教育王國

標題: 13歲的反叛兒 [打印本頁]

作者: milkmilk1995 時間: 09-11-5 10:49 標題: 13歲的反叛兒

兒子13歲半他頗聰明，為人自我，精於駁嘴詭辯，特別抗拒父母的勸喻，習慣性遲到,最近我和他常因打機, 不滿意他很晚才開始做功課,吹他早點瞓覺而吵架了，我大聲責罵他,他竟然更大聲罵我, 話我煩, 態度差, 駁嘴,我感到很傷心，很失望, 雖然到第二天他又沒事和我傾談, 但我心裡是很不開心,曾經試過給他時間表, 他說大個仔拒絕跟從, 之前我和他關係像朋友一樣, 或者因為這樣他更不怕我, 我很累, 放手唔理, 又唔抵得
! 點樣比空間佢? 任他打機打到半夜一點 ? 功課夜夜都唔做, 定當佢透明 ? 現在放學還肯去補習, 我怕他反叛起上來連補習都唔去, , 唉! 再大一點真不知如何是好(他身高已高過我少許),若是你會點?每日放學補習後回家已是7,8點, 打機是他唯一樂趣, 硬性不許他打又好殘忍, 打左又好似上左身唔識離開,晚晚攪到成十二點幾瞓, 話佢又吵架, 點算?

作者: tinetinew 時間: 09-11-5 11:17

hi,

我亞仔都處於反叛期,但我唔會冠以反叛兒俾佢,label咗佢!回想兒時,我比亞仔更臭脾氣,更係出面學壞,所以我覺得要適當時放手,而不是放棄！
我對亞仔從前很嚴厲,所以我覺得亞仔對我某程度上會抗拒,宜家我覺得係要我去改變,而唔係佢,我要改改自己嘅表達方式,由從前嘅'喝'轉至'傾',希望令佢可以講多些心裡話,因反叛期好多時佢哋都係表裡不一,例如我知亞仔佢上堂有send sms,我以前係癲咗咁鬧佢,宜家係同佢以朋友方式傾:セ你上堂咁曳ka,咁你又唔send俾我!過幾日又同佢傾:你唔好咁曳啦,你上堂要專重吓個老師ka ma,咁你重有冇send sms??我又過幾日同佢講笑,嚟緊係家長日,好唔好我做二五仔講你d衰嘢俾老師聽？！當你知道一樣時,俾著係我以前真係會癲咗咁鬧,但宜家發覺鬧佢都冇用時,我會俾自己冷靜吓,再用第二個方式同佢講,再係大家都心情靚時,再講返個道理俾佢知,等佢知道係媽係有聆聽佢所講嘅點滴,因為呢個moment,佢哋係最需要係屋企人嘅關愛及支持多d！

yuk hei mum

原帖由 milkmilk1995 於 09-11-5 10:49 發表
兒子13歲半他頗聰明，為人自我，精於駁嘴詭辯，特別抗拒父母的勸喻，習慣性遲到,最近我和他常因打機, 不滿意他很晚才開始做功課,吹他早點瞓覺而吵架了，我大聲責罵他,他竟然更大聲罵我, 話我煩, 態度差, 駁嘴,我感到很傷心，很失 ...

[ 本帖最後由 tinetinew 於 09-11-5 11:20 編輯 ]

作者: bkman 時間: 09-11-5 11:29

同意放手唔係放棄。家陣12-3歲小朋友都當正自己大個仔，大個女，樣樣話點解你得我唔得，靠罵已經行唔通。完全太軟扮FRIEND又好似WORK的唔WORK的， WORK當然係可以同佢好似朋友咁多的交流，傾心事，唔WORK就係如果佢有乜唔啱，佢又固執果陣，就比較難搞。所以有時真係要軟硬兼施既。不過等心平氣和果陣傾多D, 始終係好辦法囖。其實細路仔出事，好多都係缺少關愛者，如果父母時常留意住，關心住，我覺得應該都唔會話變壞就變壞囖。個人認為。

原帖由 tinetinew 於 09-11-5 11:17 發表
hi,

我亞仔都處於反叛期,但我唔會冠以反叛兒俾佢,label咗佢!回想兒時,我比亞仔更臭脾氣,更係出面學壞,所以我覺得要適當時放手,而不是放棄！
我對亞仔從前很嚴厲,所以我覺得亞仔對我某程度上會抗拒,宜家我覺得係要 ...

[ 本帖最後由 bkman 於 09-11-5 11:31 編輯 ]

作者: tinetinew 時間: 09-11-5 11:41

hi,

以下係我係另一個topic講過：

[琴日嘅講座係[不再迷網],主講係曾繁光醫生!係個講座分享到:家長應多d融入學校,因為中學開始,學生開始抗拒家長介入佢哋嘅生活,家長可選擇入家教會或做家長義工,因為呢個可名正言順滲入學校,可多了解佢哋嘅學校生活,雖然佢哋會口硬,但實質佢哋內心會高興,因為亞媽都参與學校生活,可以有多D話題！

而係管教上網問題,已經唔可以再哦再鬧,要係大家心平氣和嘅氣氛相討,引佢自己定下手則,希望佢可以'慢慢'改善,家長只可有適當嘅提醒!

]

係管教打穖,你可以係大家心情最靚,約亞仔去一間佢喜歡嘅餐廳,同佢傾返個問題,引導佢自己想清楚,由佢自己定吓規條遵守,如果之後做唔到,亦要再約佢出嚟'傾'!你想教到佢,你開始要認同佢,點解佢咁信朋輩,就係因為朋輩認同佢,你亦可以叫亞仔教你打機,試吓融入佢哋嘅生活,用返佢哋嘅tune同佢哋傾,我知開始好難,但為咗個仔我自己都開始改變,始終有心唔怕遲!雖然長氣咗d,不過希望幫到你！

yuk hei mum

作者: irisyan 時間: 09-11-5 11:53

完全吾比佢打幾吾得, 佢同你反面都似

我個女都中意上網玩遊戲, 但佢會做完功課, 拾完書包先可以玩30分鐘至1個鍾~
你一定要設法同佢講條件, 吾可以由的佢打機, 因為打開機真係會上癮, 好難收手; 如果佢吾理你, 咪改左電腦login password, 等佢開吾倒電腦, 甘佢自然要求你啦

作者: 傻媽媽2007 時間: 09-11-5 12:13

原帖由 irisyan 於 09-11-5 11:53 發表
完全吾比佢打幾吾得, 佢同你反面都似
我個女都中意上網玩遊戲, 但佢會做完功課, 拾完書包先可以玩30分鐘至1個鍾~
你一定要設法同佢講條件, 吾可以由的佢打機, 因為打開機真係會上癮, 好難收手; 如果佢吾理 ...

好多時系要系開始時做得好, 我自己同幾個朋友既仔女都唔會平日打機, 一定系放假先可以, 所以佢地知道唔得, 無開始過, 跟本就唔會覺得有問題....

所以 keep 得緊個開頭好緊要, 好似亞女F. 1 已經想同啲同學去睇戲, 我就同佢講而家唔得, 等F.2再傾, 到 F.2 佢已經無同學"料" 佢, 咁又過一關.... 佢要求同同學去海洋公園, 我就會要佢比晒啲時間呀, 同咩人去, 要留電話, 我解釋比佢聽, 我知你系邊, 就算海洋公園火燭我都起碼知你個個時間系邊, 要去搵你,救你都易啲, 咁佢條氣咪順啲囉, 有時真系要當佢地系大人, 你同佢分擾,我會話佢知公司老細點, 有時啲同事又點, 佢會覺得你尊重佢, 效果唔錯, 大家可以試下..

作者: milkmilk1995 時間: 09-11-5 15:10 標題: 回覆 1# 傻媽媽2007 的文章

係呀, 我好後悔比佢開始左, 之前見佢一個人係屋企無聊, 我同佢爸爸唔得閒同佢玩, 就買部電腦佢玩, 唉.......

作者: milkmilk1995 時間: 09-11-5 15:13 標題: 回覆 3# irisyan 的文章

我有試過, 成日話要上網做功課,CHECK 依樣個樣, 我唔係成日係屋企, 所以最後覺得對佢成效不大 !

作者: milkmilk1995 時間: 09-11-5 15:21 標題: 回覆 5# tinetinew 的文章

多謝你意見, 但我有工作, 不能抽時間參加家教會或做家長義工, 我亦試過和他傾過, 到佢心情好佢就唔認真答你問題, 其實有時覺得當佢離開左部電腦, 佢會變番一個正常"小朋友"

作者: milkmilk1995 時間: 09-11-5 15:27 標題: 回覆 7# bkman 的文章

我都有容忍過, 但有時心情唔好實在忍無可忍, 才失控大聲責罵佢, 我就係驚佢因此變壞, 就更加唔知點算。

作者: milkmilk1995 時間: 09-11-5 15:38

當佢好大聲答我時, 我真係好震驚, 係我眼中的純潔的小孩子好像變成另一個大人, 所以我覺得佢反叛, 我當然不想放棄, 但常常都因依個問題吵架, 我真係好倦, 好痛心, 佢話唔好干涉佢, 自己有分數, 根本冇灣轉, 係唔到我話事, 我知道要放手了, 但放到去邊? 佢根本唔再怕我, 我重可以點?

原帖由 tinetinew 於 09-11-5 11:17 發表
hi,

我亞仔都處於反叛期,但我唔會冠以反叛兒俾佢,label咗佢!回想兒時,我比亞仔更臭脾氣,更係出面學壞,所以我覺得要適當時放手,而不是放棄！
我對亞仔從前很嚴厲,所以我覺得亞仔對我某程度上會抗拒,宜家我覺得係要 ...

作者: tinetinew 時間: 09-11-5 15:42

hi,

其實我以前返工我每月有15-20k人工,但每晚要收十一點後!上年市道差,公司有位俾我食肥雞歺,我申請咗,我用咗十個月時間陪亞仔揾學校見學校!宜家我有返工但人工勁小,不過就可以俾我隨時請假、返朝九晚六及放銀行假,我寧願選擇慳慳地生活,希望可以有更多時間陪亞仔,因為之前我同亞仔真係miss咗好多,我覺得好慚愧,希望可以修補及陪佢渡過佢嘅快樂嘅學校生活！

yuk hei mum

原帖由 milkmilk1995 於 09-11-5 15:21 發表
多謝你意見, 但我有工作, 不能抽時間參加家教會或做家長義工, 我亦試過和他傾過, 到佢心情好佢就唔認真答你問題, 其實有時覺得當佢離開左部電腦, 佢會變番一個正常"小朋友" ...

