教育王國

標題: 家長點解鐘意揾上門鋼琴老師？請教。 [打印本頁]

作者: 音樂人長老 時間: 10-8-12 19:52 標題: 家長點解鐘意揾上門鋼琴老師？請教。

係咪小朋友一個接一個course咁上，所以老師們上門教可以節省交通時間？我發覺大部份打嚟問教琴都想揾上門

。

作者: CoolWong 時間: 10-8-12 21:43

問得呢個問題，我估你多數唔係家長黎啦........

你未感受到接送仔女有幾辛苦,
另外又花時間，上一個鐘頭，搭車來回可能要1.5至2個鐘頭。
另外，成日話小朋友學野辛苦，其中交通時間都係因素之一。

昨日新聞個小朋友(甚麼仁龍拳)學13個活動，如果每個交通時間1.5個鐘...，死得！

作者: Charlotte_mom 時間: 10-8-12 22:37

係呀, 一來一回無左好多時間, 日日都咁多功課做, 時間就是金錢

坐o係屋企等可以戰鬥到老師按門鐘果下

, 又唸少好多接送問題(尢其屋企有2個小朋友)

原帖由 CoolWong 於 10-8-12 09:43 PM 發表
問得呢個問題，我估你多數唔係家長黎啦........

你未感受到接送仔女有幾辛苦,
另外又花時間，上一個鐘頭，搭車來回可能要1.5至2個鐘頭。
另外，成日話小朋友學野辛苦，其中交通時間都係因素之一。

昨日新聞個小朋友(甚麼仁龍 ...

作者: 音樂人長老 時間: 10-8-12 23:32

原帖由 CoolWong 於 10-8-12 21:43 發表
問得呢個問題，我估你多數唔係家長黎啦........

你未感受到接送仔女有幾辛苦,
另外又花時間，上一個鐘頭，搭車來回可能要1.5至2個鐘頭。
另外，成日話小朋友學野辛苦，其中交通時間都係因素之一。

昨日新聞個小朋友(甚麼仁龍 ...

完全正確，我無小朋友。唔止學生，連我姪仔咩嘢都係喺屋企學(除咗溜冰，屋企無得溜)，搞到我幫佢補音樂都要上佢屋企，我諗住遲啲安排佢去我琴室度教，唔想佢將來做電車男，佢出一陣街就話要返屋企。

咩而家啲小朋友要學13樣嘢咁多？養一個小朋友咪唔止400萬囉

。

作者: katherinelam825 時間: 10-8-12 23:48

原帖由 音樂人長老 於 10-8-12 23:32 發表

完全正確，我無小朋友。唔止學生，連我姪仔咩嘢都係喺屋企學(除咗溜冰，屋企無得溜)，搞到我幫佢補音樂都要上佢屋企，我諗住遲啲安排佢去我琴室度教，唔想佢將來做電車男，佢出一陣街就話要返屋企。

咩而家啲小朋友要學13樣嘢 ...

唔好話佢地, 有得選擇我都會想老師上我屋企啦

佢地個個離我屋企唔近, 仲有你知d多學生ge老師經常遲到or要我地等學一次琴"sai" 2個鐘搭車,跟住等, 跟住學, 已經無左一晝時間喇

最長我等過佢地成個鐘

好在依加屋企樓下就有大師級人馬客串

作者: 音樂人長老 時間: 10-8-13 00:00

原帖由 katherinelam825 於 10-8-12 23:48 發表

唔好話佢地, 有得選擇我都會想老師上我屋企啦

佢地個個離我屋企唔近, 仲有你知d多學生ge老師經常遲到or要我地等學一次琴"sai" 2個鐘搭車,跟住等, 跟住學, 已經無左一晝時間喇

最長我等過佢地成個鐘

好 ...

