教育王國

標題: 中英數三科都唔合格, 我仲有咩方法幫個仔呀 ?? [打印本頁]

作者: yuki123lam 時間: 09-1-15 11:59 標題: 中英數三科都唔合格, 我仲有咩方法幫個仔呀 ??

依家已經有私人補習 keep 住個程度, 考試前我又日日請假同佢溫習, 覺得佢其實已經識晒, 俾 d worksheet 佢做又冇問題, 全部問對, 但係每次測驗+考試成績都係三科唔合格, 都真係唔明?? 仔仔今年 P3, 都算得上聰明, 記性好, 但係成績每次都好嚇人, 以為佢會得到好成績, 點知得 30 ~ 40 分甘上下, 每次都有一科唔做一半卷, 今次中文, 下次可能英文或數學, 剛剛考試中作居然只作一半, 數學卷只做 8/5, 餘下 3 板唔做, 所以差一分先合格, 我仲可以點幫佢 ?? 有冇人可以教下我, 對住呢個仔真係無從入手, 問佢點解唔完成 D 卷, 佢話突然唔想做, 問多幾句就話唔知, 真係激死我喇 ...................

作者: mandy_lee 時間: 09-1-15 12:03

原帖由 yuki123lam 於 09-1-15 11:59 發表
依家已經有私人補習 keep 住個程度, 考試前我又日日請假同佢溫習, 覺得佢其實已經識晒, 俾 d worksheet 佢做又冇問題, 全部問對, 但係每次測驗+考試成績都係三科唔合格, 都真係唔明?? 仔仔今年 P3, 都算得上聰明, 記 ...

佢係唔係資優 ?

作者: elza1224 時間: 09-1-15 12:15

我補緊個小朋友都係咁...
不過係小一...
未補佢之前d chi & eng dict 慘不忍睹..
補落發覺..佢對中文同數學好有興趣
但英文....繼續...

而家d小朋友一句唔鐘意就唔做&發脾氣

有d小朋友小三仲好細...未知d分數對佢好重要...你唯有同佢講下道理..比佢明白考試唔同做exercise
d negative 既 actions只會令佢反感

作者: sasalee 時間: 09-1-15 12:26

咁睇佢唔係唔識做or唔夠時間做,純粹係態度問題? 唯有心平氣和同佢傾吓,了解佢的諗法,

作者: cy101 時間: 09-1-15 13:05

原帖由 yuki123lam 於 09-1-15 11:59 發表
依家已經有私人補習 keep 住個程度, 考試前我又日日請假同佢溫習, 覺得佢其實已經識晒, 俾 d worksheet 佢做又冇問題, 全部問對, 但係每次測驗+考試成績都係三科唔合格, 都真係唔明?? 仔仔今年 P3, 都算得上聰明, 記 ...

佢平日態度係點呀? 係咪自主性好大, 要自己話事咁呢??

作者: Umi 時間: 09-1-15 13:51

如果係咁, 我覺得佢係時間控制方面既問題囉! 你話佢識但係無做晒...咁你平時同佢做worksheet做無keep time呀? 因為有時緊張都會令佢拖慢來做, 事關佢都驚做錯嘛. 你唸吓如果每條佢都猶豫一下. 咁好快就夠鐘喇!

作者: 一家的太陽 時間: 09-1-15 13:57

聽落好似唔係智力問題wor,
似情緒問題多d.
會唔會資優呀?

