教育王國

標題: 鮮魚行 [打印本頁]

作者: ICbaby 時間: 10-9-16 22:14 標題: 鮮魚行

有冇人可以分享吓鮮魚行？個校長好似好出位，
之前有聞說過，但唔太清楚，有冇家長可以分享吓？
對呢間小學有咩評價？

作者: fatherfather 時間: 10-9-16 22:40

提示: 作者被禁止或刪除內容自動屏蔽

作者: circle119 時間: 10-9-21 08:10

莫講鮮魚行.明校都有人講.每間都有長同短.
有些明校:有緊大及設備都冇用,可能讀六年都未論到你,你小朋友得由之何,不店用盡辨法趕走你,好多教完便算,自己找補習及谷.
仲要俾$上課外話動不止,仲要揀人入.

(有時單聽人講未必是你所看的這樣.)

我都去左星期日佢地有OPEN DAY,及實察.
環境及設備雖簡陋,止終是舊建築物.
但教學同支援不失色.所以是小班教學.
各級1-2班(@班25人)

有三層.因得十數間房.
每層4-6間房分配(1年級+6年級)
(2年級+5年級)(3年級+4年級)
(一班是啟導班幫助學障讀障需要同學)
圖書+視藝亦有"room13"+音樂
學校有3部鋼琴(可隨意放學借用練琴)
亦每班有閉路電視.
早上有(1包奶+bread)及維他命丸
(可自由參予計劃,不收費)
冇小食部.得Amway水機
小息--->6年級拖住1年級作伴適應同照顧

甚致間校有成5up外籍老師在校
(因暢言教育基金做了這兒做地基)

過往有6名去了星加坡遊學團(free)
前年有12名亦去了星加坡遊學團(free)
課外話動都有17項
亦學校會有support 學劍橋試
(達到合格定12盾學校幫哂)

仲有好多好多......
總括"對於兼顧及每個一小朋友需要,校長是一視同仁的.每一個都好有公平待遇.小朋友亦開心同有愛心地培育成長".....

如要確實了解..你隨意直接找校長傾談就知. 及上他的網業看看

作者: circle119 時間: 10-9-21 08:28

同埋琴日先和了幾個家長去完"鮮魚行"
同校長傾談.
因有個家長想幫2個女轉(P.4+P.1)

傾談途中,有人電校長對方關於想個小朋友P.6插班,但校長話抱歉不能...

計而我個個另一個mama話想幫2個女轉(P.4+P.1).
校長話各班級都full.除了(P.2).
另校長話其實日日都有電話找他都是想
將小朋友轉入來.
你留名,如明年有空缺再通知你.

點知waiting list佢已經是第四十幾個位置

看到多數別人的要求P3-P.4想轉的更多資料

作者: circle119 時間: 10-9-21 08:41

校長話:話好了解小朋友特性
小朋友不外乎三樣野(食,玩,有人錫)

話佢d小朋友在這兒個個好鐘意做功課+默書

因校長話如有A,A+, A-甲...甲+甲-.
小朋友就可向校長換取禮物.
校長話:自自然然家長同小朋友亦減少勞氣,傷了大家關係推動辦法下.
小朋友是自動自覺完成

我或許亦會跨區第一輪選擇"鮮魚行""
因第二輪:是只得3位學位給跨區

[ 本帖最後由 circle119 於 10-9-21 22:45 編輯 ]

作者: 小尚 時間: 10-9-21 08:47 標題: 回復 5# circle119 的帖子

你本身係邊區？
我諗住叩門入，依家你咁講又無咩機會

作者: circle119 時間: 10-9-21 08:55

早上8:15-下午3:50
lunch :12:10-13:15
上學期1測1考
下學期1測1考

http://ffts.edu.hk/main.php

作者: circle119 時間: 10-9-21 09:04

我SSP區.
校長話:如第一輪選擇"鮮魚行"大多穩守

(諗住叩門入)如有餘額就ok(我諗得)

因個個mama 想轉P.1個個都冇晒位.
因得2班.每班都好似30人.full盡.
插多1個..好似不覺.但校長話留名.

