教育王國

標題: 請教成功入讀名校的家長,你們呢幾年是如何栽培子女的呢? [打印本頁]

作者: anteater 時間: 10-6-18 16:16 標題: 請教成功入讀名校的家長,你們呢幾年是如何栽培子女的呢?

我個仔今年n1,但已經感受到難入好學校壓力,現在想跟你們學習,要什麼時候報course?你們覺得讀什麼course最有用?要考什麼certificate呢?還有什麼注意呢?謝謝

[ 本帖最後由 anteater 於 10-6-18 16:21 編輯 ]

作者: lauerica 時間: 10-6-18 16:18

你個仔讀邊間學校？

作者: Lilo 時間: 10-6-18 16:20

最緊要教小朋友有禮貌同合群

作者: anteater 時間: 10-6-18 16:25

我個仔報kln tong 及 kln 中的n1全軍覆沒,因為佢8月出世,不喜歡so so. 不合群, 不喜歡跟人打招呼,我想同佢參加d面試班,不過好多人都說沒有用呢,真頭痛

[ 本帖最後由 anteater 於 10-6-18 16:26 編輯 ]

作者: ha! 時間: 10-6-19 02:31

提示: 作者被禁止或刪除內容自動屏蔽

作者: Geni 時間: 10-6-19 09:13

我覺得除咗要知道入學前點樣培育個小朋友,更重要係要清楚入左名校之後要點樣繼續培育佢! 入到名校當然好啦,但更好嘅應該係入到適合嘅學校.

作者: miffy 時間: 10-6-19 10:21

提示: 作者被禁止或刪除內容自動屏蔽

作者: 小木偶媽咪 時間: 10-6-19 10:56

一定要有禮貌先,呢樣好重要
禮唔禮貌就睇得出家庭教育係點
冇家庭教育的話,入到幾好既學校
學校想點教好個小朋友都難

作者: hohoho36 時間: 10-6-19 11:06

唉, 我仔都係怕差內向畏縮慢熱型, 所以佢INTERVIEW一次會比其他小朋友差, 無法啦, 佢D性格係咁, 就算想改變都無可以180度變架啦

作者: 仔仔錫錫你 時間: 10-6-19 11:30

原帖由 anteater 於 10-6-18 16:25 發表
我個仔報kln tong 及 kln 中的n1全軍覆沒,因為佢8月出世,不喜歡so so. 不合群, 不喜歡跟人打招呼,我想同佢參加d面試班,不過好多人都說沒有用呢,真頭痛

你小朋友係咪獨子?
有無請工人?
有無同祖父母一齊住?

以上各點都會好影響小朋友姓格.
獨子 : 大多萬千寵愛在一身, 比父母"種"慣, 飯來開口, toys 來張手, 慣左人就, 個性較自我, 唔合群好正常.

工人 : 工人作用係照顧小朋友&打理家務, 但係米等於要喂小朋友食飯同執玩具呢? 我大仔3.5yrs; 細女2yrs, 我由佢地識行就要自己執玩具, 工人唔需要幫手, sofar 只有細女無咩手尾(因為哥哥執得好快, 攪到佢無咩埶), 但所有人都話佢地自理能力強.

同祖父母一齊住 : 係人都錫自己個孫, 好似我個細女咁, 婆婆錫到"濃", 雖然唔係一齊住, 不過每次來食飯阿女都要求婆婆喂先肯食, 呢d又係"種"

要小朋友so so. 合群, 跟人打招呼, 性格堅強唔難; 問題係你自己原唔原意由自己開始改變

作者: 仔仔錫錫你 時間: 10-6-19 12:07

原帖由 hohoho36 於 10-6-19 11:06 發表
唉, 我仔都係怕差內向畏縮慢熱型, 所以佢INTERVIEW一次會比其他小朋友差, 無法啦, 佢D性格係咁, 就算想改變都無可以180度變架啦

我個大仔係細b, 今年升k2. 未讀k1 前都係怕羞內向畏縮慢熱型, 從bb開始返教會到k1 入學前都不可脫離父母, 但讀左k1 短短7日, 已經可以獨個兒上主日學, 我先深深明白一間合適kg 絕對有能力幫助改變小朋友性格.

