本年升中派位成績

keifook2007

我個小朋友今年已畢業,綜合三年,你最好找過另外一間...
這間學校除咗夠大學生多就唔覺有咩好讚..年年問究竟有多少人派獲英中,頭三志願的百分幾有幾多...就連副校長都答唔倒,可想而知有幾差勁..我個女今年派第三志願,成績一般..學校老師及班主任冇問點,好似當教完就算,連自行分配學位階段都唔會理你,等你自己冧,派得好佢就已為係佢功勞,派得差就各下自理,可能今個學期學校要學生背弟子規吧,攬到個個學生都要背好,唔乖果喲就當做罰抄工具,所以你要好好考慮吧!

keifook2007

我所知的資料剛和你相反,就以上智和銘賢..基福派入的人數唔多,老師都說一年差過一年所以連數字都唔會公報出來,只係講派頭三志願的百份比..比起其他小學例如荔枝角天主教小學油天和開平都有實則數字,作為家長當然要了解清楚,總之讀咗基福你就知好定係唔好,想回當年點解會入,就係比佢地d宣傳技巧誤導,好似課外活動錦又話有樊石,讀足三年都冇,重要係唔開放,但係同外界宣傳就話全校學生學得好開心,不過陳校長只僱做show小理學生成績的態度,一早已知了,當我個小朋友讀第一年我就知呢間學校唔惦,可能太新,d老師又唔夾,學生又控制唔到,上上吓當都可以追住個老師來打和咬...真恐怖,之後我就自己同個小朋友報讀外間課程,囉d證書,之後去叩門先有間Bank 1 收咗,總之一額汗啦

keifook2007

還有,你說是你母校..你個女今年讀一年級,但係呢間學校只不過係2005年先開,都唔夠5年,你會唔會係聖紀文畢業生呀...唔好混埋一談噃..聖紀文上午校好過下午校,,而下午校老師就係2005年9月轉晒去基福教,只有幾個冇過,所以聖紀文到現在都有實力就係錦囉...相信基福要等多十年年資先會出到較好的學生

keifook2007

基本上佢地唔會話你知,要到選校時先講大約係Bank幾.至於自行階段更加唔會理你,佢地費事要揹"獲",除非你同個老師好Friend,佢都會話你知,但照我兩個小朋友的經驗,如果你個仔係全級考1-40名就係bank 1 ,41-120Bank2 ,但係你最好都係先搏自行階段,即係話你一定要你個仔考到前40名,d英中先會有得in,但一些除外(黃隸珊)上智銘賢長天都有得in,我個貝朋友派第三志願係中中,之後我自己再去叩門,石硤尾有間英中收咗,安樂晒..(不過過程非常辛苦,跑幾間又要考試,見到都辛苦)所以你要叫你個仔零願辛苦一兩年讀好d,好過將來派得唔好要周圍找學校

keifook2007

至於選校時,基本上只係係黑板寫三類的中學,即係bank 1 2 3,之後就叫你地自己返屋企同老公商量才去選校,家長會時亦只係講話派?百份幾,實則就唔知有幾多個,我管著要揭穿佢地成日話派得好的說法,今年我就叫我個小朋友問晒全班同學派邊間,點知全班30人有十幾個派佛教大雄,5個以下派張銘添其餘Bank 3, 一個英中都冇..連考第一果個都係派中中..其他班係點我就唔知啦..如果佢地真係教得"禁"好就冇理由會係"錦"囉,成日話人地學校"渣"新移民多..點解人地學校派位又派得"禁"好,大陸人都係人唔通佢地得我地d香港出世的就唔追得到..基福你要檢討檢討啦

keifook2007

總之一定要靠自己,考外間公開試,例如劍橋英語試,課外活動都要參加一些並連同獲獎獎狀,我今年就係"錦"叩到一間英中,你地一定要比心機呀...問學校九更都唔會覆你呀!!!!

keifook2007

大女今天升F.3 今年F.2全級考到頭50名,希望細女都讀得好啦...祝你個小朋友有個美滿的學業.

keifook2007

你現在先讀到三年級,當然未發現學校的問題,小朋友在成長過程中做家長的當然是希望快快樂樂地成長和學習,舉耕田為例要有好的收成就先要找一塊好的田地,有好的種子便找好的肥料去灌溉,試想想,如果肥料出現咗問題,收成會變成點...我所之前講的是事實,校政不好老師教書有問題不改進,這些都是它的弱點,我冇記錯3年前教三年級數學的某一位老師,幾乎堂堂都開舊版ETV電視節目上數學堂,攪到啲學生唔識計數,佢地當輔助教材當成書本去教,我地以前細個都係先學老師教才看ETV,佢地就只係開ETV冇再咩細教,你話點惦吖,不過呢位老師退休未就唔清楚啦,總之自己再找人或者自己跟緊d啦,升中派位只得一次架咋,無謂博...