教育王國

標題: 07年4月bb應幾時入學？我咩都唔識想請教各位 [打印本頁]

作者: pkpk_1125 時間: 09-2-21 10:03 標題: 07年4月bb應幾時入學？我咩都唔識想請教各位

各位媽咪，想請教下各位，我仔仔2007年4月出世，應該幾時開始搵學校報名讀書呢？係二歲可以入學吖定係要足二歲零八個月先可以返學呢？如果今年九月返學佢又先得二歲零五個月，如果今年唔入學住等到下一年佢又大得滯三歲零五個月了﹗咁究竟我應該幾時俾佢返學呢？同埋係咪搵定一間學校自己去個間學校度攞報名表格，填好交返俾佢就得架，咁細個要唔要面試呢？咁細個會考佢啲咩呢？又有人話，咁細個返學都只係食同瞓同玩，無咩用，但又有人話越早俾佢返學越好，會听話乖啲學識守規矩，咁應該係越早返越好嗎？返全日同半日又應點揀呢？
請各位有經驗媽咪教下我啦﹗唔該晒﹗

作者: HEIDICHOI 時間: 09-2-21 16:35

如讀k1就一定要夠2yrs old8m先可以,如未夠就只可先讀n1,所以你如比佢讀k1就要係今年考2010年時讀即到時3yrs old5個月..大仔...其實大仔比細仔仲好,,多d學校like收大仔,因為會比細仔易教d同快學識d野
你可留意一下你心儀既學校係幾時開始派form,不過多數都係9,10,11月左右派的,到時你就拎form填表,寄番去等佢地話你知幾時interview就ok喇,,其實間間學校問小朋友既野都唔同,多數都係問下叩咩名,邊個同你黎interview,比d物件問佢係咩黎,比d指令小朋友睇下佢識唔識跟住做,問下父母對小朋友同學校有咩祈望等等
而番半日同全日就睇下你既需要囉,但好多學校會叫你填想番上定下定全日,但唔一定係你想要既..佢地編既
如你要番工咪比佢番全日囉,,如唔駛做野,我就覺得半日已OK

原帖由 pkpk_1125 於 09-2-21 10:03 發表
各位媽咪，想請教下各位，我仔仔2007年4月出世，應該幾時開始搵學校報名讀書呢？係二歲可以入學吖定係要足二歲零八個月先可以返學呢？如果今年九月返學佢又先得二歲零五個月，如果今年唔入學住等到下一年佢又大得滯三歲零五個月 ...

[ 本帖最後由 HEIDICHOI 於 09-2-21 16:39 編輯 ]

作者: pkpk_1125 時間: 09-2-22 14:52 標題: 回覆 # 的文章

唔該晒你咁詳細教我呀？咁我想問下如我想而家佢差唔多二歲俾佢返N1，我揀好間學校自己搵日行入去問下仲可唔可以報名咁得嗎？會唔會趕到今年九月同其他人一齊九月開到學呢？THX

作者: HebeMama630 時間: 09-2-22 21:06

妳可以打電話去問吓N1仲有冇位,如有佢會話妳知個程序i.e. wait for they to inform you the interview date & time, if they accept your son after the interview then your son can go & study N1 in coming Aug/Sep! But for 2010"K1", you have to call the school that you want at around Sep to ask when will the application procedure start!

原帖由 pkpk_1125 於 09-2-22 14:52 發表
唔該晒你咁詳細教我呀？咁我想問下如我想而家佢差唔多二歲俾佢返N1，我揀好間學校自己搵日行入去問下仲可唔可以報名咁得嗎？會唔會趕到今年九月同其他人一齊九月開到學呢？THX ...

作者: pkpk_1125 時間: 09-2-24 23:50 標題: 回覆 # 的文章

thx，即係而家睇下仲有邊啲學校有位返n1，但k1未必要讀返依間我可以而家開始搵定攞定報名表，但我當然想仔仔返n1依間繼續讀上去，轉第二間好似唔係幾好咁﹗唔該晒你先﹗

作者: acw 時間: 09-2-27 16:09 標題: 學校

http://chsc.edb.hkedcity.net/kindergarten/

作者: spmok1999 時間: 09-2-27 16:53

原帖由 pkpk_1125 於 09-2-24 23:50 發表
thx，即係而家睇下仲有邊啲學校有位返n1，但k1未必要讀返依間我可以而家開始搵定攞定報名表，但我當然想仔仔返n1依間繼續讀上去，轉第二間好似唔係幾好咁﹗唔該晒你先﹗ ...

我諗十個家長會有一半或以上會考慮 n1 同 k1 係唔同o既幼稚園, 因為有些出名的幼稚園都不開辦 n1 班的, 有些幼稚園(e.g.基督堂)連 k1 班都不開辦呢!

歡迎光臨教育王國 (/)