教育王國

標題: 2010小一家長交流 [打印本頁]

作者: leocclee 時間: 10-8-20 14:37 標題: 2010小一家長交流

有沒有2010年的小一家長，可以大家入來交流一下。
因為我的小朋友是外校入，因此想認識一下大家，彼此交流分享一下。thanks

作者: little_hiway 時間: 10-8-20 23:49

HI,

你好~ 多多指教!!

我囡囡都係升 P.1,下星期返去睇編班, 睇下有無機會一班呀~

作者: leocclee 時間: 10-8-21 18:04 標題: 回復 2# little_hiway 的帖子

係呀﹗星期六有家長會，到時睇下邊班啦﹗你囡囡係吾係民幼上來，還是好似我個仔咁係「新人」呢﹖

作者: YINYIN009 時間: 10-8-27 17:59

你好,我仔仔都係升 P.1係「新人」多多指教!!

作者: little_hiway 時間: 10-8-27 21:30

HI 大家好~

我囡囡係由民幼上小學架, 你地小朋友會讀邊班呀? 我囡囡

係 P.1B~ 聽日家長會, 好快開學啦, 大家準備好未~

作者: YINYIN009 時間: 10-8-28 23:39

我仔仔係P.1F,多多指教

作者: WKW 時間: 10-8-29 14:42

小女P.1D, 請多多指教.

作者: oscar0517_mama 時間: 10-8-29 22:53

我仔仔都是P.1F的,nice to meet you.

作者: Annie926 時間: 10-8-30 09:46

大家好, 我仔仔都係「新人」, 讀1B, 多多指教!!

係呢, 1/9冇校車, 你哋會唔會自己送返學呀? 到時唔知會唔會見到大家呢!

作者: Hang'sMum 時間: 10-8-30 10:50

我女兒是 1A "新人", 請多多指教 !

作者: wsl05 時間: 10-8-30 16:03

原帖由 Hang'sMum 於 10-8-30 10:50 發表
我女兒是 1A "新人", 請多多指教 !

so many new person !!which kin does ur dau come from? My dau from ms

作者: little_hiway 時間: 10-8-31 01:48

HI Annie,

終於有個同班同學仔啦~ 唔知我個女女同你仔仔坐

得近唔近呢, 我女女坐第二行尾2呀

9月1號我都會自己湊小朋友返學, 以後多d上黎交流下,

我都好驚亞女矇下矇下.

歡迎其他班同學仔

作者: Annie926 時間: 10-8-31 09:35

little_hiway,

我個仔都係矇查查, 只係話自己坐到最後, 但就冇講坐邊行, 又話分咗小組, 都唔知真唔真!

好期待明天開學, 不過都有d擔心!!

作者: leocclee 時間: 10-8-31 19:54 標題: 回覆 7# WKW 的文章

Hello, WKW

My son is 1D too.
Nice to meet you.

作者: little_hiway 時間: 10-8-31 23:39

ANNIE,

係呀, 我女女都話係分左組, 佢係第5組, 仲有編左學號,

佢地既坐位係跟學號坐~

女女好彩有個k3既同學仔住係我個度, 依家仲要同班,

大家返學放學都有個伴, 因為要佢地自己行入課室, 有

個人陪好d~

作者: leocclee 時間: 10-9-2 13:11

各位家長好，

仔仔 1D 班，但係他沒有說分組及按學號坐，老師說任他們自己揀，並暫時表這位置坐。可能班班不同吧﹗

他隔離無同學仔，因為是外校生，因此他說其他小朋友已經有些好熟咁，有些擔心他不知會不會融入得到呢﹗還有吾知正式上堂會吾會辛苦呢﹖(因為我們住得遠，要6點幾起身)

大家不知道有無一些憂慮呢﹖還有沒有一些心得可以分享一下呢﹗

作者: Hang'sMum 時間: 10-9-2 15:22

leocclee

我女都是新生 1A , 同你的感受完全相同, 我們每天 5:45 am 便起床, 不但我個女辛苦, 我都未習慣呢 ! *0* 希望各媽咪都能多報料呢 !!!

第一日, 我個女話她入錯課室, 幸好見到同車的高班同學, 帶她返回班課, 今天不再盲"中" 中" 了 !!!

原帖由 leocclee 於 10-9-2 13:11 發表
各位家長好，

仔仔 1D 班，但係他沒有說分組及按學號坐，老師說任他們自己揀，並暫時表這位置坐。可能班班不同吧﹗

他隔離無同學仔，因為是外校生，因此他說其他小朋友已經有些好熟咁，有些擔心他不知會不會融入得到呢﹗還有吾知正式 ...

