教育王國
標題: K1 (沙田區) - 點擇好? [打印本頁]
作者: S-Kwok 時間: 10-2-21 21:08 標題: K1 (沙田區) - 點擇好?
小朋友出年讀k1, 沙田區唔知點選好?
1) 吳多泰
2) 嘉德麗
3) 樂基
4) 威寶
有學卷ge好似得吳多泰好, 仲有冇其他好ge選擇呢? 比d意見可以嗎?
作者: kerkermui 時間: 10-2-21 22:13
3) K1唔駛諗, 好少好少位~
4) 聽返嚟嘅comments較差
呢幾年好多仔出世, 係學校揀人呀! 你報多幾間啦~
作者: dlmcdlcl 時間: 10-2-22 23:35
遠小小, 馬鞍山靈糧堂好似唔錯.
big濤真理浸信會都好似唔錯.
作者: 277177 時間: 10-2-23 15:26
提示: 作者被禁止或刪除 內容自動屏蔽
作者: maths 時間: 10-2-23 20:01
個人認為，威寶行政混亂。
當年阿仔interview等了兩個鐘，
我問左好多次，幾時到我，都無人理！
面見時，阿仔完全無回答，又周圍走，我都黑哂口面嘞！
最後都收我阿仔讀N1，當然我無去讀啦！
費時阿仔喺度返學，實則無老師照顧！
作者: poison 時間: 10-2-25 02:31
Hi S-Kwok,
1)吳多泰：有學券、校舍較大有戶外地方。他們的校車會有車程中播乘數表。因此乘校車的小朋友不用3個月便懂得背乘數表。
2)嘉德麗：無學券、較商業化、每天均有英文及普通話時間，亦有英文外籍英語老師。較著重背誦經典。無戶外環境。
3) 樂基：因有Nursery，所以K1較難入，而且亦很多人報。無學券。有兩語國際班。每天均有英文及普通話時間。無戶外環境。
4) 威寶：校舍較大及有戶外環境。無學券。地點相對較遠，位於富安花園，但有免費校車到沙田第一城。(現時是否仍有需要再核實)
有學券亦可考慮以下數間：
5)真理浸信會碧濤幼稚園：有戶外地方、有半日及全日班、課程OK。
6) 真理浸信會恩典幼稚園：無戶外地方、只有半日班、感覺統合及駐校護士是他們的賣點。
7) 平安福音堂幼稚園：地方較小、半日班、老師有愛心及使用蒙特梭利教學法是他們的賣點。
8) 馬鞍山靈糧堂幼稚園：無戶外地方、活動教學、採用高角度教學法、老師有愛心及學生返學十分開心。環境亦十分靚及十分豐富。但地點較遠。
9) 孫方中幼稚園：位於隆享邨、環境較細因位於屋邨地下。以普通話為主要教學語言是他的賣點。
poison 
原帖由 S-Kwok 於 2010-2-21 21:08 發表 
小朋友出年讀k1, 沙田區唔知點選好?
1) 吳多泰
2) 嘉德麗
3) 樂基
4) 威寶
有學卷ge好似得吳多泰好, 仲有冇其他好ge選擇呢? 比d意見可以嗎?
[ 本帖最後由 poison 於 10-2-25 02:35 編輯 ]
作者: S-Kwok 時間: 10-2-25 21:31
Pison, thank you for your details.
我想小朋友將來讀呂明才, 以我所知, 好似嘉德麗多數會派呂明才, 唔知仲有冇其他幼稚園會派呂明才呢.
我知若派唔到到時可以扣門, 但如果派到就唔洗咁煩嘛!
原帖由 poison 於 10-2-25 02:31 發表
Hi S-Kwok,
1)吳多泰：有學券、校舍較大有戶外地方。他們的校車會有車程中播乘數表。因此乘校車的小朋友不用3個月便懂得背乘數表。
2)嘉德麗：無學券、較商業化、每天均有英文及普通話時間，亦有英文外籍英語老師。較著重 ...
作者: 小圓圓 時間: 10-2-26 17:55
poison,我想請教一下沙田偉華個間真理浸信會幼稚園又如何呢?除護士及英語音樂外,信仰培育著重嗎?教師有愛心嗎?
作者: poison 時間: 10-2-27 00:35
Hi S-Kwok,
嘉德麗的校長似乎與浸信會呂明才小學關係不錯。以前曾有嘉德麗學生派位不入一呂小，但敲門入到。但因近年行小班教學，叩門位大大減少。使能從叩門途徑入一呂小的人，競爭非常大。嘉德麗的叩門優勢是否仍然存在，則不得而知。
poison
原帖由 S-Kwok 於 2010-2-25 21:31 發表
Pison, thank you for your details.
我想小朋友將來讀呂明才, 以我所知, 好似嘉德麗多數會派呂明才, 唔知仲有冇其他幼稚園會派呂明才呢.
我知若派唔到到時可以扣門, 但如果派到就唔洗咁煩嘛!
...
作者: poison 時間: 10-2-27 00:43
Hi 小圓圓,
偉華中心的真理浸信會幼稚園，我沒有去過，但聽聞地方較細及舊。真理浸信會的幼稚園對信仰培育方面十分著重。有使用教幼兒聖經故事的書。亦會每天替缺席的小朋友禱告。吃茶點亦要禱告。老師一般均OK。
poison
原帖由 小圓圓 於 2010-2-26 17:55 發表
poison,我想請教一下沙田偉華個間真理浸信會幼稚園又如何呢?除護士及英語音樂外,信仰培育著重嗎?教師有愛心嗎?
作者: dragonball0301 時間: 10-2-27 23:16
提示: 作者被禁止或刪除 內容自動屏蔽
作者: bb0826 時間: 10-2-28 01:41
吳多泰 offer the K1 pm class for my daughter. I paid the deposit & gave them the letter to ask for the am class (still waiting the reply). On the other side, 又一邨學校 offer the am class for my daughter & need to register on coming March. I don't want to choose it as it's too far from shatin but I prefer the am class more. Now I'm still thinking which one is better....
作者: 小圓圓 時間: 10-3-2 15:02
poison,謝謝你回覆.真理下午班只有兩個學生(計埋我女),如果女女讀會否唔係咁好?而上午又話full了.
另聖公會靈風堂禾輋幼稚園(有口碑),銅鑼灣信義幼兒學校好嗎?我意思係信仰培育重唔重視?教師是否有愛心?兩文三語情況如何?謝謝!
作者: babycoming 時間: 10-3-2 16:16
hi,圓圓
我都有報銅鑼灣沙田信義幼稚園,已收了,我都報左幾間,但應該最後都會簡信義
作者: ALSC 時間: 10-3-2 16:44
Posion:
How about 聖母無玷聖心幼稚園 ?
作者: 277177 時間: 10-3-2 17:50
提示: 作者被禁止或刪除 內容自動屏蔽
作者: MAMAMEEE 時間: 10-3-2 22:58
請問聖母無玷聖心幼稚園同港島區個間聖心有無關係?
作者: twinsstar 時間: 10-3-2 23:57
no ... though both are catholic schools ,they are run by different 修會.
原帖由 MAMAMEEE 於 10-3-2 22:58 發表
請問聖母無玷聖心幼稚園同港島區個間聖心有無關係?
