教育王國

標題: 聖公會曾肇添中學的家長 [打印本頁]

作者: summer01 時間: 09-2-25 17:23 標題: 聖公會曾肇添中學的家長

我小朋友的成績在全級頭5名, 想請問曾肇添是否很"谷"學生, 因為聽小學老師的評語係這間中學只重視學生成績, 所以課外活動不多. 之前新聞亦有一名該校學生因為學業成績而自殺, 所以想知是否校內氣氛都係只顧讀書, 令學生很大壓力.

作者: Mrs.Ching 時間: 09-2-25 18:46

Not much tests in F1 to F3.
A lot of tests in F4.
There are quite a lot of school activities . There are only a few inter-school activities , that is why it is not a well-known school .

The suicide event is an individual event , may not be related to the school.

My daughter said that the relationship between the students & most of the teachers are good.

作者: yanyan-mummy 時間: 09-2-25 20:13

原帖由 summer01 於 09-2-25 17:23 發表
我小朋友的成績在全級頭5名, 想請問曾肇添是否很"谷"學生, 因為聽小學老師的評語係這間中學只重視學生成績, 所以課外活動不多. 之前新聞亦有一名該校學生因為學業成績而自殺, 所以想知是否校內氣氛都係只顧讀書, 令 ...

不覺特別谷成績,但學生質素很高,成績很好,很多是頭幾名入來的,所以要努力D才keep得住,不過吾覺只顧讀書,校內亦很多活動,在乎你比吾比佢參加!如全級頭5名應無太大壓力,如屬band1尾真的吾好選呀!

作者: cell 時間: 09-2-25 23:43

原帖由 summer01 於 09-2-25 17:23 發表
我小朋友的成績在全級頭5名, 想請問曾肇添是否很"谷"學生, 因為聽小學老師的評語係這間中學只重視學生成績, 所以課外活動不多. 之前新聞亦有一名該校學生因為學業成績而自殺, 所以想知是否校內氣氛都係只顧讀書, 令 ...

說真的不覺得谷學生,反而覺得好放鬆。而課外活動很充足,只是校內學生質數真的好強(比我想像中高好多),而測驗考試出卷也較深。(同區的學校比較,在補習社有很多不同的學校(都是band頭)比較,補習老師說呢間出得最深)

作者: summer01 時間: 09-2-26 09:54

原帖由 cell 於 09-2-25 23:43 發表

說真的不覺得谷學生,反而覺得好放鬆。而課外活動很充足,只是校內學生質數真的好強(比我想像中高好多),而測驗考試出卷也較深。(同區的學校比較,在補習社有很多不同的學校(都是band頭)比較,補習老師說呢間出得最深) ...

很感激大家的寶貴意見, 因為小朋友現在是五年級, 實在為選擇合適的學校很煩惱 !!!! 如大家有任何沙田區好中學, 何否介紹給我. 多謝先 !!

作者: catcatmom 時間: 09-2-26 10:53

我朋友個仔係九龍塘私小(出名程度深) 全級考十幾二, 佢亞媽想報曾, 但學校老師叫佢唔好, 因曾係只interview全級十名之內, 唔會睇邊間小學, 所以不要size左個自行interview機會, 佢最終自行去考喇小同皇仁.另外我街坊個仔前2年就係一間普通小學讀, 有機會入去interview, 最後入埋去讀.佢話小功課多測驗, 讀書風氣很好,個仔測驗每科都有6十幾7十分.我唔知中學測驗點計分,但朋友個女(f2)係間出名中學讀, 佢話6十幾分係包尾分數.

[ 本帖最後由 catcatmom 於 09-2-26 10:57 編輯 ]

作者: HPChingchingma 時間: 09-2-26 10:59

原帖由 summer01 於 09-2-25 17:23 發表
我小朋友的成績在全級頭5名, 想請問曾肇添是否很"谷"學生, 因為聽小學老師的評語係這間中學只重視學生成績, 所以課外活動不多. 之前新聞亦有一名該校學生因為學業成績而自殺, 所以想知是否校內氣氛都係只顧讀書, 令 ...

原來是 P.5.學生其實第一個呈分試都未考呀.
有時 , 小朋友變數有時都好大上落.
家長現在鼓勵外
也要平常心.
也要試下問小朋友心儀中學是如何模式才好.

我朋友的女女是 BAND ONE,
現在成績不太好.
心裡總覺得搵錯給她.
但當年囡囡又沒有意見.

沙田區英中學大多都好好.
看家長要求是甚麼而已.

