教育王國
標題: 元朗區2013年升中資訊 [打印本頁]
作者: mamafufu 時間: 10-10-7 01:25 標題: 元朗區2013年升中資訊
本帖最後由 mamafufu 於 12-12-11 00:20 編輯
2013 年升中入學討論，由995樓開始。
作者: Sherryko9 時間: 10-10-7 09:52
多謝mamafufu設立呢個專題,好啦!等我都擺D資訊落去先.
鄉中舉辦的元朗區十大傑出學生選舉:
http://www.nthykyldss.edu.hk/news/ylps/ylps_05.html (deadline for submission: 15.10.10)
作者: mamafufu 時間: 10-10-15 15:58 標題: 伊中舊生會中學「學習生活體驗日」
伊中舊生會中學「學習生活體驗日」
（一）遊覽體驗
10月30日(星期六)
（二）校園生活體驗
11月3日(星期三)
http://www.ss.qesosa.edu.hk/New_web_working/n4_curriculum/eps/20101030.pdf
[ 本帖最後由 mamafufu 於 10-10-15 16:03 編輯 ]
作者: mamafufu 時間: 10-10-15 16:00 標題: 伊湯中 『體驗學習歷程』
伊中舊生會中學「學習生活體驗日」
（一）共遊湯中校園
10月30日(星期六)
（二）體驗學習歷程
11月3日(星期三)
http://www.tkwss.qesosa.edu.hk/adv/1011_primary_leaf.pdf
[ 本帖最後由 mamafufu 於 10-10-15 16:09 編輯 ]
作者: mamafufu 時間: 10-10-20 03:12 標題: 保良局百周年李兆忠紀念中學
保良局百周年李兆忠紀念中學 (屯門)
* 中一自行分配學位 (2011-2012年) 的申請表格可於2010年12月1日起在學校網頁內下載。
*「升中簡介會」定於2010年12月12日下午1時30分於學校禮堂進行，歡迎小六同學及家長預留時間參與，報名詳情容後公佈。
作者: mamafufu 時間: 10-10-21 10:42
呢排小六生掛住準備呈分試，升中資訊小d，所以我借機會講吓元朗/屯門區各中學的意見，自行收生階段係不分區，所以元朗學生都可以報屯門區中學(甚至九龍或港島區)。
首先講吓Band 1 中學，我認為元朗區EMI增值最多的一定係信義，而最少(甚至負增值)係元中、趙聿修、商會。元中、趙聿修好可能係非常大的負增值。
作者: mamafufu 時間: 10-10-21 11:19
第一間我想講鄉議局中學，呢間絕對係元朗區最top的中學，元朗/天水圍小學全級頭三名好多都揀呢間，甚至天主教小學(有崇德聯繫位)既全級一/二名都經常揀鄉中而唔揀(應是自行時放第二志願)崇德。
呢間行絕對的精英主義，由中一開始，中一分班試時考頭四十名(現時好似係三十六名)編入E班(精英班)，41-80名編入D班(次精英班)，其餘打散編入ABC班，但通常其中一班成績會較差。
鄉中讀書比較自由﹐功課唔多，但較多小測，如果學生唔自律，就唔適合讀呢間。不過入得鄉中的學生，絕大部份係小學時成績已經好標青，讀書好叻，通常升中後都會KEEP住勤奮讀書，同學間讀書(溫書)氣氛頗濃。
佢地既試題同其他元朗EMI學校比，深咗小小，但差距不大。 雖然佢地的考試卷全級一樣，但平時 小測/chapter quiz ，由各負責老師自行出題，所以好多時E班一份小測卷，D班另一份考卷，ABC又另一份，大部分(但不是絕對)情況都係E/D班的小測卷略深過ABC班，ABC班的小測卷程度同其他元朗EMI差唔多。
鄉中傳統較着重理科，(會考年代)差唔多全部叻學生都揀理科，所以中六理科班有60個位，都要20/21分先至可以原校升讀。而文科(1班30個位)過去兩年都係收15分---對比信義文科今年收19分, 陳瑞芝收21分, 梁銶琚收22分。
如果個小學生的成績全級頭五名內，鄉中應放在自行收生階段的其中一間，6-20名內，如果學生有自律性，亦應考慮，20名以外，就要有破釜沈舟, 置之死地而後生的精神才好報讀。
----以上約屬個人意見，各家長應搜集多方面資料，才選出"最適合"你的小朋友就讀的學校。記住，沒有學校是完美的，而『最好』(會考成績)的學校未必是『最適合』你小朋友的學校。 -----
作者: christy-mama 時間: 10-10-21 11:40
mamafufu
好多謝你既意見同分享
如可以希望能夠講下band2, 3既學校情況! :)
作者: Sherryko9 時間: 10-10-21 12:16
好多謝你提供的資料和分析,可否繼續提供由上至下各中學的個人分析,真係對我地的半盲毛好有用!
原帖由 mamafufu 於 10-10-21 10:42 發表 
呢排小六生掛住準備呈分試，升中資訊小d，所以我借機會講吓元朗/屯門區各中學的意見，自行收生階段係不分區，所以元朗學生都可以報屯門區中學(甚至九龍或港島區)。
首先講吓Band 1 中學，我認為元朗區EMI增值最多的一定係信義 ...
作者: mamafufu 時間: 10-10-21 12:24
唔使客氣，升中資料互相分享，大家都會得益。
不過我打字慢，打呢d文章要用好多時間，可能要慢慢來。
christy-mama and Sherryko9:
你地有冇邊間中學係心水?或者我講佢地先。不過我唔係所有元朗中學都熟識，睇下幫唔幫到你地。
原帖由 Sherryko9 於 10-10-21 12:16 發表
好多謝你提供的資料和分析,可否繼續提供由上至下各中學的個人分析,真係對我地的半盲毛好有用!