作者: tinetinew 時間: 09-11-5 16:02

hi,

其實係呢個moment唔好諗點令佢怕你,係要同佢修補關係,令你哋嘅關係唔好咁緊張,當關係改善咗,我相信你仔仔會肯自己分析返對與錯,切記氣上心頭嘅說話千祈唔好講,記得亞仔之前同我講過一句好hurt我嘅說話,我好嬲,但我行開咗,幾日後我同佢係好和平嘅氣氛下傾返,佢好後悔佢所講嘅嘢,好老實講,我到宜家諗返起都好心痛,更何妨係我哋大人講嘅更有殺傷力！

yuk hei mum

原帖由 milkmilk1995 於 09-11-5 15:38 發表
當佢好大聲答我時, 我真係好震驚, 係我眼中的純潔的小孩子好像變成另一個大人, 所以我覺得佢反叛, 我當然不想放棄, 但常常都因依個問題吵架, 我真係好倦, 好痛心, 佢話唔好干涉佢, 自己有分數, 根本冇灣轉, 係唔到我 ...

[ 本帖最後由 tinetinew 於 09-11-5 16:04 編輯 ]

作者: irisyan 時間: 09-11-5 16:16

中學的確是要用電腦做功課, 但並非全部用電腦, 你可以要求佢做完其他功課, 剩下的等你返屋企開電腦比佢做; 另外, 電腦最好放廳度, 出出入入可以知道佢做緊咩

原帖由 milkmilk1995 於 09-11-5 15:13 發表
我有試過, 成日話要上網做功課,CHECK 依樣個樣, 我唔係成日係屋企, 所以最後覺得對佢成效不大 !

作者: HumbleHeart 時間: 09-11-5 18:12

原帖由 milkmilk1995 於 2009/11/5 15:38 發表
當佢好大聲答我時, 我真係好震驚, 係我眼中的純潔的小孩子好像變成另一個大人, 所以我覺得佢反叛, 我當然不想放棄, 但常常都因依個問題吵架, 我真係好倦, 好痛心, 佢話唔好干涉佢, 自己有分數, 根本冇灣轉, 係唔到我 ...

Hi milkmilk1995,

幾倦，幾痛心都好，你哋係兩母子，血濃於水，冇得放棄。稍為休息後都要再撑起。其實處理方法有許多，但那一種最有效及合適，祇有你哋才會知。看了另一個家長提供的參考書沒有 (7－8年級，改變孩子一生的命運 ) ? 裡面都有好幾個建議方法可能有效 (例如培養相同興趣以改善溝通，或不要太緊張細節，只守緊道德上的大原則等...)。照你描述之現況，硬碰硬已經冇機會work啦, tinetinew之做法 (...我好嬲,但我行開咗,幾日後我同佢係好和平嘅氣氛下傾返,佢好後悔佢所講嘅嘢.....)可以一試wor.

十卜你

作者: 27/6/2008 時間: 09-11-5 20:13

都成13歲，點擔心得咁多，有時真係要做得狠D。13歲管得到，23歲呢?33歲呢?... 現在好多33歲人都好似你仔仔咁架。人生係佢自已，一定要佢自己痛過、跌過先有效!就數考第尾、留班、出校都要接受，你得唔得?

作者: irisyan 時間: 09-11-5 22:23

完全放手不可能得, 成績退步還有機會重新努力, 但萬一在網上認識了壞人, 就未必可以返轉頭啦

原帖由 27/6/2008 於 09-11-5 20:13 發表
都成13歲，點擔心得咁多，有時真係要做得狠D。13歲管得到，23歲呢?33歲呢?... 現在好多33歲人都好似你仔仔咁架。人生係佢自已，一定要佢自己痛過、跌過先有效!就數考第尾、留班、出校都要接受，你得唔得? ...

作者: xmanman 時間: 09-11-6 14:00

我好明白你的感受, 因為我仔都係!!  佢常常掛在口的說話就係"你好煩", 我聽到會好傷心! 中一的時候係最難頂的時期, 差不多個個星期都要同佢吵架, 佢會話我煩, 態度差, 駁嘴, 黑面, 有時我真係激到哭了很多次呢!! 我當時就想反叛期到啦, 現在先係開始!  原來青少年的反叛期不是只有青少年在變, 家長都要變, 如果再用小學的方法對待佢, 佢一定唔受, 反而令大家的關係進入冰河時期!!  佢唔比我檢查書包, 功課....等等!!  如果我專登問佢學校的野, 佢唔講, 佢話唔想比我知.. 唉, 真係好頭痛的!!
不過在這過程裹, 我明白了一些, 問佢學校的野要用傾計的方法, 唔刻意去問, 等佢自己講, 仲有佢講幾多, 我就收幾多, 唔好長氣及多問, 將碎片組合起來就是自己想知的事情!!  至於打機, 我今年同佢約法三章, 只要功課應付到, 無欠交, 老師無投訴, 每晚九點前是佢自己的時間, 九點後一定要關機溫書or做功課!  完成後佢又有自由時間, 11點前一定要sleeping!!!  現在我都係實驗中, 有時佢都做唔到, 不過他在改進中, 比時間他!!

作為家長, 對青少年我們是要學放手, 唔可以放棄!!!!! 我老公帶出一個重點, 令我明白, 阿仔一定要錯過, 才會明白, 才會學懂, 才會自己走正確的路, 當他發現自己只打機, 荒廢學業的話, 帶來的不好後果要自己承擔! 我現在正正學習放手, 讓他跌倒, 自己起來!  最緊要同佢保持良好關係, 不要令他疏遠自己!!

原帖由 milkmilk1995 於 09-11-5 10:49 發表
兒子13歲半他頗聰明，為人自我，精於駁嘴詭辯，特別抗拒父母的勸喻，習慣性遲到,最近我和他常因打機, 不滿意他很晚才開始做功課,吹他早點瞓覺而吵架了，我大聲責罵他,他竟然更大聲罵我, 話我煩, 態度差, 駁嘴,我感到很傷心，很失 ...

作者: xmanman 時間: 09-11-6 14:07

請問這本書有繁體嗎? 在香港有得買嗎??

我正在學習在自己好嬲的時間, 學會行開, 而唔係同佢開戰, 不過真係好難....

學習中...................

原帖由 HumbleHeart 於 09-11-5 18:12 發表

Hi milkmilk1995,

幾倦，幾痛心都好，你哋係兩母子，血濃於水，冇得放棄。稍為休息後都要再撑起。其實處理方法有許多，但那一種最有效及合適，祇有你哋才會知。看了另一個家長提供的參考書沒有 (7－8年級，改變孩子一生的命運 ...

作者: HumbleHeart 時間: 09-11-6 15:11

原帖由 xmanman 於 2009/11/6 14:07 發表
請問這本書有繁體嗎? 在香港有得買嗎??

我正在學習在自己好嬲的時間, 學會行開, 而唔係同佢開戰, 不過真係好難.... 學習中...................

...

Please check PM

作者: Ben2003 時間: 09-11-6 20:15

>每日放學補習

後回家已是7,8點

八卦一問....

7, 8 點回家，跟住食飯？

食完飯通常幾點？

原帖由 milkmilk1995 於 09-11-5 10:49 發表
兒子13歲半他頗聰明，為人自我，精於駁嘴詭辯，特別抗拒父母的勸喻，習慣性遲到,最近我和他常因打機, 不滿意他很晚才開始做功課,吹他早點瞓覺而吵架了，我大聲責罵他,他竟然更大聲罵我, 話我煩, 態度差, 駁嘴,我感到很傷心，很失 ...

作者: super11mum 時間: 09-11-7 00:54

我個仔都係，由五年級開始就話我好煩、態度差、駁嘴，我心裡難受亦哭了很了多次，我不會放棄，唯有等佢長大懂事啦

原帖由 xmanman 於 09-11-6 14:00 發表
我好明白你的感受, 因為我仔都係!! 佢常常掛在口的說話就係"你好煩", 我聽到會好傷心! 中一的時候係最難頂的時期, 差不多個個星期都要同佢吵架, 佢會話我煩, 態度差, 駁嘴, 黑面, 有時我真係激到哭了很多次呢!! ...

作者: irisyan 時間: 09-11-13 23:09

細路仔一陣陣咋, 我個女早兩年都好勞氣, 成日欠功課, 鬧又無用, 打又吾得, 五年級上學期更因此被記缺點一次.
但無論我點鬧佢, 佢都吾怒我, 有咩事都會同我講.
直到五年級下學期呈分試前, 亞女突然乖左, 佢成績一下子進步左好多, 由以前全級2x跳到前十名, 今年更入讀band 1英中.
希望在明天, 請不要放棄!

作者: esprincess 時間: 09-11-15 21:00

都係慢慢等，暫時最重要係親子關係，可以鬧，但點到即止，唔好傷感情，再過幾年他就會識諗。

作者: DUMMA 時間: 09-11-16 19:30

我個咪一樣，中一時我激到嘔血，大家都起唗鋼，一D辦法都冇...
暑假佢去咗外國一個半月，返來我同佢正式簽訂了協議書，釘咗係佢枱頭，我覺得有D用, 比你參考吓,

協議書

母親(
)與兒子(
)雙方一致同意如下相處之道：

一、
母親的責任
1.
母親應愛護兒子，包括
每月每月付HK$ 給兒子使用； (HK$  儲起)
b)
若物價通脹、時節慶祝活動，母親應增加月例；
c)
若看病、驗眼、剪髮、添衣褲鞋襪等，母親應負責付款。
2.
母親應信任兒子，包括
a)
不要問他錢使在哪裡；
b)
不要問他上課時靈魂飄到哪裡；
c)
不要問他下課後時間用在哪裡；
d)
只要一心一意信任他可以做得到，做得好。
3.
母親的目標，包括
a)
不再打駡兒子；
b)
每個月最多發一次脾氣，不准長過30分鐘；
c)
努力工作賺錢，節衣縮食。

二、
兒子的責任
1.
兒子應尊敬母親，包括
a)
儘量提供八掛消息，以滿足母親好奇心；(流料除外)
b)
不要寸寸貢，她敬你一尺，你敬她一仗；
c)
與母親多溝通時間和節目安排。
2.
兒子應尊重自己，包括
a)
勤奮向學，努力上進，多參與有益的課外活動；
b)
凡事儘心儘力，做到最好。
3.
兒子的目標，包括
a)
每個月最多整嬲母親一次；
b)
參加  ，成為正選；
c)
交齊功課project，樣樣做到最好；(樣樣都計分架)
d)
上堂、補習、自修等專心一致，用最短時間溫習，考全級  以內。

三、
其他：
1.
本協議書並沒有法律效力，但有良心效力。

母親：
兒子：
____________
__________

簽於2009年  月
日，香港。

而家中二，我有時仲會扯火, 但比較好D啦, 上星期學校FUNCTION, 我去接佢走, 佢竟然在同學面前不叫我, 扮唔識, 我當場忍咗...
事後我好認真咁同佢講, 下次佢再唔認我, 我會衝上前, 抱實佢狂咀.... 佢O唗咀, 跟住狂笑...但我知道佢下次一定會叫我 : )

試吓改變說話方式, 其實佢哋明架, 不過你越激氣, 佢哋越頂到行.