吓，咪好似睇專科醫生咁，一定係好出名老師，只有你求佢教，唔係一早就走咗啦。

其實而家好多屋苑會所都有琴室，點解唔請啲音樂老師返嚟教，又方便，學費可以平啲。

作者: 音樂人長老 時間: 10-8-13 00:11

我想補充，我姪仔明年小六，但佢好似古時啲女仔咁，三步不出閨門，行兩行就話熱唔想行，返屋企就最開心，我唔想佢好似我朋友嗰外甥，成20歲人，連飯盒都要七十幾歲公公落街買俾佢食。

作者: katherinelam825 時間: 10-8-13 00:28

原帖由 音樂人長老 於 10-8-13 00:00 發表

吓，咪好似睇專科醫生咁，一定係好出名老師，只有你求佢教，唔係一早就走咗啦。

其實而家好多屋苑會所都有琴室，點解唔請啲音樂老師返嚟教，又方便，學費可以平啲。 ...

可能我自己對要求高d。低grade 既時候已經識話老師唔識教琴, 彈琴彈得唔好, 唔知教唔教到我野...而且你知演奏級好難搵到老師教得好, ....所以我一定唔會跟到普通quali老師學琴

學費方面, 我依加個老師真係唔貴喇。

[ 本帖最後由 katherinelam825 於 10-8-13 00:40 編輯 ]

作者: miss321 時間: 10-8-13 00:52

其實市面上肯做上門的老師通常都係普通果隻，經驗唔多+資歷較低。如果有Quali的老師，音樂專業同經驗豐富，真係唔多上門教啦~

原帖由 katherinelam825 於 10-8-13 00:28 發表

可能我自己對要求高d。低grade 既時候已經識話老師唔識教琴, 彈琴彈得唔好, 唔知教唔教到我野...而且你知演奏級好難搵到老師教得好, ....所以我一定唔會跟到普通quali老師學琴

學費方面, 我依加個老師真係唔貴喇 ...

作者: 音樂人長老 時間: 10-8-13 08:30

無錯，資歷好通常唔平，上門要計double，同埋唔係個個學生都收，因為考専業資格唔易，唔想做壞個名，同埋心理上都唔鐘意上門教。

作者: CrabPincers 時間: 10-8-13 09:40

原帖由 miss321 於 10-8-13 00:52 發表
其實市面上肯做上門的老師通常都係普通果隻，經驗唔多+資歷較低。如果有Quali的老師，音樂專業同經驗豐富，真係唔多上門教啦~

呵, 同我諗法一樣
但我吾係老師, 我係家長
我成日覺得, 係琴行(通x, 柏x)教果d 都係考完8級, 未有演奏級, 或者係無乜經驗, 無乜客仔既妹妹仔(2x歲)

而有經驗又有料既老師, 又點會肯side 時間, 黎上門教先得架............所以我從未諗過搵老師上門教wor

再講, 去老師studio 彈下吾同的琴, 都好過彈c 自己部琴先law

我都好怕自己個女side 時間係交通上邊, 所以佢d課外活動, 全部係屋企15分鐘內的路程一定去到(行路)

有兩個小朋友既, 更加吾會搵老師上門教琴

老師上到黎, 家姐學緊琴, 甘個細佬點做功課? 除非個琴係放係房, 而隔音設備又好好啦.............

可能好多家長吾岩聽.............

作者: Charlotte_mom 時間: 10-8-13 10:21

呢樣我都知.........點解而家我女個老師會肯上門, 都係因為佢小提琴老師o係我屋企隔離, 佢至會順便肯上黎教(另外仲有d歷史問題啦, 所以我女係所有學生之中唯一一個有上門"服務"的)
所以咪變左成日都係我就佢時間lor

, 我都有d打算過埋考試季節, 同佢講不如我過去, 但fix死一個時間, 唔好改黎改去

原帖由 miss321 於 10-8-13 12:52 AM 發表
其實市面上肯做上門的老師通常都係普通果隻，經驗唔多+資歷較低。如果有Quali的老師，音樂專業同經驗豐富，真係唔多上門教啦~

作者: katherinelam825 時間: 10-8-13 11:01

學左咁耐點會唔知丫, 所以我都一定唔會諗呢個問題

作者: 音樂人長老 時間: 10-8-13 12:04

原帖由 CrabPincers 於 10-8-13 09:40 發表

呵, 同我諗法一樣
但我吾係老師, 我係家長
我成日覺得, 係琴行(通x, 柏x)教果d 都係考完8級, 未有演奏級, 或者係無乜經驗, 無乜客仔既妹妹仔(2x歲)

而有經驗又有料既老師, 又點會肯side 時間, 黎上門教先得架.... ...

