教育王國
標題: 請幫忙, 關於"專注力缺乏症" [打印本頁]
作者: trinitycvc 時間: 10-9-9 18:37 標題: 請幫忙, 關於"專注力缺乏症"
請問各位有經驗的媽咪, 幫忙解答吓及給意見,有什麼特徵才是”專注力缺乏症”
本人個仔依家2歲5個月, 成日周圍走坐唔定, 剛返了1個月N班, 老師已經話懷疑佢係”專注力缺乏症”, 要我在家裡訓練佢坐定定做一樣嘢(如睇書, 繪畫…ETC)
1. 想問最快幾多歲可以去做評估?去邊及步驟應該什樣?係咪要等3歲才可以?
2. 佢好鍾意同小朋友玩, 老師話佢成日Hug Hug 其他小朋友, 但唔識分大力同細力, 成日撞到d小朋友倒落地, 不過我相信佢唔係有心的, 因為佢好熱情, 成日Hug Hug 我同papa 都係好大力, 依家叫佢唔好Hug Hug 學校d小朋友及只可以拖手, 佢有d唔開心;
3. 我個仔係好活潑, 成日周圍走, 同佢DRAWING佢可以坐10分鐘左右, 如果要長D時間就要我陪住, 佢鍾意睇Thomas 書, 玩Thomas玩具車及砌拼圖, 自已可以玩好耐(半小時或以上);
4. 認字差, 依家仲未識 A-Z, 只係可以認到A,B,O
5. 但記性好好, 認路, 認IMAGES, 記得所有Thomas & friends 20多架火車名….等好好, 有時仲提返我轉頭, 如昨日返學我忘記帶他的姓名牌, 佢今日出門口前已經問 “MAMA, 牌牌係邊?”
6. 我好心痛佢, 因為同BB傾完之後, bb好唔開心, 個晚無心機食飯, 第2朝起床, 就同我講 “Mama, 返學好玩”又同我講sorry, 佢可能驚無得返學, 佢好鍾意返學的;
7. 係咪食魚油丸對佢專注力好d?如睇醫生應睇那一類?
我都唔知應該點做, 好擔心!
作者: 小雄維尼 時間: 10-9-9 22:58
甘你好快d去健康院講你個仔咩樹要求去做評估啦, 因為我個仔當年(2歲幾)健康院堅持話無野, 我話5係喎, 我問我d朋友既仔女都5係甘既....例如無時停, 做做下功課, 又可以玩筆, 然後又行左去第度....等等, 跟住先幫我排期去評估(要1年), 再等多1年10個月(今年5月)先第1次睇ADHD,睇既時候,已經係P.1下學期就考試, 我頂左3年啦, 所以你有咩懷疑就要拿拿聲去check清楚
作者: trinitycvc 時間: 10-9-10 00:34
多謝你的建議, 咁我試吓下星期打去健康院問吓, 我想請問你個仔仔評估咗係咪ADHD,(我個仔都係無時停,) 定係有D小朋友比較活躍呢?你仔仔D特徵係咪同我個仔差不多? 有D MUD 嘢可以幫到ADHD 的小朋友?
好煩惱, 我老公就覺得小朋友咁細個都係走嚟走去的, 佢唔覺得個仔有問題,佢覺仔仔好聰明及好有個性, 我怕佢太輕視這個病!但我有懷疑, 因為佢認字真係好差, 教極都唔識, 但如果佢鍾意個D嘢就好記得(不包括字);請問你仔仔生活上是否和一般小朋友一樣?係咪只係教讀書,寫仔教得好辛苦呢!點解上天要D小朋友咁多不同的病, 做父母唯一的盼望只係兒女健康及快樂!
作者: 小雄維尼 時間: 10-9-10 01:39
我個仔記性 (5係書本)都5係差架, 好似2年前同佢去長隆, 裡面有咩動物, 我有同佢講, 之後好耐再問下佢, 佢竟然講到好多比我知(要佢背生字又無甘叻喎)成日搗蛋, 以前5識同人表達時, 成日郁手代替, 有次5知咩樹, 又係甘...打到個同學仔, 我都要同對方個家長道歉...係5係ADHD 真係要做評估先決定到, 例如我個仔...健康院話無樹, 係我咬住5放話要做評估, 一做就真係有....有家長5承認自己既小朋友有樹, 5肯去做....其實真係有...甘就已經害左個細路!我可以講我個仔5止ADHD添, 甘點樣.....甚至佢去邊度, 我都會話比人知道佢甘樣, 等人地預先知道,大家無甘多衝突!
作者: 小雄維尼 時間: 10-9-10 01:42
多口多句, 或者可以問下幼稚園老師先, 因為佢地好有經驗睇有問題既小朋友...
作者: trinitycvc 時間: 10-9-10 14:42
Thank you for your comment.
老師依家話觀察吓, 10月家長會會俾d資料我, 因為老師有時又話可能資優, 可能係ADHD, 不過我唸佢都心中有數,我老公今日去接bb放學, 再同老師傾吓, 未知d學校會唔會迫bb轉校同期視bb呢?
以你的經驗健康院要排好耐, 咁可能要去私定做評估, 不過2歲半可唔可以做呢?咁細過準唔準呢?
作者: 小雄維尼 時間: 10-9-10 16:33
如果學校係包容同係有早期訓練既就5好轉, 點解?因為要個小朋友重新適應都幾大鑊架, 等如你打牌甘...突然3家5同人, 你都要時間去適應啦, 係咪?2歲半做評估, 又好似真係細左d甘....私人評估係快, 不過之後係甘hard sell.....你會繼續比你個仔睇私人既ADHD治療嗎?負擔得起既.....咪去馬囉, 5係既....等等正苦啦, 反正甘快知道係都醫生睇同無藥食, 都係等
作者: trinitycvc 時間: 10-9-11 01:08
今日再同老師傾過, 佢覺得我個仔唔係資優, 應該係ADHD, 因為阿仔只可以坐底約一分鐘便周圍走, 但睇得出阿仔努力試緊; 老師仲話阿仔單對單的時候便識答佢d問題, 而一班人的時候講完故事問問題, 佢就一d反應都無, 對顏色, 形狀都無反應, 呢個又唔知係mud 嘢病? 老師都係話返屋企做多d training同帶佢同其他小朋友玩多d, 下個月會俾d資料我去做評估!
