教育王國
標題: 點解唔比保姆車入停車場既? [打印本頁]
作者: yamiyami 時間: 09-9-14 09:45 標題: 點解唔比保姆車入停車場既?
而家囡囡係上面上落車, 危險唔在講, 保姆ee 捉鴨仔都幾花時間...
上星期我跟左1日車....架車行東隧早左到學校...落到去停車場, 由於時間常早, 所以未入得學校, 咁就係停車場個度門到等, 有一架冠中既校車已經到左....個保姆ee 同我車既保姆ee 講 "你地呢d 保姆車唔可以入先, 要跟龍尾...上年你地舊個保姆都係咁做" 我當時真係O哂咀, 因為冠中d 車陸續黎...大大話話都有成一百幾十人...我地得7個人, 又到先, 但係要包龍尾???? 我當時無出聲啦....我一出聲驚搞大件事, 拎我地既保姆ee 將來難做....
不過我想知, 呢d 係咪學校規定? 仲有, 其實以學生為本, 係咪都應該比埋保姆車d 學生係停車場落呢? 不過我相信呢個問題一直存在, 見我地仍然係上面落車, 都知道應該爭取唔到...
作者: teresalok620 時間: 09-9-14 09:52
hi yami, 我地都係坐褓姆車, 都係唔比入停車場, 就呢件事我地上次一班家長都寫過信比郭修女, 不過都係唔批, 其實都幾失望, 不過如果天氣唔好, 上星期五就偷雞洗入停車場, 咁見落雨都比我地咁做
仲有咩辦法呢? 我都打算同家長教師會反映一下, 不過知道成功機會唔大....
作者: yamiyami 時間: 09-9-14 10:56
teresa:
佢唔批既原因係咩呀? 郭修女點回覆?
同埋點解冠中可以入, 保姆車唔可以入? 冠中同學校又係咩關係呢? 係咪屬於學校既校車?所以可以入? 我覺得, 大家都係聖心既學生, 應該以學生為本, 唔應該用做生意既角度...
家長教師會點解聯絡? 我地集合多d 人一齊去反映啦..
作者: kiteli 時間: 09-9-14 11:57
大家好呀 , 我住九龍東
我女女上年返 NC 都係搭保姆車回家, 早上是在 北角上校車的
我都知道有家長反映過,希望白牌車(即保姆車, 街車) 都可以入學校停車場一事, 到最後都係唔可以
其實 我自己本人都有直接問過學校, KWOON CHUNG , 做咩唔安排九龍線, 咁家長, 小朋友都可以搭啦, 咁就不用有白牌車呢回事
當時副校長答我係 KWOON CHUNG 安排不到 九龍線...
而 KWOON CHUNG 緊加話無 KA< 唔會安排就算,
咁呢個 MOMENT 我就唸, 咁佢唔搞, 有其他校車公司搞, 是嗎 ???
人家學校都來自 港九新界, 以 CWB 一間出名學校都可以今年安排到 KLN EAST 校車.....
我都好希望各SH 家長可以出一分力爭取到行 九龍線的校車 OR 保姆南可入停車場, 兩者有一都好好啦
作者: teresalok620 時間: 09-9-14 13:39
佢地無比到原因點解唔可以入停車場, 只係不斷回覆係Koon Chung 車先得, 因為係佢地指定校車公司. 其實我都幾擔心, 因為聖心門口到學校真係好多樓梯, 我囡囡係NC 班, 仲係好細, 有時褓姆唔可以睇得晒, 如果喺停車場落, 起碼可以落少一半樓梯
有關家長教師會, 我入過學校網址再click個link, send左個email去, 不過都幾個月, 一隻字都無回覆....
我都有問koon chung, 其實我地西九龍都有成7個人, 一定開得成, 你地又有7個人, 不過佢地係唔肯, 學校可能亦都認為係少數學生, 所以最後都係要自組....
你地不如都試下寫封信,就算今年無, 下年睇下有無
作者: rebeccaloky 時間: 09-9-14 13:39
係呀, 都唔明點解有咁既安排, 我好擔心落雨天,你知樓梯幾咁濕滑,唔小心跌低,都幾危險,因為好多時一個跟一個, 好容易有骨牌效應, 學校呢方面安排真係好差!
作者: teresalok620 時間: 09-9-14 13:58
係啦, 其實都係聖心學校學生, 點解唔可以安排呢? 我地之前都比晒學生名, 都係徒然, 如果下次我見到郭修女, 唔知同佢親身反映有無用?
唔知家長教師會選舉日, 又可唔可以反映一下
作者: teresalok620 時間: 09-9-14 14:00
係啦, 其實都係聖心學校學生, 點解唔可以安排呢? 我地之前都比晒學生名, 都係徒然, 如果下次我見到郭修女, 唔知同佢親身反映有無用?
唔知家長教師會選舉日, 又可唔可以反映一下
作者: yamiyami 時間: 09-9-14 14:44
其實我相信過往好多人都有寫信去反映呢件事, 不過結果都係徒然, 我覺得我地要成功, 就要group 埋所有相關家長, 一齊去push 呢件事, 唔係話reject 就算, 係要一路唔停咁去lobby 呢件事...就算爭取唔到冠中做, 都要爭取可以入停車場, 當然, 呢個係好複雜既事, 例如點樣可以make sure 唔相關既保姆車駛左入黎之類, 不過呢d 係後話啦...
學生行得多樓梯發生意外呢個係一個問題, 落雨天濕身又係一個問題, 最驚係落車個下標左出馬路, 雖然保姆有責任睇住d 學生, 但係1個都好難睇7個, 話哂停係馬路邊, 有邊個父母唔擔心?
作者: yamiyami 時間: 09-9-14 14:49
我囡都係NC班, 係咪細囡/囝個d 會入NC 班? UK班個d 大d 呀? 點分呀?
作者: teresalok620 時間: 09-9-14 15:42
yami, 非常同意, 我地要group埋一班家長一齊爭取, 如果係咁, 我地西九龍有6位小朋友, 不如加埋你地7位小朋友, 有得13人一齊寫信比學校同埋家長教師會反映好唔好?
NC班即係k1, UK啲即係k3
作者: teresalok620 時間: 09-9-14 15:43
yami, 非常同意, 我地要group埋一班家長一齊爭取, 如果係咁, 我地西九龍有6位小朋友, 不如加埋你地7位小朋友, 有得13人一齊寫信比學校同埋家長教師會反映好唔好?
NC班即係k1, UK啲即係k3
作者: yamiyami 時間: 09-9-14 16:08
第一步係gather 所有保姆車既家長支持, 呢個可以問下保姆接頭人, 唔知佢肯唔肯幫手, 話哂呢d 係私隱, 不過我地可以自行印通告, 叫保姆接放學時派比d 家長....
第二步係draft 封信..比學校, 教師會..and 教育署? 有咁大cc 咁大...
第三步係爭取約會面...
不過我擔心係搞大件事, 比人刊入黑名單...對個小朋友唔好...點樣可以搞妥件事又唔乞人憎呢??
作者: 薳然媽媽 時間: 09-9-14 16:36
Hi Teresa, 梓瑤媽咪 & All,
上星期FIONA (細EVELYN媽咪), SARAH MAMI & 我, 同郭修女反影過架啦, 大概係講請佢請冠忠開兩條九龍(西九&東九)線, 我地相信若冠忠肯開, 一定起碼每條線有超過十位小朋友(因為相信大家都對校巴信心大過對保母車, 就算車費貴D父母都比小朋友都會搭), 郭修女話首先佢地要CHECK吓全校真係有幾個小朋友住九龍, 先至可以在作進一步研究. 最後佢話點解我地住九龍要小朋友咁辛苦過海讀書
. 我地當然話因為想阿囡好, 因為聖心好, 睇吓我地幾有誠意黎比囡囡上學.
講開保母車入車場, 冠忠D保母好惡&好似大哂咁架吓
.
TERESA,
您囡囡同REBECCA囡囡做左好朋友啦, 兩程車佢地都有傾有講
原帖由 teresalok620 於 09-9-14 15:43 發表 
yami, 非常同意, 我地要group埋一班家長一齊爭取, 如果係咁, 我地西九龍有6位小朋友, 不如加埋你地7位小朋友, 有得13人一齊寫信比學校同埋家長教師會反映好唔好?
NC班即係k1, UK啲即係k3 ...
作者: teresalok620 時間: 09-9-14 16:39
其實都係盡試比信學校同家長會先, 因為都係比佢地知有呢個需要, 我都係打算集合我地架褓姆車同你架褓姆車, 因為司機話有得10個以上可能會成功, 咁我send email比我邊嘅家長, 拎佢地女女個中文名同班, 之前基本上都有, 不過我再gather 一次, 咁我based on 上次封信再寫過封, 另一封比家長會, list晒啲名出來, 希望佢地可以安排到. 咁我地用詞唔係太激的, 只係反映我地希望學校可以通融一下, 我諗應該okay
作者: kiteli 時間: 09-9-14 16:55
各位各位 ,
其實 以我所知 係 北角站上車, 有起碼5 個都係住 東九龍
而 我女女坐開的保姆車都有 4 個, 分別來自 hung hom , 旺角, kln tong, 而我係 lam tin
咁大家唸住點樣安排 ??
不如我 將d 資料 pm 比妳地 ... 看可唔可以 gather 多d 人的資料
作者: yamiyami 時間: 09-9-14 17:09
teresa
你咁勁有哂d 家長contact....我諗我要自已整份通告比d 家長..或者我打電話問下張太拎佢地既contact...
