教育王國

標題: 家長會 [打印本頁]

作者: polarbb 時間: 10-6-19 20:36 標題: 家長會

今日家長會開完後令我有些感想.
其實學校真係好多時有為小朋友諗,校長今日講的說話我覺得講得好好好啱,家長有時真係要多想想學校,老師為小朋友背後做左幾多野,唔好只係埋怨學校.
今日有部份家長提出的問題真係令人摸不著頭腦,校長都回答得幾激動,校長亦答得好啱,有好多問題根本就唔係學校問題,係家長應該自己想辦法解決,例如有個家長話佢住離島,學校宜家提早返學,佢地就可能要就船期早個幾鐘出門口,問學校可唔可以就下佢地,為佢地諗下,校長就答佢地都話佢地都有個F7學生,由小一開始讀,佢亦係每日要5點幾出門口,老師校長都建議過佢不如轉校,不過個家長同小朋友個時就答話如果鍾意學校,根本就唔會介意早D出門口返學,而且亦可以當係一個段練,而且如果家長真係覺得學校唔適合,就應該轉校,佢地可以揀一間適合的學校,因為當初佢地揀得 St.Francis就應該知學校係點,有時有些問題係家長本身,而唔應該要學校為佢解決. 我真係覺得講得好啱.
另一個家長就話學校搬左,佢變左要4點至可以湊小朋友走,問學校又點安排(講真,學校係放3:30,一早大家都知,我真係唔覺得要將個問題要學校解決).
至於校車,我一路都相信學校真係揀冇可揀下至要冠中,但就好多家長質問學校.
宜家多左半個鐘返學,學校解釋係多左5分鐘食飯,多左20分鐘最有一堂比小朋友做下功課問下老師功課,跟住有家長就話咁唔要個堂可唔可以早D放學,校長就答其實係因為好多家長要求想小朋友有D時間學校做/問功課學校至咁安排,如果大家唔鐘意佢地可以即cut,老師就最好 tim,可以多返D時間做野,跟住D家長至話唔好,之後又多一個家長話可唔可以加多10分鐘變30分鐘功課堂

.
我睇得出校長真係好努力為大家做好多野,不過真係睇唔出有幾多個家長識去欣賞,個個都係質問學校點解唔咁做,有D又問學校點解唔組織交通安全隊等學校可以用大巴,講真,要在新校舍下面落車等人帶上去(要行一段斜路),大巴40幾人,行上去都要5-8分鐘,上去條路重要係馬路,有咩事真係邊個負責先?
最後我想講一件幾嬲的事,一開會時老師已經講要將電話靜音,不過唔係好多人咁做,坐在我後面重有4個家長由開會個分鐘開始到散會,不停講野,講電話,我已經兩次問佢地可唔可以細聲D,佢地都重不停傾計,完全係唔識尊重人,尊重台上講緊野的老師校長

要傾計唔該出外面傾,個咪已經細聲,佢地不停講我都聽唔清校長老師講咩,連我前面個行都望左佢地幾次,可想而知佢地幾嘈,要傾計不如唔好開會約埋出去傾啦!!!!!

[ 本帖最後由 polarbb 於 10-6-19 21:34 編輯 ]

作者: sfcssfcc 時間: 10-6-19 22:11

原帖由 polarbb 於 10-6-19 20:36 發表
今日家長會開完後令我有些感想.
其實學校真係好多時有為小朋友諗,校長今日講的說話我覺得講得好好好啱,家長有時真係要多想想學校,老師為小朋友背後做左幾多野,唔好只係埋怨學校.
今日有部份家長提出的問題真係令人摸 ...

希望以下的舊聞舊事不會被誤會為'撐'學校。

學校為落實新校舍計劃時（囡囡當時為學校學生），校方及家長教師會付出不少努力，甚至乎在面對區議員及聖佛蘭士街的街坊提出學生影響路面情況為由，反對學校遷校，但校方一直默默工作，沒有向家長和學生申訴，只有部分消息經家長教師會委員透露，才知曉校方為此付出的心血和精神，並非一般家長能夠明瞭。

以下為谷歌搜尋器輸入’嘉諾撒聖方濟各學校　反對遷校’的第四則搜尋結果，為校方及家校會副主席王太出席灣仔區議會會議的會議紀錄部分，相信今日校內學生和家長知之甚少，故在此列出，還有其他則需家長自行搜尋了。

希望大家在問學校可以為我們做什麼前，也問問自己可以為學校做什麼，攜手為學校創做更美好的學習環境。

網址：

http://www.google.com.hk/url?sa=t&source=web&cd=4&ved=0CCUQFjAD&url=http%3A%2F%2Fwww.districtcouncils.gov.hk%2Fwc_d%2Fchinese%2Fdoc_2006%2Fminutes%2FDC%2FDC-min19.doc&ei=vs0cTI6VGovZcdr-sIYN&usg=AFQjCNFcthJUdnu1EXTmvn4qdY0D8BD2GA&sig2=GAcKKfhUfDm1nDgjagZ1FQ

第4項：擬議灣仔嘉諾撒聖方濟各學校的重置計劃

(灣仔區議會文件第131/2006號)

39.
主席歡迎教育統籌局項目經理梁國恩先生、項目主任呂文俊先生、嘉諾撒仁愛女修會會長關小梅修女、嘉諾撒聖方濟各學校校長溫黃婉貞女士、學校家長教師會副主席王唐靄玲女士、巴馬丹拿建築及工程有限公司陳祖聲先生、陸姿恒女士及謝卓然先生。

40.
梁國恩先生簡介諮詢文件。

41.
陳祖聲先生簡介學校重置計劃。

42.
蕭志雄議員提出諮詢及意見：

i)
小學現時和將來預期的收生人數；

ii)
重置費用由政府津貼抑或自行籌措；

iii)
聖佛蘭士街是“掘頭路”，如作為接送學生的輔助路口，恐會造成擠塞，影響皇后大道東的交通。

43.
陳祖聲先生回應如下：

i)
學校將來的學生人數不變，維持與現時一樣；

ii)
重置計劃的用地屬於嘉諾撒仁愛女修會，重置計劃的費用則全部由政府撥款資助；

iii)
聖佛蘭士街的輔助入口只供校車使用，私家車則會用堅尼地道進出，學校範圍內也有足夠地方供校車掉頭，故不會出現擠塞情況。

44.
議員發言及提問。

i)
黃宏泰議員︰教統局應評估建築期間噪音對附近居民和學生的影響，並作出相應安排。

ii)
吳錦津議員：新翼的高度會否影響山脊線。

iii)
謝永齡副主席：樂勤學校應是弱智學校，原本就讀的學生將如何處置。

iv)
鄭琴淵議員：堅尼地道路面相當狹窄，會否在進行重置工程時一併擴建路面。

v)
金佩瑋議員：希望聖方濟各學校擴建後，可以開放設施給居民使用，拉近與社區的關係。

vi)
主席：聖佛蘭士街是大斜路，如供大型校巴使用，運輸署有沒有評估過路面是否可以負荷得來。

45.
陳祖聲先生回應說：

i)
關於噪音方面，學校選擇保留明愛達言和明愛樂勤兩棟校舍，只拆卸一條樓梯，加建的新翼面積不大，並採用鑽洞放樁的地基設計，每日只放一支樁，盡量減低對周圍的居民和學生上課的影響。

ii)
新翼的高度不會超出現時的明愛樂勤校舍，也低於現時位於堅尼地道的嘉諾撒聖方濟各學校，對山脊線和景觀不構成影響。

iii)
堅尼地道現時雙程行車，闊度足夠大車行駛，校方也考慮使用較細的35人校車，以便較易駛入聖佛蘭士街。

46.
關小梅修女補充說，嘉諾撒仁愛女修會以前曾在現址提供多種不同教育服務，最後發展為供失明學生就讀的嘉諾撒啟明學校和供失聰學生就讀的嘉諾撒達言學校。1987年，前嘉諾撒啟明學校轉由明愛辦學，學校改為提供弱智學童教育的明愛樂勤學校，修會與明愛簽訂的租約到2007年8月31日屆滿。

47.
盧健明議員表示：

i)
施工期間，附近有三座位於星街和秀華坊的大廈會受影響，希望可預先知會受影響的居民；

ii)
工程完成後，希望校方和區議會可與運輸署商討，改善聖佛蘭士街的行人措施，保障學生和居民出入安全。

48.
謝永齡副主席表示，希望新校是無障礙學校，並提供融合教育，照顧區內的殘障學生。

49.
梁國恩先生向主席提問區議會就此重置計劃的意向，主席回應區議會支持嘉諾撒聖方濟各學校的重置計劃。

50.
主席多謝各位代表出席。

[ 本帖最後由 sfcssfcc 於 10-6-20 00:00 編輯 ]

作者: Little_cy 時間: 10-6-19 23:43

polarbb
我都有出席.. yes, 有d人真係由頭講到尾, 坐我個行後面個幾位, 又係由開始e e umum, um到散會, 我望左佢幾次...唉

我都聽到有個家長話係離島住, 我想呢個家長應該係可以愉景灣, 又可能係南y島既.....我都身同感受, 不過我住冇佢咁遠, 起碼有mtr, 一程車... 講真...你選得呢間學校, 就一早要預左個路程係咁, 點解吾自己想想點去解決先呢.. 學校真係做左好多野, 校長真係好好, 背後既努力, 真係用心良苦... 其實咩野修導堂, 我都吾記得有冇咁既通告出過, 不過既然係好多家長原來有提出過, 依加學校因為咁為家長做到喇.. 到頭來, 家長原來吾討好, 咁當日你地又做咩提出呢?