作者: tinetinew 時間: 09-11-16 22:00

hi,

呢樣我正在努力中！

yuk hei mum

原帖由 DUMMA 於 09-11-16 19:30 發表
試吓改變說話方式, 其實佢哋明架, 不過你越激氣, 佢哋越頂到行.

作者: mayc 時間: 09-11-18 08:35

DUMMA:

有時真係要用幽默的方式去同佢地相處!

原帖由 DUMMA 於 09-11-16 19:30 發表
我個咪一樣，中一時我激到嘔血，大家都起唗鋼，一D辦法都冇...
暑假佢去咗外國一個半月，返來我同佢正式簽訂了協議書，釘咗係佢枱頭，我覺得有D用, 比你參考吓,

協議書
母親(
)與兒子(
)雙方一致同意如下相處之道：

一、
母親的 ...

作者: Annabellalaw 時間: 09-11-18 09:57

hi,DUMMA

看了你的協議書,我笑了好一會,那開懷暢快度是...爆灯！

今天撥開雲霧,重新上路真好,有你這幽默有創意的家長送禮,果真是選對了吉日

說我自閉真的沒錯,

這麽年來,遇小事（芝蔴綠豆如浪費食水...）會大吵,遇大事（不外乎成績退步,拍拖失戀,有外遇...）就會閉關,除了日常基本動作,家長職責外,就會默不作聲,木無表情,陷入深思狀態,每當夜闌人靜,輕則會唱歌自療,重則就會執拾房間,通宵達旦...如今全屋死角都一塵不染,10足 " 年廿八洗邋塌" ,相處近三30載的都知有難,不敢莽撞

,暗裹怪他不解温柔,其實是自作孽不可活,每每要自己想通想透,有了定案,才能歸位如常,旁人無從入手,

我要向你們學習,放開自己,求教他人,多謝你們,感謝BK.

很欣賞有幽默感的人,偏偏自己沒有,奈何！

原帖由 DUMMA 於 09-11-16 19:30 發表
我個咪一樣，中一時我激到嘔血，大家都起唗鋼，一D辦法都冇...
暑假佢去咗外國一個半月，返來我同佢正式簽訂了協議書，釘咗係佢枱頭，我覺得有D用, 比你參考吓,

協議書
母親(
)與兒子(
)雙方一致同意如下相處之道：

一、
母親的 ...

作者: judy 時間: 09-11-18 12:34

原帖由 DUMMA 於 09-11-16 19:30 發表
我個咪一樣，中一時我激到嘔血，大家都起唗鋼，一D辦法都冇...
暑假佢去咗外國一個半月，返來我同佢正式簽訂了協議書，釘咗係佢枱頭，我覺得有D用, 比你參考吓,

協議書
母親(
)與兒子(
)雙方一致同意如下相處之道：

一、
母親的 ...

不平等係約。

作者: Annabellalaw 時間: 09-11-18 13:25

我c6話,

條約永冇平等,梗有一方着數,

無符

原帖由 judy 於 09-11-18 12:34 發表

不平等係約。

作者: DUMMA 時間: 09-11-18 14:58

梗係不平等, 係人都睇得出啦, 我就係要佢日睇得出ma!我有心計架!

作者: Annabellalaw 時間: 09-11-18 15:16

我要學你放一份係床頭同門口

原帖由 DUMMA 於 09-11-18 14:58 發表
梗係不平等, 係人都睇得出啦, 我就係要佢日睇得出ma!我有心計架!

作者: eviepa 時間: 09-11-18 19:04

Dear all,

專家話不打、少罵、少哦；多欣賞、讚賞、鼓勵就可以教到乖仔乖女。我傻傻地咁信左，仲將少罵、少哦升呢做不罵、不哦。

我個女都係十三歲，到今天人人都話乖，而且一點兒的反叛都察覺不到。

eviepa

作者: super11mum 時間: 09-11-19 10:20

完全同意，做家長都真係要學會改變，最重要同佢keep住friend，咁先有計傾

原帖由 xmanman 於 09-11-6 14:00 發表
我好明白你的感受, 因為我仔都係!! 佢常常掛在口的說話就係"你好煩", 我聽到會好傷心! 中一的時候係最難頂的時期, 差不多個個星期都要同佢吵架, 佢會話我煩, 態度差, 駁嘴, 黑面, 有時我真係激到哭了很多次呢!! ...

作者: Annabellalaw 時間: 09-11-19 13:37

hi,eviepa

專家的話我聽了很多很多,講座亦參于不少,甚至曾絕跡經年,為免事後受困惑沮喪之苦,皆因我往往知道是大道理,但卻無能處之,責已之心更切,

你的金石良言,我是想試又不敢試,試了又不放胆,未及半途就已收兵,那種誠惶誠恐,不知是否必經階段？

看過你在 "家長常犯錯誤一因加得減" 中的分享,簡直傾慕,如今有緣相交,想請教:

中三成績要面對選科的優先權,我是否只能順其自然？恐怕我做不到...

萬一入不到理科（或理想科目）,有家長提議留班（直資校,有人考70都照樣申請）,是否值得犧牲？

老師早前已希望她選art,我怕太費時會影響其他科目的成績,是否短視？

希望教！

annabella

原帖由 eviepa 於 09-11-18 19:04 發表
Dear all,

專家話不打、少罵、少哦；多欣賞、讚賞、鼓勵就可以教到乖仔乖女。我傻傻地咁信左，仲將少罵、少哦升呢做不罵、不哦。

我個女都係十三歲，到今天人人都話乖，而且一點兒的反叛都察覺不到。

eviepa ...

[ 本帖最後由 Annabellalaw 於 09-11-19 13:58 編輯 ]

作者: Ms.ChanChan 時間: 09-11-19 15:19

原帖由 DUMMA 於 09-11-16 19:30 發表
我個咪一樣，中一時我激到嘔血，大家都起唗鋼，一D辦法都冇...
暑假佢去咗外國一個半月，返來我同佢正式簽訂了協議書，釘咗係佢枱頭，我覺得有D用, 比你參考吓,

協議書
母親(
)與兒子(
)雙方一致同意如下相處之道：

一、
母親的 ...

DUMMA,

睇完你份協議書，真係眼淚都要滲出來，唔係笑...而係凄苦。

我自己也在努力中，嘗試多些幽默，少些責難，成效時好時壞，但點都唔會放棄!

作者: DUMMA 時間: 09-11-19 15:50

各位, 加油呀.
其實每個小孩有天生性格, 並不是別人個套可套落自己個度, 而且每個家庭條件不同, 每個C6付出程度又不同, 做亞媽係淒涼架啦!唯有儘力啦!

作者: wunma 時間: 09-11-19 15:55

提示: 作者被禁止或刪除內容自動屏蔽

作者: samuel89 時間: 09-11-19 16:19

原帖由 judy 於 09-11-18 12:34 發表

不平等係約。

唔仔唔守約果陣...咪更加不平等

作者: DUMMA 時間: 09-11-19 17:07

合約簽之前佢睇過,修改過, 加上係亞仔一生人第一份白字黑字之合約, 對佢有D魔力架, 比起口頭上答應, 佢係明顯有心遵守咗. 當然, 我個人覺得"家心計"有d用, 時刻提醒佢亞媽付出緊d mug, 佢又應該付出d mug.
另一方面, 亦係對我自己提醒, 攃住自己啲火同囉嗦.
各人有各人方法, 我只係提供參考.亦博各位苦中一笑啦.

作者: eviepa 時間: 09-11-19 20:43

Annabella,

專家講得頭頭是道，但難以實行的，通常都是要長期才有效的。我在 "家長常犯錯誤一因加得減" 中的分享，所講的都是長期要做的事。我強調在中學階段要將學習的責任交給孩子，但從小學由家長主導，到中學令子女學到自立自主，是個漫長的過程。我自己就由小六第三次呈分試做分界，因為往後起碼有中一、二完全不需為分數而煩惱的日子，所犧牲短期分數沒有後顧之憂，令女兒學習自主。這是治本。

但目前，妳孩子面對中三的選科，不是極重要，但也不算小事，所以不是一個很好的時間去完全放任。至於要放到甚麼程度，控制到甚麼程度，我對妳的情況不了解，所以無從建議。妳可以講多一點問題在那裡嗎？

eviepa

作者: Annabellalaw 時間: 09-11-19 21:54

eviepa

多謝你的回覆,

我有五個女兒,中三這個排行第三,

五個女兒自小就很獨立,學科成績完全自己負責,不補習亦不摧谷（甚少做坊間練習）,不過堅守學生本份是大原則,不會有商量餘地（學歷所限,我只有中三程度,必須培養她們的自學能力,應付中學所需）,自主嘛...,我只會慢慢放,但在她們眼中我仍是個專制的媽咪,
（例如出來做事和大學的可擁個人電腦,小四,小一和她仍要我開密碼才可以用電腦...）

用電腦這卡亦是我的育兒死穴,我完全有種左右為難,惶恐忐忑的感覺,這方面希望你可以说服我,因為我知道我應該放手,但我有莫名的恐懼...

人人都說我經驗豐富,實情是每個都各有特質,品性天資各異,細意處理就是新個案,無經驗可言,頂多不致手足無措罷了,

三女機靈聰穎,盡鑒貌辨色之能,深得師長喜愛,因她的個性特質,我對她相對两位家姊,管教會鬆軟點,由於她主科英文較出色,中文較差,故我送她往直資（當時她是bank2頭,課外活動出色,怕她勉強入傳統英中會應付得吃力,刻意選現讀的新直資（亦是有質素,有要求的學校）,學校初期會因應小朋友的程度而遷就進度）,

每天課後温習,完成功課,預習這些程序,她大致會做妥,但少見她做筆記,

有時考試前タ才會有機會見她寫一次筆記,勸她反正要做,何不提早些做,多用幾次似化算點,她解釋只為方便帶回校温習,輕裝上陣,樂得逍遙,她自學的實質質素如何,我無力衡量,我只能看分數,

中一最後79升中二,科科合格（校內主科一科不合格留班,嚴格執行）

中二由全級100,最後57升中三,科科合格,中文65+,英文80+,我大致滿意,

中三最近派卷:

數64.5分（學校刻意加深試題,建議學生及家長數學80以上可以讀理科,60-70就危危乎）

中作48.5 中閱78 生物63 生物科技64.5

英作66 英文54 中史65 通識33 物理73

化學74

她的成績令我擔心...