[ 本帖最後由 HPChingchingma 於 09-2-26 11:08 編輯 ]

作者: cell 時間: 09-2-26 11:09

原帖由 catcatmom 於 09-2-26 10:53 發表
我朋友個仔係九龍塘私小(出名程度深) 全級考十幾二, 佢亞媽想報曾, 但學校老師叫佢唔好, 因曾係只interview全級十名之內, 唔會睇邊間小學, 所以不要size左個自行interview機會, 佢最終自行去考喇小同皇仁.另外我街坊 ...

我個女個班真係平均分六十幾已是包尾分數了。

作者: yanyan-mummy 時間: 09-2-26 11:36

原帖由 catcatmom 於 09-2-26 10:53 發表
我朋友個仔係九龍塘私小(出名程度深) 全級考十幾二, 佢亞媽想報曾, 但學校老師叫佢唔好, 因曾係只interview全級十名之內, 唔會睇邊間小學, 所以不要size左個自行interview機會, 佢最終自行去考喇小同皇仁.另外我街坊 ...

曾肇添會in教署排名頭200名左右學生,所以考1x照計有得in,不過同學間很多為10名內,據我所知平均分60都差吾多尾la!

作者: yanyan-mummy 時間: 09-2-26 11:40

原帖由 cell 於 09-2-26 11:09 發表

我個女個班真係平均分六十幾已是包尾分數了。

cell,
咁你女女考得好吾好呀!
我囝囝今次比起小學差好多,下學期要急起直追了

作者: 王國國民 時間: 09-2-26 11:41

原帖由 yanyan-mummy 於 09-2-26 11:36 發表

曾肇添會in教署排名頭200名左右學生,所以考1x照計有得in,不過同學間很多為10名內,據我所知平均分60都差吾多尾la!

是否指沙田區頭200名? 因如指全香港,九龍及新界的話, 我相信頭200名不會有太多去這間學校?

作者: yanyan-mummy 時間: 09-2-26 11:46

原帖由 王國國民 於 09-2-26 11:41 發表

是否指沙田區頭200名? 因如指全香港,九龍及新界的話, 我相信頭200名不會有太多去這間學校?

是指自行有入紙中教署全港排名之頭200名學生,當然沙田學生佔多,但外區亦不少!

作者: catcatmom 時間: 09-2-26 13:01

私小個老師真係甘同我朋友講! 因佢地有以往經驗, 暗示曾中學5考慮佢地程度高過其他小學,都係一樣唔in考全級十幾2十名既學生,因佢全班第5名, 甘有數得計. 老師唔想佢無左自行機會,佢個仔有西樂8級,自行已去考了喇小同皇仁.

我都開始相信, 因街坊個仔間小學係沙田都好"使"吓, 但佢都有得in, 甘最後佢係自行被曾收了or 大抽獎入去, 就無人知, 但個亞媽話佢個仔既成績幾好, 所以老師叫佢報曾, 而入到去個小朋友測驗成績係abt六十幾7十分.

朋友個女係一間普通小學考第一, 甘佢亞媽就同佢轉了去深水步私小(sfa), 結果派成績表連一百名都入唔到. 但留番係原校係band頭, e+係band尾.

原帖由 yanyan-mummy 於 09-2-26 11:36 發表

曾肇添會in教署排名頭200名左右學生,所以考1x照計有得in,不過同學間很多為10名內,據我所知平均分60都差吾多尾la!

[ 本帖最後由 catcatmom 於 09-2-26 13:15 編輯 ]

作者: cell 時間: 09-2-26 16:54

原帖由 yanyan-mummy 於 09-2-26 11:40 發表

cell,
咁你女女考得好吾好呀!
我囝囝今次比起小學差好多,下學期要急起直追了

我個女平均分七十多少少,所有科目均合格,看到分數時覺得好滿意的,點知名次一出竟然和我估計有點距離去到中間位置,小學係頭三而家只是中游位置。其實佢就中英科
都貼近十名,只是數學去到好後拖累吧!

作者: yanyan-mummy 時間: 09-2-26 18:52

原帖由 catcatmom 於 09-2-26 13:01 發表
私小個老師真係甘同我朋友講! 因佢地有以往經驗, 暗示曾中學5考慮佢地程度高過其他小學,都係一樣唔in考全級十幾2十名既學生,因佢全班第5名, 甘有數得計. 老師唔想佢無左自行機會,佢個仔有西樂8級,自行已去考了喇小同 ...

咁皇仁味仲難入?

不過囝囝話同學好多來自不同小學,有D普通小學全級第一入到黎都keep住好前,所以真係吾可以睇小!