我叫得自己做長老，資歷都唔算低，不過我唔好意思講邊一年考完専業資格，唔係妳會估到我年紀，嘻嘻

。

我講番句公道話，我有喺妳所講其中一間琴行兼職，新請琴老師好少只有8級程度(其它樂器可能有)，最少都有ATCL或者讀緊音樂系學生(不過我N年前讀時邊有時間做兼職，練琴同幫人伴奏都用哂啲時間)，佢哋流動性高，加上琴行會將時間填到有咁密得咁密，去厠所+食飯可以少過30分鐘，試問邊有心機教。

一直有人問我上唔上門教，我都推咗，雖然香港交通方便，但我年紀有咁上下又怕熱，撘得車來來回回人都暈，仲邊有精神教，除非好似另一位家長講學生住喺我隔離或同一個屋苑先會考慮。我都係嗰句如果唔啱聽請原諒。

作者: miss321 時間: 10-8-13 12:24

Yes. 做家長都話小朋友交通徙時間同累, 如果老師一日走幾轉，一樣徙時間同非常累，我自己寧願留返D精神教好學生。

Charlottemum: 老師肯上黎真係幾好彩~ 其實小朋友去老師studio學係會認真同上心d!

原帖由 音樂人長老 於 10-8-13 12:04 發表

我叫得自己做長老，資歷都唔算低，不過我唔好意思講邊一年考完専業資格，唔係妳會估到我年紀，嘻嘻。

我講番句公道話，我有喺妳所講其中一間琴行兼職，新請琴老師好少只有8級程度(其它樂器可能有)，最少都有ATCL或者讀 ...

作者: CrabPincers 時間: 10-8-13 14:28

原帖由 音樂人長老 於 10-8-13 12:04 發表

我叫得自己做長老，資歷都唔算低，不過我唔好意思講邊一年考完専業資格，唔係妳會估到我年紀，嘻嘻。

我講番句公道話，我有喺妳所講其中一間琴行兼職，新請琴老師好少只有8級程度(其它樂器可能有)，最少都有ATCL或者讀 ...

呵, 呢個只係我既看法者, 可能我細細個學琴時, d 未考晒試既都去琴行教人, 所以我一直的印象都係考完8級就去琴行教人啦

甘當然就一定有其他更高程度的老師去教既, 只不過, 我自己的偏見, 就吾鍾意比仔女去琴行學琴啦

你年紀..............我諗吾知有無我以前既琴老師甘大年紀呢? wahaaaaa 2x年前, 佢應該都起碼有6x 歲........

作者: 音樂人長老 時間: 10-8-13 17:47

原帖由 CrabPincers 於 10-8-13 14:28 發表

呵, 呢個只係我既看法者, 可能我細細個學琴時, d 未考晒試既都去琴行教人, 所以我一直的印象都係考完8級就去琴行教人啦

甘當然就一定有其他更高程度的老師去教既, 只不過, 我自己的偏見, 就吾鍾意比仔女去琴行學 ...

妳絕對唔係偏見，只不過學琴模式改變咗，以前邊有咁多琴行，而家就梗有一間喺左近。有個歌星話學3年就考到8級，天呀

，啲8級幾唔值錢，所以琴行先要請8級以上。

至於我年紀嗎？妳以前位老師可以生得出我囉。我係比較早考完哂啲專業試，嘻嘻

。

作者: wbmom 時間: 10-8-14 09:31

音樂人長老：

想問下你意見，我準備轉琴老師，今次我想找老師上門，但怎樣才知哪個老師好呢？我的朋友介紹，有兩個老師，都係教緊佢地的仔女，兩個都贊不絕口，但價錢差成一陪，點解會噤呢？兩個小朋友考級試都考得唔錯。我可以問那兩個老師甚麼問題去決定呢?