作者: little_hiway 時間: 10-9-2 19:33

hi all～

呢２日都自己湊女女返學，因為終於小一同幼稚園是

２個不同的世界，身為家長少不免也會擔心，幸好第

一天返學也很ｏｋ，但今日放學時佢地上校車既情況

都好混亂，以前幼稚園有校車既媬母到班房接佢地上

校車，但今天所見．．老師只負責帶小朋友到後門，

牆上面貼了一些車牌和司機叔叔既名，小朋友要自己

揀返邊架校車排隊，有些小朋友不知自己搭的校車是

係咩名咩車牌，好多小朋友都要企係度等ｄ媬母認領，

也頗為可憐，天氣又熱加上個大書包，如果落埋雨真

係唔知點算！所以我明天也會再到學校教女女怎樣上
校車～

leocclee　＆　ｈａｎｇ’ｓｍｕｍ，

嘩．．你地小朋友真係要好早起身，我女女６：４５

先起身，飲一杯奶就上校車，因為她不習慣咁早起身

食野，只好為她準備些ｃａｋｅ小息時食．民生功課

量不太多，我剛問了上一屆小一的朋友拎測驗試卷，

我都覺得对一個剛升上小一的小朋友有ｄ難度，滿

６板的測驗卷，真係寫慢ｄ都做唔切～個日聽完校

長講測驗同考試大概情況後，我都開始擔心女女會

應付不來～好多民小的同學仔也有請補習，但我不

會女女依賴人教導，缺乏自己思考，所以只為女女

報了些英文ｄｒａｍａ班，其他還未準備，但會

儘量先幫女女備課，希望對她有幫助～

我都是第一個小朋友上小學，都真係好擔心佢應付

唔黎～但又唔想比太大壓力佢．．．

所以

大家多ｄ上黎分享一下！

大家會唔會報學校既課外活動呢？

作者: Hang'sMum 時間: 10-9-3 10:06

little_hiway

多謝你的分享, 真的不知乘校車原來那麼亂 !!! 煩多報料 !!!

昨日亞女話校車沒來接她放學, 要老師call 校車叔叔 !!! 我都了解是初開學的亂, 日後我不會接受呢 !

至於課程, 我都好擔心, 大家一同努力吧!!

我給女兒參加了小女童軍, 其餘都無mud 可選 ! 你們又如何呢 ?

原帖由 little_hiway 於 10-9-2 19:33 發表
hi all～

呢２日都自己湊女女返學，因為終於小一同幼稚園是

２個不同的世界，身為家長少不免也會擔心，幸好第

一天返學也很ｏｋ，但今日放學時佢地上校車既情況

都好混亂，以前幼稚園有校車既媬母到班房接佢地上

校車，但今天所見．．老師 ...

[ 本帖最後由 Hang'sMum 於 10-9-3 10:09 編輯 ]

作者: Annie926 時間: 10-9-3 10:15

little_hiway,
謝謝報料, 原來佢哋放學情況係咁既, 今晚話俾呀仔聽, 等佢可以搵番架車排隊.

課外活動 - 應該會報星期六, 今晚返去再睇睇揀邊樣.

leocclee, hang'smum,
我都係新生, 起初都有少少擔心融入問題, 但相信小朋友們好快就可以一起玩!!

我同你哋一樣, 6時許起床, 6:50就要出門口喇, 真係好羡慕 little_hiway 呀!!

另外, 昨晚第一次執書包, 雖然返半日, 但都好重

, 你哋係咪書同作業都帶齊呀?

作者: little_hiway 時間: 10-9-3 14:28

Hang's Mum & Annie,

唔使客氣啦~我知有d媽咪要返工,唔好似我咁得閒

做跟得媽咪,希望大家也互相交流,令小朋友開心愉

快返學~

今日放學都好得人驚...因為今日落雨,加上3年級以

上既小學生都返全日啦,佢地食飯時間就係岩岩小朋

友放學既時間, 後門原來係放飯既地方,d小朋友落住

雨要落去拎飯,又餐車又多人,混亂情況大家可以想像

一下~

老師要待高年班的小朋友拎晒飯後, 先比一年級放學,

今日多了些老師幫手教小朋友排隊, 大多數的小朋友

都已經掛上校車既牌, 但有部份小朋友都仲係唔知自

己搭咩車, 有d就攪錯門口, 應該前門上車但就黎左後

門, 過多一兩天後情況應該會好d~

我只幫女女報左英語歌劇同埋合歌團, 其他就無報,

因為無時間~

亞女個書包都好重呀!!!我係全部書同作業都拎晒返

去, 都唔知佢要邊樣. 依家都未加埋功課簿,遲d仲

重~咩住個咁重既書包行上3樓, 都幾陰功!

今日女女有功課做啦, 同埋話數學課老師要佢地帶一

本簿返學校用~女女暫時都好享受返學, 希望她一路

keep住!

作者: leocclee 時間: 10-9-3 14:31

多謝大家踴躍的分享，講出了很多小一家長的感受，真是既驚且喜。
而家就擔心適應，先係返學放學，學校環境，同學仔。再來今日就正式上堂，
吾知會吾會太眼瞓呢﹖HAHA…. 遲D又開始有功課測驗，希望大家的仔仔女女
可以適應，大家一齊努力啊﹗

Hang'sMum：
你真係好早喎，你住得好遠咩﹖我住沙田，要6:50上車，而家九月想佢適應下，因此我同仔仔返學，可以遲20分鐘先出門口。真係好羨慕個D住得近的人啊﹗

little_hiway:
我發覺學校的課外活動不多，好多都要「選拔」，小一的就更少。我好想報中樂或管樂，但又未必會收，吾知可吾可以同時報兩個相同時間的呢﹖你地會點揀呀﹖

作者: Hang'sMum 時間: 10-9-3 15:12

LEOCCLEE

其實我條路去學校是不太遠的 (大約1/2 小時) , 但校車 6:40 就到, 我個女早上動作又比較慢些, 所以一個鐘前要起床 ! 好辛苦, 我諗冬天總辛苦 ! 如果安排得到, 我或考慮只乘一程校車回家吧 !