個個mama 好失落.話個個找他.
及在5-6月份再查

作者: circle119 時間: 10-9-21 09:19

同埋今年就算多人報到開3班小一人數.
學校規定都係只能夠收納2班人數

有個學生一家派搬了去油塘定籃田.
小朋友家長話找別的校較方便,

但小朋友話不好(都寧願早少少起床搭車回鮮魚行)

作者: Planet 時間: 10-9-21 11:17

提示: 作者被禁止或刪除內容自動屏蔽

作者: circle119 時間: 10-9-21 12:02

可能途中已插晒30人(未update)

亦是琴日20/9上午09:10在校長室
我們三個家長親耳親眼
同校長對話(現是人數真實數字數據)

作者: Anpanmama 時間: 10-9-21 13:57

其實睇收生人數真係問吓學期尾果級有幾多人至準確，中途轉校呢幾年多咗好多！

作者: floppybb 時間: 10-9-22 00:52

由面臨殺校，爭扎求存，到學生滿瀉，婉拒來者，現在更計劃遷校，細屋搬大屋，創造奇蹟，實在令人動容。

作者: chaknok 時間: 10-9-22 10:13

校長好令人敬佩！ 非常好的校長！100%以學生為先！

免書簿費、堂費和免費校服、早餐、課外活動, 課後還有免費補習班, 假期都開放電腦室........好方便些要返工的父母！

缺點是校內有不少新移民孩子, 行為較為粗鄙！

今年剛批咗小班, 所以d位好緊張！

作者: ZeroM 時間: 10-9-22 11:29

非常欣賞這位校長.

相比有d滿口仁意, 為孩子者想, 但係成績唔好抽千方百計趕佢走.鮮魚行校長確實好好多. 真心辦教育.

作者: miffy 時間: 10-9-22 11:32

提示: 作者被禁止或刪除內容自動屏蔽

作者: hellomickey 時間: 10-9-22 13:56

Thank you circle 119 的分享
鮮魚行小学的轉變,實在令人刮目相看和動容!!

作者: Anpanmama 時間: 10-9-26 19:18

鮮魚行今年終於吐氣揚眉喇！
第一日已經收足生, 再多就計分制！
梁校長你好叻！

蘋果日報 - 20100925 - 小一自行派位　名校現人龍

將於明年起推行小班教學的大角嘴鮮魚行學校，自逃過殺校八年以來，首次在首日即超額報讀，共有 29人報讀，較去年首日多一倍。校長梁紀昌認為，這證明小班教學受歡迎，「我哋『八年抗戰』第一次超額，我要搵指引睇吓點做，因為以前都未用過」。

作者: ZeroM 時間: 10-9-27 09:49 標題: 回覆 18# Anpanmama 的文章

梁校長你好叻

!!!!!!

「我哋『八年抗戰』第一次超額，我要搵指引睇吓點做，因為以前都未用過」。 --- 好欣賞佢甘謙卑.

作者: Sindy 時間: 10-9-27 20:50

原帖由 chaknok 於 10-9-22 10:13 發表
校長好令人敬佩！非常好的校長！100%以學生為先！

免書簿費、堂費和免費校服、早餐、課外活動, 課後還有免費補習班, 假期都開放電腦室........好方便些要返工的父母！

缺點是校內有不少新移民孩子, 行為較為粗鄙！

今年剛 ...

因為我係贊助人關係,所以有幸接觸到該校學生,絕大部份學生都係有禮的,對於一個陌生人,每個學生見到你係校內行過,多數都會向你躹弓打召呼,禮貌好到不得了,當然低年班的比較活潑啦......我完全唔覺得佢地粗鄙....可惜今年我唔得閒,幫唔到佢地開樂器班.... 對於校長,真係做到200分,十分敬佩

就算係一個畢業生,如果有需要返學校學野,都唔會拒於門外,大門長開....總之,你係度讀書,學校做得到既,都會盡力幫忙,真係難得

作者: circle119 時間: 10-9-27 21:53

原帖由 Sindy 於 10-9-27 20:50 發表

因為我係贊助人關係,所以有幸接觸到該校學生,絕大部份學生都係有禮的,對於一個陌生人,每個學生見到你係校內行過,多數都會向你躹弓打召呼,禮貌好到不得了,當然低年班的比較活潑啦......我完全唔覺得佢地粗鄙....可 ...

Sindy你亦都係一個好有善心的人

yes梁校長好令人敬佩！
有教無類...真的是毎一位學生心目中"校長爸爸"

作者: Sindy 時間: 10-9-28 00:22

仲有見到一樣野....就係學校會有D獎勵比學生,有次見到係獎面包,一車仔上下隔既面包.放學鐘聲響,開始有學生黎領獎,雖然唔係校長派,但係校工好有禮貌地派比D細路,一個一個,雖然無排隊,圍住架車,但完全無爭先恐後咁,好有規矩,呢間學校新移民係多,但學生好有教養,睇得出學校比心機去教,我有曾經諗過比仔係度讀,但要過海關係,所以打消左念頭,校長好好人,係我最不安既時候,同我傾過下計,佢表示我有咩佢幫到手既,都可以搵佢.....但....我同佢傾既,唔係佢學生黎架喎....