作者: yanyan-mummy 時間: 09-2-26 18:59

原帖由 cell 於 09-2-26 16:54 發表

我個女平均分七十多少少,所有科目均合格,看到分數時覺得好滿意的,點知名次一出竟然和我估計有點距離去到中間位置,小學係頭三而家只是中游位置。其實佢就中英科
都貼近十名,只是數學去到好後拖累吧! ...

囝囝爭D先70,今次冇理佢,諗住叫佢自己讀,睇下成果點,點知

今次我會睇番,睇下會吾會好D!
不過囝囝就掉轉,中文好低,數學最高,聽聞中文輔導班份卷好淺,同學輔導班考頭10名,我地就......

吾公平呀!

作者: cell 時間: 09-2-26 21:12

原帖由 yanyan-mummy 於 09-2-26 18:59 發表

囝囝爭D先70,今次冇理佢,諗住叫佢自己讀,睇下成果點,點知今次我會睇番,睇下會吾會好D!
不過囝囝就掉轉,中文好低,數學最高,聽聞中文輔導班份卷好淺,同學輔導班考頭10名,我地就...... 吾公平
呀! ...

咩考試係吾同我地架,我只知道佢輔導班測驗同我地吾同,
吾知連考試都淺d喎!咁咪即係有精英班囉!

作者: yanyan-mummy 時間: 09-2-26 22:24

原帖由 cell 於 09-2-26 21:12 發表

咩考試係吾同我地架,我只知道佢輔導班測驗同我地吾同,
吾知連考試都淺d喎!咁咪即係有精英班囉!

但輔導班好似全級得2x-30人度,無理由其他百幾人都精英班wo!

作者: catcatmom 時間: 09-2-26 22:46

媽咪既老師叫佢考皇仁同喇小, 真係in左佢個仔, 無點錯路, 即是這兩間會睇其他野, 唔係只睇成績,如: 課外活動, 同時間學校既學術水平. 唔係睇小d普通小學, 你講全級第一, 可能已係超班果隻, 實力估唔到.我都知道今年新蒲剛小學全級又係好top果個, 入了stmary全班第一.

原帖由 yanyan-mummy 於 09-2-26 18:52 發表

咁皇仁味仲難入?
不過囝囝話同學好多來自不同小學,有D普通小學全級第一入到黎都keep住好前,所以真係吾可以睇小!

[ 本帖最後由 catcatmom 於 09-2-26 22:58 編輯 ]

作者: summer01 時間: 09-2-27 10:12

原帖由 HPChingchingma 於 09-2-26 10:59 發表

原來是 P.5.學生其實第一個呈分試都未考呀.
有時 , 小朋友變數有時都好大上落.
家長現在鼓勵外
也要平常心.
也要試下問小朋友心儀中學是如何模式才好.

我朋友的女女是 BAND ONE,
現在成績不太好.
心裡總覺得搵 ...

我都擔心呢個問題, 因為我小朋友都係讀普通小學, 擔心佢去到大部份同學都咁top會好辛苦, 到時反而影響讀書興趣, 連佢自己聽完老師話曾中的要求咁高, 佢自己話入到去, 都驚只得十幾名.

作者: HPChingchingma 時間: 09-2-27 10:45

原帖由 summer01 於 09-2-27 10:12 發表

我都擔心呢個問題, 因為我小朋友都係讀普通小學, 擔心佢去到大部份同學都咁top會好辛苦, 到時反而影響讀書興趣, 連佢自己聽完老師話曾中的要求咁高, 佢自己話入到去, 都驚只得十幾名. ...

我朋友指學校都話唔錯. 你擔心的問題是大路的問題, 不要理會他區學生 , 入到此校後而出成績, 產生比較的問題來.

壓力就肯定有. 沒有壓力又如何成長?
所以家長鼓勵好緊要 . 是鼓勵......
通常這些名列前茅的學生來說 , 自信和能力都比較高些. 名次相對來說 , 又未必視為重要. 我自己認為如小朋友, 有信心又不介意名次既話, 家長可給小朋友在首輪給選下. 之後在第三次分試後. 小朋自己或多或少也感覺得那一類學習環境, 他們是接受得來的. 到時一家人在一起分析.

如希望小朋友進入這些學校, 學生要有比較強的分析能力, 不要老是當他們是 BB 啊 !

放心吧 !

作者: yanyan-mummy 時間: 09-2-27 12:17

原帖由 cell 於 09-2-26 16:54 發表

我個女平均分七十多少少,所有科目均合格,看到分數時覺得好滿意的,點知名次一出竟然和我估計有點距離去到中間位置,小學係頭三而家只是中游位置。其實佢就中英科
都貼近十名,只是數學去到好後拖累吧! ...

cell,
你囡囡個班主任有冇透露全級名次?可否就咁x5而約知全級名次?
有冇講是否每班也以成績平均分配?
因為囝囝個班主任說,全級一,二,三名都在囝囝班,不過我問佢就話平均分配ge!

