教育王國

標題: In完宣道喇~~ [打印本頁]

作者: 嗅屎忽 時間: 09-12-21 16:17 標題: In完宣道喇~~

我哋今日in10.00am，亞仔離奇今朝心情靚，排隊入課室嗰陣周圍撩啲老師講嘢，啲老師以為佢好掂，但一入到課室又怕怕羞羞唔好意思咁陰陰咀望任老師笑。

一入到去亞仔比枱上面架巴士吸引住，金精火眼咁望實，仲好唔客氣咁同老師講：「我想玩巴士呀!」，老師答：「好呀! 等我問咗你幾個問題先啦!」 (1) 你叫咩名? (2) 你幾多歲 (3) 指住我問係邊個? (4) 爸爸喺邊度? (5) 識唔識唱歌? 亞仔答：「識」，老師：「咁你唱首歌嚟聽吓」，亞仔答：「我唔唱!」，老師問：「點解唔唱呀? 怕羞呀?」，亞仔答：「係!」

跟住餘下嘅時間就淨係將架巴士推嚟推去。好出奇，宣道同之前in嗰啲幼稚園有啲唔同，佢冇任何圖片或積木之類嘅嘢要我個仔玩，淨係問咗佢幾條問題，但原來in宣道要唱歌我真係唔知嫁之前。

最後老師準備送禮物(陀螺仔)比亞仔嘅時候，亞仔"目及"到老師有架的士，又同老師講想玩的士，老師話：「你都唔肯唱歌冇得玩的士喎!」，我同亞仔講：「咁你唱首聖誕歌比老師聽啦，你啱啱學識咗，咁你就可以玩的士嫁喇!」，跟住亞仔搖頭擺尾咁唱：「We wish you a merry christmas...!」only唱咗一句咋! =.='' 老師話由於亞仔唱得一句，只比佢玩10聲，數完10聲之後老師就搶番嚕~ 亞仔仲呆呆滯滯咁，拎完禮物，講完多謝(要我提啦當然)，好自動就講拜拜再拍埋櫈就轉身走嚕。

我一邊拖亞仔走，亞仔一邊「回首」，好似好唔捨得咁，我問亞仔：「做咩呀? 好唔捨得呀?」，老師竟然好大聲咁話：「唔捨得嘅就下次再玩耐啲啦!」，佢一句說話令我心存希望 >.<'' 唉! 係我諗得太多喇..........

我唔知其餘嗰2枱(定唔知3枱)in嘅嘢係咪一樣? 但總覺得因為我個仔根本冇機會所以都唔in咁多嘢? 但個老師無啦啦又彈句咁嘅嘢....(我老公都叫我咪咁大諗頭喎，一句說話唔代表啲乜喎)

我老公有個同事上年都有in宣道，佢話宣道比佢哋嘅感覺好難in，但我今日自己親身經歷覺得，york啲題目仲深，又鬼死咁多要求要完成...定係宣道真係冇希望呢...?

有冇人都in咗呀? 係咪都係咁簡單呀?

作者: BigPig 時間: 09-12-21 16:25

想問下入課室就只准一個父母入, 咁另一個係邊等, 比唔比入學校等.

原帖由 嗅屎忽 於 09-12-21 16:17 發表
我哋今日in10.00am，亞仔離奇今朝心情靚，排隊入課室嗰陣周圍撩啲老師講嘢，啲老師以為佢好掂，但一入到課室又怕怕羞羞唔好意思咁陰陰咀望任老師笑。

一入到去亞仔比枱上面架巴士吸引住，金精火眼咁望實，仲好唔客氣咁同老師講： ...

作者: 嗅屎忽 時間: 09-12-21 16:28

原帖由 BigPig 於 09-12-21 16:25 發表
想問下入課室就只准一個父母入, 咁另一個係邊等, 比唔比入學校等.

父母都可以入，婆婆公公嫲嫲爺爺或姐姐就唔入得，要喺課室出面有兩排櫈坐低等。

作者: BigPig 時間: 09-12-21 16:32

佢無開放幼稚園入面既設施比小朋友玩, 好似戶外slide, etc.....

原帖由 嗅屎忽 於 09-12-21 16:28 發表

父母都可以入，婆婆公公嫲嫲爺爺或姐姐就唔入得，要喺課室出面有兩排櫈坐低等。

作者: 嗅屎忽 時間: 09-12-21 16:34

原帖由 BigPig 於 09-12-21 16:32 發表
佢無開放幼稚園入面既設施比小朋友玩, 好似戶外slide, etc.....

戶外嘅冇，戶內嘅上樓之後有間候備室就有兩個Slide同一間屋仔，但玩幾嘢就叫咗去排隊嚕~

作者: bobechristy 時間: 09-12-21 17:02

佢冇叫我個仔唱歌，但都問好多野，而且都問家長好多野，感覺好全面 ..... 我覺得佢會看50%小朋友，50%家長 ..... 我想問佢冇問家長嗎?

原帖由 嗅屎忽 於 09-12-21 16:17 發表
我哋今日in10.00am，亞仔離奇今朝心情靚，排隊入課室嗰陣周圍撩啲老師講嘢，啲老師以為佢好掂，但一入到課室又怕怕羞羞唔好意思咁陰陰咀望任老師笑。

一入到去亞仔比枱上面架巴士吸引住，金精火眼咁望實，仲好唔客氣咁同老師講： ...

作者: 企鵝仔 時間: 09-12-21 17:09

I want to know how long does the interview take? and do you need to wait so long outside the classroom for interview? thanks.