[ 本帖最後由 twinsstar 於 10-3-3 09:03 編輯 ]
作者: poison 時間: 10-3-3 02:15 標題: 沙田幼稚園
dragonball0301
孫方中的英語程度跟一般廣東話的幼稚園差不多。它有請native English Teacher，記憶中每天均有英語堂。(請再核實)。它的下午是沒有英語堂，只有普通話上課。因她們說下午是給那些在國際學校幼稚園的學生來學多些中文及普通話的。
bb0826
吳多泰幼稚園PM轉AM或者都有機會。若你覺得又一村太遠，則不如考慮本區其他的幼稚園。
小圓圓
其實你所提及的聖公會靈風堂禾輋幼稚園及基督教香港信義沙田信義幼稚園，我以前並沒有了解過。但就網上資料所見綜合如下：
聖公會禾輋幼稚園學費及雜費較便宜，以往是一間較傳統及催谷型的學校，因此教育局的質素評核結果亦不算太好。可參考：http://www.edb.gov.hk/FileManager/TC/Content_6605/SKH_HolySpiritCh_WoChe.pdf
地方亦較細。
銅鑼灣信義幼稚園學費及雜費比聖公會貴，但地方較大及有戶外地方。它有網頁中提到『以愛心為本推行幼兒生命教育，聘專職傳道教師，培育幼兒的生命質素』似乎十分著重生命教育。
ALSC
聖母無玷聖心幼稚園是一間傳統型的幼稚園。它在沙田區很出名亦很多人報，全因有小學作後盾。但我面試時，覺得學校太傳統及拘謹。而且它在BK中的網友評語中不太好。除非你好想入它的小學，否則......
poison
作者: kelly媽咪 時間: 10-3-3 04:01
我想問救世軍田家炳ok ma?tks
作者: 小圓圓 時間: 10-3-3 09:59 標題: 回覆 7# babycoming 的文章
那為何你最終選信義,有人讀過話好嗎?其實我最看重孩子的生命信仰培育(不考慮非基督教的)以及教師有無愛心,不歡喜催谷型的,至於小學升那間我無所謂,因大女已入心儀學校了.
孫方中(隆亨)校長我認識,三年多前我大女去過該校參與活動,佢地日日全普通話教學,因教師全是以普通話為母語,而外籍天天都有幾個字.兩文三語較一般優勝,其他就不太清楚.
謝謝posion的研究分享,重有無邊間好的基督教幼稚園?如果真理下午得2個學生,係咪唔好?雖校長說會混埋其他班的學生,但始終都係太少,又唔知重有無人加入.無咩互動,等於私人補習咁.
作者: dragonball0301 時間: 10-3-3 15:16
提示: 作者被禁止或刪除 內容自動屏蔽
作者: poison 時間: 10-3-5 01:51 標題: 沙田幼稚園
小圓圓：
若真理浸信會(偉華校)下午班真的只有2個學生，那我覺得不太好。小朋友到學校上課是要學習群體生活。若你喜歡真理浸信會幼稚園，為什麼不考慮它的其他分校呢？如恩典或碧濤等？
kelly媽咪
救世軍田家炳幼稚園：
校舍環境好大，有戶外地方。為半日制。有學卷。也算是區內較出名的一間幼稚園。未有學卷前，此幼稚園的寫字練習較多，現因教育局規定K1不能寫字，所以他們的寫字練習不會像以往多。
dragonball0301
真理浸信會榮光幼兒園：
我的小朋友也讀過，只讀了N1。它是一間幼兒園因此是由2歲開始入讀的。它N2(即K1)開始只有全日制，不設半日制。程度我不覺得淺。因當N班時，學校已採用部份K1的課本或教材。我反而覺得他們十分進取。
poison
作者: twinsstar 時間: 10-3-5 09:00
Poison ..you're super .. can provide very concrete information and advice w/o bias....
原帖由 poison 於 10-3-5 01:51 發表
小圓圓：
若真理浸信會(偉華校)下午班真的只有2個學生，那我覺得不太好。小朋友到學校上課是要學習群體生活。若你喜歡真理浸信會幼稚園，為什麼不考慮它的其他分校呢？如恩典或碧濤等？
kelly媽咪
救世軍田家炳幼稚園：
校舍環 ...
作者: 小圓圓 時間: 10-3-5 10:00
謝謝POSION,腦沒你轉得這麼快,昨天醒起打去真理田園閣分校,原來上下午重有位,下午班有成十個八個學生呢.不過如果我讀下午,不少學校仍有位,但真理有個好處,佢應承我一定有校車去我屋苑.(其他不少校都不去)
聽說田園閣個間較偉華大呢.我想這間分校也不太差吧.偉華校長說人數少混鹷活動對社交和學習都無影響.只有1個都開班,若家長介意可申請轉上午.
作者: dragonball0301 時間: 10-3-5 10:02 標題: 回覆 23# poison 的文章
提示: 作者被禁止或刪除 內容自動屏蔽
作者: poison 時間: 10-3-5 11:06 標題: 回覆 沙田幼稚園
小圓圓：
說真的，若考慮下午校，仍有很多考慮。你喜歡著重生命教育的幼稚園，你亦可考慮啟思幼稚園(帝堡城)呢！但學費較費。你住那裏呢？為何校車不到你家。真理浸信會因在沙田多分校，因此他們能够開較多沙田的校車線。而他們的校車不是只接送單一幼稚園的。他們不同幼稚園的學生也會上同一架校車，然後去到某特定地點，例如：碧濤幼稚園等，小朋友若是其他分校的，則要轉另一架校車，再去其本來的幼稚園。所以他們的校車能够去較多沙田不同的屋苑。
dragonball0301
我的小朋友因是細仔，所以較難報到上午班的N班。我不想他讀下午N班，所以為他報了在家附近的榮光全日制N班。當時他的班主任為陳老師，亦十分好。但他們的助教老師，則只能作為照顧者而已。榮光上年剛搬了新校舍，環境較以前好，還有良好的戶外環境(可能較曬)。我覺得不錯。我為我的小朋友讀全日制是因為當時我要照顧兩個小朋友，其中一個讀全日制較易照顧之餘，亦想他學習自理等。因我的另一半喜歡小朋友能在家互相玩耍，所以K1便轉回半日制，待小朋友可有時間在家打架或玩耍。因榮光K1以上只有全日制，所以轉校。我記憶中N班時，榮光並沒有Native Teacher，但有普通話老師。榮光雖然英語或普通話並不強，但十分著重親子關係及父母參與。他們小朋友每星期均可在校借圖書回家閱讀，家長亦可借家長系列的書籍。能够鼓勵閱讀風氣。另外，他們的功課亦有部份要家長一同完成，以鼓勵親子交流等。他們亦會讓家長作為義工協助圖書借閱等的事項。整體來說，他們的N班照顧十分好，膳食亦十分吸引。他們的課程跟一般幼稚園差不多。英文不算太強。但作為N班是一間頗佳的考慮。
另外全日制的N班或幼兒園，另可考慮救世軍乙明及禾輋幼兒園。他們有自己發展的教材。亦能讓孩多方面嘗試及有 Net Teacher等。
poison
作者: teacats 時間: 10-3-5 14:31
poison
請問吳多泰, 孫方中你會如何選擇呢?
作者: Christineblue 時間: 10-3-5 19:27
各位 mami,
Any comment on Good time international school (沙田廣場)?
真埋浸信會(偉華) 同 good time, 邊間好Ｄ?
Thanks!