作者: yanyan-mummy 時間: 09-2-27 12:24

原帖由 summer01 於 09-2-27 10:12 發表

我都擔心呢個問題, 因為我小朋友都係讀普通小學, 擔心佢去到大部份同學都咁top會好辛苦, 到時反而影響讀書興趣, 連佢自己聽完老師話曾中的要求咁高, 佢自己話入到去, 都驚只得十幾名. ...

吾緊要ge,全班1x名都好叻ga!
最緊要有鬥心,仲有成6年,要相信小朋友ge能力!
囝囝小學都好top ga!入到黎不外如是,吾緊要,我同囝囝都有信心可以上番,你都應該係咁,普通小學都可以好勁ga!

作者: summer01 時間: 09-2-27 15:06

原帖由 yanyan-mummy 於 09-2-27 12:24 發表

吾緊要ge,全班1x名都好叻ga!
最緊要有鬥心,仲有成6年,要相信小朋友ge能力!
囝囝小學都好top ga!入到黎不外如是,吾緊要,我同囝囝都有信心可以上番,你都應該係咁,普通小學都可以好勁ga! ...

多謝你的意見, 我都明白最重要係學校的讀書風氣, 同埋的確初中成績不是最重要, 因為重有漫長的6年, 有排努力

作者: cell 時間: 09-2-27 16:08

原帖由 yanyan-mummy 於 09-2-27 12:17 發表

cell,
你囡囡個班主任有冇透露全級名次?可否就咁x5而約知全級名次?
有冇講是否每班也以成績平均分配?
因為囝囝個班主任說,全級一,二,三名都在囝囝班,不過我問佢就話平均分配ge! ...

我問過老師两次全級名次佢都係答我話佢真係吾知,知道一定會答我,全班就知。

由始自終學校一真強調無精英班係平均分佈如各班的。

我都想知點樣先可以入到輔導班,我向老師反映過想個女入輔導班佢係都話無得自己簡啊!

亞女有朋友話輔導教得很好啊!

作者: yanyan-mummy 時間: 09-2-27 17:48

原帖由 cell 於 09-2-27 16:08 發表

我問過老師两次全級名次佢都係答我話佢真係吾知,知道一定會答我,全班就知。

由始自終學校一真強調無精英班係平均分佈如各班的。

我都想知點樣先可以入到輔導班,我向老師反映過想個女入輔導班佢係都話無得自己簡 ...

我都想亞仔入中文輔導班,佢今次墊晒底,考3x名,嚇死我!
但亞仔同學返中文輔導班就10名內,所以我恨入到流口水呀!

作者: October. 時間: 09-3-4 16:22

cell, yanyan-mummy,

聽講全班頭20名先有得係成績表SHOW名次岀來，同時成績表SHOW埋全班考第1個同學既平均分比大家知，我對比過其它學校第1既分數，曾記高過人地好多（或者人地份卷深D)，不过，同D成績標青既學校比就唔知啦。

係啦，妳地點知60分包尾呢？尾個D是沒名次睇架。

老師有張LIST睇到全級排名，問佢會話妳知大約排第幾，但唔講實。

學校無乜功課，全靠自動自覺溫書，都幾唔慣，唔好話小朋友，我地家長都要適應，好在中英文作文都有D（係學校做）。

[ 本帖最後由 October. 於 09-3-4 22:34 編輯 ]

作者: yanyan-mummy 時間: 09-3-4 19:01

原帖由 October. 於 09-3-4 16:22 發表
cell, yanyan-mummy,

听講全班頭20名先有得係成績表SHOW名次岀來，同時成績表SHOW埋全班考第1個同學既平均分比大家知，我對比過其它學校第1既分數，曾記高過人地好多（或者人地份卷深D)，不过，同D成績標青既學校比就唔知啦。

...

Hi, October,
我都問過呂中(囝囝舊同學),top個D真係8x架!
全級成績老師吾肯講話冇排,可能你小朋友考好前,所以話你聽瓜!係呢,你小朋友考得好吾好呀!又common test la!真係快!
我個班最低好似3x,係全級最尾,老師話79-85係考1-10名,約71-79係11-20名,約60-71係21-30名,under60就31-40名,所以我估計5x-60左右就好尾咁law!