作者: yuki123lam 時間: 09-1-15 15:16

我有試過同佢解釋, 班主任都有試過係我同仔仔面前解釋俾仔仔聽(因為成績上落太大, 要見家長), 但係講極仔仔都唔理, 今年 P3 上學期中, 英文默書甘多次, 冇一次合格, 有幾次係 0分, 2分, 明明係屋企叫佢背默好, 但係番學默到一半話唔想默, 我已經冇罵佢, 仲不停鼓勵佢要盡力, 但係結果都冇用, 上學期差唔多日日都欠交功課, 前個月個班主任仲要見我, 同我講仔仔試過上課期間, 冇問老師自己走出班房, 係走廊度行來行去, 問佢點解甘做, 佢又例牌答唔知 (佢CHECK 過冇過度活躍), 問佢係咪唔明白老師講咩, 仔仔又話唔係, 全部都明, 連補習老師都唔敢迫佢, 有時都係知道佢識, 都唔迫佢做 worksheet, 補習老師都話諗唔到出來 d 成績會係甘, 已經不停轉方法去教佢, 但係........ 點算 ??

原帖由 elza1224 於 09-1-15 12:15 發表
我補緊個小朋友都係咁...
不過係小一...
未補佢之前d chi & eng dict 慘不忍睹..
補落發覺..佢對中文同數學好有興趣
但英文....繼續...

而家d小朋友一句唔鐘意就唔做&發脾氣

有d小朋友小三仲 ...

作者: yuki123lam 時間: 09-1-15 15:19

同佢計時, 佢冇一次可以係指家時間完成, 因為佢好識拖時間, 冇心機做功課, 做試卷, 求求其其, 一 d 都唔緊張, 永遠唔會 check 卷.....

原帖由 Umi 於 09-1-15 13:51 發表
如果係咁, 我覺得佢係時間控制方面既問題囉! 你話佢識但係無做晒...咁你平時同佢做worksheet做無keep time呀? 因為有時緊張都會令佢拖慢來做, 事關佢都驚做錯嘛. 你唸吓如果每條佢都猶豫一下. 咁好快就夠鐘喇! ...

作者: 黃巴士 時間: 09-1-15 15:30

原帖由 yuki123lam 於 09-1-15 11:59 發表
依家已經有私人補習 keep 住個程度, 考試前我又日日請假同佢溫習, 覺得佢其實已經識晒, 俾 d worksheet 佢做又冇問題, 全部問對, 但係每次測驗+考試成績都係三科唔合格, 都真係唔明?? 仔仔今年 P3, 都算得上聰明, 記 ...

佢答你唔知, 你覺得佢係唔想講, 定係唔知點表達同你講??
或者介意緊mummy, 咩你知仲問我???

1) 佢會唔會覺得你唔了解佢, 而唔想講???
2) 你都知我識啦,同學仔咁命做卷, 都唔知為咩?? 我唔會隨波逐流架??
3) 唔夠時間??
4) 唔想寫字??? 手軟
5) 都唔知考嚟做咩, 同做作業咪一樣, 蹝時間
6) 我第日大過都唸住做咩咩(E.G 運動, 音樂etc)職業, 唔洗咁勤力讀書啦
7) 見到份卷就"唔鍾意", 因為唸起唔鍾意d老師etc....:;pppp:

有時小朋友唔想答你, 佢會話唔知??
我囝囝都係咁, 但我又好想知佢唸咩喎, 我就用1) 2) 3) 4)俾佢答出嚟.

再者, 從佢老師/同學/朋友間打聽吓, 可能會聽到d嘢.

黃巴士

作者: Johnnylaisma 時間: 09-1-15 15:52

yuki123lam ,
你的情況, 正是我的一個朋友現在的煩惱，她的兒子是我仔的同學, 是班中的大仔, 但卻做事很慢, 像跟不上其他同學的腳步, 更被老師說成班中的大BB, 媽媽在家跟他溫默書,總是100分, 但在堂上卻只肯默一半, 說很累, 不想寫....老師都以為他是懶惰, 其實他很聰明, 但只肯做數學一樣功課.....但她媽媽都沒有辦法, 因為這孩子的爸媽已離婚, 現跟媽媽,哥哥及媽的男友同住, step father對兩兄弟如同己出, 哥哥已適應了, 而且在校成績彪炳, 唯獨弟弟的情緒仍是無法觸摸, 我的意思是小孩子的感覺很敏感, 會否是家中發生了一些事情, 有些改變, 學校生活遇上挫折等等...... 我想要先同校方溝通一下, 要知道孩子背後的憂慮, 打開了他的心結, 才是真正幫到他.......而且他是從小三開始才這樣子, 還是小一開始已經是這樣呢? 看來你是在職媽媽, 會否他有被忽略的感覺, 你請假跟他溫書, 他喜歡那段時間完全擁有你, 所以表現會好一些, 諸如此類的問題, 你不妨反思一下, 再友善地向他探問吧!

