教育王國
標題: 小五下學期考試成績好差, 好好好擔心呀!!! [打印本頁]
作者: Teresa 時間: 10-6-15 00:05 標題: 小五下學期考試成績好差, 好好好擔心呀!!!
我個仔讀直資, 有中學部(都係直資), 係區內Band 1學校. 中學部冇參加派位, 如果可以佢地都會盡量收番哂自己小學既學生. 不過佢地都SET左標準, 要主科+常識有GOOD PASS (即係要70分以上).
不過我個仔好唔爭氣, MATHS得56, 英文只係有D grade, 中文同常識都係C grade.
好擔心好擔心..... 其實我已經一早開始同佢溫. 不過佢好心散, 唔夠認真對待呈分試. 如果佢計哂全級同學, 佢只係Band 3.
點好呀!!!以佢張咁既成績表, 稍為好D既中學都唔會SO佢啦. 我真係好驚佢下年D成績仲係咁. 我呢個暑假會勁操佢. 不過而家我有咩可以做, 去做定2手準備? 我好驚好驚到時冇學校收佢呀!!!!!!!!!!!!!!!!!!!!!!!!!!
點解男仔總係咁???? 唔驚架咩????!!!
作者: DTMARCH 時間: 10-6-15 00:14
下年我囡囡就5年班, 我個補習老師已為好做好準備於這個暑假作好準備. 如果小朋友一向是你自己教, 不如問下身邊有沒有近屋企(較方便)的補習老師, 你要明白自己教方法是否合適你的小朋友, 我有個教書朋友, 佢囡囡都係請補習老師, 因為佢兩公婆話個囡都唔聽佢講, 你都可以考慮一下.
原帖由 Teresa 於 10-6-15 00:05 發表 
我個仔讀直資, 有中學部(都係直資), 係區內Band 1學校. 中學部冇參加派位, 如果可以佢地都會盡量收番哂自己小學既學生. 不過佢地都SET左標準, 要主科+常識有GOOD PASS (即係要70分以上).
不過我個仔好唔爭氣, MAT ...
作者: tinetinew 時間: 10-6-15 08:09
hi,
我覺得收起怒氣,同仔仔認認真真傾一次!想當年我亞仔係小四補底班考第一,係小五'蚊'車邊入到精英班,做父母當然極開心,但精英班模式唔啱亞仔讀,佢係呈分試暴跌三十幾名!
我係黃大仙網,d 好嘅band two學校競爭好大,我擇咗幾間直資去俾亞仔考,全部有得in,因亞仔操行有A,但有d學校要排ranking,咁就冇行.....我上年要見到第八間先收,果種感覺簡直可出部身酸史!
p.s.我要返工,晚上再續
yuk hei mum
原帖由 Teresa 於 10-6-15 00:05 發表
我個仔讀直資, 有中學部(都係直資), 係區內Band 1學校. 中學部冇參加派位, 如果可以佢地都會盡量收番哂自己小學既學生. 不過佢地都SET左標準, 要主科+常識有GOOD PASS (即係要70分以上).
不過我個仔好唔爭氣, MAT ...
作者: motherlau 時間: 10-6-15 08:32
你呀仔應該讀名校la....唔好擔心住,可能男仔係咁la,未識諗,唔認真..
依家先第一次試,有得追,大把人係咁...定d先....我都覺得你可以試下d補習社,要有補開你間學校既,唔係放手比補習社,你都要同佢溫.但因為佢地有大量 past paper,呀仔做得多,自然好d... 操卷....呢個係急救既方法.....
就算真係唔得升唔上,因名氣關係,你呀仔考d二線直資都易,so放鬆d....有彎轉.........加油...
原帖由 Teresa 於 10-6-15 00:05 發表
我個仔讀直資, 有中學部(都係直資), 係區內Band 1學校. 中學部冇參加派位, 如果可以佢地都會盡量收番哂自己小學既學生. 不過佢地都SET左標準, 要主科+常識有GOOD PASS (即係要70分以上).
不過我個仔好唔爭氣, MAT ...
作者: RAYMA 時間: 10-6-15 09:24
我自己都係過來人, 呈分試都係比家長同小朋友壓力好大(我兒子今年升中), 但第一次絡果出左亦都改變唔到, 我地做家長既要身教,不要氣餒, 因為仲有二次考試, 小朋友見到你積極, 佢都會積極,
加油^^
原帖由 Teresa 於 10-6-15 00:05 發表
我個仔讀直資, 有中學部(都係直資), 係區內Band 1學校. 中學部冇參加派位, 如果可以佢地都會盡量收番哂自己小學既學生. 不過佢地都SET左標準, 要主科+常識有GOOD PASS (即係要70分以上).
不過我個仔好唔爭氣, MAT ...
作者: weisscarton 時間: 10-6-15 09:44
Teresa 你小朋友中學部冇參加派位，我想你除了勁操外，都要開始搜集其他直資或津校資料，再失手學校比唔比你小朋友留班? 如果無得留都幾煩，我女學校都冇參加派位，六年級達不到中學水平可以留班，唔想留通常會轉去維多利亞。但通常都是一科比較weak，好少科科都weak. 你先谷起兩科主科，揾學校會易D。
作者: Jackielee 時間: 10-6-15 09:56
Hi Teresa,
鎮定D先，你囝囝操行OK既話，不用太悲觀的。
還有兩個呈分試要努力的。
有機會既話不妨搵老師傾多D，比學校知道你既誠意，到時萬一真係做左邊緣人，簡你既機會都高D。加油呀！
Jackie
原帖由 Teresa 於 10-6-15 00:05 發表
我個仔讀直資, 有中學部(都係直資), 係區內Band 1學校. 中學部冇參加派位, 如果可以佢地都會盡量收番哂自己小學既學生. 不過佢地都SET左標準, 要主科+常識有GOOD PASS (即係要70分以上).
不過我個仔好唔爭氣, MAT ...
作者: 502 時間: 10-6-15 10:36
跟你平常形容， 你呀仔的轉數快，又不是沒有看中文書， 成績應該不只這樣， 到底問題在哪裡？
1.
粗心？
2.
反叛？
3.
考試技巧？（應該不會，你應該有過招給他！）
現在先有找出問題， 才能對症下藥！
不過時間過得真快， 好像不久以前才跟你討論小一入學， 轉眼又要擔心升中啦！
原帖由 Teresa 於 10-6-15 00:05 發表
我個仔讀直資, 有中學部(都係直資), 係區內Band 1學校. 中學部冇參加派位, 如果可以佢地都會盡量收番哂自己小學既學生. 不過佢地都SET左標準, 要主科+常識有GOOD PASS (即係要70分以上).
不過我個仔好唔爭氣, MAT ...
作者: weisscarton 時間: 10-6-15 10:55
Teresa 你仔仔應該同我個女一樣不用考呈分試，决定收唔收你仔仔是中學校長，我女學校是看成績一定要主科全部合格才可升班，到唔合格選擇唔留班才找學校已經太遲，女仔可能比較容易，但男仔找好學校真是有點難，我識有幾個朋友的兒子今年見幾間直資都唔收，考直資通常想讀英中，英文要好，而且女仔比男仔早識想，面試比男仔優勝好多，你今個暑假好好同佢傾吓，唔好看電視，多做練習。如果六年級上學期再唔得，真是要好好準備考其他學校。
作者: Teresa 時間: 10-6-15 11:35
多謝你地鼓勵!