兩年前我大仔interview 心義kg 時(11:30am), 我早上特意搵間kg 比佢早上in 當warm up(9:30am), 就係咁心義的kg 成功了. 小兒亦因為讀了此kg 性格較以前開朗及多說話(老師話佢轉數快, 依現在表現, k2 可以做leader); 主日學的老師亦讚小兒記性好(他說4歲多的小朋友放學時都未必可以把十多字的金句背出來, 但小兒每次都可以). 所以搵kg 最緊要合適小朋友, 係米"名"只係次要!!!

作者: CFaHB 時間: 10-6-19 13:20

咁如果是內歛思考型, 就唯有用 cert. 黎証明小朋友嘅思考係得,

同時有唔同類型嘅課外活動 (要挑選, 又唔可以太多)/ 親子活動, 去証明家長係有心思, 時間去培育小朋友 !

因為總有d 小學係重視成績, 佢地唔會淨睇果 10 分鍾 interview ~

作者: 小伊 時間: 10-6-19 13:55

順其自然啦！我覺得教育是按照學童的性格而施行，性格嘅野是可以發展，好難改變的。

作者: anteater 時間: 10-6-19 17:11

我的小朋友是第一個仔,暫時都是獨子,我全職湊,以為會對佢好,點知佢而家真係幾萬千寵愛在一身,同慣左人就佢, 無請工人,無同祖父母一齊住,而家我至學緊點湊佢,因為佢快2歲,開始trouble two,小小事都大發脾氣,因我是全職,所以特別依賴我,不肯跟人

家教重要,我都好以身作則,不過呢d真係講就容易,so far 我見唔到有什麼成效,所以至開個topic問大家如何栽培子女

怕羞性格好蝕底,我都知道仔仔好多野都唔差,不過佢好慢熱,不是10分鐘的interview就可以見到佢的優點和個人之處,請問考什麼cert會有用呢?其實我覺得教仔仔學知識不難,反而教好佢的行為,好的性格更難(呢樣我反而至覺得係終生受用)

我都知返主日學幾好,不過我本身沒有信教,我都唔抗拒仔仔返有宗教的學校,因為從很多聖經故事中有很多做人的道理

"仔仔錫錫你",我想問你個大仔在什麼心儀的學校讀書呢?因為我是新手父母,只知名校質素比較有保證

作者: lauerica 時間: 10-6-19 17:22

因為佢快2歲
2歲有排都未讀小一，唔怕，多的參加團體活動，見多的人，自然有改善，切勿溺愛子女，做錯事一定要教導小朋友，唔可以因為小朋友霸道就又得佢，久而久之祇會變成一個冇禮貌兼乞人憎既小朋友，但慬記最大責任在於父母，不在於小朋友身上，希望你能明日。

作者: 小木偶媽咪 時間: 10-6-19 20:42

agree!!!!!!!

原帖由 lauerica 於 10-6-19 17:22 發表
因為佢快2歲
2歲有排都未讀小一，唔怕，多的參加團體活動，見多的人，自然有改善，切勿溺愛子女，做錯事一定要教導小朋友，唔可以因為小朋友霸道就又得佢，久而久之祇會變成一個冇禮貌兼乞人憎既小朋友，但慬記最大責任在於父母，不在於 ...

作者: 仔仔錫錫你 時間: 10-6-20 01:17

原帖由 anteater 於 10-6-19 17:11 發表
我的小朋友是第一個仔,暫時都是獨子,我全職湊,以為會對佢好,點知佢而家真係幾萬千寵愛在一身,同慣左人就佢, 無請工人,無同祖父母一齊住,而家我至學緊點湊佢,因為佢快2歲,開始trouble two,小小事都大發脾氣,因我是全 ...