[ 本帖最後由 Johnnylaisma 於 09-1-15 15:54 編輯 ]

作者: 藍莓 時間: 09-1-15 16:00

其實會唔會佢係資優呀?所以覺得悶唔想做.你有冇同佢班主任傾過佢考試時咩情況?佢平時做功課會唔會都係咁?

原帖由 yuki123lam 於 09-1-15 11:59 發表
依家已經有私人補習 keep 住個程度, 考試前我又日日請假同佢溫習, 覺得佢其實已經識晒, 俾 d worksheet 佢做又冇問題, 全部問對, 但係每次測驗+考試成績都係三科唔合格, 都真係唔明?? 仔仔今年 P3, 都算得上聰明, 記 ...

作者: IRON 時間: 09-1-15 21:50

有私人補習點解仲日日欠交功課既??

作者: yovin 時間: 09-1-16 00:14

做媽媽好辛苦，你要堅持唔好放棄，(每次我好累，想放手，我會說:要堅持唔好放棄)。

記住，兒子比別人不同，他要的是支持，媽媽的角色十分重要。

同意jonnylai 的說法。

你或可主動請教一些教師資齡深(有愛心)的主任問問，我想他們會有過相似經驗去指導你。

作者: yuki123lam 時間: 09-1-16 01:34

Johnnylaisma,

非常同意妳既講法, 我個仔同妳朋友個仔一模一樣, 都係大仔, 做事拖長做, 特別鍾意數學, 好想學多 d 數學, 尤其係 P4 以上既數學, 我有到學校了解, 不過班主任認定佢比較麻煩, 罵, 罰, 哦, 煩, 解釋各種方法都對仔仔冇用, 可能甘放棄左佢, 今年佢俾偏入 "加輔班", 即係所有問題學生都係讀同級個一班, 多個老師 takecare 佢地, 不過仔仔情況越來越差, 由 P2 上學期開始差 (P1 成績係中上, P2 係全級尾), 下降左 1xx 幾名次, 個年班主任覺得佢自我放棄, 所以轉介見 "臨床心理學家", 見完之後都係叫我多鼓勵, 多 d 係開心情況下陪佢讀書, 唔好迫佢, 因為佢完全放棄緊自己, 乜都冇所謂, 根本唔介意獎 or 責罵, 要俾佢賞試失敗, 睇下佢幾時自己會開始緊張自己既學業等等.........

不過真係多謝大家既意見, 我會再反省一下, 盡量多 d 抽時間陪佢去玩, 因為每次仔仔見到我, 我唔係同佢做功課就溫書........

原帖由 Johnnylaisma 於 09-1-15 15:52 發表
yuki123lam ,
你的情況, 正是我的一個朋友現在的煩惱，她的兒子是我仔的同學, 是班中的大仔, 但卻做事很慢, 像跟不上其他同學的腳步, 更被老師說成班中的大BB, 媽媽在家跟他溫默書,總是100分, 但在堂上卻只肯默一 ...

作者: yuki123lam 時間: 09-1-16 01:37

因為佢每日手冊都有一至兩科唔寫, 我根本對唔齊佢 d 功課, 而老師方面冇了解清楚, 只係每天不斷寫欠交乜.....

原帖由 IRON 於 09-1-15 21:50 發表
有私人補習點解仲日日欠交功課既??