我個仔係讀名校, 學校既英文都係深. 我個仔本身係冇咩危機感既人. 佢考得唔好係會唔開心, 不過只係維持幾日唔開心就"咩事都冇"....
補習已經有喇, 一日2個鐘. 不過我個仔用哂d補習時間做功課, 溫書主要都係我同佢溫. 我已經一早同佢開始溫, 不過佢d野全部係short term memory. 計數鐘意心算多過列式, 但係心算又唔係準過人, 所以錯埋錯埋都係careless mistakes!!!! 同佢講過架喇.... 我"目及"住佢做野佢咪同我用算草紙列式囉. 到左考試, 冇我o係隔離, 做咩都得啦.....
至於英文, 我知佢comprehension比較深, 我又搵d深少少既比佢做, 不過佢好懶, 唔查dictionary, 求其寫答案就算, 加上佢鐘意拖慢d野黎做, 做成個鐘都未做哂一個exercise, 咁到考試都可以想像到會點啦!!!
同佢傾過喇, 佢話擔心架! 不過隔左冇耐佢又依然故我--worksheets/ex books 周圍放, 搵唔到, 交唔齊, 自然溫書都係事倍功半. 連老師派既notes佢可以周圍放, 都唔知有幾多次係我問佢同學scan番比我我至有份留底呀!
佢而家讀緊既直資係冇參加派位既, 理論上, 校方都想收番哂所有小學部畢業生. 我個仔o係學校discipline冇問題 (只係耐唔耐欠交欠帶), 佢又做librarian又肯幫老師同學, 老師眼中, 佢唔係"問題學生".
我而家係擔心, 萬一下年佢中學部唔收佢, 佢學校又唔係參加派位, 即係死路一條. 我幫佢辛辛苦苦舖既路就比佢一舖清袋!!!
作者: Teresa 時間: 10-6-15 11:43
原帖由 502 於 10-6-15 10:36 發表
跟你平常形容， 你呀仔的轉數快，又不是沒有看中文書， 成績應該不只這樣， 到底問題在哪裡？
1.
粗心？
2.
反叛？
3.
考試技巧？（應該不會，你應該有過招給他！）
現在先有找出問題， 才能對症下藥！
不過時間過得真快， 好像不久以前才 ...
係呀! 時間過得快, 又要煩喇....
我個仔好鐘意睇書, 咪就係鐘意幻想, 鐘意自己天馬行空囉. 所以要佢set個框讀書, 佢唔多鐘意. 只要你有一刻唔"目及"住, 佢咪又"偷圖書睇"囉. 懶理係考試定測驗, 佢間房立立亂, 但係床上就一大堆圖書, 11pm打後就係佢睇書既"黃金時間", 日日都要"燈火管制"呀!!!
我試過將佢既書/玩具封箱. 不過佢偷偷地拆番出黎, 拎下又一本, 拎下又兩本.....
作者: share.gain 時間: 10-6-15 12:10
總之依家做家長真難, 管得太緊又唔得 (郁d話跳樓, 報警), 放手唔理又唔得 (無王管), 好難取平衡.
你都唔駛咁擔心, 仲可以追, 好多係第一次報分唔理想, 第二次追番好多. 不過, 緊係要下功夫啦! 你真係試吓搵補習班, 以前我都以為自己可以教, 可以應付, 但原來唔同, 人哋係有方法教.
作者: TINGMUM 時間: 10-6-15 12:10
Teresa,
比D願鼓勵你!
女女表姐5年班下學期亦是考得好差, 暑假狂操, 6年班成績進步好多, 自行都有得去BAND 1中學INTERVIEW. 現等結果. 所以, 我用同一個例子豉勵個女唔好放棄, 仲有機會. 真係要好好利用個暑假假期. 只要佢肯開窍, 就會事半功倍!
作者: Tommy 時間: 10-6-15 13:49
Teresa,
見妳平時溫文爾雅淡淡定定，今次完全感受到妳的焦急。男仔真係好麻煩，成績起落可以好大，我細仔今年同樣是小五，數學成績大起大落，可以由A變唔合格。今日考試，琴晚仲睇世界杯，睇完就去訓覺，真係激死！
但語文科的成績應該較穩定，好少會大起大落，會唔會係今次份卷出得好特別？會唔會全班同學都考得好低分？
另一討論區的家長經常話多閱讀就一定有好的語文能力，我相信您個仔的能力係無問題，只係呢份卷的分數較低而已，不要被一次的分數打沉一貫的自信啊！
Tommy
作者: littlecat 時間: 10-6-15 14:18
我都好唔開心, 昨日囡囡派卷, 佢平時最叻既數學, 竟然失手, 考得好差, 佢從未試過在考試時考成咁既分數, 今次仲係呈分試, 我成個人好down,其餘兩科主科都係考得麻麻地, 我都唔知點去見學校, 希望佢趁住呢過暑假加倍努力, 可以會有進步.
作者: Teresa 時間: 10-6-15 14:28
唔管就假喇.... 我都同個仔講, 要考學校, 人地係唔會深究你成績表既低分原因 (唔小心, 程度深, 考試時狀態唔好...), 人地睇既只係"分數", 個分唔靚仔, 佢把口幾叻都係假!! (我個仔講野好叻, 叫佢面試其實係easy job!)
數學呢, 全班得佢一個fail咋... comprehension呢, 佢"聲稱"唔止佢一個fail. 不過成科主科拉勻佢都係得個D, 點見人?
我做呀媽既梗係急啦.... 佢呢個summer都睇怕唔使去玩喇....
男仔要幾多歲至"開竅"架? 我以前讀小學時成績都係一般, 不過我識驚, 所以會好早開始讀書, 死讀爛讀都比我考到Band 1中學. 我個人係唔可以急做野, 一定要plan好o個d. 但係我個仔就同我相反. 教佢真係好辛苦呀!!!!
作者: heihei媽 時間: 10-6-15 15:17
好明白你既感受.
我有朋友佢個女又係有直升中學, 無參加派位, 點知奶左野, 六年級考得唔好, 學校唔收番..., 直資第一回合又己經玩完咁制, 而家就等EDB 揾個位俾佢, 唔知派去邊架, 因為佢地無參加過任何呈分試呀嗎. 所以我諗無論你個仔追唔追到啲成績, 你都要有兩手準備, 揾定其它直資既資料先.
我女都係好大意既人, 把口又係好叻, 不過我同佢講, 你把口叻, 你都要攞到張入場卷先得, 而呢張入場卷係用你成績去換既, 你換唔到入場卷, 你把口叻俾邊個聽.....
佢聽就係咁聽, 但依然顧我... 死未.
原帖由 Teresa 於 10-6-15 14:28 發表
唔管就假喇.... 我都同個仔講, 要考學校, 人地係唔會深究你成績表既低分原因 (唔小心, 程度深, 考試時狀態唔好...), 人地睇既只係"分數", 個分唔靚仔, 佢把口幾叻都係假!! (我個仔講野好叻, 叫佢面試其實係easy job! ...