作者: October. 時間: 09-3-4 20:42

原帖由 yanyan-mummy 於 09-3-4 19:01 發表

Hi, October,
我都問過呂中(囝囝舊同學),top個D真係8x架!
全級成績老師吾肯講話冇排,可能你小朋友考好前,所以話你聽瓜!係呢,你小朋友考得好吾好呀!又common test la!真係快!
我個班最低好似3x,係全級最尾,老師話79 ...

yanyan-mummy,

我女班第1平均分88.+呀，我女望塵莫及，佢有D科目OK,但被數學拖低平均分，數學合格但低分，造成平均分約76，整個小學階段任何一張試卷都未出過咁低分。

好在佢小學中英文底OK，唔係就。。。。。小學打好基礎好緊要。

TEST又來啦，要佢溫書佢一路聽歌一路望住本書，唔知
幾多入得腦？

另外，妳地認為曾記學生英文會唔會弱小小呢？

作者: yanyan-mummy 時間: 09-3-4 21:44

原帖由 October. 於 09-3-4 20:42 發表

yanyan-mummy,

我女班第1平均分88.+呀，我女望塵莫及，佢有D科目OK,但被數學拖低平均分，數學合格但低分，造成平均分約76，整個小學階段任何一張試卷都未出過咁低分。

好在佢小學中英文底OK，唔係就。。。。。小學打好基礎好 ...

好犀利wo,亞仔真係要急起直追!
亞仔今次係比中文十中作拖低(差吾多包尾),但數就最好,依家仲有返sat ge數學培訓班添!
其實曾記英文吾算弱呀!亞仔卷一9x/120,都考到19/40,
所以我覺得一D都吾弱ga!(不過可能亞仔差la!)

作者: October. 時間: 09-3-4 23:01

原帖由 yanyan-mummy 於 09-3-4 21:44 發表

好犀利wo,亞仔真係要急起直追!
亞仔今次係比中文十中作拖低(差吾多包尾),但數就最好,依家仲有返sat ge數學培訓班添!
其實曾記英文吾算弱呀!亞仔卷一9x/120,都考到19/40,
所以我覺得一D都吾弱ga!(不過可能亞仔差la! ...

好羨慕妳阿仔數學咁醒，我女呢科好弱，小學幾好架，點知一升中就唔掂。
我點解咁講英文呢？我係拿成績、名次同小學時比較，我女小學時英文都幾好，但佢好多同學英文好勁好突出；但在曾記佢英文測驗、考試成績名次都名列前茅，唔通沙田小學既英文同外區比爭少少？

作者: yanyan-mummy 時間: 09-3-4 23:14

原帖由 October. 於 09-3-4 23:01 發表

好羨慕妳阿仔數學咁醒，我女呢科好弱，小學幾好架，點知一升中就唔掂。
我點解咁講英文呢？我係拿成績、名次同小學時比較，我女小學時英文都幾好，但佢好多同學英文好勁好突出；但在曾記佢英文測驗、考試成績名次都名列前茅，唔通 ...

你囡囡是否外區英文小學?我羨慕你就真la!英文好,好多科都可以考得好!亞仔讀沙田ge小學,小學時英文都只中上,但數過下獎,所以托賴都keep到,之前亞仔D中史history都考天才咁去期考,今次我會睇到實,希望有所進步!

作者: October. 時間: 09-3-5 09:28

原帖由 yanyan-mummy 於 09-3-4 23:14 發表

你囡囡是否外區英文小學?我羨慕你就真la!英文好,好多科都可以考得好!亞仔讀沙田ge小學,小學時英文都只中上,但數過下獎,所以托賴都keep到,之前亞仔D中史history都考天才咁去期考,今次我會睇到實,希望有所進步! ...

中史、HISTORY要得到好成績是没有捷径可走的，要下功夫背。

我囡唔係英小畢業，如果讀英小英文程度好D唔岀奇，所以我先有咁既想法，我見過我女小學同學英文勁既程度，我擔心第時公開試面對既不僅僅是沙田學生，而是全港學生既竟爭，如果英文輸比人，都好致命。

作者: yanyan-mummy 時間: 09-3-5 17:44

原帖由 October. 於 09-3-5 09:28 發表

中史、HISTORY要得到好成績是没有捷径可走的，要下功夫背。

我囡唔係英小畢業，如果讀英小英文程度好D唔岀奇，所以我先有咁既想法，我見過我女小學同學英文勁既程度，我擔心第時公開試面對既不僅僅是沙田學生，而是全港學生既 ...

都吾會ge,你睇曾記公開考試成績咁理想,應該吾會差,何況你女兒英文仲名列前矛添!其實亞仔補習社miss話曾記份英文卷比呂中深,係沙田黎講都算數一數二la!不過當然吾可以同出面D傳統名校比la!