作者: poison 時間: 10-3-7 02:32 標題: 回覆 2# teacats 的文章
Teacats,
孫方中除了隆享那一間外，在穗禾苑也有一間，但是係全日制的幼兒園。
若你想比較吳多泰和隆享孫方中：
校舍則吳多泰優勝，有戶外地方。孫方中地方較暗及細。
校車亦吳多泰勝，因他們有自己的校車隊。
學費大家差不多。
資源可能吳多泰勝，因其有保良局支援。
語言則可能孫方中稍勝，因其為全普通話教學。
poison
作者: poison 時間: 10-3-7 02:36 標題: 回覆 2# Christineblue 的文章
Christineblue,
Goodtime 好時光
我個人覺得商業味濃，校舍不算太好。戶外地方不多。又無學券。
poison
作者: kelly媽咪 時間: 10-3-7 14:50
tks poison 
其實碧濤都收咗上午班,and聖心pm班
田家炳am班你會點揀?
作者: 3cats 時間: 10-3-7 16:59
Poison,
請問救世軍乙明/孫方中/崇真美善美, 你又覺得如何?
作者: koala小寶寶 時間: 10-3-7 18:20
小圓圓,
我個女依家都o係信義度讀緊, 佢係1入插班入去讀k1o既, 學校淨係得am同全日班, 冇pm class呀,
我最鐘意學校有足夠o既戶外地方, 學校每學年都會舉辦好多唔同o既活動, 單月就會有運動會, 又有興趣班o係平日放學後上,
mon, wed, fri就有1hr ENG, tue, thur就有PTH上~
10年新學期開始仲會增至雙語班主任, k1會係普通話, k2, k3係英文~ 語文o黎講我覺得都ok夠, 出面有好多kinder 1個wk都係得1堂eng&pth..
孫方中我本身都好鐘意, 同埋佢都收左我個女, 最欣賞佢係英普教學~, 但係佢學舍細同埋冇戶外o既活動地方, 加上我想搵教會學校and有埋可以平日上埋興趣班o既kinder, 所以最尾我都係揀左信義~
作者: ALSC 時間: 10-3-8 10:45
Dear Posion,
Do you have any comment of
嘉德麗中英文幼稚園 ? Thanks!
作者: brendabb 時間: 10-3-8 11:00
poison,
請問你對 "小時候" 有咩comments?
有人話佢哋train小朋友嘅自理能力好, 但規模較細, 好似好少人讀到k3畢業 
thanks!
作者: teacats 時間: 10-3-8 13:58
THANKS poison
原帖由 poison 於 10-3-7 02:32 發表
Teacats,
孫方中除了隆享那一間外，在穗禾苑也有一間，但是係全日制的幼兒園。
若你想比較吳多泰和隆享孫方中：
校舍則吳多泰優勝，有戶外地方。孫方中地方較暗及細。
校車亦吳多泰勝，因他們有自己的校車隊。
學費大家差不多 ...
作者: 小圓圓 時間: 10-3-9 14:29 標題: 回覆 9# Christineblue 的文章
真理(偉華)已收我女,但共計下午得2個學生,上午就滿了,你也報了嗎?我諗住轉去另外分校,田園閣個間下午有十個八個學生,但碧濤不肯講收左幾多個下午生,好似好神祕,唔知呢間好無.我想搵校長,佢左問右問,好似唔知怕咩咁.校長未覆我.
kelly媽咪,碧濤好嗎?我指老師有無愛心?信仰培育重唔重視,兩文三語好嗎?功課不多吧?
好時光校長好友善好親民,又有心,我面試時佢個別同家長傾計,又鼓勵家長.外籍係巴籍婦女,但問過正在讀的家長都說不錯.國際學校不免有商業味啦.
posion,我係住"半山",所以一個半個學校唔肯去,叫我自己找保母車,我找唔到,問左幾間話唔做.有人叫我係學校樓下等,睇吓有無車,咁樣好似好渺茫.
koala,信義無下午又無校車去我度,都係唔考慮得,真可惜.
作者: ddbmug 時間: 10-3-10 11:46
提示: 作者被禁止或刪除 內容自動屏蔽
作者: bb0826 時間: 10-3-10 13:25
Can someone give more comments about 吳多泰? The school offer a pm class for my daughter this yr & I'm still thinking about it. Tks.
作者: 小圓圓 時間: 10-3-10 14:17
ddbmug, 謝謝你意見,因恩典同碧濤場地我未親身見過.碧濤話埸地大過偉華及恩典,有戶外場地.
另外,碧濤會否因位置問題,學生會來自中高層家庭?而恩典近屋邨,學生來自低下層呢?這樣,女女入了去易雜染不好的東西.朋友說都要注意這點,是否真的咁重要?
碧濤真係怪,尋日上午留電話給校長,到宜家都未覆過我.剛再打去,今次職員有講下午收了7.8個學生.不過恩典接電話個老師就親切d.學費都唔同,碧濤$861 , 恩典$754.
作者: Namnam05 時間: 10-3-11 15:41 標題: 回覆 1# 小圓圓 的文章
小兒舊年K1開始便返碧濤全日班,佢哋Ｄ老師同嬸嬸上下各人都好有愛心,校舍光猛清潔,有户外場地可供活動,小朋友好喜歡返學,大家都好開心而且感情好好,好懂得分享校內嘅事,課程適中,學習態度亦好好,自上K2要寫字後,每天都自覺地拿出功課來做,從不抗佢更懂得運用老師教的方法來做,由此可見他們的校園生活得好好,你不妨考慮下啦！:D
作者: tpmak 時間: 10-3-11 16:31
之前見吳多泰,
1)聽到有位主任由於個小朋友唔定性,
所以叫該家長放棄,
2 )個女喊, 緊持要我等到個女唔好喊. 一定要小女獨自入一間有兩位沒有笑容的老師恭候的房interview
3)其中有一位小朋友喊, 老師唔理繼續interview,
我見到小朋友你有你喊, 佢有佢問, 但求收工似的,
而且老師仲有不悅的臉容.
4)後來房內再多一個類似王王夏惠的人, 撓住隻手, 臉目嚴肅, 我見到都有d 緊張, 何況小朋友.
當我係門外等時, 王夏惠的人竟然叫我必需要坐著得, 不能站住等. 好有訓導主任的格, 比KV 要求更高.
印象唔好, 放棄了. 體諒包容&愛心好重要, 我係當天見到好多小朋友比佢地的規定攪到喊, 佢唔係我感覺到放心的學校, 隨了學校設施.[quote]原帖由 bb0826 於 10-3-10 13:25 發表
Can someone give more comments about 吳多泰? The school offer a pm class for my daughter this yr & I'm still thinking about it. Tks. [/quote]
[ 本帖最後由 tpmak 於 10-3-11 16:42 編輯 ]
作者: bb0826 時間: 10-3-11 19:01
原帖由 tpmak 於 10-3-11 16:31 發表
之前見吳多泰,
1)聽到有位主任由於個小朋友唔定性,
所以叫該家長放棄,
2 )個女喊, 緊持要我等到個女唔好喊. 一定要小女獨自入一間有兩位沒有笑容的老師恭候的房interview
3)其中有一位小朋友喊, 老師唔理繼續inter ...
I went to interview last yr but the teachers seems ok wor..... Actually my daughter have another offer at Yau Yat Chuen (又一邨)KG am class but just far away from Shatin. YYC need to register at coming moth end. So which one I choose??
