教育王國

標題: 有沒有中學生會自動波? [打印本頁]

作者: bigfoothk 時間: 09-3-10 09:42 標題: 有沒有中學生會自動波?

提示: 作者被禁止或刪除內容自動屏蔽

作者: davidmimi 時間: 09-3-10 11:05

從你幾個POST中,感覺到你與兒子溝通好有問題...

一般父母,與子女最大衝突位就係學業,若學業成績差,子女其他事情,父母都看不過眼...打機/傾電話/打波...無論缺點/優點,父母都會看成導致成績差的因由,結果就係鬧..鬧..鬧..

母子關係已去到"Y"型關係,各走極端,其實你有冇在子女角度去看事情呢??尤其是學業.

小朋友根本就不知學業的重要性,父母用大人的角度去講解,讀到書就人上人,讀唔到書就掃街等...呢類說話,子女根本就唔明,他們從未在社會謀事,何來感受到搵食艱難呢??問問父母們..你在電視看過四川災民慘況,有否"家破人亡"感受呢??大人又不是轉過頭便大吃大喝!!如果大人做唔到,又點解要小朋友做到呢??

我建議你先接納眼前的兒子,不要任何事都鬧,而學業方面,不要與人比較,只要求兒子比之前進步,例如之前20分,下次只要求21分以上便要讚賞,要先建立親子關係,才可以灌輸兒子正確的價值觀.

作者: bigfoothk 時間: 09-3-10 11:24

提示: 作者被禁止或刪除內容自動屏蔽

作者: SpadeaAce 時間: 09-3-10 13:27

其實都好睇佢身邊ge朋友點
我自己中五時都玩得好顛
中六見到周圍個個狂讀書, 師兄又不斷告誡中六唔好玩, 所以就收心養性, 約同學一齊去自修室
你試下搵個你小朋友好信服ge人同佢講下讀書ge重要性啦

作者: 漢堡飽 時間: 09-3-10 21:27

我都認為朋友好有關係，他們會跟同學做，如同學都是勤力的，他一定會跟著做，不會輸給其他同學。
自動自覺做事，要自小教，要有定時做事的習慣。

作者: davidmimi 時間: 09-3-10 22:55

朋輩影響力當然大啦,望有個"好"朋友帶好佢,,咪即係守株待兔...太渺茫了,點都係要先攪好母子關係,之後下一步打算啦.

作者: bigfoothk 時間: 09-3-11 20:51

提示: 作者被禁止或刪除內容自動屏蔽

作者: Carmen2004121 時間: 09-3-14 13:31

我想會自動波的學生不多 . 現今教育下的小學生大多數的成績都是由家長幫仔女取回來的 . 除了正常上學 / 便是功課補習 / 專科補習 / 考試前閉關做 paper . 所以小學階段成績或會取得很好 . 但上了中學 ( 尤其是 B 1 學校) . 教學方式完全不同 / 內容又深 . 加上仔女長大了 . 又有自已思維 . 大多已不會像小學時 . 家長講什麼就做什麼 . 如他們一時掌握不到 . 成績下降 . 很多學生都接受不了 . 而在旁的家長若是表現緊張 . 他們便更難面對及解決 . 后果可能是失去了動力及學習動機 .

作者: bigfoothk 時間: 09-3-14 18:21

提示: 作者被禁止或刪除內容自動屏蔽

作者: Marwkc 時間: 09-3-14 19:27

或者我可以分享一下我的經驗:我的小朋友現時讀中三, 佢升中的banding是Band 1&2之間, 因此上英中時我唔敢抱太大要求,不過1st term都考到中間,原本都放心, 跟住佢要求唔補習,我諗都係時候要比佢自己去努力, 但到2nd term的時候跌咗20名, 於是升中二的時候不停咁叫佢努力, 溫書, 唔好打咁多機, 讀唔成書要做掃街, 結果很多時變成吵架收場, 後尾仲無偈傾, 當時見到個小朋友咁真係頭痛. 後來把心一橫採取不過問政策(當然係暗中觀察), 雖然幫唔到成績(中二1st term成績再跌), 不過卻改善咗親子的關係, 佢開始肯聽我講嘢. 於是我哋好多時開始分析升中三的問題, 如何可以考入自己想讀的那一班. 佢開始認真考慮, 雖然仍未盡力(這是父母的角度), 但卻可以在學期尾的考試取得進步獎並考到自己想入的班. 到今次中三考試總名次竟然回復到最初升中的名次並且在首輪中四選科可以考到佢自己心儀的數理班, 我會繼續鼓勵佢, 因為佢仲有進步空間.此外佢亦同我分享佢有心儀對象(雖然心裡一百個擔憂, 但起碼佢肯講, 唔駛有事都唔知吖. 我想分享的是父母太過從自己的角度去管小朋友, 可能只會弄巧成拙, 最緊要是親子無隔膜, 萬事有商量, 幫佢找尋佢的興趣, 才能協助激發佢的潛能.