另外你介唔介意pm封信比我或其他媽咪, 比大家加d 意見同埋睇下點樣可以寫好d 封信...
作者: yamiyami 時間: 09-9-14 17:14
另外, 我覺得聖心都係一間保守既學校, 要令佢地改變唔係咁容易, 就憑郭修女問點解咁遠都黎讀, 佢呢個反應好明顯係negative….呢單野真係唔可以掉以輕心, 驚有反後果…不過我地家長最緊要齊心, 同埋要獲得大家既都支持…..
作者: Sindy 時間: 09-9-14 21:46
原帖由 yamiyami 於 09-9-14 17:14 發表
另外, 我覺得聖心都係一間保守既學校, 要令佢地改變唔係咁容易, 就憑郭修女問點解咁遠都黎讀, 佢呢個反應好明顯係negative….呢單野真係唔可以掉以輕心, 驚有反後果…不過我地家長最緊要齊心, 同埋要獲得大家既都支 ...
其實郭修女係一個以學生為本既好好修女,佢反應唔係negative,係出於關心,好多媽咪考到聖心後,都搬左黎香港住,你地報學校時,佢都假設你地會有好好安排,亦都唔係咩'夫'氣/唔體諒家長既說話....早幾年,其實不嬲都有非冠忠車要停學校停車場既問題,如果要學校批準,首先要講得掂點控制返放學車出入既問題,而家忠冠一間公司,可以好統一及有系統咁利用學校停車場,但外來車,好難控制,好簡單,個個坐車返學既小朋友,都係呢個停車場,小朋友落車,唔係咁簡單,有車不依規矩倒車,小朋友咁既高度,好大危險,又咁多架車,如果控制唔到司機,阻左路頂住架車,又點處理呢?安排非冠忠車係好難,你講得其他司機聽咩?但冠忠就唔同,司機唔聽話咪炒左佢囉,第二日比得非冠忠車入,私家車又比唔比呢?佢話佢group得幾個小朋友,又係算做保母車,咁你比唔比佢入?唔比佢地都唔順點解非冠忠車可以入?佢地又唔得
其實學校唔係傳統保守,係想好穩陣咁,有'週'詳考慮啫,唔想搵學生做白老鼠,做幼稚園,唔係做經濟之類要捷足先機,一步行錯就會好影響小朋友,所以永遠到人地係work,先行都唔遲
冠忠其實同聖心無咩關係(以我所知),不過聖心唔用以前既保母車之後,一路夾開都無咩大問題發生過,所以唔郁好過郁啫,如果家長們有咁多問題,可以提出可行既方案,同佢地傾,郭修女係一個好開明及接受見議既人,唔駛驚住點得罪學校,就唔敢出聲,但一定要言之有物,唔好強詞奪理就得,我都唔係成日同學校持同一意見,有時學校有道理,亦都唔會強人所難,有時學校覺得我啱,都會聽我意見,你地見到課室門口既護手/防夾設施,我輕輕講下,學校就研究點做好佢,學校見到水喉設施可以改善,今年轉晒感應出水,成個toilet重新整過,學校係非牟利幼稚園,呢d錢部份係要另外諗辦法,又唔係強迫家長捐錢......為左學生好,學校做左好多野架
如果真係有公司,有好既安全背景,有job ref,又解決到你地既問題,學校覺得可唔可行好,都可賞試傾下
希望你地讀得開心啦
作者: teresalok620 時間: 09-9-14 21:48
薳然媽媽, 原來你地已經同郭修女講左, 咁如果係咁, 大家建唔建議我地再寫信比學校, 定係等學校消息? 晴晴同昕昕有個伴都非常好, 我就放心喇
係啦, 香港學校成日都唔明我地點解咁遠送阿女去讀書, 唉, 我地都係想同阿女揀間好咋
yami, 因為之前其他媽媽好好地代我地搵褓姆車, 成日email 聯絡< 我先有大家email 咋
作者: snoopy33 時間: 09-9-14 22:43
提示: 作者被禁止或刪除 內容自動屏蔽
作者: panbaby 時間: 09-9-15 02:36 標題: 回覆 3# Sindy 的文章
sindy 講得好好,
停車場有各種各樣來自香港,九龍的車, 各不相干, 冠忠管不了, 車多了,小孩出意外怎算? 聖心學生坐的士可不可入停車場?
有那麼多小孩上下, 假若你是校方為安全計會怎做?
我相信學校是不大可能給褓姆車入停車場, 因近年跨海讀書的人多了, 最可行的是開東, 西九線.
作者: snoopy33 時間: 09-9-15 09:34
提示: 作者被禁止或刪除 內容自動屏蔽
作者: snoopy33 時間: 09-9-15 10:19
提示: 作者被禁止或刪除 內容自動屏蔽
作者: yamiyami 時間: 09-9-15 12:43
多謝各位既意見…
我都明白要比保姆車駛入停車場, 會有好多因素和考慮, 例如司機既紀律性以及小朋友的安全, 大家都是以家長的角度出發, 並非強詞奪理, 不過冠中保姆ee 要坐白牌車先到的學生包龍尾, 並明言是學校規定, 這點反而令我更關住…這個又是什麼原因呢? 學校不是教導小朋友應該要排隊嗎? 如果學校指明只選住在港島的小朋友, 咁樣我覺得唔fair 同埋discrimination.我相信學校唔會咁做, 因為我知道聖心對每一個小朋友都是公平的.
講真, 我又唔覺得住九龍去香港島讀書會係山長水遠, 坐保姆車都係45分鐘左右….point to point, 都ok 啦…(呢個要同自已洗左腦先啦..嘻)
不過我當然十分贊成冠中開辦九龍東、西線啦, 不過學生人數小亦都係開唔到線既原因…
不過照咁睇, 要同學校傾真係要做一些相關 research…不過呢點白牌車又未必配合到…呢條係一條好漫長既路呀..….
作者: DWC 時間: 09-9-15 12:48
我都很同意sindy的話.學校係保守些,但它的保守都是為了我們幼稚園的學生. 停車場地方不大,就算是冠忠的校巴也有限制數量,我囡囡坐冠忠的面包車,因面包車坐得很迫及比較不安全,我也投訴過為何不用中型小巴,但之後才明白原來是停車場太細問題,加上要顧及小朋友安全,因此只可維持用面包車. 其實學校每年也有校車問卷調查,讓家長發表意見,之後學校會與冠忠商討改善方案,因很多問題也非短時間能解決到,但請相信學校真的已盡全力為我們爭取最好的利益.
至於樓梯級不安全,這是一個事實,但這是樓宇的設計,我們第一天到校取表格已知悉, 那為何要為此來做一個藉口?? 學校已盡量做足安全措施, 如安裝較矮的扶手讓小朋友扶住;上學或放學時每段梯級也有老師/嬸嬸守住..等. 其實我們也應該欣賞學校美好的地方. 每間學校也有好壞,不用比較. 願大家在這個大家庭一起開心渡過美好的三年.
作者: 薳然媽媽 時間: 09-9-15 12:57
Hi Teresa,
我諗都係睇吓郭修女有無行動先算, 或者都可以向家長教師會溫和咁反影吓, 不過我地都唔好期望咁高學校會比保母車入場, 因為聽聞年年都有九龍家長都想搞九龍保母車入埋車場, 但年年都唔成功.
其實過海去香港讀書無咩話辛苦唔辛苦, 確實係有好多人過海讀書, 坐保母車過海真係唔出奇O者, 不過問題所在係聖心要行咁多樓級梯落去. 講真九龍去九龍讀書都好有機會坐校車/保母車須時超過一小時.
係呀, 晴晴同昕昕非常老友呀.
若果落雨, 我一定會跟車, 希望多對手幫到手照顧到各位小朋友, 唔駛EE咁狼狽& 避免各小朋友"DUP"濕身.
原帖由 teresalok620 於 09-9-14 21:48 發表
薳然媽媽, 原來你地已經同郭修女講左, 咁如果係咁, 大家建唔建議我地再寫信比學校, 定係等學校消息? 晴晴同昕昕有個伴都非常好, 我就放心喇
係啦, 香港學校成日都唔明我地點解咁遠送阿女去讀書, 唉, 我地都係想同阿 ...
作者: 薳然媽媽 時間: 09-9-15 13:03
YAMIYAMI,
尋日POST個MESSAGE時, 我兩個囡都要我理佢, 所以無講得好詳細. 其實郭修女問我地點解咁遠都送個女黎讀書時, 係笑微微架, 雖然就咁聽言詞係副面, 但相信佢唔係想回覆NEGATIVE MESSAGE.
原帖由 yamiyami 於 09-9-14 17:14 發表
另外, 我覺得聖心都係一間保守既學校, 要令佢地改變唔係咁容易, 就憑郭修女問點解咁遠都黎讀, 佢呢個反應好明顯係negative….呢單野真係唔可以掉以輕心, 驚有反後果…不過我地家長最緊要齊心, 同埋要獲得大家既都支 ...
作者: panbaby 時間: 09-9-15 13:05
如果收生考慮居住地點, 這就真是 '大小超' 了.
首先, 如聖心收生是根據能力, 居住什麼地方有何關係?
另外, 教會學校是不會只愛港島, 不愛九龍新界兒童的. 如此教會大可不必到非洲南美傳教. 坐在意大利便行了.
