教育王國
標題: 已刪除 [打印本頁]
作者: yolandamama 時間: 09-7-20 21:54 標題: 已刪除
已刪除已刪除已刪除
[ 本帖最後由 yolandamama 於 10-6-8 21:47 編輯 ]
作者: celiwong 時間: 09-7-21 00:27
小兒都參加了 基督教崇真中學 的暑期班
今天小兒回家後都向我投訴上堂唔知做乜, 暑假班個老師教得好差, 本身以為是小兒可能第一堂, 不太習慣
再詳細問小兒他告訴我暑期班老師其實是該校的中五學生!
聽完之後, 有被騙的感覺! 一間學校, 不知什麼原因 (是否想節省成本? 培訓該校中五學生? 幫該校中五學生搵暑假工? ) 竟然搵自己學生教書! 不知所謂!
中五生 年紀太小, 教書都冇經驗, 又冇經驗管理班中一學生
學校今次咁攪法, 真係行政失誤, 校長應負責任!!
[ 本帖最後由 celiwong 於 09-7-21 01:15 編輯 ]
作者: celiwong 時間: 09-7-21 00:40
本人始終覺得由該校中五同學教中一暑假班問題很大!
先不要質疑他們的知識, 但相信中五生對classroom management, 如何處理過份活躍, 等問題一定不及現職老師 or 大學生!
祟真中一家長應唔應該同學校反映?
各位家長, 其實大家覺得有沒有問題? 歡迎大家俾意見!
作者: twiggycheng 時間: 09-7-21 08:41
朋友講深水埗崇真好差，去沙田崇真先係好學校。
作者: judy 時間: 09-7-21 09:25
原帖由 celiwong 於 09-7-21 00:27 發表 
小兒都參加了 基督教崇真中學 的暑期班
今天小兒回家後都向我投訴上堂唔知做乜, 暑假班個老師教得好差, 本身以為是小兒可能第一堂, 不太習慣
再詳細問小兒他告訴我暑期班老師其實是該校的中五學生!
聽完之後, 有被 ...
使唔使錢先？
不要睇小中五生，一個成績優秀，懂得學習，懂得思考，分分鐘比一個一向成績麻麻而立志為人之患的教師好得多。如孩子要補習，我寧要一個好的中五生，而不要一個有"經驗"之教師。例如之前有有"經驗"之教師在此示範甚麼"奪命三式"，佢自己都錯咗。你要此經驗嗎？
教學相長，教了，備課了，讓同學問了，オ知道自己到底明幾多。所以，學校安排中五生講課，對此学生也很有帮助。
作者: vespa 時間: 09-7-21 10:19
如果收錢就真係好過份！不過如果無收錢，可能學校當bridging course唔係正式上課，所以搵師兄帶師弟囉！
作者: nicholasmom 時間: 09-7-21 11:28
原帖由 celiwong 於 09-7-21 00:40 發表
本人始終覺得由該校中五同學教中一暑假班問題很大!
先不要質疑他們的知識, 但相信中五生對classroom .management, 如何處理過份活躍, 等問題一定不及現職老師 or 大學生!
祟真中一家長應唔應該同學校反映?
各位家長 ...
我個仔間學校(英中)既中一 bridging course 由 F.7 學生 + 鬼佬教. 收500蚊,校長話都唔夠俾D鬼佬. F.7 個D全部都是義工
作者: nicholasmom 時間: 09-7-21 11:31
原帖由 twiggycheng 於 09-7-21 08:41 發表
朋友講深水埗崇真好差，去沙田崇真先係好學校。
好似話舊年F.1有8X人留班,嘈到上教育局.唔知後尾點收科?
作者: celiwong 時間: 09-7-21 12:01
回應judy and vespa: 當然要收錢la, 直資學校樣樣都要收費
另外, 我都同意judy 既講法, 千萬不要看小中五生, 事實上, 由中五學生教中一生的確是卓卓有餘, 但私人補習跟教班完全係兩回事.對於課室管理, 學生情緒控制, 秩序管理, 教學互動等等, 都需要磨練及培訓.
另外, 本人覺得summer bridging 對新生很重要. 而家個仔對這校留下了很差的first impression.
作者: celiwong 時間: 09-7-21 12:20
原帖由 nicholasmom 於 09-7-21 11:28 發表
我個仔間學校(英中)既中一 bridging course 由 F.7 學生 + 鬼佬教. 收500蚊,校長話都唔夠俾D鬼佬. F.7 個D全部都是義工
相形之下, 一間學校有心, 就請外國人教小朋友
相反, 一間學校, 是是旦旦, 就請中五學生教書
大家都要俾學費, 真是心有不甘
作者: bkman 時間: 09-7-21 12:41
對不起， 其實個人覺得不應該用“上錯賊船”來形容。 這心態如果被小朋友感覺到， 真係會覺得自己入錯咗學校， 到時候分分鐘沒心機上課， 後果嚴重。
首先， 用中五生去教中一生其實沒有問題， 反而用過來人身份引導初來的新生， 效果可能更加好， 更能以對方立場思考問題。
其次是教學相長， 他朝中一生晉級到高年班， 也會換轉身份去教低年班學生。 這個方法好多中學現在都進行中。 效果似乎不錯。
好些學校是沒有BRIDGING PROGRAM的， 所以既然有， 我覺得不如提醒自己小朋友， 要珍惜這個適應機會， 到開學的時候可以更加容易適應吧。
純屬個人意見。 祝各位的小朋友上學愉快！
原帖由 yolandamama 於 09-7-20 21:54 發表
仔仔升中一, 入讀深水涉祟真中學
今日個仔上左暑假bridging班 第一堂, 佢話祟真d 老師不單只教得差之餘, 還容許學生自由出位
表達不清, 管理不善, 有咩資格身為人師
對這校真的十分失望! ...
作者: judy 時間: 09-7-21 12:42
原帖由 celiwong 於 09-7-21 12:01 發表
回應judy and vespa: 當然要收錢la, 直資學校樣樣都要收費
另外, 我都同意judy 既講法, 千萬不要看小中五生, 事實上, 由中五學生教中一生的確是卓卓有餘, 但私人補習跟教班完全係兩回事.對於課室管理, 學生情緒控制 ...
都唔係間間直資學校的summer bridging要收錢。有的學校的 summer bridging 只是讓中一仔認識一下學校，無論組識，活動都是高Form師兄姐帶隊，所有中一生都係去玩幾日，都幾好嘅。
至於中五生能否管理課室、情緒，好難講，雙方面的，如果學校收的學生質素太差，唔尊重個会場，就算教師管都唔到。
新加坡有一家學校，每年都舉辦一次國際學生交流。組織者会是中三、四學生，從接機、住宿、開会、活動都是學生，教師只在旁看着，都唔知幾成功。中三、四学舌連國際活動都搞到，何况是中五生？
我不知詳情，不過，你不是了解此校才讓孩子入讀嗎？如有問題，應先和校方投訴，而不是在這里唱衰。
睇定啲，只是幾日的暑期班而己。
作者: LLMUMMY 時間: 09-7-21 13:00
judy,
講得對, 唔係間間直資的summer bridging 都要收錢, 我地都無收錢
原帖由 judy 於 09-7-21 12:42 發表
都唔係間間直資學校的summer bridging要收錢。有的學校的 summer bridging 只是讓中一仔認識一下學校，無論組識，活動都是高Form師兄姐帶隊，所有中一生都係去玩幾日，都幾好嘅。
至於中五生能否管理課室、情緒，好難講，雙方 ...
作者: christine_yuen 時間: 09-7-21 14:30
終於忍不住, 要發表我內心的感受了!
先不要討論應不應該用“上錯賊船”來形容
-採用另類招數迫使其子「主動離校」
-要求提早半年簽署有條件的「退學書」,
-一男一女學生在廁所性交
現今再不知什麼原因, 由中五學生教bridging summer course
一連串行政失誤真讓學生家長對這間學校十分失望!
剛從judy 的post 得悉不是每一間直資學校都要收費。基祟近幾年大興土木, 又建游泳池、lecture threatre，又舉辦遊學團等等
收費往往轉嫁在家長學生身上，所以說祟真bridging summer course 不收費根本沒有可能!
要收費，就要確保有質素的保證。祟真這幾位中五學生真的能夠做到教學相長，真的能夠跟新加坡in school 比較嗎? 有時間真的是有苦自己知，有苦只有基祟家長才知道
的而且確, 由優秀的中五生教中一新生有強而有力的親和力，可惜, 我只能留下4個字: 事與願違!
作者: hong2002 時間: 09-7-21 14:39
收左幾錢? 上幾多堂?
好奇怪,未開學已經咁憎間學校, 點解會考哩間學校?點解重會比錢讀呢?
正常家長點會咁小事就唱衰自己仔女果間學校,用個咁嘅標題!
(我仔仔讀崇小, 唔知基崇的事, 但都識好多基崇家長同學生.)
作者: cat711 時間: 09-7-21 14:59
明白的. 我們很多時候總不能把事情相提並論.
我校搞這類活動時也會請畢業生幫手, 但一定會有當值老師. 我相信這間學校也不會例外. 建議家長可以向學校反映, 讓學校盡快處理, 令學生在 Bridging Course 餘下的時間有更好的學習.
作者: ytpeople 時間: 09-7-21 16:47
小女剛上完20堂bridging course(直資中學)，全部該校老師教的，完全免費，仲有一次大食會，上堂答o岩問題有糖食，有時有遊戲玩，last 1堂外國人Miss請食雪條添啊！
原帖由 celiwong 於 09-7-21 12:01 發表
回應judy and vespa: 當然要收錢la, 直資學校樣樣都要收費
另外, 我都同意judy 既講法, 千萬不要看小中五生, 事實上, 由中五學生教中一生的確是卓卓有餘, 但私人補習跟教班完全係兩回事.對於課室管理, 學生情緒控制 ...