我都知私家好貴, 我唸住評估係私家做, 治療去政府排, 因為學校好似好心急想知咁, 老師仲話如果係的話, 最好搵d再小班d教學的學校俾仔仔讀書 (依家係1:8); 咁即係要轉校!我都唔想轉, 到時再同佢傾吓!原來老師的第2囡都是ADHD, 在小一時發現, 希望老師能夠包容啦, 不過英文個位老師就好似好不耐煩咁!
我想請問吓你d心徳, 做ADHD小朋友的父母要有什麼心理準備?
佢哋基本上與一般小孩無什麼分別, 都係咁開心同聰明, 只差在學習方面有困難?
老師話小朋友愈早醫, 便愈有機會好番, 是否真係咁樣?你個小朋友是否進步好多啦!
老師又話可以請個影子老師到學校教我個仔, 但好貴, 我都唔知MUD 嘢, 搞到一頭霧水?請問如果私家治療條數應該點計?只係想 REFERENCE 吓, 費時去到做評估俾佢哋嚇親!
太多問題係個腦到, 我喊咗好多次啦,真係好心痛! 再次多謝你的分享及意見!
作者: 小雄維尼 時間: 10-9-11 02:09
我愚見係5做私家評估, 反正你都係要等睇政府既醫生, 做咩要晒d甘既錢?不如留返請我飲茶
既然學校無包容性既...甘轉囉, 費時你個仔留向度又無老師幫佢啦!
ADHD要食藥都起碼6歲後既事....甘你呢幾年點?去認識多d咩係ADHD, 不過都要有心理準備會好惡頂, 我都比我仔激到噴血架, 同朋友呻下囉
我自己都搞到好多病, 不過甘又點...你都係要處理佢, 因為你係佢呀媽...我慶幸一早發現, 因為早排期, 一年班下學期開始睇, 5係好似有家長要搞到好大個先開始, 功課已經深, 仲要個時先開始試藥, 甘對個小朋友會好辛苦架
作者: 小雄維尼 時間: 10-9-11 02:12
個時我仔仲有學習遲緩, 幾大鑊呀, 好彩I位老師跟佢4年, 甘自己都要做野去配合, 由最初差年半都最後差半年.
5好講話我咩分享啦, 大家交流下姐
作者: trinitycvc 時間: 10-9-12 00:49
其實邊個想自己個仔有事, 既然真係的話都唯有接受, 都會一樣咁愛佢的;真係好好笑, 我哋一直都以為自已個仔好叻,好聰明又獨立; 原來是有d問題, 呢個打擊對我老公嚟講更加大. 今日同bb去食甜品, 佢問完一次 " 呢個什麼名", 我話"芒果布甸", 咁佢食一匙又問一次, 我d眼淚就不停咁流, 以前會以為佢係"求知慾"強, 依食先知發生什麼事!
我自已係度想, 我哋兩公婆更加要take care 自已及唔好有什麼病, 因為我哋有咩事, 都唔知邊個去照顧佢; 原來打算生多個小孩陪佢, 因為見佢好悶又鍾意同其他小朋友玩, 依家都打消這個念頭; 一來怕第2個又有問題, 二來都想專心照顧及教佢!
多謝您睇吓我呻!如有我什麼問題, 煩請再賜教, thanks a lot!
作者: 小雄維尼 時間: 10-9-12 01:49
我係單親既ADHD家長, 相信壓力5會比你少, 呢排我個仔都搞到我好煩架...真係想送佢去保良局就算, 甘我可以繼續做無腳既雀仔
發問問題, 你要預左.....我仔仲會問好奇特既問題, 旁人以為好簡單既, 可能大人都要上網先搵到答案
佢有無ADHD係要做左評估先至知, 老師係比你地有個心理準備, 我以前都比佢好大鑊架, 我向床度喊又邊個知道喎
原帖由 trinitycvc 於 10-9-12 00:49 發表 
其實邊個想自己個仔有事, 既然真係的話都唯有接受, 都會一樣咁愛佢的;真係好好笑, 我哋一直都以為自已個仔好叻,好聰明又獨立; 原來是有d問題, 呢個打擊對我老公嚟講更加大. 今日同bb去食甜品, 佢問完一次 " 呢個什麼 ...
作者: edea 時間: 10-9-13 13:18
我對ADHD認識唔多, 希望冇講錯:
1) 治療ADHD係有黃金期, 越細個開始治療越好, 過左5-6歲有可能會效用冇咁大;
2) 前日剛和一個朋友傾, 佢幫仔仔排期治療ADHD, 收到信appointment是2013年, 由於她仔仔要食藥控制, 所以唯有到私家, 千三元左右一個月藥.
唔好喊, 唔好放棄, 媽媽係最貼身既老師, 最幫到bb只有媽媽, 我發現身邊唔少人既小朋友都有ADHD, 妳地唔好氣餒, 小朋友好需要媽媽支持!
作者: trinitycvc 時間: 10-9-13 17:58
我當然唔會放棄佢啦, 不過都要訓練吓自己及老公d EQ, 尤其是我老公, 每次帶完個仔返音樂班, 都大發脾氣同個仔講以後唔帶佢返, 因為個仔不跟老師及音樂做動作; 淨係周圍走一係就同老豆玩PEEKAPOO, 但係個仔好鍾意返, 我心痛係自己老豆都不包容個仔!
