，有d唔好啩。
所以我都唸住平常心啦，如果佢比我waiting既，到時佢再通知我有位咪讀，無位都算啦。
只不過我最唔明就係，點解唔係待全部人見哂之後，先比咗係本校既n1同playgroup優先，然後先再比非本校生呢?

因為我見响迦南topic入邊，有d小朋友响10月面試仲收埋添，反而我係playgroup既仲無優先。真係唔知佢收生準則係點。

作者: yan321 時間: 08-11-11 15:41

讀完n1唔揀本校讀k1既原因好簡單。
有部份人係唸住比佢讀n1操fit咗之後，跟住去見一d一線既學校，如st.cath、根德園、培正、民生等等
話哂呢間响九龍塘區此終都只係二線學校

作者: stone940828 時間: 08-11-11 18:48

11月1日先interwiew playgroup學生,
會唔會好似之前位媽咪講,
真係以出生月份咁面試呢?

因為我諗playgroup的學生,
大多都未夠2歲吧!
會唔會係希望等小朋友大多dd,表現好d呢?
只係我自己諗咋,因為我知有校interview時,
會分批差不多年齡ge小朋友一齊in...

原帖由 yan321 於 08-11-11 14:55 發表
其實我中肯d咁講啦。
我自己就係9月尾交咗表，但我有個朋友响10月中左右打去查詢報k1事宜，當時d老師話已經滿哂額，不接受報名，所以我朋友連報到報唔到名添；所以我相信就唔係話人人都收$30報名費嚟呃錢既。
至於interview當 ...

作者: yan321 時間: 08-11-11 19:18

無錯我個係細b(11月)，其實我初時都咁唸架，心唸遲d見仲好啦，可以識講多d嘢.....
但最奇怪就係，點解有10月既非本校學生面試而又收咗，反而playgroup學生就話無位。
唔通bk迦南topic果度話取錄咗既媽咪個個都講大話咩。
所以我咪就係唔明佢學校既收生準則囉

原帖由 stone940828 於 08-11-11 18:48 發表
11月1日先interwiew playgroup學生,
會唔會好似之前位媽咪講,
真係以出生月份咁面試呢?

因為我諗playgroup的學生,
大多都未夠2歲吧!
會唔會係希望等小朋友大多dd,表現好d呢?
只係我自己諗咋,因為我知有校interview ...

作者: stone940828 時間: 08-11-11 19:49

其實我都有睇過呢個topic,
有媽咪都問過......有冇非playgroup學生,
都被迦南收左....但一直都冇有人回應.

如冇記錯,第二輪interview應該未收到通知,
yan321你有冇其他同學仔今次都有in?
如果今次interview ge playgroup同學仔有被取錄,
會"心甘命抵"d,即係話大家都公平,
雖然話冇位,但始終都有d ge....
我地可以咁諗...或者被取錄果d同學仔,
in ge時便好fit,但係如果一個都冇呢......咁就真係

原帖由 yan321 於 08-11-11 19:18 發表
無錯我個係細b(11月)，其實我初時都咁唸架，心唸遲d見仲好啦，可以識講多d嘢.....
但最奇怪就係，點解有10月既非本校學生面試而又收咗，反而playgroup學生就話無位。
唔通bk迦南topic果度話取錄咗既媽咪個個都講大話咩。
所以 ...

作者: yan321 時間: 08-11-11 20:15

平時因為唔係我帶返playgroup，由婆婆同姐姐帶，所以我都未有了解所有同學，不過就唔係好多好似我咁返緊playgroup嚟in k1，好多都係playgroup in N1，或者有d之前已報咗n1，等足歲先上n1。
不過我叫我媽返去同我八吓其他人啦。
其實而家未通知收唔收，要等得廿幾號先通知，但因我打過比校長，感覺到其實係無位囉，之但係佢會係通知
"唔收" 定係 "waiting" 我就唔知喇。同埋如果係waiting既，咁我要wait幾多個就又係唔知。

原帖由 stone940828 於 08-11-11 19:49 發表
其實我都有睇過呢個topic,
有媽咪都問過......有冇非playgroup學生,
都被迦南收左....但一直都冇有人回應.

如冇記錯,第二輪interview應該未收到通知,
yan321你有冇其他同學仔今次都有in?
如果今次interview ge play ...

作者: Blunderos 時間: 08-11-11 20:16

報名收30蚊都合理丫!! 燈油火蠟, 人工, 紙張全部都要錢, 唔係報名o個個俾, 唔通讀緊o個d俾??
如果覺得30蚊唔值, 之前可以唔報, 咪唔使俾囉............
一報名就要收架啦? 我個B in過幾間, 有d收, 有d唔收. 現實就係咁架啦, 你揀學校時, 學校都揀你je!