作者: Sherryko9 時間: 10-10-21 13:39
好多謝你呀!我都唔客氣,信義和盧中係我心水選,雖然趙中已不在我心水3甲,但我亦想知多知佢負增值情況.
對於學校功課和考試,囡囡唔雖太費勁,坐定定温晒D書就攪掂,佢主尊心唔太弱,有少少唔衰得的性格,佢自動力又唔太強,但到考試前佢又會主動走去書台温書,當然啦!有時要催促佢快D温晒去,佢少少慢條斯理,日日都要睇電視,我有話佢比好多同學hea,放學回家一定要睇6點果場電視,跟手食飯又睇電視劇,總之呢D係佢每日娛樂之一,我和爸爸都唔反對,但有時真係覺得太多甘解!可能佢出面學的野比學校深,所以學校書本對佢來說輕易易舉,我都唔太清楚邊D學校適合她;不如睇吓你有物好主意,參詳參詳!(囡囡記性好,默書呢家野只需温1次已攪掂,十居其八都拿滿分)
原帖由 mamafufu 於 10-10-21 12:24 發表
唔使客氣，升中資料互相分享，大家都會得益。
不過我打字慢，打呢d文章要用好多時間，可能要慢慢來。
christy-mama and Sherryko9:
你地有冇邊間中學係心水?或者我講佢地先。不過我唔係所有元朗中學都熟識，睇下幫唔幫到你地 ...
作者: wbady 時間: 10-10-21 14:36
原帖由 mamafufu 於 10-10-21 11:19 發表
第一間我想講鄉議局中學，呢間絕對係元朗區最top的中學，元朗/天水圍小學全級頭三名好多都揀呢間，甚至天主教小學(有崇德聯繫位)既全級一/二名都經常揀鄉中而唔揀(應是自行時放第二志願)崇德。
呢間行絕對的精英主義，由中 ...
我想補充小小：一般科目上下學期各測兩次，數學則每教完一個單元測一次；至於abc班測卷是否較淺，不大清楚，但统測安排在禮堂，我相信會是一樣，有些會安排在課室測，也許有所別也不奇，至於de班測卷有分別，未聽過亞女講，因她好同學在d班而她是e班。
今年2d班41人，因收了崇德成績很好的學生插入d班，e班仍是40人，abc班則37人，中一則de班39人，abc班34人。
鄉中教師很有個人風格，每個教師教法都不一樣，同學真的要加把勁才能適應，但整體而言教師是很尊重學生，功課多少都有商量，亞女讀得很開心。
作者: mamafufu 時間: 10-10-22 03:06
跟著講下信義。
信義可以講係元朗區最"矚目"的中學，以往報紙要報導"中中的成績不比英中差"，一定會訪問信義，不過呢種"成就"，要學生付出好大的代價--每年中三升中四，都要淘汰一班，由(5x45)人減至(4x38)人，呢70人(有些年份多達100人)，就要走去band 3尾的學校就讀。所以信義的會考14分或以上百分率，經常保持住85%以上，比女拔/男拔/喇沙/皇仁重高。
當然除了淘汰"次一級"(其實佢地仍然係BAND 1水準的學生)外，信義對自己學生的催谷都好勁，功課量比其他英中多好多，功課/測驗/考試題目比起其他英中略淺
，但由於量夠大，所以對提升BAND 1中至尾學生的水準，十分有效。
信義去年正式轉為全英中，但在催谷學生方面，絲毫沒有放鬆，反而加多"兩斤"重---今年信義F.1 統測前一個月，全級每日都要留校補課一小時，最快四點半先至放學，有時重要耐D。
聽學生轉述學校老師的說話--部分老師心聲--信義依家成績已經好過崇德及趙聿修，但重想更進一步。(呢點看法我有保留)
信義去年第一年(偷步)轉為全英中，世界歷史及地理首次使用英文教學。可能係第一年用英文教學的關係，效果並不十分理想，世史好多學生表示唔明白/掌握唔到重點，地理只係教咗原課程的三分之二，剩餘的三分一在六月大考後先教，暑假要學生自行做完整課的作業，九月開學時交。希望今年效果會好D。
信義係少數元朗區中學係初中有"真正"通識科的學校，課程內容同新高中文憑的通識科類似，我覺得對學生升讀新高中文憑的通識科好有幫助，不過佢地今年開始，初中通識使用全英文教學，我有D擔心教學效果反而會差咗，學生的分析/論點無法完整地表達出來。
至於校風方面，各家長完全唔使擔心，絕大部分學生都好純好乖，信義係元朗區校風最好的中學之一。
學校老師都好盡責，冇聽過有吞pot/不負責任老師的評語。
總括而言，信義係一間好好既學校，假設小六級band 1 生有60名，全級頭10名內，如果缺乏自覺性，"信義可以幫到你"!全級10至50名的學生亦應考慮放信義在自行收生階段的其中一間。入咗呢間中學，就唔好預期會有"輕鬆愉快"的校園生活，當然回報是公開試成績比其他人好。
.....呢編文章打咗兩個鐘，要休息幾日再講其他中學.....
-----
以上純屬個人意見，各家長應搜集多方面資料，才選出"最適合"你的小朋友就讀的學校。記住，沒有學校是完美的，而『最好』(會考成績)的學校未必是『最適合』你小朋友的學校。
-----
作者: Sherryko9 時間: 10-10-22 08:54
辛苦你呀!