係呀, 依家好似好多小朋友都有ADHD, 真係唔知點解??尋晚去飯, 一個朋友個仔又話返咗學之後依家被懷疑, 另一個朋友小孩的同學仔(係資優仔)都係pn 開始做training , 用咗十幾萬係私家做 (唔知十幾萬1年定做幾年?), 如果政府真係排得咁耐, 都係要搵私家做training,希望快d有得跟進, 同希望快d好返!我唔想阿仔食藥, 因為好似話對佢哋個腦仔有影響!
個仔呢個星期都唔開心, 可能佢又識聼我哋講嘢啦!佢見我喊, 佢又喊,又搵tissue幫我抺眼淚, 所以我同自己講以後都唔再係佢面前喊!, 真係好心痛.......
作者: 小雄維尼 時間: 10-9-13 20:31
版主:
1)ADHD既藥要6歲起先開始可以食喎(醫生講)
2)香港ADHD治療係由1年班下學期先開去睇,因為小學係一個大轉變, 小朋友有無問題, 同有咩問題, 一個學期應該已經浮現出黎, 所以醫生先可以開始試藥
原帖由 edea 於 10-9-13 13:18 發表
我對ADHD認識唔多, 希望冇講錯:
1) 治療ADHD係有黃金期, 越細個開始治療越好, 過左5-6歲有可能會效用冇咁大;
2) 前日剛和一個朋友傾, 佢幫仔仔排期治療ADHD, 收到信appointment是2013年, 由於她仔仔要食藥控制, 所 ...
作者: 香香 時間: 10-9-15 09:38
提示: 作者被禁止或刪除 內容自動屏蔽
作者: sohappy 時間: 10-9-15 11:27
你女除了有專注力不足, 會否有讀寫障礙? 有無評估這方面?
原帖由 香香 於 10-9-15 09:38 發表
小雄維尼:
還有什麼意見!
各位媽咪:
你地好!!
我係新加入成員.
我個女剛確診為專注力不足. 由k3畢業開始排隊. 但剛小二開學才做評估.
上年小一開學還可自已好快串了英文生字. 中文默書就要好耐才記到. 今 ...
作者: 小雄維尼 時間: 10-9-15 12:19
香香, 每個小朋友既情況5同, 例如我個仔甘....個心散到暈, 5月開始食利他林, 1日2次, 2次半粒, 暑假試下停下啦........哇, 我想死甘濟, 仲顛過以前, 開學前幾日覆診同醫生講, 去到1日3次(因為放學要去補習),5食或者藥力過左之後又黎料.....我都想死呀[size=15.2778px]
[size=15.2778px][size=15.2778px]
作者: 香香 時間: 10-9-15 12:48
提示: 作者被禁止或刪除 內容自動屏蔽
作者: ElisaCheung 時間: 10-9-15 13:32
原帖由 trinitycvc 於 10-9-13 17:58 發表
我當然唔會放棄佢啦, 不過都要訓練吓自己及老公d EQ, 尤其是我老公, 每次帶完個仔返音樂班, 都大發脾氣同個仔講以後唔帶佢返, 因為個仔不跟老師及音樂做動作; 淨係周圍走一係就同老豆玩PEEKAPOO, 但係個仔好鍾意返, ...
hi, trinitycvc
其實排政府睇, 你可以咁做, 學校老師教我,
先叫你家庭医生出封信說明懷疑佢有注專力問題 (轉介信) 給容鳳書健康中心 , 當然你耍找你那區是边到先啦, call 佢地後send referred letter to them , 登記開始排期.
你亦可上網找 : 協康會, 佢哋有資料可以help u.
http://slp.heephong.org/
作者: nicolwong 時間: 10-9-15 23:50
原帖由 trinitycvc 於 10-9-12 00:49 發表
其實邊個想自己個仔有事, 既然真係的話都唯有接受, 都會一樣咁愛佢的;真係好好笑, 我哋一直都以為自已個仔好叻,好聰明又獨立; 原來是有d問題, 呢個打擊對我老公嚟講更加大. 今日同bb去食甜品, 佢問完一次 " 呢個什麼 ...
我仔又係好鍾意問問題,有時真係同你CASE一樣.
問完又問,跟住仲可以自問自答.
但我會好樂意答多佢幾次,仲要愈答愈多資料.
因為我知佢記性好.
佢專注力都弱,老師話佢知道班房既RULE.
佢易都明白,但對於實行就只係好短 既時間.
大家都見到佢有努力.
佢好怕試新鞋,一買鞋畀佢就死.
係都唔肯試上腳,仲喊到劏豬咁,人地真係問我.
"你個仔有新鞋著,都喊既?!"<---關你咩事呀!
我會珍惜佢問我問題既時間,佢真係有動機學習.
倒不如諗下,你畀佢知多D野.當人地問佢時,佢都識答.
撞少D板,開心D.
**生活的一切都是教授小朋友知識的資源.
我唔會放過我眼見到既野,不停發問,同佢一齊下苦功.
作者: 小雄維尼 時間: 10-9-15 23:51
香香:
排評估都要好耐喎, 甘你其實有無同學校社工傾過?問下d專業意見先啦, 細路心散有好多原因, 係功課深左?測驗多左?睇下向未睇醫生前, 有咩其他辦法頂住先啦, 我舊年都經歷左1年好黑暗既日子架, 好彩係我拿拿聲轉校...band幾都5係問題, 佢功課多到做5晒, 大家關係5好, 為咩?
作者: trinitycvc 時間: 10-9-16 00:19
Hi, Elisa
Thanks for your information & comment.
我d朋友都介紹協康, 我都會打電話去問吓評估d資料, 都會排政府.
我今日有個朋友介紹咗個舊同學, 佢好似係教d ADHD, 自閉, 保家利亞的小朋友的心理學家教師, 咁我帶再個仔上去去屋企, 佢觀察咗阿仔個半鐘, 佢話唔覺得我個仔係自閉, 保家利亞及ADHD, 佢話阿仔有eye-contact, follow instruction, 有回應, 咁我講阿仔上堂的嘢俾佢聽, 佢話有時小朋友生理上如眼瞓, 肚餓都會周圍走, 或者老師講嘢好悶及小朋友對新環境未適應等都會, 佢建議我再觀察耐d才去做評估, 佢話咁細做未必準, 佢話就算我個仔係有 "專注力 "問題都應該係輕微, 佢建議我帶阿仔去學健腦操及上一d社交的course.