校車方面, 校車公司同學校都講左好多次, 要係細車, 而且出車數量係double左, door to door service, 要是有家長接受吾到價錢既, 可以選擇吾答... 最後有位家長, 仲攪笑, 話可吾可以減d收費.. 一早人地都回應左... 仲係後面勁嘈, 又話好叻咩.. 得你一架車... 你吾接受到既, 吾答羅.....有時真係好吾明... 人地講左好多次啦.....

係呢度, 我想同校長講, 我真係好支持佢.. 都好多謝佢為學校做左好多野...

作者: polarbb 時間: 10-6-20 10:24

完全同意你講法. 唔好一味嘈,多欣賞學校為小朋友做的一齊.
我尋日返去係主要想聽早左半個鐘返學係為咩?3考中間會唔會有計分評估? 校車重會唔會一車走兩轉.
好多時家長提出的問題都唔會諗下個可行性,只是一味提出,得個講字,難怪尋日校長有小小激動.
校車真係你有權選搭 or 唔搭,學校冇規定一定要所有人搭,但大家就不停為校車嘈,雖然我都真係認為好貴,不過如果唔鍾意米自己湊返學 lor,搭保母車 lor,一係搵過一間校車公司提議比學校 lor. 不過真係想家長提出方案時查下資料至提出可行方案.
好似3考咁,學校都係想家長多D可以在假期時同小朋友親子至改3考,中間唔會有計分評估(中英數常).

原帖由 sfcssfcc 於 10-6-19 22:11 發表

希望以下的舊聞舊事不會被誤會為'撐'學校。

學校為落實新校舍計劃時（囡囡當時為學校學生），校方及家長教師會付出不少努力，甚至乎在面對區議員及聖佛蘭士街的街坊提出學生影響路面情況為由，反對學校遷校，但校方一直默默 ...

作者: polarbb 時間: 10-6-20 10:33

我地會唔會係坐埋一行呢?

原帖由 Little_cy 於 10-6-19 23:43 發表
polarbb
我都有出席.. yes, 有d人真係由頭講到尾, 坐我個行後面個幾位, 又係由開始e e umum, um到散會, 我望左佢幾次...唉

我都聽到有個家長話係離島住, 我想呢個家長應該係可以愉景灣, 又可能係南y島既.....我都身 ...

作者: Little_cy 時間: 10-6-20 13:34

我係臉向台既右邊後面個幾行呀

作者: kittyjiu 時間: 10-6-20 18:32

我都好同意,我十分支持學校,支持校長.

原帖由 polarbb 於 10-6-20 10:24 發表
完全同意你講法. 唔好一味嘈,多欣賞學校為小朋友做的一齊.
我尋日返去係主要想聽早左半個鐘返學係為咩?3考中間會唔會有計分評估? 校車重會唔會一車走兩轉.
好多時家長提出的問題都唔會諗下個可行性,只是一味提出,得 ...

作者: vanyau 時間: 10-6-20 21:02

原帖由 kittyjiu 於 10-6-20 18:32 發表
我都好同意,我十分支持學校,支持校長.

導修堂,我都有份提出的.依家學校為我的囡囡提供了,真的非常感謝!
在學校,囡囡做功課的速度真的比在家快.有時遇有不明白,又可以和同學商量(or 抄).那短短20分鐘的時間,真的可以解決不少功課.
很幸運,學校提早上課,對我們的影響不大,而且還有少少好處呢! 為那些有問題的,感到難過,希望船到橋頭自然直啦!
感到有些家長真的不太用心聽校長,老師等的講簡,有些問題他們都講了,但仍一味問相同的問題,真不該!
我對這所學校的評價,一直都十分高!我對校長和老師們都很感激!我知道為人老師的,他們的工作量不是一般多,而是十分多.我校的老師為我們小孩的負出,我是見得到的,尤其是他們所編制的統整課程和一些額外的教材.我覺得我們校的學生的成績為什麼會不錯呢,唔多唔少都是老師們的努力,他們這些額外的教材,不是間間學校都有,我也從中學到不少知識呢!
最後,希望大家都能解決問題啦,讓小朋友快快樂樂的上學去.

作者: csauye 時間: 10-6-22 23:20

Polarbb,

谢谢您的详细报道。
我因为有事未能到场，不过看了您的感想，也想和众家长分享小小。我想大家在讨论问题时应该把我们的孩子利益摆在第一位，同时不要失去爱心，彼此包容。例如，对住离岛的家长，我们应该寄予无限同情和关心。岂能事不关己，高高挂起。希望我们家长之间能彼此守望相助，互相扶持。同时也教导我们的孩子也要如此。
愿共勉

quote]原帖由 polarbb 於 10-6-19 20:36 發表

今日家長會開完後令我有些感想.
其實學校真係好多時有為小朋友諗,校長今日講的說話我覺得講得好好好啱,家長有時真係要多想想學校,老師為小朋友背後做左幾多野,唔好只係埋怨學校.
今日有部份家長提出的問題真係令人摸 ... [/quote]

作者: polarbb 時間: 10-6-23 10:40

其實對住離島的小朋友唔係唔關心,而係試想想,係米要將個問題交比學校解決呢?正如校長所講,家長同學生揀這學校時已經知學校情況係點,唔可以話讀左後就要求學校幫佢地解決這個問題,正如好似我咁,我都想搬返過九龍,但係要就女女返學而唔可以,又好似我個女朝朝都要早一個鍾返到學校,因為校車要走多一轉,咁我係米又要學校幫我解決點解要早一個鐘返學,點解唔可以比個女瞓多一陣?我知係唔可以,因為我揀St.Francis 我就要係咁,我真係當比個女段練下早D起身,早左一個鐘我就叫女女返學校讀下書溫下習.因為我知有D問題唔應該係學校去幫我地解決,我可以一係唔揀 St.Francis,一係搬去灣仔,一係讀樓下小學. 試問學校有咩能力可以幫我地解決"我個女要早兩個鐘起身預備返學",唔通叫學校9點至上堂?學校都有自己時間表上堂,唔可以就某D小朋友船期而去改,真係希望有些家長提出問題時要諗清楚個問題應該係交比學校定係自己解決,唔好一味有咩問題都交比學校. 如果要將小朋友利益放大前題,咁住離島家長係米要揀返佢地附近學校呢?一係就搬出市區?唔可以話佢地做唔到咁就要將個問題比學校處理,每人都有佢本身難題,學校係一個教學地方,如果係為小朋友著想就應該將教學,或小朋友在學校發生事情的問題放第一位(我意思係要學校解決的),其他的問題就應該留待我地自己解決.
重申,我都好同情住離島的小朋友,因為每日要長途跋涉去返學,但係同情還同情,正如校長所講點解唔當係一個段練?如果小朋友係鍾意學校就根本唔會介意. 正如我個女係一個例子,佢每日要6:30起身(我諗同住離島個D差唔多,因為佢要趕7點校車),不過佢從來都唔會嘈,佢每日起身都好開心,因為佢話可以返學,之前話要改校巴公司,我以為又係要走兩轉,同個女傾開,佢重話咁佢係米要5點幾起身,我話可能要架,佢聽左之後第一個反應係話唔緊要啦,要返學 ma,有時好多野係睇家長本身點教,點同仔女溝通,如果家長本身成日覺得咁早返學好辛苦,咁久而久之小朋友都會咁諗,就會開始唔鍾意返學.
家長撫心自問,係米要將我地的交通,住屋問題交比學校處理同解決

原帖由 csauye 於 10-6-22 23:20 發表
Polarbb,

谢谢您的详细报道。
我因为有事未能到场，不过看了您的感想，也想和众家长分享小小。我想大家在讨论问题时应该把我们的孩子利益摆在第一位，同时不要失去爱心，彼此包容。例如，对住离岛的家长，我们应该寄予无限 ...