至於放學的混亂, 聽了之後都好擔心, 可否知道正門放學上車的安排又如何呢 ? 請告知 ! 多謝大家的報料 ! 返工的媽咪實在掛心得不了 !

LITTLE_HIWAY,

真好妳是全職媽咪, 煩多報料呢 !!!

Mud 飯盒袋又話有員工送上去的, 點解小朋友會落去拿 ???

原帖由 leocclee 於 10-9-3 14:31 發表
多謝大家踴躍的分享，講出了很多小一家長的感受，真是既驚且喜。
而家就擔心適應，先係返學放學，學校環境，同學仔。再來今日就正式上堂，
吾知會吾會太眼瞓呢﹖HAHA…. 遲D又開始有功課測驗，希望大家的仔仔女女
可以適應，大家一齊 ...

[ 本帖最後由 Hang'sMum 於 10-9-3 15:18 編輯 ]

作者: little_hiway 時間: 10-9-3 15:21

HI leocclee,

課外活動睇落好似好多,但可以比小一揀既就好少,

only對歌劇有興趣, 因為女女暑假都學左drama,

佢好鍾意, 所以聽日返學校試下遴選, 但我諗機會

都好微, 因為要唱一首musical同埋跳舞~

希望黎緊再多d民生家長上黎大家傾下分享下啦~

作者: little_hiway 時間: 10-9-3 15:29

Hang's Mum,

因為我仲有個細女係民幼讀緊k.2,所以開學初期都會

擔心, 就跟上跟落等佢地熟習下~ 我唔係咁清楚前面

上車情況, 睇下有無其他家長回應下!! 小一至小三係

有姨姨送飯上班房, 小四至小六就要自己去拎~

我依家自己06:30要起身都唔係好慣, 但女女反而ok,

佢精力無窮, 晏就都唔使瞓覺, 一路到夜晚 10:00一

上床就瞓著~

今日女女話我知上常識堂有同學仔比老師鬧到喊, 佢

話老師好惡好大聲, 佢都好驚

原帖由 Hang'sMum 於 10-9-3 15:12 發表
LEOCCLEE

其實我條路去學校是不太遠的 (大約1/2 小時) , 但校車 6:40 就到, 我個女早上動作又比較慢些, 所以一個鐘前要起床 ! 好辛苦, 我諗冬天總辛苦 ! 如果安排得到, 我或考慮只乘一程校車回家吧 !

至於放學的混 ...

作者: Hang'sMum 時間: 10-9-3 15:56

希望個老師唔好嚇怕個小朋友啦 !!!

幸好我個女每天都告訴我 : 今天好好呀 !!!

原帖由 little_hiway 於 10-9-3 15:29 發表
Hang's Mum,

因為我仲有個細女係民幼讀緊k.2,所以開學初期都會

擔心, 就跟上跟落等佢地熟習下~ 我唔係咁清楚前面

上車情況, 睇下有無其他家長回應下!! 小一至小三係

有姨姨送飯上班房, 小四至小六就要自己去拎~
...

作者: leocclee 時間: 10-9-3 16:19 標題: 回覆 26# Hang'sMum 的文章

係呀﹗仔仔都話「好」喎。
今日好彩學無落大雨，如果吾係都吾知會混亂成點。係呢，之前有老師帶落操場，吾知坐校巴的小朋友會怎樣安排呢﹖(因為頭一次係校巴叔叔走去老師到接的)
btw, little_hiway, 你女女係邊班呀﹖
希望多d人入來分享，以後可以互相提點一下﹗(因為學校的資訊我覺得吾係好詳細)

作者: little_hiway 時間: 10-9-3 16:34

HI,

我女女讀1.b班, 佢話今日上常識堂,老師要小朋友

自己寫一張自我介紹, 但佢同學仔就掛住傾計, 比

老師話佢點解叫左你寫仲未寫, 我同女女講...咁係

個同學仔唔岩, 點解老師叫寫又唔寫, 佢話個同學仔

掛住傾計, 我話咁老師無做錯喎, 跟住女女話但係

老師好大聲好惡, 驚到同學仔喊~

民小老師要求嚴都知道, 但我估唔到只係今日第一

日正式上常, 起碼都要比少少時間適應呀~我女女

話佢以後上常識堂都會乖

作者: Annie926 時間: 10-9-3 17:18

我問呀仔係咪有同學仔俾老師鬧到喊, 佢初時話冇, 後來就話有少少喊. 唉.....佢好似係到魂遊咁, 課室發生乜事都唔知

其實老師惡d都好, 等佢哋知驚, 要聽老師話, 不過最好就唔好太惡啦

作者: YINYIN009 時間: 10-9-3 18:03

各位媽咪好，我係1F班新人，返學幾日我個仔都好開心，所以我也放心了很多，學校的課外活動我也在考慮因怕回家太夜忙做功課，如果默書、測驗會不會不夠用，我想報童軍和武術。

作者: Hang'sMum 時間: 10-9-3 19:38

真好了 ! 又到星期五, 終於可放鬆一下啦 ! 今晚可做下自己嘢了 !

