教育王國

標題: 鮮魚行學校 [打印本頁]

作者: Gar 時間: 09-2-9 22:38 標題: 鮮魚行學校

Hi 各位媽咪,

點解呢個網無人講鮮魚行學校. 昨天聽左個油尖旺小一講座. 好欣賞梁校長既教育理想及不斷求變精神. 返到屋企再上網, 知道呢間學校, 曾經歷過 2 次剎校危機. 但呢間弱勢小學不斷掙扎, 不斷求生. 我相信呢間小學既學生一定有一種自強不息既精神. 唔知有無家長可以再比多 D 意見.

作者: saiwanho 時間: 09-2-10 00:26

原帖由 Gar 於 09-2-9 22:38 發表
Hi 各位媽咪,

點解呢個網無人講鮮魚行學校. 昨天聽左個油尖旺小一講座. 好欣賞梁校長既教育理想及不斷求變精神. 返到屋企再上網, 知道呢間學校, 曾經歷過 2 次剎校危機. 但呢間弱勢小學不斷掙扎, 不斷求生. 我相信 ...

Always have news about the Principal who have been working hard for the school and for the students. If I lived around that area, I would not have been hesitated to send my kid there.

作者: Gar 時間: 09-2-10 02:23

Hi saiwanho,

好多謝妳既回應, 我仲諗住無人答我 "TIM". 我的確對呢間學校有興趣. 但我地係 34 網 (九龍城區), 因我擺烏龍先至聽左油尖旺區. 我好矛盾, 因呢間學校有下列優點及缺點.

優點 : -
1.) 我個人覺得係呢間學校學到既除左書本上知識外. 仲可以學到點樣係逆境中自強. 小朋友點樣對屋企有承擔, 因該校推行左 "交齊功課有米派" 小小年紀已知道自已責任. 要有成果必須付出. 現今小孩生活太富裕. 就算自已亦未真正捱過. 所有嘢都覺得係必然. 無左就唔知點算. 英文, 普通話, 樂器, 游水都可以比 $ 學. 但係鬥志及責任係比幾多 $ 都學唔到.

2.) 呢間學校應該係一間好踏實既學校, 學生絕不是富裕, 相信亦不會有名牌波鞋, 貴價文具及書包等.

缺點
3.) 如將小朋友送去呢間學校, 會有走綱線感覺, 因怕學壞. (Sorry, 我知咁諗係唔啱, 但作為家長一定要考慮清楚)

4.) 唔知升中校網如何.

5.) 唔知梁校長會唔會唔做.

6.) 因為係跨區, 驚入唔到而最後浪費左 34 區好學校.

作者: ericby 時間: 09-2-10 09:34

send your kid there, good school

作者: somedo 時間: 09-2-10 09:55

原帖由 Gar 於 09-2-10 02:23 發表
6.) 因為係跨區, 驚入唔到而最後浪費左 34 區好學校

一定唔會，你都識講佢年年面臨殺校危機，點會唔收。

梁校長確係一位好校長，愛學生如子，我曾因為工作關係，有一次要接觸好幾位校長，當中就只有梁校長能夠比我一個「好愛學生」既感覺。

你所提到既優點係好好，相信鮮魚行既學生響迹境自強方面會比其他學校優勝，但小學唔單止講呢d，講成績都真係好實際。家長要考慮清楚，留意既係，鮮魚行係油尖旺校網，比下有餘架。

作者: Charlotte_mom 時間: 09-2-10 11:29

你去下鮮魚行個網頁, 有晒d剪報, 之前偶然睇左一篇, 講個女學生考左入英華, 睇得出校長為左學生有個好"歸宿", 好盡心幫佢地舖排, 睇完都有d感動

原帖由 somedo 於 09-2-10 09:55 AM 發表

一定唔會，你都識講佢年年面臨殺校危機，點會唔收。

梁校長確係一位好校長，愛學生如子，我曾因為工作關係，有一次要接觸好幾位校長，當中就只有梁校長能夠比我一個「好愛學生」既感覺。

你所提到既優點係好好，相信鮮魚行既學 ...