[ 本帖最後由 polarbb 於 10-6-23 10:45 編輯 ]

作者: csauye 時間: 10-6-23 11:27

Polarbb, 我想大家都同意您的道理。不过家长会应该是一个给学校家长之间彼此沟通达至更好培育我们的孩子。家长诚诚实实向学校表达自己的难处，是对学校的信任。学校敞开心胸聆听家长的心声，增进了解。为甚么非要说成是。。。

作者: csauye 時間: 10-6-23 11:46

"嘈，e e umum, um，'撐'，不停傾計，埋怨，質問。。。。。。" 请大家思想这形容词，为什么会这样理解他人？家长会应该是什么样子？学校，家长们大家期待什么样的家长会？希望有老师在当中给我们指点。

[ 本帖最後由 csauye 於 10-6-23 11:59 編輯 ]

作者: VANESSA1109 時間: 10-6-23 11:55

polarbb 很有同感呢　

作者: polarbb 時間: 10-6-23 12:46

你唔好誤會,我唔係話住離島家長有咩問題,不過好簡單試想想,學校有冇可能和義務去幫離島家長解決船期,早返學的問題?離島家長提左出黎只會增加學校,校長負擔,我地唔可以一味只想著自己或小朋友,你都識話要互相體諒,包容,我地都要體諒學校難處,為自己諗時都要為學校諗,諗清楚個問題所在究竟真係學校問題定家長問題,邊方面應該去負責任解決問題.
講真,唔只離島家長有這類問題,好似住九龍的家長都有這類問題,開會個日都有家長提議可唔可以有校車過九龍,我覺得個建議係好好,係學校真係有可能/能力實踐.
但個日位離島家長所提出學校可唔可以改上課時間就返住離島小朋友的上學時間我就真係覺得反而提出的家長有小小自私,因為要早起身返學唔只係佢,好多都要,老師都要,學校所有職員都要,點解咁多人都得,而我地唔得?而且我個人覺得個問題真係唔應該要學校解決,這個問題亦唔係溝通了解的問題,就學校黎講,要溝通了解應該係小朋友學習上遇到的問題,學校生活上的問題,而這些問題當中亦好多時係要家長自己去解決.
我都知長途跋涉返學辛苦,我都好同情個D小朋友,正如我個女要6點多起身返學我都好心痛,我諗新學年重要早D,應該6:15就要起身,不過我又從來唔覺早起身問題要學校解決,亦冇諗過要人同情或體諒,因為學校係我地揀,女女又返得好開心,正如校長所講,當係一個段練,而且小朋友返學當中都有好多假期,唔似大人咁日日要返工. 難處個個都有,不過好多都要自己去克服解決,我亦都會教女女克服.

大家努力啦.

原帖由 csauye 於 10-6-23 11:27 發表
Polarbb, 我想大家都同意您的道理。不过家长会应该是一个给学校家长之间彼此沟通达至更好培育我们的孩子。家长诚诚实实向学校表达自己的难处，是对学校的信任。学校敞开心胸聆听家长的心声，增进了解。为甚么非要说成 ...

作者: polarbb 時間: 10-6-23 13:05

大家心平氣和去睇件事啦.
唔通開會時校長老師在台上講解,而家長就自己在台下不停傾計,討論,嘈就係啱?
就我黎講,我覺得個D家長一D都唔尊重其他家長,一D都唔尊重台上的老師. 唔通我地教小朋友上堂時老師講解課本,佢地可以唔駛聽,可以同同學討論,傾計?到返到屋企唔識就埋怨老師講得唔好?
我好記得開會個日有D家長問的問題係之前已經有家長問左,老師都解釋左,但佢地轉頭又再問,咁係米應該/可能佢地掛住自己傾計而冇聽定係比其他家長傾計的聲音嘈到聽唔清楚所以要再問呢?
每個人都先要識尊重人,人地至會尊重你.
咁我都想問,你係米期待學校改遲D上堂幫你解決早起身返學問題呢?唔通學校唔可以晚點至上堂我地就否決哂校長老師努力為大家所做的?
我期待的家長會係校長可以解釋到新學年的新轉變會係點,點解校車會貴一倍?3考的意義係咩?早左返學的時間多左D咩?
我都好滿意學校的解答,亦感謝校長為學校/小朋友所做的.至於個女新學年的返學安排我會自己解決.

原帖由 csauye 於 10-6-23 11:46 發表
"嘈，e e umum, um，'撐'，不停傾計，埋怨，質問。。。。。。" 请大家思想这形容词，为什么会这样理解他人？家长会应该是什么样子？学校，家长们大家期待什么样的家长会？希望有老师在当中给我们指点。 ...

作者: Little_cy 時間: 10-6-23 13:53

polarbb
完全認同...
yes, 我個女都要早起, 我估同你都係差不多, 不過佢冇摟計, 佢番學番得好開心... 要訓多個鐘, 米早小小訓, 早d起.. 身體仲健康.

要是小朋友鍾意, 我相信佢一點都吾介意早小小起羅...:

作者: csauye 時間: 10-6-23 13:53

对不起，我不同意家长在家长会上提的问题只会增加学校，校长负担，更不是要校长去帮家长解决问题。很明显，我们的孩子要太早起床上学，这是事实。全日制不用共用课室，9时上课，也不是什么天大的笑话。

原帖由 polarbb 於 10-6-23 12:46 發表
你唔好誤會,我唔係話住離島家長有咩問題,不過好簡單試想想,學校有冇可能和義務去幫離島家長解決船期,早返學的問題?離島家長提左出黎只會增加學校,校長負擔,我地唔可以一味只想著自己或小朋友,你都識話要互相體諒,包 ...

作者: csauye 時間: 10-6-23 14:02

您说得有道理，不过我们也可以从另一方面思想，家长会，一年一次半次，家长平时从孩子那里可能都听D老师同学的故事，家长见面相认，自然兴奋，您就体谅下啦。

原帖由 polarbb 於 10-6-23 13:05 發表
大家心平氣和去睇件事啦.
唔通開會時校長老師在台上講解,而家長就自己在台下不停傾計,討論,嘈就係啱?
就我黎講,我覺得個D家長一D都唔尊重其他家長,一D都唔尊重台上的老師. 唔通我地教小朋友上堂時老師講解課本,佢地 ...

作者: polarbb 時間: 10-6-23 14:22

其實你有冇 check過大部份全日制學校都係7點幾8點上堂,我地8:30上已經係好遲,宜家改7:55亦唔係最早上堂個間,因為好多都730上堂,當然唔可以同其他比較.
其實宜家每日的堂數都係剛好,你要再改9點上堂就真係過份左小小,你係米因為要就你另一個小朋友返幼稚園,想一次過湊哂所以堅持要晚點上堂?改9時上堂,就要放遲D,到時又會有家長投訴太遲放學冇時間比小朋友做功課,況且,好多學校政策的決定唔係話學校可以話事要改就改,講真,我未聽過有咩全日制學校係9點上堂,一係國際學校,咁你有冇考慮轉國際學校,咁你地全家米可以瞓晏D.
其實我宜家都要6點起身整早餐比個女食,我老公都要犧牲瞓覺時間6點多起身同個女去搭校車跟住順便返工,如果我個女唔駛返學,我老公8點幾至起身返工. 辛苦唔係得你一家人,不過我地識苦中作樂,亦明白當你要選擇一樣野係你喜歡時,好多時都要作出一D犧牲,我相信 St.Francis好多 mami都默默加油著,因為大家都認為係值得.
如果校長同教統局講要改9點上堂因為想比小朋友瞓多D我就真係覺得係天大笑話. 你想大家包容體諒,但我只見到你只係想自己點係最好,完全冇諗過其他人感受,早起身唔只係你一家,好多人都要,但我好小聽到人埋怨早起身返學,想學校體諒下改9點上學,要知道宜家唔係幼稚園,佢地開始大個,小學就得你9點上學,咁如果上到中學佢地又唔慣,係米又要中學改時間就?世事點可以盡如人意,有時除左要識體諒,包容都要識犧牲,遷就,希望你明白. 亦唔好因為學校唔可以9點上堂而否決哂學校,校長,老師所付出的.佢地重要早過學生返學遲過學生放學,唔通佢地就冇家人?

原帖由 csauye 於 10-6-23 13:53 發表
对不起，我不同意家长在家长会上提的问题只会增加学校，校长负担，更不是要校长去帮家长解决问题。很明显，我们的孩子要太早起床上学，这是事实。全日制不用共用课室，9时上课，也不是什么天大的笑话。

...