[ 本帖最後由 ytpeople 於 09-7-21 16:53 編輯 ]
作者: yolandamama 時間: 09-7-21 19:51
原帖由 ytpeople 於 09-7-21 16:47 發表
小女剛上完20堂bridging course(直資中學)，全部該校老師教的，完全免費，仲有一次大食會，上堂答o岩問題有糖食，有時有遊戲玩，last 1堂外國人Miss請食雪條添啊！
...
很大對比
作者: KOKOMAN 時間: 09-7-21 21:35
聽聞會考最高得14分，何來教人呀?
佢地從來冇向家長公佈多年來公開試成績或入大學率，一些傳統直資是有公佈的，就算李國寶(新直資)我曾經在其學校
網頁看過。
還有在厠所那對學生所做的事情亦冇向家長交代。
作者: KOKOMAN 時間: 09-7-21 21:38
再補充一點，趁未入學不如轉校，可選聖瑪加利、褔建、李國寶、顏寶鈴。
作者: mother-cat 時間: 09-7-21 21:39
原帖由 hong2002 於 09-7-21 14:39 發表
收左幾錢? 上幾多堂?
好奇怪,未開學已經咁憎間學校, 點解會考哩間學校?點解重會比錢讀呢?
正常家長點會咁小事就唱衰自己仔女果間學校,用個咁嘅標題!
(我仔仔讀崇小, 唔知基崇的事, 但都識好多基崇家長同學生.) ...
每年總有人開TOPIC唱衰TTCA,一年前的'標題',一年後竟然有'新家長'念舊,懂得拿出來引用,
如果某些家長知道今年的澳洲遊學團20天費用是約萬伍全包,恐嚇有家長會以為佢交了的XX費補貼咗個團.
還有甚麼只有名校可用的行政手法(如勸退學)才可以用,而TTCA不可以的,即管一齊唱啦.
作者: KOKOMAN 時間: 09-7-21 21:46
又唔見D人唱其它新直資，此校辦學手法是否要好好檢討呢?
原帖由 mother-cat 於 09-7-21 21:39 發表
每年總有人開TOPIC唱衰TTCA,一年前的'標題',一年後竟然有'新家長'念舊,懂得拿出來引用,
如果某些家長知道今年的澳洲遊學團20天費用是約萬伍全包,恐嚇有家長會以為佢交了的XX費補貼咗個團.
還有甚麼只有名校可用的 ...
作者: hong2002 時間: 09-7-21 23:14
究竟收左幾錢? 上幾多堂? 幾多中五生教幾多中一生?有冇老師協助?我真係想知!睇下算唔算賊船!
其實基崇會起泳池,我幾年前都知啦,係唔係好事,真係見人見志,但將錢投資係學校硬件,點都唔算賊船掛!
同意趁未入學不如轉校!不過,自己唔啱心水傘,又唔好亂唱!對校學,家長和學生都唔公平.
作者: SOLAR08 時間: 09-7-22 00:12
提示: 作者被禁止或刪除 內容自動屏蔽
作者: Lawerance 時間: 09-7-22 00:43
在教育王國見到呢個post, 引起了我的關注
我個外甥女都係今年入讀ttca 讀中1
剛剛跟她媽媽講電話, 知道佢都有報讀暑期班
問了外甥女對暑假班的看法, 她認為個老師表達不清, 整體上很差
原來很多家長都在網上討論這件事情, 聽她媽媽說都有不少家長在校外議論紛紛, 他們的子女都覺得那幾位中五"老師" 教得不好,
我覺得家長們可以一起向學校反映, 看看校方如何處理
如果由一個會考最高拿14分的中5學生來教我外甥女, 真是令人憤慨
ttca 應該增加透明度, 多與學生家長溝通
作者: 2008mum2008 時間: 09-7-22 02:14
都未正式開學就見到咁多家長投訴TTCA, 呢間學校會唔會步"臻美"後塵, 最終俾教育局收回辦學權？
既然bridging course要收費, 師資就要有番咁上下, 現在用F5教F1, 我認為唔係一般家長的期望, 校方真係要好好同d家長交代.
就算係補習社, 師資都要好至會有口碑, 何況係學校, 各位家長你哋話係唔係？
作者: hong2002 時間: 09-7-22 09:28 標題: 回覆 25# Lawerance 的文章
"究竟收左幾錢? 上幾多堂? 幾多中五生教幾多中一生?有冇老師協助?我真係想知!睇下算唔算賊船!"
其實哩道有幾多真係基祟家長(樓主係唔係?)可唔可以答下我以上問題,唔係成果討論根本沒有意義!
樓主, 當日點解你會幫亞仔報哩間學校? 據bk一年前資料,此校學費貴,校風差,師資劣,你貪佢咩野好?考之前唔黎收料,但又快上黎報料,好奇怪傘!
我唔信有樓主咁既家長,你同學校點解咁大仇口,八黎聽下.
作者: bkfriend 時間: 09-7-22 10:27
原帖由 hong2002 於 09-7-22 09:28 發表
"究竟收左幾錢? 上幾多堂? 幾多中五生教幾多中一生?有冇老師協助?我真係想知!睇下算唔算賊船!"
其實哩道有幾多真係基祟家長(樓主係唔係?)可唔可以答下我以上問題,唔係成果討論根本沒有意義!
樓主, 當日點解你會幫 ...
我可以同你講, 真正ttca既家長已經好少係度發言, 自己仔女讀得開心就ok, 無謂同人嘈
作者: littleyan 時間: 09-7-22 10:32
我朋友的仔都係到讀,出年會考,全級頭三名.
他覺得師資無問題,過拍拖情況嚴重.
中一二已經很多男女同學開始拍拖,有時候他也有羨慕,後來他又覺得d女仔好痴纏,所以打消了呢個念頭,改為用功讀書,等上大學才拍,
作者: judy 時間: 09-7-22 10:44
原帖由 KOKOMAN 於 09-7-21 21:35 發表
聽聞會考最高得14分，何來教人呀?
佢地從來冇向家長公佈多年來公開試成績或入大學率，一些傳統直資是有公佈的，就算李國寶(新直資)我曾經在其學校
網頁看過。
還有在厠所那對學生所做的事情亦冇向家長交代。 ...
不知最高14分是不是事實，不去論他。但最高14分又如何，表示它辦得差？我識得一個家長，佢孩子小學讀包未，到此校讀書，佢話此校有很多措施鼓勵學生，考試成績好，有很多獎勵，例如請學生去迪士尼等等。這是幾年前之事了，當時覺得此校都盡心辦學。
看一家學校如何，要看佢有冇增值。以前我見過一家band5校長語重心長地鼓勵学生勤力，考好会考:"我知道要求你們科科合格不切實際，但集中精力，考它一、ニ科合格，才對得住自已"。每年，5科合格的大約6、7成，14分的更大約只有3成(剛好和band1学生佔的成數差不多)。如一家band3學校，能令學生不学壞，一家band2,学校，能令學生進步，所應得到的掌聲，實應比凈收band1学生，但負增值的多很多。
至於一男一女在厠所互混，己過了一年，青少年血氣方剛，教育了就是，不值得一年一次大書直書。
當然，聖經不合格不能升班此措施，我認為家長和街外人都会不以為然。
至於迫學生轉校，被迫的家長和街外人会不滿，但我相信有得留低或低年級之家長會歡迎。
作者: hkugac 時間: 09-7-22 10:44
不應該要收錢而找中五生教,除非是自願參加和事先講明。
作者: catnips 時間: 09-7-22 11:10
非常同意！
其實學生學習的表現和心態，非常受家人和朋輩的影響。如果孩子受別人影響，先入為主地以為自己不能從這學校學到什麼，就失去了學習的動機，直接影響日後學習的表現。
希望家長可藉此機會教導孩子以客觀的態度分析整件事，如討論如何採取合理的方式或渠道了解及解決事情，如何從這件事上學到面對不如意事，又或是重新反思在整個選校過程中有沒有忽略了的細節需要再考慮。
無論最後決定是否繼續在這學校唸書，起碼學生會學到以一個正面積極的態度面對，而不是意氣用事。
希望家長也一起以積極並正面的態度幫助孩子成長。
:
原帖由 bkman 於 09-7-21 12:41 發表
對不起， 其實個人覺得不應該用“上錯賊船”來形容。 這心態如果被小朋友感覺到， 真係會覺得自己入錯咗學校， 到時候分分鐘沒心機上課， 後果嚴重。
首先， 用中五生去教中一生其實沒有問題， 反而用過來人身份引導初來的新生 ...
作者: vespa 時間: 09-7-22 11:43
要收錢又搵D大細路教細細路，明白你點解咁慶！
原帖由 celiwong 於 09-7-21 12:01 發表
回應judy and vespa: 當然要收錢la, 直資學校樣樣都要收費
另外, 我都同意judy 既講法, 千萬不要看小中五生, 事實上, 由中五學生教中一生的確是卓卓有餘, 但私人補習跟教班完全係兩回事.對於課室管理, 學生情緒控制 ...
作者: hong2002 時間: 09-7-22 13:51 標題: 回覆 33# vespa 的文章
"要收錢又搵D大細路教細細路，明白你點解咁慶！"
***************
我唔明播!
"究竟收左幾錢? 上幾多堂? 幾多中五生教幾多中一生?有冇老師協助?"都冇人答!
"係唔係自願參加和事先講明?"都冇人答!
Bridgig course 性質如何,係唔係如Judy所講"有的學校的 summer bridging 只是讓中一仔認識一下學校，無論組識，活動都是高Form師兄姐帶隊，所有中一生都係去玩幾日，都幾好嘅!"都冇人答!
學校係自己選的,要交學費又要放棄中央派位,未開學你已經咁踩佢,你同學校有仇定同自己個仔有仇,成件事都唔合常理!
作者: mother-cat 時間: 09-7-22 14:23
原帖由 KOKOMAN 於 09-7-21 21:46 發表
又唔見D人唱其它新直資，此校辦學手法是否要好好檢討呢?
唔係真正的家長,就憑聽番來的嘢,走出來亂唱人家學校好衰格啫,所以咪冇人唱其他新直資囉.