作者: CKAU06 時間: 08-11-11 20:23

又係喎!睇下今批有interview的小朋友,
有冇人被取錄正取生,
就知係咪冇晒位都in lor,
如果playgroup有小朋友被取錄,
咁就唔可以話唔公平.可能果d小朋友真係好醒!

原帖由 stone940828 於 08-11-11 19:49 發表
其實我都有睇過呢個topic,
有媽咪都問過......有冇非playgroup學生,
都被迦南收左....但一直都冇有人回應.

如冇記錯,第二輪interview應該未收到通知,
yan321你有冇其他同學仔今次都有in?
如果今次interview ge play ...

作者: HebeMama630 時間: 08-11-11 20:29

They send the acceptance letter for me in mid Oct(My daughter interview on 4 Oct) and needs to pay for the registration fees on or b4 31 Oct but I didn't pay for it and they call me yesterday weather I need the K1 seat or not? So I think they still have available for K1!

作者: 喜喜兒 時間: 08-11-12 10:37

原帖由 HebeMama630 於 08-11-11 20:29 發表
They send the acceptance letter for me in mid Oct(My daughter interview on 4 Oct) and needs to pay for the registration fees on or b4 31 Oct but I didn't pay for it and they call me yesterday weather ...

Same to u. My bb was accpeted for pm class and we have the interview on 4 Oct. We didn't pay for registration and the school called me on Monday.

My bb didn't study any nursery or playgroup class in Cannan.

[ 本帖最後由喜喜兒於 08-11-12 10:40 編輯 ]

作者: CKAU06 時間: 08-11-12 19:16

喜喜兒,

多謝你ge分享,至少令我地知道,
我們這一班"二無"學生(無n班,無playgroup)
如果表現好,都有機會被取錄

同其他學校一樣,n班必然係優先,
有上playgroup的,又多d印象分,
但並唔代表我地"冇機會"呀!
而家有返d"心情"lu,
雖然我唔會抱太大希望,
但總好過有一種...面試都多餘,
根本唔會收ge感覺!!!!!

原帖由 喜喜兒 於 08-11-12 10:37 發表

Same to u. My bb was accpeted for pm class and we have the interview on 4 Oct. We didn't pay for registration and the school called me on Monday.

My bb didn't study any nursery or playgroup cla ...

作者: yan321 時間: 08-11-12 21:35

多謝你地報料呀，所以我咪想問吓個校長唔知佢收生準則係點囉，你地都取錄咗，但我讀緊playgroup既反而係話無位...........
真係好唔開心呀，咁我响度返咁多個月playgroup又有咩用呢!!!

原帖由 喜喜兒 於 08-11-12 10:37 發表

Same to u. My bb was accpeted for pm class and we have the interview on 4 Oct. We didn't pay for registration and the school called me on Monday.

My bb didn't study any nursery or playgroup cla ...

作者: CKAU06 時間: 08-11-12 21:58

唉!

真係冇計呀!
其實我都好鍾意佢地ge環境,
但收唔收到呢....隨緣啦!

今年真係好多小朋友報k1,
我諗每間學校的要求都會變得高左,
之前見有媽咪話,佢小朋友讀緊n1,
佢地真係由playgroup直上,唔使面試.

如果街外小朋友同playgroup小朋友的條件差不多,
我諗咁ge情況先至會"優先"選playgroup學生.
.......咁都可以說係"優先處理"ge...

yan321,咁你有冇問過學校,
可唔可以比你小朋友插班n班,
咁係咪就可以直上k1?
我諗同而家playgroup學費都差不多,
如果可以的話,咁都ok喎!

原帖由 yan321 於 08-11-12 21:35 發表
多謝你地報料呀，所以我咪想問吓個校長唔知佢收生準則係點囉，你地都取錄咗，但我讀緊playgroup既反而係話無位...........
真係好唔開心呀，咁我响度返咁多個月playgroup又有咩用呢!!!

...

作者: yan321 時間: 08-11-12 22:33

我其實响今年7月時都問過報n1，但係佢當時已經無哂位啦，就連响12月同1月開比細b讀的班都無位啦，佢話人地要一年前報架，所以我先playgroup都照返住。所以直到而家更加想讀想插都無呀

至於n1價錢都唔平架，要$26xx半日；但我而家只返二、四就$1500.
唯有等佢通知咗再唸啦!