作者: October. 時間: 09-3-5 19:26

原帖由 yanyan-mummy 於 09-3-5 17:44 發表

都吾會ge,你睇曾記公開考試成績咁理想,應該吾會差,何況你女兒英文仲名列前矛添!其實亞仔補習社miss話曾記份英文卷比呂中深,係沙田黎講都算數一數二la!不過當然吾可以同出面D傳統名校比la! ...

yanyan-mummy,

就係以佢咁既英文水準(幾好，唔到好好）係曾記可以排到算前（暫時）我先驚呀，小學個時大把同學好過佢，佢唔少同學入咗傳統名校，睇到呂小都有幾個入超級名校，唔知係唔係至TOP個幾個? 知道舊年有個女仔原本已經嚮曾記買晒書了，后尾唔讀，轉咗入九龍塘瑪利諾。

[ 本帖最後由 October. 於 09-3-5 19:43 編輯 ]

作者: yanyan-mummy 時間: 09-3-5 19:57

原帖由 October. 於 09-3-5 19:26 發表

yanyan-mummy,

就係以佢咁既英文水準(幾好，唔到好好）係曾記可以排到算前（暫時）我先驚呀，小學個時大把同學好過佢，佢唔少同學入咗傳統名校，睇到呂中都有幾個入超級名校，唔知係唔係至TOP個幾個? 知道舊年有個女仔原本已經嚮 ...

介吾介意PM我你囡囡讀邊間小學?你話睇到呂中都有幾個入超級名校,是否指呂小?不過如果係我,都揀瑪利諾(傳統名校),而曾記係地區名校,始終稍遜,不過在沙田區則數一數二了!

作者: October. 時間: 09-3-5 20:35

原帖由 yanyan-mummy 於 09-3-5 19:57 發表

介吾介意PM我你囡囡讀邊間小學?你話睇到呂中都有幾個入超級名校,是否指呂小?不過如果係我,都揀瑪利諾(傳統名校),而曾記係地區名校,始終稍遜,不過在沙田區則數一數二了! ...

請CHECK PM.

作者: yanyan-mummy 時間: 09-3-5 21:15

原帖由 October. 於 09-3-5 20:35 發表

請CHECK PM.

咁可能你囡囡小學英文程度幾好la!亞仔小學成績好ge都係去左傳統名校,留低係沙田ge已經未必係最top個幾個,不過入得曾記大部份都係band1頭架la!

作者: 為食熊 時間: 09-3-21 18:23

我就在曾記由中一讀到中七喇(都應該有資格講幾句野吧

), 想當年中一至中三我平均分六十幾, 考全班18-20, 屬中游分子, 佢D卷係好深, 勁多陷阱, 但當我地去考會考時, 覺得D卷好淺! 舉個例, 我數位係超差, 全班第尾, 總分得3X (所以我平均分被拉低好多), 到會考時都等死架喇, 點知竟然拿E(9), 合格都好開心, 仲要唔係E(10), 所以回頭諗起自己D數都未必真係差成甘, 可能係卷深問題!

課外活動我就有玩籃球同埋中文科活動, 有打學界, 功課唔算多, 但好多測驗, 老師都要同其他科老師度期俾測驗, 好多老師好有心, 自己出英文worksheet俾我地, 回想番, 老師真係好辛苦, 成日要改野, 出卷!

我中一時d同學係全級十名以內, 申請左之後, 就同二百人一齊去禮堂考入學試, 位就得十個! 每年申請入學時, 我都會見到好多家長天懞光拿晒成績表黎排隊, 當時都有D自豪架!不過已經十幾年前, 宜家係點入學我就唔清楚! 不過d老師流失率好低, 個個都仲有教!

讀得辛唔辛苦?我老死就好緊張成績, 一放學就飛奔返家溫習, 我就好懶, 鍾意行下新城市廣場, 成績就一直中游, 會考死好命, 突然考第二, 所以入返原校, 真係好彩! D同學都難以置信!

有咩問題歡迎問我呀~我好熱愛呢間學校同老師~讀得好開心!

作者: summer01 時間: 09-3-23 10:25

原帖由 為食熊 於 09-3-21 18:23 發表
我就在曾記由中一讀到中七喇(都應該有資格講幾句野吧 ), 想當年中一至中三我平均分六十幾, 考全班18-20, 屬中游分子, 佢D卷係好深, 勁多陷阱, 但當我地去考會考時, 覺得D卷好淺! 舉個例, 我數位係超差, 全班第尾 ...

多謝呢位舊同學的意見, 既然你咁喜歡呢間學校, 相信老師應該都很照顧學生. 因為我都希望我小朋友能入到.