其實年年走出來唱TTCA咪只係得你囉,''聽聞'你係英華家長,居心叵測.
'聽聞'係你愛用的字眼,專用來誤導其他人.
人家小朋友係廁所想做錯事,已經同差人交代咗,使乜再同我同你交代呀,好心你地D人唔好成日重提呢件事,俾D機會等個小朋友改過.
重有,乜你唔覺得人家家教係咪出咗D問題呢.借咗學校廁所一用,就係學校問題,某些名校生在學校索K,打劫,呢D學校咁大問題,乜冇見你發表'聽聞'偉論.
幾年前你已經係度亂唱TTCA迫你親戚個仔去參加學校的遊學團,唱TTCA的遊學團貴到死,會考成績差到死等等.,,話俾人聽李XX,聖XXX,顏XX好好多,我唔敢話呢D學校好定唔好,因為我唔係呢D學校的家長,我冇資格囉.
成日唱TTCA唔似李XX等直資將會考成績公報,你肯定知TTCA今年先係屬實第一年的會考,乜唔話埋俾人知呀,唱D但隱瞞D,.重有好多學校都唔公開公報會考成績,(引用你寫嗰句--'一些'傳統直資是有公佈的)，DXX會考單位分數都可以讀預科,你都知喎,仲乜唔見你唱,總之都係個句---居心叵測
[ 本帖最後由 mother-cat 於 09-7-22 17:49 編輯 ]
作者: hong2002 時間: 09-7-22 17:30 標題: 回覆 35# mother-cat 的文章
英華家長覺得基崇唔好, 批評佢, 我覺得都OK, 言論自由吖嗎, 起馬光明正大, 覺得唔岩咪駁番佢羅!
如果扮人地學校家長,開post閙人地學校,就真係好無恥,話人地學校係賊船, 其實係好嚴重的指控, 唔係比下自己意見咁簡單.
作者: mother-cat 時間: 09-7-22 17:35
原帖由 judy 於 09-7-22 10:44 發表
不知最高14分是不是事實，不去論他。但最高14分又如何，表示它辦得差？我識得一個家長，佢孩子小學讀包未，到此校讀書，佢話此校有很多措施鼓勵學生，考試成績好，有很多獎勵，例如請學生去迪士尼等等。這是幾年前之事了，當時覺得此校 ...
補充一點,不是'聖經'科,是基督教倫理,要考的宗教知識只佔小部分,重要的是要看學生的思考和對事件的反思.
TTCA很著重學生的反思及定立目標.
很多謝你忠肯的的分析.
[ 本帖最後由 mother-cat 於 09-7-22 17:36 編輯 ]
作者: mother-cat 時間: 09-7-22 17:39
原帖由 hong2002 於 09-7-22 17:30 發表
英華家長覺得基崇唔好, 批評佢, 我覺得都OK, 言論自由吖嗎, 起馬光明正大, 覺得唔岩咪駁番佢羅!
如果扮人地學校家長,開post閙人地學校,就真係好無恥,話人地學校係賊船, 其實係好嚴重的指控, 唔係比下自己意見咁簡單 ...
強調一句,只是'某位'英華家長有問題,其他的絕冇問題.
作者: Lawerance 時間: 09-7-22 20:05
"上錯賊船" 的指控未免過份嚴重
相信樓主都是感性蓋過了理性吧!
作者: KOKOMAN 時間: 09-7-22 21:10
依間學校d家長幾得意，在厠所做Xd衰嘢就唔比人講，
成日以為一個人開幾十個名在BK講嘢，幸好我姪仔明年會考後終於決定去另一間升預科(佢由中一開始在出面已補習，佢阿媽話學校程度淺)，希望佢能為學校破14分之紀錄啦!
作者: KOKOMAN 時間: 09-7-22 21:13
'臻美'都是基督教，話晒D校風好D啦!
原帖由 2008mum2008 於 09-7-22 02:14 發表
都未正式開學就見到咁多家長投訴TTCA, 呢間學校會唔會步"臻美"後塵, 最終俾教育局收回辦學權？
既然bridging course要收費, 師資就要有番咁上下, 現在用F5教F1, 我認為唔係一般家長的期望, 校方真係要好好同d家長交代 ...
作者: KOKOMAN 時間: 09-7-22 21:31
由始至終我都有講過我親戚個仔係到讀，我與他們一家關係很密切，難道不能就自己所知在此發言讓其他家長參考。
如 mother-cat 認為所有有關此 '名校' post 是同一人，他可向版主反映。
另佢話點解我唔講 DXX，又話人地幾分都可升預科，
第一沒有人直接同我講此校好與壞，另外 '幾分都可
升預科' 的都有特別技能，有些是港隊!
如果mother-cat認為開 post
原帖由 hong2002 於 09-7-22 17:30 發表
英華家長覺得基崇唔好, 批評佢, 我覺得都OK, 言論自由吖嗎, 起馬光明正大, 覺得唔岩咪駁番佢羅!
如果扮人地學校家長,開post閙人地學校,就真係好無恥,話人地學校係賊船, 其實係好嚴重的指控, 唔係比下自己意見咁簡單 ...
作者: hong2002 時間: 09-7-22 21:36
First, I have never "以為一個人開幾十個名在BK講嘢", I just can't believe 樓主 is a real parent of a TTCA Form one student!
Remember TTCA is a DSS school, you have to fill in the application form yuorself, you have to attend interview, you have to pay school fee, you have to give up the right of central allocation. Before you choose TTCA for your son, as a parent, will you search the information of the school? Will you try to understand the vision, mission, school background, managment, structure, futurn plan, style, acheivement etc of this school? If TTCA is your final choice for your son for his coming 6 years, you must quite agree with the direction of the shcool and have certain confidence on it.
As a parent of a TTCA Form one student, will you simply because of one unsatified summer bridging class and open a topic 上錯賊船 再令家長失望 in BK?
Does it make any sense? Will you do that too?
Last, I'm not a TTCA parent.
作者: mother-cat 時間: 09-7-23 13:32
原帖由 KOKOMAN 於 09-7-22 21:10 發表
依間學校d家長幾得意，在厠所做Xd衰嘢就唔比人講，
成日以為一個人開幾十個名在BK講嘢，幸好我姪仔明年會考後終於決定去另一間升預科(佢由中一開始在出面已補習，佢阿媽話學校程度淺)，希望佢能為學校破14分之紀錄啦! ...
我當然禁制唔到你把口,只不過我想叫你做成年人嘅要有番D厚德,,不斷針對性去唱兩個因一時想歪咗兼且與你無關嘅少年人,你唔覺得好衰格咩,索K打劫你唔唱?皆因佢地係名校生囉.唔知你對XX居民大喊正生班小朋友做吸毒仔,吸毒妹,有乜感想?一句講哂-呢位英華家長係居心叵測嘅.
'聽聞'會考14分就年年唱,傳統直資 名校考單位數就唔見你唱,仲大條道理話有特別技能就可豁免,都係嗰句--呢位英華家長居心叵測.
不過你冇收到傳聞咩?'傳聞'會考14分係兩年前已經屬於流料啦,有俾其他學校篩出來TTCA讀中四,五的學生,經過努力,絕對考到唔止你傳聞番來的十四分囉,消息有在家長會公開俾家長知,乜你收唔到?不斷撒播你嘅14分傳聞,呢位英華家長的目的是--居心叵測.
我絕對相信令親戚個仔可以在明年會考打破你傳聞的十四分,不過既然佢咁叻仔,認為TTCA的程度咁淺,相信佢科科攞咗滿分之餘,定落的目標會考分數起碼有34分(全科計),到時你呢個作為英華家長的路人親戚咪唔使再用'傳聞'14分來唱TTCA,反而可以有真憑實據大唱TTCA好在有你親戚個仔來爭光囉,請繼續叫呢個小朋友努力加油去補習,一切靠佢啦!
最後,你唯一可相嘅係----你冇分身!
[ 本帖最後由 mother-cat 於 09-7-23 13:44 編輯 ]
作者: KOKOMAN 時間: 09-7-23 20:02
唔係我作大話貴校有人在厠所性X，我係睇報紙才知，你不如罵份報紙啦!
總之要比2千幾蚊讀間咁嘅學校就唔值啦，分分鐘個女都冇埋!
原帖由 mother-cat 於 09-7-23 13:32 發表
我當然禁制唔到你把口,只不過我想叫你做成年人嘅要有番D厚德,,不斷針對性去唱兩個因一時想歪咗兼且與你無關嘅少年人,你唔覺得好衰格咩,索K打劫你唔唱?皆因佢地係名校生囉.唔知你對XX居民大喊正生班小朋友做吸毒仔, ...
作者: hong2002 時間: 09-7-23 20:35 標題: 回覆 45# KOKOMAN 的文章
You and Mother Cat are acting too childish here. Hope both of you could respect each other one day and do no more personal attack. Hope this place could restore to harmony soon.
As I believe this thread is created by a fake person, it deserves no more reply and discussion.
My writing should better be ended here. Good Bye All!
作者: bkfriend 時間: 09-7-23 23:49
原帖由 KOKOMAN 於 09-7-23 20:02 發表
唔係我作大話貴校有人在厠所性X，我係睇報紙才知，你不如罵份報紙啦!
總之要比2千幾蚊讀間咁嘅學校就唔值啦，分分鐘個女都冇埋!
本來都唔想出聲, 係邊一份報紙講話係廁所性x呀?? 報紙係講2位同學係有親暱行為呀, 據我所知佢地係響廁所攬攬錫鍚,而校方亦好重視事件, 個2名學生亦受左處分. 我囝囝講聽聞佢2個已經離開學校, 係被學校取消學值定自己走就唔清楚喇.
就係你呢的人, 張一的小事放到有咁大得咁大, 無中生有, 又唔係學校家長,自己唔鍾意人地學校就到處造謠生事....