我們公平一點, 站在學校立場, 家長山長水遠過海讀書, 我是校方, 公平收生 (當然計了世襲, 小孩能力等), 我肯收, 你願來, 給了你機會, 你當然自己搞掂交通, 事前已經算好吧. 人家幾千年前孟母都有三遷. 另外, 很少幼稚園有停車場, 連校車都是在路邊上下的, 但我從沒有見到人說什麼 校方和校車公司有利益輸送, 吵上教育署等的可怕字眼.
有關九龍新界家長到香港讀書一事, 我是明白他們的苦衷的. 香港島自鴉片戰爭便割給了英國, 九龍及新界是後來的. 教會辦學多在港島, 因先開發. 教會多女校, 又辦得好, 英文又好, 家長背景又好, 社會地位高, 便成名校.
我們做家長的, 見到世風日下, 小女孩一時被人搞大肚, 一時食丸仔, 有什麼辦法, 送她們到女校, 教會女校管得好, 書讀得好, 希望可正經保到入到大學. 但好的女校有幼稚園大多在香港如聖心, 聖士提反, St. Paul. 真光, 就算男女, 也要有名男女校的, 也希望可有比較乖的同學如聖公會, 聖保羅,
九龍有沒有好的幼稚園, 當然有,! 但有小學甚至中學跟住的 女校的幼稚園 便很少了. 只有協恩, 聖羅撒, 德望, 培正(男女)...等連五隻手指也有多了. 香港島人口幾十萬, 九龍新界人口幾百萬, 考慮長遠的家長要女校你說怎辦? 近年咁多小孩出世, 你說怎辦?
唉, 可憐天下父母心....
原帖由 snoopy33 於 09-9-15 10:19 發表
其實你地比左好好既建議學校,就係收生時,是否要考慮埋地區呢?
另外,小學亦一樣,我相信讀得幼稚園都是想直上小學,小學收生時,要不要考慮埋呢點呢?因為小學都一樣,唔比保姆車入學校。 ...
作者: 薳然媽媽 時間: 09-9-15 13:10
我諗又唔須要比建議學校收生時, 要考慮埋地區, 香港係自由社會, 怎可能以此招生呢?
又或者有D九龍, 新界或住得生卡拉地方既學生有司機接送學生上學呢?
其實有部份讀幼稚園既, 都唔一定一定會上小學架, 住緊九龍既, 都唔一定一世住九龍架.
原帖由 snoopy33 於 09-9-15 10:19 發表
其實你地比左好好既建議學校,就係收生時,是否要考慮埋地區呢?
另外,小學亦一樣,我相信讀得幼稚園都是想直上小學,小學收生時,要不要考慮埋呢點呢?因為小學都一樣,唔比保姆車入學校。 ...
作者: 薳然媽媽 時間: 09-9-15 13:13
Totally agreed. Thanks !
原帖由 panbaby 於 09-9-15 13:05 發表
如果收生考慮居住地點, 這就真是 '大小超' 了.
首先, 如聖心收生是根據能力, 居住什麼地方有何關係?
另外, 教會學校是不會只愛港島, 不愛九龍新界兒童的. 如此教會大可不必到非洲南美傳教. 坐在意大利便行了.
我 ...
作者: yamiyami 時間: 09-9-15 13:18
cc 比教育署 不等於 吵上教育署
請不要用 "吵上" 這個字.
我會不上教育署嘈的...
作者: rebeccaloky 時間: 09-9-15 13:18
唔該晒你呀......薳然媽媽, 我都有諗過落雨天跟車, 幫下手都好, 不過Kwong叔好似唔係好鍾意我地跟車, 但媬姆真係照顧唔到咁多
原帖由 薳然媽媽 於 09-9-15 12:57 發表
Hi Teresa,
我諗都係睇吓郭修女有無行動先算, 或者都可以向家長教師會溫和咁反影吓, 不過我地都唔好期望咁高學校會比保母車入場, 因為聽聞年年都有九龍家長都想搞九龍保母車入埋車場, 但年年都唔成功.
其實過海去香 ...
作者: 薳然媽媽 時間: 09-9-15 13:29
HI Rebecca,
唔駛客氣啦, 鄺先生比我地跟車架, 佢應該無問題架, 我已經同佢講過架啦, 我地既出發點係幫輕EE手 & 確保小朋友安全, 唔係坐霸王車要佢點到點車我返工. 我跟車, 自己都要頻頻撲撲過返九龍, 或者由九龍過去香港.
昕昕有無好D呀 ?
原帖由 rebeccaloky 於 09-9-15 13:18 發表
唔該晒你呀......薳然媽媽, 我都有諗過落雨天跟車, 幫下手都好, 不過Kwong叔好似唔係好鍾意我地跟車, 但媬姆真係照顧唔到咁多
作者: rebeccaloky 時間: 09-9-15 13:38
咩佢俾跟車, 我第一日話跟車, 佢eeoo左好耐, 我都剩係落雨天先考慮跟, 真係好擔心!
昕昕番到屋企又無咩running nose, ,不過我照俾藥水佢食, 等佢休息下!
o個日放學搭校車, 昕昕有無唔聽話, 我驚佢周圍郁......
原帖由 薳然媽媽 於 09-9-15 13:29 發表
HI Rebecca,
唔駛客氣啦, 鄺先生比我地跟車架, 佢應該無問題架, 我已經同佢講過架啦, 我地既出發點係幫輕EE手 & 確保小朋友安全, 唔係坐霸王車要佢點到點車我返工. 我跟車, 自己都要頻頻撲撲過返九龍, 或者由九 ...
作者: DWC 時間: 09-9-15 14:06
yami,
其實每架冠忠校巴也有固定位置泊車,另因停車場太細,若要調頭出停車場或泊車也很困難,因以防其他校巴阻塞冠忠校巴泊位及危及幼兒安全,因此我諗可能因此才要你們包尾,不過可能個嬸嬸態度問題需要改善,明年約1,2月會派問卷調查, 你可在那反映 (e.g. 司機/保姆態度問題/超速/幼兒上車落車的安全等...), 不過每年雖都反映完有改善,但第二年又重覆一樣的問題, 因司機/保姆的質數差異 
但我們仍要不斷反映,才可保障我們幼兒
另聖心亦有一優點我很欣賞,就是不會理會你區住的地區/小朋友的年紀/家庭背景,只要幼兒面試ok,就會比機會該入讀.
原帖由 yamiyami 於 09-9-15 12:43 發表
多謝各位既意見…
我都明白要比保姆車駛入停車場, 會有好多因素和考慮, 例如司機既紀律性以及小朋友的安全, 大家都是以家長的角度出發, 並非強詞奪理, 不過冠中保姆ee 要坐白牌車先到的學生包龍尾, 並明言是學校規 ...
[ 本帖最後由 DWC 於 09-9-15 14:17 編輯 ]
作者: yamiyami 時間: 09-9-15 14:28
原帖由 DWC 於 09-9-15 14:06 發表
yami,
其實每架冠忠校巴也有固定位置泊車,另因停車場太細,若要調頭出停車場或泊車也很困難,因以防其他校巴阻塞冠忠校巴泊位及危及幼兒安全,因此我諗可能因此才要你們包尾,不過可能個嬸嬸態度問題需要改善,明年約1,2 ...
我諗上次個保姆ee 以為我都係保姆怪, 所以都幾串下...不過我覺得佢地對學生幾好, 落車時會幫佢地撥扇....因為停車場d 廢氣都好臭下....不過多謝你地意見...我諗爭取保姆車入停車場真係機會微d, 實在太多考慮因素..反而我會問下冠中開九龍東西線既要求係點...呢個可能仲實際..
作者: yamiyami 時間: 09-9-15 14:31
我都幾同意之前有位媽咪講…比得保姆車入, 咁私家車呢…之類, 會帶出好多問題, 多左雜車出入自然對其他小朋友有危險, 呢個說法我都好贊成….唉…唯有等下郭修女有咩回覆先再決定啦…
作者: 薳然媽媽 時間: 09-9-15 14:32
係呀, 佢比我跟呀, 呢個月我成個月都會跟添呀, 佢都知架.
其實再講, 邊個媽咪跟左車, 佢應該唔知呀, 因為係曾叔叔揸, 唔係佢揸, 我諗曾叔叔唔會日日UPDATE鄺先生邊個上左車掛.
昕昕無周圍郁, 好乖好定呀, 唔駛擔心. 可能我響車啦, 我睇住兩個大既, EE多數照顧NC小朋友. EE好左好多, 跟小朋友跟得好貼.
至於放學, 我叫左EE每接左2-3個小朋友, 就帶上車先, 再落去再接, 所以我唔擔心放學, 淨係有D擔心返學, 返學無可能分開幾次送入學校.
原帖由 rebeccaloky 於 09-9-15 13:38 發表
咩佢俾跟車, 我第一日話跟車, 佢eeoo左好耐, 我都剩係落雨天先考慮跟, 真係好擔心!
昕昕番到屋企又無咩running nose, ,不過我照俾藥水佢食, 等佢休息下!
o個日放學搭校車, 昕昕有無唔聽話, 我驚佢周圍郁......
...
作者: 薳然媽媽 時間: 09-9-15 14:35
不過, 講開又講, 係呀, 佢講野都幾EEOO, 問一個問題, 佢會哦一輪.
