教育王國
標題: 唔知點解亞仔成績越來越退步 [打印本頁]
作者: VKwan 時間: 10-6-7 19:19 標題: 唔知點解亞仔成績越來越退步
成日唔小心，粗心大意被扣分多過唔識既，死唔死？！
科科得果90頭，我個心真係好唔舒服好唔開心呀！
點先可以防止粗心大意？
作者: Umi 時間: 10-6-7 20:28
90頭已經唔差囉喎! 唔知以為你晒命. 
作者: VKwan 時間: 10-6-7 23:29
我唔係晒命。當小朋友友一向都係100 99 98咁，突然變成91 92，真係好有hard feeling(個亞媽覺得)，我發現，原來自己挫敗承受力相當低
作者: 小木偶媽咪 時間: 10-6-8 00:06
你自己要求高點都好,唔好比壓力你個仔
佢已經儘左力已經好抵錫,何況仲要係9字頭
如果你咁都唔滿意既話,只能鄧你仔慘...
而家讀書已經好大競爭,仲有個咁唔體諒佢既亞媽
小朋友既壓力源自家長,hard feeling?
係你個仔,唔係你囉
作者: happyvalley 時間: 10-6-8 00:11
原帖由 VKwan 於 10-6-7 23:29 發表 
我唔係晒命。當小朋友友一向都係100 99 98咁，突然變成91 92，真係好有hard feeling(個亞媽覺得)，我發現，原來自己挫敗承受力相當低
所以開始時要緊緊合格，然後再慢慢進步，不自其然地產生鬥智
…
作者: brian61950 時間: 10-6-8 08:17
其實好正常亦是一件好事,因小朋友覺得淺及識洒先會大意和不小心.
亦冇什麼大不了,考第一或十一,咁既成績都入硬band 1 架啦.
原帖由 VKwan 於 10-6-7 23:29 發表
我唔係晒命。當小朋友友一向都係100 99 98咁，突然變成91 92，真係好有hard feeling(個亞媽覺得)，我發現，原來自己挫敗承受力相當低
作者: nadal 時間: 10-6-8 10:05
嘩!!! 90幾分都要哭喪???
真係唔係晒命...
作者: VKwan 時間: 10-6-8 10:09
原帖由 brian61950 於 10-6-8 08:17 發表
其實好正常亦是一件好事,因小朋友覺得淺及識洒先會大意和不小心.
亦冇什麼大不了,考第一或十一,咁既成績都入硬band 1 架啦.
作者: VKwan 時間: 10-6-8 10:19
原帖由 nadal 於 10-6-8 10:05 發表
嘩!!! 90幾分都要哭喪???
真係唔係晒命...mouth:" />
作者: nadal 時間: 10-6-8 10:28
你寫出來的時候有沒有想過其他 10分, 20分, 30分, ..., 70分, 80分 家長的感受...
作者: VKwan 時間: 10-6-8 10:42
原帖由 nadal 於 10-6-8 10:28 發表
你寫出來的時候有沒有想過其他 10分, 20分, 30分, ..., 70分, 80分 家長的感受...
作者: nadal 時間: 10-6-8 11:07
你開topic就係想聽下人地意見
我㗎意見就係 "90幾分都要哭喪" ???
你係一路食鮑魚一路同個冇得食㗎侍應講
以前食 3 頭鮑 今時今日好慘要食 4 頭鮑
作者: 黃巴士 時間: 10-6-8 11:12
其實, 你想大家俾D咩意見你呢??
作者: csk家長jj 時間: 10-6-8 11:17
原帖由 VKwan 於 10-6-8 10:09 發表
查實你咁講絕對岩，我理智上知道係自己苛刻，實際上我的確又發左癲，尋晚一言驚醒，我決定試下唸佛經平靜自己。
VKwan,對住叻嘅/能力高嘅小朋友,家長把尺會自然提高,這點我明白你的感受...
不過你要小心處理孩子的情緒問題,有些本身自我要求高的孩子已存有若干的壓力,若再加上家長的壓力,效果可能弄巧成拙。
[ 本帖最後由 csk家長jj 於 10-6-8 11:22 編輯 ]
作者: judy 時間: 10-6-8 11:19
原帖由 nadal 於 10-6-8 11:07 發表
你開topic就係想聽下人地意見
我㗎意見就係 "90幾分都要哭喪" ???
你係一路食鮑魚一路同個冇得食㗎侍應講
以前食 3 頭鮑 今時今日好慘要食 4 頭鮑
每间学校水準唔同，有的好易得到90分左右。幾年前同阿二找学校，見一地區名校學生，科科A，不過就唔識填表。
不過，孩子90分，要進步至97、8分，要花好多好多努力至得。係愚蠢嘅做法。俾着我，行多啲山，跑多啲步仲好。
作者: kansang 時間: 10-6-8 11:23 標題: 回覆 13# VKwan 的文章
呵呵....您應該有作出心理預備孩子成績可能越跌越多的啊！
作者: VKwan 時間: 10-6-8 11:30
原帖由 黃巴士 於 10-6-8 11:12 發表
其實, 你想大家俾D咩意見你呢??