作者: yuki123lam 時間: 09-1-16 01:45

黃巴士,

仔仔覺得重覆做埋同一樣野好悶, 好多餘 (激死!), 覺得自己識唔需要寫係份試卷上, 亦都唔鍾意同學點做佢又要做, 佢永遠都好似同同年小朋友有所分別, 諗野會比人成熟等等........ 每日都只係鍾意用各種廢物設計佢既發明品, 好鍾意睇課外圖書, 去廁所, 洗澡都要睇, 佢成日話自己小息都唔同同學玩, 自己走去圖書館睇圖書, 所以冇乜朋友, 其他小朋友覺得佢好古怪.......

原帖由 黃巴士 於 09-1-15 15:30 發表

佢答你唔知, 你覺得佢係唔想講, 定係唔知點表達同你講??
或者介意緊mummy, 咩你知仲問我???

1) 佢會唔會覺得你唔了解佢, 而唔想講???
2) 你都知我識啦,同學仔咁命做卷, 都唔知為咩?? 我唔會隨波逐流架??
3) 唔 ...

作者: yovin 時間: 09-1-16 04:25

推介(鄧HOI霖:會笑的媽媽)她的情況與你有點相似。

你仔仔可能是太聰明，鄧HOI霖把兒子轉到国際學校後有明顯改善。国際學校注重啟發和創作，兒子變得喜歡上學，更最後JUMP班讀大學。不過這樣唯一要考慮的是經濟問題!

作者: HY412 時間: 09-1-16 09:17

我覺得現在的小朋友, 物實上已非常豐富,但心靈上卻非常缺乏, 無論母親是否全職, 注意力只集中在小朋友的分數上, 無時無刻都是記掛小朋友溫習未 ? 成績如何 ? ......

小朋友每天(除了睡覺時間)都只是追求分數來滿足父母的要求, 確實幾痛苦的.

你囝囝仍然留心聽書, d worksheet 做又冇問題, 全部識哂, 證明佢學習上沒有問題, 如果認真同佢傾下, 問下佢還有什麼興趣 ? 兩方面取得平衡, 再加 Family day 時要盡情玩樂, 相信情況能有所改善.

原帖由 yuki123lam 於 09-1-15 11:59 發表
依家已經有私人補習 keep 住個程度, 考試前我又日日請假同佢溫習, 覺得佢其實已經識晒, 俾 d worksheet 佢做又冇問題, 全部問對, 但係每次測驗+考試成績都係三科唔合格, 都真係唔明?? 仔仔今年 P3, 都算得上聰明, 記 ...

作者: HY412 時間: 09-1-16 09:27

同佢講, 如果想做發明家, 就要在限定時間內盡快將份卷做完(最好快過其他同學), 到時科科成績優異, 可以跳班, 入一間好學校, 選讀他喜歡的科目, 提早理想實現, 咁先至係成熟表現麻 ...... 陳易希是其中一個例子.

原帖由 yuki123lam 於 09-1-16 01:45 發表
黃巴士,

仔仔覺得重覆做埋同一樣野好悶, 好多餘 (激死!), 覺得自己識唔需要寫係份試卷上, 亦都唔鍾意同學點做佢又要做, 佢永遠都好似同同年小朋友有所分別, 諗野會比人成熟等等........ 每日都只係鍾意用各種廢物設 ...

[ 本帖最後由 HY412 於 09-1-16 09:28 編輯 ]

作者: IRON 時間: 09-1-16 09:59

明白. 如果老師都係咁, 係咪應該轉學校呢??

真替妳心焦.

原帖由 yuki123lam 於 09-1-16 01:37 發表
因為佢每日手冊都有一至兩科唔寫, 我根本對唔齊佢 d 功課, 而老師方面冇了解清楚, 只係每天不斷寫欠交乜.....