作者: teacats 時間: 10-3-12 09:32
想問吓碧濤有冇外籍老師教英文叱和國語老師教普通話呢? 每星期有幾多堂呀?
原帖由 Namnam05 於 10-3-11 15:41 發表
小兒舊年K1開始便返碧濤全日班,佢哋Ｄ老師同嬸嬸上下各人都好有愛心,校舍光猛清潔,有户外場地可供活動,小朋友好喜歡返學,大家都好開心而且感情好好,好懂得分享校內嘅事,課程適中,學習態度亦好好,自上K2要寫字後,每天都 ...
作者: 小圓圓 時間: 10-3-12 10:57
Namnam05,好多謝你的分享,使我對這分校增加了信心.我想知碧濤老師係咪全部基督徒?是否著重信仰的栽培?如小朋友讀後,是否有祈禱.天父.耶穌等觀念?是否愛唱詩歌?重有,個校長好唔好?幾日前留電給她,都無覆過我.
我想去參加佢既陽光寶寶playgroup,藉此視察情況,但佢話收左既學生先可以參加.
作者: Namnam05 時間: 10-3-12 17:44
無錯碧濤嘅老師全部都係基督徒,每天早上、茶點及午飯都會有祈禱架,有時有小朋友病咗無返學佢哋都會一齊祈禱祝佢快Ｄ好返(係仔仔回家告訴我的)感覺好warm呢,而K1開始小兒已懂得回家祈禱啦,我哋本身唔係基督徒,但佢哋每個星期都有一堂係講聖經故事嘅,仔仔都會同我們分享,也會唱一些歌仔,間中會有天父劇場等,學校有三位英文老師和一位普通話老師,(佢哋唔會跟小朋友講廣東話嘅)英文日日都會有,普通話就一星期兩日,因仔仔係全日班及坐校車所以我很少見到校長,但我知佢每朝都會响學校門口接小朋友及到課室跟佢哋打招呼,(都係仔仔講嘅)有時家長會和旅行見到她感覺上都好親切友善嘅,總括來講小朋友返碧濤好開心和好乖,好懂得分享,學習態度好好,老師亦好有耐牲和愛心,學費係貴Ｄ但係唔錯嘅幼稚園
[ 本帖最後由 Namnam05 於 10-3-12 18:04 編輯 ]
作者: poison 時間: 10-3-15 10:18
Hi Kelly,
聖心較為傳統，而且為PM班。我不太考慮。碧濤及田家炳都不錯。那一間較近你家呢？可從此方向考慮。若論學生或家長質素可能碧濤稍為優勝。
希望你選到適合你小朋友的學校。
poison
原帖由 kelly媽咪 於 2010-3-7 14:50 發表
tks poison
其實碧濤都收咗上午班,and聖心pm班
田家炳am班你會點揀?
作者: poison 時間: 10-3-15 10:51
Hi 3cats,
救世軍乙明為全日制的幼兒園，由2歲開始。救世軍的幼兒園有自己開發的教材，效果不錯。她們亦十分著重德育的培育。另因全日制的關係，小朋友的自理亦不錯。
孫方中若你喜歡多讓小朋友接觸普通話則可以考慮。
崇真美善美位於馬鞍山錦泰苑。地點較遠。但她在馬鞍山區的口碑亦十分不錯。看她在網頁公佈的措施，則十分為家長著想。她亦有全日制及半日制。我相信此校亦不錯。
poison
原帖由 3cats 於 2010-3-7 16:59 發表
Poison,
請問救世軍乙明/孫方中/崇真美善美, 你又覺得如何?
作者: poison 時間: 10-3-15 10:57
Hi ALSC,
嘉德麗為一間商業化及傳統式的幼稚園。她著重經典背誦及寫字等。她較多Net teacher 此為她的賣點。她的校長似乎與該區附近小學的關係不錯。校舍沒有戶外地方，鄰近街市，因此常被人指有特別的味道。學校沒有學券，但學校十分積極進取。
poison
原帖由 ALSC 於 2010-3-8 10:45 發表
Dear Posion,
Do you have any comment of
嘉德麗中英文幼稚園 ? Thanks!
作者: poison 時間: 10-3-15 11:03
Hi brendabb,
小時候是由2歲開始的幼兒院。有半日制及全日制。但地方真的十分細。可能是較細規模的幼兒園，所以學生與老師及校長的關係不錯。亦因有全日制，所以自理能較好。但因地方較細，較多人讀完2歲班後，便轉校。
poison
原帖由 brendabb 於 2010-3-8 11:00 發表
poison,
請問你對 "小時候" 有咩comments?
有人話佢哋train小朋友嘅自理能力好, 但規模較細, 好似好少人讀到k3畢業
thanks!
作者: poison 時間: 10-3-15 11:07
Hi bb0826,
吳多泰雖然位於沙田穗禾苑，但其校車時間與又一村學校差不多。我的屋苑是同一時上車的。
又一村現正進行擴建工程，校舍環境有所影響。
poison
原帖由 bb0826 於 2010-3-11 19:01 發表
I went to interview last yr but the teachers seems ok wor..... Actually my daughter have another offer at Yau Yat Chuen (又一邨)KG am class but just far away from Shatin. YYC need to register at com ...
作者: ALSC 時間: 10-3-15 11:19
Hi Posion,
My daughter already accepted by below kindergarden, 點擇好? Thanks!
1. 嘉德麗 (A.M.)
2. Wellborn (A.M.)
3. 聖心 (P.M.)
作者: bb0826 時間: 10-3-15 13:47
原帖由 poison 於 10-3-15 11:07 發表
Hi bb0826,
吳多泰雖然位於沙田穗禾苑，但其校車時間與又一村學校差不多。我的屋苑是同一時上車的。
又一村現正進行擴建工程，校舍環境有所影響。
poison
...
Really? I'm living at 市中心, do u know their 上落車時間? Other than the location, which one is better u think? Many tks.
作者: birdbird123 時間: 10-3-15 16:25
我囝只得2個offer:
嘉德麗
優點﹕近屋企唔洗撘車, 課程較深, 較催谷
缺點﹕無學券
崇真會美善
優點﹕故事教學, 我囝應較喜歡, 老師有愛心, 有學券
缺點﹕課程較淺, 行政覺得有點亂
我都唔知點揀...
作者: ls0909 時間: 10-3-15 16:33
請問大家覺得樂基幼兒學校（駿景園）好唔好? 有無佢既timetable?
我想從timetable睇下樂基既教學方針.
thanks.
作者: ｙｏｂｉ 時間: 10-3-16 01:25
我因為就搬入SHATIN~大女聽日都會IN~請問恩典IN既時候會有咩問題GA?K1
作者: 小圓圓 時間: 10-3-16 10:13 標題: 回覆 1# ｙｏｂｉ 的文章
Namnam05, 好多謝你的分享,使我對碧濤增添了很大的信心,我昨天己同偉華講我要將留位費轉去碧濤,佢話應無問題,今天會覆我.
yobi, 我去過偉華in, 記得是讓小朋友砌lego,另外給她膠的小動物,叫她放回盒子裏.其他唔太記得,不過我去過其他幼稚園in,要她看三四幅圖畫,問她是什麼動物.又叫她指出自己或媽媽的眼耳口鼻在哪裏.