你分析真係好詳細,我
.如果可以幫你打中文,我一定義不容遲!但係我地天各一方,你有你生活,我有我忙碌,還攪到你要閉關幾日養氣,真係唔好意思!希望你下次出關,又大發神功,開著名燈比我地詳考,謝謝
原帖由 mamafufu 於 10-10-22 03:06 發表
跟著講下信義。
信義可以講係元朗區最"矚目"的中學，以往報紙要報導"中中的成績不比英中差"，一定會訪問信義，不過呢種"成就"，要學生付出好大的代價--每年中三升中四，都要淘汰一班，由(5x45)人減至(4x38)人，呢70人(有些年份多 ...
作者: christy-mama 時間: 10-10-22 10:39
mamafufu
辛苦晒你用咁多間同心機打出來...
我想了解以下幾間學校!
1. 基朗
2. 伊利沙佰舊生會中學
3. 伊湯中
4. 西門英才
5. 羅桂祥
謝謝!!!
作者: Sherryko9 時間: 10-10-22 11:12
我諗我可以講吓伊中兩所中學(因為識人係到教).
伊中兩所同伊小兩所直通,佢地主要貨源係收伊小,下年結龍---粗龍;伊中中自稱(在天水圍卦!)係band1尾,今年印左成幾仟份宣傳單張(唔明?幾千份甘多?)比元朗區小學,囡囡學校都收到,伊湯中只比伊小兩間,唔比其他.伊中中識人講,粗龍只會令佢地水準下降,甘睇我諗意思伊小學生成績唔太好,但無法,貨源保証;伊湯中D學生有好有唔好,以S5級為例,會有1班學習導向低,行為/成績間乎Band3水準(我諗間間中學都有呢D情況),好班自律性高,好主動學習,例如會自動留係課室温書,好勤力.伊中兩間最高領導人唔係校長,係幕後開山先祖校長,唔記得叫X太,無領人工,但成日email或回校開會,比"意見";如果以成績來看,伊中中比湯中受伊小學生歡迎,因為伊中中歷史耐.
如果係band1學生,還有大把選擇.
羅桂祥,好早已是天水圍band1(所謂)學校,我諗名聲比伊中兩所高卦?
原帖由 christy-mama 於 10-10-22 10:39 發表
mamafufu
辛苦晒你用咁多間同心機打出來...
我想了解以下幾間學校!
1. 基朗
2. 伊利沙佰舊生會中學
3. 伊湯中
4. 西門英才
5. 羅桂祥
謝謝!!! ...
作者: christy-mama 時間: 10-10-22 14:46
原帖由 Sherryko9 於 10-10-22 11:12 發表
我諗我可以講吓伊中兩所中學(因為識人係到教).
伊中兩所同伊小兩所直通,佢地主要貨源係收伊小,下年結龍---粗龍;伊中中自稱(在天水圍卦!)係band1尾,今年印左成幾仟份宣傳單張(唔明?幾千份甘多?)比元朗區小學,囡囡學校 ...
Sherry
多謝你既分析, 咁兩所伊中收幾伊小學生呢, 其他小學入既機會咪好少? 即然係咁, 伊中中點解仲要派傳單比其小學, 呀囡間學都收到!
作者: Sherryko9 時間: 10-10-22 15:56
其實我講的都不是唔係甚麼分析.
佢地而家還研究緊明年"粗龍"的細節,好似和教局相量緊.
粗龍意思是兩間伊中和兩間伊小接龍,佢地高層唔想側向一邊,因為兩間伊小大部份學生取向伊中中,所以建議頭20%(唔肯定)可以揀自己喜愛的伊中中或湯中(多數會揀伊中),餘下的電腦派,平衡番D學生.
呢D真係有D奇怪?---伊中中會派宣傳單比元朗區小學;伊湯講明唔會,只派給伊小學生;有人話可能伊中中經費多,所以可以印幾千張宣傳單!其實宣傳單張.
再講番伊中中(伊湯中,暫時唔知太多),佢地每年攪唔少離港團給學生,有北京/歐洲(好似攪過德國?),阿X太(背後軍帥)好睇學生意見,所以係入面做的老師都好慘!早期好多老師頂唔順走人(呢個係事實),近幾年上左軌道,老師穏定左,但仍好辛苦(包括伊湯中,聽聞湯中有唔少老師,包括高層,曾患情緒病,因為工作壓力大).
如果照表面甘睇,你可以話佢地有衝勁,但苦了老師!
好多時我能醫不自醫,唉!都有D嘆矣何!對於自己心儀的學校反知不多!
原帖由 christy-mama 於 10-10-22 14:46 發表
Sherry
多謝你既分析, 咁兩所伊中收幾伊小學生呢, 其他小學入既機會咪好少? 即然係咁, 伊中中點解仲要派傳單比其小學, 呀囡間學都收到!
作者: mamafufu 時間: 10-10-23 11:28
Sherryko認識伊中中的老師，佢對伊中中的意見應該比我有用好多。
不過我識幾個喺伊中中讀的學生，遲D講吓我對伊中中的印象，作為對Sherryko意見的補充。
上篇文章提到信義可能係EMI(英中)升值最高的中學，咁伊中中可能係CMI(中中)升值最高的中學之一。另外羅桂祥及翁佑都係非常好的中中。
伊中中及伊湯中明年(11年)開始同兩間伊小結龍，佢地收取的學生質素可能受影響，而且收取外校生的人數會減少好多，外校生想報伊中中，要留意呢點。
參考翁佑(同伍冕端一條龍)的數據，電腦派位階段乙部只有廿多個名額供全部學生(包括伍冕端學生及外校生)選擇。
[ 本帖最後由 mamafufu 於 10-10-24 01:50 編輯 ]
作者: 701003 時間: 10-10-24 01:05
原帖由 mamafufu 於 10-10-23 11:28 發表
Sherryko認識伊中中的老師，佢對伊中中的意見應該比我有用好多。
不過我識幾個喺伊中中讀的學生(中二至中七都有)，遲D講吓我對伊中中的印象，作為對Sherryko意見的補充。
上篇文章提到信義可能係EMI(英中)升值最高的中學 ...