作者: ncmami 時間: 09-7-24 01:25
我只想在此表達這多天看完這個post的感受，我的孩子是Band 1 生，但派位卻派得不好，很傍徨！後叩門入了TTCA，今年九月人讀，TTCA雖是很Top的學校，但從朋友的子女打探得到他們也讀得開心，亦很乖，所以我就禳孩子入讀，不想再叩門叩門再叩門，而我和孩子也好不容易才從派位失敗中走出，孩子也決定振作，在那裏讀也努力去讀，但這個post令我十分困擾，怕自己選錯校....
於是查問他在bridging course的情況，他說的確有部份是畢業學生教，但教得很清楚，並以全英語教，只有時有同學明才用中文解說，另有不同活動也有老師帶領，他感覺很好，沒半點投訴。其實報讀bridging course 是自由參加的，事前亦知道有部份是畢業學生教的。我講出我所知的，只想禳一些跟我一樣的媽媽放心一點。
作者: hong2002 時間: 09-7-24 08:56 標題: 回覆 47# bkfriend 的文章
造謠生事者, what you've done just discredit yourself, not the school. I could leave now because TTCA's parent could fight for themselves. I leave my last 3 words to you (造謠生事者) - "SHAME ON YOU".
作者: bkfriend 時間: 09-7-24 10:37
原帖由 ncmami 於 09-7-24 01:25 發表
我只想在此表達這多天看完這個post的感受，我的孩子是Band 1 生，但派位卻派得不好，很傍徨！後叩門入了TTCA，今年九月人讀，TTCA雖是很Top的學校，但從朋友的子女打探得到他們也讀得開心，亦很乖，所以我就禳孩子入讀，不想再叩門叩門 ...
我2年前亦同你一樣心態, 懷著戰戰兢兢既心情比小兒入讀TTCA, 好怕佢會學壞, 不過經過左2年時間觀察,依家都好開心自己冇揀錯學校比囝囝,而佢亦讀得好開心.
網上既言論唔好盡信, 要靠自己實地觀察一下, 既然選擇左學校比子女就應該要有信心, 最重要係等佢地開開心心迎接中學生活
作者: Reximom 時間: 09-7-24 11:06
提示: 作者被禁止或刪除 內容自動屏蔽
作者: ncmami 時間: 09-7-24 23:00
多謝鼓勵，我會和兒子一起努力迎接中學的新生活
原帖由 bkfriend 於 09-7-24 10:37 發表
我2年前亦同你一樣心態, 懷著戰戰兢兢既心情比小兒入讀TTCA, 好怕佢會學壞, 不過經過左2年時間觀察,依家都好開心自己冇揀錯學校比囝囝,而佢亦讀得好開心.
網上既言論唔好盡信, 要靠自己實地觀察一下, 既然選擇左學 ...
作者: fantasylife 時間: 09-7-25 13:14 標題: 一個基崇家長的心聲
我覺得這裡的爭論，無非在於有人要証明崇真不好，甚至很差。而有人又不忿這些評價。作為一個基崇學生的家長，我並不太想替學校護航，但我願意將自已頗為"失禮"和"慘淡"的兩年經歷和大家分享。
首先介紹一下我自已，我兒子今年中二，暑假後升中三。
我跟這裡的一些基崇家長不同，在小學時，我兒子並非band one 學生，也並非所謂band one 尾 band two 頭學生，他是真正的 band two學生，學業成績不突出，亦無特長。他能夠考進基崇相信主要是因為他是崇小的學生，而且他品行優良。
但由中一開始，我們一家的壓力就開始大得不能招駕。
或許當初選校時，我和我先生都太天真，以為選一間英文中學，(其實回想起來，以一個band two學生來說是有點不自量力)兒子讀得好的話，將來幸運些可以在香港讀大學，就算成績不好，慣用英文學習，讀完高中也可以出國。
料想不到的是，原來直資學校是頗為殘酷的，去年中一升中二就由180人"淘汰"剩120人。我不清楚那60人是留了級或是不甘留級而離校，但我絕對相信會放棄免費教育而選讀直資學校的家長，不會是放任學生，完全沒有盡力的家長。他們的傷心失望，我實在感同身受。
對我這個曾經艱苦奮鬥的"倖存者” ，也實在不想讀下去，原因是我覺得學校只是為學生設定了一些標準(可以美其名說是客觀而早已通知家長的標準) ，但他們並沒有用心幫助過遇到困難的學生去達到標準。(我承認這是我絕對主觀的感覺)
於是我們展開了長達一個暑假的找學校經歷。
拿著中、英、數低分(合格)的成績，我們主攻一些校風不錯的中文中學(唔係去名校，因為我們深知自已沒有資格去略佳的學校叩門)，但遇到的結果是有些學校看了成績表後，我們連拿報名表的資格也沒有，有些有幸見到副校長，就被搶白說貴子弟連Visual Art 和 Music 都不合格 (但事實是這兩科在基崇真是難到不得了) ，肯定學習態度有問題，最後推說學校暫時沒有學額之類。結果是擾攘了一個暑假之後，我們戰戰兢兢的在基崇升上中二。
幸運地，中二的學習生活較中一順利，我相信原因有兩個。最主要的是兒子在想轉校的過程中曾經被幾個學校高層數落和拒絕，他深感難堪和慚愧，(我見過他在一次面試後躲在房裡哭) ，所以他的學習態度有改進。其次是我們開始明白學校的要求，而能夠有目標地去達到學校的標準。
所以，其實我覺得去年有家長開了” 上錯賊船，誤了子女” 的標題是因為她的女兒在學業成績上遇到困難，但沒有得到她預計的關愛和扶助而一時激憤。
我認為基崇不可說是賊船，它只是一間有自己” 標準” (而且十分堅持，不會妥協，縱使你可能不認同)的直資中學，所以對成績好的學生來說，他們會讀得開心(由此可見，護航的基崇家長說的是真心話) ，但對成績未如理想的同學來說，它缺少的是一份” 關愛”.
但” 關愛” 是一種較高層次的教育理想，我們又何必企求呢！
最後，我想說其實我心裡是很不滿意KOKOMAN的 ，她對基崇的憤恨，令我們這些基崇家長不太想在這裡交流。
KOKOMAN，您是否可以放基崇一馬，還我們一個輕鬆發表的平台呢？如果可以的話，我先在這裡謝謝您。
PS. 另外，我對基崇的課程和各方面還有一些個人體會，如果家長有興趣，我們再討論吧！
作者: Carrie媽 時間: 09-7-25 15:49
原帖由 fantasylife 於 09-7-25 13:14 發表
我覺得這裡的爭論，無非在於有人要証明崇真不好，甚至很差。而有人又不忿這些評價。作為一個基崇學生的家長，我並不太想替學校護航，但我願意將自已頗為"失禮"和"慘淡"的兩年經歷和大家分享。
首先介紹一下我自已，我兒子今年 ...
首先，我非常認同Fantasylife 的說法，因為覺得完全同一感受，同一經歷，亦為那60 個學生沒有受到學校的關愛而難過。
其次，我覺得樓主你用這個Topic就應該知道去年ttca發生甚麼事，當你為孩子選擇中學時，就要考慮家長去年在bk反映問題的因素，既然仍決定選擇ttca ，就不應用”上錯賊船” 這個Topic及開了Topic又不再回應，有點奇怪。
另外，各家長在bk 對罵真係好無謂，總之，你覺得ttca係你杯茶，你就繼續飲(即讓孩子繼續讀)，不是你杯茶，就安排離開，有甚麼好爭辯。
而我在這個7月中前都是ttca家長，但自覺ttca已不是我杯茶，雖然孩子今年的成績好滿意，但仍為孩子另作安排。因為學校以基督教「信、望、愛」精神辦學，教學理念是:
每個學生均具尊嚴
每個學生均富潛能
每個學生均能學習
每個學生均會成功
但校長去年10月接受報紙的訪問，講述家長向教育局及向傳媒投訴事件，他在訪問中說”因材勸退，有何不對”的言論，令我極之反感，覺得管理層與辦學理念不乎。這杯茶衹會越飲越淡。決定不飲也不會有損失。
最後，仍然係那句，係你杯茶，你就繼續飲，不是你杯茶，就無謂飲，不值得再爭辯。
作者: mother-cat 時間: 09-7-25 18:07
多謝各位的分享,不論你們選擇了留下,抑或是離開,是絕對值得尊重的,也希望孩子們可以在新環境開心地成長.
其實對於那位家長的所為,我是覺得已到了無可忍受的地步,三年來他不斷針對性及帶有惡意,去批評TTCA,給人的訊息也只是憑'傳聞',不得已才揭露他是英華家長,大家才容易明白他的居心.
我的囡囡將會升中四,她是屬於 很懂自理的人,所以我比較幸運,這幾年她都能平隱升級,也有進步,也許'懂得自理'的小朋友比較適合TTCA.
問我是否百分百滿意學校,當然是不,但我明白這個社會絕對沒有百分百的,那管你需要付鈔,我亦需要教導小女明白是要她去適應學校(社會),而不是學校去遷就你,所以我接受若然孩子不適合學校的話,他絕對會在行為上表現出來,我的大兒子就是有這情況,就算我為他轉了一間更加好的中學,他仍然表現懶散,我先反省他的問題所在,最後知道學校未能配合,也選擇再離去,就正如你們現在的情況一樣,所以我會明白你們的心情.朋友見囡囡在TTCA學習愉快,問我會否讓小兒子也入讀,我會說'不',因為小兒子屬於坐不定的人,所以不是TTCA杯茶,我仍然煩惱著找那間屬於他杯茶的學校呢!
明天再有另一個TTCA的學生故事分享
[ 本帖最後由 mother-cat 於 09-7-25 18:19 編輯 ]
作者: bkfriend 時間: 09-7-25 19:06
原帖由 fantasylife 於 09-7-25 13:14 發表
我覺得這裡的爭論，無非在於有人要証明崇真不好，甚至很差。而有人又不忿這些評價。 ...
hello你好,
想你的兒子應與我的囝囝同級, 好高興認識你.
我與你一樣, 其實不太想替學校護航, 反正校譽好壞, 學生收多與少對現時已升f.3既小兒來說並無所謂, 只係睇唔過眼一的無中生有既事件而作出反駁.