作者: LWLM0804 時間: 10-6-15 15:44
原帖由 littlecat 於 10-6-15 14:18 發表
我都好唔開心, 昨日囡囡派卷, 佢平時最叻既數學, 竟然失手, 考得好差, 佢從未試過在考試時考成咁既分數, 今次仲係呈分試, 我成個人好down,其餘兩科主科都係考得麻麻地, 我都唔知點去見學校, 希望佢趁住呢過暑假加倍 ...
我都係, 今次由於要呈分, d卷唔可以攞番屋企, 仔仔剩係講左分數比我知, 我又唔知佢錯乜...英文今次剛剛合格多1分..其他都係一般, 現在考完試, 叫佢再番補習社做練習都唔肯, (補習社已比左 1個月學費), 佢個心唔知飛左去邊了,
作者: ChiChiPaPa 時間: 10-6-15 16:35
原帖由 Teresa 於 10-6-15 14:28 發表
唔管就假喇.... 我都同個仔講, 要考學校, 人地係唔會深究你成績表既低分原因 (唔小心, 程度深, 考試時狀態唔好...), 人地睇既只係"分數", 個分唔靚仔, 佢把口幾叻都係假!! (我個仔講野好叻, 叫佢面試其實係easy job! ...
我覺得妳唔應該把目標放在找學校上，應集中解決孩子的數學和英文 comprehension 問題。但這些問題也不一定是死做難做可以解決。
其實好的中學是不能代替妳去解決孩子的學習問題，因此入到也沒用。中學的效能不是妳想象中的大，否則妳的學校也不用設下 Good Pass 的條件。
香港的教育制度是中六才有真正的公開試，因此不用太介意呈分試的結果，只要有計劃地去安排和準備這六、七年後的考試。目光放遠一點吧！也讓自己放鬆一些。妳不是得一個暑假，而是還有六、七年，當然，妳也不能讓任何時間輕易流走。
作者: share.gain 時間: 10-6-15 17:06
Teresa/Littlecat & all,
好明白你哋嘅心情, 因我都係剛經過三次呈分試的家長, 現在等放榜. 個三次呈分試壓力真係好大. 啲仔女唔覺架, 佢地唔知道好學校競爭大, 我個女仲叻, 以為剩係得佢報咁, 你緊張時佢唔緊. 上星期四開始考埋最後一次唔駛報分試, 今日剛考完, 今次就輕鬆得多啦! 但睇番同校五年班個d, 都替佢地緊張.
依家個女成績已定, 係擔心唔知派到邊間學校, 香港嚟個考試制度真係玩死家長
作者: csk 時間: 10-6-15 17:24
Teresa
數學唔合格有沒有得補考？如果有就叫阿仔俾心機。
我覺得今次成績唔好，係時候要囝囝面對現實，尤其他一定想直升中學，惟一出路是要用六年級成績去追，如果大有進步，也容易向中學那面求情，所以他從今天開始已經要勤力了！若你有認識六年級的同學，方便的話問他們借些工作紙和舊卷參考，讓囝囝明白學校的要求。
一路也覺得你很用心去教育小朋友，雖然囝囝暫時未開竅，但是不要氣餒，繼續堅守妳認為是正確的，付出的努力總有回報的。
作者: leoncf 時間: 10-6-16 02:13 標題: 回覆 5# heihei媽 的文章
可以請你的世姪女試試港大同學會中學。
作者: tinetinew 時間: 10-6-16 09:33
hi,
多d溝通,多d鼓勵,少d責駡,或者會好些,不過我自己係亞仔小學都做唔到!
上咗S1後,功課學業我完全放手,須然亞仔考廿幾,但宜家見佢成績在進步中,及某些事情著緊咗及自動波咗,所以我都比較安慰!現在同亞仔傾返,或者係以前我比得太大壓力佢及佢仍未開'hiu',所以佢變咗逃避!
試吓傾多d溝通多d,再揾一些補習社跟學校課程差多,睇吓有冇改善,我覺得兒子肯通力合作,比我哋一廂情願去迫,效果及親子關係會好好多!
yuk hei mum
原帖由 tinetinew 於 10-6-15 08:09 發表
hi,
我覺得收起怒氣,同仔仔認認真真傾一次!想當年我亞仔係小四補底班考第一,係小五'蚊'車邊入到精英班,做父母當然極開心,但精英班模式唔啱亞仔讀,佢係呈分試暴跌三十幾名! 我係黃大仙網,d 好嘅band two學 ...
[ 本帖最後由 tinetinew 於 10-6-16 09:34 編輯 ]
作者: ALAL 時間: 10-6-16 18:08
只要你有一刻唔"目及"住, 佢咪又"偷圖書
睇"囉. 懶理係考試定測驗, 佢間房立立亂, 但係床上就一大堆圖書, !!!
我試過將佢既書/玩具封箱. 不過佢偷偷地拆番出黎,
XX
我個仔同你個仔以上情況相同,有過之而無不及,不怕失禮講,復活節後突然成日計錯數,腦力起碼少左兩成,重要有一日考試零凌晨四點偷打NDS - 但我近期學禪修,即刻用危機處理,爸爸即刻坐在他床邊靜坐至他睡,早上和他說考試會來可即刻打NDS,還說媽媽會考有一晚通宵看世界杯,都有CREDIT,不過影響一定有,成績未知.
考試完了,又肥返,又紮紮跳,無佢乎.
XX
多D同學校溝通,表達誠意,你仔仔的底子應該幾好,上中學後閱讀的得益會好有用.
作者: minijelly 時間: 10-6-16 23:37
試下考試果陣準備定算草紙俾佢帶返學校,考完帶返返屋企俾你睇就獎勵佢,試下呢個方法得唔得啦
作者: Teresa 時間: 10-6-17 14:10
csk,
佢地不設補考
ALAL,
係呀!我都冇辦法! 我唯有日日洗佢腦, 日日做補充狂操佢. 寄望有60+日既暑假可以操fit佢啦.
我而家都開始睇緊d學校, 多數都係睇直資. 不過呢類學校, 一係好勁好勁o個d, 一係就路途遠, 一係就唔及呀仔而家讀緊既校風好.
其實仲可唔可以去津中/官中叩門? (因為我個仔既中學係唔參加派位既學校).
minijelly,
算數紙佢有比番我睇. 就係睇佢算草就冇事, 唔知點解出黎既成績就fail.....
作者: 502 時間: 10-6-17 15:39
唔參加派位既學校 - it will be difficult for you to knock door to find a school which is comparable to what your son's one! Even DSS secondary schools, they might also discriminate other DSS primary schools!
I guess it is a must for your son to 操fit himself instead of you 操fit佢. If the method you adopted in the past 5 years did not work well, better dig out the under-root problem and fix it!
作者: ##21# 時間: 10-6-17 20:27
原帖由 share.gain 於 10-6-15 17:06 發表
Teresa/Littlecat & all,
好明白你哋嘅心情, 因我都係剛經過三次呈分試的家長, 現在等放榜. 個三次呈分試壓力真係好大. 啲仔女唔覺架, 佢地唔知道好學校競爭大, 我個女仲叻, 以為剩係得佢報咁, 你緊張時佢唔緊. 上 ...