翁祐only 20個位放出街
咁我即係諗都唔使諗啦！寄望羅桂祥啦！
再過屯門碰下運氣，馬可賓普教中，我like
不過我知有不少教育界ge父母，想仔女升中入宏信，唔使谷餐死都係好事
[ 本帖最後由 701003 於 10-10-24 01:11 編輯 ]
作者: mamafufu 時間: 10-10-24 02:31
趁著今晚得閒，講吓我對伊中中的印象，作為對Sherryko意見的補充。
天水圍咁多間中學，我覺得做得最好的是羅桂祥、伊中中及翁佑。佢地收既學生水準唔係特別標青( 叻既都俾英中收哂啦)，但會考成績卻不錯，而且校風都好好。
識一個伊中中的中七同學，佢小六放榜時第二志願派入伊中中，放榜時喊成淚人。但入咗伊中中後讀得好開心，睇得出伊中中老師好有愛心，循循善誘，耐心教導，佢會考考到廿幾分(全級頭幾名)，正衝刺A-Level中。可見『好既老師+勤力既學生+好既學習環境/氣氛』，不論英中/中中，都可以成材。
伊中中既政策係中一至中三連續讀同一班，不會調班，但教導的老師未必會相同。
(略去，最update資料請參考下文紅字)
伊中中大概有三分二的學生是由伊小正或伊小分升上來，另三分一是外校生。兩間伊小的畢業生，在英文班約佔一半人數，但在中文班則佔絕大多數，有些班高達四分三，可見伊小畢業生，在中學時仍有好大的進步空間。 ^_^
明年(11年9 月入學)伊中中同兩間伊小結龍，俾外校生的名額會少好多，伊中中的學術水平好可能短時間內有D影響。
今年(10年)伊中中有78個位供大抽獎用(沒有聯繫小學的羅桂祥有104個)，同伊小結龍後，參考翁佑的數據，明年只會有26個或更少，因此外校生考慮伊中中時，要留意取錄機會會否少咗好多(或相反情況出現--由於名額少，家長唔敢報，機會反而增加咗)
由於一條龍的原因，伊中中明年取錄的學生水準沒法用今年或往年的數據做參考，加上給外校生的名額大幅減少，所以唔敢推薦各外校生的家長報呢間。但可以肯定的是，伊中中結龍後仍會是一間好好既學校---不過只限兩間伊小既學生享用。
多謝jaja澄清伊中中的英文班數目，我識既伊中中學生係讀中二，呢級開咗兩班英文班，原來喺教統局既語言微調政策下，伊中中只可開到一班英文班，即係全級只有36人左右可以讀英文班，而且初中三年係沒有英文班的上落車制度，經由中一分班試成績編定的中/英文班別，喺中一至中三都唔會改變。
[ 本帖最後由 mamafufu 於 10-11-5 11:33 編輯 ]
作者: mamafufu 時間: 10-10-24 21:58
元朗商會中學2011年九月升中一報名表可以下載了﹕
http://www.ylmass.edu.hk/web/what_news/S1%20Admission/S1_app_Form1112_c.pdf
今年商會有一項特別附注﹕"英文科成績優異或曾獲奧數獎/傑出學生獎"可直接獲面試資格。
作者: Sherryko9 時間: 10-10-25 10:40
Hi mamafufu,
辛苦你了!
我等緊你對盧中/商中/趙中的分析,謝謝
作者: christy-mama 時間: 10-10-25 10:45
咁2011年, 入伊中中既機會少左好多.... 
謝謝sherry , mamafufu既資料...
剛收到學校傳單基朗於11月28日有介簡會!
[ 本帖最後由 christy-mama 於 10-10-25 10:47 編輯 ]
作者: Sherryko9 時間: 10-10-25 10:48
最衰都係楊公(殺校),如果唔係貨源保証,伊中中佢地駛鬼結龍咩!知今年伊小都開到5班,所以係兩間伊中的貨源保証.聽番伊中中老師都嘆氣結龍後D學生質素會下降,你諗兩間伊小學生質素如何,連伊中中D老師都知,但無法,起碼呢十年八年都唔駛出去拉客,可以專心D教學,但亦有教學壓力,因為入去的學生質素如此,佢地都要諗吓辦法提高水準了!
原帖由 mamafufu 於 10-10-24 02:31 發表
趁著今晚得閒，講吓我對伊中中的印象，作為對Sherryko意見的補充。
天水圍咁多間中學，我覺得做得最好的是羅桂祥、伊中中及翁佑。佢地收既學生水準唔係特別標青( 叻既都俾英中收哂啦)，但會考成績卻不錯，而且校風都好好。
...
作者: mamafufu 時間: 10-10-25 14:05
其實兩間伊小都有好的band 1學生，不過佢地當伊中中係"水泡"，第一志願係元朗區英中，入唔到英中先至會"回歸"伊中中。
最壞的情況係，伊中中跌到同循道衛理中學(同循道衛理小學一條龍，循小的口號是愉快學習)同一水平。
原帖由 Sherryko9 於 10-10-25 10:48 發表
最衰都係楊公(殺校),如果唔係貨源保証,伊中中佢地駛鬼結龍咩!知今年伊小都開到5班,所以係兩間伊中的貨源保証.聽番伊中中老師都嘆氣結龍後D學生質素會下降,你諗兩間伊小學生質素如何,連伊中中D老師都知,但無法,起碼呢 ...
