教育王國

標題: 粵英班 / 普英班的考慮 [打印本頁]

作者: shootingstar 時間: 10-2-15 08:40 標題: 粵英班 / 普英班的考慮

小朋友的學校可以任揀粵英班 / 普英班, 大家會揀哪一班?  想多聽大家意見.

我選了粵英班, 基於以下原因:

1. 我見小學面試大多用廣東話/英文, 好似無乜學校用普通話interview.

2. 就算揀粵英班, 仍然每天都有普通話堂上, 不過只有15-20分鐘.

3. 仔仔(細仔)講野唔算太叻, 怕同時間太多語言會令佢混淆, 兩頭唔到岸.  我唔想因為聽唔明, 影響認知和學習進度.

4. 家裡無人識普通話, 無人跟到佢功課, 要全靠自己發揮.

5. 我見有不少津校雖然引入了普通話教中文, 但1級4班可能只有1班以普教中, 即係以廣東話教中文在津校仍然是主流 (這可能與師資不足有關).  而且小學課程緊逼, 如果在幼稚園以普教中, 小學即轉以粵教中, 可能要預計小一上學期唔太適應.

坦白說, 我個人係傾向粵英班, 你見我列左多個原因就知, 但今日拜年時俾奶奶問起, 佢就不停以責怪口吻問我點解唔揀普英班

. 我都明白從小學習普通話係最好最標準, 長遠係最最最好的, 但我衡量了仔仔和香港學校今時今日的實際情況, 我暫時仍覺得粵英班較好. 所以我想聽下各位媽咪的意見, 希望大家能分享一下實際經驗.

作者: TigerLady 時間: 10-2-15 09:01

你 BB 是讀 N1 還是 K1? 我的情況和你相似, 屋企人 D 普通話好普通, 怕教壞小朋友.

所以 N1 我地係上粵英班, 何況 N1 都有普通話班. 到 K1 時再睇情況, 睇阿 B 到時跟唔跟到, 進展良好先同佢轉普英班.

作者: marcuscyrus 時間: 10-2-15 14:22

有冇機會k2時switch?我兒學校k2開始才會有pth老師做班主任，我覺得咁樣安排幾好，但係我又覺得返學得3小時，其實又唔會話上左英普班到考小學時又冇左優勢，其實同學仔交談之間都係講返廣東話，o係屋企又係講廣東話，其實都仲係主要o既語言，不過如果本身照顧者唔係講廣東話可能就要再諗諗.

作者: TigerLady 時間: 10-2-16 18:02

你話基本溝通我地 D 普通話都可以, 不過如果要教 bb 做示範就...

我係擔心幾年後讀粵英班會唔會輸蝕, 我地心目中想讀既係蔡繼有/陳守仁/培僑呢類既直資. 但又擔心普英班我地俾唔到足夠 support 小朋友.

作者: BBG1 時間: 10-2-16 18:43

我贊成母語為先，學好廣東話先啦！遲D先學普通話都未遲。況且即使是粵英班，一樣會有普通話學呢！其實普教中是為了迎合祖國呢！是否真的學得多就識得多呢？如果自己母語都學不好，溝通能力及自信也會有問題的。普教中有時是因為人有我有，綽頭來的。係唔係咁細個就咁重要呢？

[ 本帖最後由 BBG1 於 10-2-16 18:45 編輯 ]

作者: Charlotte_mom 時間: 10-2-17 15:37

我女學校(講遠左, 佢小學生喇)係全普通話教中文(即一星期5日都有PTH), 之前揀學校時都無唸咁多, 聽到有pth就覺得"好wor"咁lor

而家比較返其他學校 (學上面家長話齋, 我相信有D真係人有我有, 推行得唔徹底, 學左等於無, 好多傳統學校都轉緊pth教, 不過唔可能一夜之間話轉就轉, 唔通炒晒而家d中文老師咩? 所以推行步伐係慢d的, 反而蔡繼有/陳守仁/培僑等可以話用pth就用pth, 如果小朋友本身有底子, 考學校一定有著數), 好慶幸揀左間中文程度高既俾小朋友, 有BK家長話學校用pth默書, 小朋友聽唔明, 我真係R晒頭.........我女一年班上左幾個月, D PTH已經勁我百倍

, 拼音一早學晒啦 (成日奚落我啦...), 今日我夠膽講句: 我完全唔需要為我女PTH擔心, 夠搵食有餘! (我自己絕對覺得pth唔係迎合祖國咁簡單, 係大勢所催, 今日我地出去搵工, 9成都話要識pth, 呢個情況我唸20年後會更犀利, 唔識流利普通話睇怕幾難搵食)

我屋企都係廣東話人, 點怕女女唔識廣東話.........反而幼稚園講多過寫, 小朋友可以無壓力地PICK UP一種新既語言tim..........至於父母跟功課問題, 我又ok(識拼音咁大把), 有拼音都仲攪得掂, 唔識咪叫佢教返我lor! 終生學習嘛!