作者: little_hiway 時間: 10-9-3 22:47

Hang's mum,

係呀,終於可以唔使熨校裙

唔使晨咁早起身~

Annie,

我諗大部份小朋友剛升小一都會矇矇地, 因為所有環

境同學習模式都唔同晒, 要重新適應~ 希望佢地快d

投入新學習!!

作者: little_hiway 時間: 10-9-4 15:28

Hi ALL,

各位媽咪~ 金綸的民生長袖和背心冷外套已經岩岩

返左貨, 最近落雨天天氣都有點涼,所以我已於昨天

買了外套, 大家趁剛返貨尺碼還齊早D去買啦

作者: yamho 時間: 10-9-4 16:14

hello, 我囡囡都係1F喎，佢話老師幾好，返咗幾日都好開心!! 呢幾日真係好忙，忙住睇通告，又要教佢執書包，希望下星期好D啦...仲有喎，民小網頁上已經出咗每日家課手冊內容，大家得閒上網Check下啦

原帖由 YINYIN009 於 10-9-3 06:03 PM 發表
各位媽咪好，我係1F班新人，返學幾日我個仔都好開心，所以我也放心了很多，學校的課外活動我也在考慮因怕回家太夜忙做功課，如果默書、測驗會不會不夠用，我想報童軍和武術。 ...

作者: YINYIN009 時間: 10-9-5 14:08

我仔仔都話老師幾好,民小網頁我都有check佢家課手冊,仔仔寫手冊都OK,請問你囡囡參加什麼學校的課外活動?開學初期大家比較忙,大家都一齊努力.

作者: yamho 時間: 10-9-5 23:11

我幫佢報咗女童軍，不過都唔知抽唔抽到﹗你呢？

原帖由 YINYIN009 於 10-9-5 02:08 PM 發表
我仔仔都話老師幾好,民小網頁我都有check佢家課手冊,仔仔寫手冊都OK,請問你囡囡參加什麼學校的課外活動?開學初期大家比較忙,大家都一齊努力.

作者: oscar0517_mama 時間: 10-9-6 00:12 標題: 回覆 1# yamho 的文章

我仔仔都是1F的,我擔心的是書包太重了,但是書本,作業,workbook,水,點心無様少得,點解d書甘重嫁, 真是心痛.

作者: ellietsang 時間: 10-9-6 04:15

你們好！我囡囡係新生讀1B.請問英文Reading Book有4本,究竟平時要帶邊本或全部帶齊。

作者: YINYIN009 時間: 10-9-6 08:27

我仔仔話英文Reading Book(P.1F)老師先教My New School，所以仔仔只帶了這本回校，書包真的太重，帶少様都唔得。

Yamho,

本來想幫佢報男童軍，不過因星期一怕回家太夜忙做功課，如果默書、測驗會不夠時間用，所以只報了星期五武術。

作者: Annie926 時間: 10-9-6 09:27

ellietsang,

又多一個同班同學仔.

yinyin009,
我都有報武術, 同埋星期六既中樂班(二胡), 希望可以抽中啦!

作者: little_hiway 時間: 10-9-6 09:40

Hello Ellietsang,

你好~又多個 P.1B班同學仔 WELCOME

係呀,英文Reading book帶 my new school就ok啦~

原帖由 ellietsang 於 10-9-6 04:15 發表
你們好！我囡囡係新生讀1B.請問英文Reading Book有4本,究竟平時要帶邊本或全部帶齊。

作者: YINYIN009 時間: 10-9-6 09:44

希望你抽中啦！大家得閒就互相交流下啦。

作者: yamho 時間: 10-9-6 12:27

係啦，仲有d科目(如mi/IL)都唔知要帶邊本書，諗起都頭痛!!!

原帖由 oscar0517_mama 於 10-9-6 12:12 AM 發表
我仔仔都是1F的,我擔心的是書包太重了,但是書本,作業,workbook,水,點心無様少得,點解d書甘重嫁, 真是心痛.

作者: yamho 時間: 10-9-6 12:29

Thanks..唔知幾時知結果呢

。咁你呢，最後報咗乜嘢活動？

原帖由 YINYIN009 於 10-9-6 09:44 AM 發表
希望你抽中啦！大家得閒就互相交流下啦。

作者: YINYIN009 時間: 10-9-6 14:27

我最後只報了武術，仔仔回來話有同學和他一起分享茶點很開心。

作者: yamho 時間: 10-9-6 14:45

咁都幾好吖﹗佢帶d乜嘢茶點返學ka，我個囡好搞笑，初頭我預備少少食物俾佢，佢返嚟話唔夠，要我預備2個小息的食物，真係俾佢笑死，好似一定要食嘢咁...

原帖由 YINYIN009 於 10-9-6 02:27 PM 發表
我最後只報了武術，仔仔回來話有同學和他一起分享茶點很開心。

作者: YINYIN009 時間: 10-9-6 15:51

你個囡真係好搞笑呀！

我個仔今天帶夾心餅，我今次比多了幾塊因上星期有同學請他吃蝦條，但我只預備少少食物俾佢不能和同學一起分享，所以今次預備多少少，係呀一想起茶點對眼就發光。

作者: 恩林 時間: 10-9-6 17:14 標題: 興趣班

救命救命!! 請問係邊到選興趣班, 我一直都收唔到通告, 上網都冇報名資料, 請問你地係邊到報呢~~!???
thx.
我仔仔讀1F呀~!!

