教育王國

標題: 女強人名校攻略送寶貝入女拔 [打印本頁]

作者: 龍舌蘭 時間: 10-2-3 10:26 標題: 女強人名校攻略送寶貝入女拔

3/2/2010 HKET (文中 highlight 為本人所加)

女強人名校攻略送寶貝入女拔

撰文:陳韻文
欄名:Career
在商場，羅盛慕嫻總是披上一身硬朗，在會計界名氣響噹噹；放下工作，她又是稱職的媽咪，為囡囡鋪排入讀名校，栽培成今日的5A2B會考高材生。難怪她笑言，自己當母親比當會計師更出色。

羅太與女兒羅安宜長得像「餅印」，尤其深深的梨渦，笑容特別甜美。平日約羅太訪問，多是談及稅務等奇難雜症，但今次談到「湊女經」，羅太更加起勁，細說其獨門秘訣。

招數1︰訓練膽識

羅太以「緊張大師」形容囡囡羅安宜，坦言她性格較怯懦，缺乏自信及安全感，因此早在囡囡唸幼稚園時，已經常參與學校親子活動，並充當先頭部隊，為女兒壯膽。其後，女兒在女拔萃升讀中學，開始參加校內中、英文辯論隊，訓練口才。

招數2︰誠意打動

在名牌效應下，羅太安排囡囡到女拔萃小學面試，事前雖沒上過坊間的面試「雞精班」，但她叮囑囡囡面試時，答題要詳細。羅太憶述，其中一條題目是「請舉出蘋果和提子的四種分別？」

其後，羅太寫信給校長，態度懇切地解釋選讀該校原因，以及自己作為專業人士如何為囡囡鋪排前路，並附上名片，結果女兒成功踏入名校之門。羅太笑言︰「不知道這個方法有沒有效，但一試無妨！」

招數3︰做200小時義工

羅安宜在小六時曾參加「傑出學生獎」，比賽按4個準則評分，包括成績、音樂、體育和義工活動，可惜羅安宜名落孫山，致命傷是義工「零」經驗。

於是羅太安排囡囡參與義工活動，一口氣在一年內當了200小時義工。「公司舉辦甚麼義工服務，我也帶她去；在學校當風紀也計算在內。」結果羅安宜獲得義工金獎，中三那年，更得到全港傑出少年獎。

招數4︰陪太子讀書

羅安宜小學時成績中規中距，老師曾提醒羅太要多花點時間，於是羅太由安宜小三開始，盡量不出席晚上的應酬活動，迫不得已的話，亦會騰出45分鐘先回家替女兒檢查功課，再趕往宴會。

至於美術功課，就交由現任市建局行政總監羅義坤的丈夫代勞。結果囡囡成績突飛猛進，成為班中「黑馬」，在校內漸露頭角。

招數5︰鼓勵投身商界

羅安宜計劃執教鞭，羅太沒有反對，但向女兒提出了一個問題：「如果其他同學投身商界，10年後她們的職位和成就，可能和當老師的很不一樣。」
羅太指，不是每個人也想賺很多錢，假如囡囡認為當老師是自己喜歡的事，她會予以支持，但想女兒考慮到，以其成績、語文及表達能力，若投身會計行業，出路會比當老師更廣。

﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏

囡囡入讀名校之路

①安排女兒入讀維多利亞幼稚園，打好根底；

②多參與學校親子活動，往往充當先頭部隊，為女兒壯膽；

③參加鋼琴、小提琴和兒童合唱團興趣班；

④申請女拔萃小學，面試後，寫信給校長，態度懇切地解釋申請原因，並附上自己卡片；

⑤晚上盡量不去應酬，就算有宴會，也騰出45分鐘時間回家檢查女兒功課；

⑥女兒一年參與200小時義工活動，成功獲得傑出少年獎；

⑦參加中英文辯論隊，訓練口才及思維。

作者: 龍舌蘭 時間: 10-2-3 10:30

睇完之後, 笑得出嗎 ? 人人都想仔女入名校,
父母關心孩子是天經地義, 但將孩子塑造成自已內心的模樣, 是幸福? 還是悲哀?

