教育王國

標題: 選校雞牛論 [打印本頁]

作者: volley 時間: 09-5-14 01:14 標題: 選校雞牛論

朱湛剛
都市博客：選校雞牛論
我深信在輕鬆愉快環境中成長的青少年，更能培養出成熟的心智和人格，更能夠面對將來複雜的社會競爭環境。
每年四月又到了小六學生家長煩惱的日子，如何幫子女報讀心儀的中學成了家長的共同話題。到了派位結果公布的日子，例必出現某些家長和學生因為無法入讀心儀的學校，在電視鏡頭前淚如雨下抱頭痛哭的影像，猶如世界末日，聞者心酸。
據當局公布的資料顯示，今年全港約有六萬八千七百名小六學生將參加新學年升中派位，人數較去年減少約三千人，但是因新學年每班人數將減少兩人，英文中學學額變相下跌，較去年勁減近七百七十個，減幅逾百分之六，形成新學年每六人爭奪一個英中學額的情況。
為了望子成龍，許多家長置子女的能力和成績不顧，削尖腦袋想方設法安排他們入讀英中名校，甚至所謂貴族學校，以為名牌貼在額頭就能山雞變鳳凰。
兩年前我也曾面對同樣的抉擇，為長子報讀中學而煩惱。正當我站在十字路口時，學校老師對我說：「你兒子的成績屬於Band 1組別，要入讀名牌直資中學有一定難度，但不是沒有可能。問題在於你是希望兒子在一個輕鬆愉快的環境中完成中學課程，還是在一個充滿競爭、壓力、甚至相互攀比的環境中成長。」
老師一言猶如當頭棒喝，社會壓力已經令成年人喘不過氣來，難道青少年也要受這些罪嗎？況且人生道路漫長而曲折，我深信在輕鬆愉快環境中成長的青少年，更能培養出成熟的心智和人格，更能夠面對將來複雜的社會競爭環境。於是我選擇了一間校風良好，成績不俗的學校。事實證明，兒子正享受他的中學生活，輕鬆的學習環境更能發掘他的潛能。
現實中並不是人人都那麼幸運，往往由於家長的錯誤抉擇，令小朋友活在不可磨滅的陰影中。兒子一名同班好友，其家長堅信名牌，想方設法安排他入讀港島某名校，興奮心情維持不到半年，某日家長被老師召見，老師劈頭一句「你個仔都唔知點『碌入』我哋學校，家陣佢係籮底橙」，老師刻薄之言猶如一股涼氣直透背脊。直至今天那小朋友仍活在「籮底」之中，每日背着「包袱」上學，回到家中不見歡顏，家長到今日仍為當初錯誤抉擇而懊惱不已。
上述例子還不算經典，某朋友亦是名牌擁戴者，希望「子憑校貴」。成功「越級挑戰」入讀九龍某名校，奈何其力有不逮，中一就「三連庄」，一同入校的同學已經升讀中四，他還是原地踏步，小朋友身心受到的負面影響顯而見之，甚至校長要最後通牒「今年是最後一年。」
哪位家長不希望子女能出人頭地？但在安排子女的未來時，卻往往按主觀意願而忽略了因材施教道理，要知道名牌也有次貨，少林寺也有爬狗洞出來的。中國有句俗語「寧為雞首莫為牛後」。選校宜按照子女的學習能力、學校的教學模式及校風等作全面考慮。
朱湛剛 (資深傳媒工作者)
好文大家省省再醒醒！

作者: heidili1997 時間: 09-5-14 08:39

我也有同感，不過這篇文章好似遲了些。填表前給其他家長看到就好了。

作者: swlee 時間: 09-5-14 09:38

每一間學校都有第一第尾.
你未試過點知唔得.人要在壓力下成長
比你小朋友在Band 2頭學校成為精英,你又後悔無幫佢報英中.