作者: yamho 時間: 10-9-6 17:18

上星期派咗本黃色小冊子，應該係最遲係6/9報喎~

原帖由恩林於 10-9-6 05:14 PM 發表
救命救命!! 請問係邊到選興趣班, 我一直都收唔到通告, 上網都冇報名資料, 請問你地係邊到報呢~~!???
thx.
我仔仔讀1F呀~!!

作者: YINYIN009 時間: 10-9-6 17:36

9月2日(星期四)派了一本(黃色)課外活動冊在書內選興趣班，報名表也在書內，但今天要交啦！

作者: 恩林 時間: 10-9-6 17:36

點算??! 啱啱打去俾老師, 佢話派左, 但我真係冇, 咁點算?? 仲有d乜野活動可以選擇??

作者: ellietsang 時間: 10-9-6 19:13

THANK YOU YINYIN009 & LITTLE_HIWAY 嘅回覆，可以帶少3本。

作者: simonslsiu 時間: 10-9-6 20:28

有無mami知道今天

小一家課日誌 "寫 p.1" 點解

作者: yamho 時間: 10-9-6 20:39

係咪「寫字和識字」(黃色)的第一頁，有幾行字要寫的﹗

原帖由 simonslsiu 於 10-9-6 08:28 PM 發表
有無mami知道今天小一家課日誌 "寫 p.1" 點解

作者: simonslsiu 時間: 10-9-6 22:41

唔該晒, 有時都覺得d家課日誌好難明

作者: YINYIN009 時間: 10-9-6 22:56

放心啦！剛剛開學慢慢就明，大家一齊努力。

作者: oscar0517_mama 時間: 10-9-6 23:09

仔仔今天下午病左,他話放學时等左半個鐘校巴,又热又晒,真是不知點安排的,心痛.

作者: little_hiway 時間: 10-9-7 07:43

HI Oscar,

係呀,我囡囡架校車都係咁樣,因為佢地12:00要接d

幼稚園做一轉,跟住先返黎接d小一放學既,所以我見

到好多小朋友都要在 "乾晒"等校車~真係好辛苦架,

天氣又熱個書包又重, 所以呢2個星期開學,我自己日

日去接囡囡放學,我真係唔放心~希望下星期返返正

常時間會有改善,如果唔係只好轉校車!!

原帖由 oscar0517_mama 於 10-9-6 23:09 發表
仔仔今天下午病左,他話放學时等左半個鐘校巴,又热又晒,真是不知點安排的,心痛.

作者: leocclee 時間: 10-9-7 08:42 標題: 回覆 19# Annie926 的文章

Annie:
我都同個仔報了二胡，希望大家都抽到，可以一齊學啦﹗

***
另外，我開始發現書包都真係幾重，而家下午不用上課，少了幾本書，都幾重下，放晒所有野要成6-7lbs，唉~~~~

作者: Annie926 時間: 10-9-7 10:19

leocclee,
真係好喇, 可以一齊學. 我見本課外活動書仔冇話要甄選, 但第一堂就係今個星期六.

Oscar0517,
希望你仔仔冇事啦, 要佢哋晒半個鐘又真係幾慘!

恩林,
不如你直接問老師可唔可以即時報名, 我印象中: 星期一有小童軍......; 星期五有武術, 比比和朋友......; 星期六較多, 有管/弦樂, 中樂......等等 .

作者: leocclee 時間: 10-9-7 12:17

有無人知道幾時知道課外活動的結果呢﹖

同埋知吾知道小一係吾係無游水堂的呢﹖

作者: Adrian_mom 時間: 10-9-7 15:26

原帖由 leocclee 於 10-9-7 12:17 發表
有無人知道幾時知道課外活動的結果呢﹖

同埋知吾知道小一係吾係無游水堂的呢﹖

P.1 PE lessons will have swimming classes, but will be in 2nd term usually in May/June.

作者: ellietsang 時間: 10-9-7 16:00

1B班的同學仔，今天英文功課要寫上同學英文名字，可否幫忙告知呢？我的囡囡叫 Ellie tsang, Thank you!

作者: Annie926 時間: 10-9-8 09:27

ellietsang,
英文worksheet - 我仔仔只是照抄上堂時project出來的名字!

作者: Hang'sMum 時間: 10-9-8 10:49

各位家長,

可否知道這星期六的專題講座及班主任會見家長, 形式會是如何的 ? 因為我家中有事情, 又想見班主任看看有甚麼講 ! 是個別會見或是一組見呢 ? 我再作安排 !

作者: little_hiway 時間: 10-9-8 12:08

Ellie's Mum,

係呀,女女話老師有寫到d人名係黑板,照炒就ok~

你地d小朋友寫手冊會唔會有一兩項無寫, 係同網

上唔同? 我發現女女尋日無寫英文要做worksheet,

另一個同學仔又係無寫, 所以想知道係咪有d老師

會唔寫, 定係小朋友抄漏呢~

原帖由 ellietsang 於 10-9-7 16:00 發表
1B班的同學仔，今天英文功課要寫上同學英文名字，可否幫忙告知呢？我的囡囡叫 Ellie tsang, Thank you!