原帖由 CKAU06 於 08-11-12 21:58 發表
唉! 真係冇計呀!
其實我都好鍾意佢地ge環境,
但收唔收到呢....隨緣啦!

今年真係好多小朋友報k1,
我諗每間學校的要求都會變得高左,
之前見有媽咪話,佢小朋友讀緊n1,
佢地真係由playgroup直上,唔使面試.

如果 ...

作者: CKAU06 時間: 08-11-12 22:56

希望正如大家所講,
好多人都係將迦南作後備,
所以如果今次係waiting,
其實都有幾大機會掛!

你有冇in 律倫街啟思?
之前開放日去過,環境都唔錯ga.

原帖由 yan321 於 08-11-12 22:33 發表
我其實响今年7月時都問過報n1，但係佢當時已經無哂位啦，就連响12月同1月開比細b讀的班都無位啦，佢話人地要一年前報架，所以我先playgroup都照返住。所以直到而家更加想讀想插都無呀
至於n1價錢都唔平架，要$26xx半 ...

作者: 丁丁諾 時間: 08-11-13 02:39

我都好驚呀

! 因為我個case同你相似, 我囡囡都係返九龍塘綠苗play group, 但k1無報九龍塘, 報麗港城個間, 但未出結果 !

九龍塘個間地方好大, 環境設施都好, 真係好吸引, 我之前都有諗過報九龍塘迦南, 但係由於play group的老師真係****好無愛心****, 所以我怕k1老師都一樣, 加上我不是住那區, 只諗住買定ticket入麗港城k1 ! interview麗港城時, 我覺得老師很好, 有愛心........希望事實都一樣啦!

但係都未必收啦! 因為"優先處理" !:;pppp:

聽人講play group係由校長個女開的, 如果係的話, 她們母女二人應該好好溝通一下什麼是 "優先處理"啦.........最好比家長知道這個準則 !

原帖由 sandrawun 於 08-11-10 11:02 發表
我囡囡係九龍塘迦南返Playgroup，要成千幾蚊一個月，一星期只係返兩、三日，每日只係一小時十五分鐘，一心諗住係到讀K.1，佢地話明返playgroup的小朋友是可以優先處理升讀幼兒園及幼稚園而無需面試，結果不單要面試，重要面試後唔 ...

[ 本帖最後由丁丁諾於 08-11-13 03:04 編輯 ]

作者: tinaapple 時間: 08-11-13 07:16 標題: 觀塘基法幼稚園

唔知有無小朋友係讀中華基督教會基法幼稚園既mami呢？可以係度分享下嗎？

作者: Pigra 時間: 08-11-13 07:32

My daughter studied N1 in Cumberland Cannan last year. Her class teacher was Miss Lam. She is very professional and experienced.

Now, my daughter studied K1 in Waterloo Cannan. The teachers there are less experienced than Miss Lam but are very caring. For example, I gave birth to my second baby on 3/11. The class teacher of my first daughter even gave me a phone call to see if I am OK. You can think about that kinder. The only thing is it is a whole-day kinder.

P.S. You can study half-day if you study N1.

作者: midcochow 時間: 08-11-13 12:35

其實大大話話加埋我囝囝同囡囡, 我都識超過10 幾個老師, 但係個個都好好, 無其他媽咪講到d 老師無愛心o甘, 不過可能大家睇老師嘅標準都唔同, 所以無得比較.

作者: yan321 時間: 08-11-13 13:55

CKAU06:
我無報啟思呀!有D人話程度較淺，其實我首選係迦南，另外仲有報創價同九龍靈糧堂，我只報了這些二線學校。
丁丁諾:
雖然我唔係成日帶個女返PLAYGROUP，但我見D老師都唔差，好笑容，尤其我班的佩儀姐姐，佢好好人，有耐性。

作者: easonkinki 時間: 08-11-13 15:34

其實我覺得d家長以為九龍塘個名香D o者!但就唔知老師校長唔優做,呢間比我感覺唔太好,反而其他分分校就好好多啦!講才都係同一間學校只不過地區唔同o者!

作者: 丁丁諾 時間: 08-11-13 18:28

我差唔多每次倍小女上課, 發現她們真係好商業化, 如果小朋友是長客或有爸爸媽媽倍去, 她們的咀臉會好些, 例如茶點時主動/常常和你交談.....同你小朋友玩 (我見過好多case和也試過有一次小女婆婆倍上課........之後婆婆同我講d老師唔好!)

但係我對這間學校的課程有信心, 因為interview時, 老師介紹她們的課程包括兩文三語, 功課都好多同深!