作者: Sherryko9 時間: 10-10-25 14:30
我諗點解伊中中今年會向元朗區D小學派宣傳單(雖然兩間伊中講過只派給兩間伊小),招攬幾多得幾多band1生卦?如果跟據甘形勢,伊中中前程未好險?其實"一條龍"係唔係只收85%(一條龍小學)學生,不是全部呀?因為睇教局網頁好似一條龍85%,聯繫25%,是否?究竟"聯繫"幾時會終結?只聞樓梯响.
原帖由 mamafufu 於 10-10-25 14:05 發表
其實兩間伊小都有好的band 1學生，不過佢地當伊中中係"水泡"，第一志願係元朗區英中，入唔到英中先至會"回歸"伊中中。
最壞的情況係，伊中中跌到同循道衛理中學(同循道衛理小學一條龍，循小的口號是愉快學習)同一水平。
...
作者: mamafufu 時間: 10-10-26 09:24
香港青年協會李兆基書院 (直資，不參加派位)己開始招生﹕
開放日及簡介會﹕
11月20日(六)及12月12日(日)
http://www.hlc.edu.hk/Pages/Doc/1112_s1_briefing.pdf
申請表﹕
http://www.hlc.edu.hk/Pages/Doc/1112_s1_admission_form.pdf
申請須知﹕
http://www.hlc.edu.hk/Pages/Doc/1112_s1_admission_guideline.pdf
作者: mamafufu 時間: 10-10-26 09:36
今年報元朗區學生自行階段報屯門中學要認真考慮，因大抽獎階段好大機會屯門區沒有學位分配給元朗區(去年只有部份屯門區中學有象徵性的兩(two!)個位俾元朗區學生做抽獎，一D熱門中學更加冇得填，令到好多家長失咗預算。
其實冇咗伊中中的選擇，元朗區同級的中學重有羅桂祥, 白約翰, 基朗, 鄧佩瓊 等可以考慮，唔使山長水遠去屯門。
原帖由 701003 於 10-10-24 01:05 發表
翁祐only 20個位放出街 咁我即係諗都唔使諗啦！寄望羅桂祥啦！
再過屯門碰下運氣，馬可賓普教中，我like
不過我知有不少教育界ge父母，想仔女升中入宏信，唔使谷餐死都係好事 ...
作者: Sherryko9 時間: 10-10-26 10:04
mamafufu,我真係好佩服你的分析,你放落同級果D中學亦係我心中同級中學系列,有時見有D媽咪真係高估或低估(可能高要求)某些中學banding.可否繼續分析其他中學?
原帖由 mamafufu 於 10-10-26 09:36 發表
今年報元朗區學生自行階段報屯門中學要認真考慮，因大抽獎階段好大機會屯門區沒有學位分配給元朗區(去年只有部份屯門區中學有象徵性的兩(two!)個位俾元朗區學生做抽獎，一D熱門中學更加冇得填，令到好多家長失咗預算。
其 ...
作者: mamafufu 時間: 10-10-26 10:41
每間中學都會有人讚好或批評，不同的中學要比較，最適當的方法是比較各中學的會考成績，會考成績呢家野冇得作假，作大。
不過好多中學，由其是成績"油麻地"的中學，唔想公開，咁就要問正在就讀此校的學生，特別是高年級的學生，佢地都會關注自己學校的公開試成績。
原帖由 Sherryko9 於 10-10-26 10:04 發表
mamafufu,我真係好佩服你的分析,你放落同級果D中學亦係我心中同級中學系列,有時見有D媽咪真係高估或低估(可能高要求)某些中學banding.可否繼續分析其他中學?
...
作者: mamafufu 時間: 10-10-26 10:42
基朗中學升中簡介會(28/11)
http://www.keilong.edu.hk/schoolnews/20101019/1011.doc
作者: whywhywhy 時間: 10-10-26 13:41
any comments of this school??
作者: mamafufu 時間: 10-10-26 14:35
It's a very good school.
Highly recommended.
I'll comment on this school some days later.
原帖由 whywhywhy 於 10-10-26 13:41 發表
any comments of this school??
作者: jaja 時間: 10-10-27 23:29
小女伊小分剛考完第二次呈分試, 11月要決定跟唔跟一條龍, 如你地所講Banding好, 真係會優先考慮選擇其他開全英文班既中學。
至於其中兩間伊小及兩間伊中接龍情況可以分享一下, 兩間小學頭33%可以選擇其中一間心儀中學, 咁多數都會簡伊中中, 其餘參加接龍學生會以抽籤形式進行, 到最後階段入唔到心水嗰間, 唔可以上訴, 只可以拒絶接龍。
希望各位比D意見
1) 如果係33%以內, 應唔應該簡上伊中中呢? 但佢只開兩班英文班, 會唔會入唔倒呢 ?
2} 想問基元及信義比較你地會點睇 ?
作者: MATHEWMA 時間: 10-10-28 00:53
我仔仔今年讀中一, 剛剛玩完這個大抽獎, 可以SHARE 一 吓出來, 幫吓手, 信義真係比較難入, 全級無十名都唔駛張 or interview. 今年HKCEE又好好成績, 仲好過D英中 !!
所以應該基元會容易少少 !!
作者: Sherryko9 時間: 10-10-28 10:08
你仔仔是否有考信義呀?情況如何?你仔仔係邊間小學呢?請恕我問題多多
原帖由 MATHEWMA 於 10-10-28 00:53 發表
我仔仔今年讀中一, 剛剛玩完這個大抽獎, 可以SHARE 一 吓出來, 幫吓手, 信義真係比較難入, 全級無十名都唔駛張 or interview. 今年HKCEE又好好成績, 仲好過D英中 !!
