教育王國

標題: 有無小朋友係2010年入讀小一架?? [打印本頁]

作者: mimosa 時間: 10-6-29 11:02 標題: 有無小朋友係2010年入讀小一架??

有無小朋友係2010年入讀小一架?? 入黎傾下........

作者: fungyee 時間: 10-6-29 20:17

Hello...多多指教!

作者: mimosa 時間: 10-6-30 13:06

原帖由 fungyee 於 10-6-29 20:17 發表
Hello...多多指教!

Hi, 你個小朋友讀邊間幼稚園架

石鐘山係唔係你第一志願呀 ??

作者: JANPCY 時間: 10-6-30 13:41

原帖由 mimosa 於 10-6-29 11:02 發表
有無小朋友係2010年入讀小一架?? 入黎傾下........

報到 !
Nice to meet u ~

作者: fungyee 時間: 10-6-30 20:35

原帖由 mimosa 於 10-6-30 13:06 發表

Hi, 你個小朋友讀邊間幼稚園架

石鐘山係唔係你第一志願呀 ??

佢讀仁濟呀, 石鐘山係第一志願呀, 你呢?

作者: fungyee 時間: 10-6-30 20:36

係呢...你地有無揀普教中? 我無揀呀, 因為我同個仔都唔識, 費事唔明之餘又教唔到佢...

作者: catfishhome 時間: 10-6-30 21:02

大家好，我家仔仔今年都會係小一生呀，我同佢揀左普教中，我都有問過佢，佢話好...需然佢普通話麻麻得很，我亦都也也wo，不過都想比佢試一試，如果入到佢又讀到就最好啦，如果佢入到讀唔到，得唯有陪太子讀，自己都去學埋一份，因為本身佢英文唔好，我想佢有一種語言學得好，第時唔睇得都講得呀麻...hehe係唔係好傻呢。

7月8號就會去學校交書薄費同其他費用，書費要一千五百幾都幾貴吓，我地重唔係住荃灣，要日日送個仔，而家都未知返學時間可唔可以停車係門口睇到公子入學校，真係好似好多野要諗咁，咁多位交個朋友仔，或者會同一班添wo， my name is fish(我家公子成日都叫我'濃豬豬'即係朦豬咁解)我家小寶人稱小魔怪又名唔訓教......

作者: daydaybaby 時間: 10-7-2 07:21

報到, 報到

作者: mimosa 時間: 10-7-2 10:44

原帖由 fungyee 於 10-6-30 20:36 發表
係呢...你地有無揀普教中? 我無揀呀, 因為我同個仔都唔識, 費事唔明之餘又教唔到佢...

我囡讀海濱迦南, 石鐘山係我地第一志願

我幫個囡揀左普教呀, 不過都要睇下7/12面試左得唔得先.......

作者: fungyee 時間: 10-7-2 14:12

係呢..請問有無人知開始頭一星期係咪會放早架?

(係媽媽會所同呢度兩邊都有topic, 好忙...哈哈...)

作者: catfishhome 時間: 10-7-2 14:29

我無記錯頭個個星期係好似12:00定12:30呀

作者: mandy1308 時間: 10-7-3 00:24

私家車是可以在校門停底上落, 但要即走的不可停太久呀!

原帖由 catfishhome 於 10-6-30 21:02 發表
大家好，我家仔仔今年都會係小一生呀，我同佢揀左普教中，我都有問過佢，佢話好...需然佢普通話麻麻得很，我亦都也也wo，不過都想比佢試一試，如果入到佢又讀到就最好啦，如果佢入到讀唔到，得唯有陪太子讀，自己都去學埋一份，因為本身佢 ...

作者: catfishhome 時間: 10-7-3 00:39

mandy 我真要勁多謝你講到比我知可以係門口落，因為我好辛苦先求到我老公肯比我揸車送個仔唔使佢搭校車，之不過佢早2日問我:唔~你送佢，咁佢係邊落車呀，返學時間一定唔比停正係門口啦，搞到我......個心....十五十六咁，因為我個仔比較坐唔定，我平時都揸得車多，成日係街見到校車上面小朋友行黎行去，又或者係"重吓重吓"咁訓教，所以我勁唔想個仔搭校車，就算自己返通宵都要爭住送公子返學。

作者: fungyee 時間: 10-7-3 14:54

原帖由 mandy1308 於 10-7-3 00:24 發表
私家車是可以在校門停底上落, 但要即走的不可停太久呀!

可以停係正門口嗎? 其實果度係咪屬於私家路?