作者: 黃巴士 時間: 09-1-16 10:14

原帖由 yuki123lam 於 09-1-16 01:45 發表
黃巴士,

仔仔覺得重覆做埋同一樣野好悶, 好多餘 (激死!), 覺得自己識唔需要寫係份試卷上, 亦都唔鍾意同學點做佢又要做, 佢永遠都好似同同年小朋友有所分別, 諗野會比人成熟等等........ 每日都只係鍾意用各種廢物設 ...

yuki123lam,

你囝囝的情況與我囝囝有些事件相似.
你睇吓係咪咁 :－
囝囝比較同年齡早熟, 聰明, 但依種早熟唔係好完整嘅思想早熟, 小朋友好pride佢嘅強項, 覺得自己好惦。　但依種惦,在於佢興趣方面，好似你囝囝好鍾意研究同發明，　佢要在發明過程中尋回自信，　可能在功課／學習上唔care, 可能佢覺得唔pride, 無"引", 幼稚 etc.
可能標示住自己太自傲.
佢地嘅聰明係理解力好好, 但係唔上心, 行精面, 覺得我要咁好成績有咩用, 又無獎品, 眼前無利益 (我又唔洗人讚), 我已經好叻!!
久而久之, 人就"pair"起上來.

我好在早見到囝囝有此問題, 所以control到佢唔再"pair"落去.

學校方面 - 可能老師都無佢"乎", 因為都唔知小朋友心裡唸咩??

我唸你先自我調節, 囝囝智力完全沒問題, 聰明的小朋友要多關注. 自己先唔好洩氣!! 你囝囝如果搵arm到門, 相信日後會好叻(因為始終未開竅)!!!

我覺得先從小朋友心事開始, 佢係咪唔鍾意d同學&老師???
佢唔鍾意學校, 自然會有反叛行為出現.

打開心窗~
由於你囝囝好clever, 所以可能佢講嘢會"口是心非", "口不對心", 你要捉到佢邊句真, 邊句假, 如果唔係, 佢會覺得你唔夠班同佢玩!! 唔同你再傾!!!

黃巴士

作者: 黃巴士 時間: 09-1-16 10:38

yulilam123,

我囝囝都係咁樣, 講話"我都識又做, 做咩又重覆做?" 佢會覺得你係咪look down我呀!!
你試吓同佢講"你話識遮, 連寫落份卷都無膽寫, 有幾識遮??"
依類小朋友充滿"鬧心"&反叛, 你要知道點燃起&激發佢團"火".
如果唔係佢思想上無出口, 第日樣樣嘢都會收埋唔同你傾!!!

同佢先傾課外書/發明, 同佢一齊去睇書, 再同佢share, 唔好話"蹝時間砌嘢, 不如讀吓書之類嘅說話", 因為係無用嘅, 佢嘅價值觀唔同大人.
起碼俾佢先覺得你同佢arm feel先.

人際關係 ~ 小朋友覺得佢成日我行我素, 自然覺得古怪!! 但係你知道佢唔係古怪, 只係未搵到"知心友"遮, 小朋友結朋友, 可以好簡單嘅. 在乎佢鍾唔鍾意班同學??

黃巴士

作者: 黃巴士 時間: 09-1-16 11:29

原帖由 yuki123lam 於 09-1-15 15:16 發表
我有試過同佢解釋, 班主任都有試過係我同仔仔面前解釋俾仔仔聽(因為成績上落太大, 要見家長), 但係講極仔仔都唔理, 今年 P3 上學期中, 英文默書甘多次, 冇一次合格, 有幾次係 0分, 2分, 明明係屋企叫佢背默好, 但係 ...

點解佢會咁唔鍾意/唔RESPECT學校D規則 (功課, 考卷, 同學ETC)??

會唔會佢在學校發生咗些事, 你唔知?? 可能係同學之間好少嘅事, 但係小朋友(你囝囝)心裡卻係好大件事.
P.3 - 係咪原班P.1-P.3升上同一班同學?? 你試吓同佢班同學仔傾吓(最好唔好俾佢知), 佢點古怪呀??? 佢同你地講過D咩樣呀??? 從而了解你囝囝點睇班同學??