我都唔知點解阿仔今日表現咁好, 可能今日無返學, 瞓足夠; 我細妹話阿仔可能知你們d人test 緊去, 因為佢覺得阿仔好 "精"
不過我為保守起見, 都會去做評估, 咁安心d.
作者: trinitycvc 時間: 10-9-16 00:32
Hi, Nicolwong,
我個仔同你個仔仔, 都係好鍾意問問題, 專注力差, 記性好, 認字差(包括abc, 1-10等), 依家仲好抗拒認字, 一見都就擰開面及唔開心!都係唔鍾意著新鞋, 一著就喊, 著呢著去都係個一對!
我依家仲係懷疑佢係 " 寫讀障礙"及"專注力弱"!
作者: trinitycvc 時間: 10-9-16 00:37
小雄維尼,
你對你個仔的付出咁多愛, 你個仔一定知道的, 佢一定會努力改善的;以一個單親來說, 真係好辛苦, 我好佩服你的恆心及愛心, 支持你!
作者: 小雄維尼 時間: 10-9-16 00:48
其實有時我都想放棄, 佢5係得ADHD問題, 可能佢早產啦, 出世已經好多事....係由頭到腳都有問題, 真係我玩到, 有咩就拆咩, 無得諗點.....但係向外表又睇5到我仔佢甘多事幹...我其實都好無耐性架, 不過好彩穌哥比我諗到有咩方法去幫佢(例如佢細個講野5好, 我帶佢去兒童崇拜, 等佢同多d小朋友玩, 佢行樓梯有問題, 我會話帶佢去清水灣玩沙, 其實係要佢行條長樓梯, 行到自己就黎斷氣...好多好多野)將來點我無諗, 亦到5到我去話事, 希望佢可以融入個社會, 我已經好安樂
原帖由 trinitycvc 於 10-9-16 00:37 發表
小雄維尼,
你對你個仔的付出咁多愛, 你個仔一定知道的, 佢一定會努力改善的;以一個單親來說, 真係好辛苦, 我好佩服你的恆心及愛心, 支持你!
作者: 香香 時間: 10-9-16 13:31
提示: 作者被禁止或刪除 內容自動屏蔽
作者: 小雄維尼 時間: 10-9-16 14:21
如果佢可以一個鐘做4樣, 甘好明顯5能力係做到喎, 不過依賴心好重姐, 係咪你咩都幫佢做晒呢?
原帖由 香香 於 10-9-16 13:31 發表
同學校社工傾過. 佢話會留意注佢. 睇下佢點. 仲話佢應問題唔大.
我睇住佢做功課push佢. 提佢. 佢可以好快. 昨晚一個鐘4樣. 真係好勁.
但我一唔係度佢就3個鐘做一樣都夠胆死. 唉!!
我為有上左d專注力既家長工作 ...
作者: trinitycvc 時間: 10-9-16 18:13
唉,吹漲! 今日阿仔又俾英文老師話佢上堂dreaming, 周圍走, 專注力差, 叫我個仔早d瞓(8:00p.m.), 早d起身(7:30 a.m.) , 然後返學之前再nap 吓! 阿仔都唔知點解咁反複, 俾佢玩死 ! 係咪真係要咁早瞓ga? 我無工人, 我呢d時間多數係食飯or 洗碗! 唉, 但係我都要試吓la.
作者: 小雄維尼 時間: 10-9-16 20:07
如果情況維持既話, 就好拿拿聲去叫健康院寫紙去兒童評估中心度做野,評完到睇又要好耐, 5係第日上小學你會好慘架啦...(我已經算好彩向P.1下學期開始睇, 好多人要P.2-3 先睇到![size=15.2778px]
作者: 香香 時間: 10-9-17 13:16
提示: 作者被禁止或刪除 內容自動屏蔽
作者: 小雄維尼 時間: 10-9-17 23:50
其實睡眠好影響所有野, 你大人5夠訓個人都會燥同無心機做野啦....又試下調較下佢既睡眠時間睇下點囉
作者: 香香 時間: 10-9-19 00:21
提示: 作者被禁止或刪除 內容自動屏蔽
作者: AndyRain 時間: 10-9-22 13:54
我想問下我女算唔算係專注力不足呢?
1. 佢可以係6個鐘頭內只做幾個pages既中文練習(係只得佢同工人係屋企既情況下).
2. 佢可以做數 學
直式時, 抄題目都抄錯一個數目字(都算啦), 但係問佢有咩問題, 佢睇幾分鐘都睇唔到錯左邊一個數目字(個度得8個數目字同一個符號咋).
3. 寫字呢頭寫個頭擦, 成日都係咁.
4. 做功課好慢. 得個2, 3樣 or 3-4樣功課試過做左幾粒鐘.
5. 成日周身郁, 手腳唔郁就把口郁. 若有人係度, 總會撩人的(一係撩人傾計, 一係就整人d野).
6. 番學有時唔知先生叫佢帶咩.
但係, 佢又的確可以有以下既情況:
1. 我坐係度時, 好多時我唔駛出聲, 佢都會有正常既速度.
2. 我hung佢既話, 可以20 - 25分鐘做完一份小二既數 學卷(未做過的), 仲要係我check過有90 定9x分(唔記得了).
3. 有時可以係早會時校長講過既野, 好清楚咁講番晒出黎, 如時間, 地點, 做咩野.
4. 食飯, 若由得佢睇電視可以食個幾鐘先食完. 但係要佢食完飯先睇既話就只係食15分鐘only (仲要係飲埋湯, 食埋水果喎).