Yvonne Law同佢老公無半億身家都有三千萬啦, 應該可以俾佢個女做自己種意既事架, 真係睇唔明.

作者: Charlotte_mom 時間: 10-2-3 10:54

有d小朋友, 細細個已經好識唸野, 對自己要求高, 識同自己plan, 有領導才能, 呢d小朋友, 唔讀一線名校我都覺得浪費
有d小朋友, 只係父母滿足願望既工具, 讓父母將自己不停向上推, 我覺得係悲哀

原帖由 龍舌蘭 於 10-2-3 10:30 AM 發表
睇完之後, 笑得出嗎 ? 人人都想仔女入名校,
父母關心孩子是天經地義, 但將孩子塑造成自已內心的模樣, 是幸福? 還是悲哀?

Yvonne Law同佢老公無半億身家都有三千萬啦, 應該可以俾佢個女做自己種意既事架, 真係睇唔明 ...

作者: grace_xian 時間: 10-2-3 12:40

悲哀

作者: 大內密探 時間: 10-2-3 15:10

雖說是悲哀, 但為自己小朋友先打好基礎, 唔係現代關心子女既家長都喺度做緊既咩。
撫心自問，我自己都希望子女可以多點他們的想法及選擇，但大部份時間係做唔到既，試問又有幾多家長做到呢?
我都好反對佢比自己既方向同睇法，唔比第時可以做到教育家，辦間學校，比美現在既名校咩。
但係我都係為現代既小朋友感嘆--無乜自由，為成人滿足自己部份慾望既扯線公仔。

作者: mat媽 時間: 10-2-3 15:16

我朋友是女拔出身, 她結婚時只得兩個女拔 friend, 佢話讀書時係好唔開心的, 個個同學都好似官心計咁... 為咩呢????

作者: Imel 時間: 10-2-3 15:50

咁佢一年內做200hrs 義工後, 第二年係咪有做啦?
咁為咩呢? 為取得獎項?
如果為升學, 我見到呢個學生做義工咁冇恒心, 而且咁功利, 一定唔收佢:;pppp:

原帖由 mat媽 於 10-2-3 15:16 發表
我朋友是女拔出身, 她結婚時只得兩個女拔 friend, 佢話讀書時係好唔開心的, 個個同學都好似官心計咁... 為咩呢????

作者: happyvalley 時間: 10-2-3 16:37

女拔係深水步 bor，就算讀到，到時人地問妳屋企有幾多個工人，兩個、爸爸媽媽。

我同學個細佬係男拔中學教書，佢都話最西利唔係老師，係補習老師，專科專教，成千蚊個鐘，比得起先好唸，費時做戰灰

作者: judy 時間: 10-2-3 16:54

原帖由 happyvalley 於 10-2-3 16:37 發表
女拔係深水步 bor，就算讀到，到時人地問妳屋企有幾多個工人，兩個、爸爸媽媽。

我同學個細佬係男拔中學教書，佢都話最西利唔係老師，係補習老師，專科專教，成千蚊個鐘，比得起先好唸，費時做戰灰 ...

其實我唔明，男拔有得自行收生，點解唔收啲醒目仔，要收一啲要補習嘅，唔補習就成戰灰嘅傻仔。

作者: judy 時間: 10-2-3 16:58

原帖由 Imel 於 10-2-3 15:50 發表
咁佢一年內做200hrs 義工後, 第二年係咪有做啦?
咁為咩呢? 為取得獎項?

天生我才必有用，香港的窮人、弱能人士就更有用，可以被利用來升學。

作者: happyvalley 時間: 10-2-3 17:02

原帖由 judy 於 10-2-3 16:54 發表

其實我唔明，男拔有得自行收生，點解唔收啲醒目仔，要收一啲要補習嘅，唔補習就成戰灰嘅傻仔。

我的意思是佢地都收啲醒目仔，專收添，就是親朋及好有錢都要考得好先收，但入到去讀書，如果要超高其他同學幾級，就要靠家長請高人，在家中專科專教。所以未教已經學左，唔適就補到適。

作者: brian61950 時間: 10-2-3 17:18

很多人也一樣做緊她所做的,而一般嗰類人都係鐘意周圍晒的.
又吹佢唔漲.