作者: October. 時間: 09-5-14 09:47

老生常談，道理大家都懂得。問題岀在，家長們大都抱着，即然屬于BAND 1界別，意味着具備一定的能力，沒試過，怎見得就不行呢？“水往低流，人向上爬”，不能夠說家長的選擇就不理智了，有的人小學階段潛力的確未顯現岀來，有的人遇強逾強，有的當然是力有不逮了。在我看來，不妨姑且一試，並密切留意子女的學習狀況，如果各方面成績確實跟不上，那就要面對現實，當機立斷，做其它安排了。

作者: LittleKidult 時間: 09-5-14 09:50

老師劈頭一句「你個仔都唔知點『碌入』我哋學校，家陣佢係籮底橙」

想知邊間名校會講呢d說話?

作者: 鵝老太 時間: 09-5-14 10:25

「寧為雞首莫為牛後」。

但有d 家長認為,係名校考第尾嗰個 , 都叻過係 band2 考第一嗰 d 呢

而且有 d人係想仔女入名校,與富家子弟做 fd,將來得貴人帶協提攜........

作者: davidmimi 時間: 09-5-14 11:27

其實做家長好矛盾,為子女選中學,到底何以準則呢...

1. 量力而為,以子女水平作選校.

2. 在選校的機制下,盡量將子女推到最高水平的中學.

我會選擇2,假設...子女在屋邨小學係全級第1,去到band 1頭或名校,成績能否追得上,還是個未知素??

未打先認輸,我會唔甘心,我會陪女兒一起面對,努力在高水平中學站穩陣腳,假若....真係追唔上,我才會轉校.....努力嘗試，面對失敗..都是學習過程呢!!

中學絕對是兒童變成人的階段,是圓是扁,父母很難估到的,只需伴其右右一起面對便足夠了.

作者: LLMUMMY 時間: 09-5-14 11:41

原帖由 davidmimi 於 09-5-14 11:27 發表
其實做家長好矛盾,為子女選中學,到底何以準則呢...

1. 量力而為,以子女水平作選校.

2. 在選校的機制下,盡量將子女推到最高水平的中學.

我會選擇2,假設...子女在屋邨小學係全級第1,去到band 1頭或名校,成績能否追 ...

作者: 漢堡飽 時間: 09-5-14 13:48

香港這地方就是充滿壓力，人口稠密已是壓力，為過好生活又是壓力。當然讀書也是壓力，我們不能逃避壓力。
香港的小孩子一入幼稚園已感受到壓力。
那一位父母不希望子女入好學校，在其他朋友面前大大聲講自己的子女在那一間學校讀書。
我都贊成給子女壓力，不過要為他們選適合程度的學校，不是強要入名校。在適合的學校讀書，再加壓力，要他在壓力下成長，我覺得無問題，早面對壓力，將來出社會做事，適應會快一些。
上學不是每日都要快樂，壓力就是學習的一部份。

作者: samuel89 時間: 09-5-14 13:52

原帖由 volley 於 09-5-14 01:14 發表
朱湛剛
都市博客：選校雞牛論
我深信在輕鬆愉快環境中成長的青少年，更能培養出成熟的心智和人格，更能夠面對將來複雜的社會競爭環境。
每年四月又到了小六學生家長煩惱的日子，如何幫子女報讀心儀的中學成了家長的共同話題 ...

好文大家省省再醒醒！<----篇文完全唔覺系好文...小朋友升中時年紀同心智都未成熟, 作為家長系應該教導小朋友點樣去面對挑戰, 唔系叫小朋友逃避現實....做左牛後, 系應該盡力爬上牛前, 唔系退去雞前, 唔通到時再退到雞後...又舉手

作者: swlee 時間: 09-5-14 14:15

我覺得將這篇文章7月後送給不能入讀心儀中學的朋友睇,讓他們開心d.
就正如年年會考放榜後,許多"藝人"話自己會考成績幾差,會考成績唔係一切

作者: samuel89 時間: 09-5-14 14:22

原帖由 漢堡飽 於 09-5-14 13:48 發表
香港這地方就是充滿壓力，人口稠密已是壓力，為過好生活又是壓力。當然讀書也是壓力，我們不能逃避壓力。
香港的小孩子一入幼稚園已感受到壓力。
那一位父母不希望子女入好學校，在其他朋友面前大大聲講自己的子女在那一間學校讀書。
我都贊成給子女壓力，不過要為他們選適合程度的學校，不是強要入名校。在適合的學校讀書，再加壓力，要他在壓力下成長，我覺得無問題，早面對壓力，將來出社會做事，適應會快一些。
上學不是每日都要快樂，壓力就是學習的一部份。