5. 佢自小默書認字個d都無咩問題的, 溫就好多時100分, 唔記得溫就唔合格law (咁唔溫就唔識既唔出奇, 只係想講佢認字既能力係ok的)
6. 佢既記性亦幾好的, 細個我好多時都係靠佢提我的.
7. 佢既自理能力係完全無問題的, 摺衫摺被都完全handle到的. (佢4, 5歲工人已教佢摺衫, 佢都已經摺到的)
佢咁唔小心, 好惡搞, 測驗考試好大獲, d野明明識都俾人一分一分咁扣晒. 所以我懷疑佢係專注力不足. 請問有經驗既mummy, 可唔可以幫我分析下呀? 若似係, 咁我要帶佢睇醫生了, 因就黎去高小, 不容有失呀d分數.
尋日派番份數學test, 佢又係錯埋d 好離譜既野. 深既反而就無錯, 淺既就錯左幾題. 如: 845 - 454 + 660 佢可以寫3百幾(個答案係同845 - 454差唔多的) 佢好似係做左上一忽, 無做下一忽咁.
又有一條係類似333 - 222 + 500 咁佢又可以寫個1xx 既數出黎, 咁明明見到最尾係+500, 咁個答案都最少會有500啦.
又試過做數, 做做下直式無做晒, 然後係橫式那邊寫答案.
請問咁樣算5算係專注力缺乏症呢?
[ 本帖最後由 AndyRain 於 10-9-22 14:02 編輯 ]
作者: 香香 時間: 10-9-22 14:06
提示: 作者被禁止或刪除 內容自動屏蔽
作者: AndyRain 時間: 10-9-22 14:27
多謝你咁快覆的. 學障我諗佢應該無, so far 我係唔駛理佢既功課的, 全部佢自己做晒, 有唔識先等我番黎問的. 學公文英頭半年我仲要佢串晒所有字tim, 佢handle到, 無問題的. 佢可以一時就好快做晒功課 + 練琴 + 公文英. 但佢short個日就9點幾先做得晒功課 (3, 4樣咋). 而佢自己做既功課又唔會話錯到9彩的. 當然有時會有錯, 但合理的. 佢5歲已經參加校際3級綱琴既比賽仲攞第4夠tim(同埋最細係佢). 所以我覺得佢學習能力係ok的.
但係佢真係好多野講, 好多野問的. 我有時係cam 見到佢係度玩手指, 玩筆, 發下夢, 搞呢搞lo, 飲下水, 同工人傾下計咁, 所以就做到9點幾啦. (即係佢成日都坐唔到係張鄧 15分鐘係完全安靜專心咁做野的)
佢係成日都周身郁, 但係就應該唔似係有過渡活躍症, 因為佢從來無被先生投訴佢上堂的(只係話佢係比較坐唔定, 周身郁).
但佢既自理能力係幾好的, 佢4, 5歲已經識摺衫, 上年工人放假番鄉下, 工人叫佢每日都自己摺被呀, 佢真係日日起身會摺被. 因我唔容許d細路有工人就唔駛做的, 所以佢地好多野都係自己做番, 如開檯做野, 做完要搵個掃掃番檯面既擦膠碎, 收檯等.
全部小朋友都會有唔小心既野錯, 但係我覺得佢錯既唔小心係好離譜的, 亞哥已經係好唔小心, 但都係一般細路錯個d野, 如: 漏寫名數, 少左s, 無大階呢d common野. 但係亞妹就.......... 明明最尾都話+600 點解個答案可以寫1xx的呢?? 唔駛計都無理由寫1xx啦!!
原帖由 香香 於 10-9-22 14:06 發表
有d似羅.但我覺得唔算係. 因為有時都有埋學障個d. 但唔聽到你有.
佢可以自已唔駛你吹都做完一份功課. 即是佢可以自已做. 我係要釘住我個女做先可以比較快完成一份功課呀. 有時題目都未睇. 佢叫唔識喇.
串黎串去d ...
[ 本帖最後由 AndyRain 於 10-9-22 14:38 編輯 ]
作者: wksin 時間: 10-9-22 19:06
原帖由 AndyRain 於 10-9-22 14:27 發表
多謝你咁快覆的. 學障我諗佢應該無, so far 我係唔駛理佢既功課的, 全部佢自己做晒, 有唔識先等我番黎問的. 學公文英頭半年我仲要佢串晒所有字tim, 佢handle到, 無問題的. 佢可以一時就好快做晒功課 + 練琴 + 公文 ...
我覺得你個仔係, 因為我識得兩個朋友既仔, 包括我仔都CONFIRM 左係, 你可以找醫生幫佢check, 我地找兒童精神科醫生, 睇一次已CONFIRM, $1800診金。
作者: AndyRain 時間: 10-9-22 23:36
想請問佢那一些地方你覺得佢係有專注力缺乏症呢?
另, 我那一個係女黎的.
原帖由 wksin 於 10-9-22 19:06 發表
我覺得你個仔係, 因為我識得兩個朋友既仔, 包括我仔都CONFIRM 左係, 你可以找醫生幫佢check, 我地找兒童精神科醫生, 睇一次已CONFIRM, $1800診金。
作者: midcocc 時間: 10-9-23 03:24
我的囡囡都有d問題??
佢剛升上小一,應該說,讀幼稚園已經有嘢??
一回到學校,便很內向,沒有自信,做事很慢.
現在小一,有些圖畫,家庭相片,都沒有給老師,天天放在書包內,真俾佢缴死!
作者: wksin 時間: 10-9-23 09:21
這個網址講得好詳細 :
http://www.adhd.org.hk/adhd/default.aspx?cmd=whatisADHD
作者: AndyRain 時間: 10-9-23 10:46
謝謝你的回覆. 我睇左, 最難既係, 我女有時真係出現呢d 錯得好離譜, 做事極唔專心的情況, 但佢有時又完全無問題的. 佢番學與同學既關係亦良好, 老師亦從無一個會主動同我投訴佢係學校周圍走, 搞人(佢係學校係比較靜的). 老師係有話佢心散(家長日時講唔係特登打黎講的). 佢係有欠交欠帶野, 但係次數上唔算好多, 我仔反而仲多.