作者: bigfoothk 時間: 09-3-14 20:07

提示: 作者被禁止或刪除內容自動屏蔽

作者: 大眼仔mama 時間: 09-3-17 00:32

囝囝今年中一, 回想佢整個小學階段, 我都是貼身跟住佢所有課程, 日日睇功課, 幫佢做project. 到佢上中學, 初時都有睇吓佢d功課, 佢亦好樂意, 但開學兩個月後, 囝囝就開始唔想我理佢d野, 手冊都越寫越少野, 書都無帶回家, 成個書包得本數學, 問親佢就答我"得架lah", 開頭有d擔心, 後來想通了, 既然他想我放手, 我便由他自己來, 我也樂得清閒. 有時我見他自己在房溫書, 但佢一見我望到佢, 佢就立刻停, 有時還專登在我面前唔讀書(是青春期的反叛吧). 但anyway, 囝囝上學期全班考第二, 所以我到現在都樂得由他自己安排, 佢真的唔明白就自然會問我同老公, 所以我都幾恩惠.

作者: bkman 時間: 09-3-17 01:23

為人父母確艱難，當然想孩子自動波，不過真係有幾個自動波？手波棍波反而好多。由手波棍波轉去自動波，有一定的過程，比如成績下跌，又有幾個父母能夠接受，忍受孩子成績下跌，而還有信心，堅持信念孩子自己也行的，好放手讓孩子自己來？第一次做父母，第一次為孩子找中學，第一面對孩子升中。。。作為沒經驗的父母，只能夠暗中緊張，內心卻想著怎樣幫孩子度過他們的第一次。希望家長互相分享，說說如何鼓勵孩子能夠自己努力。共勉之。

作者: xmanman 時間: 09-3-17 11:56

要他們自動波都幾難.........我會等, 等到他有自己波的日子

我都覺得兒子上中學後已經會離開我的懷抱, 喜歡獨立, 喜歡無人管, 我越要管他, 越要理他, 他就越要離我遠遠的(即係反叛期)! 此時親子關係就會變差, 吵鬧也增加了!
我唔想變成這樣, 現在自己學"放手", 比自由度他, 信他會自己溫習, 信他會管理自己(當然我暗地裡看管他) 有時只是提他, 並定下rule, 只要他無犯規, 我也比他做喜歡的事, eg 打機....... 出街他唔比我拖手, but 他與我傾計時, 他會"踏"著我的肩, 我只會靜靜享受呢種幸福

大家一起努力面對兒女的青春期及初中!

作者: beaclem 時間: 09-3-19 16:23

我個囡都係差唔多, 不過佢好少少, 會自己自動自覺做功課, 上次common test成績唔好, 今次我叫佢每日每科溫少少習, 上堂盡量留心, 佢話我聽數學功課由學期初C變而家有兩次A, 今次SCIENCE QUIZ重有8x分......

我鼓勵佢既方法好實際, 話比佢聽佢成績唔好升中二無得入精英班, 同唔到Dfriend既同學一齊(因為佢Dfriend成績好), 要同D佢唔鍾意既同學一齊.......

又話佢聽如果成績唔好, 米洗旨意我比$佢讀大學, F.6讀完好出黎自己供自己.......

我囡生活腌尖, 食野又要食最好, 渴望坐飛機坐頭等, 所以我相信佢會比心機讀書去滿足佢呢D奢侈既慾望囉

原帖由 bigfoothk 於 09-3-10 11:24 發表
多謝你安慰!父母見孩子一天天差, .不講他將來一事無成,擔心學壞.....有沒有好方法呢?幫幫手教化孩子吧.

作者: bigfoothk 時間: 09-3-20 00:13

提示: 作者被禁止或刪除內容自動屏蔽

作者: vespa 時間: 09-3-20 00:46

好好彩, 我個女升左上中學都維持到, 雖然夜瞓D, 但到時到候就會JUB好書包, 同我SAY GOOD NIGHT上杘瞓教, 朝早亦唔使用鐵鏟, 自動自覺起身換校服, 可能女仔自理能力比較高D卦.

至於做功課, 唔識會黎問我, 識個D就自己攪掂(事實上功課都唔多), 默書測驗早一日見佢開始溫, 老實講, 成績唔算係好標青, 但中上咁啦, 我都好安慰, 由得佢自由發展....