呢篇先系好文, 大家省省再醒醒！ :)

作者: davidmimi 時間: 09-5-14 16:35

成日有人講入名校的家長貪慕虛榮,其實佢地的想法同你地一樣,band 3想搏入band 2尾, band 2想搏入band 1尾,咁人地band 1頭就梗係搏入名校啦....大家都係搏高一班,而且派位機制都只係俾你搏高一班,你地聽過band 3可以入到band 1名校嗎??

作者: judy 時間: 09-5-14 17:29

某日家長被老師召見，老師劈頭一句「你個仔都唔知點『碌入』我哋學校，家陣佢係籮底橙」，老師刻薄之言猶如一股涼氣直透背脊。

依家咁嘅世代，有教院教授、有港大教育糸教授侵犯女生。有男教師和未成年學生有染，但我就不信有教師會說出這話，這話是作者"翻譯"過來的。因為再差的教師也會穿着衣冠，不会如此赤裸裸的說出真心話的。唔怕俾人投訴咩！

說到現在學生壓力大，我想問到底大甚麽？我剛從老媽家中搬回一套中學中文課文，同樣的中一、ニ課本，我那時文章，不知深依家幾多。會考課程，我那時不知深依家幾多。但我中一、二的作文，比起依家的小朋友，不知好幾多倍。但當時我讀得不知幾輕鬆，我每晚吃完飯睇電視，9:30睡覺。早上上學、放學回家，何來壓力。

現在讀書，理論上學校更多活動，課程更輕鬆，為何學生壓力咁大呢？壓力何來呢？我想，現在學生的壓力來源不在學校、也不在課程，而是在家長，家長冇嘢做，回到家里，又親子，又伴讀，加上像作者這般水準的外人指指點點，唔被玩死都難。

作者: ZZdaphne 時間: 09-5-14 19:17

原帖由 davidmimi 於 09-5-14 16:35 發表
成日有人講入名校的家長貪慕虛榮,其實佢地的想法同你地一樣,band 3想搏入band 2尾, band 2想搏入band 1尾,咁人地band 1頭就梗係搏入名校啦....大家都係搏高一班,而且派位機制都只係俾你搏高一班,你地聽過band 3可以 ...

搏高一級都好正常，
因為只要有盡力，
正常都應該唔會變了''蘿底橙''，
應該係其他問題。
不過都會有家長會搏高兩三級，
咁就辛苦啦！！

[ 本帖最後由 ZZdaphne 於 09-5-14 19:21 編輯 ]

作者: October. 時間: 09-5-14 19:50

原帖由 judy 於 09-5-14 17:29 發表
說到現在學生壓力大，我想問到底大甚麽？

學生壓力來自老師派卷個一刻，誠惶誠恐，驚低分返屋企比阿媽閙。

作者: wunma 時間: 09-5-15 12:22

提示: 作者被禁止或刪除內容自動屏蔽

作者: Unclejt 時間: 09-5-15 12:59

原帖由 judy 於 09-5-14 17:29 發表

...有港大教育糸教授侵犯女生...

好似無聽過bor~

作者: cherrysky 時間: 09-5-15 14:18 標題: 每個人每一日都會有壓力

不論3歲還是80歲.壓力是無形的,要視符你的子女怎樣去睇個件事,家長怎樣去開解佢,舉個例:有一日小朋友在學校裏比同學叫佢做<肥婆>,有d人會當若無其事,一笑了之,而有d可以唔開心好幾日,怎至唔食飯話要減肥.雖然大人會覺得好少事,但在小朋友既世界,在學校既生活等同大人既辦公室.其實父母所做既事都係為子女將來好,無家長唔想子女成才,但係咪每個小朋友都得?我都贊成要吹谷,不過真係要睇佢頂唔頂得順.小朋友如果壓力太大真是可大可小,我認為各位家長先要考慮自己既子女接受壓力既程度,以免反效果,後悔莫及.