所以應該基元會容易少少 !! ...
作者: 701003 時間: 10-10-28 10:56
原帖由 MATHEWMA 於 10-10-28 00:53 發表
我仔仔今年讀中一, 剛剛玩完這個大抽獎, 可以SHARE 一 吓出來, 幫吓手, 信義真係比較難入, 全級無十名都唔駛張 or interview. 今年HKCEE又好好成績, 仲好過D英中 !!
所以應該基元會容易少少 !! ...
信義競爭激烈，入到都要加倍努力讀書才可應付！基元09-11年度面試日都好多人，相信band 1中游分子自行派位取錄機會不大，反而统一派位會易入少少！今年度P.6畢業生無上年咁多，元朗又無咩中學縮班，所以入到心儀英中機會易少少咁啦
作者: Sherryko9 時間: 10-10-28 11:09
希望啦
原帖由 701003 於 10-10-28 10:56 發表
信義競爭激烈，入到都要加倍努力讀書才可應付！基元09-11年度面試日都好多人，相信band 1中游分子自行派位取錄機會不大，反而统一派位會易入少少！今年度P.6畢業生無上年咁多，元朗又無咩中學縮班，所以入到心儀英中機會易少少咁 ...
作者: MATHEWMA 時間: 10-10-28 21:44
原帖由 Sherryko9 於 10-10-28 10:08 發表
你仔仔是否有考信義呀?情況如何?你仔仔係邊間小學呢?請恕我問題多多
無問題 !! 我仔仔小學讀天官小, 原本派到元中, 但我哋放棄元中去叩門"基元". 最後基元收我仔仔. 我哋沒有考信義 !!
作者: mamafufu 時間: 10-10-29 10:11
選伊中中或其他英中，要考慮以下幾項因素﹕
(1) 伊小分有幾多%學生係band 1?
『假設』伊小分只有30% band 1，咁30-33%的學生屬於band 2，佢地當然應揀伊中中一條龍啦。
(2) 你個囡囡的成績是band 1的頭/中/尾?
如果係band 1 尾，會唔會有機會第三次呈分試(明年三/四月)時失手，跌落band 2? 揀伊中中會唔會穩陣D?
(3) 頭33%可以選擇其中一間心儀中學-->係只計頭兩次呈分試的成績(11月時已可確定名次)，或三次合併(明年四月才可確定)的成績?
(4) 你的囡囡的英文成績是否較好，對英文科也有興趣，預期讀英文中學/英文班會對佢既英文水準有所提昇?
(5) 你話"其餘參加接龍學生會以抽籤形式進行, 到最後階段入唔到心水嗰間, 唔可以上訴, 只可以拒絶接龍。"--->咁幾時知抽籤結果，幾時最後決定是否拒絶接龍?
原帖由 jaja 於 10-10-27 23:29 發表
小女伊小分剛考完第二次呈分試, 11月要決定跟唔跟一條龍, 如你地所講Banding好, 真係會優先考慮選擇其他開全英文班既中學。
至於其中兩間伊小及兩間伊中接龍情況可以分享一下, 兩間小學頭33%可以選擇其中一間心儀中 ...
[ 本帖最後由 mamafufu 於 10-10-29 10:18 編輯 ]
作者: jaja 時間: 10-10-29 12:17
非常多謝你詳細分析!
(1) 伊小分有幾多%學生係band 1?
『假設』伊小分只有30% band 1，咁30-33%的學生屬於band 2，佢地當然應揀伊中中一條龍啦。
*據佢地以往紀錄約60%獲派Band1中學
(2) 你個囡囡的成績是band 1的頭/中/尾?
如果係band 1 尾，會唔會有機會第三次呈分試(明年三/四月)時失手，跌落band 2? 揀伊中中會唔會穩陣D?
*第二次呈分試後應該係33%內, 約學內band1中
(3) 頭33%可以選擇其中一間心儀中學-->係只計頭兩次呈分試的成績(11月時已可確定名次)，或三次合併(明年四月才可確定)的成績?
*只計頭二次呈分試成績
(4) 你的囡囡的英文成績是否較好，對英文科也有興趣，預期讀英文中學/英文班會對佢既英文水準有所提昇?
英文成績好, 今年轉左個補習老師, 令佢對英文趣興增加
(5) 你話"其餘參加接龍學生會以抽籤形式進行, 到最後階段入唔到心水嗰間, 唔可以上訴, 只可以拒絶接龍。"--->咁幾時知抽籤結果，幾時最後決定是否拒絶接龍?接龍結果會係11月尾, 12月頭要決定接唔接龍
作者: jaja 時間: 10-10-29 12:26
原帖由 MATHEWMA 於 10-10-28 21:44 發表
無問題 !! 我仔仔小學讀天官小, 原本派到元中, 但我哋放棄元中去叩門"基元". 最後基元收我仔仔. 我哋沒有考信義 !!
