教育王國

標題: 海天泳會(港島東泳池)? [打印本頁]

作者: hellovicky 時間: 09-2-8 21:35 標題: 海天泳會(港島東泳池)?

請問各位有無小朋友係港島東泳池跟海天學游水? 有什麼評價? Thanks!

作者: mmarksonia 時間: 09-2-14 23:48

兩個字"超迫"...
問題二"污糟"
以我所見,教練超參次,除咗戴眼鏡嗰個助教姐姐耐性撘"九"下,其他都係混水摸魚...
點解我話(助教)姐姐??因為海天十個有七個無牌(所謂教練係海天內部認可),唔信可以上泳總check下,所有大會都有係泳總註冊包括大會教練,某些細會例外,因入會有規定,未必查到細會教練...不過海天咁大,今本瞞唔到,海天代號好似係"ht",你可睇下,因為我見個list嘅教練頂多都係占幾十板紙嘅其中一張大半頁...咁全港海天佔大部份教緊嘅係咩教練呢???

作者: mmarksonia 時間: 09-2-15 00:10

另外,我想一提嘅係,你想求其比小朋友學識吖,想學識去比賽還是想佢keep住游健康水?

(如你想求其比小朋友學識),其實邊間都無所謂,但係你要知道手勢一錯就好難改,其次係受傷,你即時唔會知,到你發現生骨刺或有炎証已經好嚴重,千其唔好忽視...

(,想學識去比賽)正確姿勢就變得更重要,因為有極大負荷量,正確姿勢可減低骨與骨磨損情況,但小不免都會有傷患...

(keep住游健康水)輕鬆健康暢泳正確姿勢係必言

希望以上資料可幫你小心選擇啦...
我兩個仔都有泳賽,如有咩問題都可以一齊再傾傾吖...

作者: hellovicky 時間: 09-2-16 11:48

Hi mmarksonia,
多謝你詳細回覆. 其實我個小朋友而加5歲, 一來想佢學識游水, 二來想佢健康d(因佢氣管好差, 成日咳). 之前佢係九龍跟泳天泳會, 不過仲未學識. 最近搬左去香港所以想再學過.
如是這, 你有咩好介紹? 定係請教練私人學呢? 因為都唔知香港邊到學游水好?
Thanks!

作者: alberthauyc 時間: 09-2-16 12:10

提示: 作者被禁止或刪除內容自動屏蔽

作者: Sindy 時間: 09-2-16 13:47

我見海天ok架喎.......我女以前跟私人係港島東上堂,隔離就有海天係度游......無咩特別唔好喎

作者: mmarksonia 時間: 09-2-16 20:11

hello,

首先好多謝你哋嘅分享...但我以下講嘅說話希望大家多多包函...

sindy請問你覺得佢哋無咩問題,為何又唔比你小朋友學嘅??學費幾係全港最平更合乎經濟原則,係咪其實都覺有不足之處呢?(希望你不要放係心,只係討論下)

無錯,政府係無規定需要任何牌照教水會犯法,當然大把人會走法律灰色地帶la...

或者我舉個例先la,如果未考教師牌嘅學校老師稱之為教學助理或實習老師(唔可以代表佢唔可以學校教,只不過所有方面都未達標啫),原因就係需要通過合資格考試,這段路係需要好大負出嘅努力,及本身需要好精通及懂得充份運用才有呢個名函,不是白讀…

因此稱之為swimming coach一詞只適於達標(香港或國際認可資格)嘅人…

泳總係香港認可嘅發教練牌機構,如係大型泳會必定有註冊係泳總名單內,好似海天咁大型嘅註冊泳會,為何註冊泳會本身有資格推薦教練註冊成會員咁舉手之勞嘅事又唔做呢?只需一封推薦信(又唔使錢,內容差不多一式一樣)就可以增加公信力都唔做,有無咁蠢嘅人有籌碼都唔識利用???

係泳總每年考取得游泳Lv I嘅教練資格大約係三百幾人,而畢業後會有証書(跟一世唔需要續)及會員証(需每三年續一次,續証必須工作於游總屬會有工作記錄証明或推薦信方可續証).