請問你報左那一間迦南呀?

原帖由 yan321 於 08-11-13 13:55 發表
CKAU06:
我無報啟思呀!有D人話程度較淺，其實我首選係迦南，另外仲有報創價同九龍靈糧堂，我只報了這些二線學校。
丁丁諾:
雖然我唔係成日帶個女返PLAYGROUP，但我見D老師都唔差，好笑容，尤其我班的佩儀姐姐，佢好好人，有耐性。 ...

[ 本帖最後由丁丁諾於 08-11-13 20:00 編輯 ]

作者: BBR 時間: 08-11-13 19:50

兩文三語你唔好信,主要中文教,一個星期只得1或兩堂普通話,英文米都係間間都會教個D,重未必係外籍教,佢地所謂兩文三語間間幼稚園都係架la,我個女個間就真係兩文三語,直情外籍做班主任,維多利亞都係,一個外籍一個普通話

原帖由 丁丁諾 於 08-11-13 18:28 發表
我差唔多每次倍小女上課, 發現她們真係好商業化, 如果小朋友是長客或有爸爸媽媽倍去, 她們的咀臉會好些, 例如茶點時常常和你交談.....同你小朋友玩 (我見過好多case和也試過有一次小女婆婆倍上課........之後婆婆 ...

作者: CKAU06 時間: 08-11-14 10:39

yan321,

你報呢3間,雖然唔係一線,
但都係唔錯ge學校.一樣唔少人報.

其實啟思我都係最近開放日去過,
覺得環境幾好,不過當時至交表,
我都知已經冇乜位,所以冇報名.
反而課程深淺我唔介意,
如果小朋友返學返開心,我已經好開心ga la.

我之前問過d bk媽咪迦南playgroup ge 資料,
而家有時我都會pm問下迦南d野,
佢地評價都相當高,而且你都返緊lor,
最緊要係你自己ge感覺,有時真係人夾人緣,
而且每個人對老師要求都唔一樣,
咁你小朋友返得開唔心呀.

原帖由 yan321 於 08-11-13 13:55 發表
CKAU06:
我無報啟思呀!有D人話程度較淺，其實我首選係迦南，另外仲有報創價同九龍靈糧堂，我只報了這些二線學校。
丁丁諾:
雖然我唔係成日帶個女返PLAYGROUP，但我見D老師都唔差，好笑容，尤其我班的佩儀姐姐，佢好好人，有耐性。 ...

作者: 丁丁諾 時間: 08-11-14 15:15

啟思環境好, 學校主重母語教育和活動教學, 這樣今小朋友在快樂中成長 (是在講座時, 校監說的)! 所以如果你唔介意程深淺, 我諗係一個好好的選擇; 但係啟思今年好多人報, 同咪已寄出acceptance letter, 但唔知現在有無位, 你有興趣可以問下有無位, 試試都無訪呀!

原帖由 CKAU06 於 08-11-14 10:39 發表
yan321,

你報呢3間,雖然唔係一線,
但都係唔錯ge學校.一樣唔少人報.

其實啟思我都係最近開放日去過,
覺得環境幾好,不過當時至交表,
我都知已經冇乜位,所以冇報名.
反而課程深淺我唔介意,
如果小朋友返學返開心,我已 ...

作者: midcochow 時間: 08-11-14 15:44

其實如果大家想英文好嘅, o甘麻煩大家去報國際幼稚園, 因為講得話兩文三語, 當然中文都著重啦. 仲有就係唔係間間幼稚園教嘅英文都係一樣, 如果o甘嘅話, 大家不如報屋村留下o個d 幼稚園, 因為都係一樣啫, 又點解要報迦南呢?

其實大家都知道迦南課程不嬲都唔差(學校教高半級), 當然無得同第一線學校比啦, 人哋所有嘢都教得深d, 但係咪比到小朋友開心呢? 無壓力呢? 依樣我就真係唔知啦!

不過可能我好彩啦, 又或者係教我兩個小朋友嘅老師都教得好好啦, 所以小朋友考小學時, 考4間,4間都收晒. 所以我到而家都對迦南課程相當有信心.

原帖由 BBR 於 08-11-13 19:50 發表
兩文三語你唔好信,主要中文教,一個星期只得1或兩堂普通話,英文米都係間間都會教個D,重未必係外籍教,佢地所謂兩文三語間間幼稚園都係架la,我個女個間就真係兩文三語,直情外籍做班主任,維多利亞都係,一個外籍一個普通 ...