作者: polarbb 時間: 10-6-23 14:29

咁點解佢地唔可以約散左會再討論?大家係成年人,唔係小朋友,大人都唔識尊重人,咁點教小朋友? 真係咁關心小朋友學校生活米星期六日放假時約出黎見面,個日係學校解釋新學年的家長會,唔係比家長閒談聚會. 你叫人地體諒傾計家長,咁有邊個體諒真係想聽校長講野的家長?家長會目的係咩?係比家長傾閒計聚會?
個日校長都中途開咪叫家長靜一靜.

原帖由 csauye 於 10-6-23 14:02 發表
您说得有道理，不过我们也可以从另一方面思想，家长会，一年一次半次，家长平时从孩子那里可能都听D老师同学的故事，家长见面相认，自然兴奋，您就体谅下啦。
...

作者: sfcssfcc 時間: 10-6-23 14:32

由於不是小學學生家長，因此沒有資格出席家長會，不便對家長會事宜發表評論．但有一些舊事舊聞，或許可以有助大家了解學校做法背後的意思．

早於學校還是半日制時期，我曾去信學校，由於不會影響下午班考試的情況下，因此希望可以將上午校的考試安排時間押後至8時30分至9時才開始，以便囡囡多一點睡眠及溫習時間．當時校長回覆，學校按原定上課時間上午７時５５分回校，８時１５分開始考試，除學生及校車已習慣既定的上課時間外，主要是貫徹避免對堅尼地道交道，以及合和中心電梯的負荷．要知道，當上午８時３０分開始，合和中心和附近地方人流已很多，交通亦開始有擠塞．若小學生和家長在趕考試時間時混雜其中，很可能想快得慢，因交通做成遲到，少了考試時間外，亦要接受處分，屆時對學生最為不好．

原帖由 csauye 於 10-6-23 13:53 發表
对不起，我不同意家长在家长会上提的问题只会增加学校，校长负担，更不是要校长去帮家长解决问题。很明显，我们的孩子要太早起床上学，这是事实。全日制不用共用课室，9时上课，也不是什么天大的笑话。

...

作者: vanyau 時間: 10-6-23 14:35

原帖由 csauye 於 10-6-23 13:53 發表
对不起，我不同意家长在家长会上提的问题只会增加学校，校长负担，更不是要校长去帮家长解决问题。很明显，我们的孩子要太早起床上学，这是事实。全日制不用共用课室，9时上课，也不是什么天大的笑话。

...

唔好意思,我有少少意見.
撇除返學遠近的問題,我個人比較喜歡早上課,早放學.
因為大清早,人是比較精神,對學習也有好處.
相反,午飯後,基本上人人都飯氣攻心,昏昏欲睡,很難集中精神的.
還有,不單學生早返學,其實連校長老師所有員工,都要返早的.他們的小孩也可能受到影響.所以我相信這個決定,一定是經過校長和所以教職員的詳細討論之後,才決定的.其實任何的改變,一定會有人受到影響.
但我衡量過之後,我真的比較喜歡現在的新方案,午膳多5分鐘,對小女沒有影響.但每日多了20分鐘的導修堂,真的很好.小女將升小四了,現在在等放暑假期間,她們要分組做専題研習.根懅以往的經驗,小女多數要在8-9點才能找到同學,並在電話個別的傾.如果有了這20分鐘,我想她們可以在學校,面對面的商討,分工,解決問題等,更可以一齊在學校完成部份呢!當然這只是我一霜情願的想法.
就算不是這個原因,同學起碼可以用這20分鐘,問同學或老師功課上的難題吖!

其實有幸,我們的小孩同一所學校讀書,都是我們的緣份.如此大的轉變,真的令人殺個措手不及,有時都不知怎辦.有問題拿出來講講,抒發吓都是一件好事,就算幫不上忙.只是在講者在說話時,他們又傾計,又唔認真聽,到頭來,又重覆問題,不單不尊重,又有可能霸佔了真正有問題的人的時間.這就有點那個.

作者: sfcssfcc 時間: 10-6-23 14:46

明白家長見面相識感到興奮，但家長會雖然於２時（唔知有無錯）開始，但過去我們的做法會係１時或之前，相約樓下的快餐店聚腳，先說一輪和聚舊，或是待家長會結束後，大家一齊去ｔｅａ一ｔｅａ，避免在會上我有我說，校長老師在台上又說，全然與家長會舉辦的目的不符的情況出現．或許，可以考慮這個意見．

對於家長會，亦有一些舊事舊聞，當各位家長坐在十分舒適而又有冷氣的集隊地點時，是否知悉當年該地方是沒有冷氣設備的．當年是我們的前輩家長在自願籌款下為學校添置該裝備，她們的囡囡由始至終並沒有享受過．同樣地，新校舍，特別是第二期新學舍，我的囡囡亦沒有享受過很多，但多年前開始舉辦的新校舍籌款步行活動，我們都會積極參加，而囡囡都將零用錢捐給學校，這是她們嘉諾撒人的優良傳統．

直至今年中學計劃要拆除小學舊校舍重建，落成啟用後相信屆時囡囡都已中學畢業，也是沒有享受新校舍的福氣．雖然要面對噪音及學習環境改變等問題，但囡囡都極表支持，而她們的同學和家長也大多表示支持．在家長周年大會上，雖然亦有家長擔心新校舍計劃對學生的影響，但並沒有家長因個人理由反對該計劃，做到將學校是第二個家的信息帶給囡囡．

若然我們將學校視為囡囡的第二個家，並以對待自己家園一樣看待，很多問題便不是問題了．

原帖由 csauye 於 10-6-23 14:02 發表
您说得有道理，不过我们也可以从另一方面思想，家长会，一年一次半次，家长平时从孩子那里可能都听D老师同学的故事，家长见面相认，自然兴奋，您就体谅下啦。
...

作者: csauye 時間: 10-6-23 20:23

谢谢大家的热列讨论。我在这里重申当日我是不在现场，故我是以平常心来说话，希望大家放轻松。

作者: polarbb 時間: 10-6-23 20:42

大家都冇講過你當日係在現場,你唔駛咁認真去重申當日不在現場

同埋就算你當日在現場咁都唔係問題,大家亦都係用平常心去睇成件事,不過既然你當日不在現場,你係唔會知當日個咪有幾細聲同個咪D音質又幾散,如果唔留心靜靜地聽根本係唔可以清楚聽到台上說話.唔好話聽唔到台上人說話,連老師校長都要側起耳仔去聽家長問問題.

原帖由 csauye 於 10-6-23 20:23 發表
谢谢大家的热列讨论。我在这里重申当日我是不在现场，故我是以平常心来说话，希望大家放轻松。

作者: csauye 時間: 10-6-23 21:21

sfcssfcc,

谢谢您的分享。说来惭愧，我只得一位家长的电话。通常我都是在家长会会场才与其他家长相认，聊几句，彼此鼓励鼓励，也不会留下电话。平时我也很少接送孩子。我纯粹以平常心希望家长会上大家都能畅所欲言互相支持。再次感谢您以过来人的身份在这里同大家分享。

原帖由 sfcssfcc 於 10-6-23 14:46 發表
明白家長見面相識感到興奮，但家長會雖然於２時（唔知有無錯）開始，但過去我們的做法會係１時或之前，相約樓下的快餐店聚腳，先說一輪和聚舊，或是待家長會結束後，大家一齊去ｔｅａ一ｔｅａ，避免在會上我有我說，校長老師在台上又說，全然與家長會舉辦的 ...