其實我覺得ttca只是一間普通既傳統英文中學, 當初揀呢一間學校, 純粹因為兒子係屬於"2頭唔到岸"既人, 所以我既要求好簡單, 只要搵一間校風好同英語教學既已經足夠, 呢2點ttca絕對可以做到.
可能大家既教導方式不同, 我認為學校只係作為一個合適平台比小朋友去學習, 所以我基本上對ttca冇抱太大期望, 主要仍然係要靠自己努力, 畢竟中學生不同小學生, 培育自我能力至為重要, 況且面對充滿競爭既社會, 早一點給子女壓力未嘗不是好事. 相信引起咁多"問題", 很在於部份家長對學校既"期望"未能達到所至.
另外, 據我所知上一年只有約20名中一生要留班, 其餘都係"試升", 不過亦冇人需要降班回f.1, 相信只係學校其中一個迫小朋友努力既方法, 其實好多學校都有升班標準, 只不過由於直資學校要收費, 很多人覺得不值.
總括來講, ttca只係一間普通既英中, 以band2生為主, 校風ok但學生比較散漫, 所以要提升學校質素, 汰弱留強係無可避免
作者: nicholasmom 時間: 09-7-25 23:45
原帖由 bkfriend 於 09-7-25 19:06 發表
hello你好,
想你的兒子應與我的囝囝同級, 好高興認識你.
我與你一樣, 其實不太想替學校護航, 反正校譽好壞, 學生收多與少對現時已升f.3既小兒來說並無所謂, 只係睇唔過眼一的無中生有既事件而作出反駁.
其實我覺 ...
留班人數就算由8X人減到2X人,都算太高.一般津校,教暑祇容許每班有2個留班位.
作者: bkfriend 時間: 09-7-26 11:10
原帖由 nicholasmom 於 09-7-25 23:45 發表
留班人數就算由8X人減到2X人,都算太高.一般津校,教暑祇容許每班有2個留班位.
都係大家觀點唔同, 我覺得反而冇問題, 假如小朋友連最basic既學科都唔合格, 勉強比佢地升班結果只會害左佢...假如我既小朋友都係咁, 與其是是旦旦比佢完成中學出黎做野, 倒不如比機會佢打好基礎再上重好.
津校由於係教署話事, 佢地就算有小朋友唔合升班條件都要夾硬升上去, 我自己已經係最好例子, f.1-f.5都係夾硬升,掉轉阿媽求過學校要求repeat但學校話唔使, 結果讀完f.5都未識寫一封似樣的既英文信, 會考全部担梯....後尾要靠自己再重讀夜校,先考到張似樣的既cert
作者: Carrie媽 時間: 09-7-27 02:22
原帖由 bkfriend 於 09-7-26 11:10 發表
都係大家觀點唔同, 我覺得反而冇問題, 假如小朋友連最basic既學科都唔合格, 勉強比佢地升班結果只會害左佢...假如我既小朋友都係咁, 與其是是旦旦比佢完成中學出黎做野, 倒不如比機會佢打好基礎再上重好.
津校由於 ...
Hi, bkfriend,
非常認同及欣賞你的理念:『與其是是旦旦比佢完成中學出黎做野, 倒不如比機會佢打好基礎再上重好.』因為你這個理念是鼓勵及關愛學生的表現。所以，當孩子的同班家長向我訴苦時，我都向他們提議與其四處找學校轉校，倒不如給孩子repeat打好基礎，再重旁協助及鼓勵他們。
但學校兩位校長的理念是”因材勸退，有何不對” 的理念。絕對不是鼓勵及關愛的理念。
以上兩個理念給學生的自尊、自信及對學校的歸屬感是完全不同。
一如自己的孩子，即使對學校的升級要求完全沒有問題，都提出希望我為他另作安排，就是一個例子。
再者，我認同ttca是一間校風不差的普通傳統英文中學。係家長杯茶，就繼續飲，絕對不值得我們做家長的為它護航，那祗會令兩位校長不思反省。這樣，對其他艱苦奮鬥及孩子給離棄的家長又是否公平呢?
最後，我好欣賞KOKOMAN再沒有在這平台發表她的不必要說話。KOKOMAN，謝謝你。
作者: bkfriend 時間: 09-7-31 12:14
原帖由 KOKOMAN 於 09-7-23 20:02 發表
唔係我作大話貴校有人在厠所性X，我係睇報紙才知，你不如罵份報紙啦!
總之要比2千幾蚊讀間咁嘅學校就唔值啦，分分鐘個女都冇埋!
今日英x又有新聞, 如果按你個尺度, 咁分分鐘連個仔都冇埋喇
http://www.singpao.com/NewsArticle.aspx?NewsID=37262&Lang=tc
呢單野一樣可以放大來講,不過其他家長有口德, 唔會好似某人咁亂唱其他學校...
作者: KITTY.WONG 時間: 09-7-31 17:55
那個被告是老師來的，與校風又好像拉不上關係。
作者: mother-cat 時間: 09-8-5 15:28
繼續談談朋友孩子的經歷:
他今年升中三,當年中一叩門入了TTCA,但成績一路都不太理想,也曾因操守問題接過學校警告信.學期尾已有心理準備要留班,但就是發生了某家長向傳媒投訴的事件,之後,學校約見了學生及家長,說可給予學生一個試升的機會,但學生需自購一本暑期作業,每天按時回校,自己找個地方做作業,期間沒有老師會管束,學生努力或發夢也只有自己知道,有不明地方要主動找老師協助,作業最終要交給學校.新學期開始,學校會每兩個月約見家長,跟進學生的情況.
最後,朋友孩子做到了,平 隱地完成了中二,學期尾未派成績表時再問他,他已很有信心地說:升級冇問題,成績出了,他只有一科不合格.朋友看見孩子這一年的進步,感到很安慰.
校方是否沒有給予學生機會?就著這個實例是可給予反映了.儘管這是一個個別的例子,但孩子是否懂得抓緊機會的來臨,去珍惜,去反省.是事件的關鍵所在.
一間新學校的建立,起首的幾年是很重要的,對不起,我的孩子是屬於守規舉的一類,所以對於校方處理一些學生的手法,我是諒解的.孩子若不願意配合,那就表示了這間學校不是他想的'那杯茶'.家長適宜早點協助孩子去尋找他理想的一杯茶.
無論如何,希望孩子學習愉快.
[ 本帖最後由 mother-cat 於 09-8-5 17:53 編輯 ]
作者: Carrie媽 時間: 09-8-6 15:01
原帖由 mother-cat 於 09-8-5 15:28 發表
一間新學校的建立,起首的幾年是很重要的,對不起,我的孩子是屬於守規舉的一類,所以對於校方處理一些學生的手法,我是諒解的.孩子若不願意配合,那就表示了這間學校不是他想的'那杯茶'.家長適宜早點協助孩子去尋找他理想的一杯茶.
Hi Mother cat,
多謝分享你朋友孩子的經歷。
但我對你第四段的說法極有保留，因為有些家長覺得學校不是他要的'那杯茶'，並不是你說的”孩子不願意配合”，而是家長覺得校方的理念與自己想要的'那杯茶'不同，繼續再飲，只會啖而無味，所以才會去尋找理想的一杯茶。請不要歪曲我的意思去為學校護航而誤導其他家長，我的孩子是絕對配合到學校。
另外，我想同其他家長分享ttca第一屆會考(學生全部由中一讀至中五)結果如下:
| (英文) 文 | (英文) 理 |
|
9022 | 基督教崇真中學
| 22 | 17 | 05/08[12:14] |
9022 | 基督教崇真中學
| 15 | 9 | 05/08[15:00] |
9022 | 基督教崇真中學
| 10 | 1 | 05/08[16:31] |
9022 | 基督教崇真中學
| 6 | 0 | 05/08[17:31] |
9022 | 基督教崇真中學
| 3 | 0 | 06/08[11:19] |
第一階段收生，5號上午只可收原校生有14分或以上，據以上教育局網頁資料收了21個原校生(兩班60個F.6位),
第二階段收生，5號下午及6號上午，收外校生有14分或以上，共收了36個學生
餘下3個位，要在第三階段處理。
總結以上資料，ttca四班F.5，在第一階段收原校生讀F.6 的學生不多，校長的”因材勸退，有何不對” 的理念是否有美滿的結果呢?
作者: mother-cat 時間: 09-8-7 19:43
原帖由 Carrie媽 於 09-8-6 15:01 發表
Hi Mother cat,
多謝分享你朋友孩子的經歷。
但我對你第四段的說法極有保留，因為有些家長覺得學校不是他要的'那杯茶'，並不是你說的”孩子不願意配合”，而是家長覺得校方的理念與自己想要的'那杯茶'不同，繼續再飲，只 ...
'孩子不願意配合'這句話,其實是指某特殊情況的學生,如果引起你的誤解,請見諒.
家長對學校的要求都有所不同,你的意見我絕對尊重,但一直以來我都是將自己對學校的感受與大家分享,絕對談不上是護航.
不會談論ttca第一年的會考成績如何,畢竟這是第一年,新學校就是要過渡這些情況,只希望來年會比今年好便是了.
囡囡中一那年考試,全級只有二十多人全科合格,但今年中一已有七十多人全科合格了,相信學校的學科成績會有進步的.
[ 本帖最後由 mother-cat 於 09-8-7 19:48 編輯 ]
作者: KOKOMAN 時間: 09-8-7 21:40
4班 FORM 5，收得 21 個原校生，原因 :
(1) 其他學生太勁，轉晒去其它名校。
(2) 只得21個夠14分。
作者: Carrie媽 時間: 09-8-10 00:15
原帖由 mother-cat 於 09-8-7 19:43 發表
不會談論ttca第一年的會考成績如何,畢竟這是第一年,新學校就是要過渡這些情況,只希望來年會比今年好便是了.