作者: Pigra 時間: 08-11-14 16:03

The Chinese curriculum is quite good. Students will know a lot of words. For Waterloo Cannan, its PTU is very good.

P.S. It is easier fo u to find English courses than Chinese courses in HK!

作者: xanax1mg 時間: 08-11-14 16:03

原帖由 yan321 於 08-11-13 13:55 發表
CKAU06:
我無報啟思呀!有D人話程度較淺，其實我首選係迦南，另外仲有報創價同九龍靈糧堂，我只報了這些二線學校。
丁丁諾:
雖然我唔係成日帶個女返PLAYGROUP，但我見D老師都唔差，好笑容，尤其我班的佩儀姐姐，佢好好人，有耐性。 ...

佢好好, 好錫我囡囡ka

作者: xanax1mg 時間: 08-11-14 16:07

原帖由 CKAU06 於 08-11-12 21:58 發表
唉! 真係冇計呀!
其實我都好鍾意佢地ge環境,
但收唔收到呢....隨緣啦!

今年真係好多小朋友報k1,
我諗每間學校的要求都會變得高左,
之前見有媽咪話,佢小朋友讀緊n1,
佢地真係由playgroup直上,唔使面試.

如果 ...

咪就係我lor, 我係3月份報名,11月插班n1

作者: yan321 時間: 08-11-14 20:03

丁丁諾：
我咪報返金巴倫道迦南囉，應該呢間最爆。

CKAU06:
啟思又係好爆架，其實而家迦南咁樣(機會咁微)，我都有D想報埋啟思，但又見BK媽咪講，九龍塘校有部份人就算取錄咗，都叫佢拎住封信去第二區登記。所以我唸而家咁遲都係無架啦。
你呢?報了邊幾間?參考吓。因為我囡囡面試了3間，仲有創價未見，2間表現都唔多好，1間就OK，OK呢間係沙田浸信會，啱啱收到信收咗，之前都無同你講。不過呢間只係做定Back Up，驚無書讀，

如果有其他好d既，我都會放棄。

[ 本帖最後由 yan321 於 08-11-14 20:05 編輯 ]

作者: CKAU06 時間: 08-11-15 18:58

yan321,

我in左迦南,九龍城靈糧堂,
今日in埋聖三一曾肇添,
而家還有創價未in..

原帖由 yan321 於 08-11-14 20:03 發表
丁丁諾：
我咪報返金巴倫道迦南囉，應該呢間最爆。

CKAU06:
啟思又係好爆架，其實而家迦南咁樣(機會咁微)，我都有D想報埋啟思，但又見BK媽咪講，九龍塘校有部份人就算取錄咗，都叫佢拎住封信去第二區登記。所以我唸而家咁遲都係無 ...

作者: Janicelobby 時間: 08-11-16 11:12

[quote]原帖由 midcochow 於 08-11-14 15:44 發表

其實如果大家想英文好嘅, o甘麻煩大家去報國際幼稚園, 因為講得話兩文三語, 當然中文都著重啦. 仲有就係唔係間間幼稚園教嘅英文都係一樣, 如果o甘嘅話, 大家不如報屋村留下o個d 幼稚園, 因為都係一樣啫, 又點解要報 ... [/quot

請問你考左邊4 間小學?

作者: Janicelobby 時間: 08-11-16 11:15

原帖由 ddby 於 08-11-10 14:11 發表
我仔仔係九龍塘迦南返n1,我問老師佢話我地可以直上k1,所以其實得好少位比新生.

是呀, 下學期就會派紙, 我都係呢個原因, 比囡囡讀迦南n1

作者: midcochow 時間: 08-11-19 00:14

囝囝考到九龍塘小學, 播道, 真道同聖方濟各英文小學.

原帖由 Janicelobby 於 08-11-16 11:12 發表
[quote]原帖由 midcochow 於 08-11-14 15:44 發表
其實如果大家想英文好嘅, o甘麻煩大家去報國際幼稚園, 因為講得話兩文三語, 當然中文都著重啦. 仲有就係唔係 ...

作者: hinhin-ma 時間: 08-11-24 14:41

AGREE

原帖由 0604mama 於 08-11-11 13:44 發表
Cannon is good, but not just the best one for me. So, I planned from Day 1 that I will change to other KG for my daughter with an aim to find stronger academic education from K1.

Nevertheless, if we ...