作者: zhk2008 時間: 10-6-8 11:32
如果是數學科的話，可以教他一些方法，例如驗算，畫圖來減少出錯率;如果是中文科的話，通常都是寫錯字，可以讓他多練習寫字，甚至練一下硬書法。
作者: VKwan 時間: 10-6-8 11:32
原帖由 csk家長jj 於 10-6-8 11:17 發表
VKwan,對住叻嘅/能力高嘅小朋友,家長把尺會自然提高,這點我明白你的感受...不過你要小心處理孩子的情緒問題,有些本身自我要求高的孩子已存有若干的壓力,若再加上家長的壓力,效果可能弄巧成拙。 ...
作者: csk家長jj 時間: 10-6-8 11:37
原帖由 VKwan 於 10-6-8 11:32 發表
理智上我意識到呢種危機，實際上我處理唔到自己情緒。
慢慢學習,慢慢領悟,你一定得嘅！我支持你
作者: VKwan 時間: 10-6-8 11:39
原帖由 judy 於 10-6-8 11:19 發表
每间学校水準唔同，有的好易得到90分左右。幾年前同阿二找学校，見一地區名校學生，科科A，不過就唔識填表。
不過，孩子90分，要進步至97、8分，要花好多好多努力至得。係愚蠢嘅做法。俾着我，行多啲山，跑多啲步仲好。 ...
但情感上好驚好驚，好驚變B grade，咁不過照計又唔會c grade既。
作者: hw1115 時間: 10-6-8 11:45
原帖由 VKwan 於 10-6-7 19:19 發表
成日唔小心，粗心大意被扣分多過唔識既，死唔死？！
科科得果90頭，我個心真係好唔舒服好唔開心呀！
點先可以防止粗心大意？
您小朋友幾年級?
阿仔P.4都仲係咁.
作者: VKwan 時間: 10-6-8 11:47
原帖由 zhk2008 於 10-6-8 11:32 發表
如果是數學科的話，可以教他一些方法，例如驗算，畫圖來減少出錯率;如果是中文科的話，通常都是寫錯字，可以讓他多練習寫字，甚至練一下硬書法。 ...
作者: 黃巴士 時間: 10-6-8 11:52
原帖由 VKwan 於 10-6-8 11:30 發表
其實，都係想有個地方呻下，連上網講，大家唔知對方乜水，都比人話晒命(唔識既有乜好晒)，大家可想而知現實生活更加冇可能講。第二，如果有人比到實際方法，減少小朋友粗心大意更好啦。最重要係，我都想搵到方法抽離一下自己，條路仲有 ...
我唸這裡的BK家長不是現實. 如果唔係, 佢地唔會發表/給予意見俾其他家長.
現實嘅家長, 係理都唔理, 費時教精人地, 自己蝕底.
我個人嘅COMMENT, 對分數寬容D, 小學分數真係唔代表什麼. 就算要小朋友碰吓釘(當然不是礁頭爛額), 都是成長一階段, 日後使他更強壯. 硬要他長時間坐在高高之上, 成績跌少少已慌張起來. 日後他要面對更多挑戰, 就算跌, 跌少少算咩呢??
唔係串你, 日後真的要面對小朋友愈來愈大,分數會較之前愈來愈低, 這不代表他們退步.
作者: VKwan 時間: 10-6-8 11:52
原帖由 csk家長jj 於 10-6-8 11:37 發表
慢慢學習,慢慢領悟,你一定得嘅！我支持你
作者: VKwan 時間: 10-6-8 11:56
原帖由 77777 於 10-6-8 11:46 發表
VKwan,
我好明您的感受, 因有時一班同學, 佢如果本來係有95分以上, 一跌幾分, 可能跌好多, 不過我覺得最緊要係知小朋友衰響邊, 同佢響弱點補夠, 好似我個仔上次係唔夠時間做份卷, 其實佢係重組句子出左問題, 而佢之 ...
作者: VKwan 時間: 10-6-8 11:57
原帖由 黃巴士 於 10-6-8 11:52 發表
我唸這裡的BK家長不是現實. 如果唔係, 佢地唔會發表/給予意見俾其他家長.
現實嘅家長, 係理都唔理, 費時教精人地, 自己蝕底.
我個人嘅COMMENT, 對分數寬容D, 小學分數真係唔代表什麼. 就算要小朋友碰吓釘(當然 ...
作者: 黃巴士 時間: 10-6-8 11:58
原帖由 VKwan 於 10-6-8 11:47 發表
呢d方法亞仔識架，佢又唔係唔夠時間做果種，明明有得check都可以錯埋唔啦更既野，好似中文，專門錯埋有得抄都抄錯既字，數學呢，深果條佢唔錯，錯d計岩數but抄錯答案落答案欄，所以我好嬲，有時會失控，想打佢！ ...
唔小心係小朋友通病, 個個都係咁啦, 照抄都抄錯. 照寫, 寫寫吓都係咁錯, 係小朋友都哽有遇過依D激氣嘢啦!!
依乎要訓練EQ嘅---- 係你喎.