原帖由 音樂人長老 於 10-8-13 17:47 發表

妳絕對唔係偏見，只不過學琴模式改變咗，以前邊有咁多琴行，而家就梗有一間喺左近。有個歌星話學3年就考到8級，天呀，啲8級幾唔值錢，所以琴行先要請8級以上。

至於我年紀嗎？妳以前位老師可以生得出我囉。我係比較早 ...

作者: 音樂人長老 時間: 10-8-14 19:11

原帖由 wbmom 於 10-8-14 09:31 發表
音樂人長老：

想問下你意見，我準備轉琴老師，今次我想找老師上門，但怎樣才知哪個老師好呢？我的朋友介紹，有兩個老師，都係教緊佢地的仔女，兩個都贊不絕口，但價錢差成一陪，點解會噤呢？兩個小朋友考級試都考得唔錯。我可以問那兩個老 ...

多謝妳睇得起我，希望其它人都幫手俾啲意見。我個人意見 - 有時唔係問幾個問題可以知道老師好唔好，好似公司請人見30分鐘都有可能請錯人。

妳問下兩位老師可唔可以試堂先(當然唔好話俾佢哋聽二選一，有啲老師唔鐘意)，從中再觀察夾唔夾妳個小朋友，但就唔好只係聽小朋友講學得開唔開心，我有個朋友仔仔鍾意而家位琴老師，係因為佢會投其所好，上堂同佢傾計多過教，明明無練過都話彈得幾好。妳可以請佢兩位教妳小朋友最後學個幾首歌(因為小朋友唔需要揾音，老師就可以教點樣彈好首歌)，比較下彈出來效果先下決定。

有啲老師一上門就要收double，收得貴唔代表一定好，收得平亦唔代表唔好。不過妳都要睇下自己budget，因為長時間學要使唔少錢呢。

作者: 音樂人長老 時間: 10-8-14 19:19

我有個問題想請教各位家長，先多謝大家幫忙。

我見到有家長徵求上門琴老師但無人PM佢哋，咁跟住會點，係唔學抑或退而求次上老師度學呢？

作者: CrabPincers 時間: 10-8-14 20:13

原帖由 音樂人長老 於 10-8-13 17:47 發表

妳絕對唔係偏見，只不過學琴模式改變咗，以前邊有咁多琴行，而家就梗有一間喺左近。有個歌星話學3年就考到8級，天呀，啲8級幾唔值錢，所以琴行先要請8級以上。

至於我年紀嗎？妳以前位老師可以生得出我囉。我係比較早 ...

佢係20幾年前60幾歲WOR, 依家, 如果還在生的話, 我估8X啦卦.............

我無學琴都2X 年啦.......................

作者: 音樂人長老 時間: 10-8-14 20:32

原帖由 CrabPincers 於 10-8-14 20:13 發表

佢係20幾年前60幾歲WOR, 依家, 如果還在生的話, 我估8X啦卦.............

我無學琴都2X 年啦.......................

Sorry，搞錯咗:loveliness: ，應該係做得我阿爺。我都係2X年前考完啲試

。

作者: pianomusicroom 時間: 10-8-14 21:58

如果小朋友年紀小，家長通常要求老師上門教

當然屋企要有鋼琴

因為小朋友年紀小，不方便來來回回搭車

作者: 音樂人長老 時間: 10-8-14 23:53

會唔會真係揾唔到啱上門琴老師呢？我指係價錢同資歷等，咁會唔會喺屋企附近啲琴行學住先等揾到啱為止？我見到唔少徵求老師都係無人PM俾家長。

[ 本帖最後由音樂人長老於 10-8-14 23:55 編輯 ]