囡囡中一那年考試,全級只有二十多人全科合格,但今年中一已有七十多人全科合格了,相信學校的學科成績會有進步的
'
Mother Cat,
再一次請你不要再歪曲我的意思去為學校護航而誤導其他家長。
我在上篇8月6號的回覆內容只是希望同其他家長分享校長的”因材勸退，有何不對” 的理念是否有美滿的結果?
我的全文內容完全沒有提及合格或成績四字。請你抹清眼鏡再看一次。再者，我亦沒有要求你談論ttca第一年的會考成績，所有合格或成績是你自已提及，是你給壓力學生。
我再一次清楚表明我只是同其他家長分享校長的”因材勸退，有何不對” 的理念是否有美滿的結果。
Ttca已不是我杯茶，至於你說會相信學校的學科成績會有進步已不是我關心的問題，你自己繼續相信吧。
作者: davidmimi 時間: 09-8-10 17:32
本來不想就基崇發言,因與丘校長有點淵源,丘校長以前在深水埗崇真中學(現為小學)當訓導主任,而沙崇張文偉校長則是新入職教師,在下就是在深崇讀書...不過中四已離校.
而崇真這個辦學機構,是非常非常緊張公開試成績,你看沙崇"做到100%會考及格"便略知一二,可以說是成績行先學生行後的.
丘校長是崇真的元老級人馬,而丘校長受命興辦崇真首間直資,一起始應是以"100%會考及格率"進發,教授的課程及進度,都是以此目標,若過程中,發現你跟不上,先是盡量幫你,但還不達標,便唯有留班或勸離了,不會讓你會考唔及格的...在基崇...
崇真這種"生還者"方式,的確是會燃起部分學生的小宇宙,但被放棄的則會好可憐.
[ 本帖最後由 davidmimi 於 09-8-12 13:21 編輯 ]
作者: mother-cat 時間: 09-8-13 23:23
尊重各人的意見,一切留待家長自行作出判斷好了.
作者: allien-lion 時間: 09-8-15 21:59
Hi, 各位有子女上了這基崇「賊船」的家長們，大家好!
我的囝囝F1已上了這艘船，不經不覺已過了五年，滿以為今年會考後可以跳船另找一艘大家心目中認定的華麗大船啦，怎知事與願違 . . . . . .
8月5日會考放榜當天清早，與囝囝一同回到學校領取成績。當學校在2樓禮堂宣佈今年會考文科最高28分，理科最高為29分時，與會家長均發出熱烈掌聲祝賀。雖然成績與其他取得10A的名校相比仍有一大段距離，但以基崇成立短短5年，在一些人心目中是一間Band 2或更差的學校來說，相信成績亦算不差。
囝囝從班主任手中接過成績表，會考獲得高過20分(一如預期)，於是第一時間飛的前往「莊記」遞交入學申請表，但這華麗大船實在太高，始終都攀不上。
……幸好早有準備，於是當天下午立刻返回基崇這「賊船」申請學位(囝囝的意願加上父母支持)，在船上見到有其他學校的學生及一些同學，最意外的是遇到一位獲得比我囝囝更高分數的同班同學，知道他亦因攀不上「莊記」這華麗大船而選擇基崇。
據報章報道，有Band 1學生考獲25分不獲「莊記」取錄，之後因不能回原校取得學位而後悔(Band 1學校在第一收生階段後，基本上是再沒有學位的)。相對來說，囝囝可以返回原校升學，雖然學費要每年26,500元，總好過被迫前往一些學習氣氛較差的學校。
作者: hong2002 時間: 09-8-16 00:12 標題: 回覆 69# allien-lion 的文章
allien-lion,
Can you give you own comment about this school?
My son is studying in TT Primary School and I really want to know more about this school.
Thanks a lot!
作者: allien-lion 時間: 09-8-16 16:36
Hong2002,
我囝囝是由深崇小學入讀基崇，F1至F3的成績中等。對於學校的印象，個人認為:
1. 1. 老師普遍有愛心。
2. 2. 對學校當時推行12門徒制度十分欣賞，一位老師由F1開始帶領12位學生3年，老師與學生亦師亦友，對每一學生均熟悉。
3. 3. 對學生要求較為嚴謹，對學生操行要求亦高。
4. 4. 對學生成績有要求，F1時學校已有補底班為成績未達標的同學免費補習，因此學期成績未達標的學生需要留級。
5. 5. 贊同學校推行學段制，學生在學期內所讀的科目可以較少，雖然範圍較廣，但有利學生兼顧及掌握自己興趣所在，有利日後選科。
6. 6. 對家長提出的意見頗為重視。
以上純為個人及囝囝感受，對於334制度下的現時初中有沒有改變，我就不太清楚了。
作者: Carrie媽 時間: 09-8-17 20:35
首先，‘祝賀allien-lion的囝囝係會考取得滿意結果，更希望你囝囝能在下一個A-Level目標取得更美滿佳績。
其實由此至終我都覺得ｔｔｃａ是一間校風不錯的學校，老師有愛心及用心教學。只是個人不滿校長的”因材勸退，有何不對”理念，在學生初中階段未如理想就放棄他們，對有些學生在初中後才開竅發力未免有些可惜及可憐。基督精神對校長而言去了那裏？所以，即使自己孩子學習上沒有問題，在沒有歸屬感的情況下，我和孩子都決定跳去另一艘大家心目中理想的大船。
至於ｔｔｃａ會考放榜結果，從會考生討論區及其他渠道得知，ｔｔｃａ的會考結果可參差，徐了數位26至２９分的學生外（他們己跳至拔萃及海外升學的大船，亦有一位２１分有幸跳去了「莊記」大船），四份一學生取得１２至２０幾滿意分及返回原校升學。其餘四分三學生都是取０至１１分，有些學生會考未夠１０分想返回原校重讀中五，但給學校拒絕（可能怕他們影響來年會考結果）。
另外，想同正準備孩子升中的家長分享個人一點意見，以ｔｔｃａ現時的校風，如果你的孩子是積極一族，家庭經濟可接受每年二萬幾學費及可接受學校金字塔式選材，ｔｔｃａ都是一間可選之校。相反，如果你的孩子是散漫一族，你可能要承受很多無形壓力，最後便得到兩頭唔到岸的結局。現在大部分Band ２學校已配合教育局微調政策，給子女讀英文中學已經不是高策略，倒不如找一些與大船有關聯的學校上船才是理想策略。
最後，雖然Mother-Cat與我的觀點看法不同，但仍很多謝她去年與家長分享經驗，提議家長可到二手書店多買一套同科的中文版教科書給小朋友(尤其是中一)過渡中轉英教學，以增加理解課文內容,將時間集中在串生字的方法確很有用，有些科目我也給孩子多買一套，孩子今年的學習表現，有明顯進步。
作者: hong2002 時間: 09-8-17 22:44 標題: 回覆 71# allien-lion 的文章
Dear alien-lion
Thank you for your sharing.
My son is a band 1 (middle) student. He has a happy school life in both TTKG and TTPS and he wants to continue his Secondary study in TTCA. I don't mind to pay the school fee and as TTCA is located near my home, it is very convenient to us.
I don't worry about my son's abililty to catch up the academic requirement. However, he is very active and talkative, I'm afraid he will break some of the school rules accidentally and easily get punished.
What's your view?
作者: bkfriend 時間: 09-8-18 13:08
原帖由 Carrie媽 於 09-8-17 20:35 發表
另外，想同正準備孩子升中
的家長分享個人一點意見，以ｔｔｃａ現時的校風，如果你的孩子是積極一族，家庭經濟可接受每年二萬幾學費及可接受學校金字塔式選材，ｔｔｃａ都是一間可選之校。相反，如果你的孩子是散漫一族，你可能要承受很多無形壓力，最後便得到兩頭唔到岸的結局。現在大部分Band２學校已配合教育局微調政策，給子女讀英文中學已經不是高策略，倒不如找一些與大船有關聯的學校上船才是理想策略。...
同意你既睇法, TTCA真係唔太適合散漫而又不想受管束既小朋友, 加上現時校方正努力提升banding, 成績追唔上或者操行比較差既可能需要面對留班...
不過我都想請教一下,邊一的學校係同大船有關聯架??(你所指既大船係咪大學??)坊間好似冇中學同大學係有聯繫可以直升喎...其實無論你讀乜學校,最後都係要靠自己成績爭取有限既大學門票
無論你同意與否,金字塔式教育一早已經響世界各地運作緊
所以我覺得,應該以子女既程度同性格安排學校先係最重要
[ 本帖最後由 bkfriend 於 09-8-18 13:10 編輯 ]
作者: allien-lion 時間: 09-8-18 22:13
Carrie媽,
謝謝妳的祝賀!
同意妳的觀點「以TTCA現時的校風，如果你的孩子是積極一族，家庭經濟可接受每年二萬幾學費及可接受學校金字塔式選材，TCCA都是一間可選之校。」
對於閣下所指「基督精神對校長而言去了那裏？」的批評有所保留。個人認為，基督精神與部份的辦學政策，例如要求成績未達標的孩子留級或轉校，其實是兩碼子的事，不應在此劃上等號。其實我更相信這是學校負責任的表現，亦是現時香港教育制度下，直資學校與其他官、津或補助學校的分別。
一般官津學校，特別是名校，由於受教育政策影響，成績差的學生雖然可以年年升班，但往往被學校用精英班制度分別出來，因而校方因材施教，試想學生要從非精英班脫穎而出(特別是年年升班而成績差的高年級學生)，相信非常困難。
反之一些直資學校容許學生留級，我相信是負責任的表現，不是放棄他們，是給機會那些在初中階段未如理想但日後才開竅發力的學生打好基礎。
作者: allien-lion 時間: 09-8-18 22:29
hong2002,
未知你囝囝是否今年升小六呢?