好似尋日咁, 老師叫做一份project, 佢能夠寫低晒份野係要點做的, 要圖片, 要有地點, 年份, 特點, 要成張係a4紙大小, 要colour, 要寫幾多至幾多個字, 呢d全部都係佢有寫低晒係本手冊度的. 咁真係專注力出現問題, 咁又有無機會可以做到咁樣呢??
其實有專注力缺乏症係咪7日x24小時都出現集中唔到精神既情況呢(以無睇任何醫生, 無食藥, 無做任何治療黎計)? (我諗呢個係對於我女既case比較關鍵既問題)
對唔住呀, 太多問題, 只係......... 搵醫生confirm好貴, 所以想問多d資料先決定帶唔帶佢去睇醫生. 最慘佢係一時係一時唔係先死.
又或者真係專注力出現問題, 有咩可以做既呢??
[ 本帖最後由 AndyRain 於 10-9-23 11:25 編輯 ]
作者: midcocc 時間: 10-9-24 00:16
講起同學仲煩,佢會帶小食回校吃,但成日都有人問佢俾糖,佢又唔say no,攪到囡囡叫我不要再帶嘢俾佢.
還有件事,昨天佢才同我說,坐在佢後面的男同學,成日想打佢.好彩,囡囡會避開,如果唔係,實比個死仔打到,真是.....
作者: ThanThan2000 時間: 10-9-24 13:54 標題: 回覆 41# AndyRain 的文章
AndyRain,
我仔仔情況與你女的情況一樣,當初我以為大個左自然會好d,但今年已P.5,情況沒有改變,近來交朋友方面有點困難,缺乏主動,原來是AD/HD 徵狀之一?
我不知道是否要睇醫生,食藥?食藥有無side effect? 真的做人父母不易!
作者: AndyRain 時間: 10-9-24 17:02
咁請問你仔係confirm左係adhd 定無confirm到呀?? 因為我跟之前既mummy俾條link我去做左個初步既評估, 結果係6分度, 佢話唔係adhd.
我女交朋友就無問題, 佢仲有一個大佢2年既師姐成日同佢玩tim. 而佢同班既同學亦會一班人一齊玩, 亦有佢份的. 當然, 你話佢係好識social既人又一定唔係, 但未至於話好少好少朋友. 我成日都聽到佢up 唔同 同學既名的, 佢一齊玩個班應 該有10個8個的. 另外個師姐又會同佢玩. 以前有個細佢一年既細路女好鐘意我女的, 日日都打電話黎同佢傾計, 係真係日日打黎架, 後來我整左個 要入密碼既function, 那個妹妹仔先無再打黎咋.
因為我自己都係內向既人, 所以我覺得唔多朋友都唔係咁大問題, 因為你要我應酬d 唔係fd既人, 我仲覺得煩及浪費時間. 當然, 唔多朋友但係都一定要有朋友啦.
你仔交朋友有困難, 但應該未至於一個朋友都無嗎? 係咪? 可能唔係好似有d 好social既人咁有好大班朋友啫, 咁少極都有3幾個啦. 或者你覺得佢點樣有困難呀?
原帖由 ThanThan2000 於 10-9-24 13:54 發表
AndyRain,
我仔仔情況與你女的情況一樣,當初我以為大個左自然會好d,但今年已P.5,情況沒有改變,近來交朋友方面有點困難,缺乏主動,原來是AD/HD 徵狀之一?
我不知道是否要睇醫生,食藥?食藥有無side effect? 真的做人父 ...
作者: AndyRain 時間: 10-9-24 17:06
你話你女後面個男仔想打佢, 我個仔都有遇到d咁既情況呀, 仲真係俾人打左tim. 俾個死肥仔打佢, 後來我老公教佢還手, 我仔打番佢一次之後, 那死肥仔就唔敢再蝦我仔了. d衰人真係間間學校都有的. 佢以為你細粒好蝦, 點知俾我仔打番一野, 知道痛(我仔都幾大力的), 佢就知衰啦, 唔敢再打. (但係我仔應該無專注力缺乏症的, 佢都一樣係俾人蝦啦. 另外又有一次又俾另一個男人倔佢, 佢咪又係度喊, 好唔開心, 最後我又係同佢講, 你無做過若老師打黎, 我會反投訴番個男仔轉頭的. then佢先安心咋.)
原帖由 midcocc 於 10-9-24 00:16 發表
講起同學仲煩,佢會帶小食回校吃,但成日都有人問佢俾糖,佢又唔say no,攪到囡囡叫我不要再帶嘢俾佢.
還有件事,昨天佢才同我說,坐在佢後面的男同學,成日想打佢.好彩,囡囡會避開,如果唔係,實比個死仔打到,真是..... ...
作者: ThanThan2000 時間: 10-9-24 18:00 標題: 回覆 44# AndyRain 的文章
我都係跟條link去做左個初步既評估, 結果係7分, 我都係條link才知道社交都屬於ad/hd.亞仔每年同班同學都大執位,要從新認識朋友,現在小息都只是一個人行來行去
作者: AndyRain 時間: 10-9-24 19:53
7分好似都仲未話係ad/hd的喎, 我見8分先係的.
其實大多數學校每年都係大執位的, 除左小五升小六. 而你仔到小五都仲係一個人行黎行去, 咁又真係可能孤獨左d. 其實都已經係小學生活左4年, 點樣大兜亂法都應該有d 較為熟既朋友仔的. 我2個細路學校都係咁兜法的, 佢地有識到d新既朋友但同時亦會同番d舊朋友玩的.
或者你有無同亞仔傾下計, 問下點解佢唔同人玩呀(我覺得你咁講會好d, 好似無咁hurt佢咁, 同埋亦真係可能係佢唔同人玩呢)叫佢帶d野食番學校請下d同學食, 引d人黎同佢玩下得嗎? 同埋........佢係咪無得睇電視無得打機無得打電腦架?? 若係, 咁佢好難同人有共同話題的喎. 而家好興既爆旋陀螺佢識嗎??