作者: judy 時間: 10-2-3 17:19

原帖由 happyvalley 於 10-2-3 17:02 發表

我的意思是佢地都收啲醒目仔，專收添，就是親朋及好有錢都要考得好先收，但入到去讀書，如果要超高其他同學幾級，就要靠家長請高人，在家中專科專教。所以未教已經學左，唔適就補到適。 ...

我又唔明，既然要考得好先收，入得去嘅，都知其他人有咁上下啦，要超高其他同學幾級做咩，太自找苦吃了。

點解未教要学定先呢？唔識補到識我就明。

作者: happyvalley 時間: 10-2-3 17:36

原帖由 judy 於 10-2-3 17:19 發表

我又唔明，既然要考得好先收，入得去嘅，都知其他人有咁上下啦，要超高其他同學幾級做咩，太自找苦吃了。

點解未教要学定先呢？唔識補到識我就明。 ...

想各方面的公開賽獎牌都擺到，咪定要與同學競爭。至於先學左，所以讀完中四上學期都可以考得會考 la，所以咪有大把時間捉 d 非常題目，捕 A 率咪高好多。

作者: 雪文 時間: 10-2-3 17:49

多謝分享

原帖由 龍舌蘭 於 10-2-3 10:26 發表
3/2/2010 HKET (文中 highlight 為本人所加)

女強人名校攻略送寶貝入女拔

撰文:陳韻文
欄名:Career
在商場，羅盛慕嫻總是披上一身硬朗，在會計界名氣響噹噹；放下工作，她又是稱職的媽咪，為囡囡鋪排入讀名校，栽培成今日的5 ...

作者: LittleEggBB 時間: 10-2-3 17:51

父母望子成龍, 望女成鳳係好正常. 不過我覺得都好睇小朋友既能力同性格. 如果係咁谷, 小朋友頂唔住d壓力唸埋一邊......真係得不償失!

[ 本帖最後由 LittleEggBB 於 10-2-3 17:53 編輯 ]

作者: happyvalley 時間: 10-2-3 21:40

原帖由 LittleEggBB 於 10-2-3 17:51 發表
父母望子成龍, 望女成鳳係好正常. 不過我覺得都好睇小朋友既能力同性格. 如果係咁谷, 小朋友頂唔住d壓力唸埋一邊......真係得不償失!

大把人是這樣，有時小朋友真係可以谷，不過變晒 learning machine，no input 就會 no output。

作者: LittleKidult 時間: 10-2-4 00:40

睇完之後覺得佢囡囡真係只係成績中規中距果類... 咁既資源下都係得5A2B......
冇講佢個女有冇補習?

作者: judy 時間: 10-2-4 09:44

原帖由 LittleKidult 於 10-2-4 00:40 發表
睇完之後覺得佢囡囡真係只係成績中規中距果類... 咁既資源下都係得5A2B......
冇講佢個女有冇補習?

好好嘅啦，我估全港冇1000人考5A或以上！

作者: GiGiMum 時間: 10-2-4 09:51

Very agreed!

原帖由 大內密探 於 10-2-3 15:10 發表
雖說是悲哀, 但為自己小朋友先打好基礎, 唔係現代關心子女既家長都喺度做緊既咩。
撫心自問，我自己都希望子女可以多點他們的想法及選擇，但大部份時間係做唔到既，試問又有幾多家長做到呢?
我都好反對佢比自己既方向同睇 ...

作者: wunma 時間: 10-2-4 10:15

提示: 作者被禁止或刪除內容自動屏蔽

作者: kirstyau 時間: 10-2-4 10:18

佢仲好意思講出黎, 為左攞獎先去做義工,不知所謂!

原帖由 龍舌蘭 於 10-2-3 10:26 發表
3/2/2010 HKET (文中 highlight 為本人所加)

招數3︰做200小時義工

羅安宜在小六時曾參加「傑出學生獎」，比賽按4個準則評分，包括成績、音樂、體育和義工活動，可惜羅安宜名落孫山，致命傷是義工「零」經驗。

於是羅太安排囡囡參與義工活動，一口氣在一年內當了200小時義工。「公司舉辦甚麼義工服務，我也帶她去；在學校當風紀也計算在內。」結果羅安宜獲得義工金獎，中三那年，更得到全港傑出少年獎

作者: judy 時間: 10-2-4 11:28

我女升中唯一一樣我指定必要參加嘅就係英辯, 一來迫佢留意時事, 二來可訓練腦根, 口才同英語, 一舉三得!