作者: judy 時間: 09-5-15 14:36

記得當時讀文科，中史、西史之類，讀熟內容，測驗、考試時車天車地，好易高分。地理科我上堂實遊魂，下午測驗，上午才猛讀。派成績表時，就好象玩21點咁卒的分出來，通常得個驚字，又俾我過骨。再偷看隔離陳大文之分數，哈，又低我一分，嗰種開心法，比得一百分仲利害好多。

我一百分沒獎品，低分又不用向父母交代。一年一次學校見家長，通常都輕輕鬆鬆，我讀書的年代，真的沒太大壓力。

作者: judy 時間: 09-5-15 14:37

原帖由 Unclejt 於 09-5-15 12:59 發表
好似無聽過bor~

前日報紙有賣。

作者: Unclejt 時間: 09-5-15 16:31

原帖由 judy 於 09-5-15 14:37 發表

前日報紙有賣。

好像只有教院教授非禮女助教，沒有港大教育糸教授侵犯女生呀。

作者: Hugo88553 時間: 09-5-15 20:14

提示: 作者被禁止或刪除內容自動屏蔽

作者: samuel89 時間: 09-5-16 14:15

原帖由 cherrysky 於 09-5-15 14:18 發表
不論3歲還是80歲.壓力是無形的,要視符你的子女怎樣去睇個件事,家長怎樣去開解佢,舉個例:有一日小朋友在學校裏比同學叫佢做,有d人會當若無其事,一笑了之,而有d可以唔開心好幾日,怎至唔食飯話要減肥.雖然大人會覺得好 ...

我覺得而家港人太小題大作了....
報紙睇到既......果D小朋友既芝麻綠豆自殺原因....好多都系記者憑空想當然推測出來既......
事實系:
1. 受唔到壓力既只系好少數人,
2. 我唔相信佢地會為小事自殺....我只相信冰封3尺非1日之寒

作者: 慧妮會員 時間: 09-5-16 16:25

原帖由 cherrysky 於 09-5-15 14:18 發表
不論3歲還是80歲.壓力是無形的,要視符你的子女怎樣去睇個件事,家長怎樣去開解佢,舉個例:有一日小朋友在學校裏比同學叫佢做,有d人會當若無其事,一笑了之,而有d可以唔開心好幾日,怎至唔食飯話要減肥.雖然大人會覺得好 ...

其實係而家的社會,EQ對小朋友都好重要.

作者: esprincess 時間: 09-5-16 21:51

我個女入咗Band one 頭學校，係中間浮游，學校派比賽實無佢份，如果佢去一間Band One 尾中學，出外比賽機會都多啲，老師對佢期望大啲，多啲認同，佢都會大信心啲。真喺有啲後悔。

作者: October. 時間: 09-5-16 23:25

原帖由 wunma 於 09-5-15 12:22 發表
比呀媽鬧唔單止係因為低分, 唔小心, 唔夠醒, 話唔話比老師知計多左分, 甚或差小小攞唔到第一, 都可以係自己比自己; 老師比自己; 或家長比自己既壓力來源.

單單讀書, 壓力理應不大. 反而要疲於應付過多的課外活動, ...

學業成績要名列前矛,課外活動又要得奖, 這樣優秀的精英學生鳳毛鱗角, 這班人從小在竟爭中成長,自覺性高,自我要求也高, 所以會得自己給自己壓力,家長反而對他們很放心, 不會添壓. 但是,大多数的學生, 如果一邊要成績見得人,一邊課外活動又不落空, 那就真的不知顧得上哪頭了.

我對女兒很有自知之明, 她體囈皆缺天份,小學時學校課外活動一項也沒讓她參加, 在BK應該很少有吧?當然,在家學學琴啦, 游泳啦是有的,但是, 從不強迫她.