我自己用緊嘅女教練都係幫無係泳總註冊嘅泳會教,但都有揾大會幫手寫推簏信續証,只要聲譽良好就一定有辦法續到証,佢張証係放係銀包,亦好樂意比我睇過,佢話張証好似身份証一樣咁重要,係代表工作身份,一定要帶住,咁又係,呢樣係唯一最好嘅証明(唔通有AE嘅黑金卡都唔放銀包咩,haha),所以就算有疑問都可以叫個教練比你睇下張証,這個絕對係消費者嘅權利,唔需要”鍳”介.

順帶一提, alberthauyc所講嘅銅章係一個游水嘅基本救生章(for救生員),係幾年前政府巳經唔認可,只可當考救生員嘅入門卷,其後需要考更多章先可當救生員,請問政府都唔認可係泳會有何用?

其次我想一提近兩三年,Bk個網大量出現自稱有料有經驗嘅教練,既然咁有料,點解仲嚟揾客嘅??????好嘅自然就會有介紹架la,不需要自己揾嘅,我個教練剩係做熟客介紹都接唔晒啦,好嘅今本唔愁無學生…

我諗講到呢度,大家都明白有牌同無牌嘅重要性,好似我咁一個行外人知道咁多嘢,其實大家都可以做得到,如果為咗自己個寶貝,花一點時間搜集下資料係值得架,唔好怕計較用錢係小朋友身上,只要用得其所就巳經賺咗…

作者: mmarksonia 時間: 09-2-16 20:28

Hello 在行嘅alberthauyc教練,

唔記得話你知添,全港過百間泳會如果想租到搶手嘅泳線係有條件架, 係需要係全港大小型游泳比賽而計分(以每個會游手成績名次計分),高分泳會而取得租線優先權...

而泳線係為游手重點培訓嘅資原,我從未見過係標準池泳會租嘅泳線有初學者囉...

作者: Sindy 時間: 09-2-16 21:08

sindy請問你覺得佢哋無咩問題,為何又唔比你小朋友學嘅??學費幾係全港最平更合乎經濟原則,係咪其實都覺有不足之處呢?(希望你不要放係心,只係討論下)

我唔比我小朋友學,因為我有個國家隊級既教練囉.....不過我可以話你知,如果係咁多間既泳會,我會選擇海天(港島東泳池,其他未見過唔敢講),見佢地幾有心機教小朋友,由其我見到既幾個得三歲幾既小朋友,係水裏面游下游下咁好享受,我就知個教練出左唔小力,咁細小朋友可以游得咁好,答唔答到你既問題?

作者: mmarksonia 時間: 09-2-16 21:30

hello hellovicky,

其實每類教練都適合唔同人,我個係女教練嚟,非常細心,有愛心耐性有交帶,係澳洲運動系畢業,所以好清楚游水利害,有啲游泳嘅智識都係佢講我知.
我個大仔初學嘅時候,今本我無打算比佢去比賽,因之前我比佢係會學咗一排無樣識,再揾私人教又唔掂,之後係BK有人介紹比我依家個女教練,佢比到好大信心我個仔,成日鼓勵佢就算同一個動作做錯幾百次,都係耐心笑住咁講解,大約十二堂我個仔就游到50m啦,而我細仔就無運體天份嘅,第一次跟咗佢學咗十八堂咗有都游到50m,依家我兩個仔游得算唔錯都有叫攞過啲獎,但教練都有同我講比賽唔同普通游,一定會有傷患,叫我慎重考慮,但我兩個仔游水建立咗自信心,所以我由得佢地揀,囝囝開心我就開心la...

但有啲小朋友係五行欠打,我個教練太善良啦,
所以要對正下藥,揾識合自己教練.