作者: ｙｏｂｉ 時間: 10-3-16 10:59
我女之前in 1間學校 九龍區 都收左~上次in佢~放返d野~咩名...等~佢都識~ 我怕恩典會深 所以問定先~^^
作者: Namnam05 時間: 10-3-16 19:10 標題: 回覆 2# 小圓圓 的文章
唔好客氣,分享下啫,出發點都係為小朋友好,出年希望你和小朋友都能夠感受到園中嘅樂趣啦~
作者: poison 時間: 10-3-16 22:49
Hi ALSC,
你住的地區在那裏呢？
你又喜歡那一類型的教學方法呢？
學券是否要考慮的因素呢？
1. 嘉德麗在第一城區亦算出名。她出名於較催谷及背誦經典。她亦使用較多資源請較多 Net teacher。但她無學券及地方環境較普通。有全日制及半日制。
2. 威寶。地點較遠位於富安花園。環境不錯，但要留意較多蚊。她亦有 Net teacher。教學較為活潑。威寶亦無學券。但有免費校車往返第一城。有全日制及半日制。
3. 聖心。在沙田區內有人說是名校(雖然我不覺得)。校舍雖然有戶外地方，但較為殘舊。教學模式及教材亦十分舊式及傳統。只有半日制。她可以用學券。若你有興趣入聖母無玷聖心學校，則或許叩門時會有優勢。
另嘉德麗及威寶均有playgroup，若你想更了解學校，可參加她們的playgroup，以感覺學校的老師及氣氛。
poison
原帖由 ALSC 於 2010-3-15 11:19 發表
Hi Posion,
My daughter already accepted by below kindergarden, 點擇好? Thanks!
1. 嘉德麗 (A.M.)
2. Wellborn (A.M.)
3. 聖心 (P.M.)
作者: poison 時間: 10-3-16 23:01
Hi bb0826,
對不起！我不知道兩間學校的沙田市中心上車時間。但論學費則吳多泰便宜得多，而且校車不用過隧道，校車費亦較便宜。若你小學目標是沙田區，則選吳多泰較適宜，因日後的小學資訊亦會圍繞沙田區。校長亦會較熟沙田區的小學情況。
若你要全日制，則可以考慮又一村，因她有全日制及全日制下午會有 Net teacher 講半小時英文故事。
希望可以幫到你決定啦！
poison
原帖由 bb0826 於 2010-3-15 13:47 發表
Really? I'm living at 市中心, do u know their 上落車時間? Other than the location, which one is better u think? Many tks.
作者: babycreamy 時間: 10-3-17 00:29
原帖由 poison 於 10-3-16 22:49 發表
Hi ALSC,
你住的地區在那裏呢？
你又喜歡那一類型的教學方法呢？
學券是否要考慮的因素呢？
1. 嘉德麗在第一城區亦算出名。她出名於較催谷及背誦經典。她亦使用較多資源請較多 Net teacher。但她無學券及地方環境較普通。 ...
Poison,
咁我想問你聖心是否有net teacher? 你認為英文及普通話是否足夠? 如考直資小學, 她的課程可以應付嗎?
[ 本帖最後由 babycreamy 於 10-3-17 00:32 編輯 ]
作者: poison 時間: 10-3-21 01:36
Hi babycreamy,
聖心為傳統型幼稚園，以我所知並沒有Net teacher 或者現在不同了(請在讀者賜教)。若你不考慮叩門聖母無玷聖心學校，則此幼稚園並沒有什麼優勢。現在考直資小學，均十分看重學生面試的表現，所以表達能力高及較活的小孩會較有優勢。
poison
原帖由 babycreamy 於 2010-3-17 00:29 發表
Poison,
咁我想問你聖心是否有net teacher? 你認為英文及普通話是否足夠? 如考直資小學, 她的課程可以應付嗎?
作者: chuchu1207 時間: 10-3-21 16:41
Poison,
你好呀!
:
我過多月會搬入馬鞍山,所以原有九龍的學校(今年K1)會放棄!相信現在報學校已遲了,但有什麼學校可以報呢?
我個仔上年上過N班有個不快的經驗
,怕了返學現在仲貼身跟住我!我好想為阿仔找有愛心的老師的學校,最緊要阿仔讀得開心同學到嘢!
唔知康傑和威寶你會prefer那一間呢?不知所操的媽媽真的很想你的幫忙,謝謝!
作者: poison 時間: 10-3-22 00:52
Hi chuchu1207,
康傑位於富寶花園。環境十分好，因有獨位三層高的校舍，天台亦讓幼兒種植植物。她稱自己為雙語教學，但並不是英普班，而班主任仍是廣東話老師。課程可函接一般小學。
威寶校舍亦很好，有戶外地方供幼兒玩樂。她則有國際班或本地課程兩種。國際班內容較國際化。
你選的此兩間均為幼兒及幼稚園。兩間均有全日制及半日制。兩間均無學券。
請問你住那裏呢？你選擇幼稚園時有何考慮呢？
其他你可考慮如下：
有學券的：
1. 香港中文大學校友會聯會張煊昌幼稚園
2. 合一堂單家傳紀念幼稚園
3. 馬鞍山靈糧幼稚園
4. 崇真會美善幼稚園（馬鞍山）
無學券的：
1. 博士山（香港）國際幼稚園
2. 朗思國際幼稚園（馬鞍山）
因現時已很多學校申請完結了，所以可能要個別致電學校問是否有位。若沒有位亦留下資料
，希望有位通知你面試。努力吧！加油！
希望幫到你。:
poison
原帖由 chuchu1207 於 2010-3-21 16:41 發表
Poison,
你好呀!::" />
我過多月會搬入馬鞍山,所以原有九龍的學校(今年K1)會放棄!相信現在報學校已遲了,但有什麼學校可以報呢?
我個仔上年上過N班有個不快的經驗,怕了返學現在仲貼身跟住我!我好想為阿仔 ...
作者: chuchu1207 時間: 10-3-22 10:56
Poison,
好多謝你熱心的寶貴竟見!
我將會住富安花園!到阿仔讀K1之時我可能胎著第二個。
不過,因為阿仔之前被老師不好的對待
,我最著緊老師有愛心!
別外,小學打算考慮直資!我想找些可以訓練小朋友自己主動和喜歡學習的學校!
請問『雙語教學』和『英普班』有什麼分別呢?
請問香港中文大學校友會聯會張煊昌幼稚園如果呢?這一間現現還有位。而聖三只有pm,我就唔考慮了!我先生唔係咁喜歡靈糧!
原帖由 poison 於 10-3-22 00:52 發表
Hi chuchu1207,
康傑位於富寶花園。環境十分好，因有獨位三層高的校舍，天台亦讓幼兒種植植物。她稱自己為雙語教學，但並不是英普班，而班主任仍是廣東話老師。課程可函接一般小學。
威寶校舍亦很好，有戶外地方供幼兒玩樂。她 ...
[ 本帖最後由 chuchu1207 於 10-3-22 16:55 編輯 ]
作者: babycreamy 時間: 10-3-22 15:23
原帖由 poison 於 10-3-21 01:36 發表
Hi babycreamy,
聖心為傳統型幼稚園，以我所知並沒有Net teacher 或者現在不同了(請在讀者賜教)。若你不考慮叩門聖母無玷聖心學校，則此幼稚園並沒有什麼優勢。現在考直資小學，均十分看重學生面試的表現，所以表達能力高及 ...
Poison, 謝謝你的意見. 我想聖幼是比較嚴謹的學校, 好處是可以讓小朋友更獨立, 但可能academic上就只有中文比較好, 及有學卷....