作者: ellietsang 時間: 10-9-8 13:57

多謝回覆，我個囡囡都抄漏，佢無寫其他項目，但有寫英文WORKSHEET。

作者: little_hiway 時間: 10-9-8 15:21

Ellie's Mum,

唔好客氣啦~大家亙通消息,靠個D小朋友真係好易

做漏~

今日亞女派返之前張英文WORKSHEET,係就係答

岩晒, 但D字寫得唔好要改正,我叫個女以後寫字寫

好D~

原帖由 ellietsang 於 10-9-8 13:57 發表
多謝回覆，我個囡囡都抄漏，佢無寫其他項目，但有寫英文WORKSHEET。

作者: leocclee 時間: 10-9-8 17:15

昨天仔仔返到學校前面無位，結果要坐最後。今日特登早些返，但他找到前面的位置，卻被後面的同學仔指有人的，重將他的書包拿到最後。

明明個位無人，點可以擺位既呢﹗
老師到而家都未編位，都係由得佢地自己座，結果開始有爭位情況出現，希望老師快d改善一下啦﹗

作者: little_hiway 時間: 10-9-8 17:33

hi leocclee,

嘩...你仔仔個班D同學仔都好厲害, 自己拎人個書包

去第2度~ 未編好位, 咁真係好亂, 日日唔同位~

我囡囡個班之前跟學號坐, 尋日開始編返跟高度坐,

同埋選左2個班長, 每行最前個個係行長, 星期六你

會唔會返學校聽講坐同見老師, 到時可以問下~

原帖由 leocclee 於 10-9-8 17:15 發表
昨天仔仔返到學校前面無位，結果要坐最後。今日特登早些返，但他找到前面的位置，卻被後面的同學仔指有人的，重將他的書包拿到最後。
明明個位無人，點可以擺位既呢﹗
老師到而家都未編位，都係由得佢地自己座，結果開始有 ...

作者: Annie926 時間: 10-9-9 09:21

little_hiway,

前天係有寫黑板要做worksheet架!

好在可以上網check番功課日誌, 昨天明明要做 P.3-5, 但呀仔只寫了 P.3,4. 真係要俾d時間佢哋適應吓.

原帖由 little_hiway 於 10-9-8 12:08 發表
你地d小朋友寫手冊會唔會有一兩項無寫, 係同網
上唔同? 我發現女女尋日無寫英文要做worksheet,
另一個同學仔又係無寫, 所以想知道係咪有d老師
會唔 ...

作者: leocclee 時間: 10-9-9 10:08 標題: 回覆 70# little_hiway 的文章

係呀，我都覺得點解重未開始編好位，結果仔仔想坐前面，(他真的很矮細)，但又俾人坐左，因為人地早個佢。所以他昨天話要早些返學，要7:00到﹗(今日我也7:30到學校) 唉，這樣好似一早就你爭我奪，個個鬥早，有何需要呢﹖另外，仔仔話比我聽個拎他書包的同學仔，老師之前都話過他傾計吾專心，我都明白細路仔有時活躍d，未識得同人相處。就正是這樣所以要學囉，所以希望快d執好位啦，我星期六一定反映的。
little_hiway，你地個班好有效率喎，吾單些編好位，重選埋班長，行長添，我個仔好恨做咩長呀....哈哈哈。

作者: Hang'sMum 時間: 10-9-9 12:06

我個女個班都選左班長, 組長了, 至於坐位她都話未編好, 如果編好可以放些什物在學校不用帶回來, 唔知係唔係真呢 ? 書包實在太重了, 我個女又細粒, 好似好可憐呢 !!

原帖由 leocclee 於 10-9-9 10:08 發表
係呀，我都覺得點解重未開始編好位，結果仔仔想坐前面，(他真的很矮細)，但又俾人坐左，因為人地早個佢。所以他昨天話要早些返學，要7:00到﹗(今日我也7:30到學校) 唉，這樣好似一早就你爭我奪，個個鬥早，有何需要呢﹖另外，仔仔話比我聽個 ...

作者: little_hiway 時間: 10-9-9 13:08

hi leocclee,

哈哈...我囡囡又係好鍾意做咩長~所以佢笑笑口同

我講做行長~

7:55正式上堂, 因為要霸位 7:00就返到學校...唉!!

老師點解唔安排好坐位先, 起碼唔係爭位咁混亂~

Hang's Mum,

我女女尋日編好位後, 詩集已經可以擺係學校唔使

再拎返屋企~ 去年美術用品都可以放係學校, 但今

年4年級個d就唔准放係學校啦~ 唔知一年級會唔會

比放~ 如果唔係背個書包,又要再拎一袋!!

我女女都係唔算高, 個書包又鬼咁重, 真係覺得陰功!!

原帖由 leocclee 於 10-9-9 10:08 發表
係呀，我都覺得點解重未開始編好位，結果仔仔想坐前面，(他真的很矮細)，但又俾人坐左，因為人地早個佢。所以他昨天話要早些返學，要7:00到﹗(今日我也7:30到學校) 唉，這樣好似一早就你爭我奪，個個鬥早，有何需要呢﹖另外，仔仔話比我聽個 ...