作者: lorrainenfai 時間: 10-7-4 19:28

hello各位媽咪︰

mimosa,fungyee,janpcy,catfishhome..我個女都係石山第一志願...

我都有選普通話12/7面試,各位多多指教..

[ 本帖最後由 lorrainenfai 於 10-7-4 19:29 編輯 ]

作者: JANPCY 時間: 10-7-5 12:57

hi, 越黎越多媽咪報到啦, 真高興 ! 日後多多指教呀 !!

我無幫囝囝報普教中, 因為我自己既普通話都係 "勉強過得去", 囝囝就"也也wo", 我諗就算e + 唔選擇普教中, 遲d 總有機會學校會教普通話... 一切順其自然.

我住荃灣區, 我打算自己帶囝囝返學, 放學搭校車由公公接 (因為唔想公公搭車咁頻樸)。

作者: JANPCY 時間: 10-7-5 14:16

係呢 ~ 我係在職媽媽黎架. 你地呢?

作者: catfishhome 時間: 10-7-6 00:03

我係一個在職媽媽，之不過好多人初初識我一係就估我無做野，一係就諗到傻都估唔到我份工，因為我係每一晚都係人地訓哂教教豬先返工，通常個個返工返學我就放工訓教

亦都因為咁樣樣，我就可以自己湊返公子。

作者: mimosa 時間: 10-7-6 10:40

原帖由 catfishhome 於 10-7-6 00:03 發表
我係一個在職媽媽，之不過好多人初初識我一係就估我無做野，一係就諗到傻都估唔到我份工，因為我係每一晚都係人地訓哂教教豬先返工，通常個個返工返學我就放工訓教亦都因為咁樣樣，我就可以自己湊返公子。 ...

我都係在職媽咪呀

Catfishhome, 你份咩工 ?? 會唔會好辛苦呀 ?? 日夜顛倒.........

作者: fungyee 時間: 10-7-6 11:25

Hi all moms

我都係在職媽咪呀..

Catfishhome, 係囉, 日夜顛倒咪好辛苦, 咁親子時間相對亦少左囉?

作者: catfishhome 時間: 10-7-7 00:39

我係一個邊青社工，唔~講真而家就真係唔辛苦啦，夜晚多數係7點返工，第日收7點，一個月有3個星期都係咁，收工同仔返學，再接佢放學，送佢去補習，再返工，重有一個星期就由我老公湊佢返學，放學我接再送佢補習之後接返佢，食晚飯同埋陪佢訓到12點幾我老公收工我就返工，星期6日就慘dd，我一早收工佢訓到8點幾起身，咁我就無我訓啦，第日佢返小學就知死，一假期比而家幼兒園多左，2功課又多左，重有就係會多左好多親子家課...

不過我都唔介意嘅，而家都好過佢細過未入學個陣，初初就帶埋佢返工，到左佢6個月識行佢都唔肯係我返工個中心訓係房等我，我個陣想唔做份工，不過我個陣有個個案嘅家長拍心口同我湊佢，咁我返工就送上佢屋企，但係到左佢就黎2歲ee都頂唔住啦，因為佢成日都搞破壞人地屋企，又好彩樓下救世軍幼兒園收佢，咁又比我做做到而家啦。

而家佢幼兒園搞小一適應班，我都同人一樣學緊做小一媽媽，要求佢自己收拾書包同自己洗頭沖涼等等，希望佢係開心愉快環境下去過渡小一生活啦。

作者: fungyee 時間: 10-7-7 10:10

原帖由 catfishhome 於 10-7-7 00:39 發表
我係一個邊青社工，唔~講真而家就真係唔辛苦啦，夜晚多數係7點返工，第日收7點，一個月有3個星期都係咁，收工同仔返學，再接佢放學，送佢去補習，再返工，重有一個星期就由我老公湊佢返學，放學我接再送佢補習之後接返佢，食晚飯同埋陪佢訓 ...

catfishome,
咁你咪無乜時間訓覺, 好辛苦喎...同個仔或老公相處時間又少, 不過你份工好偉大呀...可以幫到班邊青....

作者: mimosa 時間: 10-7-7 10:49

原帖由 catfishhome 於 10-7-7 00:39 發表
我係一個邊青社工，唔~講真而家就真係唔辛苦啦，夜晚多數係7點返工，第日收7點，一個月有3個星期都係咁，收工同仔返學，再接佢放學，送佢去補習，再返工，重有一個星期就由我老公湊佢返學，放學我接再送佢補習之後接返佢，食晚飯同埋陪佢訓 ...