作者: Marwkc 時間: 09-3-21 00:37

嘩!妳個女好叻呀

!好羡慕.有時學會自動自覺總比只係讀書叻但其他就咩都做唔到重要. 因為讀可以有進步空間, 但唔識自理始終難搞D.

原帖由 vespa 於 09-3-20 00:46 發表
好好彩, 我個女升左上中學都維持到, 雖然夜瞓D, 但到時到候就會JUB好書包, 同我SAY GOOD NIGHT上杘瞓教, 朝早亦唔使用鐵鏟, 自動自覺起身換校服, 可能女仔自理能力比較高D卦.

至於做功課, 唔識會黎問我, 識個D就自 ...

作者: pcjoemama 時間: 09-3-21 18:32

原帖由 xmanman 於 09-3-17 11:56 發表
要他們自動波都幾難.........我會等, 等到他有自己波的日子

我都覺得兒子上中學後已經會離開我的懷抱, 喜歡獨立, 喜歡無人管, 我越要管他, 越要理他, 他就越要離我遠遠的(即係反叛期)! 此時親子關係就會變差, 吵鬧 ...

我仔仔的情況都差唔多，最唔好受既係佢一見到同學就甩脫你既手，個一刻唔係太好受（雖然知道佢開始長大）

作者: Marwkc 時間: 09-3-21 21:11

我個仔F.1的時候, 完全同一樣情況, 同樣感受

, 不過現在好小小, 起碼唔使扮唔識, 可以搭膊頭, 但仍然唔俾拈.

原帖由 pcjoemama 於 09-3-21 18:32 發表

我仔仔的情況都差唔多，最唔好受既係佢一見到同學就甩脫你既手，個一刻唔係太好受（雖然知道佢開始長大）

作者: vespa 時間: 09-3-22 05:16

男仔講形象, 怕"魚", 女仔同亞媽會親近D, 我同亞女出街, 佢都會好主動拖我手, 好SWEET SWEET...

作者: CSLW 時間: 09-3-30 16:29

我個仔5年級啦,有次同佢返學出咗地鐵後就叫我唔好拖佢,怕比同學笑喎! (佢重兩手插衭袋扮有型囉)我都無話佢,
但有D擔心佢重乜咁扮嘢.

原帖由 vespa 於 09-3-22 05:16 發表
男仔講形象, 怕"魚", 女仔同亞媽會親近D, 我同亞女出街, 佢都會好主動拖我手, 好SWEET SWEET...

作者: funfun67 時間: 09-3-30 17:57

原帖由 vespa 於 09-3-20 00:46 發表
好好彩, 我個女升左上中學都維持到, 雖然夜瞓D, 但到時到候就會JUB好書包, 同我SAY GOOD NIGHT上杘瞓教, 朝早亦唔使用鐵鏟, 自動自覺起身換校服, 可能女仔自理能力比較高D卦.

至於做功課, 唔識會黎問我, 識個D就自 ...

我個女都同你個女差不多，又係剛升上中一，自理力都ok，又會做吓家務。我諗女仔應該係會好過男仔！

作者: Carmen2004121 時間: 09-4-8 00:16

各位家長 ,

請問中中 F.1 測驗 / 考試成績 . 一般接受應是多小分 . 是否合格已 ok .
派卷回來不是剛合格就是得 6X 分 , 盡是覺阿女不盡力 . 心情即反映上面 .

作者: 0120 時間: 09-4-8 10:24

上中一時我仔未習慣時怕生保, 到習慣中一生活時功課NG係敢多佢就懶散。
上左中二時開始自動左少少, 今年中三要開始選科就勤奮LA,
而且成績尚佳, 我都算安慰LA

作者: xh13579 時間: 09-4-8 11:51

我女兒現在才六年級，自己起床，也能按時睡覺。能自覺做功課，測驗考試也都是她自己溫習的。不知道到了中學是否還能維持。

作者: cylinder 時間: 09-4-8 14:01 標題: 有沒有中學生會自動波

我仔仔自從升了S1後比較懶散, 可能小六時老師推動他們努力些, 如果不是就考不到好學校, 現在升了中1, 沒有老師的推動力, 就懶散了很多, 我叫他努力些, 他總是說你唔冇理, 幫他找補習社, 又說不要, 我都想他勤奮些. 怎麼辦呢?