我的細仔今年升讀小六(不是TTPS)，學業成績中等，介乎band1中至尾之間，性格亦屬於active & talk active一族，相信這並不表示孩子操行差，在基崇讀書應無影響，但我亦需要為明年升中安排擔憂 。
個人認為，基崇雖是一所不錯的直資中學，但以學校現時整體成績來說，只屬於band1尾的英文中學。
由於受334學制及微調方案影響，我覺得基崇除重視學生的操行外，日後將會更注重於提升學生的學業成績，以迎接日後高考，引用bkfriend所講「TTCA真係唔太適合散漫而又不想受管束既小朋友」。
考慮到祟真學費頗貴(對我來說負擔頗大)，因此明年升中派位，我將選擇區內免費的band1中學或現時較好的中文中學為第一或第二志願，當然這要視乎囝囝報分試成績再作決定，若未能在大抽獎時一擊即中，很大機會讓孩子報讀基崇(但有些擔心屆時基崇是否會取錄或有學額)。
作者: 愛校之人 時間: 09-8-19 00:58
都5知KOKOMAN有咩居心= =
成日周圍唱我地學校
我喺嗰度讀都未出聲
你呢个5知边度彈出泥旣吵什麼?!
做人要有D口德,
5好成个3姑6婆咁論断人地= =
如果你係擔心我地D學生,
我可以同你講我地讀得好好
5須要你操心
個別學生嘅行為係个人問題
5到學校管
亦都5到你管
真係求吓你地放過我地La
我做學生嘅都睇5過眼呀!
要專登註册去求你地
我地校長對我地咁好,
花咁多時間去改善學校
換來嘅竟然係你嘅無理批評
將心比己ar
如果你係我地校長
你會點諗?
放過我,放過我D同學,放過我D老師,放過我校長La
[ 本帖最後由 愛校之人 於 09-8-31 16:22 編輯 ]
作者: ivy媽 時間: 09-8-19 11:07
其實所有係香港既家長同學生都係受害者, 大家都係被香港教育制度所害, 咁又何必互相抱怨指摘呢?
無論係band幾既學校,我相信係香港絕大部份既辦學團體都係真心辦學既,好多情況真係學生錯配中學, 程度未夠而引至問題,好似小兒之前一樣, 係九龍塘某名校讀,亦因為跟不上進度而被校方要求退校, 我亦冇怪校方, 最後搵到區內一間band3中學繼續學業, 好幸運今年兒子可以原校升f.6
我好多謝當日校方既做法, 如果無當日舉動小兒都無法找到適合佢程度既中學學習,好可能只會免強讀完f.3/f.5然後出社會工作
作者: unhappyma 時間: 09-8-19 11:39
原帖由 ivy媽 於 09-8-19 11:07 發表
其實所有係香港既家長同學生都係受害者, 大家都係被香港教育制度所害, 咁又何必互相抱怨指摘呢?
無論係band幾既學校,我相信係香港絕大部份既辦學團體都係真心辦學既,好多情況真係學生錯配中學, 程度未夠而引至問題, ...
同意,與其強迫讀下去,令親子關係變差,倒不如找間佢讀得有信心的學校好.
作者: mother-cat 時間: 09-8-19 22:38
原帖由 愛校之人 於 09-8-19 00:58 發表
都5知KOKOMAN有咩居心= =
成日周圍唱我地學校
我喺嗰度讀都未出聲
你呢个5知边度彈出泥旣吵什麼?!
做人要有D口德,
5好成个3姑6婆咁論断人地= =
如果你係擔心我地D學生,
我可以同你講我地讀得好好
5須要你操心
個別學 ...
同學仔,,很高興你懂得體量校長的勞心勞力,作為家長的我,見到這幾年校長為學校這樣操努,也會替他的健康而擔心,希望他好好保重身體.
至於他校家長對本校的攻擊,明智的人已經很清楚他的目的.明白你的憤怒,事關我幾年前已體會到.
繼續努力做好自己本份!
CARRIE 媽:
你我立場雖不同,但也希望你已替囡囡找到你理想中的學校.
HONG 2002 :
不用擔心你孩子的好動性格,我相信學校是不會不歡迎這類學生的,況且孩子開始成長,也需要學習守規則和承擔後果.
校長是講情理的,朋友的孩子當年本考不進TTCA,但見過校長講及他的背景後,校長樂意給他一個機會,之後又是一個機會(之前所提及的故事).
和另一個朋友談起學校的情況(他囡囡在校長之前所任職的英文學校讀書),對比起來,TTCA是很積極的,而朋友對他學校的評語是:自校長離任,副校長上了位後,只覺學校五年來漸走下坡.
[ 本帖最後由 mother-cat 於 09-8-19 23:19 編輯 ]
作者: Carrie媽 時間: 09-8-20 15:26
Hi allien-lion,
首先，明確表明祇是大家觀點看法不同，完全不是與你有爭辯。
對你所說學校是負責任的表現有所保留，因為去年孩子多位同級同學要留班或勸喻離校，對他們有些感慨，如果成績未達標而留班，我覺得完全接受，因為要打好基礎。但有些中、英、數三科主科都超過55分，只是聖經科及學習態度分不合格而留班，但這兩科又沒有得補考機會，又不是主科而留班，未免浪費了他們一年的時間吧。
何不懲罰學生在暑假回校將這兩科因未達標而勤加溫習及好好反省自己學習態度問題呢? 引用電視劇柴九的說話，人生有幾多個十年。學生又有幾多年青少年時間呢?
總觀去年全校有大約200人要留級或勸喻離校，後經傳媒、議員及教育局周旋調解，仍有約半數維持命運，
是負責任的表現還是直資學校為自保的表現? 由家長自行判斷吧。
而前年亦有學生就算可試升級，但家長仍要簽一份”年中”同意退學信，同意自己的孩子在上學期成績未達標的情況下即時離校，不會追究，免卻向教育局交代，試問負責任的學校點會叫學生在”年中” 離校而不是”年終” 離校
呢 (”年中”即半個學年) ? 再者，有位家長在會客室迫簽”同意退學信時錄下對話內容，我聽過後感覺難受，完來門前和門後的說話是不同的。所以，看單方面便覺得學校處事沒有問題，看多方面便覺處事有問題。
不過我仍然認同ttca是一間校風及環境好的學校，老師有愛心及用心教學。
所以，仍然係那句說話，係你杯茶，就繼續飲，那杯茶唔適合你，就無謂勉強，不值得再互相爭辯。
ivy媽與unhappyma,
你們的觀點我亦很認同，家長與學校都因自己的問題而互相錯配，最終被錯配的學生成為香港教育制度下的受害者。
Mother-cat,
非常多謝你的關心，孩子在ttca未派成績表前已找到理想中的船繼續航行。
作者: Carrie媽 時間: 09-8-20 15:33
原帖由 bkfriend 於 09-8-18 13:08 發表
不過我都想請教一下,邊一的學校係同大船有關聯架??(你所指既大船係咪大學??)坊間好似冇中學同大學係有聯繫可以直升喎...其實無論你讀乜學校,最後都係要靠自己成績爭取有限既大學門票
無論你同意與否,金字塔式教育一早已經響世界各地運作緊
所以我覺得,應該以子女既程度同性格安排學校先係最重要
香港當然沒有中學同大學係有聯繫，要入大學之門，一定要循新高中文憑試評核考生的資格才可入大學。如果你再仔細看Allien-lion的第一篇文章內容便明白我所衹的大船是甚麼意思。如仍不明，pm我再講。從學生互相溝通渠道得知，今年ttca有些學生都為這大船而離校。
當然，我亦都同意你說的金字塔式選材教育一早已經在世界各地運作，但沒有ttca咁誇張。
作者: ivy媽 時間: 09-8-20 16:49
原帖由 Carrie媽 於 09-8-20 15:26 發表
Hi allien-lion,
首先，明確表明祇是大家觀點看法不同，完全不是與你有爭辯。
對你所說學校是負責任的表現有所保留，因為去年孩子多位同級同學要留班或勸喻離校，對他們有些感慨，如果成績未達標而留班，我覺得完全接受，因為 ...
Carrie媽,
好明白你現時的感受, 我當初收到學校要求兒子退學的消息時亦非常憤怒, 一方面抱怨學校為何不給機會小兒(當時他們說學位緊張,連留班也不可以)另一方面後悔為兒子安排了不合適的學校,一心以為讓他入了名校後可以一帆風順,結果反過來要找一家banding更低之學校繼續學業, 又擔心他會學壞, 當其時的心情可想而知.
然而校方心態亦同崇真校長差不多:因才施教,所以勸退, 當時真係非常憤怒, 為何學校不以作育英才為目標,而要標籤學生呢??不過現在回想起來, 反而真係幫了小兒一把, 讓他在程度相近的band3學校繼續學業, 亦因為成績好左而加強自信, 會考亦有理想成績, 到今天我才明白當初校方之心態, 因才施教未嘗不是一件好事.
祝願你的小朋友亦一樣, 找到符合他的學校繼續學業
作者: KOKOMAN 時間: 09-8-20 19:41
細路仔 :
"你呢个5知边度彈出泥旣吵什麼?!"
ANS :你冇看過之前的 POST 咩?
看你的文筆你可能是那全級3/4人拿12分以下的學生
或未來拿12分以下學生!
原帖由 愛校之人 於 09-8-19 00:58 發表
都5知KOKOMAN有咩居心= =
成日周圍唱我地學校
我喺嗰度讀都未出聲
你呢个5知边度彈出泥旣吵什麼?!
做人要有D口德,
5好成个3姑6婆咁論断人地= =
如果你係擔心我地D學生,
我可以同你講我地讀得好好
5須要你操心
個別學 ...
作者: Carrie媽 時間: 09-8-20 20:39
Ivy媽,
我的感受不是因為自己孩子問題，而是覺得學校的理念與自己不同而安排孩子離校，亦都在同理心下替孩子的受害同學不值感慨，沒有其他，感受已是過去式，現時心境平和。
多謝你的祝願，其實自己孩子亦適應ttca 的學習模式，只是覺得理念不同及為孩子的理想而行，究竟符合佢與否，就要看佢想吃幾豐富的午餐而修行啦。
KOKOMAN,
請自重及小心你的字眼，尊重年青人，每個人都需要自尊。用同理心的角度去想想，你的說話有無問題呢 ?