作者: katherinelam825 時間: 10-8-15 00:06

隨左試堂之外, 有d人會問下個老師一d 深澳少少or 唔關鋼琴事既問題可以知個老師對音樂認識係點。真係想出題目考老師的話, 另外個thread "學琴問題" 有好多, (我認真架

)

原帖由 音樂人長老 於 10-8-14 19:11 發表

多謝妳睇得起我，希望其它人都幫手俾啲意見。我個人意見 - 有時唔係問幾個問題可以知道老師好唔好，好似公司請人見30分鐘都有可能請錯人。

妳問下兩位老師可唔可以試堂先(當然唔好話俾佢哋聽二選一，有啲老師唔鐘意)，從 ...

作者: 音樂人長老 時間: 10-8-15 08:40

原帖由 katherinelam825 於 10-8-15 00:06 發表
隨左試堂之外, 有d人會問下個老師一d 深澳少少or 唔關鋼琴事既問題可以知個老師對音樂認識係點。真係想出題目考老師的話, 另外個thread "學琴問題" 有好多, (我認真架 )

...

拜託

，唔好誤人子弟喎，好易會走火入魔。

作者: katherinelam825 時間: 10-8-15 14:06

原帖由 音樂人長老 於 10-8-15 08:40 發表

拜託，唔好誤人子弟喎，好易會走火入魔。

攞黎考下個老師je

作者: Charlotte_mom 時間: 10-8-15 21:12

傻啦, d老師直接pm俾家長, 你唔知姐(bk都不知幾多人搵緊食呀)
唔駛下下都留個post "please check pm"既

講開搵老師, 我算好彩, 呢個係盲中中, 中上琴行搵返黎的(當時佢初"誇區"教所以要去琴行搵學生)
之前試過一個, 果時仲白痴, 去惠康睇街招(唸返起都覺得超低能), 叫返屋企試, 講明係由零開始咩都未試過, 老師第一堂黎, 拎左本初學做exercise既書, 話買左$50陣間收返, 已經心唸"下, 都話完全未學過想試一堂睇下點, 你就買書黎?" 算啦, 一路學, 無咩特別啦, 去到落堂, 老師話"今日試多左10分鐘, 不過今次我唔收你啦"
嘩...........老師, 我無捉住唔俾你落堂wor, 我唔介意你"均真"到set alarm, 但你自己stay多左10分鐘然後話"今次唔同我計"..........
我同老公都覺得, 咁點樣長遠合作落去呀, 算把啦

原帖由 音樂人長老 於 10-8-14 11:53 PM 發表
會唔會真係揾唔到啱上門琴老師呢？我指係價錢同資歷等，咁會唔會喺屋企附近啲琴行學住先等揾到啱為止？我見到唔少徵求老師都係無人PM俾家長。 ...

作者: 音樂人長老 時間: 10-8-15 22:01

啊，所以有家長問我點樣揀上門琴老師，我都奇怪有咁多俾佢揀咩！啲家長唔識咪好容易俾呢啲揾食老師呃囉，就算試一堂唔揾佢，都要俾嗰堂錢同埋買書錢，每個月十幾個試堂都唔錯喎(我見到有個老師全香港都肯去，原來諗住賺試堂錢都夠)，我真係蠢，呢啲揾食招都唔識。

睇嚟我都要搞個工作坊，教啲家長點樣唔會俾人呃，唔好好似嗰位旅遊界阿珍，令行業蒙羞

。

[ 本帖最後由音樂人長老於 10-8-15 22:10 編輯 ]

作者: Charlotte_mom 時間: 10-8-15 22:59

咁我個"初體驗老師"都無呃我地既, 我地只係覺得佢老土左d lor

原帖由 音樂人長老 於 10-8-15 10:01 PM 發表
啊，所以有家長問我點樣揀上門琴老師，我都奇怪有咁多俾佢揀咩！啲家長唔識咪好容易俾呢啲揾食老師呃囉，就算試一堂唔揾佢，都要俾嗰堂錢同埋買書錢，每個月十幾個試堂都唔錯喎(我見到有個老師全香港都肯去，原來諗住賺試堂錢都 ...