作者: CFaHB 時間: 10-6-8 12:50
唔知你仔仔幾大,
不過我仔低小時, 我有試過同你一樣感受 !
我唔開心, 我無鬧仔, 只係哦下佢, 提完又提, 叫佢做要完分卷要不停 check 卷 ....
我估你都明白, 要調節嘅係自己 ....
個仔大d, 作文, writing, comprehension, 學校重會出d 無咩教過嘅野, 或轉晒彎嘅問題 ..... 點拎 99, 100 分呀 ?
像根繃得太緊會斷....
學校裡, 有個小朋友當所有成績好嘅同學係敵人, 會老遠走來推你, 收起你張 worksheet ...., 如果自己唔係全班最高分就會嬲到成個面紅晒 .... 咁好咩 ? 我覺個小朋友同個媽咪都就 short 架喇 (佢媽咪就四圍 8 分數, 自己個仔低人一兩分, 就猛話自己個仔點唔好點唔好 .... 勁煩)
我會同呀仔一齊快樂, 自信, 互信, 進步 ... 共勉之
作者: kittylam 時間: 10-6-8 13:12
我就覺得不能單看分數，我會看名次有冇跟住跌，今次分數跌但名次冇跌可能因為出得深左。
作者: yvomak 時間: 10-6-8 13:32
通常考第一嗰個, 出到社會做嘢時並不是最好既!
原帖由 VKwan 於 10-6-8 10:19 發表
唔明你地做乜覺得係晒命，97 98 同90 91根本係兩個層次，降晒呢仲點晒命？！再跌多一兩分變B grade添啦，我e+係驚呀！
作者: VKwan 時間: 10-6-8 15:19
原帖由 CFaHB 於 10-6-8 12:50 發表
唔知你仔仔幾大,
不過我仔低小時, 我有試過同你一樣感受 !
我唔開心, 我無鬧仔, 只係哦下佢, 提完又提, 叫佢做要完分卷要不停 check 卷 ....
我估你都明白, 要調節嘅係自己 ....
個仔大d, 作文, writing, compr ...
當然啦，所以我咪惟有走上來呻，不過我知自己eq低，我情緒失控就會失眠+狂食+獅吼+黑白天鵝，問心，我都知亞仔慘
作者: justin2003 時間: 10-6-8 16:17
我啱啱先向個仔發完火，因為教極佢既同一款應用題都仲係唔識，所以我要上來冷靜下，見到以上的posts，其實個個小朋友都有大意呢個弱點，我個仔不但大意，仲唔識轉彎，成日企圖死記。
VKwan個仔好叻呀，起碼問題只係o係大意度，分都扣少d丫！我地d中下游人士見到你地d 90幾分，真係覺得你地好幸福ga！唔好咁激氣啦，個仔都好乖ga la，唔好俾太大壓力大家~ ^^
作者: VKwan 時間: 10-6-8 16:53
原帖由 justin2003 於 10-6-8 16:17 發表
我啱啱先向個仔發完火，因為教極佢既同一款應用題都仲係唔識，所以我要上來冷靜下，見到以上的posts，其實個個小朋友都有大意呢個弱點，我個仔不但大意，仲唔識轉彎，成日企圖死記。
VKwan個仔好叻呀，起碼問題只係o係大意度，分都扣少 ...
我覺得睇多d課外書係有幫助，個人靈活d，不過要時間，未必立即見效。另外，惟有長假期keep住操，當然唔好過火，每日30 min，中或英或數輪流，希望操到個狀態。
呢個係我最新既打算。
我地大家都努力！
作者: HELRON 時間: 10-6-8 17:19
我諗個個小朋友都差不多的,我得小朋友由1年級到依家5年級啦都是一樣噤粗心大意,每次叫佢做完試卷都要重睇一次,但次次都是同樣地錯一D 無可能會錯的字,好似上次中文科,大小個小字佢可以寫成多少個少,我都無噤好氣話佢啦.為有問返佢噤樣比扣左分佢自己有什麼感受,佢就死死氣同我講真係唔抵,下次一定唔會再噤大意,唉聽住先啦,睇下今次又考成點啦.
作者: yuyumon 時間: 10-6-8 17:37
唔粗心大意就唔係小朋友啦...
問問自己先...大人做野都會有唔小心,大意既時候..所以,唔好拎大人既尺度番係小朋友度...佢地咁細,壓力唔細,細心想下,佢地返學時間又長,放左學又要趕功課,溫習,應付興趣班,佢地有幾多真正屬於係佢地既童真時間?
只要佢地有盡力,有付出,就真係唔好太計較了 小朋友真係要慢慢教,不斷提醒,大家努力啦
作者: Jasper_lo 時間: 10-6-8 18:09
我個仔p2，就係低小喇。
當然啦，所以我咪惟有走上來呻，不過我知自己eq低，我情緒失控就會失眠+狂食+獅吼+黑白天鵝，問心，我都知亞仔慘
你個仔現在先p.2, 睇嚟會繼續跌因為我個大仔都係咁, 但係我就覺得唔需要咁down,我希望我個仔係享受讀書過程, 唔係比我迫到佢無地方逗氣.識同唔小心係兩碼子的事情.起碼我知佢識就得啦.你由成績一般到升上大學都唔係步登天啦. 佢先由現在起步.唔通你想訓練一個港孩出嚟,除了讀書就物都唔識.