作者: jcmchan 時間: 10-3-23 14:39
原帖由 S-Kwok 於 10-2-21 21:08 發表
小朋友出年讀k1, 沙田區唔知點選好?
1) 吳多泰
2) 嘉德麗
3) 樂基
4) 威寶
有學卷ge好似得吳多泰好, 仲有冇其他好ge選擇呢? 比d意見可以嗎?
樂基真係好好,語言好,老師好,不過好難入!!!吳多泰便宜好似幾百元一個月,不過英文堂好少好少...!!!嘉德麗???唉~~學校講比唱的好聽,老師們都肉笑皮不笑,我完全感受唔到老師的愛及熱!!!我小朋友已退學了,我知道也有3位小朋友退學!!我小朋友回家常發夢話驚驚老師!!
[ 本帖最後由 jcmchan 於 10-3-23 14:40 編輯 ]
作者: stellarlj 時間: 10-3-23 17:59
想問下，有無媽咪的小朋友讀過靈光幼兒園啊，在廣源果邊，唔知好唔好呢？Thanks!
作者: stellarlj 時間: 10-3-23 18:00
Poison,
唔知你覺得靈光幼兒園好唔好呢？
Thanks a lot!
作者: lingwang 時間: 10-3-24 14:14
我本來報咗聖母無玷聖心幼稚園,救世軍田家炳, 嘉德麗,三間都收,but 嘉德麗好貴,而 救世軍只有下午班,so最後入咗聖心...
作者: lingwang 時間: 10-3-24 14:18
靈光幼兒園 d老師好好家...我之前個女2歲想去讀,but我住大圍,個老師同我講:你小朋友甘細,你一早要佢坐甘遠車去返學,佢會好辛苦,你不如搵間近d既學校啦...
個老師連呢一點都為個小朋友諗埋,個老師真係幾好..
作者: poison 時間: 10-3-26 01:46
Hi chuchu1207,
若考慮到你的環境及家住富安花園，則可能讀威寶較為方便及合你心意。威寶給我感覺較為西化，學習及老師方面均感覺較自由。小朋友的發揮自由度更大。
張煊昌在錦英苑商場。學校校長及學校措施較為家長著想。亦有家長教師會。校舍只有室內，但亦十分闊大及光猛。
poison
原帖由 chuchu1207 於 2010-3-22 10:56 發表
Poison,
好多謝你熱心的寶貴竟見!
我將會住富安花園!到阿仔讀K1之時我可能胎著第二個。
不過,因為阿仔之前被老師不好的對待,我最著緊老師有愛心!
別外,小學打算考慮直資!我想找些可以訓練 ...
作者: poison 時間: 10-3-26 01:58
Hi stellarlj,
靈光幼兒園環境一般，屬比較細。老師屬OK。課程屬普通的一類。我亦有朋友的小朋友曾在那裏完成他的幼稚園。但若你不是住近廣源邨的，則可以找一間較近家的。在廣林苑亦有一間廣林浸信會呂郭碧鳳幼稚園。這間幼稚園亦有一定的好評。她亦有2歲班的服務。
poison
原帖由 stellarlj 於 2010-3-23 18:00 發表
Poison,
唔知你覺得靈光幼兒園好唔好呢？
Thanks a lot!
作者: NANAAU 時間: 10-3-26 16:26
HI 沙田區媽媽
我bb係0812bb,我幫佢報左5間幼兒園n1,但係一間都未有得in
打過去3間問,啟思話未有打算in細b...真理浸信會榮光就話maybe 4月 in...穗禾苑的孫方中話6-7月會in,仲話佢地係先到先得!?...話我報全日班應該無問題,2011年1月入學...
我想問下大家對穗禾苑的孫方中的評價如何呢?
其實我想佢入真理浸信會榮光,但係連in都未有得in...同埋我個仔好多野都未識,好驚interview咩都唔識...唉...
作者: poison 時間: 10-3-27 00:53
Hi NANAAU,
你不用太擔心，兩歲班的面試一般均不需要小朋友說話(當然若懂得用說話回應則更好)。面試問題亦十分簡單。一般幼兒園要待幼兒到一歲半左右才面試，因太細面試未能反映實質情況。啟思現時很多人報，細B可能較難入。榮光的半日班亦很快滿，不過可以嘗試。
poison
原帖由 NANAAU 於 2010-3-26 16:26 發表
HI 沙田區媽媽
我bb係0812bb,我幫佢報左5間幼兒園n1,但係一間都未有得in
打過去3間問,啟思話未有打算in細b...真理浸信會榮光就話maybe 4月 in...穗禾苑的孫方中話6-7月會in,仲話佢地係先到先得!?...話我報全日班應該 ...
作者: chuchu1207 時間: 10-3-27 13:40
Hi Poison,
多謝你的意見!
唔好意思,我也想問如果是基督教和有學卷,有那些可以試呢?
原帖由 poison 於 10-3-26 01:46 發表
Hi chuchu1207,
若考慮到你的環境及家住富安花園，則可能讀威寶較為方便及合你心意。威寶給我感覺較為西化，學習及老師方面均感覺較自由。小朋友的發揮自由度更大。
張煊昌在錦英苑商場。學校校長及學校措施較為家長著想 ...
作者: JessBB 時間: 10-3-27 23:51
原帖由 chuchu1207 於 10-3-21 16:41 發表
Poison,
你好呀!::" />:" />:" />
我過多月會搬入馬鞍山,所以原有九龍的學校(今年K1)會放棄!相信現在報學校已遲了,但有什麼學校可以報呢?
我個仔上年上過N班有個不快的經驗,怕了返學現在仲貼身跟住我!我好想為阿仔 ...
如果你有不快的經驗, 同想揾有愛心的幼稚園, 咁威記你唔需要考慮, 我個小朋友都讀緊, 都係一個好唔愉快的經歷, 我地會退學, 因為呢間學校唔見得對學生係有教無類, 又無愛心, 有事只會推卸責任, d老師好主觀, 睇學生只會睇下個家長的背景來評定學生的質素, 真係一間唔負責任的學校, 我依家好受氣, 件事發生至今仲未解決, 但好想同你講, 呢間學校喺處理事件上好有問題, 若有事發生, 佢都只會推卸責任, 所以唔好入讀, 只會令你個仔更驚返學。
[ 本帖最後由 JessBB 於 10-4-1 00:20 編輯 ]
作者: chuchu1207 時間: 10-3-30 23:31
咁點呀?退了學,有否找到另一間學校補上呢?
你個小朋友點呀?有否受到影響呀?我個仔當時的樣子,我現在還記得好清楚,諗起心都痛痳!
真的要小心找...好的!
原帖由 JessBB 於 10-3-27 23:51 發表
如果你有不快的經驗, 同想揾有愛心的幼稚園, 咁wellborn你唔需要考慮, 我個小朋友都讀緊, 都係一個好唔愉快的經歷, 我地會退學, 因為呢間學校唔見得對學生係有教無類, 又無愛心, 有事只會推卸責任, d老師好主觀, ...
作者: JessBB 時間: 10-3-31 01:47
原帖由 chuchu1207 於 10-3-30 23:31 發表
咁點呀?退了學,有否找到另一間學校補上呢?
你個小朋友點呀?有否受到影響呀?我個仔當時的樣子,我現在還記得好清楚,諗起心都痛痳!
真的要小心找...好的!
...