作者: little_hiway 時間: 10-9-9 14:14

Hi Annie,

thx回覆~ 我都估到係女女抄漏野, 佢同學仔話老師

寫完好快就刷, 我都唔想比太大壓力女女, 起碼比d

時間佢適應~ 但如果下個月再係咁, 我就會

今日收到通告合唱團下星期一選拔~

原帖由 Annie926 於 10-9-9 09:21 發表
little_hiway,

前天係有寫黑板要做worksheet架!

好在可以上網check番功課日誌, 昨天明明要做 P.3-5, 但呀仔只寫了 P.3,4. 真係要俾d時間佢哋適應吓.

作者: Annie926 時間: 10-9-9 15:06

little_hiway,
吓, 我仲以為黑板上有一個固定位置寫功課, 咁就真係要叫佢哋留心d, 快手d抄喇!

作者: little_hiway 時間: 10-9-9 15:16

Annie,

係呀~原來會刷架, 我初時以為仲好似自己細個

讀書個陣時咁,有個固定位係寫手冊既野.

原本諗住叫亞女小息唔好掛住玩, 抄好d手冊先,

跟住朋友仔個女話原來會刷架,唉!!真係唯有叫

亞女抄快d~

原帖由 Annie926 於 10-9-9 15:06 發表
little_hiway,
吓, 我仲以為黑板上有一個固定位置寫功課, 咁就真係要叫佢哋留心d, 快手d抄喇!

作者: Annie926 時間: 10-9-9 15:58

hi little_hiway,
想問吓今日識字功課, 你囡囡有冇話要做第幾頁呀?

thanks,

作者: little_hiway 時間: 10-9-9 17:45

Annie,

我囡囡話老師無叫要做識字,我問左另一個同班同學

仔個媽咪,佢囡囡都係無寫手冊要做~其實你之前咪

話你仔仔識字手冊寫做P.3-4, 但學校網上就寫P.3-5,

我囡囡手冊都係寫 P.3-4 佢仲要好堅持話 P.5未教,

佢點都唔肯做~ 咁我無迫佢, 想學習一下相信佢地,

咁今日派返識字簿, 老師無話佢做漏欠功課, 亦無叫

囡囡補做~ 咁我打電話比同學仔個媽咪, 問下佢有

無做 P.5, 佢話佢囡囡有做到, 但老師無改到簿, 咁

其實 P.5要唔要做呢??? 我真係 R晒頭啦~ 依家問

緊另一個媽咪, 但佢囡囡去左補習社做功課, 我晏

D知道再上黎話你知~

原帖由 Annie926 於 10-9-9 15:58 發表
hi little_hiway,
想問吓今日識字功課, 你囡囡有冇話要做第幾頁呀?

thanks,

作者: little_hiway 時間: 10-9-9 19:43

Annie,

我再問多一個同學仔媽咪, 佢囡囡話今日識字都唔使

做, 尋日既手冊識字都係寫做 P.3-4, 佢媽咪都係睇

到網上寫做 P.3-5叫囡囡做埋, 老師都係無改到 P.5,

唉~ 我囡囡點都話P.5老師無叫做, 所以佢無做到!!

可唔可以問下你小朋友...好真係R晒頭啦~

作者: 恩林 時間: 10-9-9 20:07

我仔仔(1F)話已經選左班長, 但只係站時的, 但行長就由坐最後個果同學做住先, 而且佢話已經fix好晒位....
我同仔仔講: 如果你想做班長, 就要當老師問邊個同學想幫手時, 就要舉手...咁就會多d機會。
我仔仔話:我有舉手呀, 不過個個同學都有舉喎~~!
hahahahaha

作者: 恩林 時間: 10-9-9 20:15

另外, 我想問吓各家長, 你地的仔仔囡囡識唔識自己做功課時睇題目??
有時題目上字佢地可能唔識麻, 又可能唔理解想個題目, 佢地會唔會唔洗問你地都能自己做到功課呢~??!
我唔知教唔教佢好, 做功課應該全程自己做, 一教左佢又驚佢以為我次次都會教佢....
點做好呢~!!

作者: YINYIN009 時間: 10-9-9 21:27

我仔仔(1F)都話選班長時個個同學都有舉手，小朋友個個都有興趣，真有趣

另外功課大致上都識自己做，但如果有唔理解的題目我也會解釋給他，剛剛升小學可能會不明白的比D時間啦！

作者: yamho 時間: 10-9-9 22:48

haha...如果輪流做班長/行長，大家咪happy囉﹗

至於功課，暫時都ok啦，希望佢哋慢慢都handle到，另外，你哋d小朋友係咪早睡早起，朝早時會否懶床，唔肯起身？下星期開始返全日，真係有點擔心...

原帖由 YINYIN009 於 10-9-9 09:27 PM 發表
我仔仔(1F)都話選班長時個個同學都有舉手，小朋友個個都有興趣，真有趣

另外功課大致上都識自己做，但如果有唔理解的題目我也會解釋給他，剛剛升小學可能會不明白的比D時間啦！ ...