作者: 曲曲 時間: 10-8-16 11:33

提示: 作者被禁止或刪除內容自動屏蔽

作者: katherinelam825 時間: 10-8-16 12:50

原帖由 Charlotte_mom 於 10-8-15 22:59 發表
咁我個"初體驗老師"都無呃我地既, 我地只係覺得佢老土左d lor

個老師幾大?? 好似我咁我會特別扮老d, 老土d, 對住佢地我會幾care 我既behavior

因為d人望我個樣加埋便服佢會覺得我form 6-7, 睇細我6-8年

。上年同今年都仲有人覺得我唔夠18歲, 希望出年可以有18-20歲啦

我唔想俾佢地感覺係玩玩下既姐姐

[ 本帖最後由 katherinelam825 於 10-8-16 13:08 編輯 ]

作者: Charlotte_mom 時間: 10-8-16 15:29

我女個琴老師又係WOR! 成個漫畫美少女咁, 但其實全職教琴好多年 (我女都學左6年啦)
佢話D家長都鐘意搵D"老成持重D", 佢就明知其他琴行老師咩料, 但家長鐘意個老師個LOOK, 佢都無辦法

原帖由 katherinelam825 於 10-8-16 12:50 PM 發表

個老師幾大?? 好似我咁我會特別扮老d, 老土d, 對住佢地我會幾care 我既behavior

因為d人望我個樣加埋便服佢會覺得我form 6-7, 睇細我6-8年。上年同今年都仲有人覺得我唔夠18歲, 希望出年可以有18-20歲啦:q ...

作者: ling2003 時間: 10-8-16 16:08

各位教琴老師,我打算比小囡學琴,但家中沒有琴,要到琴行租琴練習,想問問你們如果初學每個月要練習多少小時?因為除了budget問題外,還要安排人手帶小囡去琴行練習呀.

作者: katherinelam825 時間: 10-8-16 18:06

原帖由 Charlotte_mom 於 10-8-16 15:29 發表
我女個琴老師又係WOR! 成個漫畫美少女咁, 但其實全職教琴好多年 (我女都學左6年啦)
佢話D家長都鐘意搵D"老成持重D", 佢就明知其他琴行老師咩料, 但家長鐘意個老師個LOOK, 佢都無辦法

...

係呀, 見你個樣咁o靚會以為你個人好易話為, 恰你, 有d第一個印象可能會覺得你都唔知識唔識教...對住個好既家長就話無所謂je , 你知以貌取人既人周街都係

覺得佢老土算好, 有d老師仲要做到好嚴肅, 一d笑都唔講, 大你幾年就會俾你覺得好似你uncle auntie 咁

[ 本帖最後由 katherinelam825 於 10-8-16 18:11 編輯 ]

作者: miss321 時間: 10-8-16 18:13

做老師呢行，老土D同老成係好，太"靚"妹家長冇咩信心，而家好多以貌取人架啦~

作者: 音樂人長老 時間: 10-8-17 00:07

原帖由 katherinelam825 於 10-8-16 12:50 發表

個老師幾大?? 好似我咁我會特別扮老d, 老土d, 對住佢地我會幾care 我既behavior

因為d人望我個樣加埋便服佢會覺得我form 6-7, 睇細我6-8年。上年同今年都仲有人覺得我唔夠18歲, 希望出年可以有18-20歲啦:q ...

妳就好啦，恨都恨唔到可以俾人話咁後生。

我個人睇法，小朋友最緊要個老師唔好迫佢練琴。家長就想揾啲守時有交帶，唔好教一陣就唔教。我見過琴行有個學小提琴家長喺度嘈，話個老師幫佢個仔報考試後無做，又唔話佢知要自己揾伴奏考試，家長最怕係呢啲。

作者: 音樂人長老 時間: 10-8-17 00:20

原帖由 ling2003 於 10-8-16 16:08 發表
各位教琴老師,我打算比小囡學琴,但家中沒有琴,要到琴行租琴練習,想問問你們如果初學每個月要練習多少小時?因為除了budget問題外,還要安排人手帶小囡去琴行練習呀. ...