作者: pieceofcake 時間: 09-8-20 23:32
TTCA作為一間新校,
我認為有過錯是無可厚非的.
的確, 在某些方面, TTCA確是做得不夠完善,
身為首批從TTCA真正畢業的學生,
我亦身同感受.
可是, 這並不代表你可以扼殺她的優點.
而且, 人誰無過, 只要肯改善便可以了.
如果你硬是要翻出陳年舊事來"唱衰"這間學校,
除了為只在活過去的你默哀,
我也無話可說.
另外, 謝謝你, 關心我們這一批學生會唔會讀完後會"冇埋",
我只能說, 我們都很好, 不用你掛心.
至於為什麼只有少數人留下來升讀,
我只能告訴你有我們的一部份學生選擇到國外升學,
亦有少數成績優秀的考生到其他學校升學.
我還想告訴你一件值得令我們全校都鼓舞的消息:
我們的考生在英文科目終於達到100%合格了.
我只想說, 我們終能為我們的母校吐口小小的冤氣了.
此外, 我還想謝謝另一位同級的考生,
謝謝你為我們伸冤.
我深信在網上的討論不必用上過於講究和有文化的字句,
而且我完全能明白你所發表的言論,
只是, 我對一些脫節而未能同意於網上作出輕鬆的討論的發言者深感遺憾.
一位路經此地, 看得忍無可忍, 並只能於中文科目得到4等的 小朋友 上
[ 本帖最後由 pieceofcake 於 09-8-20 23:39 編輯 ]
作者: Love_dd 時間: 09-8-21 14:23
原帖由 Carrie媽 於 09-7-25 15:49 發表
首先，我非常認同Fantasylife 的說法，因為覺得完全同一感受，同一經歷，亦為那60 個學生沒有受到學校的關愛而難過。 ...
請問carrie媽,ttca校長在訪問裏是否真的說了”因材勸退，有何不對”這些話,還是妳猜想他的意思?
作為ttca校長,我覺得絕不可出這些話,可知那些學生是學校挑選入讀的,學生能力不及時,更應用愛心把他們扶起來,學校有否想過被勸退學生或家長的感受,大量自己挑選的學生留班或被勸退,是否方針有問題,有教無類的教育精神去了那裏?
我不是的ttca學生家長,只是想表達心中的感受,如有得罪請見諒!
作者: mother-cat 時間: 09-8-21 19:57
'因材勸退,有何不對',我相信是CARRIE 媽未能接受的處理手法.我亦會予以尊重,所以不會在此有甚麼爭論.
其實每個家長,因應自己的背景不同,(例如宗教理念,對孩子的期望等)對同一件事件,都會有不同的觀點,就等於我和CARRIE 媽,絕對有不同的見解.但最終目的都是希望孩子的校園生活過得開開心心.
但縱觀這個現實社會,連辦教育也是現現實實才可生存,所以本有'有教無類'精神的BAND 3學校,也難免走上被殺之路.如果有選擇,家長總不愛讓孩子先入這類學校,這是事實.
絕大部分BAND 1學校不會收取非BAND 1的學生,直資的一條龍小學,更不是保證能百分百直上其一條龍中學....等等,已與'有教無類'背道而馳了.
這就是香港的教育,我是要去適應它.
[ 本帖最後由 mother-cat 於 09-8-21 20:38 編輯 ]
作者: huayan 時間: 09-8-21 23:26
[quote]原帖由 Love_dd 於 09-8-21 14:23 發表
是否真的說了”因材勸退，有何不對”這些話<---這並不是重點; 有無甘做先至係重點!
實話實說, 我鄙視這種人. 孔子之所以成為萬世師表,並不是他的每一個弟子都出類拔萃(3000弟子中,你識得幾個??)而是他有教無類的精神.
作者: Carrie媽 時間: 09-8-21 23:53
原帖由 mother-cat 於 09-8-21 19:57 發表
'因材勸退,有何不對',我相信是CARRIE 媽未能接受的處理手法.我亦會予以尊重,所以不會在此有甚麼爭論.
Mother- cat,
唔好耍我啦，如果你係尊重我，就唔會用“你相信”的假設說話去推斷我未能接受學校的處理手法而發表你的偉論，難道你認同學校的處理手法非常正確？觀點與角度不同，唔代表你為學校護航而可以用“你相信”去代我向Ｌｏｖｅ＿ｄｄ解答她的疑問？為何唔給予我自行回答她呢？
Ｌｏｖｅ＿ｄｄ，
這句說話不是我猜想他的意思，是我去年尾在電台節目“在晴朗的一天出發”內聽到節目主持人完了以下暑假事件後再發表否定他在某報訪問內講這番話及批評他是無良ＸＸ。
另外，去年暑假多個TOPIC講TTCA的問題，剛剛搜尋到一個，有興趣可看看及特別留意 ｍａｍａｌｏｕ的意見發表，便理解受害家長的無奈。
http://forum.edu-kingdom.com/viewthread.php?tid=1638200&extra=page%3D25
其實，我非常認同你尾段的說法，所以今年不斷表達意見亦都是覺得大量自己挑選的學生要留班或被勸退,是否方針有問題,，現行政策是否做得正確，學校應想想是否有改善空間。用同理心去想想被勸退學生或家長的感受，不要只管直資的自保。為何其他BK家長沒有批評其他學校，為獨TTCA年年都有家長開TOPIC講，學校真係要好好反省，否則很多BAND 2 頭及中的學校在微調政策下急起直追，而政策不求改變的學校就會令家長覺得沒有付費的價值。
最後，孩子今年付出努力去找自己目標的大船已達到，將來怎樣，就要看佢的修行。現在，我已不是ttca學生家長,希望表達心中的感受到此為止，ttca將來成功與否，就要看佢的政策修行啦。
作者: KOKOMAN 時間: 09-8-22 13:13
難道你覺得他用的字眼是尊重人嗎?
原帖由 Carrie媽 於 09-8-20 20:39 發表
Ivy媽,
我的感受不是因為自己孩子問題，而是覺得學校的理念與自己不同而安排孩子離校，亦都在同理心下替孩子的受害同學不值感慨，沒有其他，感受已是過去式，現時心境平和。
多謝你的祝願，其實自己孩子亦適應ttca 的學習模 ...
作者: edea 時間: 09-8-22 15:55
KOKOMAN:
發言時請尊重其他家長, 多謝合作.
版主
edea
作者: KOKOMAN 時間: 09-8-26 20:39
請問我不尊重那位家長?(請引述) 謝謝!
原帖由 edea 於 09-8-22 15:55 發表
KOKOMAN:
發言時請尊重其他家長, 多謝合作.
版主
edea
作者: Carrie媽 時間: 09-8-28 02:37
原帖由 huayan 於 09-8-21 23:26 發表
是否真的說了”因材勸退，有何不對”這些話<---這並不是重點; 有無甘做先至係重點!
實話實說, 我鄙視這種人. 孔子之所以成為萬世師表,並不是他的每一個弟子都出類拔萃(3000弟子中,你識得幾個??)而是他有教無類的精神.
作者: 靚太太 時間: 09-8-28 03:38
提示: 作者被禁止或刪除 內容自動屏蔽
作者: minniebb 時間: 09-8-28 12:32
未知 Fantasylife 家長仍有否看此平台，過兩天我便是基崇家長，我剛剛才看到此平台，想向你取經，謝謝 !
作者: minniebb 時間: 09-8-28 13:46
原帖由 ncmami 於 09-7-24 01:25 發表
我只想在此表達這多天看完這個post的感受，我的孩子是Band 1 生，但派位卻派得不好，很傍徨！後叩門入了TTCA，今年九月人讀，TTCA雖是很Top的學校，但從朋友的子女打探得到他們也讀得開心，亦很乖，所以我就禳孩子入讀，不想再叩門叩門 ...
ncmami 你仔仔在那裡讀小學呢 ? 分了班，他讀那一班呀 ?
作者: ncmami 時間: 09-8-30 00:47
Please check pm....
原帖由 minniebb 於 09-8-28 13:46 發表
ncmami 你仔仔在那裡讀小學呢 ? 分了班，他讀那一班呀 ?
作者: minniebb 時間: 09-8-31 00:00
原帖由 ncmami 於 09-8-30 00:47 發表
Please check pm....
ncmami, pls check pm as well tks.
作者: 愛校之人 時間: 09-8-31 15:46
To KOKOMAN:
說實在的,或許我是激動了點,但作為一個學生,若母校被他人無理的抨擊,當然要第一時間站出來。
你提及到本校學生的成績,我可以說,在我班上,有多於一半的同學將於原校升讀。而有部份同學將選擇到外国升學。
至於本人的成績,看來也与你無關。我只可回答你,那並不符合你那無禮的估計。
說到文筆啊……我只是不喜歡違背網上的文化,在討論區上文鄒鄒地發表罷了,但若要認真的話,我真不明白你有什麼資格批抨別人的文筆。要是認真看的話,你的文法也需好好加強喔=]
真替你的孩子擔心啊……做父母的,應該做好自己的本份,而不是到處撩事鬥非。我明白在網上的虛擬世界裡,不受拘束的發言令人容易說出一些平常不會說出口的話,甚至可暢所欲言。但你在現實世界裡所造成的傷害不是容易補救的。你於這裡所有的發言只需在Yahoo搜尋,就可輕易找到。你那不負責任的批抨對我們做出的傷害是難以估計的!
我只希望家長們的眼睛是雪亮的,我校卻是一所純樸的中學,而每所學校也總會有害群之馬,只是大部份也被校方埋起來罷了。校長的努力付出是明顯易見的,同學們也為之感動。
最後,希望KOKOMAN能在做任何事情都先三思而後行,做個負責任的人。再一次為先前的無禮而道歉,如此八卦無禮,希望大家見諒=P
[ 本帖最後由 愛校之人 於 09-9-1 13:42 編輯 ]
| 歡迎光臨 教育王國 (/) |
Powered by Discuz! X1.5 |