作者: hkvicky 時間: 10-9-9 23:04

大家好，我個仔是P1.D班的，請大家多多指教！！！

今日夜晚和阿仔執書包時發現數學課本中的“課堂學習冊”不見，阿仔又講不出是否是老師收走？真傷腦筋

小童軍結果沒抽中，我仲幫阿仔報名英文會話和圍棋，不知結果會何時公布…有其他人報名這二個課外活動嗎？

作者: simonslsiu 時間: 10-9-9 23:16

有無家長知道小女童軍抽籤結果出了沒有?
我囡囡參加英語話劇組被選中了.

作者: YINYIN009 時間: 10-9-10 08:22

yamho

大家輪流做班長/行長，這個建議也不錯，大家happy。

我小朋友就9時睡覺6時半起床都ok啦！懶床就一時時只可以遲5分鐘起床。你哋d小朋友又怎樣呀？

下星期返全日，我都有擔心，還要叫他吃飯要小心也要吃快D，今個星期已比預期好，所以也放心一點，大家一齊努力啦！

作者: yamho 時間: 10-9-10 09:02

yinyin009︰

我囡囡6:15am起床，不過我唔俾佢懶床(因為我怕佢唔肯起身)，每晚約9:30多才睡，大家都差唔多la...睇怕仲有排要努力lu...hahaha...

simonslsiu︰

恭喜你啊﹗另外，我都等緊女童軍的消息，好似話如果多人要抽籤，但佢d章程又好似要13/9面試，我都有點混亂，你知唔知點ka？

作者: Annie926 時間: 10-9-10 09:21

little_hiway,
真係麻煩哂

照咁睇, 可能黑板係寫p.3-4, 因老師只改了第3,4版, 只是網上搞錯了. 我唸我要俾d信心佢, 相信佢!!

yinyin009,
我會俾5分鐘佢懶床, 6:15am便要起身刷牙洗臉，如果唔係就趕唔切喇, 好在這個多星期都ok, 希望可以維持下去!

作者: YINYIN009 時間: 10-9-10 10:23

Annie926

小朋友適應力強應該題不大。

作者: leocclee 時間: 10-9-10 10:40 標題: 回覆 85# hkvicky 的文章

Hi, hkvicky:

我仔仔都係1D班，大家以後多D照應啊﹗

小童軍都抽吾到，都知道好難抽，不過抽吾到有D吾開心，因為實在太少課外活動可以參加到了。而且，第二年就更不用參加了，因為今年參加的優先

Annie926:

中樂你收到通知未呢﹖我重未喎，但係明天就要第一堂了，吾知點算﹖我打算下午打去學校問下。

作者: Annie926 時間: 10-9-10 13:24

leocclee,
我仲未收到通知, 諗住今日都冇通告的話就打電話番學校問吓.

作者: Hang'sMum 時間: 10-9-10 14:41

我發現好似仲未有 1A 班的同學家長登入呀 !!! 希望其他家長可多報料啦 !

-我個女會懶床, 大約五分鐘啦 ! 尚算OK
-我個女做功課都要我讀題目比她聽的, 自己可明白的都會自己做的, 希望日後會好D啦 !
-下星期返全日了, 我最擔心的是她食飯食得好慢好慢!!!

作者: Annie926 時間: 10-9-10 15:49

leocclee,
根據"可靠"消息, 二胡班收咗我仔仔喇

, 明天10:30上堂. 我會帶埋佢番學校, 睇吓到時有冇地方收留住佢先

hang's mum,
希望佢哋可以好快適應到返全日, 由其是在學校吃午餐.

作者: leocclee 時間: 10-9-10 16:23 標題: 回覆 94# Annie926 的文章

Annie926:

我也有"可靠"消息從我仔仔讀給我聽的回條，二胡班收了。同樣地，又要出席家長會，但二胡班10:30am，睇下到時點安排啦﹗他們可以成為二胡班同學仔，真是好啊﹗

hang's mum:

係呀，我個仔由9個月開始，食野問題已經煩我地到今年暑假前 (勁慢，吾想食....連喜歡的零食都只是食少少)，因此他勁+勁矮。不過暑假後已有明顯改善，希望下星期返學適應啦﹗

作者: simonslsiu 時間: 10-9-10 23:39

剛收到通知小女童軍收了囡囡了

下星期一放學後便開始. 我囡囡是1A班的.

作者: yamho 時間: 10-9-12 20:02

我囡囡(P1F)都抽到女童軍呀

，到時就可以一齊玩lu...

原帖由 simonslsiu 於 10-9-10 11:39 PM 發表
剛收到通知小女童軍收了囡囡了下星期一放學後便開始. 我囡囡是1A班的.

作者: YINYIN009 時間: 10-9-12 21:25

yamho

恭喜你！

作者: cmleungive 時間: 10-9-12 21:32

大家好, 我是 1F 班家長, 多多指教!

網上家課日誌到下學期就會取消, 到時或者開番個 1F 班專用帖, 一齊對下家課册!

此外大家知唔知 "My New School" 幾時開始教, 同幾時測驗呢?

作者: yamho 時間: 10-9-12 22:50

thanks!!!

原帖由 YINYIN009 於 10-9-12 09:25 PM 發表
yamho

恭喜你！

歡迎光臨教育王國 (/)