你小朋友氣管好差, 成日咳,其實唔適合係公眾池游,人多嘅池落好多化學劑,上年中大發表過份報告指,係污糟邋遢池游水,不但對氣管病患者無作用,還加劇病發.但私人會所未必入到去,其實YMCA(九龍大約$800八堂,但要入會費)水質係唔錯,不過未必好彩揾到黃金教練…

我教練收$300個鐘,係香港區可以帶你去私人會所游,如果你覺得我個教練適合你,你話我知我pm你啦...如果經濟容許,絕對單對單好,安全易學識,不過視乎咩質素教練…

如果再有問題不妨攞出嚟討論下,我非常樂意傾傾…

作者: mmarksonia 時間: 09-2-16 21:38

sindy我都認同你講,有啲真係好有心機,你所講嘅國家級教練係咪有錢都未必肯教嗰個呀,我之前都有留意過,真係唔錯,港島東仲有個男嘅韓國教練唔錯,你有個咁好嘅教練,當然唔會選擇海天啦

作者: Sindy 時間: 09-2-17 00:03

原帖由 mmarksonia 於 09-2-16 21:38 發表
sindy我都認同你講,有啲真係好有心機,你所講嘅國家級教練係咪有錢都未必肯教嗰個呀,我之前都有留意過,真係唔錯,港島東仲有個男嘅韓國教練唔錯,你有個咁好嘅教練,當然唔會選擇海天啦 ...

我果個唔係長駐係果度架,果時係我話要室內,但又唔想去到灣仔.....之後佢應該無係度,佢有開班係柴灣,不過唔係佢教(搵靚教)

作者: alberthauyc 時間: 09-2-17 12:13

提示: 作者被禁止或刪除內容自動屏蔽

作者: lsmtkc 時間: 09-2-17 12:50

我覺得海天ok喎

,我仔有兩個同學在港島聖保祿跟海天學,我仔仔就在紅磡海天學,同樣大約學了1年,現在四色都ok,雖然唔系好叻,不過我覺得d教年都好有愛心,同埋我覺得最系要是小朋友學得開心

,所以你可以自己親身去睇吓,才下決定law,因為每個人要求都不同的.

原帖由 hellovicky 於 09-2-8 21:35 發表
請問各位有無小朋友係港島東泳池跟海天學游水? 有什麼評價? Thanks!

作者: rosebebe 時間: 09-2-17 18:01

Hi lsmtkc,

我都覺得海天幾好,我聽好多人講話海天算係咁多個會之中算好既一間,我個女都係聖保祿跟海天游so far 我唔覺得有咩問題,亞女好多同學都係跟海天游,個個都話好有愛心好有心機教架~~~

作者: eio0804 時間: 09-2-17 19:34

你都幾搞笑gar wor

你o甘有能力推薦人,不如你自己介紹o番比自己la,你o甘利害,要係外邊揾間泳會比夠你weekend啲學生,應該無難度 gar

,如果咁掂就唔使o係BK度揾食la

再者你咁鐘意免費解答游泳問題,社區中心非常需要你,唔好浪費時間喺度la,多d陪你太la

原帖由 alberthauyc 於 09-2-17 12:13 發表
hi mmarksonia,

你講得岩我的確好在行,從泳手至教練生涯打滾了20年,所以港隊及各間大泳會既總教練都認識我。

香港只有幾間大泳會,我曾是其中一間泳會既行政兼泳隊教練負責會內事務如租借及安排泳線,教練編更等, 所 ...

作者: rosebebe 時間: 09-2-18 12:18

mmarksonia ,

其實我覺得你太過偏激左d,你又話海天唔好又話YMCA唔好,之後即時又介紹你自己個教練俾我地D媽咪,其實你根本就係呢個教練D人,去講咁多野而去間接去介紹,仲有你講咁多野,我唔相信一個普通既媽咪會知道咁多既事lor,你講到你個教練好似好過全港既教練咁,你提過(好嘅自然就會有介紹架la,不需要自己揾嘅,我個教練剩係做熟客介紹都接唔晒啦,好嘅今本唔愁無學生…),你講到你個教練接都接唔哂,點解你仲係咁介紹呢?如果你一直介紹俾我地D媽咪,如果你個教練根本係冇時間接的話,你介紹俾我地黎做咩?即係會令到我地好失望.
我好想同你講記得你上年都已經一直係咁介紹我地D媽咪,我上年都有搵過教練去教我個女,我都有收過你既PM,我打過去都係留言,一定要我地留電話先覆我地,希望你唔好一直介紹俾我地,我覺得你一直話人地D教練,你太過偏激所有既教練,你有冇檢討過自己,你唔好諗住呃我地D媽咪,再講我都唔覺得d教練係度介紹自己有咩問題,係bk好多人都會咁,我曾經都係度搵過好多學英文學綱琴既老師,都試過我唔覺得好差,我只覺得你真係太過偏激人,我諗因為你想人地選你個教練而偏低人,我覺得你咁做唔係咁好lor.