作者: meg 時間: 09-8-31 14:54

我個囡上星期返playgroup時比個老師推到佢成個扒左係度(因為佢爬左去老師度), 我都呆左.....佢仲唔扶番佢起身, 最後我自己扶佢, 我係度佢都咁對佢如果N1都係佢地教的話死緊啦!!! 一D愛心都冇:;pppp:

原帖由 丁丁諾 於 08-11-13 02:39 發表
我都好驚呀 ! 因為我個case同你相似, 我囡囡都係返九龍塘綠苗play group, 但k1無報九龍塘, 報麗港城個間, 但未出結果 !

九龍塘個間地方好大, 環境設施都好, 真係好吸引, 我之前都有諗過報九龍塘迦南, 但 ...

作者: Beantwins 時間: 09-9-1 17:38

提示: 作者被禁止或刪除內容自動屏蔽

作者: sam9035 時間: 09-9-3 11:22

我女女亦係返緊金巴倫道迦南 n1,佢8月6日開始返預備班，佢係下午班Star fruit組，可能我比較好彩嗰班啲老師幾nice，職員我亦feel到佢地幾有禮貌和親切，九龍塘個間校舍算幾大和乾淨，因預備班頭三天是家長陪同一齊上，我地都覺得整體算okay，本來到2010年上K1諗住轉第二間，不過如果讀得開心都可能直上迦南K1啦，至於報名方面我亦覺得有嗌多啲人報名有做勢之嫌，不過我諗九龍塘school多數都係咁，而且諗深一層佢谷埋同一日interview對佢地可以更有成本效益，我印象中交$30報名費都攞返好多禮物，不過唔太記得係的乜，我相信佢地都唔係全心想掠水。

作者: kacary 時間: 09-9-7 00:35

原帖由 hyto 於 08-11-11 09:37 發表
My son has taken part in both Cannan and KV interview.

Both od them did not give a very good impression to me.

In Cannan, I even didn't know the interview started as the teacher didn't say "Good m ...

me 2 in　ｋｖ，　我個仔未玩完配對教材，　個ｍｉｓｓ”ｐｏｐ”一下收左，我個仔重:) 都無

．佢當時２　１／２　ｙｒｓ　ｓｉｘ　咩ｊａｃｋ，　又無讀ｎ　班，　我覺得好好

，　好ｒｕｓｈ　呀，但我都明名校好多人ｉｎ，唔想左佢地，　只係想見識下，我諗佢有一套教到小朋友好叻方法，我之後諗唔讀佢既小朋友都可以讀到好既小／中／大學，　所以，用了平常心去處理，總算體曾過明校係點

作者: Be.Be 時間: 09-9-7 11:33

原帖由 midcochow 於 08-11-19 00:14 發表
囝囝考到九龍塘小學, 播道, 真道同聖方濟各英文小學.

嘩你個仔都好叻喎 ! 但係你有冇比佢係出面再報dcourse報呀 ?

作者: mouseandcat 時間: 09-9-8 15:06

我都覺得九龍塘迦南總校好揾老襯.我個仔是11/07出世,於今年二月開始就讀它的 Playgroup,就是想N1有位隨時有得插班才每月$1500去讀.即是已經用咗過萬元讀佢個Playgroup.

今天(8/9)去交表,老師已經話K1上午班已經收晒,下午得返好少位,但佢明明話昨天(7/9)才開始收表喎.個老師話因為有N1的學生直上,所以K1機會好微,叫我個仔報 N1喎,N1機會就好大喎.好老實,如果我係想我個仔做大仔,我就不用讀你個 Playgroup啦,我相信機會都會好大啦. 我好怒.

作者: Jeco 時間: 09-9-8 15:24

提示: 作者被禁止或刪除內容自動屏蔽

作者: elaine10 時間: 09-9-9 16:36

想問下嘉林邊果間好唔好呢?

作者: jaycee_mami 時間: 09-9-12 13:26

原帖由 tscr701nt 於 08-11-10 13:08 發表
佢地仲離譜係. 1/11 我同囡囡去 interview. 佢地話其實佢地得好少好少位係俾 walk-in o既小朋友. 但係... 佢地又照樣收幾千個 application. 每人 30 蚊. 嘩... 果度佢都賺唔少.

仲有. Interview 個人員. 俾我感覺只 ...

其實唔止報名費, 很多學校 (唔止迦南) 要人夾上3-4個回郵信封連郵票, 就算回信reject我只係用一個回郵信封, 咁其餘D郵票呢?