作者: justin2003 時間: 10-6-8 19:13
原帖由 VKwan 於 10-6-8 16:53 發表
你都唔好激氣啦，其實你小朋友肯企圖死記即是佢都好努力，我地作為媽媽應該體諒同支持小朋友，我地都要努力提升eq！
我覺得睇多d課外書係有幫助，個人靈活d，不過要時間，未必立即見效。另外，惟有長假期keep住操，當然唔好過火，每日30 ...
每次發完火都問番自己，點解要咁嬲呢…鬧完佢真係有d 心up，一個6歲人仔所承受的壓力真係唔細，不過冇法啦，由細開始操，好過大個先來慢慢pick up丫！
我相信每個爸/媽都想仔女好既，希望o係呢度大家分享下多d教法，等d細路可以開心d學，又學得好d啦！
我都同意你話要睇多d課外書，因我平時俾佢睇ge課外書真係唔多，由其是開始p.1之後，忙住適應同pick up d野 (因之前佢間幼稚園太淺，佢又係超細b)都用左好多時間，所以今次考試ge閱讀理解應該都唔太樂觀啦，最主要pick up哂d grammar/usage/數理先。
來梗星期五考完試，我就開始番同佢每個星期去借圖書睇，每日睇至少一本書仔。
我ge計劃都係每日中英數一份，每份少少，希望佢可以keep住進步啦！
作者: miffy 時間: 10-6-8 21:12
提示: 作者被禁止或刪除 內容自動屏蔽
作者: stccmc 時間: 10-6-8 23:11
提示: 作者被禁止或刪除 內容自動屏蔽
作者: hk_girl 時間: 10-6-9 00:16
同佢做功課既時候一有不小心既地方就利用一d做法令佢比較深刻d...例如好惡咁罵佢..or 打佢罰佢(只是例子,不suggest打)..
試過一次兩次應該記得啦掛
總之令佢以後都唔可以不小心....
作者: Lovelybbs 時間: 10-6-9 09:18
你仔仔已經好叻架啦, 科科都有90分以上, 其實都要睇返全班同學d分數係咪都係一齊跌, 因為有陣時d卷可能出得深左, 會導致分數一齊都趺左架.
我諗你因為你仔仔叻開, 又或者考開第一, 你未能接受由第一變第二果種感受, 但你可以想想, 其實第一同第二又有什麼分別? 可能都只係家長既虛榮心, 不過我明白既, 依家讀書競爭真係好大.
係呢, 你會在假期點操呀? 你仔仔咁叻, 可唔可以教我地d媽咪一招半式? 是不是操下年的課本? 咁樣會唔會令佢地失去上堂學野既樂趣?
作者: janetlam74 時間: 10-6-9 10:35
原帖由 stccmc 於 10-6-8 23:11 發表
四個字: 紀人憂天。 孩子被迫到壓力爆煲咪呢隻囉。
係呀!!!我身边都有一個咁既阿媽!!!
佢話80幾都唔滿意!!!開始諗d犯法的諗法~~
佢話用錢或禮物去討好老師,等老師關照佢個仔~
又會睇下個老師係邊年黎做,邊個係主任有利於佢喎.....
又會問下d小朋友知唔知早上邊個老師企門口,等佢有機
會同老師聯絡感情!佢滿腦子都是這些,因佢住我屋村隔離,
有時等放學時佢就不停講點幫個仔,佢想一步就上天,我都
同佢講不可以這樣做,呢度係香港,唔係大陸(佢係大陸人)
佢已中毒,講都無用!佢話大陸係咁,佢細個佢阿媽都咁幫佢!
我而家都費事理佢..........太恐怖呀佢!
p.s佢咁做.......我其實可否同校長講講呢???
但又不想佢個小朋友受影響,因佢阿媽有問題,不是小朋友!!!
作者: hoho0728 時間: 10-6-9 10:51
原帖由 VKwan 於 10-6-8 11:47 發表
呢d方法亞仔識架，佢又唔係唔夠時間做果種，明明有得check都可以錯埋唔啦更既野，好似中文，專門錯埋有得抄都抄錯既字，數學呢，深果條佢唔錯，錯d計岩數but抄錯答案落答案欄，所以我好嬲，有時會失控，想打佢！ ...