請問你個係Band1頭、中、尾? 自行及統一係咪有選基元第一
作者: mamafufu 時間: 10-10-29 14:44
伊小分的網頁是說『60%獲派主要收取Band1生的中學』，同"有60% band 1 生"係唔同意思。而佢將伊中中分類為"主要收取Band1生"的中學---伊小分可能有四至五成畢業生入咗伊中中。
教統局將整個元朗/天水圍區的的小學生平均分做三組，分別是band 1 , 2 及3，每個band 佔33.33%
據我聽返嚟的消息，整個元朗/天水圍區最高band 1 生比率的學校是兩間光明，約50%頭，而天水圍區最好的是潮陽，約40尾%是band 1 生，兩間伊小在元朗/天水圍區應是約在中間水準，約30-35%。以上數字純屬估計，但應不會同事實相差太遠。
如果『結龍結果會係11月尾知, 12月頭要決定接唔接龍』，咁我會等出咗第二次呈分試成績再作詳細考慮及決定。
我的意見是，如果係band 1 中，應報考全英中的中學，起碼佢地學生的平均水準高d，老師也可專心準備英文版教材，不用做雙語版，也不用擔心學生沒有足夠能力以英文上課。而且band 1 中的學生在大抽獎階段把盧幹庭/基元放在頭一/二志願，幾乎肯定可以入到。
原帖由 jaja 於 10-10-29 12:17 發表
非常多謝你詳細分析!
(1) 伊小分有幾多%學生係band 1?
『假設』伊小分只有30% band 1，咁30-33%的學生屬於band 2，佢地當然應揀伊中中一條龍啦。
*據佢地以往紀錄約60%獲派Band1中學
(2) 你個囡囡的成績是band ...
作者: MATHEWMA 時間: 10-10-29 21:58
原帖由 jaja 於 10-10-29 12:26 發表
請問你個係Band1頭、中、尾? 自行及統一係咪有選基元第一
我仔仔係band 1 尾, 因為保險原因, 自行及統一都將元中放第一位 (基元在"自行"時放第二位 = 其實我係想仔仔入基元, 所以在"統一"就放基元在"甲部放第二位(搏一搏), 因為-自行時interview 起碼有500-600以上人考, 嚇到我不揀基元為第一位), 最後就派往元中, 然後考基元(叩門), 得咗 !!
作者: jaja 時間: 10-11-2 09:30
原帖由 mamafufu 於 10-10-29 14:44 發表
伊小分的網頁是說『60%獲派主要收取Band1生的中學』，同"有60% band 1 生"係唔同意思。而佢將伊中中分類為"主要收取Band1生"的中學---伊小分可能有四至五成畢業生入咗伊中中。
教統局將整個元朗/天水圍區的的小學生平 ...
據學校指示合計第一、二次呈分試後小女成績為27%-33%, 如你所講可能係學校的Band1尾, 剛收到通告下個星期一前要決定是否接龍, 現時情況於33%之內, 可優先選擇兩間屬中學, 如選伊中中即必入, 一旦決定脫龍, 入其英中機會如何?
作者: Sherryko9 時間: 10-11-2 10:22
睇到60%--->Band1中學,我都覺得
我亦想問小學(元朗區)是否普遍40%甘上下派去band1中學(老實答,以我自己理念,(俗稱)英中才算上band1中學,未到英中階段的會放入band2頭...)?
可否繼續分析吓其他英中(升或降)情況?謝謝!
又想請問你覺得"校友會小學"如何?(學生程度和升中表現)
純個人好奇.
原帖由 mamafufu 於 10-10-29 14:44 發表
伊小分的網頁是說『60%獲派主要收取Band1生的中學』，同"有60% band 1 生"係唔同意思。而佢將伊中中分類為"主要收取Band1生"的中學---伊小分可能有四至五成畢業生入咗伊中中。
教統局將整個元朗/天水圍區的的小學生平 ...
作者: mamafufu 時間: 10-11-2 15:25
升中階段元朗市區及天水圍區是合併為同一區派位，元朗區小學平均水準好過天水區。
元朗區有兩間光明，元朗靈愛，鐘聲，榮茵，徐澤林，兩間元官小等，而天水圍區雖然學生人數眾多，但反有好多小學收生不足。
所以喺天水圍區好多小學band 1 生比率都低過30%，有極少部份甚至低過20%。
"校友會小學"--你係指天水圍嗰間英業定元朗間舊校?---
不過我唔認識呢兩間小學的學生或家長，所以俾唔到評論。
原帖由 Sherryko9 於 10-11-2 10:22 發表
睇到60%--->Band1中學,我都覺得
我亦想問小學(元朗區)是否普遍40%甘上下派去band1中學(老實答,以我自己理念,(俗稱)英中才算上band1中學,未到英中階段的會放入band2頭...)?
可否繼續分析吓其他英中(升或降 ...
作者: mamafufu 時間: 10-11-2 15:44
元朗(包括天水圍)區2010年有6102個小六畢業生，每間英中收5X34=170名小六生(另10個留班位)，當元朗公立及白約翰做英中，共有9間英中(鄉中, 趙中, 崇德, 商會, 公立, 信義, 盧幹庭, 基元, 白約翰)，即共收1530人，佔全部小六生25%，如不計元朗公立及白約翰，則佔19.2%。
所以高過25%學生入以上九間中學，都可以算派位結果好過元朗區的平均數字了。
作者: patmama 時間: 10-11-2 16:00
些些你呀...mamafufu
呢間都係我亞仔首選.原帖由 mamafufu 於 10-10-22 03:06 發表
跟著講下信義。
信義可以講係元朗區最"矚目"的中學，以往報紙要報導"中中的成績不比英中差"，一定會訪問信義，不過呢種"成就"，要學生付出好大的代價--每年中三升中四，都要淘汰一班，由(5x45)人減至(4x38)人，呢70人(有些年份多 ...