其實我一早無諗住會喺呢間直升k1, 都係諗住比佢返下學, 玩下, 所以報咗n1! 我都係今年頭搬入馬鞍山, 所以我要插班入讀, openday見佢有位, 咪幫我個仔入讀, 入學以來, 我一直都有問老師佢表現, 佢地都話佢好好, 無咩特別, 幾乖, 而且阿囝好鐘意返學, 不論要唔要返學佢都會一早起身攞書包話返學, 我仲以為開心日子會一直keep住.....可惜三月我個囝有咳, 咁我比佢食西藥, 可能咁佢情緒脾氣都唔太穩定, 意外就發生。
老師打比我, 話我個囝咬傷咗個同學, 佢地話對方要求我都賠償??? 我心諗...吓....小朋友無心, 又唔識性, 咁小事就要我賠錢?? 我返到屋企, 用咗好多時間教我個囝, 但可惜我個囝仲未識講嘢, 我都唔知佢明唔明我講咩, 問佢點解咬人佢都唔識回應, 但我都每日傳給他訊息, 要同同學仔好好相處, 唔好整痛同學, 要做好朋友, 用心的輔導佢。我以為事情就此了結, 一星期後, 同樣事情又發生
, 又係同一個同學仔!! 今次就園長打嚟!! 但明知有前科, 佢地都唔好好睇住佢地兩個?? 我問過我識的所有從事教育工作的朋友, 佢地話其實一開始我唔需要賠錢的, 如今又一次發生, 最大責任係學校, 但呢個園長把所有責任推卸於我們身上
, 問我點解我個囝會咬同一個同學?? 佢地每天看到他們相處, 但我無, 我點會知呢?? 個囝又唔識答我!! 咁我話個小朋友有無攪我個囝, 所以我個仔又攪返人地, 佢地話見到整個過程, 但點解見到成個過程但又阻止唔到?? 仲話對方好溫馴, 咁即係想暗示d咩呢?? 個園長仲話人地對方家長係中學老師, 想暗示我地唔識教囝, 其實人地做咩職業關我地咩事?? 我相信小朋友係好純真的, 佢地咁細仲未識性, 又無機心, 係咪大家都要體諒一下呢, 何況你係受過專業訓練的園長, 點可能以家長的職業來衡量小朋友乖定唔乖呢??
咁對佢係咪好唔公平呀!! 幫我個囝補習的外籍老師都教過呢間學校, 佢都話呢d事應該由佢地攪掂, 無可能要我賠錢, 小朋友交到佢地學校上堂, 責任喺佢地度, 應該學校賠!! 咁都算啦!! 我老公問園長我地張sorry卡寫咩名(對方小朋友), 個園長竟然話"對方家長話讀埋呢兩三日唔會再讀, 仲話..希望你唔好介意, 佢地話一係你地唔讀, 一係佢地唔讀喎!! 作為一個中介調解人, 講咪應該知道咩可以講, 咩唔可以講呀?? 佢咁講我只有一個會意:就係佢想我地唔讀!! 佢不但無解決問題, 仲咁講真係好過份!! 佢有心解決問題可以話安排調斑, 佢竟然無提出任何解決方案! 我地真係好嬲呀!! 想唔到佢會咁, 作為一個園長, 講埋d咁說話!!
呢件事我個囝受咗好大壓力, 對一個兩歲小朋友來說, 真係好殘忍, 件事根本不知誰對誰錯, 因為對方比我個囝溫馴, 所以就係我個囝錯晒!! 我所有朋友都覺得, 兩位小朋友一定中間發生過事才會同樣事情發生兩次, 但我唔知發生過咩事, 學校又話唔知, 但就話兩次佢地都睇得好清楚事發經過, 但點解兩次都阻止唔到, 真係好難解釋!! 我個囝呢一星期都唔再叫住要返學, 佢好似知道發生緊咩事咁, 佢連書包都話唔要, 所以我諗佢一定係好唔開心, 作為家長的我真係好心痛!! 但我知人地個囝比人咬都好心痛, 我衷心向佢地道歉, 但都希望佢地會明白小朋友呢d事係經常發生, 希望多d包容同體諒!! 我一比個囝入學都預咗佢會成日病成日損手爛腳撞親頭咁返嚟!! 小朋友就係咁, 有時會爭玩具爭寵咩都會爭, 所以我明白佢地無機心的!!
希望事情可以快d解決, 但我唔會再比個囝讀, 因為園長好有問題!! 呢件事上已經唔係錢的問題, 我同個囝都好困擾, 好唔開心!!
[ 本帖最後由 JessBB 於 10-4-1 00:06 編輯 ]
作者: sleep 時間: 10-3-31 09:03
唔好意思, 可唔可以話比我知係邊班
國際/中英文?
我bb 係國際班個面讀n1
so far 讀左半年都好好
老師好照顧小朋友wo
差不多每個月都有3-4次電話打來話我知小朋友請況
如果真係發生咁既事..我想我真係又要再考慮一下k1讀唔讀
作者: seavl 時間: 10-3-31 10:06
出售: 愉翠苑基督教神召會合一堂幼稚園K1全新校服及書
全新夏季校服,書包,生日會袋,杯,毛巾盒及k1上學期書, 補充習作 (書欠3本)
有興趣請PM留電話
作者: MrsKong 時間: 10-3-31 16:03
How about 啟思幼稚園（帝堡城）? 好似唔多人談論!
作者: 哈爾濱 時間: 10-3-31 16:59
我小朋友在啟思(帝xx)讀左一年n1, 好一般, 冇野好講law.原帖由 MrsKong 於 10-3-31 16:03 發表
How about 啟思幼稚園（帝堡城）? 好似唔多人談論!
作者: chuchu1207 時間: 10-3-31 23:24
件事都係大人做出來,受罪都係小朋友!
佢唔知在學校係點樣,發生事佢都會有感受,只是不懂表達出來!
所以我們保護小朋友只好要謹慎選擇啊!
我現在都好擔心都唔知同阿仔簡邊間至好!
原帖由 JessBB 於 10-3-31 01:47 發表
其實我一早無諗住會喺呢間直升k1, 都係諗住比佢返下學, 玩下, 所以報咗n1! 我都係今年頭搬入馬鞍山, 所以我要插班入讀, openday見佢有位, 咪幫我個仔入讀, 入學以來, 我一直都有問老師佢表現, 佢地都話佢好好, 無 ...
作者: JessBB 時間: 10-4-1 00:13
原帖由 sleep 於 10-3-31 09:03 發表
唔好意思, 可唔可以話比我知係邊班
國際/中英文?
我bb 係國際班個面讀n1
so far 讀左半年都好好
老師好照顧小朋友wo
差不多每個月都有3-4次電話打來話我知小朋友請況
如果真係發生咁既事..我想我真係又要再考慮一下k ...
你就好啦!! 我一路以來從未收過佢地電話, 一收就收到呢兩個投訴電話, 平時要我打去問先知我個囝的情況..........我唔講咁白, 但我打去找園長傾, 佢否認曾經講過呢d事
, 總知咩都反駁晒!! 我無佢咁好氣!! 我諗老師是ok的, 只係個園長處事有問題啫!! 但佢連呢點都否認......我無話可說!! 所以我諗最好一直相安無事!! 但無可否認, 佢的言論已經破壞大家的關係了!!
作者: JessBB 時間: 10-4-1 00:14
原帖由 chuchu1207 於 10-3-31 23:24 發表
件事都係大人做出來,受罪都係小朋友!佢唔知在學校係點樣,發生事佢都會有感受,只是不懂表達出來!