原帖由 eviepa 於 09-11-19 20:43 發表
Annabella,

專家講得頭頭是道，但難以實行的，通常都是要長期才有效的。我在 "家長常犯錯誤一因加得減" 中的分享，所講的都是長期要做的事。我強調在中學階段要將學習的責任交給孩子，但從小學由家長主導，到中學令子女學到 ...

[ 本帖最後由 Annabellalaw 於 09-11-20 02:31 編輯 ]

作者: Annabellalaw 時間: 09-11-19 22:09 標題: 回覆 42# Annabellalaw 的文章

女兒個性開朗,長得亦算標緻,是那種坐地鐵都會分別有兩三個來要電話,e mail那種（我眼見已好幾次,她打扮絕對斯文得體,不是招人輕挑之流）,

她中二下學期時情荳初開（同班同學仔）,暑假時（不用上課,為阻他們單獨機會,唯有做跟得工人）我那種管接管送的日子,淒涼到不想記起（我沒有工人,一頭煙的情況可想而知）,中三考試期間甩拖（只限15分鐘電話,間中食早餐,知她會偷偷傳纸仔）,成績滑落估計與此有關,

學校說,選理科保守要在全級60名內（２班）

兼該科成績要有60分

請你給我意見,多謝！

annabella

[ 本帖最後由 Annabellalaw 於 09-11-20 07:47 編輯 ]

作者: mattsmum 時間: 09-11-19 22:19 標題: 回覆 2# Annabellalaw 的文章

5!!!!!!!!!!!!!!!

作者: eviepa 時間: 09-11-20 02:10

Annabella,

生物科技，冷門。令千金的學校應在觀塘校網吧？

妳現在有一個短期目標，一個長期目標：
1. 短期是今年要考六十以內，而且數學要超過六十分。
2. 制定長期的學習策略。

今晚只有時間講短期目標。Quick fix雖然不是我的強項，但妳可以參考一下我的做法。

1. 攻心為上

a) 要讓妳女兒知道妳所做的，純以她的福祉為依歸，盡量將女兒成就來耀的心態減低（最少收藏得好一點，不要讓她知道）。以下是我和囡囡的一則對話：

「爸爸，既然你尊重我的決定，那麼我長大了想做乞丐，你會同意嗎？」

「如果妳能說服自己，說服爸爸，做乞丐就可以得到幸福，我會支持妳的決定。不過，妳能否說服自己？」

「咁又係。」

b) 和令千金制定action plan時，要讓她心服口服？絕不可以用家長的權威將她心不甘、情不願的目標強加諸她身上。

在 "家長常犯錯誤一因加得減" 中的分享中，二十幾年前，我弟弟之所以肯將他承諾的嚴格執行，從而得到近乎立竿見影的躍進，其中一個要點是，這約章是他完全同意的，絕非我強加於他的。

2. 要求要合理

二十幾年前，我弟弟之所以肯將他應承我的嚴格執行，另外一個關鍵就是目標非常合理，即是商場上做計劃時 “SMART” rule中的 “A” - achievable。

香港人普遍都以為要拿高分就要用極多時間讀書，但實際上，這是極錯的。妳可以見到，我和我弟弟都只憑著功課外，每天45分鐘到一小時的溫習時間，成績就可以有飛躍的進步。我天資平平的囡囡讀band 1 中一時，談笑用兵也可以在中二保住精英班的地位。前些陣子測驗只用極少時間溫習，就能在精英班中取得不錯的排名，誰說拿高分一定要花很多時間溫習？這驗證了自發性讀書的優越性。

如果讀英中中三，要取好成績，功課以外大概每天二、三十分鐘溫習時間就足夠有餘了，況且令千金的英語程度不俗，很可能二十分鐘這下限就足夠。令千金大概會心甘情願地接受，亦可以享受人生。

做到了二、三十分鐘的溫習後，其餘時間是她自己的，要打機、要看電視、（要拍拖），不要干預，

3. Selling Point

令千金不一定想讀理科。但可以用以下的賣點去說服她：「妳不一定喜歡讀理科，但現在用功，在學期末時有資格在文、理、商三者任意選一，不是比任由學校宰割為佳嗎？」

「要有這個地位，今天就要有計劃，我們現在一起計劃，令妳有這個能奈吧。」

eviepa

作者: Annabellalaw 時間: 09-11-20 02:49

eviepa

多謝你抽寶貴時間覆我,

我讀字比較慢,你的意見我會認真細嚼,

我還是戰戰兢兢,真的可以任她做喜歡的事？不過我會鼓起勇氣試試,

再次謝過！

annabella

原帖由 eviepa 於 09-11-20 02:10 發表
Annabella,

生物科技，冷門。令千金的學校應在觀塘校網吧？

妳現在有一個短期目標，一個長期目標：
1. 短期是今年要考六十以內，而且數學要超過六十分。
2. 制定長期的學習策略。

今晚只有時間講短期目標。Quick fix雖然不 ...

[ 本帖最後由 Annabellalaw 於 09-11-20 12:03 編輯 ]

作者: Annabellalaw 時間: 09-11-20 03:13

eviepa

面對你的回覆,我似個抓住水泡的娃娃,拼命向岸游去,

我有點怕...為何要放的手會抖...？

鬆緊的拿揑...我突然變得棋子難下...但其實我深知這一步是要走的,不知為什麽,對她我似乎要格外留神,

真的很感激你的意見,期望看到你對我建議的長期目標中的學習策略,

謝謝！

annabella

原帖由 eviepa 於 09-11-20 02:10 發表
Annabella,

生物科技，冷門。令千金的學校應在觀塘校網吧？

妳現在有一個短期目標，一個長期目標：
1. 短期是今年要考六十以內，而且數學要超過六十分。
2. 制定長期的學習策略。

今晚只有時間講短期目標。Quick fix雖然不 ...

[ 本帖最後由 Annabellalaw 於 09-11-20 03:19 編輯 ]

作者: wunma 時間: 09-11-20 09:29

提示: 作者被禁止或刪除內容自動屏蔽

作者: Ms.ChanChan 時間: 09-11-20 10:24

原帖由 eviepa 於 09-11-19 20:43 發表
Annabella,

專家講得頭頭是道，但難以實行的，通常都是要長期才有效的。我在 "家長常犯錯誤一因加得減" 中的分享，所講的都是長期要做的事。我強調在中學階段要將學習的責任交給孩子，但從小學由家長主導，到中學令子女學到 ...

eviepa & 其他家長,

讓孩子自理，在學業上，我由小女三年級開始都一直奉行著"放手自理"，即使五，六年級的呈分試也一直這樣，猶幸女兒成績一直不錯，雖然永遠不是最top那幾個，但緊守著二線位置(級10-20名)，我亦已滿意。

升上中學，我繼續我的"積極不干預"政策，但見女兒越來越鬆散，成績雖仍算中上，但可能也只是僅僅中間好少少的邊緣而已，今年中二，選科前夕，再退下去後果堪虞。但因為一直放手慣，要插手亦無從。

罵過鼓勵過，效果時好時壞，請教是繼續不干預，還是...？

夜闌人靜，做媽媽的我常思己過，反覆檢討 (你說是否悽苦？)過早放手，是智還是不智？

作者: wunma 時間: 09-11-20 10:35

提示: 作者被禁止或刪除內容自動屏蔽

作者: Ms.ChanChan 時間: 09-11-20 11:34

原帖由 wunma 於 09-11-20 10:35 發表
Ms ChanChan,

妳囡囡學校水平高, 能keep中上已非易事, 上大學也沒問題, 如令千金鬆散是因為做其他事情, 如課外閱讀, 運動, 不是整天"hea", 上網打機, 我覺得她開心的話, o.k喎.

我面對的問題, 是囡囡像"隱青", 做 ...

wunma,

謝謝您的鼓勵!

小女鬆散，正正因為上網時間太多，因為她的學校很多功課要用電腦做，(例如網上練習；搜索資料，用powerpoint做project/presentation等等) 因利成便，會心散放很多時間在msn/facebook。不專心是導致成績未如理想的主因。

成績中上，其實我亦非不滿意，只怕她成績繼續滑落，到時再救就難了。

為什麼您覺得令千金不太開心呢？是不適應中學生活？

作者: wunma 時間: 09-11-20 11:53

提示: 作者被禁止或刪除內容自動屏蔽

作者: judy 時間: 09-11-20 12:56

原帖由 eviepa 於 09-11-18 19:04 發表
Dear all,

專家話不打、少罵、少哦；多欣賞、讚賞、鼓勵就可以教到乖仔乖女。我傻傻地咁信左，仲將少罵、少哦升呢做不罵、不哦。

我個女都係十三歲，到今天人人都話乖，而且一點兒的反叛都察覺不到。

eviepa ...

唉，eviepa的囡囡真幸福，象終日生活在晚春初夏。我的孩子生活在現實的香港，幾乎每日都感受到春厦秋冬。

昨天，阿大阿二都參加学校的運動會，各自經歷了跑道奇遇記，阿大參加千五米，一開始跟在主人群，跑了半圈，見班中的田陘隊同学突放，佢就死跟..."結果呢？" 我問。"唔知何時，個同学仔唔見咗，我唯有拚命跑..."，"咁你跑第幾?"，"唔知"。阿大跑第幾都唔知，阿二呢，佢跑100米，佢話，佢跑跑吓跑錯線，聽到同学仔的提酲，才跑回原線，結果呢，跑尾ニ。嘩，佢為咗有人包佢尾，開心到雀仔咁。我本來想話吓佢地，但早前見到Eviepa的文章，話要讚，於是，挖空心思讚了佢地一下。

點知，讚完佢地，佢地又要獎。我結果請佢地吃大葷蟹。

例牌，佢地多謝我，我心想，佢地都要謝謝Eviepa。

作者: judy 時間: 09-11-20 13:03

原帖由 wunma 於 09-11-20 11:53 發表
她終日都是皺眉的, 問她學校的事情, 樣樣都說o.k, 成績o.k, 同學關係o.k, 適應中一生活o.k, o.k是她的口頭蟬. 但她一向都不喜歡返學, 不關學校事.