每個父母都有自己一套教仔女方法, 我兩公婆都各有一套, 大家亦清楚自己果套有好多不足, 不過拉上補下又好好彩work 起自己仔女身上, 我地唔"車"望入名校, 只求佢地有良好品德, eq 高, 有求知慾就得.  trouble two 我都經歷過, 兩兄妹trouble 左唔夠1個月, 只係成日講 no! no! no! 現實比聽返來無咁恐怖, 所以你都唔需要太擔心.

cert 一定有佢功用, 不過應該只適用in 小學時.  如果你係interviewer, 2個小朋友interview, family background 都一樣, 不過1個有cert, 1個無, 你選邊個?

要改變怕羞, 唯一方法係多見人.  我自己果陣會push 大仔先同管理員打招呼, 如果唔hello 會即時返屋企無街去; 慢慢地一步一步來; 佢從小好鍾意食apple pie, 由2多開始講野有進步, 我就push 佢要食apple pie 就要自己買, 買左幾次又讚左幾次佢就自己主動要求去買; 去百佳, 我會要佢問人d 野放邊(就算眼見在前我都要佢問人), 整下整下就唔再怕羞了..... 不過呢d 都係in 完k1之後的事

小兒讀緊kln tong 以活動教學出名kg.  個人認為好學校不及好老師; 好學校只會引導你去學習(其實間間都做到), 但好老師會去了解小朋友從而作出幫助及強化優點, 阿仔比較好彩, 比佢遇到1個(另一外籍班主任就

).

提外話, 你覺得培正夠唔夠"名"? 我上年貪得意幫阿仔報, 順便幫細女取經, 又好好彩取錄了, 可惜pc 小學唔係我柸茶, 我亦唔覺得小兒會適合, 所以..... anyway, 都係果句, 搵一間合適kg比小朋友會有事半功倍效果. 村校? so what?

作者: elmolly 時間: 10-6-20 22:22

原帖由 仔仔錫錫你 於 10-6-20 01:17 發表

每個父母都有自己一套教仔女方法, 我兩公婆都各有一套, 大家亦清楚自己果套有好多不足, 不過拉上補下又好好彩work 起自己仔女身上, 我地唔"車"望入名校, 只求佢地有良好品德, eq 高, 有求知慾就得. trouble two ...

想請教下如果小朋友好慢熱同好固執既話又有乜妙計?

太遲睇到你呢篇post...

作者: vet 時間: 10-6-20 23:38

for your son's case, 面試

班 would help.

原帖由 anteater 於 10-6-18 16:25 發表
我個仔報kln tong 及 kln 中的n1全軍覆沒,因為佢8月出世,不喜歡so so. 不合群, 不喜歡跟人打招呼,我想同佢參加d面試班,不過好多人都說沒有用呢,真頭痛

作者: 小伊 時間: 10-6-21 00:16

另一辦法就系帶佢去in多D其他學校，mud鬼都in下，in都屬晒咪唔會怯場。

作者: elmolly 時間: 10-6-21 01:14

原帖由小伊於 10-6-21 00:16 發表
另一辦法就系帶佢去in多D其他學校，mud鬼都in下，in都屬晒咪唔會怯場。

我個女既情況都係咁上下, n1 in左9間, k1就1x間, 完全無改善

作者: anteater 時間: 10-6-21 11:02

咁有無面試班介紹?

原帖由 vet 於 10-6-20 23:38 發表
for your son's case, 面試 ...

[ 本帖最後由 anteater 於 10-6-21 11:04 編輯 ]

作者: bb-bu-bu 時間: 10-6-22 17:48

我個細女都極度怕羞, 而家四歲, 讀緊K1, 前年見學校時都唔肯出聲, 後來學校肯收都係因為哥哥在高班讀緊, 所以收, 想個小朋友冇咁怕羞, 真係可以從叫管理員開始, 重有街坊, 雖然而家好多隔離都生疏, 我地要以身作則, 叫人地早晨, 漸漸仔女都會跟!