在我來說, 女兒上學的目地很明確, 除了追求學問外,就是求取成績了, 因為天份所限, 要求她保持中上即可, 全港18%得以入讀本地大學, 降低要求就危危乎了. 我經常提醒她要溫書, 在這方面確實給她一點壓力, 但不過份, 人性是好逸惡勞的, 有得玩誰會不玩呢? 適當的壓力也是一種鞭策.

升中選校時, 在客觀條件允許下,我也是抱着哪間中學最有可能幫助妳考入大學就選哪間, 什麽愉快學習啦, 課外活動出色啦, 都不在考慮範圍, 我經常跟女兒講耶蘇, "少壯不努力,老大徒傷悲" 她也背得很熟了.

[ 本帖最後由 October. 於 09-5-16 23:47 編輯 ]

作者: atma 時間: 09-5-17 07:30

父母的選擇對孩子的未來真的很重要,
不要為了優越感而害苦了小孩

作者: ZZdaphne 時間: 09-5-17 14:32

原帖由 esprincess 於 09-5-16 21:51 發表
我個女入咗Band one 頭學校，係中間浮游，學校派比賽實無佢份，如果佢去一間Band One 尾中學，出外比賽機會都多啲，老師對佢期望大啲，多啲認同，佢都會大信心啲。真喺有啲後悔。

我女band one 中入到band 1 中，以前係小學真係好似你咁講，唔好話出外比賽無佢份，校內都唔會有，現在係中學竟然英文試過全班最高分，英國文學全級三名以內surprise!

原帖由 October. 於 09-5-16 23:25 發表

我對女兒很有自知之明, 她體囈皆缺天份,小學時學校課外活動一項也沒讓她參加, 在BK應該很少有吧?當然,在家學學琴啦, 游泳啦是有的,但是, 從不強迫她.

我那個咪係囉，arts 有DD啦，
我都係希望佢入到大學，
其他無得迫。

作者: Mimi_Ma 時間: 09-5-18 13:30

原帖由 ZZdaphne 於 09-5-17 14:32 發表

我女band one 中入到band 1 中，以前係小學真係好似你咁講，唔好話出外比賽無佢份，校內都唔會有，現在係中學竟然英文試過全班最高分，英國文學全級三名以內surprise!
我那個咪係囉，arts 有DD啦，
我都係希望佢入到大學，
其 ...

請問你小女就讀的中學是那一間, 我朋友明年升中, 想找有英國文學讀的中學. (如不方便公開, 請PM給我. ) 謝

[ 本帖最後由 Mimi_Ma 於 09-5-18 13:32 編輯 ]

作者: samuel89 時間: 09-5-18 17:39

原帖由 esprincess 於 09-5-16 21:51 發表
我個女入咗Band one 頭學校，係中間浮游，學校派比賽實無佢份，如果佢去一間Band One 尾中學，出外比賽機會都多啲，老師對佢期望大啲，多啲認同，佢都會大信心啲。真喺有啲後悔。 ...

想請問一下你個女自己是不是都這樣認為呢?...
你有沒有真的將這個念頭說給你個女聽呢?...

作者: prettyBB_BB 時間: 09-5-19 17:52

"人係要有壓力, 才會進步" 我覺得幾岩

作者: 丸媽媽 時間: 09-5-24 01:35

原帖由 Mimi_Ma 於 09-5-18 13:30 發表

請問你小女就讀的中學是那一間, 我朋友明年升中, 想找有英國文學讀的中學. (如不方便公開, 請PM給我. ) 謝

中學概覽可找得這方面資料,逐間心儀中學click入去就一清二楚 http://ssp.proj.hkedcity.net/chi/parser.php?file=chi/schsubs.htm&school_id=1023

作者: Mimi_Ma 時間: 09-5-24 15:00

原帖由 丸媽媽 於 09-5-24 01:35 發表

中學概覽可找得這方面資料,逐間心儀中學click入去就一清二楚 http://ssp.proj.hkedcity.net/chi/parser.php?file=chi/schsubs.htm&school_id=1023

THANKS

歡迎光臨教育王國 (/)