不明白她人細細, 為何會只喜歡獨個兒在家, 問又問不出所以, 我們每 ...

小学時係唔係咁呢？

作者: sarah_0719 時間: 09-11-20 13:16

睇到你地既分享真係好有用!
雖然我仔仔而家先5歲，但始終係男仔，反叛都好難避免。
希望我吸收左大家意見，將來可以用得著！多謝大家分享呀！

作者: ZZdaphne 時間: 09-11-20 13:34

原帖由 wunma 於 09-11-20 11:53 發表
她終日都是皺眉的, 問她學校的事情, 樣樣都說o.k, 成績o.k, 同學關係o.k, 適應中一生活o.k, o.k是她的口頭蟬. 但她一向都不喜歡返學, 不關學校事.

不明白她人細細, 為何會只喜歡獨個兒在家, 問又問不出所以, 我們每 ...

你女兒有點似小女，問什麼都是OK啦，
終日喜歡逗留在家，
出街就皺眉，黑口黑臉，
我老公硬要她出去，她雖不願意，
還幸尚肯聽話會出去，
上深圳食自助餐，去白石打高球，去西貢閒逛，去中環食雲吞面，鴨寮街買電腦用品.......
有時回來嘈嘈閉，
有時又會覺得好好玩，
我們希望佢可以發掘到有趣的人和事，
唔好終日閉關如井底之蛙，
我們做父母行一大步，
希望佢會行一小步。

好彩佢間學校都規定佢地做小小課外事，
上年响街賣獎券，今年要去睇演唱會，
佢會和同學一起去，大家要聯絡聯絡。

[ 本帖最後由 ZZdaphne 於 09-11-20 13:47 編輯 ]

作者: judy 時間: 09-11-20 14:29

上深圳食自助餐，去白石打高球，去西貢閒逛，去中環食雲吞面，鴨寮街買電腦用品.......

我嗰两個超仲意食嘢，而且食相好好，會說多謝爸媽，阿二有時還表示大個時会掙錢請我哋食好嘢。不過，我哋好少出街食，一有得出街食，佢地就好開心。

作者: wunma 時間: 09-11-20 14:31

提示: 作者被禁止或刪除內容自動屏蔽

作者: wunma 時間: 09-11-20 14:35

提示: 作者被禁止或刪除內容自動屏蔽

作者: judy 時間: 09-11-20 15:33

原帖由 wunma 於 09-11-20 14:31 發表
都差不多的. 不過現在嚴重了一點, 所以我想, 可能是反叛期到了.

她是超級早熟, 總覺得同年紀的人很幼稚, 又不想我把她看成小孩般對待. 對學校的事情, 我問, 她答, 不問, 就不主動講, 好像學校沒有什麼東西值得去提 ...

我問学校的事情，佢哋会答又係咁，冇咩特別啦。問成績，答普普通通。我要到見家長時，才知成績。我現在可以管的，都是日常作息的小事情，其他的，都管唔到啦。

阿二每晚都会拉小堤琴，我去聽，佢累了，就会停一下，和我說說学校發生嘅嘢，我通常只是哦哦哦答着，如果講太久，我就会叫停佢拉過。总之，談話的氣氛越自然越好。

作者: hhma 時間: 09-11-20 16:04

甘多家長一齊分享
真係bk會員的福氣
真心由衷說聲謝謝

大仔剛上中一
學習上的適應期原料比我想像中長
無左呈分試時的衝勁
本來小六已經放左手既, 都要pick up返
堂上既英作, 小六個時寫既好過現在多多聲
我都唔知問題係邊

[ 本帖最後由 hhma 於 09-11-20 16:11 編輯 ]

作者: eviepa 時間: 09-11-20 20:41

唉，eviepa的囡囡真幸福，象終日生活在晚春初夏。我的孩子生活在現實的香港，幾乎每日都感受到春厦秋冬。

Judy,

從前我囡囡讀臻美這樣的愉快學校，當時很多網友認為她的愉快學習，很大程度因為學校的輕鬆課程。但現在回歸傳統，她仍然快樂，仍然輕鬆。

妳阿大阿二的根底不會比我囡囡差，為何不可以放鬆一下讓她們享受人生？

eviepa

作者: eviepa 時間: 09-11-20 22:45

Annabella,

如果妳接納每天功課後二、三十分鐘的溫習時間的話，以下要注意：

1. 最理想是要求囡囡溫二十五分鐘，聽下去二十五分鐘似乎很少，但實行起來其實絕不容易。妳囡囡會很爽快地答應，但多半做不到。我建議如果能做到二十分鐘，就要大加讚賞。因為二十分鐘就肯定能夠成績大幅進步。讚賞之下的少女會更有勁去實行，甚至超額完成。

2. 真的不要管她的自由時間，要做的是鼓勵她多玩樂，要管的是要她做足二十分鐘。一個少女苦讀時只要知道，每天二十分鐘，或是每周140分鐘的溫習後就可以獲得「自由」、獲得父母的讚賞、獲得美滿的成績，何樂而不為？

3. 很多家長對這區區的二十分鐘會嗤之以鼻，認為太少，認為一、兩小時以上才管用。但我的觀察是，絕少少年人會做得到這指標，既然做不到，反正溫書多少都只會給父母責備，一件髒，兩件穢，反而平日絕不溫書，到考試才臨忽抱佛腳。

eviepa

作者: eviepa 時間: 09-11-21 00:16

Annabella,

長遠來說，需要做的起碼是：
1. 培養良好親子關係
2. 培養閱讀習慣
3. 幫助建立正確價值觀

1. 培養良好親子關係

a) 少罵、少哦；多欣賞、讚賞、鼓勵。

b) 要做到a) ，必先要調整心態，就是要要求低，不應要求一個十全十美的孩子，要容忍子女有缺點。只要做到中上，已值得讚賞；只要有改善，就要鼓勵。我應用這招於太太和女兒已有很長的時間，要求低，有利於對方的改善。所以我有一個很好的太太，也有一個很乖的女兒。

c) 盡量民主，給予女兒多一點自由，不要做專制君主。

2. 培養閱讀習慣

不知令千金有沒有中英文閱讀習慣，如果沒有的話，快！

3. 幫助建立正確價值觀

妳的女兒已是少女，已有獨立思考的能力，已漸漸形成一套價值觀。這個年紀的少年不可能逼，所有要都要本著她的價值觀而行，否則效果不會長遠。比方說，如果一個孩子根本不想進大學，妳硬要他苦讀來準備考試，考得好成績用來入U，是絕對行不通的。

相信妳女兒是希望讀大學的，妳的角色是要鞏固這個價值觀，只要她很想入U，妳便可以以顧問身份，建議她應怎樣做才能達至這目標，不要做一個思想上的巨人，行動上的侏儒。在中四開學時，這會是另外一個三年計劃的起點。

愉快、有效的讀書方法是我大力鼓吹的，我自己身體力行，女兒的品德、學業、一體一藝各方面的進度都是滿意的，這條路證明是可行的，妳也可以跟著走。

成功後不要忘記告訴我。

eviepa

作者: October. 時間: 09-11-21 10:45

原帖由 wunma 於 09-11-20 11:53 發表
她終日都是皺眉的, 問她學校的事情, 樣樣都說o.k, 成績o.k, 同學關係o.k, 適應中一生活o.k, o.k是她的口頭蟬. 但她一向都不喜歡返學, 不關學校事.
不明白她人細細, 為何會只喜歡獨個兒在家, 問又問不出所以, 我們每 ...

有d孩子比較內向文靜, 深閨d唔出奇啊.通常呢類孩子比較早熟.
我女舊年中一,問她考成點? 千篇一律答我:"O.K.啦";
今年測完返來問她, 科科既標準答案都是三個字書面語:"還可以".
我想, 呢種對答很可能在唔少家有青少年的家庭中出現, 他們不想父母羅嗦下去, 逐以棱模两可的簡答方式敷衍了事;另一方面,這些說話可能也是時下青少年間的流行語, 他們覺得咁講野"型".
唔鍾意返學唔出奇wor, 每天對住磚頭咁厚而又枯燥无味的書本,悶死,我都唔鍾意返校啦.
問我女鍾意邊科? 答我'無科鍾意, 不過,無計啦,唔鍾意都要讀." 我接受她咁講, 只要她明白現階段,讀好書是她的本份,世上很多事情再不喜歡也要去做.

[ 本帖最後由 October. 於 09-11-21 10:58 編輯 ]

作者: judy 時間: 09-11-21 13:01

原帖由 eviepa 於 09-11-20 20:41 發表

Judy,

從前我囡囡讀臻美這樣的愉快學校，當時很多網友認為她的愉快學習，很大程度因為學校的輕鬆課程。但現在回歸傳統，她仍然快樂，仍然輕鬆。

妳阿大阿二的根底不會比我囡囡差，為何不可以放鬆一下讓她們享受人生？

eviep ...