作者: 我係女仔 時間: 09-9-12 17:41

其他回郵信封及郵票比佢地收起晒

作者: joychu 時間: 09-9-13 00:25

各位評論迦南既家長,其實我好吾明點解你地會用好嬲迦南,又或者話D老師好冇愛心,其實响呢個BK嘅家長,吾等如全部,你們只是一小撮人,有好多好多其他正面case,吾好來來去去幾拾人評論就定咗迦南形像先得架
到而家為止我小朋友接觸過幾間幼稚園(於迦南讀畢n1)sofar,迦南d老師係最有愛心同交帶,日久見人心,商唔商業,你會發覺最終都係放個心教你嘅小朋友,而課程,响受學卷嘅kg呢講,我覺得佢算more than OK,其他真係淺到可能你阿B一歲時响屋企己教識
我好懶發言架,但真係好吾忍心迦南比人評論到咁
不過最終都係個人意見,如吾咁聽請見諒

作者: 新手008 時間: 09-9-13 14:29

我又唔覺得迦南咁衰喎, D老師好照顧小朋友, 我個女讀完N1, 最唔捨得學校果個返而係我自己, 因為老師經常打電話比我講亞女係學校既情況, 有時我驚佢NAUGHTY, 老師次次都話, 2 3 歲人仔, 梗係有時會唔合作喇, 又成日叫我放心, 又會讚下小朋友, 鼓勵佢地, 亞女返到屋企都係講學校D野, 又話好鍾意老師

作者: jimmycarrie 時間: 09-9-15 12:43

迦南有幼兒園，幼兒園可以直升K1，所以公開招生的K1的學額極之少，有時只剩幾個學額，他們仍然大量收報名表，因為可以收多些報名費，搵錢至上。

我仔仔讀過playgroup，老師很年輕，牙尖咀利，無湊仔經驗，就算受過幼師訓練，都是紙上談兵，始終未為人父母，不能親身了解我們的情況。

經playgroup報讀幼兒園，是由老師寫評語代替面試，我都擔心這些老師的評語主不中立和主觀，與老師熟絡或長期幫襯的家長會寫好D，不熟的會寫得不太好。所以我們寧願帶仔仔去面試，但不是讀迦南。

[ 本帖最後由 jimmycarrie 於 09-9-15 12:57 編輯 ]

作者: 蛋糕妹 時間: 09-9-21 01:18

原帖由 smalleatb 於 08-11-10 14:53 發表

完全同意呢間迦南幼稚園(九龍塘總校)係想昆人$30，最初我in另一迦南時(10月4日in)，我就打去總校講想轉去佢哋o個間，有個miss就同我講收咗我個小朋友先再打黎話轉，跟著十月底我一收到信(accept咗)就即刻打去話轉，佢學校竟 ...

很應同你的說話~~
我個女都係遇到呢個問題,佢11月IN完無耐就收到信WAITING LIST,但佢１２月仲會ＩＮ多批小朋友ＷＯＲ。。。。內容仲有話如果有學生放棄學位就可以補上，咁好明顯係無留啦，但之後仲要不停ＩＮ人。。。
咁樣仲唔係因為錢係咩？？？
後來收我都唔讀:;pppp:

作者: joychu 時間: 09-9-21 13:14

其實有邊間會唔收報名費呢

而就算有少量位都會再in多d小朋友,每間都會架啦,第一學校可以選收生,第二,就算confirm學位,家長都有機會最後放棄學位,我有朋友試過報蘇xKG排waiting list 4xx人,最後開學前3個月通知有位,您哋諗下到開學前1個月會call到waiting list後幾多號

作者: stone940828 時間: 09-9-21 18:38

我都同意你的說法.

雖然好多人話迦南去年冇位又照收生又照1in人,
但我有兩個朋友(walk-in)都考入左,
一個k1上午班(未讀過n班)
另一個k1下午班(在其他學校讀過n班)
2個都係正取生.

近日大家再聯絡,佢地對學校的評價相當唔錯喎.
小朋友返學好開心, 開學不久,在進食前自己會祈禱.
有時會講一句半句普通話,雖然小朋友屋企無宗教信仰,
但家長好開心,因為可以知道小朋友在學校短短幾日,
係吸收到老師所教ge野.

有時真係每個人都有唔同ge感受,
如果對呢間學校有興趣的家長,
可以自己親身去學校行下,
睇下小朋友返學放學的情形.
家長同小朋友返得唔開心.

老實講, 我鍾意迦南ga.
如果唔係交通問題,我都會揀佢地ga.

原帖由 joychu 於 09-9-21 13:14 發表
其實有邊間會唔收報名費呢
而就算有少量位都會再in多d小朋友,每間都會架啦,第一學校可以選收生,第二,就算confirm學位,家長都有機會最後放棄學位,我有朋友試過報蘇xKG排waiting lis ...