原帖由 BBG1 於 10-2-16 06:43 PM 發表
我贊成母語為先，學好廣東話先啦！遲D先學普通話都未遲。況且即使是粵英班，一樣會有普通話學呢！其實普教中是為了迎合祖國呢！是否真的學得多就識得多呢？如果自己母語都學不好，溝通能力及自信也會有問題的。普教中有時是因為人 ...

作者: TaTa83 時間: 10-2-17 16:18

個人認為, 如果心儀係直資小學, 小朋友能夠操流利ge兩文三語, interview o個陣相信會有利d, 所以黎緊我仔仔上k1都會選英普班, 至於pth, 我自已基本溝通無問題, 不過教就真係爭dd, 同意charlotte_mom所講 - 終生學習, 所以黎緊會打算進修pth, 同仔仔一齊努力~

作者: DaisyDaisy 時間: 10-2-17 16:24

Charlotte_mom,

Can you share with us whether your daughter having Cantonese/English Class or PTH/English Class?

Thanks a lot!

作者: TaTa83 時間: 10-2-17 16:29

補充一下 : 仔仔班主任ge建議

如果小朋友語言發展良好or已能夠掌握一種基本語言, 就可以考慮k1轉英普班, 如果未得, 可以考慮k2至轉~待佢地語言發展好先轉, 否則真係會兩頭唔到岸......

作者: GCCC1231 時間: 10-2-17 17:41

Although Cantonese is our mother-tongue, it is only a dialect of Chinese Language.

Fluent in Cantonese can't help your kid in written Chinese.

However, I agree the mum saying that your kid should learn and understand your mother-tongue well before adding one more language to the kid.

It is too harsh for our kids in HK!

作者: Charlotte_mom 時間: 10-2-17 20:34

我女幼稚園d普通話..........哎, 自己個名都唔識講果種

, 所以我k2就俾佢出去學, 我女無咩叻, 係語言叫學得快又面皮厚, 有好一段時間係1:1咁學, 所以上小學涵接完全無問題 (英文都係要出去跟鬼佬學, 所以學費都金架! 如果幼稚園本身學費包埋就慳好多啦)
我之前段野意思係, 語言係要靠浸的, 如果學校可以provide到好多練習既機會, 一定係好事, 好似人地話屋企有菲傭, 小朋友要"生存"就要講英文, 普通話一樣, 如果pth老師只識pth(我見既pth老師係扮唔識廣東話的), 小朋友硬住頭皮都要上

, 而幼稚園未駛寫, 小朋友只需齋講, 學習壓力會較細
到我仔........我認同, 如果小朋友學講野慢, 真係要等佢pickup左廣東話先, 我仔情況比較"堅", 佢直頭有語言障礙, 所以普通話仲係好普通既程度, 希望佢上到小學會pickup得好d

作者: eggmama 時間: 10-2-21 07:58

我係屋企嘅做法係:看書說故事只用ENG OR PTH, 平時玩同生活先可加廣東話, 囡囡會自動波轉.

作者: twinsstar 時間: 10-2-22 11:48

sooo gd .Envy u!!!. my PTH is v poor.... :( can't really do that to my son.

原帖由 eggmama 於 10-2-21 07:58 發表
我係屋企嘅做法係:看書說故事只用ENG OR PTH, 平時玩同生活先可加廣東話, 囡囡會自動波轉.

作者: BH_2 時間: 10-2-24 14:00

我就一定會選英普班, 因為我都是細個開始學, 先無困難地掌握好PTH, 剛同阿仔去左一轉大陸行, 佢自動波可以轉用國語同內地小朋友(街邊識) 一齊玩, 我覺得幾好. 小朋友潛力好大, 不需太擔心他們在會混亂左廣東話或普通話.

作者: Charlotte_mom 時間: 10-2-24 19:55

我唸起我女細個一個趣事:
當年佢4歲, 流利廣東話+基本英文, 我帶佢去日本旅行, 我地2公婆買緊野, 我個日本朋友就帶住佢, 同d唔識既當地小朋友social
我唔知佢地點溝通喇, 交換下糖呀身體語言呀咁, 到我買完野同個女講要走喇, 約左人食飯, 我女幾不滿咁"但係我同緊我d朋友玩呀"
我成日都覺得千祈唔好睇低小朋友

原帖由 BH_2 於 10-2-24 02:00 PM 發表
我就一定會選英普班, 因為我都是細個開始學, 先無困難地掌握好PTH, 剛同阿仔去左一轉大陸行, 佢自動波可以轉用國語同內地小朋友(街邊識) 一齊玩, 我覺得幾好. 小朋友潛力好大, 不需太擔心他們在會混亂左廣東話或普通 ...

作者: virginia_328 時間: 10-3-4 17:37

呀女剛開學時我都擔心o架!
我個女K1開始就讀英普班, OK喎, 佢係o學校學普通話, 返到屋企我會問返佢廣東話點讀, 佢都識, 所以小朋友應該掌握到, 唔駛過份擔心!