所以我們保護小朋友只好要謹慎選擇啊!
我現在都好擔心都唔知同阿仔簡邊間至好!mouth:" />
...
作者: Namnam05 時間: 10-4-1 00:24
其實我住响呢間學校附近,早己聽聞過他們的教學方法和態度,所以雖然近但我都無選擇到比我小朋友入讀,小朋友打架、咬人呢D事好多學校都會發生,但要賠錢都係第一次聽,呢個決定亦都應該唔會係由家長提出,而園長用咁嘅解决方法簡直無稽,所以就算退學都唔駛可惜~
原帖由 JessBB 於 10-3-31 01:47 發表
其實我一早無諗住會喺呢間直升k1, 都係諗住比佢返下學, 玩下, 所以報咗n1! 我都係今年頭搬入馬鞍山, 所以我要插班入讀, openday見佢有位, 咪幫我個仔入讀, 入學以來, 我一直都有問老師佢表現, 佢地都話佢好好, 無 ...
[ 本帖最後由 Namnam05 於 10-4-1 00:25 編輯 ]
作者: poison 時間: 10-4-1 03:00
Hi chuchu1207,
基督教和有學卷在馬鞍山的幼稚園可考慮：
1. 合一堂單家傳紀念幼稚園
有半日班及全日班。她們十分著重小朋友的品德教育及自理能力。亦十分著重讓小朋友的環保概念等。
2. 香港神託會培真幼稚園
為半日制幼稚園。區內之學童可提供免費校車服務。亦有家教會。
3. 崇真會美善幼稚園（馬鞍山）
有半日制及全日制。有校車服務。有家長義工的講故事，可讓家長更了解學校的運作。
4. 恒安浸信會幼兒學校
有半日及全日制。
5. 香港浸信會聯會利安幼兒園
全日制。有家長義工團隊及家長借閱服務。
6. 基督教宣道會頌安幼稚園
有半日及全日制。
7. 基督教小天使（錦豐）幼稚園
有半日及全日制。
8. 基督教香港信義會頌安幼兒學校
9. 循理會白普理循理幼兒學校
poison
原帖由 chuchu1207 於 2010-3-27 13:40 發表
Hi Poison,
多謝你的意見!
唔好意思,我也想問如果是基督教和有學卷,有那些可以試呢?
作者: 咖央 時間: 10-4-1 11:23
原帖由 JessBB 於 10-4-1 00:14 發表
真係多謝你既分享!我無accept佢地既offer, 因為遠同埋早上要0係佢地度食早餐!!我唔like.
作者: chuchu1207 時間: 10-4-1 23:00
多謝Poison你的資料!
原帖由 poison 於 10-4-1 03:00 發表
Hi chuchu1207,
基督教和有學卷在馬鞍山的幼稚園可考慮：
1. 合一堂單家傳紀念幼稚園
有半日班及全日班。她們十分著重小朋友的品德教育及自理能力。亦十分著重讓小朋友的環保概念等。
2. 香港神託會培真幼稚園
...
作者: joeywongmy 時間: 10-4-2 11:06
提示: 作者被禁止或刪除 內容自動屏蔽
作者: poison 時間: 10-4-5 00:01
Hi joeywongmy,
你報N班的地域也很廣呢！由馬鞍山至沙田及火炭都有報。你住那裏呢？我認為N班不適宜去太遠呢！除非十分心儀的幼兒園收了，並會繼續讀上去，則可以考慮較遠的。
我的兒子也是12月的細仔。我讓他2月插班讀N班，然後同年9月讀K1。然後再讓他重讀K1做大仔。
榮光也是一間不錯的幼兒園，若近你家可積極考慮。啟思很多人報，細仔較難入。
poison
原帖由 joeywongmy 於 2010-4-2 11:06 發表
請問知唔知綠茵如何？
我BB係0812細B
報左樂基(唔收)、BOXHILL(唔收)、
好時光(收左唔讀)、綠茵(收左比左留位費1月插班)
其實仲報左榮光、康傑、啟思不過未IN
阿仔都未讀書又要開始煩惱黎緊9月報N班？K班好？
唉 ...
作者: joeywongmy 時間: 10-4-5 18:30
提示: 作者被禁止或刪除 內容自動屏蔽
作者: BBLOVEMAMA 時間: 10-4-7 09:59
其實我小朋友讀緊好時光n班,我又覺得ok,因為都係讀一
年,又不需要太簡擇,除非有k1連系.因我覺得n班真係要近d,免小朋友辛苦,同埋goodtime感覺現在都多元化左,又可有local or int'l 選擇,都ok.
原帖由 joeywongmy 於 10-4-2 11:06 發表
請問知唔知綠茵如何？
我BB係0812細B
報左樂基(唔收)、BOXHILL(唔收)、
好時光(收左唔讀)、綠茵(收左比左留位費1月插班)
其實仲報左榮光、康傑、啟思不過未IN
阿仔都未讀書又要開始煩惱黎緊9月報N班？K班好？
唉 ...
作者: joeywongmy 時間: 10-4-7 16:17
提示: 作者被禁止或刪除 內容自動屏蔽
作者: jo@pong 時間: 10-4-8 01:08
原帖由 poison 於 10-3-7 02:32 發表
Teacats,
孫方中除了隆享那一間外，在穗禾苑也有一間，但是係全日制的幼兒園。
若你想比較吳多泰和隆享孫方中：
校舍則吳多泰優勝，有戶外地方。孫方中地方較暗及細。
校車亦吳多泰勝，因他們有自己的校車隊。
學費大家差不多 ...
poison,
多謝你!你提供的資料好詳細及好有用!!
作者: esther_lam_ny 時間: 10-4-8 16:12
各位沙田區既mami,我住大圍,我個仔讀緊腓力堂愛鄰prenursery,大家覺得愛鄰好嗎, 一般升什麼小學? 平日都是99揪返/放學,所以我都不太清楚學校情況.
本想9/2010 k1轉校, in 咗幾間九龍塘,同埋樂基(ascot)都唔收, 唔知好唔好再申請k1插班or k2, 大家可否比d意見,小學則想讀呂明才.
另外, 唔知大家有無沙田區學英文/普通話既介紹?九龍塘區近mtr也可以,謝謝!
作者: 叉雞飯 時間: 10-4-12 15:40
基本上, 讀邊間幼稚園同簡邊間津小, 無咩關係, 只是上到去應付到與否
愛鄰老師實不錯, 是一間開心學校, 朋友仔讀完上津小說係好辛苦, 追得痛苦 but 都好睇您自己比d咩補品佢的, 都有個是老師仔女, 讀完上tsl 都應付到, 佢自己會教麻
至於您說及的呂小, 是91區, 大圍屬88, 除非您頭round 有20分以上, 如果唔係大抽獎誇區, 機會都真係好微的
原帖由 esther_lam_ny 於 10-4-8 16:12 發表
各位沙田區既mami,我住大圍,我個仔讀緊腓力堂愛鄰prenursery,大家覺得愛鄰好嗎, 一般升什麼小學? 平日都是99揪返/放學,所以我都不太清楚學校情況.
本想9/2010 k1轉校, in 咗幾間九龍塘,同埋樂基(ascot)都唔收, 唔知 ...
| 歡迎光臨 教育王國 (/) |
Powered by Discuz! X1.5 |