請問三次呈分試是計五年級上下及六年級上學期嗎?
我個仔五上55/132
五下49/137
六上77/136
咁應該點計Band幾呢?
作者: CrabPincers 時間: 10-6-17 20:46
原帖由 ##21# 於 10-6-17 20:27 發表
請問三次呈分試是計五年級上下及六年級上學期嗎?
我個仔五上55/132
五下49/137
六上77/136
咁應該點計Band幾呢?
甘六下呢
應該係計晒全部
即係五年級下學期, 六年級上下學期
最好你問返老師, 你仔係band 幾啦, but 依家先黎問? 揀晒學啦
作者: khmama 時間: 10-6-17 21:30
原帖由 Teresa 於 10-6-15 00:05 發表
我個仔讀直資, 有中學部(都係直資), 係區內Band 1學校. 中學部冇參加派位, 如果可以佢地都會盡量收番哂自己小學既學生. 不過佢地都SET左標準, 要主科+常識有GOOD PASS (即係要70分以上).
不過我個仔好唔爭氣, MAT ...
依家好似得你一個急, 你囝囝一o的危機感都冇, 我建議你今年放榜帶佢返學校, 感受下o的氣氛, 最好模擬去叩門, 四圍搵學校, 等佢知個'死'字點寫.
作者: cy101 時間: 10-6-17 22:56
原帖由 ##21# 於 10-6-17 20:27 發表
請問三次呈分試是計五年級上下及六年級上學期嗎?
我個仔五上55/132
五下49/137
六上77/136
咁應該點計Band幾呢?
6/7 都放榜, 妳而家先問既!!!!
作者: aryee 時間: 10-6-18 11:28
雖然我小朋友距離升中仲有一段距離，但都感受到果種氣氛。teresa，以為你小朋友一直讀書唔差，但我估佢個底幾好，只係未開竅，但呢家野要等佢自己。未開竅對升中會有難度，但佢個底好，要追係好快既事，望長遠，我覺得唔需要擔心。
作者: 夏美 時間: 10-6-18 12:02
我個仔都係咁，一D都唔緊張﹗考完試後成日掛住打機，我都唔知點算﹗
作者: share.gain 時間: 10-6-18 12:34
呈分試應計五下, 六上下共三次, banding要學校計, 以TSA成績為基本, 佢地會有數據評估自己學校學生banding. 每次考完試都會排banding, 但記住學校俾你個banding只係校內, 唔係全區或全港. 之前有人教我將自己banding加5至10就好d. 例如 : 學校話你知1-40 (band 1) , 小朋友在呈分試排全級25, 隱陣d將佢排名加10即係35都仲係band 1, 希望我講得清楚.
各位準中一生媽咪 : 我同你地一樣等7月6日開獎, 有時會胡思亂想, 好似剛剛先呈完分, 揀完學校, 咁快就到, 好驚! 但有人同我講, 快d咪好law, 了咗件事, 諗落又係, 遲早都要面對, 祝大家夢想成真, 想入邊間就邊間啦!
作者: ALAL 時間: 10-6-18 19:02
我曾經參觀過一間準貼中學,有個讀音樂學校的家長問過可不可以報讀,富校長說第三輪考筆試.
DDS 應該可想想 PLK Ngan Po Ling, Fuk Jian English class, Creative Secondary, Victoria Secondary, 弘立 (?), ST ＳＴＥＰＥＮ ＣＯ＿ＥＤ， ＡＮＤ ＴＲＹ CHINESE FOUNDATION 其實都是等自己安心D,我相信你校會收返你個仔.
原帖由 Teresa 於 10-6-17 14:10 發表
csk,
佢地不設補考
ALAL,
係呀!我都冇辦法! 我唯有日日洗佢腦, 日日做補充狂操佢. 寄望有60+日既暑假可以操fit佢啦.
我而家都開始睇緊d學校, 多數都係睇直資. 不過呢類學校, 一係好勁好勁o個d, 一係就 ...
作者: Teresa 時間: 10-6-18 23:49
aryee,
我諗我個仔比起出面一般既津校既學生就唔係差, 不過讀得"名校", 雖然未至於狂谷, 但係對學生係有"要求"既.
我個仔出到去見人, 佢一D都唔失禮, 好識講野好得體架, 就連學校老師都話佢紀律上冇問題, 只係一講到考試成績就係佢死穴. 佢耐唔耐會有佳作架, 作文比老師讚, 電腦科拎個咩咩獎, 最諷刺既係佢英文有篇作文上埋校刊
真係要等佢開竅, 唔知要等到幾時!!!
ALAL,
多謝你suggestions, 你講既幾間我都留意過下, Victoria/弘立都唔考慮, 學費太貴太貴喇. 如果學費5K左右都仲有得諗.
作者: Teresa 時間: 10-6-18 23:51
原帖由 khmama 於 10-6-17 21:30 發表
依家好似得你一個急, 你囝囝一o的危機感都冇, 我建議你今年放榜帶佢返學校, 感受下o的氣氛, 最好模擬去叩門, 四圍搵學校, 等佢知個'死'字點寫.
...
你講中左, 我真係有諗過! 不過放榜當日我唔O係HK, 只能隔住個電話"凶"佢.
作者: Lilo 時間: 10-6-19 00:27
原帖由 Teresa 於 10-6-18 23:51 發表
你講中左, 我真係有諗過! 不過放榜當日我唔O係HK, 只能隔住個電話"凶"佢.
呢招真係得嫁!當年我眼見家姐會考失手,爸媽帶住佢四圍揾學校個種傍惶法,令到原本超懶散的我唔敢唔勤力讀書.
作者: CFaHB 時間: 10-6-19 13:08
Teresa,
我都估到你仔仔講野好叻, 當年成千人去報名, 而且個個仔都係校長 interview, 收得嘅一定係醒目仔.
其實學校有 "加強班", 如果你仔仔一向都唔駛 join, 咁即係佢只係今年成績跌左落黎, 大圍人博命, 自己唔博咪 sit 低左囉 .... 咁個仔基礎都係好嘅話, 操 fit 一輪
出年第二次呈分, 等你報喜 
作者: ccn008 時間: 10-6-22 13:07
Hi Teresa,
我今日先註冊入來親子皇國, 我女都是小五學生, 剛呈上第一次分, 都想同你分響一下.
其實我女都好怪, 佢英交同中文同listening都超好, 全部90分以上, 唯獨數學呢一科, 次次都貼住合格條線.
我送佢去補習班力谷數學已有3年, 補習班告訴我, 她做卷很好, 識晒, 叫我放心. 很奇怪, 我女第三次考試時, 數學真的不合格了.
家長日當天, 我問斑主任, 為何我那麼力谷, 都是不合格, 是否有另一些方法可幫助一下. 老師好驚訝地說, 從來不感覺到我女有力谷數學. 再詳談下, 才知學校是用TSA數, 而補習班是普通數, LEVEL不同, 引致不能對正下藥, 我才驚覺, 原來一直花的時間, 金錢都會白廢.
最嬲係, 她的補習班不會不知她學校是用什麼教材吧, 日常都會做作業啊?!?!?!?