你就好啦，可以"指定"阿女做嘢。

我嗰两隻，企係同一陣線同我唱反調。

作者: judy 時間: 10-2-4 11:31

所以讀完中四上學期都可以考得會考 la，所以咪有大把時間捉 d 非常題目，捕 A 率咪高好多。

哇，利害！利害！

作者: Charlotte_mom 時間: 10-2-4 11:50

我識個女拔生, 媽媽係女拔舊生, 律師樓PARTNER (簡單黎講, 一個絕唔簡單既女人), 當然亦一直好努力咁栽培自己個女(包括周圍帶佢識人啦, 去D上流社會圈子出席social function等, 佢個女一出黎做野已經可以做xx總理你就知佢屋企咩料啦)
呢個女仔當年會考6A, 喊到九彩, 打俾親戚喊, 見到看更喊........佢認真覺得自己should be far much better

原帖由 LittleKidult 於 10-2-4 12:40 AM 發表
睇完之後覺得佢囡囡真係只係成績中規中距果類... 咁既資源下都係得5A2B......
冇講佢個女有冇補習?

作者: KamMckay 時間: 10-2-4 11:51

我看完篇野只係覺得佢的會計真係好出色

樣樣野都係計過先做, 例如做義工, 依D唔係應該敎個小朋友由心出發去幫人, 而唔係為左攞奬。
佢個小朋友想做老師, 佢又要教佢計一計!!!!!
我真係唔識欣賞!!!!!

作者: ccycsy 時間: 10-2-4 12:05

其他方面如何裁培都沒有問題, 父母都祗是希望子女出人頭地, 盡量為他們舖排.
   唯一不認同的是為了爭取"香港傑出學生獎"而要孩子在一年內做200小時義工,還要滔滔不絕地講出來, 有些令人反感.
   為什麼要做義工, 就是要義務而不計報酬地幫助別人, 但如果用來爭取獎項增加自己的籌碼, 而且還要在短短的時間內不停地去做, 做義工的意義已被歪曲了, 變得毫無意義, 祗是麻木地像機械一般去幫助人, 根本不是發自內心, 完成200小時後都不知道自己有何收獲(除了獎項).
   如果是這樣得到獎項,要是我就一定不會講出來讓人笑話!

作者: ccycsy 時間: 10-2-4 12:10

再補充一句, 看完這個訪問後, 我祗有一種感覺, 就是感到

悲哀!!!!!

作者: heichunmum 時間: 10-2-4 12:15

提示: 作者被禁止或刪除內容自動屏蔽

作者: tom911 時間: 10-2-4 14:33

提示: 作者被禁止或刪除內容自動屏蔽

作者: wunma 時間: 10-2-4 14:44

提示: 作者被禁止或刪除內容自動屏蔽

作者: wunma 時間: 10-2-4 14:54

提示: 作者被禁止或刪除內容自動屏蔽

作者: mianyang_99 時間: 10-2-4 15:56

原帖由 judy 於 10-2-4 09:44 發表

好好嘅啦，我估全港冇1000人考5A或以上！

想當年(80年代), 我會考都有4a2b, 不過我係住公屋, 學校係屋村女校:;pppp: , 如果我阿媽唔駛幫人抺車, 有呢位女士咁有planning, 我諗我做左狀元lu.

作者: happyvalley 時間: 10-2-4 16:47

原帖由 Charlotte_mom 於 10-2-4 11:50 發表
我識個女拔生, 媽媽係女拔舊生, 律師樓PARTNER (簡單黎講, 一個絕唔簡單既女人), 當然亦一直好努力咁栽培自己個女(包括周圍帶佢識人啦, 去D上流社會圈子出席social function等, 佢個女一出黎做野已經可以做xx總理你 ...