你或者咁唸下,你要亞仔返學讀書係乜,
係咪為左攞100分,係咪目的就攞到呢100分既卷係手你就會開心~咁呢100分又代表的乜
其實做人唔好太執著,你要明白,你要佢去學習,係想佢吸收知識,唔係為集郵,儲儲埋埋d 100分既卷,讀書學習既目的係<吸收知識>,無論你攞100又好,80又好,70又好,其實一樣係有吸收到知識架,就算攞30唔係代表無吸收到架喎,唔係無達到目的架喎,知識係類積落黎架,今次吸收到70,下次咪吸收埋個30囉~
粗心大意,我唸無論1-100歲既人都會發生囉,有邊個會無做錯過野,有邊個永遠做野一定啱,唔會做漏,唔會寫錯,點會無機會做漏野寫錯野喎,就算係神都有錯呢,神最錯就係造人出黎~~所以你真係唔好因為佢因為粗心大意就有<我有小小想樁佢>
好似我個仔咁,好多科都可以攞100,但間唔中寫錯下字,寫漏下字就可以扣10分,15分,其實寫錯一個字就扣五分架啦,家下d卷成六七頁紙,寫錯一個字有乜咁出奇,但制度就係咁,錯就錯,扣咁多就要扣咁多~佢家下先一年級,我怪得佢幾多次,發得佢幾多次皮氣呀,仲有成十幾讀書生涯,仲有排戰鬥,所以錯係認同檢討,同提點佢下次點避免錯
作者: VKwan 時間: 10-6-9 17:31
原帖由 Lovelybbs 於 10-6-9 09:18 發表
你仔仔已經好叻架啦, 科科都有90分以上, 其實都要睇返全班同學d分數係咪都係一齊跌, 因為有陣時d卷可能出得深左, 會導致分數一齊都趺左架.
我諗你因為你仔仔叻開, 又或者考開第一, 你未能接受由第一變第二果種感受, ...
我從來唔會預早教下學年既野架，我操只係操習題，等佢習慣時限內做卷詐。
反而需要比佢大量睇書，會提升佢對校內課程既吸收。
作者: VKwan 時間: 10-6-9 17:35
原帖由 hoho0728 於 10-6-9 10:51 發表
你或者咁唸下,你要亞仔返學讀書係乜,
係咪為左攞100分,係咪目的就攞到呢100分既卷係手你就會開心~咁呢100分又代表的乜
其實做人唔好太執著,你要明白,你要佢去學習,係想佢吸收知識,唔係為集郵,儲儲埋埋d 100分既 ...
多謝各位好心地既家長係度互相支持同勉勵，我今朝起身心情冇咁執著啦。
作者: csk家長jj 時間: 10-6-9 17:52
原帖由 VKwan 於 10-6-9 17:35 發表
你都講得好岩，有時做亞媽下下太著重分數，分數跌就好驚，而事實應該係有吸收知識就得啦。
多謝各位好心地既家長係度互相支持同勉勵，我今朝起身心情冇咁執著啦。 ...
一齊做個開心滿足媽媽吧!
作者: VKwan 時間: 10-6-9 18:57
原帖由 csk家長jj 於 10-6-9 17:52 發表
一齊做個開心滿足媽媽吧!
有時真係好唔明，係咪天下所有媽咪都咁激氣，定我有問題
作者: stccmc 時間: 10-6-9 20:14
提示: 作者被禁止或刪除 內容自動屏蔽
作者: davidmimi 時間: 10-6-9 22:09
原帖由 VKwan 於 10-6-7 19:19 發表
成日唔小心，粗心大意被扣分多過唔識既，死唔死？！
科科得果90頭，我個心真係好唔舒服好唔開心呀！
點先可以防止粗心大意？
你的兒子應該無咩需要改善，但你要學習說話的藝術。
例如將個post改為"如何改善做卷不小心"。
作者: hoho0728 時間: 10-6-9 22:22
原帖由 VKwan 於 10-6-9 18:57 發表
剛剛睇個仔練琴又試激到嘔白泡，遲早有一日我會因激氣過度暴斃！
有時真係好唔明，係咪天下所有媽咪都咁激氣，定我有問題
唉~~你又黎啦,計我話,你應該唔會激氣死,反而亞仔可能比你d氣波功震死~~~
放松d,睇開d,深呼吸一下唸下應唔應該可能為一個唔應該激氣既事情而傷大家感情~~
作者: Fion_Chan 時間: 10-6-9 22:51
講D激死又笑死既野你地聽：
阿仔小三，考完常識，問世界盃決賽週幾月幾日開始，有得揀：6月11日、6月21日、6月31日。佢打電話比我，話佢揀左6月31日，問岩唔岩......我真係暈係度
作者: 黃巴士 時間: 10-6-9 23:13
音樂可以用來調劑身心, 減少壓力. 如果得不到相對樂趣&咁暴躁, 真係學嚟都無用.
唔係嚇你, 我有位朋友10多年前, 他獨子10幾歲時, 跳樓死咗. 到今時今日, 佢都唔知點解??
你咁緊張佢, 都係想佢好, 好好咁ENJOY吓親子時間好過啦.
書本以外, 仲有好多嘢值得我地去珍惜, 唔好哽是將事情放大. 你的表現&情緒, 會好影響小朋友的.
作者: chun12 時間: 10-6-9 23:22
I feel sorry for the kid of the author of this topic...
It's only primary school, 100 marks and 40 marks for me is only indication of how your kid 'digest' the curriculum. 40 marks you will know he is weak in this topic and can try to help him, not blame him.
I always ask his son to try his best, as long as I know he is studying hard, any score is fine.
You are so worry when he can't keep the 98 standard, so scary.