我諗落雨時, 或者我同您或其他媽咪夾吓, 睇吓邊個跟車(最多兩個媽咪 & 輪流?), 太多媽咪一齊跟車, 可能又唔係咁好.
昕昕無咩事就好啦, 今日打風, 可以比佢休息多D, 聽日返學狀態好D.
原帖由 rebeccaloky 於 09-9-15 13:38 發表
咩佢俾跟車, 我第一日話跟車, 佢eeoo左好耐, 我都剩係落雨天先考慮跟, 真係好擔心!
昕昕番到屋企又無咩running nose, ,不過我照俾藥水佢食, 等佢休息下!
o個日放學搭校車, 昕昕有無唔聽話, 我驚佢周圍郁......
...
[ 本帖最後由 薳然媽媽 於 09-9-15 14:37 編輯 ]
作者: yamiyami 時間: 09-9-15 14:43
原帖由 薳然媽媽 於 09-9-15 14:35 發表
不過, 講開又講, 係呀, 佢講野都幾EEOO, 問一個問題, 佢會哦一輪.
我諗落雨時, 或者我同您或其他媽咪夾吓, 睇吓邊個跟車(最多兩個媽咪 & 輪流?), 太多媽咪一齊跟車, 可能又唔係咁好.
昕昕無咩事就好啦, 今日打風, ...
你地咁好可以跟車, 我怕我一跟左車, 第時唔跟佢就會喊...而家好頭痛, 我地架保姆ee 轉左人, 又要再適應過啦..
作者: kiteli 時間: 09-9-15 22:18
大家今次因為呢個 forum 都好大反應
不過大家都係為小朋友著想0既
講真,可以有校車, 點到點返到學校 就係最好 , 好過 保姆車牌街車)入停車場
祇不過係 學校 &冠忠都答唔會 or 機會好微有route 行九龍呀
我地是否應著眼點去 令學校可以 幫到家長呢有校車行九龍東 & 西一方面呢 ???
人多好辦事... 團結就是力量
坦白講, 真係除了多車 入停車場之外仲有咩野原因唔辦九龍線 呢 ?? 要是學校要安排, 應夠人開
我真係唔介意到時搭校車是要在正門下車, 正如有家長提到都唔係每間學校有停車場
所以, 我覺得遇上天氣不好, 下雨等情況, 小朋友 可著雨衣等
薳然媽咪,
我唔見了妳電話 , 妳可以pm我, or 妳 call 我 , 有d 囿想請教妳呀
作者: teresalok620 時間: 09-9-15 23:07
嘩, 今日一日無上呢度好熱鬧wor!
其實最perfect當然係冠忠開辦九龍東同西嘅校車線. 其實校車時間上, 九龍西都唔算遠, 因為之前我問左冠忠, 如果北角上車, 都要7:20am, 反而而家我地都可以成7:45am先上車, 所以如果有校車, 九龍西/九龍東相信時間上係差無幾.
既然已經有家長反映左, 下年又會有校車research, 大家就希望團結力量, 下年齊齊有冠忠校巴坐啦
作者: 薳然媽媽 時間: 09-9-15 23:36
DEAR 梓瑤媽咪,
係呀, 我認同著眼點係去 令學校可以 幫到家長有校車行九龍東 & 西. 因為保母車FOR SURE一定唔入到車場.
我PM左我MOBILE比您兩次 (因為PM完出怪獸), 您CHECK吓收唔收到.
原帖由 kiteli 於 09-9-15 22:18 發表
大家今次因為呢個 forum 都好大反應
不過大家都係為小朋友著想0既
講真,可以有校車, 點到點返到學校 就係最好 , 好過 保姆車牌街車)入停車場
祇不過係 學校 &冠忠都答唔會 or 機會好微有route 行九龍呀
我地 ...
作者: 薳然媽媽 時間: 09-9-15 23:59
不過提一提, 若然真係辦得成校車, 大家都要有心理準備唔可以點到點或屋企樓下接送, 即係好大可能同區要GROUP埋一個點接送架. 仲唔可以跟車"監管"吓司機點揸車, EE點照顧小朋友, 真係有利有幣, 大家到時要考慮清楚及TRADEOFF & 最重要係我地大家都要團結及達成一致共識, 否則兩頭唔到岸.
作者: Sindy 時間: 09-9-16 02:04
如果係我,我會睇下有幾人,睇下條路線係咪可行,因為開九龍線,都要唯到皮先得呀.......
作者: 抱不平123 時間: 09-9-16 02:15
delete..................delete
[ 本帖最後由 抱不平123 於 09-9-21 14:03 編輯 ]
作者: yamiyami 時間: 09-9-16 09:28
原帖由 抱不平123 於 09-9-16 02:15 發表
嫌遠嫌危險咪唔好讀囉, 好學校又唔止聖心一間！
而家唔讀? 咪玩啦, 呀新加國民...你咁樣答法幫唔到件事同埋係想桃起罵戰...
大家都係為人父母同埋都係想子女入到好學校, 我之前都話同意多左雜車駛入停車場會對小朋友唔好, 我話反而會爭取冠中辦九龍東西線, 我自已都退左一步, 咁請問邊樹踏到你條尾?
作者: DWC 時間: 09-9-16 10:48
其實大家都係為小朋友,無謂鬧交. 其實年年學校都有努力要求冠忠開kln線,但冠忠都好多理由唔開 :-( 不過若年年家長都有熱烈反映,我諗實有一年開到的!
另校巴係北角地鐵站上車時間係7.50am而不是7.20am呀.
另亦提提大家,最好大頭相唔好係小朋友,費事比人點左相,明明只係發表下自己意見,倒頭來比人抺黑左.
作者: yamiyami 時間: 09-9-16 10:50
剛剛與冠中既校車部傾過, 佢地話呢排都好多家長打去問開唔開九龍東西線, 佢地既concern 第1係時間怕會好長程 (我同佢講話我囡下午班上車係12:00nn, 我見有d 港島線既都要11:45am, 其實時間差唔多, 係差在要比隧道費, 呢個當然係羊毛出自羊身上啦) 第2就係人數問題, 佢地起碼要有16人即係滿左架細車先會做, 第3就係佢地怕地區太大太散, 即係話會有好多個接送點出現, 比如我呢條九龍東既, 就包括左藍田, 油塘, 清水灣, 觀塘 (無記錯既話), 所以會太散lor.. 但係佢都舉左個例子, 就係佢地都有做大坑真光既將軍澳區線, 仲要係56坐滿哂既….wowo…真係多人過海呀…
anyways, 佢話會同公司高層開會傾下, 如果有得做, 會同學校傾, 睇下住九龍既小朋友多唔多, 如果ok 既, 都會考慮辦, 但係都會係出年既事…
作者: yamiyami 時間: 09-9-16 10:56
原帖由 DWC 於 09-9-16 10:48 發表
其實大家都係為小朋友,無謂鬧交. 其實年年學校都有努力要求冠忠開kln線,但冠忠都好多理由唔開 :-( 不過若年年家長都有熱烈反映,我諗實有一年開到的!
另校巴係北角地鐵站上車時間係7.50am而不是7.20am呀.
另亦提提 ...
多謝你既意見, 你好明事理, 我估唔到開呢個topic 出黎會有媽咪咁激烈既反應,
我相信每個媽咪只係想為個囡爭取到最好…..話哂大家都係聖心幼稚園既媽咪麻 (亦可能有d 唔係, 只旨在搞事), 真係唔想搞到咁..雖然大家觀點角度唔同, 我亦好歡迎大家平心靜氣的討論…但係都唔需要說話有骨, 如果有家長唔高興我既言論, 我在此道歉, 希望各位小朋友開開心心咁渡過佢地既幼稚園生活….
作者: MySweetBB 時間: 09-9-16 12:13
各媽咪,
要冠忠搞東西九龍線, 今年係無可能, 要學校&冠忠比保母車入車場更加唔駛旨意. 我地依家最CRITICAL係須要EE帶咁多(起碼6個)個小朋友行學校既長樓梯, 呢點確定係令各家長好擔心, 我想提議不如大家一齊同學校善意溝通, 表達吓我地既感受 & 請學校盡吓善心/同情心/同理心安排一個老師OR嬸嬸由7樓幫手EE帶小朋友到5樓. 就算落雨OR好天, EE都可以分兩批帶小朋友由保母車行入學校, 唔駛咁狼狽要趕鴨仔, 我諗呢個要求唔係太過份O者, 上, 下午班都只係共有3班車，應該只須要安排一個嬸嬸或老師ＦＯＲ 呢３架保母車小朋友都得. 大家覺得點？
原帖由 yamiyami 於 09-9-16 10:56 發表
多謝你既意見, 你好明事理, 我估唔到開呢個topic 出黎會有媽咪咁激烈既反應,
我相信每個媽咪只係想為個囡爭取到最好…..話哂大家都係聖心幼稚園既媽咪麻 (亦可能有d 唔係, 只旨在搞事), 真係唔想搞到咁..雖然大家 ...
[ 本帖最後由 MySweetBB 於 09-9-16 12:19 編輯 ]
作者: 060905 時間: 09-9-16 13:06
雖然我住港島, 盈盈都係坐冠忠校車返學, 雖然今次件事唔關我事, 不過都希望你地可以心平氣和咁盡早解決, 加油呀！
如果要去信支持, 我唔介意簽埋一份！
作者: kiteli 時間: 09-9-16 13:37
原帖由 yamiyami 於 09-9-16 10:50 發表
剛剛與冠中既校車部傾過, 佢地話呢排都好多家長打去問開唔開九龍東西線, 佢地既concern 第1係時間怕會好長程 (我同佢講話我囡下午班上車係12:00nn, 我見有d 港島線既都要11:45am, 其實時間差唔多, 係差在要比隧道費, ...