作者: yuki123lam 時間: 09-1-16 13:48

黃巴士,

的確, 妳所講既同我仔仔一樣, 真係好多謝妳俾我既意見, 真係令到我學到唔少野, 了解多左仔仔內心世界, 仔仔學校 P1 - P3 都唔係原班直升, 分開晒, 可能學校生活唔開心, 尢其今年班主任唔係甘好, 將我個仔分開一個人坐在最前位置, 其它同學隔離都有同學仔, 令我個仔更加孤獨, 前排成日聽仔仔話同班同組 (4個人一組) 個組長好惡, 日日都罵仔仔, 唔理咩事都全推入仔仔身上, 就算最後發現唔關我個仔事, 都冇 say sorry (但係仔仔冇同人解釋, 因為佢口就話費事理佢), 但係睇得出佢好唔開心, 有次仲扯仔仔頭髮, 仔仔個頭皮痛左幾日, 自始佢開始唔願意番學 (佢一向好鍾意番學), 我試過搵佢班主任傾, 但係老師只解釋個組長只係關心我個仔........等等, 根本佢已經認定我個仔麻煩, 我其實有打算幫仔仔轉校, 但係佢張成績表甘, 試問有邊間學校會收, 所以有家長提議我幫仔仔先做一個 IQ TEST, 睇下係咪資優, 然後就向心儀既學校叩門 (因為我打算幫仔仔轉直資小學, 教學類似國際學校既), 妳覺得有冇需要, 係咪真係可以知道仔仔既強弱項, 再加深了解仔仔, 因為做個 IQ TEST 都唔係平, 所以我仲考慮緊 ??
quote]原帖由 黃巴士 於 09-1-16 10:14 發表

yuki123lam,

你囝囝的情況與我囝囝有些事件相似.
你睇吓係咪咁 :－
囝囝比較同年齡早熟, 聰明, 但依種早熟唔係好完整嘅思想早熟, 小朋友好pride佢嘅強項, 覺得自己好惦。　但依種惦,在於佢興趣方面，好似你囝囝好鍾意 ... [/quote]

作者: YLMBEE 時間: 09-1-16 14:02

我囝囝由P1-P2 既平均分都有9X, 但佢升P3後成績開始
係咁跌, 今次考試都好差, 以前D分數係9字頭, 但依傢都係7 or 8字頭, 自己都覺得好唔開心 (反而佢對分數一D都唔緊張), 但我知佢已經盡咗力。睇完你地既分享後,我都應該調節下自已既心理, 唔好比太大壓力佢先係。

作者: 黃巴士 時間: 09-1-17 00:40

原帖由 yuki123lam 於 09-1-16 13:48 發表
黃巴士,

的確, 妳所講既同我仔仔一樣, 真係好多謝妳俾我既意見, 真係令到我學到唔少野, 了解多左仔仔內心世界, 仔仔學校 P1 - P3 都唔係原班直升, 分開晒, 可能學校生活唔開心, 尢其今年班主任唔係甘好, 將我個仔分 ...

不如你先問囝囝想唔想轉校?? 如果佢無意見, 你同佢講媽咪要一張"是正同靚仔"嘅成績表去搵學校而得喎!!
今年下學期都就快開始, 你試唔試吓囝囝肯唔肯合作&有無信心, 考好今年考試??

有CERT.至有機會搵好學校, 如果你囝囝成績好(只是成績表分數差) 我唸你都係搵間GRADE數好D嘅學校俾佢, 如果搵間師資差過依家讀緊個間, 你囝囝可能會覺得降GRADE, 無心機讀落去!!!