作者: KatKatMAMA 時間: 10-6-9 23:44
其實你覺唔覺得你依家自我虐待緊, 小朋友感受到架....
佢見你越緊張啲分, 佢就越比壓力自己,有時仲會弄巧反拙...
我唔知你小朋友係唔係讀好top嘅學校(喇沙嗰啲)...
如果唔係, 你就試吓放鬆啲諗, 佢依家嘅成績可能只係top嗰啲學校嘅60至70分, 仲有進步空間, 個心會好過啲, 同埋可以諗吓點同小朋一齊努力..
依家P2只係面對自己學校你已經咁, P5,P6呈分試你咪要食顛定劑????
**我嗰個都讀緊P2, 放鬆啲啦...
[ 本帖最後由 KatKatMAMA 於 10-6-9 23:47 編輯 ]
作者: VKwan 時間: 10-6-9 23:58
原帖由 黃巴士 於 10-6-9 23:13 發表
音樂可以用來調劑身心, 減少壓力. 如果得不到相對樂趣&咁暴躁, 真係學嚟都無用.
唔係嚇你, 我有位朋友10多年前, 他獨子10幾歲時, 跳樓死咗. 到今時今日, 佢都唔知點解??
你咁緊張佢, 都係想佢好, 好好咁E ...
其實我自己都知我自己應該有d問題，係我理智時，唔發癲時，我都有呢種危機意識產生，所以我都想尋求協助。你地大家都講得好岩，我亦慶幸自己有少許意識。
我以前唔係咁，我發覺係P2開始至係咁，其實我有冇情緒病，要唔要睇醫生？唔知邊度有得睇呢？
PS.我個仔讀一間程度深既私校，可能校內氣氛真係好緊張，我自己都知自己不知不覺間變左…
作者: justin2003 時間: 10-6-10 00:13
原帖由 VKwan 於 10-6-9 23:58 發表
其實我自己都知我自己應該有d問題，係我理智時，唔發癲時，我都有呢種危機意識產生，所以我都想尋求協助。你地大家都講得好岩，我亦慶幸自己有少許意識。
我以前唔係咁，我發覺係P2開始至係咁，其實我有冇情緒病，要唔要睇醫生？唔知 ...
我明白你ge心情，因為我理智上亦覺得只要個仔盡左力，攞咩成績都唔緊要，不過係過程中，難免會有d要求好想佢做到，當佢做唔到時會好忟。
呢排我都覺得自己教佢讀書時鬧佢多左，往往鬧完佢之後就會諗自己何必要對個一咁細ge細路仔鬧得咁緊要呢，如果俾佢見到自己咁失控，對佢情緒發展都唔好。我亦都明係你一下控制唔到情緒，我諗真係要調節下自己ge情緒同對個仔ge要求。或者咁諗丫，呢個年紀要培養ge係學習態度多於衝行個成績，佢O係一間課程好深GE學校度都攞到90幾分，係一D都唔容易，不如轉個角度去欣賞佢，諗下佢細個O個時咪又係乜都唔識，你當時係點樣教佢講野﹑行路﹑寫字﹑睇書呢？會唔會鬧住佢咁佢先識行識講野？定係一步一步咁去鼓勵佢？父母GE扶持好重要呀，可能佢攞唔番98﹑99分佢都有少少失落架，如果你仲責怪佢，佢就好慘架啦。
冇錯係知易行難，不過為左個仔，好多野都要行多一步諗長遠D，唔好為行前GE分數影響親子關係，大家努力！
作者: VKwan 時間: 10-6-10 00:29
原帖由 justin2003 於 10-6-10 00:13 發表
我明白你ge心情，因為我理智上亦覺得只要個仔盡左力，攞咩成績都唔緊要，不過係過程中，難免會有d要求好想佢做到，當佢做唔到時會好忟。
呢排我都覺得自己教佢讀書時鬧佢多左，往往鬧完佢之後就會諗自己何必要對個一咁細ge細 ...
其實我都好傷心！ 大家千期唔好學我！！！！！
作者: justin2003 時間: 10-6-10 00:36
原帖由 VKwan 於 10-6-10 00:29 發表
比你一言驚醒，記起佢細個時同佢一齊睇書、畫圖畫、玩草、整蛋糕，真係好幸福，感觸到流眼淚，點解e+攪成咁架？？？？？
其實我都好傷心！ 大家千期唔好學我！！！！！ ...
係呀，有時可以諗下佢好細個ge時候我地可以有無比ge耐性去引導佢，會俾多d時間佢進步，點解而家唔可以呢？而家都係p.1﹑p.2，又唔使覺得攪到好 "差"，而家都可以作出d改變，俾個仔知道媽咪都會體諒佢一時ge大意﹑會期待佢進步﹑同埋會o係佢無助ge時候支持佢，嘗試下每日同佢傾下心事丫，培養親子關係我覺得而家呢個歲數都好關鍵 (趁佢未有好多自己ge朋友，仲會睬下亞媽，又開始有自己ge煩惱)。話時話，你識唔識彈琴ga？
作者: VKwan 時間: 10-6-10 00:40
原帖由 justin2003 於 10-6-10 00:36 發表
係呀，有時可以諗下佢好細個ge時候我地可以有無比ge耐性去引導佢，會俾多d時間佢進步，點解而家唔可以呢？而家都係p.1﹑p.2，又唔使覺得攪到好 "差"，而家都可以作出d改變，俾個仔知道媽咪都會體諒佢一時ge大意﹑會期待佢進步﹑同埋會o ...