都係一個好消息
其實 要知道有幾多人住東, 西九龍而又有須要搭校車, 就要 校方 比數據了,
咁希望我地今年真係可以爭取到 明年開辦啦 .
作者: kiteli 時間: 09-9-16 13:39
原帖由 060905 於 09-9-16 13:06 發表
雖然我住港島, 盈盈都係坐冠忠校車返學, 雖然今次件事唔關我事, 不過都希望你地可以心平氣和咁盡早解決, 加油呀！
如果要去信支持, 我唔介意簽埋一份！ ...
060905,
如果再有多d 妳這些熱心家長 咁就好了 ....
作者: yamiyami 時間: 09-9-16 13:52
原帖由 060905 於 09-9-16 13:06 發表
雖然我住港島, 盈盈都係坐冠忠校車返學, 雖然今次件事唔關我事, 不過都希望你地可以心平氣和咁盡早解決, 加油呀！
如果要去信支持, 我唔介意簽埋一份！ ...
盈媽:
嵐嵐同盈盈好似係同一班...盈盈有你呢個咁明事理既媽咪真係有幸...嵐嵐能夠同盈盈同一班...我都好安樂...
其實我由頭到尾都好心平氣和架, 一d 都無唔禮貌架...係有d 媽咪激動咋.
作者: Sindy 時間: 09-9-16 13:58
原帖由 MySweetBB 於 09-9-16 12:13 發表
各媽咪,
要冠忠搞東西九龍線, 今年係無可能, 要學校&冠忠比保母車入車場更加唔駛旨意. 我地依家最CRITICAL係須要EE帶咁多(起碼6個)個小朋友行學校既長樓梯, 呢點確定係令各家長好擔心, 我想提議不如大家一齊同學校 ...
要學校搵個人出黎幫手......最緊要係有咩跌親,有咩事,邊個負責?由其係街果段路,不過都可以同修女傾,大家都係為個學生著想
作者: yamiyami 時間: 09-9-16 13:59
原帖由 kiteli 於 09-9-16 13:37 發表
都係一個好消息
其實 要知道有幾多人住東, 西九龍而又有須要搭校車, 就要 校方 比數據了,
咁希望我地今年真係可以爭取到 明年開辦啦 .
所以我相信冠中同埋學校兩方面都要繼續跟進, 就算得唔得都好, 起碼自已盡左力...冠中都話, 開辦九龍線唔係無可能, 睇真光呢個例子就是了, 至於有幾多九龍隱形人, 真係要學校提供數據....學校個方面, 有媽咪已經寫了信, 正等待回覆.
作者: yamiyami 時間: 09-9-16 14:09
原帖由 Sindy 於 09-9-16 13:58 發表
要學校搵個人出黎幫手......最緊要係有咩跌親,有咩事,邊個負責?由其係街果段路,不過都可以同修女傾,大家都係為個學生著想
多個人去幫忙當然是好... 個次我睇見個保姆帶d 小朋友番學校, 我都一額汗, 叫d 小朋友唔好行住等埋未落車d 小朋友, d 小朋友唔理繼續行, 叫其他小朋友行, 佢地又停左係樹傾計...一個唔行, 個個都唔行...不過最緊要入到學校門, 話哂關左門比在路邊落車安全很多.
作者: 060905 時間: 09-9-16 14:50
係呀, 嵐嵐同盈盈同班架, 大家都係聖心既家長, 大家都係想小朋友安安全全咁返/放學, 其他人點講咪理, 合理既事要爭取。
原帖由 yamiyami 於 09-9-16 13:52 發表
盈媽:
嵐嵐同盈盈好似係同一班...盈盈有你呢個咁明事理既媽咪真係有幸...嵐嵐能夠同盈盈同一班...我都好安樂...
其實我由頭到尾都好心平氣和架, 一d 都無唔禮貌架...係有d 媽咪激動咋. ...
作者: yamiyami 時間: 09-9-16 15:08
原帖由 060905 於 09-9-16 14:50 發表
係呀, 嵐嵐同盈盈同班架, 大家都係聖心既家長, 大家都係想小朋友安安全全咁返/放學, 其他人點講咪理, 合理既事要爭取。
我知架啦...
早兩日打風嵐嵐無番2日學好唔開心呀, 日日問我有無得番學..今日終於可以番學佢勁開心咁上校車呀, 我相信佢應該好鐘意番學...不過尋日我番工佢就有喊lor...唔比我番工呀....姐姐比糖佢都唔掂...喊左成個鐘呀...盈盈上校車有無喊呀?
作者: 060905 時間: 09-9-16 15:37
盈盈可能返左1年N班, 比較獨立, 雖然第1次坐校車(之前我自己湊返學), 佢無喊呀, 反而仲好開心咁同婆婆BYE BYE添！初初仲擔心佢會唔慣, 可能同車站有個讀K2既小朋友一齊上車, 佢見到人行埋黎, 都唔知幾興奮！
我返工佢醒左既話, 例牌喊到豬頭咁架啦, 所以次次都要靜雞雞咁返工。
係喎, 嵐嵐返聖心係咪返得幾開心呀?? 我之前問盈盈鐘意返聖心多D定係返之前個間, 佢諗都唔駛諗話鐘意返聖心添！
題外話, 星期一咪無返學既, 咁份剪報照交定係留返下個星期一??
原帖由 yamiyami 於 09-9-16 15:08 發表
我知架啦...
早兩日打風嵐嵐無番2日學好唔開心呀, 日日問我有無得番學..今日終於可以番學佢勁開心咁上校車呀, 我相信佢應該好鐘意番學...不過尋日我番工佢就有喊lor...唔比我番工呀....姐姐比糖佢都唔掂...喊左成 ...
作者: Sindy 時間: 09-9-16 15:51
原帖由 yamiyami 於 09-9-16 13:59 發表
所以我相信冠中同埋學校兩方面都要繼續跟進, 就算得唔得都好, 起碼自已盡左力...冠中都話, 開辦九龍線唔係無可能, 睇真光呢個例子就是了, 至於有幾多九龍隱形人, 真係要學校提供數據....學校個方面, 有媽咪已經寫 ...
其實冠忠話可行既話,學校出份問卷睇下得唔得?不過到時未必個個就到位置,有d有校車,有d無校車,又係頭痛,順得哥情失嫂意..........呢件事唔係咁簡單,要小心處理,大家都係聖心學生,一定要顧及別人感受,一視同仁
作者: yamiyami 時間: 09-9-16 16:22
原帖由 060905 於 09-9-16 15:37 發表
盈盈可能返左1年N班, 比較獨立, 雖然第1次坐校車(之前我自己湊返學), 佢無喊呀, 反而仲好開心咁同婆婆BYE BYE添！初初仲擔心佢會唔慣, 可能同車站有個讀K2既小朋友一齊上車, 佢見到人行埋黎, 都唔知幾興奮！
我返工佢 ...
嵐嵐之前都有番N1架, 但係我而家無特別提邊間開心d, 因為佢以前有好多老友記架, 費事提起令佢唔開心啦, 只係問佢 “番聖心係咪開心d 呀?” 兜個圈問佢lor…佢都話係, 佢話聖心大d同埋老師好d wor…哈…仲同我講話成日去2樓玩sir 滑梯, 個次我接佢放學, 佢仲帶我睇烏龜呀…
我諗剪報/相片留番下星期一怪, 我無放佢入書包呀…係呢…個功課包幾時開始用呀? 我尋日拆左(上學去)出黎同嵐嵐睇左一次….仲有, 我發覺帶左書後個書包都幾重bor….
作者: 060905 時間: 09-9-16 16:38
無呀, 佢之前返個間都係幾開心, 不過見佢呢排提都唔提下, 所以咪問下佢囉, 佢無嵐嵐講野咁叻呀, 佢淨係答我好開心, 老師好好咁囉！
個幾日湊佢放學, 佢係課室出面個d學習角玩到都唔想返屋企咁滯。
哈哈, 盈盈一早迫我同佢備晒課啦, 個5本主題書, 2本英文書再加宗教個本, 成日都叫我由頭講一次俾佢聽, 我就黎合埋雙眼都識背啦！
哎呀, 笨左添, 我放埋份剪報入去書包添！
功課袋我已經開始用緊啦, 佢d回條呀, 手冊呀我全部放晒落去, 不過份剪報無, 我發現放左入去會”剿”左。
另外你有無收到我俾你既pm, 如果你唔想俾柚佢啦！
係呀, 佢地個書包真係幾重, 都”鄧”佢地辛苦！
原帖由 yamiyami 於 09-9-16 16:22 發表
嵐嵐之前都有番N1架, 但係我而家無特別提邊間開心d, 因為佢以前有好多老友記架, 費事提起令佢唔開心啦, 只係問佢 “番聖心係咪開心d 呀?” 兜個圈問佢lor…佢都話係, 佢話聖心大d同埋老師好d wor…哈…仲同我講話 ...