作者: mmarksonia 時間: 09-2-18 16:03

你好 resebebe,

  首先大家心平氣和先,我唔係偏激,可能大家有點誤會...
  大家都明白大樹有枯枝,如樓主[問題海天泳會(港島東泳池)]?我只是針對泳池講,我外甥都係St. Paul 跟海天學,我帶過佢幾次上堂,嗰個柏哥哥係教得唔錯(教中高級學生(唔通未學游就叫佢跟柏哥哥咩),池水ok,有泳線分隔條理好多,個個努力練水,註校池教練當然個個有牌,因為需在學校登記,十隻手指有長短,教練都一樣,揾到好教練係大家嘅好運,但一定有比較...記得係以下嘅文章內http://forum.edu-kingdom.com/vie ... ;page=1#pid26642309我都提及咗三個教練,但絕對無叫人揀我嗰個,我非常認同係人夾人,需對症下藥,以我認知與人分享...

  我都想帶出一點,我&囝囝同我個教練巳經到咗亦師亦友階段,好多時都會交留,但不代表我係佢嘅人,我係我老公嘅人...

與此同時,你打唔到比佢只可証明佢忙,其次自從我個教練從上年七八月左右因接唔哂,叫我哋啲媽咪唔好介紹學生比佢,我直到現在關於我教練嘅資料一個pm都無發出去,我唔介意管理員查証,就算喺度講咗咁耐樓主我都無pm過(希望樓主你做証)...

上得嚟BK都係有傾有講,我對囝囝嘅興趣做完資料搜集,係呢方面分享討論下都好正常,調轉你哋用過邊啲護膚品好唔好都唔多唔少分享下瓜...

  希望你明白我嘅出處,加以諒解...

作者: hellovicky 時間: 09-2-19 09:03

多謝各位多方面的意見, 令我對學游水方面增加不少知識. Many thanks!
P.S. 我無收到mmarksonia個教練資料.

作者: chingbb 時間: 09-2-19 11:42

rosebebe,
想請教你, 如果囡囡上課時, 你需唔需要都下水睇住呢?或是可以坐在泳池邊睇住? 是否單對單? 大約費用? 有沒有其他雜費?有沒有電話號碼比我可以直接查詢?

原帖由 rosebebe 於 09-2-17 18:01 發表
Hi lsmtkc,

我都覺得海天幾好,我聽好多人講話海天算係咁多個會之中算好既一間,我個女都係聖保祿跟海天游so far 我唔覺得有咩問題,亞女好多同學都係跟海天游,個個都話好有愛心好有心機教架~~~ ...

作者: angelbblo 時間: 09-2-19 16:50

其實上年五六月,我已經見到BK有七八個媽咪開名導性咁話同一個女教練教得相當好(有成十幾個人問,有過千人瀏覽),當時我都覺得有無講得咁利害呀,其中一個媽媽連個教練啲資料都post晒出來,我就抄下啲資料啦,我初頭打咗大約四日都無人聽,當時我無留言,但我個人鐘意查根究底,最後我留咗我個工人電話比佢(嘻嘻,以防萬一麻),當日差不多深夜時分十一點左右,工人突然話佢個電話有人揾我,原來係嗰個教練,之後詳談之下覺得佢好好人,佢詳細說明我個女識合與否同有咩好有咩唔好,一啲都無保留嗰種,仲話有游水問題隨時問佢,學唔學無關係,好過一知半解咁話...

第二日我決定跟佢學,然後同佢傾上堂時間都講咗成大半個鐘,因為我要啲時間完全無,佢只得幾個早同夜嘅時間,當時佢都老實講時段係差,强調唔學無所謂,又提議我如果我唔介意可以加入佢個waiting list 一有位就通知我,我心想waiting list 咁誇張(但依家我真係有朋等緊啲好時間,佢四月就有位)...雖然啲時間唔係好夾,但最後都從六月開始咗....

