教育王國

標題: 有無媽媽可以分享下叩門經驗 [打印本頁]

作者: lcy1998430 時間: 10-6-17 12:52 標題: 有無媽媽可以分享下叩門經驗

7月6日就派位啦，心情真係好緊張，有無媽媽可以分享下叩門經驗呀？

作者: MGO 時間: 10-7-1 22:15

我估你都係去番你首選個2間敲門, 所以你要準備番你留低的票尾, 今期的成績表,同上次交的文件, 倒序排一次 (小六下, 上, 小午下,上...) 正本加份影印本. 如果可以叫校長/老師幫佢寫封推薦信放係面, 釘成一份.唔好一張一張入膠套, 佢會叫你除番出來. 準備2,3個公文袋, 筆.

孩子方面, 你現在就要開始教育, 同佢講如果你已經盡力考試,但都派得唔好, 都唔係我同你可以控制, 不過媽咪會同你去試下敲門, 我的責任會準備好文件, 而你要有心理準備當日你的責任係會有面試, 得唔得無人知, 但盡力爭取係我們一同面對的派位呢個挑戰. 孩子的心理準備係最重要, 因為臨門係佢要面試, 佢的情緒一定要正面. 佢自己對結果已經失望, 再加埋無自信就唔掂了.

作者: pearlitit 時間: 10-7-2 09:05

Hi! 我都係過來人，剛剛舊年先經歷過人生最大的挑戰，就好似昨天發生一樣，歷歷在目，由好down至好high都好似發夢咁。我地一家人一齊共同渡過呢個難關，只要有信心，唔好放棄，一定得架。keep 住個信念，永不放棄，做好心理準備同行程、路線圖，勇往直前，一家人互相勉勵，成功在望，皇天不付有心人架！

作者: pineapple0983 時間: 10-7-2 12:57

原帖由 pearlitit 於 10-7-2 09:05 發表
Hi! 我都係過來人，剛剛舊年先經歷過人生最大的挑戰，就好似昨天發生一樣，歷歷在目，由好down至好high都好似發夢咁。我地一家人一齊共同渡過呢個難關，只要有信心，唔好放棄，一定得架。keep 住個信念，永不放棄，做好心理準備同行程 ...

同意。
最好而家就比定心理準備D小朋友，如果唔係，萬一到時真係要叩門，佢思想狀態 ready 唔到，真係會失準架。
仲有，可能你叩門 99.9% 嘅努力都係白費嘅，但只要嗰0.1% 有用，就會得。問題係你唔知邊 0.1% 努力係有用；始終時間好有限，所以叩門策略好重要。

作者: MonMonLam 時間: 10-8-3 14:27

原帖由 pineapple0983 於 10-7-2 12:57 發表

同意。
最好而家就比定心理準備D小朋友，如果唔係，萬一到時真係要叩門，佢思想狀態 ready 唔到，真係會失準架。
仲有，可能你叩門 99.9% 嘅努力都係白費嘅，但只要嗰0.1% 有用，就會得。問題係你唔知邊 0.1% 努力係有用；始終時間 ...

可以分享下策略嗎? tks.

歡迎光臨教育王國 (/)