原帖由 ThanThan2000 於 10-9-24 18:00 發表
我都係跟條link去做左個初步既評估, 結果係7分, 我都係條link才知道社交都屬於ad/hd.亞仔每年同班同學都大執位,要從新認識朋友,現在小息都只是一個人行來行去 ...
作者: midcocc 時間: 10-9-25 00:15
好多謝你們的意見!!
囡囡講嘢好叻,有文有路,只係佢細佬有自閉症,點解呀? 點解我d小朋友咁有問題??
他們都是我自己照顧的, 但是點解感情會這樣.
還想問:adhd點評估.
Thanks
作者: wksin 時間: 10-9-25 22:04
如果真係想做ADHD既評估, 可以去私家精神科醫生(兒童), 或者去心理學家到做 (中文大學心理學系)有得做, $1500, 呢兩個方法都得。
自己做評估是不準的, 因每個人的睇法都有偏差, 只可以作參考, 一定要找專業人士做才準。
我有個朋友, 一直都只係懷疑個仔係, 但有時又覺得唔係, 於是佢同時去找醫生及心理學家做評估, 兩邊都CONFIRM個仔有ADHD, 仲解釋的好詳細點解佢個仔係, 所以有懷疑的, 應該盡快做評估。
[ 本帖最後由 wksin 於 10-9-25 22:09 編輯 ]
作者: 香香 時間: 10-9-27 13:36
提示: 作者被禁止或刪除 內容自動屏蔽
作者: AndyRain 時間: 10-9-27 14:56
我女尋日自己溫默書, 溫完我叫我老公同佢默, 成課中文書(有成版幾咁長的)默晒佢只係錯3個字. 若佢真係完全唔能夠專注, 我諗都好難錯得5個咁少的(個度起碼過100個中文字, 有深有淺的). 尋日係我完全無理佢, 無話佢半句, 我只係叫佢好溫埋d默書啦, 過幾日要默啦, 佢自己坐係度溫的. 佢自己溫既時候係坐得好靜好專心的.
呢點就係我成日尤疑既地方. 佢係有時做到, 有時做唔到. 做到既時候又做得幾好.
好奇怪, 自從我係度問人之後, 佢既表現好左好多. 點講呢..... 其實佢之前都唔係太差, 而係今年9月剛開學時出現好多次好離譜既唔小心/忘記帶野. 但上星期佢就做得好番好多了. 唔知係咪因為暑假既關係, 所以剛開學仲係出現遊魂既情況呢?? 是我多疑還是佢真係有問題呢??
原帖由 香香 於 10-9-27 13:36 發表
我個女有個好特別問題. 佢自己話佢好快唔記得D野. 呢頭得左. 過一陣又唔記得. 佢認人好差. 字都係. 好似有少少老人痴呆咁. 唉. 
得20個中文生字. 佢昨日都攪左好耐. 但係都有一半唔識既. 唔知想點. 
[ 本帖最後由 AndyRain 於 10-9-28 11:17 編輯 ]
作者: ThanThan2000 時間: 10-9-28 09:15 標題: 回覆 47# AndyRain 的文章
AndyRain,
亞仔只喜歡跟四年級認落d同學玩,自從四年級開始,一開學就跟上年認落d人玩,起碼下學期先會跟自己班熟一些
他不是一向都是這樣的,只是由四年級開始有點自閉
我試用好多方法,如買糖比d同學,關係好了一陣子,我和你一樣,我怕自己想多左,可能根本亞仔是正常,只是自己多疑,不想在沒有需要的情況下要他食藥
但有時在想,食藥會否對他學習好d呢?
作者: AndyRain 時間: 10-9-28 11:14
若四年級以前唔係咁, 係咪四年級發生左d 咩事係你唔知既而令到亞仔咁呢?? 或者你試下問下亞仔, 有時佢自己未必為意, 可以問問下問到d野出黎的.
其實我唔知你所講既情況有幾嚴重, 但係.......d細路通常初頭都會同番d 舊fd一齊玩先的, 慢慢同新fd 熟落d 先轉晒同新fd玩. 我女今年都轉左d fd啦, 前年好熟既, 今年已經唔係同佢最fd.
未有好知心既朋友都唔出奇的, 有時都要人夾人緣嘛. 轉fd係我個2個都經常有出現的. 佢keep住有同人玩/傾計咁你都可以再觀察下先, 再諗下辦法拆招.
原帖由 ThanThan2000 於 10-9-28 09:15 發表
AndyRain,
亞仔只喜歡跟四年級認落d同學玩,自從四年級開始,一開學就跟上年認落d人玩,起碼下學期先會跟自己班熟一些
他不是一向都是這樣的,只是由四年級開始有點自閉
我試用好多方法,如買糖比d同學,關係好了一陣子,我 ...
作者: AndyRain 時間: 10-9-28 11:23
我有小小唔明, 佢小一無出現認字問題嗎?? 若只係20個字有一半係認唔到, 那小一好難有90分的. 是不是突然才出現認字唔好呢個問題呢?
你意思係咪20個中文生字係新學既, 完全未學過呀?
原帖由 香香 於 10-9-27 13:36 發表
我同意.要做先知.
可能我自己都好似想逃避. 有時覺得佢係, 有時覺得佢唔係. 我都係一樣. 佢學校老師沒有投訢. 都係家長日先會講佢心散D. 大頭蝦. 小一平均都有90分. (但E生話呢個分數可能係佢好比心機羅番黎. 遲D ...
我個女有個好特別問題. 佢自己話佢好快唔記得D野. 呢頭得左. 過一陣又唔記得. 佢認人好差. 字都係. 好似有少少老人痴呆咁. 唉.
得20個中文生字. 佢昨日都攪左好耐. 但係都有一半唔識既. 唔知想點.