作者: Pertra 時間: 10-3-28 00:40

提示: 作者被禁止或刪除內容自動屏蔽

作者: share123 時間: 10-3-29 09:12

雖然我屋企有語言環境,但當初我幫小朋友選英普班,都有d擔心會影響佢以後用廣東話面試既表現. 不過,經過大半年的英普班生活,我覺得比想像中好,佢既廣東話無唔dim,反而普通話真係突飛猛進. 所以,我好贊成大家選英普班

作者: i.cream 時間: 10-3-29 12:51

我的想法跟樓主一樣, 我曾聽過有小朋友讀全英普幼稚園, 之後上了一所中文及其他科以廣東話為主既津貼名校, 中文科完全跟不上

PTH 當然重要, 但我覺得要看將來選小學既取向!

作者: kfy 時間: 10-3-30 14:05

同意，除左中文科，其實數學科都會係死穴。如果幼稚園是以英文為主，上到中文小學數學會有問題，因為要睇文字題，老師講解也用廣東話。　

原帖由 i.cream 於 10-3-29 12:51 發表
我的想法跟樓主一樣, 我曾聽過有小朋友讀全英普幼稚園, 之後上了一所中文及其他科以廣東話為主既津貼名校, 中文科完全跟不上

PTH 當然重要, 但我覺得要看將來選小學既取向! ...

作者: BH_2 時間: 10-3-30 18:14

我相信讀左英普, 會"不懂"廣東話是多慮了, 起碼我的小朋友冇此問題, 幼稚園上學才3小時, Eng/PTH 的能力只會比少接觸的小朋友好些, 自然些, 小朋友一回家, 就會用回自己識的母語(無論是何),. 根本不可能全部只懂PTH而不懂廣東話.

文字題主要是用文字, 主要條件是他須會看中文字, 用廣東話或普通話去讀亦不成問題, 聽解時就算用廣東話, 也不會不明白, 除非長時間是在全英的環境, 不學中文, 上中文小學才會有問題. 英普班在中文方面亦很注重的.

我相信選英普幼稚園的家長, 一般都希望在英普的環境中上小學, 就算到了一間英廣小學, 亦會再俾錢出去學PTH, 其實人人都明白PTH 是大勢, 只是何時開始學, 就視乎家長的意願 (而不是小朋友的能力). 我平時接觸很多K1英普的小朋友, 在K1開學初期懂很少PTH的都有很多, 一學期下來已很習慣, 大家都會依需要對不同的老師用不同的語言, 而沒有強不強迫去學多一樣的感覺.

原帖由 kfy 於 10-3-30 14:05 發表
同意，除左中文科，其實數學科都會係死穴。如果幼稚園是以英文為主，上到中文小學數學會有問題，因為要睇文字題，老師講解也用廣東話。　

作者: kfy 時間: 10-3-30 20:19

原帖由 BH_2 於 10-3-30 18:14 發表
我相信讀左英普, 會"不懂"廣東話是多慮了, 起碼我的小朋友冇此問題, 幼稚園上學才3小時, Eng/PTH 的能力只會比少接觸的小朋友好些, 自然些, 小朋友一回家, 就會用回自己識的母語(無論是何),. 根本不可能全部只懂PTH ...

我也同意的，如果像是蘇淅強調中文這一類學校，讀中文小學一定沒有問題的。只是有朋友說囡囡在 Victoria 讀英普，本身又像鬼妹仔英文叻過中文，升讀中文小學發現數學科非常吃力罷。所以還是上英文小學比較好。

作者: BH_2 時間: 10-3-30 23:08

所以此已不是英普還是英廣的問題, 而是全英(或不注重中文) 或是雙語并重的問題, 我相信大勢一定是在雙語上, 我阿仔以前讀的幼稚園, 有印度人士都特意讓孩子讀中文, 我覺得他很有前瞻性, 不怕因他家父母無人識中文而放棄. 因為中文市場非常大, 小朋友早些接觸, 雙語并用的流暢性及接受性會比後期刻意安排去另學強些.

我比較接納腦神經發展理論中--- 幼兒大腦早己有齊各種語言能力--依此一種學說, 在牙牙學語開始, 幼兒發展常用語言的同時, 亦不可避免地造成不用天賦的退化, 所以大人學語言要學到地到語音是非常困難的事. 如果我有足夠的資源, 我學讓小朋友學多幾種通用的語言, 包括日文法文, 可惜自己能力有限, 就算初接獲都未必有資源供他讀下去, 就只好盡可能先學最常用及最有用的啦.

原帖由 kfy 於 10-3-30 20:19 發表

我也同意的，如果像是蘇淅強調中文這一類學校，讀中文小學一定沒有問題的。只是有朋友說囡囡在 Victoria 讀英普，本身又像鬼妹仔英文叻過中文，升讀中文小學發現數學科非常吃力罷。所以還是上英文小學比較好。 ...

歡迎光臨教育王國 (/)