仲有得點放鬆？小学己放手学業。依家，令我發神經嘅係起居飲食，例如，平時，晚上遲睡，早上又太早起。周六日，捉佢地起身跑步打波又叫極唔起身，須知道，球場一分鐘一元，遲15分鐘即唔見了15元，肉痛嘅！

两個性格完全唔同，大忙人嘅阿大忙過許多高級行政人員，Hea hea 吓嘅阿二有時間同阿三争嘢玩。佢地有冇享受到人生，我唔理。我目標單純簡單:

1. 身體要好。
2. 要大得快。
3. 成績要和我期望接近。

第三點我唔太理都做到。第一、ニ點就常冲突。我要阿大做多點運動以備戰會考，阿大却要節食以keep住靚靚身栽參加grad din，點搞？

作者: eviepa 時間: 09-11-21 17:44

Judy,

我不明白有甚麼抵觸，只要有充足的運動，吃相當多也不會胖。而且有充份運動人，體態才是最動人的。

eviepa

作者: eviepa 時間: 09-11-21 19:09

Ms.ChanChan,

講妳的個案前，有一些概念先要攪清楚，以下只針對初中的情況：

1. 中英數是累積性的，科學、地理、兩科歷史是一次性的。

比如說，一個學生A，英文和中史在期中試都是80分，學生B兩科都是40分。假定下學期，學生A放軟手腳，英文不努力，中史又完全不溫書；反之，學生B兩科都很努力。可以預期的是，學生B的中史準會大勝學生A，但英文則無可能勝過學生B。

2. 自動自覺讀書取得的分數是長遠的，被父母監督著讀書所取得的分數是一次性的。

前者因為是自發行為，所以隨著年齡的增長及心智慢慢成熟而來的是越來越勤力讀書。後者是被迫的，隨著年齡的增長，服從性按年遞減，效果越來越弱。到中四時，父母監督著讀書的效果近乎零。不可不知的是，越是監督，自發讀書的能力就越難建立。所以我一向認為中學階段強逼子女讀書是雞取卵。

3. 強迫讀書的浪費會很大。

由於是心不甘情不願，所以在家長視線範圍內便勉為其難讀一下，但母親在廚房弄飯時，最常見的活動大概會是雲遊太虛。但反觀自發行為，沒有受到家長的壓力，想要玩樂就去玩樂，但坐在書桌讀書時，肯定會聚精匯神，讀一小時勝過被迫的幾小時。

如果講懶散，妳女兒可能還不及我囡囡。剛升中時，因為讀中中，溫書量可以少一點，我和她約法三章，每周撥一小時來溫習。從任何一個角度看，每周一小時都是一個小數目。不過，開學的頭兩個星期她照著做，但以後就沒有做。問她為何不守諾言，她答：「我之前唔知道原來中學咁少野讀呀。」以後一於不到測考就不讀書。

我對她的要求是「能升班」，至於中二時能否留在精英班我是不在乎的。不過，我不在我乎她卻在乎，結果她用了少到不能再少的溫習時間，成功在中二留在精英班。

前些陣子剛剛完成了中二的第一次測驗，她也是不到測驗不讀書，更甚的是在測驗的八天內，乒乓球照樣練習幾小時、羽毛球班照上、畫班照學、電腦照打、而且星期天還去遠足、每晚仍煲「宮心計」。不過，成績有了一個不大不小的進步，吹佢唔漲。

我覺得她能以極少的溫習時間勝過大部分的同學，原因是：
1. 在小學，當人家忙著為分數著緊時，我不理會分數，幫她打穩中英數根底。
2. 她讀書是為自己，並不是為父母。自發讀書的優越性就顯露了出來。

Ms.ChanChan,

我囡囡的情況對妳有啟發嗎？

eviepa

作者: Annabellalaw 時間: 09-11-21 22:51

eviepa,

深宵看到你的回覆,談到優質（不涉貧富）家庭生活中的三個基本條件,很有些感受和意見,真個暢談,恐怕一發不可收拾,

奈何我只懂用手寫板,寫得太久吧,發文章時卻給跑了去,氣得文思也變了臉,變了的東西我不要...關機！睡去...那是昨晚的事了,

此刻先談親子關係中的民主,

我常覺得愛孩子也要愛自己,在父母付出真誠真意之下,也應因應自己的性格和背後條件而行,太勉強而變成失去自我,我認為會傷身,亦不必要,因為孩子亦不需要十全十美的父母,

民主這玩兒對我來说是又敬又畏,說穿了是十分敬,萬分畏,真民主要講厚條件,閒時間,父母意念清晰又要肯身體力行才有好結果,以我薄弱的家境,學歷的不足,女兒年距之大,涉及不同階段不同管治下,用一家三制也是應變吧,

我在第三個女兒開始,我已奉行你的二少三多,深知教出的女兒確實比較開朗和機靈,勇於發表意見,主動性亦強,從中我會多加一個擁抱,和一個單對單的親子約會,我覺得這兩點可以彌補父母在親子問題上犯錯和不足時的修補潤滑,這是保健劑,事發時才做,效力不強,

談到民主,是我死穴,為填補缺失,我用保健劑亦用你的攻心計（當然未必及你的爐火和技巧,學習中...）
是假民主在前,真民主在後,何時放行,請用行動爭取,不論年齡,只求實幹,以事論事,

在多年的磨鍊下,要求十全十美的心態早就所剩無幾,我是傳統山羊座媽咪,在守本份,不擾人,保安全的大原則下仍會死守底線,底線以外的人情,她們務必以尊重師長的口吻（可另加可接受的幽默）,用合理的條件和解釋來申請,

我承認從民主角度我是暴君,不容侵犯踩綫,所以我很少向人坦白所為,亦明白會犯陰奉陽違之險,要花點心思應付,说服她們,
不過我和女兒的親子關係是不錯的,我愛她們之餘,她們亦很包容我,亦摸透我,感受到我對她們的付出,相處其實是輕鬆愉快的,大致上我認為是中上質素,

問題在,我如何放行三女的戀愛的問題？引申到上網和用手提（已沒收大半年）的自由,
剛剛容她跟新男友看 2012 ,遲了約定時間回家,不過這是意料中事,憑經驗三兩下功夫我就可次處理,少事一樁,

我是依你而行,從未試過,但她很開心,極速完成功課和温習,

原帖由 eviepa 於 09-11-21 00:16 發表
Annabella,

長遠來說，需要做的起碼是：
1. 培養良好親子關係
2. 培養閱讀習慣
3. 幫助建立正確價值觀

1. 培養良好親子關係

a) 少罵、少哦；多欣賞、讚賞、鼓勵。

b) 要做到a) ，必先要調整心態，就是要要求低，不應要求一個 ...

[ 本帖最後由 Annabellalaw 於 09-11-22 00:27 編輯 ]

作者: mattsmum 時間: 09-11-21 23:02 標題: 回覆 2# eviepa 的文章

嘿！说到我心里去了。家里从来这样教我，老公家里也一样，到自己有孩子也这样教，还是在这知道跟别人不一样，自己的是少数。

[ 本帖最後由 mattsmum 於 09-11-21 23:09 編輯 ]

作者: Annabellalaw 時間: 09-11-21 23:12

我亦相信她若肯做的話,是會很認真去做的,我會放胆執行你的建議,不過一天要温四,五科真的二十五分鐘就足夠？會否因人而異？昨晚我跟她商議,她似乎自己也不敢相信,

最後定案是:做好功課和温習後,可以做你喜歡的事,包括煲電話粥和上網,但不能過12:00,如果你專心一意,坐定定,聽聞可以25分鐘完成,要不要試試？試！

談到培養閱讀習慣,五個女兒活在同一天空,同一資源,成效不盡相同,我奉行順其自然,家中藏書三千,隨手可及,書種不問作者和出版地,只求喜愛,少有漫畫,

排第二的女兒最愛書,當年有升中試,課外活動多類而出色（甚至得當年仍是津貼的女拔垂青）,可想而知她忙的程度,但她仍可以看很大量的圖書,現在大學了,仍是書不離手,書包必帶三本書,因為她不會一本完接一本,而是同一日看两三本,分幾日看完,從前的成績表多用博覽群書來讚她,以她的個案應是成功的例子,

排第三這個她自小愛大自然,家中養的寵物高峰期同一時間:五頭鸚鵡,两隻飛河龟,猫狗各一,倉鼠20+隻（看牠繁殖）,還有植物10+盆（接枝繁殖）,在她心目中蜘蛛,甴曱都算寵物,所以她集中看有關動植物的書藉,書種狹窄,習慣是比較差的一個,亦是為此我才選了如今的中學配合她,希望她更貼近愉快學習,不過入了中學,不見她看家中舊有的藏書了,不知是否在學校的圖書館磨？你不提起,我也沒去留心,

eviepa,我坦白了我的所為,意料到你會皺眉,

我誠心受教,多謝！

annabella

原帖由 Annabellalaw 於 09-11-21 22:51 發表
eviepa,

深宵看到你的回覆,談到優質（不涉貧富）家庭生活中的三個基本條件,很有些感受和意見,真個暢談,恐怕一發不可收拾,

奈何我只懂用手寫板,寫得太久吧,發文章時卻給跑了去,氣得文思也變了臉,變了的東西我不要...關 ...

[ 本帖最後由 Annabellalaw 於 09-11-22 02:27 編輯 ]

作者: eviepa 時間: 09-11-22 01:46

Annabella,

我所講的都是正統教育心理學的理論，加上我自己觀察的很多個案，再成功地應用在囡囡身上而作出的建議。不過，五個子女實在不是普通情況，當中的複雜，小弟實在難以想像。

如果條件許可的話，自由和民主是好東西。我和囡囡的相處是，她可以做任何一件事，除非我證明那件事是有很大的壞處，總之，舉證的責任在我身上，而不是在她的身上。這原則行之有效，她到現在為止還沒有濫用這自由。另外，她在三口之家有發言權，她是家裡的equal member，她的需求，佔三分一比重，大家互相妥協，互相尊重。

eviepa

作者: Annabellalaw 時間: 09-11-22 02:46

eviepa

如果條件許可,自由和民主是好東西,我萬二分贊同,

女兒擁有相等的發言權,親子互相妥協和尊重,正是我夢想要到的天空,

至於令千金沒有濫用自由,這是你和太太努力經營的成果,不會是垂手可得,

放諸我的,此刻相信要步步為營,

annabella

原帖由 eviepa 於 09-11-22 01:46 發表
Annabella,

我所講的都是正統教育心理學的理論，加上我自己觀察的很多個案，再成功地應用在囡囡身上而作出的建議。不過，五個子女實在不是普通情況，當中的複雜，小弟實在難以想像。

如果條件許可的話，自由和民主是好東西。我 ...