作者: justin2003 時間: 10-6-10 00:53
原帖由 VKwan 於 10-6-10 00:40 發表
識少少啦，我主要係唱歌，唱左好多年架喇，意大利文德文都照唱可也，點解咁問呢？
我都係識好少好少ge鋼琴，唔知你仔係咪唔肯練琴而令到你激氣？
我仔頭頭都唔多肯練，連去學都唔願，仲話︰ "學來唔知做乜"，但佢學校考試要有一科樂器，所以都要氹佢學啦。我就唯有成日扮唔識，請佢學完之後番來教我，之後佢有一排話，"其實我唔係太想學琴ga，不過為左番來教你咋！" (進步左)
跟住佢次次學完琴番來我都叫佢教，仲開左本薄做我ge"學琴手冊"，叫佢俾分我，佢好似因為咁多左動力，前2日仲主動同我講話要練琴啦咁樣，我唔知你係咪因為佢唔肯練而激氣？如果係咁ge話，或者可以試下呢個方法，等佢做小老師，其實係叫佢做示範ge時候乘機等佢練琴。^^
作者: VKwan 時間: 10-6-10 01:01
原帖由 justin2003 於 10-6-10 00:53 發表
我都係識好少好少ge鋼琴，唔知你仔係咪唔肯練琴而令到你激氣？
我仔頭頭都唔多肯練，連去學都唔願，仲話︰ "學來唔知做乜"，但佢學校考試要有一科樂器，所以都要氹佢學啦。我就唯有成日扮唔識，請佢學完之後番來教我，之後佢有一排 ...
我會試下你既方法，可能我一向個形象太強勢，反而令佢反叛都未定。
其實真係好多謝大家，有時自己當局者迷，真係要人提醒。你full time mum？我係，可能我太多focus係個仔到
作者: cyhp 時間: 10-6-10 11:14
我女而家四年級,一年班第一次考試測驗時,因為唔知佢嘅實力,後來派卷科科90幾100,覺得阿女好叻,到第二個學期有一作文卷拿82分,嬲到不得了,覺得好大件事,但駡完阿女後又覺得自己好衰。到三年班阿女中文測驗又係80幾分,我又駡阿女,攪到大家都好唔開心,我又覺得自己好錯,主動同阿女道歉,話以後唔會為分數駡佢(當然我知道佢唔會太離譜)。最近英文測驗70幾分,我都冇駡佢,可能我已睇化咗,唔會好似以前執分數執得咁緊。(其實阿女成日覺得點解同學攞80幾分人地阿媽又獎乜獎物,我要攞90幾分先係應該。)
其實我地都算好好彩,見啲同學仔讀到死死吓都只係為求合格﹔而且有健康嘅身体應付考試已經好好﹔有時睇倒小朋友死亡個案,更加覺得阿女可以喺我身邊一齊玩一齊讀書已經好滿足。
作者: nadal 時間: 10-6-10 11:40
可以教人地體諒小朋友,點解自己唔得呢?
其實我話你晒命就係想鬧醒你...
原帖由 VKwan 於 10-6-10 01:01 發表
佢咪抓頭柯尿踢拖抓身咁囉，其實我唔中意佢咁多小動作，其實佢認真練，20分我都放佢走架啦，硬係攪咁多野side時間！
我會試下你既方法，可能我一向個形象太強勢，反而令佢反叛都未定。
其實真係好多謝大家，有時自己當局者迷，真係要 ...
作者: aryee 時間: 10-6-10 13:26
原帖由 cyhp 於 10-6-10 11:14 發表
我女而家四年級,一年班第一次考試測驗時,因為唔知佢嘅實力,後來派卷科科90幾100,覺得阿女好叻,到第二個學期有一作文卷拿82分,嬲到不得了,覺得好大件事,但駡完阿女後又覺得自己好衰。到三年班阿女中文測驗又係80幾分, ...