琴行通常以30分鐘為一節，可以買練琴咭有折扣。如果屋苑會所有琴房仲好，平啲又乾淨啲，我間琴行只係早上有人清潔間房，如果你晚上練可以想像間房會點樣

。
我啲學生同家長和妳情形一樣，一星期最多只spare到30分鐘練琴，有紅色假至可以一星期兩次，而家啲小朋友好多嘢學，我哋做老師都好體諒，唔使担心。

作者: miss321 時間: 10-8-17 13:24

如果有學生一星期只可抽到３０分鐘練琴，我會同佢講不如唔好學，等佢抽到更多時間練琴先學。一來佢又徙錢，二來對老師來說是徙時間陪練琴的。

原帖由 音樂人長老 於 10-8-17 00:20 發表

琴行通常以30分鐘為一節，可以買練琴咭有折扣。如果屋苑會所有琴房仲好，平啲又乾淨啲，我間琴行只係早上有人清潔間房，如果你晚上練可以想像間房會點樣。
我啲學生同家長和妳情形一樣，一星期最多只spare到30分 ...

作者: 音樂人長老 時間: 10-8-17 14:20

初學小朋友喺琴房練30分鐘己經夠，因為技巧同樂理練習無琴都可以做，最重要練琴用方法啱就可以省時又彈得好，我諗嗰位家長情形可能係咁。

我N年前學琴時，屋企無錢買琴，同埋嗰時喺琴行學，租琴練都唔平，所以練得少又無名師指導，最後我喺音樂系都可以第一名畢業，我同期好多係喺香兒由細學音樂，跟啲出名老師，有啲一早知自己Perfect pitch，我就入到去先發覺自己有。所以我個人意見，唔係練幾多時間問題，有無擺個心去彈琴先重要，如果我講錯咗請多多包涵。

作者: miss321 時間: 10-8-17 18:14

初學30分鐘都可以接受, 但我指有些學生唔係初學都係30分鐘練習。長老，我地舊陣時學琴點同而家D細路...我地細個冇野玩，凈係學琴同練琴，而家D學生心散好多。認真練習每天15分鐘都好過谷埋一天練30分鐘。

原帖由 音樂人長老 於 10-8-17 14:20 發表
初學小朋友喺琴房練30分鐘己經夠，因為技巧同樂理練習無琴都可以做，最重要練琴用方法啱就可以省時又彈得好，我諗嗰位家長情形可能係咁。

我N年前學琴時，屋企無錢買琴，同埋嗰時喺琴行學，租琴練都唔平，所以練得少又無名 ...

作者: 音樂人長老 時間: 10-8-17 23:01

原帖由 miss321 於 10-8-17 18:14 發表
初學30分鐘都可以接受, 但我指有些學生唔係初學都係30分鐘練習。長老，我地舊陣時學琴點同而家D細路...我地細個冇野玩，凈係學琴同練琴，而家D學生心散好多。認真練習每天15分鐘都好過谷埋一天練30分鐘。

...

Sorry, 誤會咗妳意思，請原諒。

我剛好有個學生同問問題嗰位家長情況一樣，所以想同佢分享吓。我學生屋企無琴，家長返工時間長又無請工人姐姐，練琴要去會所，但要有大人陪同，佢哋要嗰日唔使開OT會所又未關門先可以練。有一星期父母兩個都病，帶唔到小朋友去練，佢阿媽一見到我即刻say sorry，小朋友自己都唔開心，我見到佢兩母女黑眼圈，我對佢哋付出好佩服，我希望嗰位家長唔好氣餒呀，同囡囡一齊努力。

歡迎光臨教育王國 (/)