作者: eviepa 時間: 09-11-22 11:31

Annabella,

我是自由主義者，對妳家的情況只會感到有趣。

妳可以重溫一下《家長常犯的錯誤——因加得減》

二十三年前，我弟弟聽到「讀英中中四文科，每天功課後四十五分鐘」就可以取得好成績，他簡直不相信自己的耳朵。不過半年後，他完全相信。他得到好成績，全家的讚賞，愉快的學習生活。

我和弟弟的約章是，四十五分鐘是完全讀書的時間，假若讀書中途講了十分鐘的電話，這十分鐘是要扣出來的。

中四的溫習材料，比中三多幾倍，如果中四可以藉著四十五分鐘得到不錯的成績，我看不到為何二十至二十五分鐘的時間會不夠用。香港學生主要的問題是被迫溫習，坐在書桌上雲遊太虛，白白將寶貴的時間浪費掉。如果將「為父母而讀書」這種大鑊飯式思維轉了過來，改為「為自己而讀書」這種市場經濟式的模式，那麼「生產力就會大大解放出來」。

無疑，中三有許多科，但犯不著每天溫幾科，中史、生物、生物科技、化學、通識等，每一、兩個星期溫習一次就可以了，反而數學就要多加留意，遇有不明白的地方就要馬上補救。

以我所見所聞，大部分中學生平日都是不溫書的，更不要說有系統地溫書。只要平日做少許，就已經勝過了他們很多了。

平日多作中英文閱讀，中英文水準就有保證，學術視野亦會擴闊。讀好書，可以很愉快。

eviepa

作者: Annabellalaw 時間: 09-11-22 12:06

hi,wunma

謝你早前的安慰,

談到溝通,我的二女當年也是個內歛的孩子,心事往往自己扛,她的掩飾功夫很到家,照樣家常閒話,照樣起居作息,卻原來內心早起波瀾,人生的問號不斷,

經過那次,我明白好的溝通並非只流於表面,有時適當的爭辯也是溝通的方法,溝通也分層次和深度,只有獲得她真正的信任,才有深入的溝通,才能在親子間步入真正的朋友階段,再成為知己,

打開小朋友的心窗,我覺得優質的單對單約會最管用,不想到的地方不應勉強,總有小朋友想到的地方,想要的東西,這些時間必須要花,亦不能急在一時,

適當的讓步是請君入甕的技巧,不防試試,

原帖由 wunma 於 09-11-20 11:53 發表
她終日都是皺眉的, 問她學校的事情, 樣樣都說o.k, 成績o.k, 同學關係o.k, 適應中一生活o.k, o.k是她的口頭蟬. 但她一向都不喜歡返學, 不關學校事.

不明白她人細細, 為何會只喜歡獨個兒在家, 問又問不出所以, 我們每 ...

[ 本帖最後由 Annabellalaw 於 09-11-22 12:43 編輯 ]

作者: Annabellalaw 時間: 09-11-22 12:30

eviepa,

感激你的關注,

其實大女和二女當年的中學階段,我從不插手學業上的事,所以知道的不多,如今得到你指點,是我的福氣,真要再次謝過,

你要我重溫的片段我早已背得爛熟

但如何去處理各科的温習策畧？我真的盼望你能為我分享更多,

你的每字每句都令我如夢初醒,你比專家更能讓我有拼死一試的衝動！

annabella

原帖由 eviepa 於 09-11-22 11:31 發表
Annabella,

我是自由主義者，對妳家的情況只會感到有趣。

妳可以重溫一下《家長常犯的錯誤——因加得減》

二十三年前，我弟弟聽到「讀英中中四文科，每天功課後四十五分鐘」就可以取得好成績，他簡直不相信自己的耳朵。不 ...

作者: ZZdaphne 時間: 09-11-22 14:21

經過那次,我明白好的溝通並非只流於表面,有時適當的爭辯也是溝通的方法,溝通也分層次和深度,只有獲得她真正的信任,才有深入的溝通,才能在親子間步入真正的朋友階段,再成為知己,
------------------------

同意，
我和女兒都係無爭論，
應該話有爭論，但強者始終是我，
現在大了，我老公會用朋輩式和她爭論，
發覺有些微妙的效果，
她會勇於表達，
氣氛和質素都很良好，
爭論未必一定是僵局，
有些似辯論比賽

[ 本帖最後由 ZZdaphne 於 09-11-22 14:24 編輯 ]

作者: eviepa 時間: 09-11-22 17:40

但如何去處理各科的温習策畧？我真的盼望你能為我分享更多,

Annabella,

我一向的注意力集中在大方向上，怎樣在長途賽事中佔優是我的強項，至於每科怎樣溫習才能達到最佳效能並不是我的特長。

eviepa

作者: ZZdaphne 時間: 09-11-22 18:34

原帖由 eviepa 於 09-11-22 17:40 發表

Annabella,

我一向的注意力集中在大方向上，怎樣在長途賽事中佔優是我的強項，至於每科怎樣溫習才能達到最佳效能並不是我的特長。

eviepa

男人和女人嘅focus 真是大不同，
阿女大了，我都放手讓爸爸處理。

作者: ernniechow 時間: 09-11-23 00:42

I have same problem!!!!!My son ask for overnight play with his classmate in their house. I wonder why their parents can let them, speically many girls can go out every saturday. My son always ask why their parents can let them go, but i can"t.

我會答：

你問下佢嘅父母想唔想收多個女囉！
佢知我們錫佢，當然無聲出啦！

如果因打機影響到成績，
我話你接受到係7-11，餐廳或麥當當工作，
我無問題咖，我尊重每個勤力工作的人。
當然我知佢係唔接受啦，
因為佢觀察所知佢地工作辛苦受氣人工少。
話佢知現在辛苦幾年，好過下半世痛苦。

不過我要求唔高，
我接受evipa意見，
中英數一定要跟得上，
當然最好一次比一次有進步，
其他合格就可以，
佢達標，唔影響休息，
我就唔理佢點運用時間。

[ 本帖最後由 ZZdaphne 於 09-11-23 14:11 編輯 ]

作者: Elona 時間: 09-11-23 10:03

As per my opinion, it depends on the age of your kid. It is really dangerous for kid under 18 for playing overnight. Delay tactics is a good strategy, if your kid is 14, then try to explain to him for your concern and promise him that you will allow him to play overnight when he attained 16 or above….

However, during puberty, peer group has great impact to the young people, they would like to copy their behaviors in order to get the recognition. It is a hard time for parents…. Add oil…

If I were you, I will keep on communicating with other parents to see whether they really stay at the home and what they will do….

原帖由 ernniechow 於 09-11-23 12:42 AM 發表
I have same problem!!!!!My son ask for overnight play with his classmate in their house. I wonder why their parents can let them, speically many girls can go out every saturday. My son always ask why ...

作者: wunma 時間: 09-11-23 10:16

提示: 作者被禁止或刪除內容自動屏蔽

作者: wunma 時間: 09-11-23 10:36

提示: 作者被禁止或刪除內容自動屏蔽

作者: ernniechow 時間: 09-11-23 10:41

many thanks for your reply, i try to contact their parents , but i am very surprise they are no comments for their children playing overnight.I feel very upset , every monday they are planning coming sat.,my son must ask me from mon to fri. everynight, every day result must be very unhappy ending, cannot sleep!!!

作者: Ms.ChanChan 時間: 09-11-23 19:08

原帖由 eviepa 於 09-11-21 19:09 發表
Ms.ChanChan,

講妳的個案前，有一些概念先要攪清楚，以下只針對初中的情況：

1. 中英數是累積性的，科學、地理、兩科歷史是一次性的。

比如說，一個學生A，英文和中史在期中試都是80分，學生B兩科都是40分。假定下學期，學生A放 ...

Eviepa,
謝謝你的回覆。
明白你所講的"一次性"和"持續性"的問題。
我常跟朋友說，女兒是在"食老本"，我想你會明白我的意思。因為她小時勤於閱讀，所以中英文的根基是有的，但升中後的懶散，讓我害怕她的"老本"很快會被吃光! 今次統測，中英成績是可以的，但數學因為不肯做練習，平時做習作又太敷衍，所以今次居然不合格! (小學時曾代表學校出外參加數學比賽) 問她是弄不懂還是怎樣，她理直氣壯的說現在教的數要背"程式"，因為背不熟，所以成績差。
歷史地理其他科普普通通。
不知為何，小女升中後的"自發性"突然被蒸發掉，功課永遠在死線前一晚才做，是否因為學校太多活動太自由？以你的見解，我是否不用緊張，她自然回走回原有的軌道？
原來令千金升中後也曾"懶散"，不到測考不溫習，但她成績反而有進步，相反小女就...
女兒學校中三就分科了，中二這兩次考試不容有失，數學成績沒有80分以上的話，恐怕入不到理科班。以小女害怕背誦的性格，要讀文科真怕她應付不了而放棄。

作者: eviepa 時間: 09-11-23 22:53

Ms.ChanChan,

剛和女兒一起看妳女兒的個案，她有兩個意見：

1. 佢咁似我。「她小時勤於閱讀，所以中英文的根基是有的」、「但數學 ……….平時做習作又太敷衍，所以今次居然不合格!」

2. 佢好乖呀，肯在「死線前一晚」完成功課，我好多時番學先至做完功課呀。

今次女兒學校數學教得急，測驗出得深，很多人都不合格，我女兒雖然不合格，但分數仍不算低。她其實根底不錯，但由於操練不夠，所以差幾我分才合格。幾星期前當她告訴我說不合格，我並不感到意外。在這情況下，她同意要有額外訓練，於是偶爾做附加的數學，她邊做我邊教，兩三個星期內，代數的概念有了很不錯的進展，我完全不擔心她的數學。

今次我囡囡在中文、英文、及幾科學術科目都取得很高的分數，所以總體成績，比中一時為佳。

我是一個自由主義者，女兒享有很大的自由，亦是出了名執著愉快學習的家長。對於讀書，囡囡覺得我是她的盟友，不是敵人。她會對我講「明天默書能夠取一分，不用抄課文五次就夠了」（默書反映不了真正實力，拿多少分，由她吧）、「這本數學暑期作業有答案呀，我不做了，照抄可以」（抄功課不理想，但如果我今次不准她抄答案，下次遇到同樣情況她絕不會告訴我，只會秘密地抄，問題更深遠、更嚴重）、「功課不做了，明天回校才做（或抄）」…….. 。

在這種近乎縱容的管教方法下，我贏了女兒的信任，在這個互信的基礎下，我講的話她非常信服。我比較容易在關鍵時刻說服她去按照我的方向去做、比較容易制定一個她同意，而且會有長遠成果的讀書目標。我要她做額外的數學練習，她不會很抗拒。但當然，我要她做的英文閱讀就因數學的關係減少。

中學跟小學的氣氛很不同，有很多小學時覺得很重要的，到中學變得不重要。重要的是，小朋友能否學到野。容忍孩子有缺點是兩代相處的重要元素。

妳的焦急，我是感受到的，妳要攪的只是一科，情況不太壞。和她制定一個讀書計劃吧，如果計劃要成功，有些重點可以參考：

1. 她女兒想不想入理科，如果不想，難攪。
2. 妳女兒是否覺得妳處處為她著想？
3. 讀書計劃要她同意，不能強加於她身上。
4. 做額外的數學練習是必要，但務必減少其他工作。
5. 數學有進步後，要有強烈的讚賞，這是更上一層樓的動力。

今晚只想到這些，如果以後再想到甚麼要點，再和妳討論吧。

eviepa

作者: eviepa 時間: 09-11-23 22:54

System error.