打從5月, 我便自行到書局買補充給她做, 不再上那不負責任的補習班, 果然成效, 今次呈分試, 數學得70分啊!
希望妳都能夠找到一個方法, 幫助你的孩子^^.
作者: Fion_Chan 時間: 10-6-22 13:45
原帖由 ccn008 於 10-6-22 13:07 發表
家長日當天, 我問斑主任, 為何我那麼力谷, 都是不合格, 是否有另一些方法可幫助一下. 老師
好驚訝地說, 從來不感覺到我女有力谷數學. 再詳談下, 才知學校是用TSA數, 而補習
班是普通數, LEVEL不同, 引致不能對正下藥, 我才驚覺, 原來一直花的時間, 金錢都會白廢.
最嬲係, 她的補習班不會不知她學校是用什麼教材
吧, 日常都會做作業啊?!?!?!?
打從5月, 我便自行到書局買補充給她做, 不再上那不負責任的補習班, 果然成效, 今次呈分試, 數學得70分啊!
TSA數和普通數有分別嗎？TSA考的應與普通學校範圍考的沒什麼分別。
我一直以為做TSA練習主要是訓練小朋友揀multiple choice要記住塗黑圓圈(我仔成日用"剔")，和用下個條碼貼紙！
作者: ALAL 時間: 10-6-22 15:25
You can buy a TSA test paper from bookstore, and you would know what is the difference. Mainly, I see that TSA would have more maths learnt in the past years (p2-5).
So you should have a revision of all the topics taught in primary school. It is easy for a child to forget direction, angle, clock, if you don't revise these topics.
原帖由 Fion_Chan 於 10-6-22 13:45 發表
TSA數和普通數有分別嗎？TSA考的應與普通學校範圍考的沒什麼分別。
我一直以為做TSA練習主要是訓練小朋友揀multiple choice要記住塗黑圓圈(我仔成日用"剔")，和用下個條碼貼紙！ ...
作者: Teresa 時間: 10-6-22 16:06
原帖由 ccn008 於 10-6-22 13:07 發表
Hi Teresa,
我今日先註冊入來親子皇國, 我女都是小五學生, 剛呈上第一次分, 都想同你分響一下.
其實我女都好怪, 佢英交同中文同listening都超好, 全部90分以上, 唯獨數學呢一科, 次次都貼住合格條線.
我送佢去補 ...
多謝你既分享.
係呀! 我諗我個仔都有呢個問題, 佢平時做數學功課又唔覺得佢唔識, quiz既成績就大上大落 (50+分至100分都試過).
我一路都係跟住佢學校年級既課程比exercise佢操, topic by topic. 而家我都開始諗緊係咪因為我冇比佢操 TSA.
而家呢個暑假, 我會開始比佢操下TSA. 同埋, 我都覺得TSA有佢既好處, 因為d 數多數都係大兜亂topic, 佢做卷唔會好機械化去做, 而且TSA mock卷有時間限, 正好岩我用黎同佢操數.
我會試一個暑假睇下點.
作者: samuel89 時間: 10-6-22 16:15
原帖由 Teresa 於 10-6-18 23:51 發表
你講中左, 我真係有諗過! 不過放榜當日我唔O係HK, 只能隔住個電話"凶"佢.
睇住來"凶"佢呵.
而家d小朋友唔系個個受得起"凶"左之後既壓力呵...
作者: ALAL 時間: 10-6-22 16:16
我開學時去書局問買數學卷,他們說有多學校都會跟TSA出,就提議我買XX TSA卷.那是九龍城老牌書局,D 人好好.
作者: ALAL 時間: 10-6-22 16:23
原帖由 samuel89 於 10-6-22 16:15 發表
睇住來"凶"佢呵.
而家d小朋友唔系個個受得起"凶"左之後既壓力呵...
作者: rrma 時間: 10-6-22 19:52
咁如果想操中文 & 英文, tsa 又可有幫助呢?
作者: hhma 時間: 10-6-22 22:00
agree
TSA數即學校數, 無分別
我suggest mark時間操數, 睇下會唔會有改善
原帖由 Fion_Chan 於 10-6-22 13:45 發表
TSA數和普通數有分別嗎？TSA考的應與普通學校範圍考的沒什麼分別。
我一直以為做TSA練習主要是訓練小朋友揀multiple choice要記住塗黑圓圈(我仔成日用"剔")，和用下個條碼貼紙！ ...
作者: hhma 時間: 10-6-22 22:02
嘩....你禪左去邊? 甘耐唔浦頭呀?
你岩
細呢個, 我都唔敢勁"凶"佢
不過神經刀今次呈分居然出奇地神經
原帖由 samuel89 於 10-6-22 16:15 發表
睇住來"凶"佢呵.
而家d小朋友唔系個個受得起"凶"左之後既壓力呵...
作者: greendotdot 時間: 10-6-23 01:46
睇樓主簡述令郎的情況，我覺得佢係有sense嘅小朋友，只不過成熟不足，自理能力較差，家長或者當局者迷，可能不但沒有對症下藥，氹氹轉菊花園，反而幫倒忙也不為奇。(恕怪我直接啲講，無謂轉彎抹角，唔鍾意咪當我無講過啦)，我相信佢絕對並非小學數學攞56分的孩子，家長都要知道教啲乜和考啲乜，唔係一味outsource補習社便拍拍手，唉！點會操TSA練習去考呈分試，或者校內試，由其是數學，簡直本末倒置，你話直資名校小學，我估應該讀英文數，唔好話我聽補習老師幫佢補中文數當係英文數呀(講吓笑啫)，學數我極之反對(1)日日返補習社做功課，(2)家長嫌小朋友心算。還有，傳統名校小學語文方面(當然係英文啦，有啲中文都好)一定比街坊小學優勝，數學則是例外，唔好睇低街坊小學的學生的數學能力，加上佢地讀中文數，解難能力好啲，更容易提升興趣，進步更快。
現在唔得閒，遲啲再講多少少我的意見，如果唔想再聽，請隨便stop我，see u
作者: greendotdot 時間: 10-6-23 05:42
<>數學科每次呈分試都有自己不同的考試範圍，幹甚麼花時間於其他方面such as TSA？
<>學校會提供相關的功課、堂課、past exam papers，一句講晒，讓學生知道考啲乜和份卷嘅形式，這才是你最需要嘅。你怎知補習社有無教小朋友做其他學校嘅卷，或者佢自己出嘅，咁同去書局買份補充練習之類的東西有乜分別。
<>自己學校的本份都未做得好，還未消化基礎嘢，便再為小朋友填鴨補習社的advanced level精華(唔深啲點收你錢)，你話有無問題。
<>日日在補習社做功課，技術上功課唔會有錯(你明啦)，小朋友又不能夠經歷到如何糾正自己錯誤的過程，怎有機會去學習自我修正及發展適合自己的方法？家長惟有從堂課中才能了解小朋友的弱點，例如百分數較弱，面積體績幾何較強，計算時的技巧怎麼會令他容易計錯數等等，呢啲細微嘢要家長細心觀察和反覆測試，外人點幫你？
<>小朋友喜歡用心算，我會恭喜你，家長應該鼓勵佢認真啲，諗得準確啲，列主式無問題，但運算盡量用心算，不但訓練注意力和腦力，改進運算速度，更增強自信心，家長或導師的工作是引導小朋友用自己思考和能力去解難，這樣得到的成功感，才是提升他對數學興趣的動力，學數沒趣味，衰梗啦！
<>小朋友做數唔小心運算錯咗慣常事，老師都會叫佢地有時間要double check，有啲小朋友巳經double check都錯，我自己教囡囡試用backward的方法check，效果不錯。
<>當小朋友的基礎有明顯進步，再針對他較弱的課題，例如分數運算，可以做多少少，但絕對不能死做爛做，適可而止，無時間便專做以前錯過的同類形數題，無須刻意強迫他限時完成，可以問他接唔接受挑戰於三十分鐘完成等等，成績好可以再挑戰深啲，諸如此類。
<>小學數有幾難，難是難在兒童心理學，和大人肯唔肯長時間耐心去循循善誘小朋友。
作者: Daisy媽咪 時間: 10-6-23 09:34
原帖由 heihei媽 於 10-6-15 15:17 發表
好明白你既感受.