作者: sfcssfcc 時間: 10-6-24 00:39

香港父母工作繁忙，有時候為了子女擁有較舒適的生活，便減少與子女相處的時間。因此，對於未能經常接觸學校和其他家長的父母，首要的是主動，而囡囡是一個佷好的橋樑，一方面對學校有更多了解，另一方面可認識囡囡同學的家長，加強彼此互助。

看到各家長為暑假即將到來紛紛安排節目，真是令人羨慕。但如可以的話，相約其他同學家庭一起玩，相信更好。因為我認為家庭溫馨時間可留在家中，若出外遊玩，最好就是安排三數小朋友同學一起遊玩來得開心快樂。

暑假節目豐儉由人。外遊多樂趣，但香港亦有不少適合小學生的到訪地方，可因應家長假期而作調整。過去我會主動透過囡囡相約其他同學，或由她代傳紙仔，通知其他同學家長有活動安排，如星期天半日行山（早上出發，三至四小時行程，如香港仔郊野公園，寶雲道至警察博物館，薄扶林水塘至山頂，石澳至筲箕灣，黃竹坑郊野公園，東龍島等）都是容易和適合小朋友的行程，詳細資料可在網上找到。

此外，若星期天不是放假日，便可配合學校假期，例如星期三免費參觀日前去博物館，除尖沙咀外，亦有深水埗的李鄭屋，荃灣三楝屋，海事博物館，赤柱的懲教博物館及中環的孫中山博物館，不需待學校安排才讓子女前去。

學校附近的中環廣場２７字樓有空中平台，可遠眺整個西九龍及青馬大橋，步行至金鐘太古廣場第１座４０樓有光華新聞文化中心，雖然是台灣機構，但設有圖書館和電影室，星期六更有兒童普通話班，是一個不錯的休閒地方。再遠一點，可沿中環行人天橋步行至四號碼頭公園，看看別人垂釣，可讓小朋友跑跑跳跳，樂得半天。

若是時間做得到的話，更可前去法院觀看審訊過程，到金融管理局展覽廳（中環國金，毋須申請，但要在地下登記）看看香港鈔票發展過程（有得蓋章，小朋友會十分高興），或是在立法會休會前申請旁聽，讓小朋友對香港有更多認識。

正如家長留言提到，人類都要動腦筋才能獵得北極熊。與囡囡相處，或希望認識其他家長，多動腦筋可減低工作帶來的阻力，希望上述建議對大家有幫助。

原帖由 csauye 於 10-6-23 21:21 發表
sfcssfcc,

谢谢您的分享。说来惭愧，我只得一位家长的电话。通常我都是在家长会会场才与其他家长相认，聊几句，彼此鼓励鼓励，也不会留下电话。平时我也很少接送孩子。我纯粹以平常心希望家长会上大家都能畅所欲言互相支 ...

作者: csauye 時間: 10-6-24 09:51

资料详尽，实用，有心！尊敬！

原帖由 sfcssfcc 於 10-6-24 00:39 發表
香港父母工作繁忙，有時候為了子女擁有較舒適的生活，便減少與子女相處的時間。因此，對於未能經常接觸學校和其他家長的父母，首要的是主動，而囡囡是一個佷好的橋樑，一方面對學校有更多了解，另一方面可認識囡囡同學的家長，加強彼 ...

作者: pettypeggy 時間: 10-6-24 10:47

原帖由 csauye 於 10-6-23 13:53 發表
对不起，我不同意家长在家长会上提的问题只会增加学校，校长负担，更不是要校长去帮家长解决问题。很明显，我们的孩子要太早起床上学，这是事实。全日制不用共用课室，9时上课，也不是什么天大的笑话。

...

9時上課?....真的對不起, 對本人來說, 的確是一個天大的笑話!! 就算時間上, 學校真的因為部份家庭理由而改變, 便會對其他家庭做成不公, 住灣仔本區的家長(如本人), 大多8時前便要離家上班, 那應該要獨留子女在家, 等子女9時前自行回校? 還是要比上課時間更早一個半小時, 先帶小朋友回校? (估計到時本區家長又要投訴為何學校不早兩個小時開門, 老師不一早就回校照顧小朋友了)
香港大有其他學校更早上課的, 現在學校上課時間其實很正常, 以香港教育方向, 提倡的是本區上學, 學生不用太辛苦, 當然家長以心宜之學校為目標是無可厚非, 但既然選擇了本校, 如何上學, 上學做成的種種難提, 就要家長與小朋友自行刻服了, 這種簡單的做人道理, 難道不是各位家長希望小朋友成長過程中學會的嗎?
小女當年讀的是嘉諾撒聖心幼稚園, 本可安安穩穩升讀聖心小學, 但基於地區問題, 不想女兒天天把時間花在校車上, 最後選擇了派位, 非常幸運地派到了聖方濟各, 但如果當時選了聖心, 還不是要自行與小朋友去面對問題嗎?! 始終路是自己選出來的.
另外, 既然閣下多次重申當時沒有出席家長會, 那麼, 關於當時部份家長對大會作出極不禮貌之行為; 當校長/老師/家教會不厭其煩多次回應之後, 還是以同一個問題沒完沒了地重複不停發問/批評; 以上種種問題, 就不詳細跟你討論了.

作者: csauye 時間: 10-6-24 10:47

同两位家长倾谈当中了解到家长会的更多讯息，又谈到下学年的更多考验，很想邀请众家长一起恳切地为学校，为我们的孩子祷告。我想起《圣经》《創世紀〉中亚伯拉罕献以撒的故事：
22:10 亞伯拉罕就伸手拿刀、要殺他的兒子。

22:11 耶和華的使者從天上呼叫他說、亞伯拉罕、亞伯拉罕、他說、我在這裏。

22:12 天使說、你不可在這童子身上下手、一點不可害他．
虽然现代的父母不会拿刀杀孩子，但是我们常常出于自己良好的，善良的愿望和梦想，为孩子作很多安排，很想孩子就行那条路，成就自己心目中的梦想的延续。无形之中因里面的野心就把孩子献在祭坛上成为牺牲品，成为那只带罪的羔羊。耶和华以勒的神啊，求你亲自向我们说话，求你叫我们转眼不看虚假，叫我们的期望不会成为孩子的伤害，成绩不会成为孩子取悦爸妈的方法，而是在成长当中亲自经历天父的大爱。求天父的爱临到因繁重教务劳苦的老师，因生活和照顾孩子的压力喘不到气的爸妈身上，让你的爱成为支持，成为盼望。
“你必將生命的道路指示我．在你面前有滿足的喜樂．在你右手中有永遠的福樂。”（詩篇16：11）

[ 本帖最後由 csauye 於 10-6-24 10:51 編輯 ]

作者: csauye 時間: 10-6-24 11:14

pettypeggy,
很抱歉让您误会我的意思，9时上课，我只是作个比方，我的意思是，我们应该尊重每个家长的提问，尊重他们提问的智慧，家长诚诚实实地提出问题，不是拿着刀逼学校，是吧？yes or no, so what? 你身为家长何必非要剥夺家长提问的机会呢？我得罪说一句您用这种方式支持学校实在值得研究。我邀请您一起为学校，为孩子，为众家长祷告，求天父光照，加能赐力。

原帖由 pettypeggy 於 10-6-24 10:47 發表

9時上課?....真的對不起, 對本人來說, 的確是一個天大的笑話!! 就算時間上, 學校真的因為部份家庭理由而改變, 便會對其他家庭做成不公, 住灣仔本區的家長(如本人), 大多8時前便要離家上班, 那應該要獨留子女在家, ...

作者: polarbb 時間: 10-6-24 11:50

其實每間學校都有不同區的小朋友讀,好似我地學校,有新界區小朋友讀 tim,其實早左返學,我相信對好多家長都會有小小困擾,不過我覺得都係一個小問題,亦不值得長篇大論去討論,我老公何嘗唔係要早兩個鐘起身湊女搭校車?我從來冇諗要其他家長知佢有幾辛苦或想其他家長知道同情下,因為個個都係咁架啦,我有時湊女搭校車,好多 mami都係跟住就返工,但佢地好多都根本唔駛咁早出門口,但佢地話唔緊要啦,早D米早D,正如你所講,路係自己揀,有些問題係要自己克服,因為根本就唔係學校問題,係我地自己要揀這間學校,如果真係想個女瞓多D,冇咁辛苦,點解唔揀返同區學校(校長都係咁答),咁既然唔係學校問題,點解又要提出黎? 如果個個都因要早起身而要同學校講一講,我相信個會開兩日都未開完.再重申,唔係話岐視住離島的小朋友,而係想講佢地的情形唔係只係得佢地係咁,我都係咁,我個女係最早返到學校個批,7:30已經返到學校,離島都冇佢咁早,但係, so what? 我米叫個女溫下書,寫下字,邊個叫我要佢讀 St.Francis, 咁我就要克服交通時間上的問題. 就算我講出黎比校長知,同學mami知都冇用架,人地唔可以幫我解決到,因為個問題起因係我要揀 St.Francis,咁比人知個用意係咩?要人同情?大家住邊又影響唔到我,咁包容D咩?我最多係講一句"好慘喎"多一句就係"點解你唔轉校?"
開會個日其實重有好多 mami想問問題,不過老師話時間夠唔可以再問,有D mami真係提出同小朋友在學校好貼身的問題,例如食飯,飯後的活動時間安排,校巴會唔會開兩轉...如果大家真係關心小朋友,唔係應該將個焦點放返响小朋友在校的問題嗎?