標準要係做 10 優生嗎，我都認識一個 9A1B，問極佢點都唔講個B係邊科。

不過最叻係 5A 生，因為口材比較好。

作者: judy 時間: 10-2-4 16:48

原帖由 mianyang_99 於 10-2-4 15:56 發表

想當年(80年代), 我會考都有4a2b, 不過我係住公屋, 學校係屋村女校:;pppp: , 如果我阿媽唔駛幫人抺車, 有呢位女士咁有planning, 我諗我做左狀元lu.

80年代會考有4a2b己好勁。我記得有同學仔會考5A，己被暫取中大醫科。

不過际遇嘅嘢，冇得話如果咪如果物。啲傳统名校，特別是多活動那些，未過學校期考，学生未定心也。村校有村校之好處：簡單，冇咁多活動，中四、五己可集中精神准備會考，優勢來嘅。

作者: mianyang_99 時間: 10-2-4 17:08

原帖由 judy 於 10-2-4 16:48 發表

80年代會考有4a2b己好勁。我記得有同學仔會考5A，己被暫取中大醫科。

不過际遇嘅嘢，冇得話如果咪如果物。啲傳统名校，特別是多活動那些，未過學校期考，学生未定心也。村校有村校之好處：簡單，冇咁多活動，中四、五己可集中精神 ...

YEAH, 我地個屆半班都暫取入左中大 (包括自己).

咁我又真係名符其實既書虫, 學校亦唔會太多活動, 咁大家心無旁鶩, 就自然專心讀書. 所以我都唔望仔仔讀x沙, x拔, 反而心儀一些屋村band1學校....

作者: silvia_ng 時間: 10-2-4 17:18

原帖由 Imel 於 10-2-3 15:50 發表
咁佢一年內做200hrs 義工後, 第二年係咪有做啦?
咁為咩呢? 為取得獎項?
如果為升學, 我見到呢個學生做義工咁冇恒心, 而且咁功利, 一定唔收佢:;pppp:

我睇到呢到都覺得好恐怖...

為左名...不惜代價, 點解呢D人都可以叫教子女既成功人士? 憑什麼????
不知所謂的價值觀:-x

作者: silvia_ng 時間: 10-2-4 17:22

原帖由 judy 於 10-2-4 09:44 發表

好好嘅啦，我估全港冇1000人考5A或以上！

我六個表兄弟姊妹, 三個都有, 其中一個表妹考8科, 6科A1, 2科A2。都係佢自己讀書, 唔洗咁多資源呀!

作者: happyvalley 時間: 10-2-4 17:27

原帖由 silvia_ng 於 10-2-4 17:22 發表

我六個表兄弟姊妹, 三個都有, 其中一個表妹考8科, 6科A1, 2科A2。都係佢自己讀書, 唔洗咁多資源呀!

原來親人的影響力咁重要

作者: happyvalley 時間: 10-2-4 17:29

原帖由 mianyang_99 於 10-2-4 17:08 發表

YEAH, 我地個屆半班都暫取入左中大 (包括自己).
咁我又真係名符其實既書虫, 學校亦唔會太多活動, 咁大家心無旁鶩, 就自然專心讀書. 所以我都唔望仔仔讀x沙, x拔, 反而心儀一些屋村band1學校.... ...

而家無『生活體驗』，可能大學唔收 bor

作者: mianyang_99 時間: 10-2-4 17:38

原帖由 happyvalley 於 10-2-4 17:27 發表

原來親人的影響力咁重要

唔一定呢, 我姐姐同細佬都只係讀到form FIVE, 讀書既野，好睇個人，不過我間中學讀書風氣好好就真．

作者: mianyang_99 時間: 10-2-4 17:39

原帖由 happyvalley 於 10-2-4 17:29 發表

而家無『生活體驗』，可能大學唔收 bor

係呀，所以我慶幸我係７０後

作者: pandayumama 時間: 10-2-4 19:05

一點也不欣賞這位羅女士的"成功教女方式",我想這個分享是反面教材吧!!!!!

作者: catcatmom 時間: 10-2-4 21:16

佢就好啦! 叫亞女唔好做這樣, 唔好做哪樣, 佢都聽.
我個女當初係學校同佢選讀法文, 佢死都唔讀, 要讀日文, 我已經買了書都要退番比書局, 我好在無寫名, 先至有得退.