好偉大既一份工作呀..........

作者: branma 時間: 10-7-8 15:04

原帖由 catfishhome 於 10-7-7 00:39 發表
我係一個邊青社工，唔~講真而家就真係唔辛苦啦，夜晚多數係7點返工，第日收7點，一個月有3個星期都係咁，收工同仔返學，再接佢放學，送佢去補習，再返工，重有一個星期就由我老公湊佢返學，放學我接再送佢補習之後接返佢，食晚飯同埋陪佢訓 ...

石小d小朋友基本上個個都好開心、學校在課程和活動上都編排得好好、而且亦没分精英班、讀書壓力不太大、我仔仔今年升小四了、仍然很喜歡石小、

[ 本帖最後由 branma 於 10-7-10 12:24 編輯 ]

作者: fungyee 時間: 10-7-9 10:06

原帖由 branma 於 10-7-8 15:04 發表

石小d小朋友基本上個個都好開心、學校在課程和活動上都編排得好好、而且亦没分精英班、讀書壓力不太大、我仔仔今年升小四了、仍然很喜歡石小、
可能我仔仔將會認識你的小朋友、因小兒放學後坐校車到外婆家、正好是 ...

無壓力就好喇, 我只想佢開開心心返學, 享受一個愉快既學習歷程...
聽聞近來既功課比往年多左, 係咪呢?

作者: branma 時間: 10-7-9 17:08

原帖由 fungyee 於 10-7-9 10:06 發表

無壓力就好喇, 我只想佢開開心心返學, 享受一個愉快既學習歷程...
聽聞近來既功課比往年多左, 係咪呢?

功課一直以來都是差不多、毎科一至兩様、（中英數常）有些在學校已完成、回家做的只有少量、另外中和英教科書多左就真、其實係好事、程度深ｄ、小朋友都醒目ｄ啦

作者: mattwoo 時間: 10-7-9 19:21

本帖最後由 mattwoo 於 15-9-8 23:14 編輯

亞囝報到, 請多多指教.

作者: catfishhome 時間: 10-7-9 22:00

咁多位多口問句，請問有無人係住大窩口又讀石小呢，因為我買書個日好似唔見有我個仔幼兒園同學入到呢間，但係之前聽老師講之前好多人都想入。

作者: catfishhome 時間: 10-7-12 13:57

今日去見完個普教中面試，唉~~我真係無用law，無啦啦會痛痌都有，好彩我去完之後都未到者，不過我估都係唔得多，因為老師同我講，普通話同廣東話教都唔係大問題，只要平時睇多d書，咁樣對寫作會好大幫助，同埋佢問左我屋企有無人同小朋友講普通話，我話無架，重有就係我個仔..哈哈....真係唔係好識，重加埋緊張，平時佢識個d都唔識，笑住咁話唔明人地講乜野......唔~凍過水law，不過當比佢一個經驗啦，如果小朋友係一定要有咁上下水平先入到，我唔想勉強佢入，我估老師都有佢地一套去教嘅。

作者: mimosa 時間: 10-7-12 14:49

原帖由 catfishhome 於 10-7-12 13:57 發表
今日去見完個普教中面試，唉~~我真係無用law，無啦啦會痛痌都有，好彩我去完之後都未到者，不過我估都係唔得多，因為老師同我講，普通話同廣東話教都唔係大問題，只要平時睇多d書，咁樣對寫作會好大幫助，同埋佢問左我屋企有無人同小朋 ...

Hello,

今朝我同囡囡去完面試, 我估佢應該仲未可以入讀普教班

老師問佢多大, 佢唔明, 要老師再問你幾歲, 佢先識答, 仲有老師問佢住邊, 佢又唔出聲, 要老師再問你家在那裡, 佢答廣東話, 唉

你都講得岩, 如果勉強入讀都會好辛苦, 我情願等佢好D情程度先再投考.

係呀, 你有無幫你仔仔報讀石小自己搞既國語拼音班呀 ???

作者: catfishhome 時間: 10-7-28 23:49

咁又無wo，第一佢而家係出面都學緊，第二8月16佢學校有結業禮呀

作者: mimosa 時間: 10-8-3 15:51

原帖由 catfishhome 於 10-7-28 23:49 發表
咁又無wo，第一佢而家係出面都學緊，第二8月16佢學校有結業禮呀

8/16結業禮咩......我真係唔多清楚

上網睇過, 佢地升中派位好似好理想呀...........

作者: ichome2002 時間: 10-8-5 12:50

有小一分班名單啦 ...