作者: jimmycarrie 時間: 09-9-26 09:33

迦南不是特別好，很多人當迦南是中轉站，找到更幼稚園就會退學，所以今日無位，明天可能有位(有人退學)，所以有時九月無位，到十一月又有位收插班生。

作者: cherrysino 時間: 09-9-26 11:49

我贊同你的說法 (我都覺得迦南窩打老道好好好), 至於中轉站的問題, 其實好多間都會有此情況, 就算係 SC / KV or whatever, 騎牛搵馬, 有更好或畀你好彩成功入到一條龍, 邊個都會轉校啦, 對不? PN 唔係好多選擇, 而迦南又多分校又出名, 所以咪多人講囉.

我大女係迦納讀 PN, K1考到聖羅撒 (一條龍), 所以我哋都轉咗校; 細女今年都要開始報 PN, 迦南依然係我心水, 因為由朋友推薦到我自己個大女讀過, 我都覺得佢哋真係好有愛心....

呢d嘢真係好見仁見智架, 我跟 sis-in-law 生b時, 用同一個醫生同一間醫院, 我 100% 滿意, 佢就話唔好.

原帖由 stone940828 於 09-9-21 18:38 發表
我都同意你的說法.

雖然好多人話迦南去年冇位又照收生又照1in人,
但我有兩個朋友(walk-in)都考入左,
一個k1上午班(未讀過n班)
另一個k1下午班(在其他學校讀過n班)
2個都係正取生.

近日大家再聯絡,佢地對學校的評價 ...

作者: cherrysino 時間: 09-9-26 12:01

係呀, 我上次帶埋大女去幫細女交表, 姐姐急不及待要抱吓大女, 主任見到我都話時間過得好快, 睇住我個肚越來越大到生咗, 家陣就話要幫細女報 PN 囉, 大女仲開心到要留係學校玩唔肯走, 可惜班主任上緊堂緣慳一面, 佢哋真係幫咗我唔少, 生細女同換工人, 老師都好幫忙開解兼關心我個女, 一切都過渡我好順利! 班主任仲係短短的幾個星期就同我女建立咗信任, 好有經驗.

我又畀女返過好多 playgroup, 啱啱呢個 summer 又畀佢返過多多幼稚園的 summer course (D老師就真係唔得喇), 校車服務又貴又差 (因為係 out source)

有一樣嘢迦南係好優勝的, 佢哋有自己迦南校車隊, 呢個都係一個配套.

原帖由 新手008 於 09-9-13 14:29 發表
我又唔覺得迦南咁衰喎, D老師好照顧小朋友, 我個女讀完N1, 最唔捨得學校果個返而係我自己, 因為老師經常打電話比我講亞女係學校既情況, 有時我驚佢NAUGHTY, 老師次次都話, 2 3 歲人仔, 梗係有時會唔合作喇, 又成日叫 ...

作者: cherrysino 時間: 09-9-26 12:05

樂基仲搵錢啦, 明明唔收細b架啦 (only welcome who was born during Jan 1 to Aug 31), 如你交 form 佢又一樣會招呼你安排面試收報名費, 另一方面, 佢又會收晒 playgroup 上的學生先, interview 當日自己客仔唔使 interview 架啦, 只係程序上要做樣咋.

原帖由 jimmycarrie 於 09-9-15 12:43 發表
迦南有幼兒園，幼兒園可以直升K1，所以公開招生的K1的學額極之少，有時只剩幾個學額，他們仍然大量收報名表，因為可以收多些報名費，搵錢至上。

我仔仔讀過playgroup，老師很年輕，牙尖咀利，無湊仔經驗，就算受過幼師訓練，都是紙上談兵， ...

作者: jswailam928 時間: 09-9-26 15:37

嘜樂基係咁架, 咁即係我今年唔駛去交表laaa...

作者: nc2000 時間: 09-9-26 16:10

200% 認同!! 佢根本無咩位, 但無限量派form, 無限量in 小朋友, 但學額可能得10個8個! 目的何在? 大家有眼見!

原帖由 cherrysino 於 09-9-26 12:05 發表
樂基仲搵錢啦, 明明唔收細b架啦 (only welcome who was born during Jan 1 to Aug 31), 如你交 form 佢又一樣會招呼你安排面試收報名費, 另一方面, 佢又會收晒 playgroup 上的學生先, interview 當日自己客仔唔使 in ...

作者: sinyee11 時間: 09-9-30 14:24

樂基係咁架!!!

歡迎光臨教育王國 (/)