如果佢唔想轉, 你就要唸方法再同校方反映.
班主任其實想點遮?? 係咪覺得係小事, 唔理呢??
你囝囝煩擾其他同學咩??仲咩要分開坐遮, 分開一陣就話嚇吓佢, 短時間可能WORK, 長時間, 小朋友咪又係咁, 小朋友都有自尊喎, 叫佢點FACE其他同學仔呀???老師咁OUT嘅方法"治唔到個小朋友喎", 棧攪到你囝囝反感. 仲"標籤"咗佢添. 正終"口服心唔服"
如果你有信心囝囝在校守規, 我唸你要企響囝囝個邊. 當然唔係話叫你唔ARM都企佢個邊去放蹤佢啦!! 所以你先要了解清楚囝囝在校表現, 客觀去分析. 就算係老師問題, 都只係大人去處理, 唔好INVOLVE小朋友, 如果唔係, 佢第日就唔RESPECT"所有"老師.
資優TEST - 如果係情緒問題, 唔關資優事喎. 到如上情況改善後, 成績仍係咁至去TEST啦!! TEST一次都要4千幾蚊.

所謂"生仔唔知仔心肝咩", 最了解囝囝嘅始終係你. "出眾"嘅小朋友, 往往令父母勞心勞力.唔好放棄呀!! .

如上純綷個人COMMENT, 唔好介意!!!

黃巴士

作者: 瑩瑩老豆 時間: 09-1-28 23:26

為何會日日都欠交功課 ? 你沒有檢查他的功課嗎 ?

原帖由 yuki123lam 於 09-1-15 15:16 發表
我有試過同佢解釋, 班主任都有試過係我同仔仔面前解釋俾仔仔聽(因為成績上落太大, 要見家長), 但係講極仔仔都唔理, 今年 P3 上學期中, 英文默書甘多次, 冇一次合格, 有幾次係 0分, 2分, 明明係屋企叫佢背默好, 但係結果都冇用, 上學期差唔多日日都欠交功課, 前個月個班主任仲要見我, ...

作者: Monkey馬騮仔 時間: 09-1-30 01:00

你好~~馬騮仔初黎報到~

不過都想發表下自己的意見...

就幾方面來說...

首先..我唔讚成你去轉校，因為我覺得逃避不是一個好方法，你應該係一齊去面對，而且轉校了，真的會有一個新開始嗎﹖你確保不會有同樣的事發生﹖難道將來你的仔仔在工作上不如意，就叫他去轉工﹖(可能太遠了...)

其實我覺得你可以試下
1) 首先，在功課上，我建議你送仔仔回校時，盡可能問一問同班同學的家長的電話，方便對功課(確保沒有漏抄)

2) 同時，我相信你要教仔仔一下，考試的方法，作答，計時等等，記住要用有趣的方法。

3) 我覺得真係可能要轉一轉補習老師，那個老師可能真的很有心機教他，但可能夾不到你仔仔的性格。
最重要的是可能你仔仔跟本已經不怕他了。補習老師最重要是能和他打成一片(我幫人補習班時，喜歡用他喜歡的東西做教學題材)，但又要令他怕，要聽話。

4) 心理方面，可能要找外人(其實最好是補習老師)，和他說一說，為什麼是外人，因為媽媽妳日對夜對，日"鵝"夜"鵝"，妳一開聲，他會諗:"又係呢d野...你煩唔煩呀!!" 未講都唔想聽..試問又點會有效呢﹖補習老師的好處是起碼仔仔會回應，會表達佢想點，聽完又覺得有support 有response 喎。
正正好像，你不開心時，也想有朋友在身邊支持妳，聽你講完之後，又唔會話你，會比意見你，講完伸完再一齊去玩。
係咪先﹖小朋友其實都好似大人架。
(不過....你一定要確保你的補習老師能夠處理幫他分析，同最重要係同你小朋友夾~有計傾~如果冇....你就要靠下自己，可能要老公or 麻麻出手相助了，因為有時佢地會聽其他人話多d~)

Hope can help u ~~
唔係專業意見
只係小弟以前幫人補習的心得~~

Thx~~Good Lucky~~

歡迎光臨教育王國 (/)