作者: saiwanho 時間: 09-2-10 13:53

原帖由 Gar 於 09-2-10 02:23 發表
Hi saiwanho,

好多謝妳既回應, 我仲諗住無人答我 "TIM". 我的確對呢間學校有興趣. 但我地係 34 網 (九龍城區), 因我擺烏龍先至聽左油尖旺區. 我好矛盾, 因呢間學校有下列優點及缺點.

優點 : -
1.) 我個人覺得係 ...

殺校這個問題，我覺得如果小孩已經入學，殺的話應該是針對來年（新的一批）收生，已入學的都應該可以讀到小學畢業吧，不知道我的理解對不對？

梁校長的作風非常踏實！我喜歡！

唯一遺憾就是校舍本身比較舊，硬件方面不夠強，不過從電視上看到的我覺得氣氛好溫馨，在外面的學校應該少見！

作者: loy211 時間: 09-2-10 14:57

很難得有一個有心的校長,帶領全校師生一起努力!
值得一讚

作者: baekdoosan 時間: 09-2-10 15:24

34網有不少更好學校, 大抽獎不妨先碰碰運氣. 抽不中再回頭叩鮮魚行也不遲.

作者: Sherryko9 時間: 09-2-10 16:45

我都好欣賞"鮮魚行"校長的毅力和耐力,但教署真係好衰,呢頭殺校,果頭又起鬼咁多新校,驚死D舊校死唔切!
但早前又好似從報章得知梁校長話下次再有"殺校"危機,佢再無精力去救喎!唉!一個人的力量/精力真係限的..
殺校唔只針對來年收的學生,好似早前某D學校讀緊的學生都要轉校,教署安排喎!
其實香港不能只存在Band 1或2學校,有些學生學習能力是比較低和慢,如果堅持要他們去不適合的學校,只苦了學生和老師,Band 3的學校是有它的價值,正如Band 1/2學校都唔係個個精英啦!入面都有壞份子....

原帖由 saiwanho 於 09-2-10 13:53 發表

殺校這個問題，我覺得如果小孩已經入學，殺的話應該是針對來年（新的一批）收生，已入學的都應該可以讀到小學畢業吧，不知道我的理解對不對？

梁校長的作風非常踏實！我喜歡！

唯一遺憾就是校舍本身比較舊，硬件方面不夠強，不過從電視 ...

作者: johnny_tangcy 時間: 09-2-10 17:20

我都欣賞"鮮魚行",但係...又有幾多人願意將子女前途放在革命上.

我算是過來人,兒子曾在被殺小學就讀....情況不是咁樂觀的.

作者: Gar 時間: 09-2-10 18:09

Hi Johnny,

可唔可以話比我地聽你仔仔讀邊間小學. 如果讀讀吓殺校, 係咪要轉其他學校. 鮮魚行應該唔會再遭殺校掛. 人地辛辛苦苦先救番間學校. 呢頭又殺校. 唔比人生存. 係咪等於殺人兇手

. 梁校長都話唔知點解教育署唔鐘意佢地間學校. 唔知有無小朋友讀緊呢間學校既家長可以入嚟傾下.

作者: Gar 時間: 09-2-10 18:28

Hi,

又係我 !! 如果你地有時間上下鮮魚行個網, 裡面既本校新聞一欄有好多感人故事, 講下 D 學生點樣發奮脫貧, 講下個校長點樣多計, 講下全校 300 人點樣護校, 真係好值得所有大人同小朋友學習.
http://www.ffts.edu.hk

作者: pipi331 時間: 09-2-10 21:45

提示: 作者被禁止或刪除內容自動屏蔽

作者: Gar 時間: 09-2-10 23:50

Hi pipi331,

嘩油天個校長簡直離譜, 反而副校長仲好 D. 可能油天既校長不滿同一間弱勢小學同場. 話晒油天係個區都係數一數二既名校. 好多家長都想入, 甚至跨區都要入. 又有教會做 background, 根本唔駛諗咁多嘢. 點會知道一間弱勢學校既難處. 呢個校長夠讀得書多, 搵 $ 都應該唔少, 但心靈上既富足及那無私既精神就遠遠不及鮮魚行梁校長. 唔好意思, 油天既 Fans 得罪哂. 但我都係依我所見而講出嚟.

作者: johnny_tangcy 時間: 09-2-11 00:29

兒子之前是在灣仔學校讀書,未殺校前已經學生唔多,一級兩班50多人,當獲知殺校消息,雖然大家都表現得眾志成城，希望可以翻身,即使不能翻身,校長老師亦堅稱會守到所有學生畢業,但原來學生,老師....甚至校長都已經暗自籌謀,接著的一年,成績好的學生,有學歷的老師,陸陸續續轉校,一年後暑假,校長突然辭職,可說是雪上加霜,開學時全級只餘下20多人,結果學校在2年後便關閉了.

我本來猶豫應否說出兒子經歷出來,因怕會影響鮮魚行,我亦相信梁校長不是會拋棄學生的人,但我覺得...宣佈被殺的學校,已經被家長判了死刑,只能苟延殘存而已.....

與其叫梁校長花時間作長期抗爭,不如開辦間新學校,由梁校長做新校長,同時接收鮮魚行舊生,專心作育英材,相信會更可行.

**祝: 鮮魚行學校長長久久**

作者: acer1 時間: 09-2-11 00:40

有咁好嘅九龍城校網一定要報。
至於去鮮鱼行，除非你窮到要個小朋友細細個就要憂柴憂米，如果唔係點解要去迹境自強，成日見埋D咁嘢边有心機讀書？校長好當然好，但不是主因，環境都好重要。
仲有間學校咁好点會成日比人殺校。點解少人讀。

作者: acer1 時間: 09-2-11 00:45

Johnny tangcy 說出自己經歷，真是心地好。

作者: Gar 時間: 09-2-11 09:42

而家有D 叫 AQ 課程, 即抗逆指數. 都係因為而家 D 人既抗逆能力唔夠, 郁 D 就自殺. 當然唔係話要去呢間學校 train up 呢樣嘢. 但我覺得如果係正面既嘢就應該表揚多 D. 唔理佢係貧定富.

作者: somedo 時間: 09-2-11 11:14

原帖由 acer1 於 09-2-11 00:40 發表
仲有間學校咁好点會成日比人殺校。

因為鮮魚行係新移民學生居多，一般家長未必揀，學生不足，就面臨殺校。但佢雖然係新移民學生，但校長好好，識教小朋友，處處為小朋友有健康成長為出發點，絶唔係沽名釣譽既人。鮮魚行加油!!

作者: johnny_tangcy 時間: 09-2-11 11:59

相信大部分人對"鮮魚行"寄予敬佩、同情!!!

但係..這個戰役真正犠牲的，只會是學生.

即使"鮮魚行"真的守不住,這班學生會否無書讀呢???一定不會!!!

雖然梁校長精神可加,但行事不算理性,"鮮魚行"這個品牌,只有梁校長被敬重,而鮮魚行的老師及學生,不會有同等待遇,甚至是看低一線.

學生們只想做"梁校長學生",不一定要做"鮮魚行的學生",勉強保住"鮮魚行"這個名字,傷害只會是學生,還是盡快考慮合併或辦新校吧。

作者: somedo 時間: 09-2-11 12:15

原帖由 johnny_tangcy 於 09-2-11 11:59 發表
相信大部分人對"鮮魚行"寄予敬佩、同情!!!

但係..這個戰役真正犠牲的，只會是學生.

即使"鮮魚行"真的守不住,這班學生會否無書讀呢???一定不會!!!

雖然梁校長精神可加,但行事不算理性,"鮮魚行"這個品牌,只有梁校長被 ...

但鮮魚行係辦學團體，點改﹖叫佢地賣橙﹖其實我都欣賞背後既魚商，佢地撐左間學校好耐，亦全力支持梁校長咁話。

作者: Gar 時間: 09-2-11 13:22

Anyway, 全力支持鮮魚行, 希望佢地做到好成績. 令我地跌哂眼鏡之餘, 更眼都突埋.

作者: pipi331 時間: 09-2-11 23:25

提示: 作者被禁止或刪除內容自動屏蔽

作者: pipi331 時間: 09-2-11 23:27

提示: 作者被禁止或刪除內容自動屏蔽

作者: Patsy2009 時間: 09-2-13 15:27

原帖由 baekdoosan 於 09-2-10 15:24 發表
34網有不少更好學校, 大抽獎不妨先碰碰運氣. 抽不中再回頭叩鮮魚行也不遲.