我有朋友佢個女又係有直升中學, 無參加派位, 點知奶左野, 六年級考得唔好, 學校唔收番..., 直資第一回合又己經玩完咁制, 而家就等EDB 揾個位俾佢, 唔知派去邊架, 因為佢地無參加過任何呈分試呀嗎. ...
我都為左亞女既成績 左幾日. 由小五下學期第2個test 完左之後, 除左應付平日既默書, 就爭取一分一秒去同佢溫書, 大家都有付出. 當亞女訓左之後, 我就自己同佢執番好學校d notes, 奈何學校平日d notes 好雜亂, 我要花好多時間至可以幫佢整理好.
考試後, 知道學校份卷出淺左, 很多同學都有好大進步, 都似為亞女都可以有好少少既成績. 但亞女出來既成績, 除左英文科卷一70幾, 卷二80幾, 常識80幾之外, 其他都得 60 多d既分數. 我最失望係佢既數都得60幾, 而人地就100 或者 90幾...
我都知入唔番自己中學, 但都要有好樣少少既成績去考直資架.... 佢同你個女一樣, 把口叻, 但佢d成績咁 連面試機會都冇啦, 把口點叻都冇用啦.
我一怒之下, 已經 cut 哂佢所有興趣活動, 但究竟有d乜野仲可以幫佢呢 ???? 我都唔知.
我想講, 貪玩, 唔定性, 唔係男仔既專利, 我個女一樣都係咁 !
作者: CrabPincers 時間: 10-6-23 09:57
我同意一樣野, 依家d 小朋友吾係兇得
我女六年級, 依家等緊放榜
佢五年級上學期成績好好, 全班第一, 全級10名以內(老師吾肯講實名次), 但一到呈分試, 就跌到全級40幾
平時拿開a 既都變晒b, 中作還拿個c 返黎
我吾知係吾係因為壓力問題, 所以攪成甘
佢來來之前係學林學數, 學左差吾多一年, 數學吾見佢有好, 還差, 本來未上之前, 都還有9字頭, 越補就越差, 呈分得80幾(d 同學可以100分)
講真, 學林真係操數, 每星期成疊數拿返屋企做, 日做夜做, 我女試過做到喊 (好多)
d 問題又轉彎, 又難, 但點解都操吾好?
後尾我quit 左學林, 搵左個老師返黎幫佢補數, 老師吾會比乜野exercise 佢做, 只係將佢錯既解釋比佢聽, 無乜點操佢, 反而佢之後的數有返9字頭
當然, 我自己都有跟返佢d 功課, 看下佢平時的功課, 邊d 係弱既, 再同老師講, 叫老師再講解比佢聽
同埋, 之後我們考試前一個月前開始溫書, 考試前果一日, 食完飯, 再看一看d 練習, 通常半個鐘左右, 之後就洗面刷牙訓覺, 養足精神去作戰
反而, 之後幾次呈分試(學校連test 都計埋分), 科科都可以拿個a返黎
但都因為五年級第一次的呈分試考得比較差, 所以拉極都係全級20名以內, 但我都已經好滿足, 因為呈分試, 其他學生都標晒上黎, 爭得好勁
作者: CrabPincers 時間: 10-6-23 10:00
原帖由 CrabPincers 於 10-6-23 09:57 發表
我同意一樣野, 依家d 小朋友吾係兇得
我女六年級, 依家等緊放榜
佢五年級上學期成績好好, 全班第一, 全級10名以內(老師吾肯講實名次), 但一到呈分試, 就跌到全級40幾
平時拿開a 既都變晒b, 中作還拿個c 返黎
我吾知 ...
吾記得講, 吾好叫我介紹補習老師
佢好忙, 無時間再補多一個學生
作者: samuel89 時間: 10-6-23 10:28
原帖由 hhma 於 10-6-22 22:02 發表
嘩....你禪左去邊? 甘耐唔浦頭呀?
你岩
細呢個, 我都唔敢勁"凶"佢
不過神經刀今次呈分居然出奇地神經
近排走左去呢樹
http://forum.edu-kingdom.com/forumdisplay.php?fid=361
偷橋學下點幫阿仔追下D成績... 經過呢樹見到多數系揀學校問題, 暫時都唔關我事,所以無上來吹水.....
阿仔做左F.1仔之後, 我都唔敢"凶"佢啦
.....講真F.1仔已經有自己既諗法, 我反而要開始同佢講"禪", 叫佢唔好甘"執著".....
你細仔呈分OK....你下年就唔使頭痛啦...我果個仲未知"派彩"....
作者: hhma 時間: 10-6-23 10:45
呈分既難度係keep到三次既成績…真係好難
大家一齊努力啦!!!
作者: share.gain 時間: 10-6-23 10:49
贊成
現在d小朋友讀書比我們以前辛苦好多. 試想吓 : 佢地一日工作 ("讀書")時間長過我地返工, 由早上8:00返學到下午3:30放學, 放學後仲要參加課外活動, 學嘢, 補習, 操雞精 ("習作"), etc. , 總之家長唔會俾佢地有多餘時間, 真慘!
能力夠應付得到當然好, 但唔係個個得, 我個人認為就算個小朋友應付得到都唔係一個健康快樂的成長.
作者: samuel89 時間: 10-6-23 11:39
原帖由 hhma 於 10-6-23 10:45 發表
呈分既難度係keep到三次既成績…真係好難
大家一齊努力啦!!!
話時話你會唔會俾細仔入阿哥間中學呢
作者: hhma 時間: 10-6-23 15:51
hmmm.....
未必
原帖由 samuel89 於 10-6-23 11:39 發表
話時話你會唔會俾細仔入阿哥間中學呢
作者: samuel89 時間: 10-6-23 16:31
原帖由 hhma 於 10-6-23 15:51 發表
hmmm.....
未必
唔....我都正在思考中.....取捨中....