totally agree
尋日先同朋友傾完，好成績當然好，但不及好性格，好性格又不及好身體。日日咁多新聞，天災人禍，我覺得一家人齊齊整整，健健康康就好幸福，好簡單，一家人圍埋食飯，食完見兩個仔玩到顛通屋跑，哈哈大笑，咁健康咁活潑，我真係覺得已經好滿足。
我唔係話我唔進求，我都每日督促小朋友每日功課，又會同佢撲下學校，但我唔強求，得就得，但點都唔應該為左呢d傷害小朋友快樂既心靈同母子關係，完全唔值得。
早輪，我仔病左幾日，果日屋企聽唔到佢快樂既笑聲同埋無人蹦蹦跳跳，我就知道，咩先係最重要。有時都會失控鬧小朋友，但好快就會收口，警惕自己，如果小朋友聽日就遇到交通意外離我而去，今日逼佢為咩﹖珍惜眼前人！粗心大意答題幾咁唔閒，我仔份份卷都會因為咁唔見幾分，我唔係由得佢，我用取笑佢既態度，笑下佢，佢又笑下自己幾傻，無謂為左幾分攪到小朋友無左幸福快樂既笑聲。你想進求d咩，一餐兩碗飯，訓覺半張床，何必呢﹖
作者: 洛婷 時間: 10-6-10 15:29
原帖由 VKwan 於 10-6-10 01:01 發表
佢咪抓頭柯尿踢拖抓身咁囉，其實我唔中意佢咁多小動作，其實佢認真練，20分我都放佢走架啦，硬係攪咁多野side時間！
我會試下你既方法，可能我一向個形象太強勢，反而令佢反叛都未定。
其實真係好多謝大家，有時自己當局者迷，真係要人提醒。你full time mum？我係，可能我太多focus係個仔到
其實你仔仔已經好叻 , 你仲因為咁而唔滿意 
你仔做每樣野 , 你都好似唔順眼.....
讀書低幾分又話、彈琴又話 
你知唔知你依家做緊一樣野 , 仲要係好錯既野 ,
就係 "成就自己 , 毀滅他人"
他人既意思係指你亞仔 , 你不斷係到毀滅緊佢 ,
你要求太高喇 , 你成就你自己 , 你想佢做到你既期望 ,
但你可能冇諗過當中 , 你已經不斷咁傷害緊佢 ,
你仔依家先小二 , 希望佢唔會比你迫到癲咗啦 !!!
作者: CFaHB 時間: 10-6-11 01:37
咁都好明顯佢唔多鍾意彈琴 .... 同我仔以前一樣 ....
同佢傾下, 呀仔話好鬼憎彈鋼琴, 不過就鐘意聽.
我見佢都唔係憎音樂, 只係學唔啱, 就問佢會唔會對另一種樂器有興趣, 比佢自己選, 講明唔可以半途而廢 ....
結果佢原來一早想學某種較冷門樂器, 唯有把心一橫, cut 左 piano, (個琴貴到死 ) 好彩衣家學得都幾好 !
我唸音樂應以興趣先行, 才可長久 (現實嘅我心裡都有唸 : 算啦 ! 可以入管弦學團 ! )
原帖由 VKwan 於 10-6-10 01:01 發表
佢咪抓頭柯尿踢拖抓身咁囉，其實我唔中意佢咁多小動作，其實佢認真練，20分我都放佢走架啦，硬係攪咁多野side時間！
我會試下你既方法，可能我一向個形象太強勢，反而令佢反叛都未定。
其實真係好多謝大家，有時自己當局者迷，真係要 ...
作者: Laputa 時間: 10-6-11 10:01
相信大家都聽過呢個故事, 不過想重複一次, remind 一下大家. . .
小強經常會發脾氣/鬧人,爸爸教佢每次想發脾氣/鬧人時, 就在花園內插一條小木樁, 用槌仔大力"dum",發洩一下, 小強用呢個方法, 覺得好有效, 慢慢地花園已經堅立左好多條木樁.
一段時間後, 小強已經學懂控制自己情緒, 就同爸爸講唔需要再插木樁, 想將之前插下的木樁抽起. 爸爸當然同意, 亦同小強一起做. 當小強抽起了所有木樁, 他只懂看着花園發呆, 因為從前美麗的花園已經滿目瘡痍, 草地上只見一個又一個的地洞. 爸爸說:當你每次插一條小木樁, 都對花園做成了傷害, 傷痕累累的花園唔會因為你"undo"就會回復以前咁.好彩的話, 用雙倍心機時間可能可以, 但有時傷疤已結, 係冇野可以補救.
各位過去用咁多時間去cultivate小朋友美麗的心靈花園, 你們忍心為小小分數就在上面插木樁嗎?
作者: wunma 時間: 10-6-11 10:34
提示: 作者被禁止或刪除 內容自動屏蔽
作者: VKwan 時間: 10-6-11 10:35
原帖由 CFaHB 於 10-6-11 01:37 發表
咁都好明顯佢唔多鍾意彈琴 .... 同我仔以前一樣 ....
同佢傾下, 呀仔話好鬼憎彈鋼琴, 不過就鐘意聽.
我見佢都唔係憎音樂, 只係學唔啱, 就問佢會唔會對另一種樂器有興趣, 比佢自己選, 講明唔可以半途而廢 ....
...
[ 本帖最後由 VKwan 於 10-6-11 10:37 編輯 ]
作者: VKwan 時間: 10-6-11 10:37
原帖由 Laputa 於 10-6-11 10:01 發表
相信大家都聽過呢個故事, 不過想重複一次, remind 一下大家. . .
小強經常會發脾氣/鬧人,爸爸教佢每次想發脾氣/鬧人時, 就在花園內插一條小木樁, 用槌仔大力"dum",發洩一下, 小強用呢個方法, 覺得好有效, 慢慢地花 ...
作者: BOBO6 時間: 10-6-18 04:02
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |