教育王國

標題: 自閉症傾向, 但政府唔太肯定... [打印本頁]

作者: kokofamily 時間: 09-2-17 11:19 標題: 自閉症傾向, 但政府唔太肯定...

上年10月時學校老師反映, 我小朋友有以下問題:-
1. 唔合群, 鍾意自己一個玩同講野(唔知講咩, 太空話), 多數時間唱歌(哼音)為主
2. 自理ok, 懂得自己食野, 冇特別偏食
3. 坐唔定, 一講故事就走
4. 唔知講咩, 詞語ok, 但冇句子
5. 冇eye contact

老師未反映時, 佢在家:-
1. 對高頻聲音好敏感, 例如: 吸塵機, 花曬, 風筒, 電轉, etc
2. 對color, number, 卡通人物名好有敏感, 音樂特別有記性, 好多兒歌, 廣告歌都識哼.

11月同健康院醫生講, refer去做評估, 但要等半年, 我等唔切去咗私家醫生睇, 醫生佢話肯定唔係典型果隻, 係marginal自閉症傾向.

我於是安排佢言語治療先.

最近, 政府排到做評估啦, 但醫生話唔肯定佢係唔係自閉症, 只係肯定佢係言語遲緩.

而家, 佢差不多3歲, 綜合老師評語同我觀察:-
1. 開始合群, 群體遊戲已可以一齊玩, 可以分享玩具
2. 較為坐定, 講故事ok
3. 唔知講咩, 多好多詞語, 有句子, 例如我要xx
4. 有eye contact
5. 對高頻聲音仍然好敏感, 唔知點幫佢

有兩點我唔知點做,
1. 對高頻聲音仍然好敏感, 唔知點幫佢, 仲愈來愈怕, 一聽到要走
2. 經常講過不停, 我地問佢野, 佢答完你又繼續喃喃自語, 例如自己講故仔. 講過不停嘅意思係坐車又講, 坐"車立"又講, 行路又講

有冇人有類似經驗?

[ 本帖最後由 kokofamily 於 09-2-17 11:30 編輯 ]

作者: mantowong 時間: 09-2-17 15:10 標題: 同路人

你好！
我囝囝快2歲半了，是個早產B(32週出世)，在2歲時評估結果是發展遲緩。返學及平時表現跟你BB差不多一樣，但我選擇讓他退學，讓他專注在私人機構做訓練(很貴)，我寧願自己辛苦點，都不愿意浪費他的黃金時間。現等緊政府安排2歲半再做評估，希望他不是自閉兒。
我們一起努力吧！

作者: kokofamily 時間: 09-2-17 16:04

私家醫生都咁建議我退學, 但我小朋友好喜歡返學, 所以最後讓佢繼續. 不過, 我地兩公婆一有時間就同佢玩, 同佢講野, 跟言語治療師做家居訓練.

原帖由 mantowong 於 09-2-17 15:10 發表
你好！
我囝囝快2歲半了，是個早產B(32週出世)，在2歲時評估結果是發展遲緩。返學及平時表現跟你BB差不多一樣，但我選擇讓他退學，讓他專注在私人機構做訓練(很貴)，我寧願自己辛苦點，都不愿意浪費他的黃金時間。現等緊政府安排 ...

作者: mom2004new 時間: 09-2-17 22:34

I know some kids have the problem to process sound. You can contact Pang's Music Therapy.

聽覺綜合訓練
Auditory Integration Training (AIT)

This AIT 是透過聆聽經過濾及調配音頻的音樂來矯正聽覺系統對聲音處理失調的現象並剌激腦部活動進而達到行為及情緒改善的目的。
www.musictherapy.com.hk

原帖由 kokofamily 於 09-2-17 16:04 發表
私家醫生都咁建議我退學, 但我小朋友好喜歡返學, 所以最後讓佢繼續. 不過, 我地兩公婆一有時間就同佢玩, 同佢講野, 跟言語治療師做家居訓練.

作者: cow09 時間: 09-2-17 23:05

kokofamily, please check your 私人訊息

歡迎光臨教育王國 (/)