作者: 701003 時間: 09-4-16 00:36

我女S4，功課、溫習、cooking、起身返學.....自動波，成績唔錯！但其他嘢就

作者: 優閒 時間: 09-4-23 09:24

我同仔仔關係一直好好, 佢細細個就晚晚同佢傾計, 好似朋友咁! 但讀書就一直對佢無期望 (因為唔想迫佢) 由幼稚園開始都由佢自己學習,等佢學幾多吸收幾多算了! (所以成績一直麻麻) 但P.5下學期突然考第二, P.6考第一,仲可以升上英英! 佢S1 時我就再始緊張佢, keep佢功課,exam時幫佢溫書, 點知佢有西史, sci. 通識唔及格升唔到班 ! 今年我唔再理佢了, 佢而家自己10:30pm 訓,自己起身返學, 仲考第一tim , 剛剛派英文卷返黎有95.5分

,所以我而家唔使再理佢,自己心情又放鬆好多!

作者: Carmen2004121 時間: 09-4-23 23:02

原帖由優閒於 09-4-23 09:24 發表
我同仔仔關係一直好好, 佢細細個就晚晚同佢傾計, 好似朋友咁! 但讀書就一直對佢無期望 (因為唔想迫佢) 由幼稚園開始都由佢自己學習,等佢學幾多吸收幾多算了! (所以成績一直麻麻) 但P.5下學期突然考第二, P.6考第一, ...

這位家長 , 您提及阿仔成績上落過程十在太神奇 . 我也試過您所講的 . 放手自動波 . 一個學期成績下滑了 5x 名多 . 如我也有您放手后的較果 . 我想我也不用插手 .

作者: 慧妮會員 時間: 09-4-24 21:39

原帖由 Carmen2004121 於 09-4-23 23:02 發表

這位家長 , 您提及阿仔成績上落過程十在太神奇 . 我也試過您所講的 . 放手自動波 . 一個學期成績下滑了 5x 名多 . 如我也有您放手后的較果 . 我想我也不用插手 . ...

男仔始終有惰性,唔可以一下子放手,要按步就班.

作者: ntefamily 時間: 09-4-26 23:43

提示: 作者被禁止或刪除內容自動屏蔽

作者: LLMUMMY 時間: 09-4-27 10:51

好神奇, 我一放手, 立即趺20名, 但都要比佢試下, 有時真係好心痛

原帖由優閒於 09-4-23 09:24 發表
我同仔仔關係一直好好, 佢細細個就晚晚同佢傾計, 好似朋友咁! 但讀書就一直對佢無期望 (因為唔想迫佢) 由幼稚園開始都由佢自己學習,等佢學幾多吸收幾多算了! (所以成績一直麻麻) 但P.5下學期突然考第二, P.6考第一, ...

作者: G-Ma 時間: 09-4-27 16:44

中學英文要攞95.5分真係唔容易, 一定要個底打得好好先有咁既成績, 真係好神奇.

原帖由優閒於 09-4-23 09:24 發表
我同仔仔關係一直好好, 佢細細個就晚晚同佢傾計, 好似朋友咁! 但讀書就一直對佢無期望 (因為唔想迫佢) 由幼稚園開始都由佢自己學習,等佢學幾多吸收幾多算了! (所以成績一直麻麻) 但P.5下學期突然考第二, P.6考第一, ...

作者: davidmimi 時間: 09-4-27 17:15

呢個case可以列入"X檔案"....

作者: ZZdaphne 時間: 09-4-28 16:46

原帖由 davidmimi 於 09-4-27 17:15 發表
呢個case可以列入"X檔案"....

repeat > 95.5

''super natural''

作者: ylisam 時間: 09-5-5 20:54

坊間是否有一種什麼訓練學生自我提升、自律、學習態度之類的呢? 有人些試過嗎 ? 有效嗎 ?

作者: sailorman 時間: 09-5-10 20:37

我也想知道是否有些叫做"學習動機"的課程可給沒有自動自覺去溫習的小朋友讀呢？是否有用呢？

請指教，謝謝！

作者: hpbaby 時間: 09-7-20 15:53

原帖由優閒於 09-4-23 09:24 發表
我同仔仔關係一直好好, 佢細細個就晚晚同佢傾計, 好似朋友咁! 但讀書就一直對佢無期望 (因為唔想迫佢) 由幼稚園開始都由佢自己學習,等佢學幾多吸收幾多算了! (所以成績一直麻麻) 但P.5下學期突然考第二, P.6考第一, ...

大多數"仔"都冇咁早開竅, you are so lucky ~

作者: blytheBB 時間: 09-7-23 23:52

提示: 作者被禁止或刪除內容自動屏蔽

作者: blytheBB 時間: 09-7-23 23:54

提示: 作者被禁止或刪除內容自動屏蔽

歡迎光臨教育王國 (/)