作者: yamiyami 時間: 09-9-16 16:54
原帖由 060905 於 09-9-16 16:38 發表
無呀, 佢之前返個間都係幾開心, 不過見佢呢排提都唔提下, 所以咪問下佢囉, 佢無嵐嵐講野咁叻呀, 佢淨係答我好開心, 老師好好咁囉！
個幾日湊佢放學, 佢係課室出面個d學習角玩到都唔想返屋企咁滯。
哈哈, 盈盈一早迫 ...
上次我老公都話接佢放學時, d 小朋友湧哂去玩煮飯仔, 十幾隻手仔义哂入去, 埸面好好笑wor….
你真係好呀, 同盈盈讀哂d 書, 我只係拆左上學去既功課包同佢睇一次咋…睇黎我都幾懶下…哈..要努力d 啦….
另外嵐嵐成日唱腰兒扭扭…腰兒扭扭 (我估咋)…..唱黎唱去都係呢2句, 本中文歌書又搵唔到歌詞, 你知唔知係咪體操歌呀?
嵐嵐講野係呢排叻d , 上年佢interview 時都係一舊雞….咩都唔多識講架, 不過而家李老師對佢既comment 係 “好多野講”
我都無為意到你pm 我tim, 我reply 左你啦..
作者: 060905 時間: 09-9-16 17:18
哈哈, 唔係我想勤力呀, 係盈盈好鐘意聽故仔, 我當講故仔咁講俾佢聽, 叫佢認字就……
你話嵐嵐扭扭個隻呀, 我估應該係普通話個隻 “鴨比” , 你返去睇下本親子蜜語普通話個度, 佢地之前早操教過, 我估應該係呢隻, 因為我用半咸淡既普通話唱時, 盈盈勁係到扭, 所以我估無錯！
嵐嵐幾月出世架, 盈盈九月出世, 唔知係咪算細女, 所以講野無咁叻呢！俾李老師話佢多野講, 咁搞笑。 我估嵐嵐都幾活潑, 應該同盈盈幾岩玩。
收到你既PM啦, THANK YOU
原帖由 yamiyami 於 09-9-16 16:54 發表
上次我老公都話接佢放學時, d 小朋友湧哂去玩煮飯仔, 十幾隻手仔义哂入去, 埸面好好笑wor….
你真係好呀, 同盈盈讀哂d 書, 我只係拆左上學去既功課包同佢睇一次咋…睇黎我都幾懶下…哈..要努力d 啦….
另外嵐 ...
作者: yamiyami 時間: 09-9-16 17:33
原帖由 060905 於 09-9-16 17:18 發表
哈哈, 唔係我想勤力呀, 係盈盈好鐘意聽故仔, 我當講故仔咁講俾佢聽, 叫佢認字就……
你話嵐嵐扭扭個隻呀, 我估應該係普通話個隻 “鴨比” , 你返去睇下本親子蜜語普通話個度, 佢地之前早操教過, 我估應該係呢隻, ...
嵐嵐都係09b 呀, 佢月底生日....佢唔係活潑, 係活躍...我都驚佢係有少少過渡個隻...不過我有問佢學校係咪有個同學叫曉盈, 佢話 "係" wor, 仲有個叫千千tim...我睇番個學生list 先知佢無講錯呀....佢仲同我講佢係飛機組同埋黃組....佢話仲有帆船組同巴士組....唔知真定假呢..
今日番到4:45pm 唔知佢有無眼訓呢, 午睡既時間你點調較呀? 嵐嵐佢朝朝7:30am 就醒, 好難會訓到8:00, 我諗佢實釣魚啦..
作者: 060905 時間: 09-9-16 17:48
哎呀, 盈盈真係失禮啦, 佢仲要係9月頭, 佢多野講, 但係問佢學校D野佢又好亂咁講下呢到講下個到, 所以有時都唔係好明佢講乜。
盈盈係屋企就勁嘈個隻, 好百厭, 但唔知點解佢返n班時個時老師話係學校既佢同係屋企既佢, 係2個人黎, 係學校大部份時間都好靜, 我觀過課又真係, 不過返到屋企就好嘈, 玩野係好大聲成日嗌！
盈盈就間唔間會講下同學仔D名, 不過就多數都係group 2個d, 我估佢淨係識坐佢附近個d。
嵐嵐無講錯, 真係有飛機組,帆船組, 巴士組, 等我今晚返黎問下盈盈坐邊先。至於佢話黃色, 應該係排隊早操既時候組別名。佢真係好叻呀！
盈盈係夜鬼, 所以呢我唔怕佢鈞魚, 夜晚呢差唔多十二點幾一點先訓, 朝早就多數十點幾先起身。不過佢未慣返下午班, 有時返黎訓, 訓到七八點先肯起身, 有時就九點幾先黎訓一陣, 總知食晚飯同埋訓覺時間好亂呀, 扭眼訓個時又發脾氣, 呢排都幾難頂！
嵐嵐有無放學返黎訓覺??
原帖由 yamiyami 於 09-9-16 17:33 發表
嵐嵐都係09b 呀, 佢月底生日....佢唔係活潑, 係活躍...我都驚佢係有少少過渡個隻...不過我有問佢學校係咪有個同學叫曉盈, 佢話 "係" wor, 仲有個叫千千tim...我睇番個學生list 先知佢無講錯呀....佢仲同我講佢係飛 ...
作者: MySweetBB 時間: 09-9-16 18:16
邊個負責任呢個問題，跌親大家都唔想，有心搞事既小小野都會嘈學校，我相信大多數家長都係明事理，唔係唔講道理。上年我阿囡夠響學校樓梯跌親啦，我一個電話都無打比老師問，因為我知道我阿囡唔係讀緊寶山等等交９仟幾蚊學費既貴族學校，阿囡跌親無咩大礙就算。
呢樣又唔得，Ｏ個樣又唔得，跟住又話責任問題，真係好煩呀！ 我希望只係您個人既意見，學校唔會真係咁諗。否則我會覺得真係好副面。
唔通要Ｄ小朋友由保母帶落去班房跌親，跟住好嘞個責任係保母／家長，學校咩都唔理，咁叫負責任咩？
原帖由 Sindy 於 09-9-16 13:58 發表
要學校搵個人出黎幫手......最緊要係有咩跌親,有咩事,邊個負責?由其係街果段路,不過都可以同修女傾,大家都係為個學生著想
[ 本帖最後由 MySweetBB 於 09-9-16 18:17 編輯 ]
作者: Sindy 時間: 09-9-16 18:28
原帖由 MySweetBB 於 09-9-16 18:16 發表
邊個負責任呢個問題，跌親大家都唔想，有心搞事既小小野都會嘈學校，我相信大多數家長都係明事理，唔係唔講道理。上年我阿囡夠響學校樓梯跌親啦，我一個電話都無打比老師問，因為我知道我阿囡唔係讀緊寶山等等交９仟幾蚊學費既貴族 ...
我當然唔會代表學校啦
不過真係見過有人質問學校囉........有時對住呢d家長,真係幾頭赤......你明事理啫...
作者: lafayette 時間: 09-9-16 21:45 標題: 回覆 68# yamiyami 的文章
支歌係中國童謠, 親子密語裡面個支"吚比呀呀"
作者: yamiyami 時間: 09-9-17 10:17
原帖由 060905 於 09-9-16 17:48 發表
哎呀, 盈盈真係失禮啦, 佢仲要係9月頭, 佢多野講, 但係問佢學校D野佢又好亂咁講下呢到講下個到, 所以有時都唔係好明佢講乜。
盈盈係屋企就勁嘈個隻, 好百厭, 但唔知點解佢返n班時個時老師話係學校既佢同係屋企既佢 ...
嵐嵐之前仲係番適應班時, 爸爸湊佢放學基本上一上巴士就訓, 訓到6點左右起身, 尋日先第一日番正式時間, 我諗佢應該係校車上面訓左覺, 因為我相信佢應該超級眼訓, 我hb話見到校車入d小朋友全部訓哂, 有d 仲打橫訓tim….
嵐嵐係屋企又係好嘈架, 成日都會嘈醒妹妹, 總之兩姐妹成日互相嘈醒….好煩架..哈…嵐嵐講野既音調好尖架….不過佢食野好差架, 佢成日lunch 都唔食野, 食都係1, 2啖, dinner 又係食很少同好耐, 食成個鐘, 一啖飯可以含住15分鐘…次次食飯都要鬧架..仲要我餵…哼…..呢方面我好頭痛, 佢係全班最細粒最un 既小朋友呀…盈盈食飯叻唔叻?
作者: 060905 時間: 09-9-17 10:55
梗係啦, 你地個架車D小朋友全部都係九龍人, 坐咁耐車梗係訓晒啦, 盈盈昨日放學落車個時婆婆話佢好精神, 一返去就話要飲奶, 好似學校無俾野佢食咁, 跟住玩到7點, 預備食飯就話訓, 一訓就由7點幾訓到10點幾, 救命, 佢一覺訓到大天光都好丫, 又唔係, 醒左唔肯訓, 捉住我玩, 我到2點幾自己頂唔順訓著左, 佢都好似未訓, 佢最後幾點訓我都唔知, 我淨係知如果佢晚晚都係咁, 我就人都顛！
盈盈食野同嵐嵐有得揮, 你見到佢真人就知架啦, 瘦到死, 佢除左3餐奶唔駛我勞氣外, 2餐飯/粥都係極勞氣, 而家下午飯因為趕住返學, 佢又係食鬼死咁耐, 所以都係食返粥好d, 起碼半個鐘搞掂, 有一大碗, 好過佢食飯食一兩匙就話唔食。
學校茶點第1日已經留個好深印象俾李老師同埋朱老師, 第1日食粟米, 係佢最憎既, 一啖都唔肯食, 老師叫佢食時佢仲
個咀, 適應週個兩個星期, 聽李老師講佢都係無乜食野, 除左食餅肯食外, 其他一律都唔肯食。
泳嵐最細粒, 你咁肯定?? 佢地個班有個若彤, 真係好細粒架, 可能佢12月同埋佢又係好似盈盈佢地咁唔食野架！盈盈唔算細粒個隻, 係好似個火柴, 佢係班都應該排中間, 佢個班有幾個都係唔點食野架, 唔知家下d女仔, 係咪諗住咁早減肥！
泳嵐仲有妹妹架, 幾大呀?? 又要返工又要湊住兩個咪好辛苦囉！
作者: yamiyami 時間: 09-9-17 11:09
我以為嵐嵐先要我咁勞氣tim, 我都唔明點解佢地食飯食咁耐….有時lunch 嵐嵐唔食tim 架….所以一到左學校既tea time.. 佢就好似放監咁, 第1日食corn, 嵐嵐至愛, 食完一碗要再添….食完第2碗就無得再添啦….之後tea time 食咩佢都有添, 通粉呀…餅呀…麥皮….連蕃茄都有食 (呢個佢至憎)….李老師仲話 “嵐嵐食得好快wor”….哈, 事關佢lunch 無食野麻…
細妹11個月啦….佢食野ok 架, 佢15分鐘可以食完一碗大人碗既粥…嵐嵐就15分鐘食一啖…..如果細妹都好似嵐嵐咁, 我癲左十世啦…
無話辛唔辛苦….總之1年365日無休啦…放工就湊女, 放假又係湊女…反而番工有番d 自已時間, 可以約下朋友lunch lor…我好想佢地快d 上哂小學, 起碼唔使好似而家看牛咁…不過有時又唔捨得佢咁bb 哈..
作者: 060905 時間: 09-9-17 12:23
係呀, 個日陪上堂個日同佢地同班幾個媽咪傾計, 發現佢地好幾個都係咁, 唔肯食野架, 一係就含飯含好耐, 都唔明佢地點解咁架！
咪好囉, 學校茶點肯食野, 好過盈盈肚餓都唔肯食, 佢好明顯係肚餓, 放學返黎一口氣飲晒8安奶, 佢係學校請願肚餓都唔食野, 李老師都同我地講左幾次, 而家初頭就唔迫佢, 驚嚇怕佢, 遲d一定會迫佢食, 到時佢就知味道！
我可能無工人啦, 盈盈又唔係好肯痴爸爸, 乜都要我做, 同你一樣365日年中無休, 一日打3份工, 1份正職, 1份湊女, 1份家務, 每日訓得5個鐘, 再生多個我怕我會痴線呀！
上到小學又係另一番辛苦, 跟功課既關鍵呀, 真係要到中學先舒服, 不過講真呢個年紀係幾勞氣, 但係又真係好可愛, 盈盈把口好識氹人, 真係俾佢氹到好開心。
作者: MySweetBB 時間: 09-9-17 12:32
咁我當然知你唔能夠代表學校啦, 用咩身份呢 .
呢個世界咩人都有啦, 做左咁耐人唔係唔知呀 ?
但我相信大部份聖心家長係正面既, 我相信"人之初, 性本善", 不過唔排除有部份家長 "食飽飯,無野做", 講埋d無建設性&副面既說話o者 .
原帖由 Sindy 於 09-9-16 18:28 發表
我當然唔會代表學校啦 不過真係見過有人質問學校囉........有時對住呢d家長,真係幾頭赤......你明事理啫...
作者: yamiyami 時間: 09-9-17 12:51
原帖由 MySweetBB 於 09-9-17 12:32 發表
咁我當然知你唔能夠代表學校啦, 用咩身份呢 .
呢個世界咩人都有啦, 做左咁耐人唔係唔知呀 ?
但我相信大部份聖心家長係正面既, 我相信"人之初, 性本善", 不過唔排除有部份家長 "食 ...
你講野真係好到肉....
作者: yamiyami 時間: 09-9-17 12:55
原帖由 060905 於 09-9-17 12:23 發表
係呀, 個日陪上堂個日同佢地同班幾個媽咪傾計, 發現佢地好幾個都係咁, 唔肯食野架, 一係就含飯含好耐, 都唔明佢地點解咁架！
咪好囉, 學校茶點肯食野, 好過盈盈肚餓都唔肯食, 佢好明顯係肚餓, 放學返黎一口氣飲晒8安 ...
嵐嵐勁痴身架, 又係唔跟爸爸....乜都要我..沖涼...食飯...陪訓....有時我都覺得我忽略左我細囡架, 因為佢都想我抱下佢陪下佢之類....當然我都有做啦, 但係放手比工人多d, 咁佢痴工人又多d 啦...其實我心裡面2個都咁愛...
生多個細佬同妹妹對盈盈係好架...起碼佢會識得分享, 第2時有d 咩事, 又可以一齊去分擔....時間好快過架咋...而家盈盈都3歲...過多2,3年, 你唔會再想生架啦, 同埋佢地既gap 都大lor..
作者: Sindy 時間: 09-9-17 13:25
原帖由 MySweetBB 於 09-9-17 12:32 發表
咁我當然知你唔能夠代表學校啦, 用咩身份呢 .
呢個世界咩人都有啦, 做左咁耐人唔係唔知呀 ?
但我相信大部份聖心家長係正面既, 我相信"人之初, 性本善", 不過唔排除有部份家長 "食 ...
大把呢d食飽飯既人...........所以做學校都好難......
作者: 060905 時間: 09-9-17 14:05
嵐嵐同盈盈真係好似呀！之前都有諗過生多個, 不過至從盈盈返左n班之後, 變得更加痴身同埋真係無乜時間, 我唔想咁快生多個, 我覺得我會忽略左其中一個。
生多個除左識分享外, 最主要係好認同你個句, 可以一齊去分擔, 我自己都係兩姊妹, 有時都好感激我父母帶多個細妹俾我, 等我有咩事都可以同佢商量, 尤其我嫁左, 好多時都係佢幫手照顧我父母, 等我唔駛咁心掛掛。不過我老公係好大細路, 好似昨晚咁盈盈唔肯訓, 搞到兩父女面阻阻, 真係好煩, 睇埋呢1年先啦。再過多幾年未必唔想生既, 我同妹妹都隔9年, 不過就真係細個個時個gap好大就真, 生多個都會既, 因為我6299好恨仔, 所以我相信1-2年後都會再生, 不過最辛苦個果係我囉, 要湊3個小朋友！
原帖由 yamiyami 於 09-9-17 12:55 發表
嵐嵐勁痴身架, 又係唔跟爸爸....乜都要我..沖涼...食飯...陪訓....有時我都覺得我忽略左我細囡架, 因為佢都想我抱下佢陪下佢之類....當然我都有做啦, 但係放手比工人多d, 咁佢痴工人又多d 啦...其實我心裡面2個都 ...
作者: 060905 時間: 09-9-17 14:08
無錯, 有時順得哥情失嫂意, 仲要有時預著d 野蠻家長, 我細個讀書個時都見識過唔少！
原帖由 Sindy 於 09-9-17 13:25 發表
大把呢d食飽飯既人...........所以做學校都好難......
作者: yamiyami 時間: 09-9-17 14:50
原帖由 060905 於 09-9-17 14:05 發表
嵐嵐同盈盈真係好似呀！之前都有諗過生多個, 不過至從盈盈返左n班之後, 變得更加痴身同埋真係無乜時間, 我唔想咁快生多個, 我覺得我會忽略左其中一個。
生多個除左識分享外, 最主要係好認同你個句, 可以一齊去分擔, ...
我當初都無諗過咁快生妹妹, 不過我hb 成日同我洗腦, 話而家小朋友, 10個照顧佢1個, 第時, 就係佢1個照顧番10個人, 有咩事無人商量, 就算要用錢, 都無兄弟姊妹夾...會好獨單, 同埋反正都會生架啦, 那那臨生埋就收工, 反而可以專注自已事業多d .... 不過我老細都好好, 我3年抱2, 佢都無話咩, 仲有黎醫院探我....
喂, 我地都係email 傾啦....
作者: 060905 時間: 09-9-17 15:17
嘩, 你有個咁好老細咪好囉, 我本身部門老闆都幾體諒我, 不過我地夾係中間就有個老姑婆, 嫁唔出無拖拍個隻, 成日話我有個女好慘, 我心諗我開心個時你唔知啫, 成世人都未試過咁開心, 生命簡直因盈盈動聽呀！3年抱2, 如果係我, 我阿姐實黑面9年啦, 好似我陪盈盈返學個幾日, 撞正埋數, 人地都唔知幾唔想放我呀, 我上午返工, 下午陪盈盈返學, 夜晚返去加班, 佢先肯放我假咋！搞到我好無瘾, 呢幾日特登hold 住d野唔做, 再加上同你好好傾, 哈哈, 係到借機蛇王。
其實係架, 1個要照顧返2老都唔係易架, 不過有時咁諗, 生多得又點丫, 好似我6299都有3個仔女, 除左我老公係孝順d d 之外, 佢2個女唔係好孝順架, 點到我99 七彩, 佢地個d 舊思想, 成日都旨意我同我老公照顧既, 好似唔關佢地事咁, 1個衰d 咁講迫佢照顧我地。
作者: yamiyami 時間: 09-9-17 15:35
原帖由 060905 於 09-9-17 15:17 發表
嘩, 你有個咁好老細咪好囉, 我本身部門老闆都幾體諒我, 不過我地夾係中間就有個老姑婆, 嫁唔出無拖拍個隻, 成日話我有個女好慘, 我心諗我開心個時你唔知啫, 成世人都未試過咁開心, 生命簡直因盈盈動聽呀！3年抱2, 如果 ...