原帖由 pettypeggy 於 10-6-24 10:47 發表

9時上課?....真的對不起, 對本人來說, 的確是一個天大的笑話!! 就算時間上, 學校真的因為部份家庭理由而改變, 便會對其他家庭做成不公, 住灣仔本區的家長(如本人), 大多8時前便要離家上班, 那應該要獨留子女在家, ...

作者: csauye 時間: 10-6-24 20:24

May the Lord bless you and your family, polarbb! Amen

[ 本帖最後由 csauye 於 10-6-24 21:00 編輯 ]

作者: polarbb 時間: 10-6-24 21:03

其實真心講,我唔覺係災難,點解會係災難?佢平時830上床,瞓到630成10個鐘,平時晚上太多功課根本晚上唔可以同佢溫書,就算同佢溫佢都唔會入腦,因為太攰,所以我就利用早左返學的一個鐘要佢在校溫中文同常識,唔好睇小每日一個鐘,就係E一個鐘,每到佢測驗考試我就唔駛點同佢溫中文同常識,好多時一到測驗考試個個都用成日黎溫書,而佢只係一個早上就可以收埋,其他時間佢就做自己野,早睡早起身體好,係睇家長點安排,正如其他 mami話米當係一個鍛鍊,點解你要睇到咁嚴重?我覺得我個女一日瞓10個鍾已經好夠,630起身根本就唔係問題,反而係我地大人懶,覺得6點幾起身係好早,我係好理性去想,亦都知道個女應付到,因為佢由細到大都習慣630-730個段時間起床.學校係死人係生,你有權唔揀這間學校,好簡單既然你講到早起身咁嚴重,點解你唔同佢轉校?點解你唔比佢早D瞓?
係唔係災難係睇身為父母點睇,點同小朋友解釋,我個女從來一叫就起,有時唔駛叫佢自己6點已經起身,我都同佢解釋早左一個鐘返到學校佢要溫下書,因為平時一至五根本真係唔會同佢溫,我亦同佢解釋就係因為佢平時日日有在校溫書,所以考試測驗佢至唔駛日讀夜讀可以玩.
我好想知你小朋友作息時間,你係米重有個細將會讀幼稚園,咁你究竟係住邊區?因為你講左咁耐,根本就唔知你的情形,只知你不停支持要9點上堂,反而其他野又唔見你緊張,你要大家關心體諒,咁你可唔可以講下你家中情形出黎比大家聽下,或者大家睇下可以分析比你聽應該點做.
你試下搵下究竟邊間學校會9點上堂,你又試下查下我地學校係米叫早上堂.個日校長都講,搬新校舍已經比好多人話我地會做成灣仔交通擠塞,交通部,議員,附近居民不停去信比校長,你有冇諗過再遲D返學,校車可能會塞車,可能你坐MTR唔會去理會. 好多 mami都係自己湊返學,正如有 mami話要再遲返學,咁佢地湊得返學自己就會遲到,可能你唔駛返工你覺得唔關你事,可能你要就湊埋個細返幼稚園想9點返學,但你有冇諗遲返學會引出好多問題?講真,9點返學對我冇影響,因為我唔駛返工,我又唔駛咁早起身,不過我知遲返學根本會引出好多問題令好多人不便.咁早D起身又有咩所謂呢?小朋友點解唔可以早D起身?唔可以係因為佢地夜瞓,賴床,家長縱壞.

原帖由 csauye 於 10-6-24 20:24 發表
polarbb,

请您理性的想想，小小年纪，6点半起床，到学校再等1个多小时才坐到课室，难道不是认为的灾难吗？如果我们身为父母的都不为弱小的孩子争取，难道为了所谓的“尊重校长尊重老师”这个冠冕堂皇的光环而把孩子送上祭坛 ...

[ 本帖最後由 polarbb 於 10-6-24 21:05 編輯 ]

作者: polarbb 時間: 10-6-24 21:15

點解改左內容?
sorry到宜家一刻我都重未相信神,不過我好尊重教徒,我妹妹都係教徒,我個女好多時都有返教會.
可能大家教女方式唔同,我從小就唔縱佢,好嚴,細個已經要佢做義工照顧D婆婆,要佢知咩叫苦,要佢知雖然佢豐衣足食,但好多人食都冇得食,從來唔比佢浪費食物,紙張,水.要佢珍惜佢所有,一到830-845就一定要上床瞓,要佢努力讀書將來做個有用人幫一D須要幫忙的人.
點解你唔正面D去睇件事?
唔有苦又點會識嘗甜?

原帖由 csauye 於 10-6-24 20:24 發表
May the Lord bless you and your family, polarbb! Amen

[ 本帖最後由 polarbb 於 10-6-24 21:24 編輯 ]

作者: Little_cy 時間: 10-6-24 21:39

polarbb
support u

作者: csauye 時間: 10-6-24 21:42

polarbb,
我很欣赏您的认真，我也很乐意与您分享，一起交换意见，但是我的一指神功，龟速打字，实在辛苦。盼望能与您约个时间当面聊聊。

作者: polarbb 時間: 10-6-24 21:50

咁你可以慢慢打唔緊要

見面就唔好 la,因為始終大家都未相熟,我老公會鬧我架

我對你冇惡意,不過係議事論事,其實你都應該睇到好多 mami 真係唔介意早左返學,小朋友早起身真係唔係一個問題.

原帖由 csauye 於 10-6-24 21:42 發表
polarbb,
我很欣赏您的认真，我也很乐意与您分享，一起交换意见，但是我的一指神功，龟速打字，实在辛苦。盼望能与您约个时间当面聊聊。

作者: csauye 時間: 10-6-24 22:16

您真的很可爱，很有想象力，我几时说过我要求9 点上课，我一再强调的是，您说6：30起床也好，人家说9 点上课也好，应该都值得尊重。每个提问都值得尊重，每个到场的家长都值得鼓励。相反我没去就很惭愧。

另外，您真是一个很challenge的妈妈，很有自己的一套哲学，但是要知道，人始终有自己的局限性，还有脆弱的一面。我会为您祷告求天父上帝的爱临到您的家，保守您拣选生命和真理，愿神赐福保佑您！

原帖由 polarbb 於 10-6-24 21:50 發表
咁你可以慢慢打唔緊要見面就唔好 la,因為始終大家都未相熟,我老公會鬧我架
我對你冇惡意,不過係議事論事,其實你都應該睇到好多 mami 真係唔介意早左返學,小朋友早起身真係唔係一個問題.
...

作者: Little_cy 時間: 10-6-24 22:21

yes.. 我相信輪地區我係算至遠個個, 不過其實車程真的吾遠; 我個女都習慣曬..

我個女每一日都自自動動起身, 冇話吾鍾意番學..

要訓多d, 米早d訓羅, 我個女9.30我要佢訓, 朝早6點鬆d到起身, 個到有成8個半鐘, 佢從冇話要訓覺吾番學.. 反而冇得番學, 佢會吾開心..... heee

作者: polarbb 時間: 10-6-24 22:36

5.....你有冇睇到其實你所講的好多 mami都唔認同,咁你有冇諗下係米你有咩問題? 9點上堂係你自己講,你話9點上堂都唔係一個天大笑話 ma,有D野唔係尊唔尊重問題,係可唔可行問題,你又話630起床係災難 ma,不過你講完又 delete左.
我同意人係有局限性,不過好似係你唔明多D.
其實你係唔係 St.Francis家長大家都唔知,因為你一路都冇提過你女女學校的事,你只是一味話反對早返學,話係災難,話對小朋友唔好.

原帖由 csauye 於 10-6-24 22:16 發表
您真的很可爱，很有想象力，我几时说过我要求9 点上课，我一再强调的是，您说6：30起床也好，人家说9 点上课也好，应该都值得尊重。每个提问都值得尊重，每个到场的家长都值得鼓励。相反我没去就很惭愧。
另外，您真是一个 ...

[ 本帖最後由 polarbb 於 10-6-24 22:39 編輯 ]

作者: csauye 時間: 10-6-24 22:45

我相信家长都会安排自己的时间，不用再一一指教，

。相反，校长承受的压力，学生下学年的转变，工程的影响，家长的分化，这才是我们的艰难。求天父上帝保守引导。让我们为到这一切恳切祈求上帝施恩降幅。 Amen!

原帖由 Little_cy 於 10-6-24 22:21 發表
yes.. 我相信輪地區我係算至遠個個, 不過其實車程真的吾遠; 我個女都習慣曬..

我個女每一日都自自動動起身, 冇話吾鍾意番學..

要訓多d, 米早d訓羅, 我個女9.30我要佢訓, 朝早6點鬆d到起身, 個到有成8個半鐘, 佢從 ...