佢同我講, 我又學普通話, 學日文(佢當時已識少少), 又要學法文, 媽媽! 你想我死呀! 佢當時得5歲半, 我都影響唔到佢, 佢捐左入個櫃到唔出來. 學法文係完成我的心願.

好難講, 我細個都係甘, 唔係裙腳妹果種. 無得裙腳, 我亞媽無理過我.

[ 本帖最後由 catcatmom 於 10-2-4 21:20 編輯 ]

作者: CFaHB 時間: 10-2-6 01:20

唉, 有祖蔭既, 好多都無事業選擇權 .....

唔係大大間公司 / 廠傳比邊個 ?

另一個角度, 佢地又唔駛成績超好, 反正將來現成就做 md

作者: 大內密探 時間: 10-2-6 10:31

都話個個都想仔女完成自己既心願啦, 難聽D係慾望 --- 哈哈哈

作者: whatdrivesyou 時間: 10-2-7 19:26

提示: 作者被禁止或刪除內容自動屏蔽

作者: tweetyho 時間: 10-2-8 11:42

原帖由 LittleKidult 於 10-2-4 00:40 發表
睇完之後覺得佢囡囡真係只係成績中規中距果類... 咁既資源下都係得5A2B......
冇講佢個女有冇補習?

agree.... 5A is not very top lor ......... 'sigh gas'.....
many students from other are top schools are having better result than her daughter la .......

i think DGS is most famous ... due to the principal's successful strategy in publicizing the school.......
however not every girl is top ........

my sister studied in another traditional famous girl school as well.... she knew some dgs gals ... all of them were doing poorer than her in hkcee

when dgs gals and her schoolmates got to the faculty of law in HKU ... her schoolmates were doing better than dgs gals

[ 本帖最後由 tweetyho 於 10-2-8 11:47 編輯 ]

作者: gigi2 時間: 10-2-8 14:04

很反感這個招數！如前網友說道，不要再瞧不起弱勢社群，蓋因（利用）價值甚高矣！

招數3︰做200小時義工

羅安宜在小六時曾參加「傑出學生獎」，比賽按4個準則評分，包括成績、音樂、體育和義工活動，可惜羅安宜名落孫山，致命傷是義工「零」經驗。

於是羅太安排囡囡參與義工活動，一口氣在一年內當了200小時義工。「公司舉辦甚麼義工服務，我也帶她去；在學校當風紀也計算在內。」結果羅安宜獲得義工金獎，中三那年，更得到全港傑出少年獎。

作者: paltiBB 時間: 10-2-8 14:43

原來是咁 !! 唔怪得之我姑仔成日叫佢仔仔參加義工隊. 成日去呢樹果樹做義工, 我仲以為佢咁好心幫人, 原來有目的.

原帖由 gigi2 於 10-2-8 14:04 發表
很反感這個招數！如前網友說道，不要再瞧不起弱勢社群，蓋因（利用）價值甚高矣！

招數3︰做200小時義工

羅安宜在小六時曾參加「傑出學生獎」，比賽按4個準則評分，包括成績、音樂、體育和義工活動，可惜羅安宜名落孫山，致命傷是義工「 ...

作者: tweetyho 時間: 10-2-8 16:01

原帖由 paltiBB 於 10-2-8 14:43 發表
原來是咁 !! 唔怪得之我姑仔成日叫佢仔仔參加義工隊. 成日去呢樹果樹做義工, 我仲以為佢咁好心幫人, 原來有目的.

ai ....... the correct value is twisted nowadays ....

作者: judy 時間: 10-2-8 16:35

原帖由 paltiBB 於 10-2-8 14:43 發表
原來是咁 !! 唔怪得之我姑仔成日叫佢仔仔參加義工隊. 成日去呢樹果樹做義工, 我仲以為佢咁好心幫人, 原來有目的.