作者: aryee 時間: 10-6-23 16:54
我細個，比如條數問10-4，我計既答案係6，覆數時我會計6+4是否=10，唔知係咪就係greendotdot所講backward方法﹖但呢個方法可以避免一d慣性錯誤。我科數都幾好，無操卷無補習，唯一做既係每次計錯數，響無人講解之下，我一定要自己諗到錯響邊，如果自己諗唔到點解錯，要搵大人教的話，我會罰自己做同類題目10條，啱晒先放過自己。
作者: hhma 時間: 10-6-23 17:52
我都要求我仔甘做, 但佢唔係時時跟lor
好似今次甘, 有3題佢無甘做, 就係衰左個3題
甘多科, 最差係數學
而數學係無得用聆聽, 作文, oral...etc去拉
激到爆血管
原帖由 aryee 於 10-6-23 16:54 發表
我細個，比如條數問10-4，我計既答案係6，覆數時我會計6+4是否=10，唔知係咪就係greendotdot所講backward方法﹖但呢個方法可以避免一d慣性錯誤。我科數都幾好，無操卷無補習，唯一做既係每次計錯數，響無人講解之下，我一定要自己諗到 ...
作者: samuel89 時間: 10-6-23 18:25
原帖由 hhma 於 10-6-23 17:52 發表
我都要求我仔甘做, 但佢唔係時時跟lor
好似今次甘, 有3題佢無甘做, 就係衰左個3題
甘多科, 最差係數學
而數學係無得用聆聽, 作文, oral...etc去拉
激到爆血管
...
甘快有派彩...點解我收唔到既
作者: greendotdot 時間: 10-6-23 18:52
原帖由 aryee 於 10-6-23 16:54 發表
我細個，比如條數問10-4，我計既答案係6，覆數時我會計6+4是否=10，唔知係咪就係greendotdot所講backward方法﹖但呢個方法可以避免一d慣性錯誤。我科數都幾好，無操卷無補習，唯一做既係每次計錯數，響無人講解之下，我一定要自己諗到錯響邊，如果自己諗唔到點解錯，要搵大人教的話，我會罰自己做同類題目10條，啱晒先放過自己。
你細個對數學的學習態度，可以講係我講大篇沉氣嘢的精華所在，亦難得咁細個都識咁諗，還可以更好的話，揾大人幫手時，大人懂得引導你用自己的方法找到答案，再與你比較他會怎樣做。
良好的學習態度，也包括遇困難不要太固執去糾纏，懂得暫停休息，轉方向思維再接再勵。
作者: hhma 時間: 10-6-23 21:29
上星期二考完
跟住放三日假(tsa)
今個星期一都對晒卷啦
係等成績表名次o者, 要7月啦
原帖由 samuel89 於 10-6-23 18:25 發表
甘快有派彩...點解我收唔到既
作者: flysss 時間: 10-6-23 22:40
Teresa,
好耐無上來, 又好耐無見你. 看到亞仔情況, 也 !
我覺得`凶'吓佢都可試, 不過佢好似無事咁, 可能是假都唔定. 希望佢個心都有急啦!
我還有另一看法, 佢可能要有目標, 如：做完... 可以打NDS之類. 成日谷佢未必一定`鎖到佢個心'. 我個女這一年教到我, she is an individual. she is different from me. She needs intermittent play to improve her quality of study. It works for her. she got much better results with play in between study. But may not work for everybody.
Just sharing. Everybody is different. Hope your son can know `死' 字點寫. ......
作者: greendotdot 時間: 10-6-24 03:10
原帖由 Daisy媽咪 於 10-6-23 09:34 發表
我都為左亞女既成績 左幾日. 由小五下學期第2個test 完左之後, 除左應付平日既默書, 就爭取一分一秒去同佢溫書, 大家都有付出. 當亞女訓左之後, 我就自己同佢執番好學校d notes, 奈何學校平日d notes 好雜亂, 我要花好多時間至可以幫佢整理好.
考試後, 知道學校份卷出淺左, 很多同學都有好大進步, 都似為亞女都可以有好少少既成績. 但亞女出來既成績, 除左英文科卷一70幾, 卷二80幾, 常識80幾之外, 其他都得 60 多d既分數. 我最失望係佢既數都得60幾, 而人地就100 或者 90幾...
我都知入唔番自己中學, 但都要有好樣少少既成績去考直資架.... 佢同你個女一樣, 把口叻, 但佢d成績咁 連面試
機會都冇啦, 把口點叻都冇用啦.
我一怒之下, 已經 cut 哂佢所有興趣活動, 但究竟有d乜野仲可以幫佢呢 ???? 我都唔知.
我想講, 貪玩, 唔定性, 唔係男仔既專利, 我個女一樣都係咁 !
我一怒之下, 已經 cut 哂佢所有興趣活動, 但究竟有d乜野仲可以幫佢呢 ???? 我都唔知.
我覺得你可以幫佢嘅係支持佢，執嘢就一齊執，既然你都認同大家都有付出，點解佢要為咗考得差咗而受罰呢？既然是一家人，大家必須共同進退，命裹有時終須有，命裹無時莫強求！如果你仍然覺得係The winner takes it all.咁我無嘢講！
俾隻歌仔你聽，唔好再
啦
http://www.youtube.com/watch?v=a3pKc-9bmk8
作者: pineapple0983 時間: 10-6-24 10:06
原帖由 greendotdot 於 10-6-24 03:10 發表
我覺得你可以幫佢嘅係支持佢，執嘢就一齊執，既然你都認同大家都有付出，點解佢要為咗考得差咗而受罰呢？既然是一家人，大家必須共同進退，命裹有時終須有，命裹無時莫強求！如果你仍然覺得係The winner takes it all.咁我無嘢講！
...
支持點點綠觀點！
我覺得你要同個小朋友一齊，首先要了解佢點解溫書唔入腦，或者入左腦點解臨場發揮唔到出黎？
係咪你同佢溫ge方法唔啱？係咪佢臨場時成日發台瘟？
數學首先要明白題目先；然後先做識ge先，一見到複雜ge或難ge就跳去下一題，等做晒D識ge之後，再攻D難ge。咁做係首先保證合格先，有時間再攻D高分數；只有足夠ge時間，先充份可以諗d難ge數；如果你花晒d時間係難ge數先，到就黎夠鐘你先去做一D你原本識ge，咁明明識都變咁識啦。ed係實戰經驗，唔係話溫熟就算。
作者: 何何師奶 時間: 10-6-24 10:08
我阿囡的成績又係唔好, 都唔知點樣才可以令她有興趣讀書, 每逢默書測驗仲死, 記野都記唔惦, 她的補習老師介紹我去聽記憶學示範, 我上星期去了聽, 我阿囡即場體驗那種記憶學, 又好似唔錯, 她至現在還記得當日的即場記的野。黎緊暑期有班, 我都打算幫佢報。
好似今個星期日(2:30-4:00)都有一場免費的示範教學, 於銅鑼灣, 如果有興趣就pm我啦!
作者: Daisy媽咪 時間: 10-6-24 18:35
原帖由 pineapple0983 於 10-6-24 10:06 發表
支持點點綠觀點！
我覺得你要同個小朋友一齊，首先要了解佢點解溫書唔入腦，或者入左腦點解臨場發揮唔到出黎？
係咪你同佢溫ge方法唔啱？係咪佢臨場時成日發台瘟？
數學首先要明白題目先；然後先做識ge先，一見到複雜ge或難ge就跳去 ...