唔知而家的面試係點呢, 你仲會唔會有呢方面的消息? 又或者其他現在讀緊的同學家長, 你地仲記唔記得呢 ? :loveliness:

作者: cell 時間: 09-3-23 22:21

原帖由 summer01 於 09-3-23 10:25 發表

多謝呢位舊同學的意見, 既然你咁喜歡呢間學校, 相信老師應該都很照顧學生. 因為我都希望我小朋友能入到.

唔知而家的面試係點呢, 你仲會唔會有呢方面的消息? 又或者其他現在讀緊的同學家長, 你地仲記唔記得呢 ? : ...

1.首先自我介紹一輪後再問佢鍾意咩卡通人物。

2.跟著到2人一組, 由老師出題目,2人全程對話,老師沒有參與只在評分。(不要搶著講,一定要有禮貌和風度)

3.讀一遍英文文章(限時三分鐘)見有很多人都未能完成。

4.誦讀一遍中文文章

所有1.2.3.都是英語對答

以我女去年面試見到有些同學有人問借筆也不借,稍有阻礙就怒目而視,我同亞女都覺得有D感慨!面試個度個個口口聲聲話自己全級第幾第幾,但品格就........

[ 本帖最後由 cell 於 09-3-26 00:14 編輯 ]

作者: summer01 時間: 09-3-24 17:51

原帖由 cell 於 09-3-23 22:21 發表

1.首先自我介紹一輪後再問佢鍾意咩卡通人物。

2.跟著到2人一組, 由老師出題目,2人全程對話,老師沒有參與只在評分。

3.讀一遍英文文章(限時)

4.誦讀一遍中文文章

所有1.2.3.都是英語對答 ...

多謝你的詳細資料 :loveliness: 全程要用英文, 果然要求好高, 真係要好好準備. 謝謝..

作者: 為食熊 時間: 09-3-25 16:49

原帖由 summer01 於 09-3-23 10:25 發表

多謝呢位舊同學的意見, 既然你咁喜歡呢間學校, 相信老師應該都很照顧學生. 因為我都希望我小朋友能入到.

唔知而家的面試係點呢, 你仲會唔會有呢方面的消息? 又或者其他現在讀緊的同學家長, 你地仲記唔記得呢 ? : ...

無錯，我唔可以講全部老師，但大部份都係好錫學生的，成日都會有舊生返去探老師，師生關係好好架！

唔好意思，我唔知宜家面試係點喇，全英文既話應該好難，不過佢始終係英中，英文唔好既話，入左都無用，我有個中一同學，小學成績好好，數學全校第一，校長推薦入黎，但黎到英文第尾，終於所有科都跟唔上，除左數學，最後中三俾學校飛左出黎！佢下場係在出面讀到中五就出黎打工，我成日覺得如果當初佢係讀中中，佢一定唔會有甘既下場！

作者: summer01 時間: 09-3-26 12:19

原帖由 為食熊 於 09-3-25 16:49 發表

無錯，我唔可以講全部老師，但大部份都係好錫學生的，成日都會有舊生返去探老師，師生關係好好架！

唔好意思，我唔知宜家面試係點喇，全英文既話應該好難，不過佢始終係英中，英文唔好既話，入左都無用，我有個中一同學，小學成績好好，數學 ...

聽完你個例子，可見選校真係好重要，不單要學校好，最緊要係夾小朋友，如果唔係真係害左佢，好擔心呀!

作者: 為食熊 時間: 09-3-27 23:55

原帖由 summer01 於 09-3-26 12:19 發表

聽完你個例子，可見選校真係好重要，不單要學校好，最緊要係夾小朋友，如果唔係真係害左佢，好擔心呀!

係呀，我呢個同學以前係我好朋友，睇住佢愈來愈放棄自己學業，個人又自卑，我覺得好浪費左佢！
讀band 1 都要量力而為，否則會抱憾終生！

作者: kenny325i 時間: 09-7-8 13:28

想請問各位家長：

1. 是否不設精英班？
2. F.1新生的lunch time是如何安排的？

thx

作者: yanyan-mummy 時間: 09-7-8 14:04

原帖由 kenny325i 於 09-7-8 13:28 發表
想請問各位家長：

1. 是否不設精英班？
2. F.1新生的lunch time是如何安排的？

thx

1.不設精英班
2.F.1 lunch可以選擇留校小食部或自行到附近商場解決!

作者: kenny325i 時間: 09-7-8 14:14

原帖由 yanyan-mummy 於 09-7-8 14:04 發表

1.不設精英班
2.F.1 lunch可以選擇留校小食部或自行到附近商場解決!