Repeated

[ 本帖最後由 eviepa 於 09-11-23 23:06 編輯 ]

作者: Annabellalaw 時間: 09-11-23 23:13

eviepa,

多謝你抽出寶貴時間來覆我,我真的很感激,我會在你所提的重點上多加留意,謝謝！

但見她正努力預備明天的通識quiz,已經坐定定的溫了45分鐘,（扣除了走動時間）,可能我要向你收回她聰敏的說法

,她要看報紙解悶,

然後做數,

再次謝你,遇疑難我會再請教你,有進展我亦會向你報喜,

因為我知你好好人,唔會嫌我煩

annabella

原帖由 eviepa 於 09-11-22 17:40 發表

Annabella,

我一向的注意力集中在大方向上，怎樣在長途賽事中佔優是我的強項，至於每科怎樣溫習才能達到最佳效能並不是我的特長。

eviepa

[ 本帖最後由 Annabellalaw 於 09-11-23 23:21 編輯 ]

作者: Annabellalaw 時間: 09-11-24 00:01

ernniechow,

我女兒也曾這樣問我,我的答法和做法跟你一模一樣,

只是我一直抗拒她們玩網上遊戲,和做功課其間（不單做網上功課）msm,facebook,
她們就是埋怨我古板（有時奖每人玩20分鐘電腦她們就已經要咀我了）,
只是我也覺得自己要變,但又很怕拿揑不好,變得複雜,其實學業上我要求也不高,她們都很有規律的做好本份,很乖,我也很滿意,
我也想她們開心,但很難三個人（中三,小四,小一）把要做的同時完成,一個在玩電腦,其餘的就會分心,如何解開困局？

你可否給我一點提議？是否我顧慮太多？

annabell

原帖由 ernniechow 於 09-11-23 00:42 發表
I have same problem!!!!!My son ask for overnight play with his classmate in their house. I wonder why their parents can let them, speically many girls can go out every saturday. My son always ask why ...

[ 本帖最後由 Annabellalaw 於 09-11-24 00:04 編輯 ]

作者: Ms.ChanChan 時間: 09-11-24 10:38

原帖由 eviepa 於 09-11-23 22:53 發表
Ms.ChanChan,

剛和女兒一起看妳女兒的個案，她有兩個意見：

1. 佢咁似我。「她小時勤於閱讀，所以中英文的根基是有的」、「但數學 ……….平時做習作又太敷衍，所以今次居然不合格!」

2. 佢好乖呀，肯在「死線前一晚」完 ...

Eviepa,

看到你和令千金的回覆，我訝異得差點掉了下巴!

為什麼兩個小女孩那麼相似？一話這是她們這個年代的特性？

女兒也曾要求讓她照抄暑假作業後面的答案，很佩服你貫徹始終"自由"主義，我的反應是 - 要她立刻撕下答案那幾頁讓我收好。她雖然不服氣，但也無可奈何，現在回想，其實你是做得對的，她即使沒有答案可抄，但還是可以亂寫答案的，因為老師根本不會改，只要填滿所有空格，功課就叫做完成了。

功課在死線前一晚做可能只是一部份，也聽女兒提及過早上回校趕功課。

她今次的數學測驗也是教得急，題目深，很多同學測完都在哭，很多同學不合格，但依然有同學取得近乎滿分。

結果全級補考，補考雖然合格，但也只是僅僅合格。女兒也肯自動自覺做數學額外練習，是否中二的數學真的比較深呢？

小學時代，小女的默書從來是拖低成績平均分的源頭。
小女一直渴望入理科的，她亦一直知道我處處為她著想。我現在已完全不敢為她計畫些什麼，其他工作亦已減少至無可再少，閱讀極少(愛情小說除外)，甚至不大練琴，但她是有時間看宮心計和上網的。

補考數學僅僅合格(基本上全班都合格)，我實在讚不出口。

[ 本帖最後由 Ms.ChanChan 於 09-11-24 11:30 編輯 ]

作者: ReportMM 時間: 09-11-24 10:47

pls see pm.

thanks

Bonnie

原帖由 mattsmum 於 09-11-21 23:02 發表
嘿！说到我心里去了。家里从来这样教我，老公家里也一样，到自己有孩子也这样教，还是在这知道跟别人不一样，自己的是少数。

作者: wunma 時間: 09-11-24 12:02

提示: 作者被禁止或刪除內容自動屏蔽

作者: ZZdaphne 時間: 09-11-24 12:22

原帖由 wunma 於 09-11-24 12:02 發表
MsChanChan,

在大是大非的事情上, 我不會妥協. 所以在抄功課的議題上, 我不能認同eviepa的做法.

早前H1N1停課期間, 學校把功課大堆頭的交給學生, 以準備TSA和中一分班試的來臨. 不用上課的日子同學們自不然心散懶 ...

wunma

你我的女兒真的同一類，
我女兒都不會抄答案，
自己一頁一頁努力去做。

作者: Ms.ChanChan 時間: 09-11-24 16:30

原帖由 wunma 於 09-11-24 12:02 發表
MsChanChan,

在大是大非的事情上, 我不會妥協. 所以在抄功課的議題上, 我不能認同eviepa的做法.

早前H1N1停課期間, 學校把功課大堆頭的交給學生, 以準備TSA和中一分班試的來臨. 不用上課的日子同學們自不然心散懶 ...

wunma，

謝謝您的意見。

唉，在教養小朋友的問題上，我有時覺得自己已經亂了分寸，進退失據。

作者: judy 時間: 09-11-24 17:15

這本數學暑期作業有答案呀，我不做了，照抄可以

好彩阿二都算酲目，如果佢咁問我，實俾我罵死。

問她是弄不懂還是怎樣，她理直氣壯的說現在教的數要背"程式"，因為背不熟，所以成績差。

中二啲數唔使背。最麻煩係第一章的甚麽有效數字，阿大、阿ニ教我幾次，我都唔明。

我做人有幾重標準，阿大啲數次次都90分以上，如果少於此數，我会睇吓點解。阿二次次都70分上下，我都收貨。

因人而異，学業上，定下唔同標準，大家都易過。但行為上，我標準定得幾死吓。

作者: 究竟我是誰 時間: 09-11-25 13:13

各位媽咪, 妳哋好,
睇完妳哋嘅分享, 獲益良多…
我都講吓我大囡, 佢今年13歲,
從小已經唔鍾意讀書, 成績強差人意,
我已經用咗好多方法去幫佢,
可惜依然未有改善,
最終派到一間BAND3學校, 現就讀中二….
因學校質素問題, 我和先生都會經常
同佢傾計, 以便暸解佢係學校嘅情況,
佢都好肯講, 至今都沒有太大轉變,
我亦同佢講, 讀書唔成唔緊要,
千祈唔好學壞同要好好做人…..
事情發生了….早排佢張八達通壞咗,
跟住攞去港鐡維修, 直至噚日取回,
但佢只比番10蚊我, 佢話張卡整唔番比港鐡沒收咗,
我覺得好奇怪, 就算係應該退番至少50蚊,
跟住我打去八達通同港鐡問,
其間我亦再三問佢有冇隱瞞, 佢話冇
港鐡職員好好, 幫我跟進, 半小時回覆我,
佢話根據資料係退回$65.9
同CCTV影到職員係比咗數張20紙我個囡,
嗰一刻, 我知阿囡講大話, 收線後, 我再質問佢,
佢唔出聲, 即係默認喇….
我係有比零用錢佢, 唔係好多但一定夠用,
唔比太多佢, 係驚佢會駛大咗….
佢唔貪名牌, 唔追捧明星,
只係鍾意食….
各位媽咪, 妳哋點睇, 請賜教, 謝謝

作者: wunma 時間: 09-11-25 13:31

提示: 作者被禁止或刪除內容自動屏蔽

作者: bkfans123 時間: 09-11-25 13:55

大家好..
好開心找到這個topic, 因我家都有個反判兒, 自升中一開始, 阿仔就變得黑人憎, 凡事駁嘴, 總不聽我說話, 對家人的態度超級惡劣, 有諗過放棄佢, 3日吾埋2日又要我勞氣鬧, 好似大少咁, 要我去遷就佢, 佢就開心, 佢吾會做任何野令家人開心, 打機打到上癮, 打少一日都吾得, 真係好傷心...
我好怕佢係屋企, 寧願佢出街, 佢放學返黎我就怕的了.
好似昨日, 佢沖完涼對腳都好臭, 我就話佢啦, 佢仲駁''邊度臭呀 ? 我吾覺wor... 之後仲要'棟'隻腳係sofa, 個阿爸聞到佢腳臭, 就叫佢放番對腳落地啦. 點知叫都吾聽仲要眼厲厲同個阿爸講話對腳無臭, 仲話我地針對佢, 話我'屎弗'臭就真.. 真係衰格都無人有.. .

作者: ZZdaphne 時間: 09-11-25 14:04

原帖由 wunma 於 09-11-25 13:31 發表
比佢解釋 -> 原諒佢 -> 然後教佢以後要錢用應提出, 承諾如合理而又係經濟許可的話會盡量買比佢, 叫佢以後無需講大話. 初犯唔好睇得件事好嚴重, 佢已大個女, 責罵會有反效果.

...

贊成

以我老公方法，
佢會比多50-100佢，
讓她知道不值得講大話。

13歲女，除了夠用，
應用有理財觀念，
如果阿女有特出表現，
我們會給多幾百，
她會利用這些錢買自己喜歡的東西，
如文具，衫，CD......,
試過用自己錢買我喜歡食的給我

[ 本帖最後由 ZZdaphne 於 09-11-25 14:12 編輯 ]

作者: 究竟我是誰 時間: 09-11-25 14:09

[quote]原帖由 wunma 於 09-11-25 13:31 發表

比佢解釋 -> 原諒佢 -> 然後教佢以後要錢用應提出, 承諾如合理而又係經濟許可的話會盡量買比佢, 叫佢以後無需講大話. 初犯唔好睇得件事好嚴重, 佢已大個女, 責罵會有反效果.

hi wunma, 叫佢解釋, 開頭唔出聲,
最後攪到我發火喇, 都係依依哦哦帶過,
其實佢咁做, 真係冇乜著數,
仲攪到我完全對佢失去信任,
點解佢個膽可以咁大?
佢細時曾經試過擅自用八達通買嘢食,
又擅自攞自己錢箱裡啲錢用,
至於講大話, 佢係有前科
真係比佢激死....

我同佢講: 我幾嬲都好, 過咗幾日, 都會回復原狀,
妳依然係我個囡, 只係希望妳真係知錯同明白嚴重性
唔好再犯

歡迎光臨教育王國 (/)