作者: polarbb 時間: 10-6-24 22:45

真係睇家長點教小朋友,點同佢溝通.
食得咸魚抵得渴,路係自己揀,政府改左全日就預左係要早起身返學,想瞓多D米揀返原區,其實我都預左個女唔慣就搬近D,不過佢又好習慣,可能正如校長所講,小朋友鍾意返學的話根本就唔會介意早起身返學.

原帖由 Little_cy 於 10-6-24 22:21 發表
yes.. 我相信輪地區我係算至遠個個, 不過其實車程真的吾遠; 我個女都習慣曬..

我個女每一日都自自動動起身, 冇話吾鍾意番學..

要訓多d, 米早d訓羅, 我個女9.30我要佢訓, 朝早6點鬆d到起身, 個到有成8個半鐘, 佢從 ...

作者: Little_cy 時間: 10-6-24 23:02

polarbb
support...

作者: csauye 時間: 10-6-24 23:05

求主赦免，求主帮助。 Amen!

作者: polarbb 時間: 10-6-24 23:16

我完全投降啦

我睇簡體字睇到我眼水都出埋,又成日前言不對後語,又 delete自己講過的說話,投降~~~~~唔想再答
都係講返正經野好過

你有冇去過香薰園BBQ,個到好正架.最攪笑我老公上次去個到放風箏,放左兩個鐘個風箏重响地下,跟住好多人黎幫手都攪唔掂.

原帖由 Little_cy 於 10-6-24 23:02 發表
polarbb
support...

作者: Little_cy 時間: 10-6-24 23:19

polarbb
yes, give up la.

btw, where is it??

原帖由 polarbb 於 10-6-24 23:16 發表
我完全投降啦
我睇簡體字睇到我眼水都出埋,又成日前言不對後語,又 delete自己講過的說話,投降~~~~~唔想再答
都係講返正經野好過
你有冇去過香薰園BBQ,個到好正架.最攪笑我老公上次去個 ...

作者: polarbb 時間: 10-6-24 23:25

see the wedsite, its realy good
http://www.lavendergarden.com.hk/TraditionalChinese/introduction.asp

原帖由 Little_cy 於 10-6-24 23:19 發表
polarbb
yes, give up la.

btw, where is it??

作者: lt611 時間: 10-6-25 00:44

polarbb,我認同你的見解,但對你的言行態度有所保留....
我看了所有的post”全日制不用共用课室，9时上课，
也不是什么天大的笑话”這句只是打個比方。人家從來冇要求過要返9:00,你誤會了,將小小的論點放大,咄咄迫人,連珠爆發的打了幾篇千字文,將自己如何的偉大套在別人身上,每個人都有自己的難處,不能一概而論,為何要別人認同你,不能有自己的意見嗎,還否決別人的見解,幻想別人的處境,加以揶揄?????

你絕對是一個好媽媽,但從字裏行間,我只看到你不懂尊重的一面.

原帖由 polarbb 於 10-6-24 22:36 發表
5.....你有冇睇到其實你所講的好多 mami都唔認同,咁你有冇諗下係米你有咩問題? 9點上堂係你自己講,你話9點上堂都唔係一個天大笑話 ma,有D野唔係尊唔尊重問題,係可唔可行問題,你又話630起床係災難 ma,不過你講完又 de ...

作者: polarbb 時間: 10-6-25 06:46

咄咄迫人唔係我,唔尊重人都唔係我,請你睇清楚邊個咄咄迫人先,我一路都強調係議事論事,唔係針對佢,亦多次用友善方式同佢講叫佢唔好介意,不過最後佢已經開始單打,不過算啦,再講就變左潑婦罵街
我只係希望大家提出問題時都要先想下人地感受,如果你唔識尊重人,人地又點會尊重你.我講的9點上堂亦只係將佢的比喻話返比佢聽係唔可行.

原帖由 lt611 於 10-6-25 00:44 發表
polarbb,我認同你的見解,但對你的言行態度有所保留....
我看了所有的post”全日制不用共用课室，9时上课，
也不是什么天大的笑话”這句只是打個比方。人家從來冇要求過要返9:00,你誤會了,將小小的論點放大,咄咄迫人,連珠 ...

作者: polarbb 時間: 10-6-25 07:07

當初開這個 post 的原因係想比冇去開會的 mami 都知道新學年的轉變,因為開會個日都唔係好多 mami 參加,不過想不到最後開始變質.
我初初黎到這版面見唔係太多 mami 出 post, 學校情形都係得一兩位mami有時出 post講下,所以我希望可以在這裡識多D mami,等大家可以互相通消息了解小朋友在校生活,不過我講野驚有時詞不達意,所以永遠都會好小心用長篇大論去希望人地唔好誤解我意思,不過想不到反而令人誤會.
我唔會再回應,不想再比人誤會

P.S. 多謝各位 mami 的P.M. 真心多謝你們的明白與鼓勵 ^.^

[ 本帖最後由 polarbb 於 10-6-25 08:34 編輯 ]

作者: csauye 時間: 10-6-25 08:02

大家都是出于一颗爱的心在这里讲说话，况且这里是一间超过132年历史在香港算是老校，我们的孩子蒙恩有份在当中学习，愿我们为共同写下更美的历史努力吧！
有一首歌写于上世纪初　
　　天父必看顧你
　　　　　God Will Take Care of You

　　任遭何事不要驚怕，天父必看顧你；
　　必將你藏祂恩翅下，天父必看顧你。

　　有時勞苦心中失望，天父必看顧你；
　　危險臨到無處躲藏，天父必看顧你。

　　凡你所需，祂必供應，天父必看顧你；
　凡你所求，祂必垂聽，天父必看顧你。

　無論經過何等試煉，天父必看顧你；
　軟弱困頓，靠祂胸前，天父必看顧你。

　　　　　　　　　（副歌）
　天父必看顧你，時時看顧，處處看顧；
　祂必要看顧你，天父必看顧你。

http://www.youtube.com/watch#!v=ZNm6D8PiBAA&feature=related

God will take care of you all，天父也必看顾圣方济各这间学校。彼得前書五章七節：「你們要將一切憂慮卸給神，因為他顧念你們。」愿大家得着从神而来的平安與喜樂，一起迈步向前！

[ 本帖最後由 csauye 於 10-6-25 08:11 編輯 ]

作者: csauye 時間: 10-6-25 08:21

「即便有不信的，這有何妨呢？難道他們的不信，就廢掉神的信麼？」
羅3:3

我可以說：我一生所有的憂慮，都是由不信產生的。
如果我時常相信－我己往的一切都已蒙神赦免；現在的一切都帶著主的能力；將來的一切多麼光明，因為永世的真實，不會因我的冷淡而更變，不會因我的失敗而消滅－我怎能不歡喜快樂呢？
－－司買丹（James Smetham）
polarbb,
不要灰心失望，大家都知道您有心。盼望您早日跟随您妹妹孩子一起返教会，认识那自始至终都爱您的神，祂默然爱您

原帖由 polarbb 於 10-6-25 07:07 發表
當初開這個 post 的原因係想比冇去開會的 mami 都知道新學年的轉變,因為開會個日都唔係好多 mami 參加,不過想不到最後開始變質.
我初初黎到這版面見唔係太多 mami 出 post, 學校情形都係得一兩位mami有時出 post講下 ...

[ 本帖最後由 csauye 於 10-6-25 08:59 編輯 ]

作者: lt611 時間: 10-6-25 11:16

我們愛這所學校,教職員及家教會的努力付出，大家都不容致疑.
希望大家能體諒學校難處之餘,也用相同的同理心去對待其它非你族類的聲音與見議,你可以不認同,但不應莾下批評及判斷.

不難理解為何以往熱鬧的平台,會變得如斯的冷清.

作者: sfcssfcc 時間: 10-6-25 11:18

原帖由 csauye 於 10-6-25 08:02 發表
大家都是出于一颗爱的心在这里讲说话，况且这里是一间超过132年历史在香港算是老校，我们的孩子蒙恩有份在当中学习，愿我们为共同写下更美的历史努力吧！
有一首歌写于上世纪初　
　　天父必看顧你
　　　　　God Will Ta ...

對不起，我們剛慶祝了140周年校慶，每名同學和家長都有參與和出席，相信是嘉諾撒人的話，不會弄錯為132年歷史... ...