作者: fungyee 時間: 10-8-5 20:02

原帖由 ichome2002 於 10-8-5 12:50 發表
有小一分班名單啦 ...

我個仔編左1C, 你地呢?

作者: catfishhome 時間: 10-8-5 22:40

我公子分到1a呀

作者: yammie706 時間: 10-8-6 05:27

我個女都係1A

原帖由 catfishhome 於 10-8-5 22:40 發表
我公子分到1a呀

作者: mimosa 時間: 10-8-6 16:37

Hi Catfishhome & Yammie706,

我個女都係1A班呀

作者: nicolelam 時間: 10-8-6 19:41

你哋好呀？請問你哋知唔知道普教班是哪兩班呀？我嗰女分到去1D呀

作者: fungyee 時間: 10-8-6 21:16

原帖由 nicolelam 於 10-8-6 19:41 發表
你哋好呀？請問你哋知唔知道普教班是哪兩班呀？我嗰女分到去1D呀

普教班係1D & 1E...

作者: yammie706 時間: 10-8-7 07:53

有冇人報咗16號的普通話?

作者: catfishhome 時間: 10-8-7 23:30

Yammie706,mimosa
請問你地住邊頭呀，我住大窩口架，因為聽講話小一好多時都會搞出好多笑話，小嘅就唔見野，大嘅就會放左學先話唔記得帶功課，所以我搵定街"方"先，hehe

作者: yammie706 時間: 10-8-8 09:36 標題: 回覆 1# catfishhome 的文章

我係住葵涌村,一D都唔近,要坐校車,都好驚一早起身唔慣

我呢區交通好衰, 冇車直接去到,我每次都係坐的士

作者: mimosa 時間: 10-8-9 10:22

我個女報左8/16國語拼音班呀..........

我住海濱

作者: catfishhome 時間: 10-8-9 20:12

Yammie706
我無比佢坐校車呀，自己送佢返學咋，我有聽過有媽媽講話如果自己車返學可以比架車入一入學校，不過都唔知係唔係真。
mimosa
好近boo.....行過對面就返學，如果住個邊向住學校操場，真係可以一路晾衫一路睇住個女呀。

作者: mattwoo 時間: 10-8-10 10:41

本帖最後由 mattwoo 於 15-9-8 23:13 編輯

我亞囝編班 1E, 大家同窗可以 add 我 facebook.

作者: mimosa 時間: 10-8-10 14:42

原帖由 catfishhome 於 10-8-9 20:12 發表
mimosa
好近boo.....行過對面就返學，如果住個邊向住學校操場，真係可以一路晾衫一路睇住個女呀 ...

咁又誇左d...........

作者: mattwoo 時間: 10-8-11 15:28

本帖最後由 mattwoo 於 15-9-8 23:13 編輯

CCCC

作者: mimosa 時間: 10-8-12 16:12

原帖由 mattwoo 於 10-8-11 15:28 發表
小石已經編了班別, 但在其網頁內沒有提及那一班是 "普教中", 大家有沒有資料呢?

1D & 1E班是普教中呀.............

作者: fungyee 時間: 10-8-30 12:06

收拾好心情準備開學未呀?

其實我未...haha...

作者: mimosa 時間: 10-8-31 15:23

原帖由 fungyee 於 10-8-30 12:06 發表
收拾好心情準備開學未呀?

其實我未...haha...

聽日就正式開學啦............

有少少緊張, 不過亞女已經返左2個星期普通話拼音班, 我諗佢應該會無咁緊張呀................

作者: catfishhome 時間: 10-8-31 20:46

慘，聽日開學我而家已經好緊張啦，點算..........，有本牙牙語同另一本書我都唔見我有，打過返學校話無可以唔帶住，睇吓聽日返左點先...我要努力學習去適應我係一個小一生家長先得，大家....努力呀，一齊放鬆放鬆

作者: ichome2002 時間: 10-9-24 12:03

開左學成個月啦... 你地d小朋友習慣左小學生活未呀? 我家千金就成日扭計 ...

作者: yammie706 時間: 10-10-6 23:16

小朋友同(我)都算習慣了,每日6:30 起身,放學4:00返到屋企,(如果冇課外活動) 最遲9 點半瞓覺,起初都好辛苦,咁長時間,原來最辛苦都唔係咁,只係覺得自從上了小一之後小朋友每日放學後要面對成六七樣的功課....溫習(有時間的話),仲要記住學校的功課代號,好多時都唔清唔楚.學校又掟番個波俾家長,自己又唔寫清楚D喎!