我贊助既樂器班,首要條件係學生要勤力學...可以比兩個月時間佢地適應,懶就無架喇.....點知,佢地好勤力,好爭氣,乖過我個女,所以我都好痛鍚佢地,呢幾個都係新移民黎的,多謝前多謝後咁,搞到我都唔好意思,唔想佢地覺得受人恩惠咁,我都小去學校探佢地....以我三個小朋友,讀左咁多間學校,我覺得佢同聖心既修女一樣,有一顆熱心,唔係既話,係好難做到的

原帖由 circle119 於 10-9-27 21:53 發表

Sindy你亦都係一個好有善心的人

yes梁校長好令人敬佩！
有教無類...真的是毎一位學生心目中"校長爸爸"

[ 本帖最後由 Sindy 於 10-9-28 00:23 編輯 ]

作者: panbaby 時間: 10-9-28 01:30

Sindy

真想不到...點解會想到去鮮魚行幫手? 好令人尊敬呀

原帖由 Sindy 於 10-9-28 00:22 發表
仲有見到一樣野....就係學校會有D獎勵比學生,有次見到係獎面包,一車仔上下隔既面包.放學鐘聲響,開始有學生黎領獎,雖然唔係校長派,但係校工好有禮貌地派比D細路,一個一個,雖然無排隊,圍住架車,但完全無爭先恐後咁,好 ...

作者: Ben2003 時間: 10-9-28 01:50

真係難得....

原帖由 Sindy 於 10-9-27 20:50 發表

因為我係贊助人關係,所以有幸接觸到該校學生,絕大部份學生都係有禮的,對於一個陌生人,每個學生見到你係校內行過,多數都會向你躹弓打召呼,禮貌好到不得了,當然低年班的比較活潑啦......我完全唔覺得佢地粗鄙....可 ...

作者: Sindy 時間: 10-9-28 02:51

原帖由 panbaby 於 10-9-28 01:30 發表
Sindy

真想不到...點解會想到去鮮魚行幫手? 好令人尊敬呀

只係幫下手,談唔上尊敬....不敢當....

我果時係睇校長獎罐頭食物比學生既新聞,佢地好開心咁拎D罐頭返屋企,覺得D學生好生性,比起我果D係屋企,乜都有既港孩,上一堂樂器課,就抵到佢地一個月既四人小組堂,所以我咪幫佢地搵人去上堂,送埋樂器囉...見到佢地好勤力練習,我都好開心,學校亦都好有原則,並唔係有人贊助,就乜細路都比佢黎上堂,要達到某方面既標準,先會比佢學樂器,等佢地知道有收獲都要有付出,更珍惜得來不易既機會,我覺得佢地真係做得好好,老師亦要額外多跟一樣野,亦無怨言,我碰到呢間學校既人,全部都係好好的.我仲有聯絡一D呢度既BK阿媽/爸,睇下佢地有咩識,可以教到佢地課外活動,呢度都有好多媽咪同阿爸係好熱心,不過人地無講啫

,因為我要搞另一樣我覺得好有意義既野,所以暫時放唔到時間係佢地度,我都覺得好慚愧,如果有人可以幫下佢地,我可以安排.....其實要幫人,唔係想像中咁大件事,有人會諗,贊助樂器班喎,一定好多錢,其實唔駛囉,一個月幾百蚊,四五個小朋友受惠,好值得,又或者,如果本身都識織野呀,做紙'LIM'土呀咁,只係材料錢而已,學生又可以多樣野學下,真係幾有意義架....

作者: Ben2003 時間: 10-9-28 03:20

獅子山下

http://www.youtube.com/watch?v=-pDym5d_a7M&feature=related

作者: ken9989 時間: 10-9-28 09:30

提示: 作者被禁止或刪除內容自動屏蔽

作者: km1357 時間: 10-9-28 10:27

原帖由 Sindy 於 10-9-28 02:51 發表

只係幫下手,談唔上尊敬....不敢當....

我果時係睇校長獎罐頭食物比學生既新聞,佢地好開心咁拎D罐頭返屋企,覺得D學生好生性,比起我果D係屋企,乜都有既港孩,上一堂樂器課,就抵到佢地一個月既四人小組堂,所以我咪幫 ...

香港都仲有好多有心人.

作者: km1357 時間: 10-9-28 10:29

原帖由 Sindy 於 10-9-28 02:51 發表

只係幫下手,談唔上尊敬....不敢當....

我果時係睇校長獎罐頭食物比學生既新聞,佢地好開心咁拎D罐頭返屋企,覺得D學生好生性,比起我果D係屋企,乜都有既港孩,上一堂樂器課,就抵到佢地一個月既四人小組堂,所以我咪幫 ...

香港仲有好多有心人

歡迎光臨教育王國 (/)