同感

作者: happybaby 時間: 09-2-22 20:29 標題: 回覆 # 的文章

有無往返荃灣至鮮魚行學校褓姆車? pls pm me, 急急. Wendesday 返學.

作者: fungfungmami 時間: 09-2-23 03:27

aaaaaaaaaaaaaa

[ 本帖最後由 fungfungmami 於 10-9-17 11:58 編輯 ]

作者: fungfungmami 時間: 09-2-23 03:27

happybaby
請問點解你會跨區報依間

作者: Gar 時間: 09-2-23 13:20

Hi,

我都好想知點解 2 位媽咪會誇區報呢間學校 ?

作者: DaddyX 時間: 09-2-25 14:13

提示: 作者被禁止或刪除內容自動屏蔽

作者: DaddyX 時間: 09-2-25 14:14

提示: 作者被禁止或刪除內容自動屏蔽

作者: Era 時間: 09-2-25 14:22

師生家長盡心協力譜寫「鮮魚行傳奇」
(明報)2月24日星期二 05:05
【明報專訊】大角嘴鮮魚行學校一些片片斷斷，經常見諸報章，最新一樁是該校推行的交齊功課換食物計劃，改造了一名本來「例必欠交功課」的學生，使他變得準時交功課。這個片斷，再一次說明鮮魚行學校校方在熱心社會人士協助下，悉心教導學生，引導學生向善，取得成績。此事使得「鮮魚行學校傳奇」，增添感人故事。

窮學生轉性奮鬥為家人加餸

有子如此父母誰不感動？

故事主人翁是一名小二學生，入讀小一以來例必欠交功課，校方去年底推行交齊功課換食物計劃後，這名學生「突變」，準時交功課，每周換取食物回家，包括臘腸、午餐肉、白米等。原來這名學生家境清貧，一家五口，靠父親經營「收買佬」生意為生，在金融海嘯後，生意收入跌至每月約1萬元，扣除舖租及屋租後，餘下約2000元就是全家的生活費，遲交租、遲交電費更是司空見慣。金融海嘯前廢鐵售價每斤2元，上周急跌至每斤1角，收入大跌，生計開支更是捉襟見肘，每日只有20元買菜，以現時物價之貴，多數只能買些廉價魚、菜頭菜尾佐餐，該名學生憑着交齊功課，換取食物，為家人加餸。

這名學生的轉變，可能有人認為與物質鼓勵有關，不足為法。教育理論當然不能忽視，但是鮮魚行學校這個做法，使得一名小二學生為了改善家中「伙食」而奮鬥，對於這名小孩子，是何等深刻的洗禮和頓悟，對於這名小孩子的父母和家人，是何等安慰。相信天下間的父母得此「生性」兒子，都會感到驕傲。古時以「書中自有黃金屋」來激勵讀書人，鮮魚行學校這一幕，卻是「書中自有午餐肉」。對於這一家人，這樣得來的午餐肉，吃來更甘香可口。相信不少教育工作者都想教出這樣的學生，鮮魚行學校做到了。

鮮魚行學校近年聲名大噪，主要得力於校長梁紀昌所率領的教師團隊。這所學校，在梁紀昌於2002年辭去教署工作、入主當校長之前，校舍破爛，教師怠惰，學生散漫，校內情况之壞可謂臭名遠播。梁紀昌主持校務之後，大刀闊斧改革，請來一批志同道合的教師打拼，縱使2004和07年兩度面臨「殺校」，都在師生、家長協力下，渡過難關，到去年度小一、小二收生都達標，重新獲得政府資助。

去年底，中英劇團根據鮮魚行學校的蛻變歷程，編了一齣話劇《冰鮮校園》，公開上演，鮮魚行學校教師團隊搞革命，死抗爭，努力讓貧窮子弟讀書成材的一顆真心，自此更得到傳揚和肯定。