絕對同意大家要互相支持, 但佢除左知道成績果日 之外, 第2日放學就即刻開電視睇, 似乎佢係仲未了解佢自己有乜野問題.
對一些自制能力差的小朋友, 可能適當懲罰係要, 因為佢地覺得所有野太理所當然, 不懂珍惜 !
作者: hinhin_ma 時間: 10-6-25 11:02
原帖由 Daisy媽咪 於 10-6-24 18:35 發表
絕對同意大家要互相支持, 但佢除左知道成績果日 之外, 第2日放學就即刻開電視睇, 似乎佢係仲未了解佢自己有乜野問題.
對一些自制能力差的小朋友, 可能適當懲罰係要, 因為佢地覺得所有野太理所當然, 不懂 ...
『因為佢地覺得所有野太理所當然, 不懂珍惜 !』。。。完全同意。。。我個女又係禁。。。又係準備升小六。。。。但考呈分試又係。。。我都唔知點做好。。。問親都話識，明白但是結果總是相反。。。
同佢分析利害—對自己GE 將來影響等。。佢好似聽緊故事，完全唔知個重要性。。用硬，講明測得低過幾多就要罰。打等，高過幾多就獎。。。但結果都係改唔到。。。佢成日話好想要E樣果樣。。。但是又唔去努力以赴來爭取。。。
作者: ALAL 時間: 10-6-28 11:31
科室出版-考前8周衝刺(數)
可看下
作者: KWT 時間: 10-6-28 12:40
我一路都係跟住佢學校年級既課程比exercise佢操, topic by topic. 而家我都開始諗 ... [/quote]
Teresa.
如果計數粗心大意只能一點一滴慢慢改進,打罵補習用處不大.我細仔也是大意一族.我用這樣方法跟他溝通改進:-
每次考完試有卷看的時候,我找些他大意錯的題目,如果是數學科,我會跟他說:真是不抵,明明識計,計對都沒有分,寫漏一個"個"字就冇哂分,不過,沒有辦法啦,學校老師要求這樣要跟他們的做法,下次寫蕃個"個"字攞回d分.這裡明明答對真不抵,5分只取得2分,冇寫列式又或者寫鬼簡單些,就唔見3分,唔抵,下次寫番列式取回分數.這條明明沒有錯的,只是沒有約分去到最簡.6/12其實跟1/2答案一樣,下次約番最簡,攞回d分.又比如中文,常識科,我會說:這個中文字只不過多左一橫,就比老師扣左2分真是不值,明明識做都扣分,下次寫清楚d避免咁樣扣分. ....... 如此常做"常哦,亞仔d數學少左大意失分,10條改進7條已經非常好了.
仔仔三次呈分試,就有2次科目得分歷年最低,希望他攪珠入間好的band 1中學.6/7就知曉.我覺得父母壓力最大,早幾日,我竟然發夢:仔仔竟然冇一間中學(連band 3學校)收他入讀,問學校老師也不明白,查教統局,要等3日才知,最後說我填表漏填一欄,所以不能分派學校.驚醒時,久久不能再睡.
作者: garfield1206 時間: 10-7-1 17:22 標題: 回覆 5# 何何師奶 的文章
你講個間係咪香港記憶學總會呀,我都有去聽過,不過好貴,
作者: 何何師奶 時間: 10-7-2 11:11
garfield,
唔係香港記憶學總會, 係一間中心和澳門記憶學總會合辦的, 我上兩個星期都有去聽示範教學, 嗰個講者原來係以前做過戲呀, 做香港8幾, 他們的記憶學都是師承記憶學祖宗大師 Dr. Yip, 價錢都唔算貴, $2400 / 12小時, 他們有個學生即場表演, 原來嗰個學生都是學咗14小時, 現在升中一。那間中心負責人話最重要是要學生學了後, 有得著, 可以於日常學習應用出來。
原帖由 garfield1206 於 10-7-1 17:22 發表
你講個間係咪香港記憶學總會呀,我都有去聽過,不過好貴,
作者: cch18 時間: 10-7-5 00:42
我亦去過呢D示範教學,我小朋友當時亦親身體驗,好似好work咁,好想去試,好彩有個同事同我分享經驗,佢有兩個女,一個五年級,一個二年級,一齊join左呢D course, 佢話起初好似幾好,但實際難於應用在學校課本上,完成晒個course後對他們都無乜幫助,兩個女咁就浪費了成萬幾蚊呀,另外,前排在街上碰見個朋友,咁啱佢又講起佢個仔之前又有join呢D course,又係咁comment呀,所以你要諗清楚喇
原帖由 何何師奶 於 10-7-2 11:11 發表
garfield,
唔係香港記憶學總會, 係一間中心和澳門記憶學總會合辦的, 我上兩個星期都有去聽示範教學, 嗰個講者原來係以前做過戲呀, 做香港8幾, 他們的記憶學都是師承記憶學祖宗大師 Dr. Yip, 價錢都唔算貴, $2400 / ...
作者: LittleKidult 時間: 10-7-5 08:59
原帖由 cch18 於 10-7-5 00:42 發表
我亦去過呢D示範教學,我小朋友當時亦親身體驗,好似好work咁,好想去試,好彩有個同事同我分享經驗,佢有兩個女,一個五年級,一個二年級,一齊join左呢D course, 佢話起初好似幾好,但實際難於應用在學校課本上,完成晒個cou ...
先質疑一下:
1, 如果真係有成效(或者叫高成效), 教育局點解唔研究? 唔將呢種學習法納入正規教學中?
2, 如果成效真係咁高, d記憶教師咪個個都可以讀到master, doctor, pro.....?
作者: 靚豬豬 時間: 10-7-9 23:26
我仔同你囡差唔多, 上次考試3A(英數常)
1C(中), 今次呈分試係BBBB, 平時英同數
無9字頭都8字尾, 今次兩科都得7字頭,
全年總平均係3B1C(我仔中文一向差,次次C)
不過今次應該真係
出卷深, 全班都跌晒(除左一向考第一果個)
因為有個平時成績好過我仔嘅女同學今次
竟然數學唔合格. 但我都無點話呀仔, 同佢
班主任一樣咁講, 過左去就算, 最重要係晌
黎緊兩次呈分試努力D追番, 千祁唔好氣餒咁囉
大家一齊努力, 加油
~~
原帖由 littlecat 於 10-6-15 14:18 發表
我都好唔開心, 昨日囡囡派卷, 佢平時最叻既數學, 竟然失手, 考得好差, 佢從未試過在考試時考成咁既分數, 今次仲係呈分試, 我成個人好down,其餘兩科主科都係考得麻麻地, 我都唔知點去見學校, 希望佢趁住呢過暑假加倍 ...
作者: brianchue 時間: 10-7-10 11:26 標題: 補習
原帖由 靚豬豬 於 10-7-9 23:26 發表
我仔同你囡差唔多, 上次考試3A(英數常)
1C(中), 今次呈分試係BBBB, 平時英同數
無9字頭都8字尾, 今次兩科都得7字頭,
全年總平均係3B1C(我仔中文一向差,次次C)
不過今次應該真係
出卷 ...
其實可以試吓補習,希望下次呈分考好啲!
| 歡迎光臨 教育王國 (/) |
Powered by Discuz! X1.5 |