我個女依家五歲,未學游水前非常膽少又易哭,連洗頭都哭嗰種,除頭兩堂有哭過之外,直到依家學識自由式,背泳(不停泳嗰種),有辨有眼嗰種,唔係爬下爬下嗰啲,自問小女似我,一點運動細胞都無,雖然教練話由始至今我個女進度比同齡慢咗四堂,其實我以為我個女成年先會識一式,當然依家開心都嚟唔澈啦...

嗰個教練除咗有耐性愛心豐富游泳知識經驗,上堂有趣味,仲會幫我個女做思想教育,前陣子個女成日講自己想死,我真係好驚, 個個問極佢個原因死都唔肯講,我請晒啲大假睇到佢實,真係擔心到半步不離夜晚都唔敢瞓,過咗一個星期後,個教練察覺我個女有異常就當晚打比我,我將件事情一五一十話佢知,然後過多一個星期個女游完水,教練打比我話我個女咩都講晒佢知,原來個女因學得太多嘢感到太大壓力,我仲驚佢比人非禮,嚇死我,我個女其實屬於尖子,不過我真係比太多嘢佢學,依家我無比咁多嘢佢學啦,我想通咗,讀書雖然重要,但我個女更重要...

作者: rosebebe 時間: 09-2-19 17:13 標題: 回覆 # 的文章

Hi chingbb,
我唔需要落水睇住我個女架,我個女小一了,已經不用我再睇,你可以打去海天問的.我個女都係跟海天游架.

作者: angelbblo 時間: 09-2-19 17:30

話說回來,個教練真係無私,今本佢咁忙,大不了可當無事發生,能同小朋友建立一種信任程度越過父母,可想言之個教練放咗幾多心機去培育個啲小朋友吖,我介紹咗三個朋友去學,兩個係夜晚時分學,一個等緊,我同個兩個好朋友茶餘飯後都有傾下教練啲嘢,有個朋友計埋依家個教練巳經換咗第八個啦,但大家一致超讚依家個教練,好似聖誕新年咁,我係學晚上八半至九半,個教練收到啲禮物多到好似瘋狂購物完咁,可想言知人緣極佳,我相信唔係一朝一夕可以做到,現在我真係唔覺得當初人哋講得個教練誇張,可能閱讀過這篇文章嘅人會半信半疑,但如你一嘗試就好似我咁認同下去,真正體會到,希望唔信嘅朋友,當睇完一個篇散文就一笑寄知就算了...

我個教練都有叫我唔好介紹學生比佢,但如有人願意等或唔介意太早或夜就無問題,其實mmarksonia在上年討論中係其中一個,不過唔係佢post 啲資料上去,只係分享好多寶貴心得,嗰啲內容我都有儲存下來,但BK就刪除咗,如有趣取想睇當時內容,我都可以post出嚟, 換句來說mmarksonia同我講嘅係同一個教練,你如果想了解更多泳界知讖,個教練真係可以無私咁分享,不過自問就無興趣...

喺度分享原來係咁開心,好多謝BK建立這個平台,充心祝福各位有個愉快嘅泳程....

作者: chingbb 時間: 09-2-20 11:14

Thank you very much! 另外, 想問下你囡囡由幾多歲開始學架?

原帖由 rosebebe 於 09-2-19 17:13 發表
Hi chingbb,
我唔需要落水睇住我個女架,我個女小一了,已經不用我再睇,你可以打去海天問的.我個女都係跟海天游架.

作者: WindyTan 時間: 09-2-24 12:35

其實每個人都會覺得自己個教練好. 如果吾係都換人啦.
我都覺得我囡囡個教練好好.
但我又冇想過介紹比人. 因為每個人要求吾同.

有d人要好快學識游.
有d人要姿勢正確先.
我要健康. (有人話. 比賽一定有傷) 教練話吾係. 練得吾好先會. 要做好基本功.

單對單有單對單好. 小隊有小隊好.

入泳會游可吾可以自選教練先.
一個吾好. 吾可以話個泳會吾好.

歡迎光臨教育王國 (/)