校窮志不窮

校長老師為學生當孺子牛

鮮魚行學校的巨大變化，總結起來，應該有如下幾點。

（1）校長與他所率領教師團隊的盡心盡力。該校學生大多家境清貧（有42%學生來自綜援家庭或領取金額書簿津貼），家長為口奔馳，無暇照顧子女學習，據知校長和老師逐一登門造訪家長，以了解學生的處境，使學校與家長之間建立起良好互動，取得家長信任，有利於對學生因材施教。加上採取開放校園等措施，校長教師與學生之間打成一片，據知，小息時，許多時候學生會湧進校長室，與校長攬頭攬頸，校長甚至讓學生坐校長椅，說是要讓學生體會一下將來做校長的感覺。校園這種氛圍，學生渴望上課，學習事半功倍，自然不在話下。

（2）梁紀昌校長不以「窮學校、窮學生」為恥，開誠布公反而贏得支持取得大量資源。鮮魚行校內被形容為一個「二手市場」，大至教師桌子，小至花園藤椅，都是熱心人送贈。現在校內桌椅大小不一，有的木製，有的是L形，有的大得可以睡覺。這種不規則，對於學生可能是最佳教材，讓學生切身體驗珍惜、節儉之美德。香港社會相對富裕，許多時候人們棄用的物品，其實仍然簇新可用，鮮魚行擺出一副「窮樣」，得以廣納大批剩餘物資，做法聰明可取。

（3）教師對學生的照顧，除了學業，還有生活。例如少數同學獲校方安排，每隔兩星期便把學校收集得來的廢紙，送到附近的回收商變賣。所得金錢雖然不多，特別是金融海嘯之後，廢紙價格大跌，學校仍然盡量幫助清貧學生。另外，還有回收舊校服、書包或學期末以每本1元回收校簿等，諸如此類做法，除了金錢以外，最重要是使同學們領略環保信息，這種言傳身教，學生在潛移默化中，對其人格塑造和建立積極的人生觀，會有莫大得益。

（4）許多人都認為香港人冷漠，但是鮮魚行變革過程中，個別社會人士所顯露熱情，為「鮮魚行傳奇」提供了一定物質條件。例如交齊功課換食物計劃，就是有熱心人接連捐贈各種食物所致，這些有心人去年聖誕節，還給該校師生每人送贈一盒臘腸及鴨膶腸，其心細如塵，使人感動。又例如該校上一學年，獲熱心人捐出1萬元，讓20名學生得以參加劍橋英語試，其中6人得到滿分，全部報考學生在口試都獲滿分，成績之佳，使人刮目相看。還有是去年3、4月間流感肆虐之時，有新潮涼茶舖給學校送去300多盒包括雞骨草、夏枯草、花旗參蜜等飲料，供師生抗擊流感。

這些情况，顯示鮮魚行學校師生的努力和成績，已經得到社會認同，其他學校可能認為若得到捐助，「我也會做喇」。問題不在這裏，問題在於鮮魚行學校為何能夠打動人心？

英基申請6億元建兩校舍

窮措大鮮魚行誰更富有？

鮮魚行學校從其學生背景到校內景况，在在顯示一個「窮」字，但是鮮魚行學校師生之「富有」，卻使得許多教育工作者欽羨。近日，英基學校向當局申請約6億元用以興建兩所校舍，日後英基這校舍外觀之美輪美奐和學生家境之優越，鮮魚行學校、學生當然望塵莫及，但是「鮮魚行傳奇」所演繹的富有內涵，誰又可以說英基學校較鮮魚行學校「富有」？

鮮魚行學校的成功，其實寫出一條道理，就是：成功的學校，不一定由金錢堆出來，只要教育工作者全心全意、全力以赴，雖然缺錢，也一樣可以取得使人矚目的成就。

作者: ysnmama 時間: 09-2-25 14:28

昨天聽收音機說鮮魚行學校獎勵學生是送午餐肉. 是否屬實? 因為很多學生是綜援家庭. 所以午餐肉對於他們來說是很珍貴. 而且收音機說會否令學生誤會讀書不是為讀書或知識. 而是為了午餐肉. 我不存歧視. 因為在現實世界裡, 有"心"的學校及校長確是令人感動.

作者: pipi331 時間: 09-2-25 22:53

提示: 作者被禁止或刪除內容自動屏蔽

歡迎光臨教育王國 (/)