帮到人就得啦！

人，不會無袁無故做一件事。絕大多數人做義エ，都有唔多唔少的其他目的。我見到最純洁的人，佢在百忙中擠出時間去幫助人，問他點解，佢話做義エ会令佢感到開心。為了開心，就是此人做義工的目的。而真有研究發究發現，做義エ会令人感到開心高尚。

我歡迎更多人做義工，甚麼目的部好。當然，專登浪費人力物力去創造機會給某某名人做義工，最令人生厭。

作者: edexp 時間: 10-2-8 20:52

提示: 作者被禁止或刪除內容自動屏蔽

作者: siufaizi 時間: 10-2-9 00:23

看来真有点誇张，不知是不是现在的父母太紧张还是时代变了！我也是女拔九十年代中的畢業生，父母是草根；我也喜愛學校。到現在我還覺得女拔所給我的，我應該在其他學校也得不到。我們那時是教你如何成為有氣質的時代女性。如果我生的是女的話，如果學校沒變的話，我也希望她會受相同的教育

作者: goodmama2003 時間: 10-2-9 14:48

提示: 作者被禁止或刪除內容自動屏蔽

作者: Tommy 時間: 10-2-9 21:07

做名人的仔女真係慘！因為阿媽接受專訪，而要面對如此大的壓力，希望她沒上來BK。

整篇文章，除了有冒號和引號的一、兩句，其他都只是記者的演譯。

作者: edexp 時間: 10-2-10 10:10

提示: 作者被禁止或刪除內容自動屏蔽

作者: pingoj 時間: 10-2-11 01:35

http://www.brunstad.org/en/

原帖由 judy 於 10-2-8 16:35 發表

帮到人就得啦！

人，不會無袁無故做一件事。絕大多數人做義エ，都有唔多唔少的其他目的。我見到最純洁的人，佢在百忙中擠出時間去幫助人，問他點解，佢話做義エ会令佢感到開心。為了開心，就是此人做義工的目的。而真有研究發究 ...

作者: twinsstar 時間: 10-2-15 23:56

招數5︰鼓勵投身商界

"羅安宜計劃執教鞭，羅太沒有反對，但向女兒提出了一個問題：「如果其他同學投身商界，10年後她們的職位和成就，可能和當老師

的很不一樣。」
羅太指，不是每個人也想賺很多錢，假如囡囡認為當老師

是自己喜歡的事，她會予以支持，但想女兒考慮到，以其成績、語文及表達能力，若投身會計行業，出路會比當老師

更廣。"

hahah ....I think she's against it wor ... how come she said she isn't?! A v controlling mother .. in an indirect way though!

原帖由 龍舌蘭 於 10-2-3 10:26 發表
3/2/2010 HKET (文中 highlight 為本人所加)

女強人名校攻略送寶貝入女拔

撰文:陳韻文
欄名:Career
在商場，羅盛慕嫻總是披上一身硬朗，在會計界名氣響噹噹；放下工作，她又是稱職的媽咪，為囡囡鋪排入讀名校，栽培成今日的5 ...

作者: twinsstar 時間: 10-2-15 23:58

same to my friend's case !!!

原帖由 mat媽 於 10-2-3 15:16 發表
我朋友是女拔出身, 她結婚時只得兩個女拔 friend, 佢話讀書時係好唔開心的, 個個同學都好似官心計咁... 為咩呢????

作者: andykwan 時間: 10-2-19 17:11

This is the interview at the book "your kids can go cambridge" by etpress.

after reading the book... i found this book is not only a study guide... but also a "self-help" book for parents...

It motivate parents to find $$$$$$$ as soon as possible if you plan to send your kids to Harvard, Yale, Oxford, Cambridge...

for common family, how to afford HKD$100,000 for oversea summer courses before University education?

作者: venuscc 時間: 10-2-20 00:58

有時林深一層，系“羅太”個“位”，佢唔咁做，可以點做呢？其實佢點做都會有人“認同”、有人“反對”，所以我林佢唯一可以做嘅都系得呢個選擇（好過對個女無要求又或者好過個女入唔到名校掛）。
其實，每個媽咪（家長）都有自己唔同嘅“位置”，所以對小朋友嘅要求當然不會一樣，我覺最重要還是個小朋友嘅能力，是否能接受高難度嘅挑戰。不過，做乜都好，最終不要背叛“誠信”就可以了，因為而家太多家長為了子女，乜都做得出！！！！

歡迎光臨教育王國 (/)