此外，學校雖然是具有宗教背景，對宣揚宗教有既定模式，但並不會老是將教義掛在咀邊，而是將福音滲進日常學習中．這做法不會令學生厭，更可讓學生認識天主，了解天主，追隨天主．

我不是天主教徒，但亦明白到禱告是對神的讚美，對天主仁慈的感恩，而不是祈求甚麼．在禱告時，誠懇態度有助內心的平靜，便可發現，生氣，只是懲罰自己的行為．

時間的巨輪不會因任何人，任何事而稍停半刻，多花點時間在囡囡身上吧（如有）！

作者: csauye 時間: 10-6-25 13:57

1869年至今有141年历史，计算错误，见笑。多谢更正。

作者: csauye 時間: 10-6-25 14:17

嘉諾撒聖方濟各學校辦學宗旨：本校秉承嘉諾撒仁愛女修會的辦學使命，致力締造關愛文化，實踐全人教育。我們深信每一個孩子皆具獨特的個性和潛能，可堪造就。藉十字架上基督的愛，言傳身教，以生命影響生命，使學生明辨是非，建立正確的價值觀。

生命影響生命就是老师的生命先被天父的爱充满，经验到天父无条件的接纳，自己的生命得到重整，以致老师在繁重的教务，行政工作中，仍然看见自己在学生生命中的重要性，同时能以爱看待学生，不单单以成绩作教学目标，更以生命的陶造为教育的使命。

真正爱学校的家长应该清楚明白学校141 年来秉承的价值。

求主赦免，求主帮助！

[ 本帖最後由 csauye 於 10-6-25 14:24 編輯 ]

作者: sfcssfcc 時間: 10-6-25 14:25

開始認同其他家長的意見，相信閣下並非是嘉諾撒聖方濟各學校同學的家長，也不是嘉諾撒聖方濟各學校的校友．因為學校140周年校慶是由去年九月學年開始慶祝，直至上月的校友日，歷時超過八個月，各位同學和家長都有參與和分享歡樂．

本年九月學校將踏入141周年，大家亦會一如以往，努力學習，做好本份，日後成為社會的楝樑，但過程中毋須閣下操心了．

原帖由 csauye 於 10-6-25 13:57 發表
1869年至今有141年历史，计算错误，见笑。多谢更正。

作者: vanyau 時間: 10-6-25 14:46

原帖由 sfcssfcc 於 10-6-25 14:25 發表
開始認同其他家長的意見，相信閣下並非是嘉諾撒聖方濟各學校同學的家長，也不是嘉諾撒聖方濟各學校的校友．因為學校140周年校慶是由去年九月學年開始慶祝，直至上月的校友日，歷時超過八個月，各位同學和家長都有參與和分享歡樂．
...

我都覺得有問題,我校的家長們一直都是客客氣氣,很有禮的.但現在......
雖然我是教徒,但我不喜歡句句經文,這樣會對非教徒來說不太好.

作者: csauye 時間: 10-6-25 15:30

支持嘉諾撒聖方濟各學校.....
為嘉諾撒聖方濟各學校求平安......
天父必看顧嘉諾撒聖方濟各學校......
天父必看顧嘉諾撒聖方濟各學校師生......
迈步向前......

作者: TinHay 時間: 10-6-29 17:04

WOW, so many choices......around school that I've missed........Thanks for your info...I think I've said it many times before.......by thanks anyway.

原帖由 sfcssfcc 於 10-6-24 00:39 發表
香港父母工作繁忙，有時候為了子女擁有較舒適的生活，便減少與子女相處的時間。因此，對於未能經常接觸學校和其他家長的父母，首要的是主動，而囡囡是一個佷好的橋樑，一方面對學校有更多了解，另一方面可認識囡囡同學的家長，加強彼 ...

作者: IslandMaMe 時間: 10-7-7 01:27

各位家長好,因留意到這討論的標題,好奇地看了一會,便決定登入分享一下自己的意見. 其實我當日在家長會上提出離島返學的問題,並沒想過會導致各位的一些爭論. 當日提出問題時,本來是希望新校車公司的代表多加考慮,卻想不到校長會親自回答. 我們以前住在學校附近,還記得囡囡入讀小一時,因上學時間為8時半,才決定搬往離島的. 不過每天仍需6時起床,乘7時的船,再轉車往灣仔搭校車,這兩年都沒有問題. 突然收到學校通告上學時間提早至七時五十五分,實在嚇了一跳. 之後與新校車公司的代表聯絡過,說新學年可安排在離島碼頭上校車,我是十分高興的(因這兩年我多番找尋可在離島碼頭上車的保姆車,但回覆都是沒有),接著我便通知居於另一離島的家長,告訴她這消息,但原來礙於船期的問題,她最早也只可以七時二十分左右到碼頭,所以我便利用家長會向新校車公司代表提出. 在提問時我已說明是希望校車公司在編排校車上落時間表時多加考慮船期,與上學時間根本無關,校長的即時且責怪式的回應確實令我有點不理解.

我本身是SFCS的舊生,一讀13年,去年剛退休的陳老師曾是我小學的班主任,囡囡可以在我母校就讀,我是十分欣慰的. 我小學時雖家住北角,還需六時四十五分上校車,課室沒有冷氣,學生上體育課的聲音,堅尼地道的汽車,修路的噪音,以至夏日的蟬叫,回想起來都真的很滋擾. 有蓋操場也沒有冷氣,但中學禮堂當時只在剛開始籌款的階段,我曾跟母親說笑,想不到我們為中學禮堂籌款籌了十多年,到囡囡現在仍然在籌款中呢.相比那個時候,囡囡現在舒服得多了. 所以我們並不是為囡囡更舒服才提出意見的. 既然校方設了家長會,又有答問環節,我想應該是可以更心平氣和地聽聽不同家長的聲音,不需抱著抗拒的心情去回應.

我衷心希望校方和家長都能互相包容,互相體諒,多加溝通.

作者: csauye 時間: 10-7-29 17:46

IslandMaMe:
首先多谢您企出来澄清件事，另外我向您郑重道歉，我在您背后就您的遭遇所作的討論，希望您和您的女儿不要因为这件事留下任何不愉快地回忆。祝愿您女儿返學問題有好的进展，也希望您不介意我为您女儿祷告，求神保守她路途的平安。

原帖由 IslandMaMe 於 10-7-7 01:27 發表
各位家長好,因留意到這討論的標題,好奇地看了一會,便決定登入分享一下自己的意見. 其實我當日在家長會上提出離島返學的問題,並沒想過會導致各位的一些爭論. 當日提出問題時,本來是希望新校車公司的代表多加考慮,卻 ...

作者: BBR 時間: 10-7-29 18:21

其實大家各持己見,每人都覺自己是對的,我小朋友都係就讀此校,一路都上來睇下有什麼資信 update,家長會日我都有去開,見近來真係好多新會員入來解釋事件.
我好記得開會時有一個年齡頗大,說話口音有小小唔純正的女士發問她小朋友住離島問題,(因為她就坐我前面,所以我好清楚記得)佢除了問校車時間可否相就,地點可以改嗎?佢最後係重有問點解學校唔可以遲小小時間上堂咁就可以就返離島船期,因為是她題出可以遲小小上堂的可行性,所以校長才答/講出一番說話講以前都有舊生都要咁返學........而其他問題就校車公司回答. 我百份百肯定她最後是問校長可不可以遲小小上堂,因為早了上堂她們的上船時間就可能就唔到,她是問校長,唔通校長可以不答嗎?!為什麼說到成件事是校長搶住答呢??!
真的不明白點解有些家長要針對住校長,唔通問學校的事情要由校車公司答?
好希望這裡可以回復大家開心詳談.
近來真係多左好多新會員,通常都係出一兩個 post講/駁完就唔見人,用意何在大家心中有數.
如果大家係為小朋友,希望不要再挑起是非,為什麼不能一人少句唸?見有幾位媽媽都已經唔再回應,但有些人就想事件沒完沒了

這是為人父母的榜樣嗎?
我本來都不想介入這件事,不過見有某些人不停將事件Y曲,平靜了一陣子又拎出來再講,何必呢? 我現在只是將當日事件清楚講出,不是想挑起是非,我對提出問題的媽媽沒有意見,希望各"新"會員高抬貴手/口.

[ 本帖最後由 BBR 於 10-7-30 08:37 編輯 ]

作者: 心急的媽媽 時間: 10-7-31 23:52

當天我都在場,看見校長那激動,一次又一次流淚,心裏不禁酸溜溜.每件事未必適合每個人,凡事向好方面想,便是吧!!有些人喜歡早返早放,有些不喜歡導修課只得20分鐘.有些這樣,有些那樣,倒不如俾心機讀下去.多做事,少埋怨.

作者: csauye 時間: 10-8-1 23:23

我想很多家长如我一样，时时都会上来这个平台看看。今次这个主题有超过2000 次点击，所以当中的有些讨论，一定有家长看了会不安或受伤害，我好难过，对不起！求神怜悯我们，赐平安或医治给当中有需要的家长或老师。

歡迎光臨教育王國 (/)