由於小兒來自半日制小學，而且自理能力較差，驚佢到時食唔飽，才會有此一問。多謝回覆！

作者: emilythestrange 時間: 09-7-8 19:37

提示: 作者被禁止或刪除內容自動屏蔽

作者: kenny325i 時間: 09-7-9 11:29

今朝去註冊，先知道原來要填報小學校內外的穫獎紀錄，結果只好拿表回家填妥再去註冊。
請家長們註冊前準備好相關資料。

作者: bentam1010 時間: 09-7-9 17:25

今年中一開始有一班用普通話教中文班別，對將來中學文憑考試是否有幫助。

作者: kenny325i 時間: 09-7-10 15:41

原帖由 bentam1010 於 09-7-9 17:25 發表
今年中一開始有一班用普通話教中文班別，對將來中學文憑考試是否有幫助。

用普通話教中文科的，將會是F.1C班，可能即係變相精英班！

作者: kenny325i 時間: 09-10-16 11:29

想請問各位家長：平時的小測/默書，是否會計入成績成？佔幾多比重呢？

作者: redredchan 時間: 09-10-16 12:45

請問曾記的自行收生要求是怎樣的?觀塘區十名內有機會嗎?請問有曾記的面試題目嗎?

作者: kenny325i 時間: 09-10-16 18:59 標題: 回覆 54# redredchan 的文章

TST 只會面試次第表內頭200名的報名學生，所以全級10名內能否面試，真係好難講！

所以一定要清楚自已的位置，否則會浪費左個面試機會。如果真係好想讀，可以通過大抽獎。

小兒面試時，是以兩人為一組(小兒正好與小學同班同學一組，兩人都能順利入讀)。並分兩個環節進行：

1) 以中文對答：
-閱讀一篇中文文章，回答老師相關問題；
-老師問：你覺得甚麼是最偉大的發明？ (同學仔答互聯網。小兒答發電方法，因為無電，工業同科研都會停頓。)

2) 以英文對答：
-限時讀出一篇英文文章；
-老師問：點解想讀TST？
(同學仔答因為TST近屋企。小兒答因為TST較注重學業成績，自已體育方面較弱，所以TST比較適合佢。)
-老師再問：如是有外國朋友來香港，你會送甚麽禮物給他？
(同學仔答鹹魚。小兒答筷子，因為筷子代表中國傳统，而且係工藝品。)

雖然面試無得溫習，都希望幫到你！

[ 本帖最後由 kenny325i 於 09-10-17 10:24 編輯 ]

作者: yanyan-mummy 時間: 09-10-17 12:47

原帖由 kenny325i 於 09-10-16 11:29 發表
想請問各位家長：平時的小測/默書，是否會計入成績成？佔幾多比重呢？

據亞仔所講(吾知係咪):平時小測吾計,common test佔 40%成績表,平時中默佔約成績表16/200,平時英默佔約成績表24/200,因亞仔講得好複雜,而我理解約係咁,吾知有冇其他mummy補充?

作者: zicat 時間: 09-10-17 14:30

For F1-F2, Chinese dictation is not counted either in term mark or exam. mark. For English dictation, there is only term mark of 20/300 shown in the student report, full mark for English is 300. For the 40% term mark of all subjects, common test is important but other quiz/dictation and even project such as Chinese History and History will constitute some of the term mark, of course, teachers will tell beforehand and one more point is: not all subjects have common tests in F1-F2, such as Mathermatics or Science and so the quiz will be equal to the term mark. Be careful!

作者: kenny325i 時間: 09-10-18 10:34

Thank you!

作者: redredchan 時間: 09-10-19 14:58 標題: 回覆 4# kenny325i 的文章

Dear Kenny
多謝你的資料和分享,真是很有用.不過想請問怎樣才可以知道自己的全港次第呢?是問老師嗎?

作者: kenny325i 時間: 09-10-19 19:36

聽講學校校長有個password可以進入有關網頁，所以老師都應該唔知。不知是否屬實。

作者: eist212 時間: 09-10-20 22:20

原帖由 redredchan 於 09-10-16 12:45 發表
請問曾記的自行收生要求是怎樣的?觀塘區十名內有機會嗎?請問有曾記的面試題目嗎?

英文 : 快將畢業，你會送甚麽禮物給老師？
中文 : 是否一定要品學兼優才可做班長？

作者: redredchan 時間: 09-10-21 08:17 標題: 回覆 1# eist212 的文章

多謝你的資料,很有用.thks a lot!

作者: redredchan 時間: 09-10-21 08:20 標題: 回覆 3# kenny325i 的文章

多謝你的意見,我會試試問一下校長.再次謝謝你!

作者: elok2009 時間: 09-10-22 01:02

you're expected to have great pressure there...

作者: redredchan 時間: 09-10-22 15:50

really?Would you please tell why?

歡迎光臨教育王國 (/)