呢個月開始默書,測驗,除左星期六日可以溫習之外,平時又咁多功課,小朋友想玩吓都幾難!

好大壓力囉! 仲慘過返工,返工都冇咁長時間呀! 聽人講以往都冇咁深!今年谷得犀利D

唔知各位家長有冇身同感受呢?而加只係小一,睇見張測驗範圍紙都驚,有D代號都唔明係邊本,見都未見過.

原帖由 ichome2002 於 10-9-24 12:03 發表
開左學成個月啦... 你地d小朋友習慣左小學生活未呀? 我家千金就成日扭計 ...

作者: fungyee 時間: 10-10-8 17:51

原帖由 yammie706 於 10-10-6 23:16 發表
小朋友同(我)都算習慣了,每日6:30 起身,放學4:00返到屋企,(如果冇課外活動) 最遲9 點半瞓覺,起初都好辛苦,咁長時間,原來最辛苦都唔係咁,只係覺得自從上了小一之後小朋友每日放學後要面對成六七樣的功課....溫習(有時 ...

yes..有同感...

日日都好似打仗咁, 做得功課黎都無咩時間溫書, 仲要中英一齊黎, 無辦法, 要是但犧牲一科, 中默仲未派, 唔知默成點, 英文spelling 1-10 識得5個, 都預左, 9:30要上床瞓覺, 唔想佢咁夜先瞓, 無精神第二日返學仲幣...
今日呀仔同我講唔好意思, 有幾個唔識...我覺得佢地都好大壓力...唉....

作者: mimosa 時間: 10-10-12 12:51

係呀, 我都覺得現時D小學生好慘, 想當年我地邊有咁多課外習作做呀...........
睇本家課冊都驚, 又細代碼又複雜, 唉.......做得功課黎, 又無時間溫書, 依家我個女一放學就去補習班社功課, 跟住沖涼食飯, 我放工返到屋企又再同佢跟多一次功課, 直踩到9:30PM先上床訓, 做媽咪都覺得心痛, 但無辦法....

作者: ichome2002 時間: 10-10-13 10:35

你地讀邊班呀... 唔知係唔係同班呢... 多d上黎分享啦... 有時同佢做功課都好緊張, 因為都比我想像中多, 每天最少用一個鐘去完成, 中文自學本功課都好花時間, 要自己教亞女查字典... 數學又日日都做幾版, 初初亞女都好辛苦, 因佢數比較差, 而家做做下已經慣左, 最慘係晚上要上興趣班的日子就更緊張 .. 唔想放棄唔學 ... 又要練琴 ... 而家又要sport act ... 日日半小時運動 ... 都冇時間溫習啦 .. 而家呢排進評 ... 真係考亞女天才啦 ... 上堂學左幾多就幾多 ...

作者: yammie706 時間: 10-10-15 18:02

每天放學後,沖完涼,食個包,我個女都瞓一陣架,因為太倦了,試過一路做功課一路嗑眼瞓

,瞓一陣再做功課個人都清醒D,就係因為瞓咗覺,食完飯就好似打扙咁!要在9:30 前完成所有功課囉!

呢個星期有2 日捱病咗冇返,

D功課就變咗第2 日一次過做晒2 日的功課,都有十幾樣,勁辛苦囉!

原本想帶亞女出去玩吓!但睇見今日本手冊都要取消了,星期一要默英文生字,數學測驗,星期二到中文小測,我自己都覺得好辛苦,雖然我係全職主婦.

除咗星期六日可以溫書外,平日咁多功課跟本唔俾時間D小朋友溫書啦!:;pppp: 星期六仲要學琴,平時想練吓都冇時間,

好在今天派番英文試卷有八十幾分,都好安慰!

作者: mimosa 時間: 10-10-21 16:52

下星期三至五要大測啦.........好緊張呀...........

作者: ichome2002 時間: 10-10-22 15:14

亞女就唔識驚, 不過亞媽就好緊張, 拿唔到100都要合格 ... 呢幾次小測成績都係普普通通, 數學仲好... 好彩明日唔使課外活動, 乘機留係屋企溫習 ...

作者: fungyee 時間: 10-10-23 08:54

原帖由 mimosa 於 10-10-21 16:52 發表
下星期三至五要大測啦.........好緊張呀...........

yes...me too....
但仲未溫書囉...

作者: ichome2002 時間: 10-10-25 15:24

亞女say no 唔溫woo ... 唔知今次成績入唔入成績表呢 ... ??

歡迎光臨教育王國 (/)