我同老公對我兩個小朋友都嚴, 做錯事都要罰同檢討, 品德對小朋友好重要, 我見過有家長提過如果兩個小六生同分叩門入中學, 操行分高D果個會入, 操行都係自小陪養, 重有如果小一想入直資, 小朋友品德, 學識, 同見家長都重要, 但係見政府學校反而睇你識幾多野, 流利英語同普通話就多數收, 所以有一些班可以從小去上, 二至三歲可以上唱遊班, 見多D小朋友, 有集體嘅概念, 四五歲可以上英文故事班, 接觸外籍人士, 聽多一種語言, 在家自己可以讀中文故事書, 增加中文字理解, 或者自小上普通話班, 都可以識多D字, 到左升小一首先要知道你個小朋友專注力夠唔夠, 記性好唔好, 你先去選擇入咩小學, 好多家長力谷小朋友入名校, 或TOP1嘅政府小學, 入左去如果小朋友谷唔上, 日日功課七八樣, 題題唔識, 日日要鬧, 做到十一二點先瞓, 我唸第二年都會轉走, 同埋比你入到名校, 年年考尾果幾個, 都冇用!

另外, 我見而家好多父母都過份寵愛, 鬧佢怕佢喊, 打佢怕佢痛, 有時要狠心D, 鬧完佢或打完佢就同佢講道理, 要佢唸吓有咩唔啱, 我同兩個小朋友去看兒科, 睇得最多野, 呢一代個個都自我做中心, 見到人地玩緊D玩具, 想要就一手搶, 有次搶我個仔玩緊果D, 我只會叫亞仔讓佢, 有個超級霸王周圍搶人玩具, 人地坐住車仔, 佢想恐開人, 點知個小朋友都係霸王唔走, 佢個媽叫佢讓都唔讓, 最後超級霸王拉人地頭髮, 又大喊, 佢個父母掛住睇電視後來先發現, 但係都冇鬧到個仔, 呢D細路, 再唔鬧到返學時, 時時比同學投訴, 可能又會開個TOPIC問人點解我個仔成日比老師罰?

(個人意見)

作者: 仔仔錫錫你 時間: 10-6-23 14:18

原帖由 elmolly 於 10-6-20 22:22 發表

想請教下如果小朋友好慢熱同好固執既話又有乜妙計?

太遲睇到你呢篇post...

我無讀過兒童心理學亦都唔係幼兒工作者, 我連你小朋友幾大都唔知, 好難憑你一兩句就有好方法去幫你, 不過你亦可以參考下我做法 (其實都係大路野)

慢熱 : 對人定對事? 都係果套, 見多d人, 去多d公園. 我兩個小朋友每日一定落街玩20-30mins 先返學, 小朋友日日都有得玩, 性格自然會偏向開朗. 落街玩唔係由佢自己玩, 要同佢一齊玩, 發掘下一d 低b問題. 好似上星期日去西貢行山, 好多蜘蛛, 我就問d問題然後解釋比佢聽. 久而久之, 佢對咩都好奇亦每事問(大仔2.5yrs / 細女20個月開始問點解/咩黎/用來做咩). 間接亦令佢地理解/表達能力提高.

固執 : 小朋友必經階段, 係咩都固執or有時? 好似我咁, 剛搬去馬鞍山, 某日同阿仔行去商場, 走時諗住行第條路試下會唔會快d, 但阿仔就話我錯(佢認得原路, 我老公都未認得)係都要行原路走. 呢d都係一種固執, 解決方法有好多, 我自己就慢慢解釋比佢知為何要行別路, 有咩好/壞處, 攪左半粒鐘先再行. 其實只要自己有耐性好多事都可以好容易解決.

作者: Tilly 時間: 10-6-23 19:36

Agree!

原帖由 bb-bu-bu 於 10-6-22 17:48 發表
我個細女都極度怕羞, 而家四歲, 讀緊K1, 前年見學校時都唔肯出聲, 後來學校肯收都係因為哥哥在高班讀緊, 所以收, 想個小朋友冇咁怕羞, 真係可以從叫管理員開始, 重有街坊, 雖然而家好多隔離都生疏, 我地要以身作則, ...

歡迎光臨教育王國 (/)