有個囡係會犧牲左自已d 時間lor,不過睇你自已點樣arrange, 我會係lunch 爭取同朋友會面lor, 夜間and星期六日梗係要交人啦...不過我office d 人都幾好, 大家都好close< 無你office 個隻老姑婆, 我地公司都好多老姑婆, 哈..不過佢地一d 都唔變態....可能我公司細, 大家都好亙相幫忙..不過呢排公司生意淡泊呀.....
作者: kalaning 時間: 09-9-22 16:00
其實Sindy是一個很投入的義工家長，幫了學校很多校務及教學以外的工作，最為人認識的當然是資源中心的圖書館服務，及之前幫家長訂課外書的功勞亦不可抹煞，那些工作量分分鐘是一個半職的工作量（即學校已慳番請個半職同工），我好慶幸認識她及曾與她是同期家長。
Sindy先前的詳細回覆是她以了解學校情況及因由下以家長角度回應，我作為一個小女曾就讀聖心幼稚園及已升小一的家長看後頗同意她的解釋。
當然她的解釋不是一個solution，家長們要的是一個解決方法，看罷諸君的訴求是集中冠忠開辨九龍線而否定以私家車但載滿學童入停車場的建議；當中我見一些家長也明白九龍區比較分散，上落車時間及地點未必能"就"到每一個學童／家長的訴求，但我看不到之前各位九龍區的家長曾說過他們現在乘的保母車究竟一車載多少聖心學生，還是夾雜其他同區附近的學生一起乘車過海，要知冠忠也是商業機構，夠人開辨及有錢賺的路線當然樂意經營，問題是如要湊夠一車（相信起碼十六人），上頭站的與上尾站的時間可能相差很遠，甚至上學就頭站，放學就尾站也說不定，到時各位（或一些）已表態的家長是否仍甘於繼續乘搭呢？又例如出年UK多九龍人開到線，但後年NC少九龍人（UK走哂），到時冠忠計過要蝕錢是否仍繼續開辨呢，還是東西九龍線合併一條呢？現在小女讀的聖心小學下午班的貝沙灣線校車上車時間是十一時二十分（打鐘時間為十二時四十分），我認識一位家長就不選搭了，怎能想像／要求要小朋友早上十點九吃午飯呢！（貝沙灣到小學不需半小時車程）
各位家長，疼錫子女固無不可，但不斷鑽空子想學校就範就請再三考慮，之前四年（包括小女讀NC時看回前一年的post）在BK也有家長發出類似post，但一些奇特念頭（如cc教署、唔出阿女個樣以免被點相遭報復）的念頭就印象中沒出現過，當真有這些修女、副校或老師在聖心你仍讓女兒讀下去？修身、齊家、治國、平天下，是有次序的，教導兒女嘗試從自身開始，多參與、少投訴，你會發現更多美景在聖心。
你們會很快，很快地發覺她們懂唱校歌，是一首很'luck cut'的校歌，她們的適應力很強，仍瀨尿的很快不再瀨尿，親子遊戲日能表演複雜及冗長的動作，學期頭常哭的學期尾取得最佳進步獎（獎項名稱年年有些少更改，年尾沒有不要來追我問我）。學校樓梯每個轉角位都有嬸嬸或老師當值，也另外有一些嬸嬸或老師會帶領她們落樓梯，請放心女兒們由校門至課室的問題，但仍希望你們能與校車公司在開辨九龍線的問題上得到徹底解決，其中一個方法是踴躍加入家長教師會反映意見及明瞭學校更多的運作囉，請勿只望收獲而不欲付出）。
原帖由 Sindy 於 09-9-17 13:25 發表
大把呢d食飽飯既人...........所以做學校都好難......
作者: Sindy 時間: 09-9-22 18:39
原帖由 kalaning 於 09-9-22 16:00 發表
其實Sindy是一個很投入的義工家長，幫了學校很多校務及教學以外的工作，最為人認識的當然是資源中心的圖書館服務，及之前幫家長訂課外書的功勞亦不可抹煞，那些工作量分分鐘是一個半職的工作量（即學校已慳番請個半職同工），我好 ...
其實仲有好多家出好多力....由其係呢排成日都部住係資源中心做野班家長....館未開都開行turbo.....為換system出力.......我只係多野講而已......
講開首校歌...我搵阿女學琴既老師彈出黎......佢加埋自己既伴奏....學校得主音部份....佢都話..下....咁奇怪既.....都幾有難度 (佢都算係出名音樂學院畢業,應該都見慣大場面架啦 )好彩都搞得掂
作者: Bunnytown 時間: 09-9-26 21:30
I had some experience with school in the past, all I can think of to describe is 無奈, 無能為力.
或許他們已經在這個問題上搞了好耐, 現在已沒有動力, determination to help parents solving the problem. you give one suggestion, banned, second, banned, third suggestion also banned. Basically did not help and 不見得積極為您 think for a solution.
多做多錯, 少做少錯, 最好保持現狀... maybe this is the spirit of the so called 傳統名校.
我仍然覺得學校好多方面都好好, 祇是某些地方令我 quite disappointed.
作者: Sindy 時間: 09-9-26 21:48
原帖由 Bunnytown 於 09-9-26 21:30 發表
I had some experience with school in the past, all I can think of to describe is 無奈, 無能為力.
或許他們已經在這個問題上搞了好耐, 現在已沒有動力, determination to help parents solving the problem. y ...
p.s.我又唔係代表學校呀下,只係講我既睇法
作者: Bunnytown 時間: 09-9-27 00:37
原帖由 Sindy 於 09-9-26 21:48 發表
其實係咩提議先?幾次都ban你,唔代表學校有問題喎....好似我提議整課室門防夾手...佢地半個月唔駛,係開學前搞掂左...我輕輕同家教會主席(幾年前果個)講,學校通天無膠片好危險,一唔小心有細路爬高,便直落禮堂.....無幾 ...
My problem relates to children's safety (sorry cannot reveal details here), in my world certainly I think it is important and needed to be solved. 無奈學校無能為力.
I am disappointed with school in this particular case does not mean i don't like the school, to be fair school have many good aspects, I'm just disappoint in one aspect. Don't get me wrong I'm not
講school壞話, I am just expressing my feeling of 事實 that i've experienced, i fully感受, no one can change my feeling no matter how many good words i hear.
Everyone is entitled to his/her own理性opinion (and this platform serves this purpose).
You might think why all my suggestions were banned? I guess maybe my難題is school’s死穴…
作者: Bunnytown 時間: 09-9-27 17:48
"其實係咩提議先?幾次都ban你,唔代表學校有問題喎..."
To be honest, the first moment I see that I felt a little offended, it is like impliying that my request was unreasonable that's why all my suggestions were banned. However, after a while, i think as a parent, a role model to my child I should not mind for such little deal, contrary I think I should be more open to different views/ideas/criticism, 不會介懷 or 放在心上.
The most important is respect each other's opinion, 您有您做 die hard fans, 我有我對學校某方面失望...
作者: Sindy 時間: 09-9-27 20:16
原帖由 Bunnytown 於 09-9-27 17:48 發表
"其實係咩提議先?幾次都ban你,唔代表學校有問題喎..."
To be honest, the first moment I see that I felt a little offended, it is like impliying that my request was unreasonable that's why all my suggesti ...
可能我個人比較直接爽快,所以無轉彎咁問你啫,唔係想challenge你.........我大女都差唔多二十啦.....雖然其間唔係成日都同學校接觸........但三個三年,都九年啦識得佢地....我又時常係學校做義工,睇到好多佢地真既一面...... 當然一間學校梗有好同唔好啦.......但總體我覺得算係唔錯...唔係我仔都唔會係度三年.....應該k2 就走去男校幼稚園啦....
我唔係企圖去改變你既想法,係想將你對學校既誤會化解啫.....我對細路都係咁....每個人都係一個個體,唔好諗住要操控人既思想...但我相信事實會越辯越明....我諗住唔介意既話.....大家拎出黎傾下啫..如果唔方便就由得佢啦.... 我相信你講既安全問題....如果你建議左,但學校無留意,第時出左事都幾大件事下...同埋等以後既家長小心下都好丫....
作者: 新手008 時間: 09-9-28 08:43
sindy, 你個仔係咪最細0架, 宜家讀uk?
原帖由 Sindy 於 09-9-27 20:16 發表
可能我個人比較直接爽快,所以無轉彎咁問你啫,唔係想challenge你.........我大女都差唔多二十啦.....雖然其間唔係成日都同學校接觸........但三個三年,都九年啦識得佢地....我又時常係學校做義工,睇到好多佢地真既 ...
作者: Sindy 時間: 09-9-28 16:33
原帖由 新手008 於 09-9-28 08:43 發表
sindy, 你個仔係咪最細0架, 宜家讀uk?
升左小一啦今年
| 歡迎光臨 教育王國 (/) |
Powered by Discuz! X1.5 |