作者: Jeco 時間: 09-12-21 17:27

提示: 作者被禁止或刪除內容自動屏蔽

作者: bonbon16 時間: 09-12-21 19:15

原帖由 嗅屎忽 於 09-12-21 16:17 發表
我哋今日in10.00am，亞仔離奇今朝心情靚，排隊入課室嗰陣周圍撩啲老師講嘢，啲老師以為佢好掂，但一入到課室又怕怕羞羞唔好意思咁陰陰咀望任老師笑。

一入到去亞仔比枱上面架巴士吸引住，金精火眼咁望實，仲好唔客氣咁同老師講： ...

我諗我仔仔應該同你仔仔見同一個老師,都系問好簡單問題,唱歌同玩車,問下顏色,我覺得應該大部份小朋友都應付得到,至於老師點揀?我諗要睇彩數喇,一間房有成5-6個老師見,共2間房同時進行,大概有成3千個申請,即系每個老師要見差不多300個,系300個裡面只揀10幾個,揀唔揀自己果個小朋友,我諗除左臨場表現,都要睇老師合唔合眼緣囉!

作者: CERISE 時間: 09-12-21 20:01 標題: 回覆 4# bobechristy 的文章

In我地老師就唔多問家長野，只問我地平時邊個照顧小朋友同埋點知道宣道，但問小朋友就勁多問題，
1. 問我個女叫咩名？
2. 問邊個同佢嚟？
3. 邊個係爸爸、媽媽？
4. 講出布公仔上的眼耳口鼻
5. 問圖書入面所有動物名稱？
6. 比d生果佢切，然後問生果名？
7. 再問所有生果顏色？

作者: jimlo168 時間: 09-12-22 16:41

Int completed. what time have a result ?

作者: cynthiachm 時間: 09-12-22 18:42

你地咁早in既..我係一月十幾號喎..我無睇錯嗎?我怕自己miss左

作者: dodocherry 時間: 09-12-23 20:17

我個囡囡就係21號下午3:00in,問題如下:
1.你叫咩名?你係男仔定係女仔?
2.邊個同你黎學校架?
3.識唔識唱歌?
4.比現具佢選擇,囡囡選擇左積木,然後問佢顏色,都問左有7-8個顏色,然後將積木放回籃子.
5.然後問家長,平時邊個照顧小朋友?
6.家長有咩問題想問呢?
不過老師有讚我個小朋友講野幾叻,有無返N1或playgroup,我答無返N1,不過星期六有返playgroup,我同佢一齊上.
希望幫到未in既家長

作者: dodocherry 時間: 09-12-23 20:30

我個囡囡21日下午3:00in完,問題如下:
1.你叫咩名?男仔定女仔?
2.邊個同你來學校?
3.識唔識唱歌?
4.叫小朋友選擇玩具,然後問顏色,都有問7-8種顏色,因為我囡囡選擇左積木.
5.平時邊個照顧小朋友?
6.家長有咩問題想問?

希望幫到未in既家長

作者: 嗅屎忽 時間: 09-12-24 19:21

原帖由 bobechristy 於 09-12-21 17:02 發表
佢冇叫我個仔唱歌，但都問好多野，而且都問家長好多野，感覺好全面 ..... 我覺得佢會看50%小朋友，50%家長 ..... 我想問佢冇問家長嗎?

佢睇到我張form寫全職mum，就問平時都係你揍小朋友嫁啦! 跟住我答咗係之後，佢就再冇其它問題喇! 好奇怪...唔通我不被考慮??

作者: 嗅屎忽 時間: 09-12-24 19:24

原帖由 企鵝仔 於 09-12-21 17:09 發表
I want to know how long does the interview take? and do you need to wait so long outside the classroom for interview? thanks.

in咗2-3分鐘...等呀! 都好快咋! 不過我冇點睇錶呀!

作者: 嗅屎忽 時間: 09-12-24 19:26

原帖由 Jeco 於 09-12-21 17:27 發表
我囝囝今日都心情大靚呀! 好大聲咁叫: 老師早晨! 老師問佢咩名又好大聲咁答! ^^ 但佢有考囝囝拼圖, 顏色, 叫佢攞香蕉請媽媽食, 又比囝囝揀鐘意食咩…佢攞左粟米…老師問佢咩黎…佢又好大聲答 “粟米” ^^…..之後問 ...

之前有好多間亞仔對答都好大聲好有自信，但唔係Rejected就Waiting，所以我真係唔咁奢望太大 =.=''

作者: 嗅屎忽 時間: 09-12-24 19:26

原帖由 bonbon16 於 09-12-21 19:15 發表

我諗我仔仔應該同你仔仔見同一個老師,都系問好簡單問題,唱歌同玩車,問下顏色,我覺得應該大部份小朋友都應付得到,至於老師點揀?我諗要睇彩數喇,一間房有成5-6個老師見,共2間房同時進行,大概有成3千個申請,即系每個 ...

你講得啱...我覺得眼緣都係佢哋選擇嘅一環。

作者: maylam2022 時間: 10-1-11 23:56

各位會唔會覺得老師會因應小朋友既出生月份黎分別考d咩呢?大b同細b考既野會唔會唔一樣呢???

作者: sy1119 時間: 10-1-18 13:27

我BB啱啱係16號IN完, 我好鍾意D MISS, 好有耐性去引導小朋友答問題, IN左十幾間, 最鍾意呢間, 因我個女出到街唔係好出聲, 都被佢乙水到講野, 希望佢會收啦!

歡迎光臨教育王國 (/)