作者: sallyhuang 時間: 10-9-28 14:11
原帖由 AndyRain 於 10-9-27 14:56 發表
我女尋日自己溫默書, 溫完我叫我老公同佢默, 成課中文書(有成版幾咁長的)默晒佢只係錯3個字. 若佢真係完全唔能夠專注, 我諗都好難錯得5個咁少的(個度起碼過100個中文字, 有深有淺的). 尋日係我完全無理佢, 無話佢 ...
雖然我對ADHD瞭解不多，但是我覺得你的女兒很正常，而且很聰明。她自己能獨自溫習中文默書，很快默出來，只錯3個字，她的專注力應該很強。每逢長假期後上學，學生、尤其是小學生都要花點時間收心。你女兒9月份的表現也是非常的正常。一般開朗快樂的孩子會比較粗心，到了高年級後會好一點，我女兒上小學時也是這樣的。
[ 本帖最後由 sallyhuang 於 10-9-28 14:12 編輯 ]
作者: AndyRain 時間: 10-9-28 21:27
她聰明?? 我都想, 她計數很笨的呀, 不會轉灣的.
今天晚上, 剛收到公文老師的來電. 投訴她經常沒有查字典(我很少收到公文老師的特登來電), 我問老師她最近係咪好差(好多野錯, 唔查字典), 老師話係. 我同老師講, 我懷疑佢有專注力不足(adhd), 老師話"唔係, 梗係唔係啦". 我話, 我認真架, 我真係懷疑佢係呀, 佢呢排好多好唔小心既野錯呀. 老師話, 我地呢度有幾個呢類既學生, 佢地既成績通常都會差同埋唔止你女咁少問題的. 可能係放完暑假個心散晒未收拾番所以先有呢個現象, centre 好多學生都係咁.
聽完佢講, 叫做放心多d, 因為佢見既細路多過我好多, 所以可能真係因為summer holiday既問題啩. 再觀察多一排吧.
我之所以比較偏向亞女唔係adhd, 唔係在於我想逃避現實(若我真係逃避我就唔會係度問人啦, 我就係想find out答案, 若係既早d 帶佢睇醫生). 而係因為我過去既一d經驗所致.
我自己以前都教過kinder一段好短既時候, 咁橋班入面有1個adhd 既學生(confirmed)同一個少少智障既學生, 1個係有時突然真係完全lost control的仲有殺傷力tim, 而另一個就無咩殺傷力, 只係好多時嘈呀, 叫下呀, 自己玩, so 擾下人咁. 當然2個既專注力都係唔好啦. 無獨有偶, 佢地2個既眼神都係唔同其他小朋友的, 係......... 你睇到佢既眼神係唔定的, 好迷茫咁的(唔識得點講). 同時我亦幫過好多小朋友補習, 除左呢2個小朋友外, 無其他人係咁樣既眼神的.
亦因為我有以上既經驗, 係我覺得我fd既女係有d問題的(行為不特止, 連眼神都係咁迷汒的), 我建議我fd帶佢女去睇醫生的, 最後亦confirmed左係adhd.
亦因為我唔覺得女眼神迷汒, 加上佢學習能力叫ok同佢既周身郁係應該屬於有時坐唔定那種(佢可以好專心唔郁咁睇圖書成個鐘的)(so far 我教過咁多個細路, 我真正只係見過有2個係坐得超定的(定到好似大人咁), 一個已經係p6 or p5了, 再另一個係p3, 其他既細路都係有耐唔耐坐唔定既情況出現的), 所以我先唔一野帶佢去睇醫生. 希望.......我同公文老師都無睇錯人啦.
原帖由 sallyhuang 於 10-9-28 14:11 發表
雖然我對ADHD瞭解不多，但是我覺得你的女兒很正常，而且很聰明。她自己能獨自溫習中文默書，很快默出來，只錯3個字，她的專注力應該很強。每逢長假期後上學，學生、尤其是小學生都要花點時間收心。你女兒9月份的表現也是非常的 ...
[ 本帖最後由 AndyRain 於 10-9-28 21:32 編輯 ]
作者: PW2002 時間: 10-9-29 14:03
Found that there is a plan called "伯樂行動 " which can provide free consultation (you have to make donation to 公益金) . Not sure if they can help to identify the problem. Does anyone know?
http://www.iqdrtang.com/main.php?pid=10
作者: 香香 時間: 10-9-29 22:24
提示: 作者被禁止或刪除 內容自動屏蔽
作者: HappyHelena 時間: 10-10-16 12:19
提示: 作者被禁止或刪除 內容自動屏蔽
作者: AndyRain 時間: 10-10-18 10:24
經過了一段時間, 我應該可以cfm 我女唔係專注力不足了. 可能真係好似公文miss話齋, 係暑假後遺証.
我女係呢2個禮拜入面, 無咩漏野, 做功課快左好多, 而家有2, 3日仲要好夜先可以番屋企, 佢都無話因為咁而遲左好多做完功課. 而默書個d 亦無問題.
而佢做最近一次既maths speed test 居然可以滿分(反而今次有條係陰佢地既, 佢都無中招), 上次(之前係呢度問人時)係零分喎(佢d野唔係唔識, 但係都可以錯晒).
跟住係上星期又做左份數學既assessment, 70條數只係錯左2條.
佢亦都講得多左好多老師上堂時講既野俾我聽, 如要做d 咩, 要帶d咩, 測驗會有咩部份(標點/重組句子, etc), 佢可以一口氣講晒俾我聽(個度都有數到起碼6, 7part出黎的). 仲要係9月時老師講的, 佢上個禮拜都仲up得番俾我聽.
基於以上種種, 所以我認同公文miss話佢唔係專注力不足, 而係暑假後遺証加懶.
所以我諗其他媽咪d 小朋友都有我之前既情況, 留意下時間睇下係咪長假期之後發生, 同埋問下學野d miss既意見, 應該會有d 幫助的.
| 歡迎光臨 教育王國 (/) |
Powered by Discuz! X1.5 |