作者: 甜芋 時間: 10-11-2 16:44
媽媽虎虎~~可以講解一下基元中學嗎?謝謝~~
作者: jaja 時間: 10-11-2 23:47
原帖由 mamafufu 於 10-11-2 15:44 發表
元朗(包括天水圍)區2010年有6102個小六畢業生，每間英中收5X34=170名小六生(另10個留班位)，當元朗公立及白約翰做英中，共有9間英中(鄉中, 趙中, 崇德, 商會, 公立, 信義, 盧幹庭, 基元, 白約翰)，即共收1530人，佔全部小六生2 ...
mamafufu多謝你詳細分析, 2011年小六畢業生應該比上年要小, 可惜仲未有確實數據!
作者: howangma 時間: 10-11-3 13:36
Mamfufu,
請問知否李宗德之band 1 生之比率? Thanks !
原帖由 mamafufu 於 10-10-29 14:44 發表
伊小分的網頁是說『60%獲派主要收取Band1生的中學』，同"有60% band 1 生"係唔同意思。而佢將伊中中分類為"主要收取Band1生"的中學---伊小分可能有四至五成畢業生入咗伊中中。
教統局將整個元朗/天水圍區的的小學生平 ...
作者: MATHEWMA 時間: 10-11-3 22:06
原帖由 甜芋 於 10-11-2 16:44 發表
媽媽虎虎~~可以講解一下基元中學嗎?謝謝~~
在12月11日, 基元中學有"升中講座", 應該有妳需要的資料, http://www.ccckyc.edu.hk/
作者: mamafufu 時間: 10-11-4 01:45
jaja媽﹕
做最後決定前，有兩項關鍵資料最好可以知道:
(1)有冇伊小分較確定的band 1 比率? 三成/三成半/四成? 需要這項資料以確定自己小朋友的banding(band 1 頭/中/尾), 如伊小分的band 1 比率是三成半或以下，當你個囡囡係第30%，我都會認為伊中中較適合及穩陣。如伊小分的band 1 比率達四成或以上，就可以認真考慮其他英中。
(2) 伊中中來年是否都維持舊有政策，中一編班後都會連續三年讀同一班，不會調班? ---即會否有英文班的上落車制度?
這項資料可以在家長會問或打電話到伊中中問。
我認識一個小朋友，他英文甚好，但考中一分班試時表現不好，被編入伊中中的中文班。雖然他英文科的成績經常是班裏的第一/二名，但升中二時仍舊被留在中文班，反而有英文班的同學考全級一百多名，中二時卻仍然留在英文班。
原帖由 jaja 於 10-11-2 09:30 發表
據學校指示合計第一、二次呈分試後小女成績為27%-33%, 如你所講可能係學校的Band1尾, 剛收到通告下個星期一前要決定是否接龍, 現時情況於33%之內, 可優先選擇兩間屬中學, 如選伊中中即必入, 一旦決定脫龍, 入其英中 ...
作者: mamafufu 時間: 10-11-4 01:50
基元係一間唔錯既學校，遲D比較多空閒的時候，我會較詳盡地講吓。
原帖由 甜芋 於 10-11-2 16:44 發表
媽媽虎虎~~可以講解一下基元中學嗎?謝謝~~
作者: 甜芋 時間: 10-11-4 09:37
原帖由 mamafufu 於 10-11-4 01:50 發表
基元係一間唔錯既學校，遲D比較多空閒的時候，我會較詳盡地講吓。
謝謝虎虎~~我搬個小凳子坐在這里~~習耳恭聽~~
作者: rabbitmimi 時間: 10-11-4 10:02
Hi All,
我個仔今年小六, 讀南元小,成績一般。小五時第一次呈分試成績中文︰85, 英文︰73,數學︰88,常識︰89, 全級名次大約80-90/160。
我希望個仔能夠入一間數學或科學用英文教的中學，但厘D成績真係高不成，低不就，點算好!!!!麻煩大家比D意見。睇下應該點揀中學好!
MANY TKS!
[ 本帖最後由 rabbitmimi 於 10-11-4 17:14 編輯 ]
作者: mamafufu 時間: 10-11-4 10:37
據我聽返嚟的路邊社消息，李宗德之band 1 生之比率頗為令人失望。李宗德的英文水準係元朗區名列前茅，但中文及數學科成績較令人失望，數學科尤其令人擔憂，所以明年的李宗德小一生數學科計劃改為中文教學。
不過最近呢幾年李宗德小一入學多咗好多人報名，競爭性大咗好多，學校可以擇優取錄，而且經過幾年前教統局的視學報告後，學校做咗D改善，所以李宗德的水準應可以穩步上揚。
原帖由 howangma 於 10-11-3 13:36 發表
Mamfufu,
請問知否李宗德之band 1 生之比率? Thanks !
作者: howangma 時間: 10-11-4 13:17
謝謝您的資料! 但請可否告知李小過往之中一派位結果又如何? 謝謝
原帖由 mamafufu 於 10-11-4 10:37 發表
據我聽返嚟的路邊社消息，李宗德之band 1 生之比率頗為令人失望。李宗德的英文水準係元朗區名列前茅，但中文及數學科成績較令人失望，數學科尤其令人擔憂，所以明年的李宗德小一生數學科計劃改為中文教學。
不過最近呢幾年 ...
作者: jaja 時間: 10-11-4 20:10
原帖由 mamafufu 於 10-11-4 01:45 發表
jaja媽﹕
做最後決定前，有兩項關鍵資料最好可以知道:
(1)有冇伊小分較確定的band 1 比率? 三成/三成半/四成? 需要這項資料以確定自己小朋友的banding(band 1 頭/中/尾), 如伊小分的band 1 比率是三成半或以下，當你個囡 ...
mamafufu於無助之際得你提點, 真係無言感激, 按你提出之要點, 我有問過學校, 老師只係能說33%已經係Band 1, 而本校Band 1比率好好, 不過學校同教統局簽過協議係唔可以講, 只可以講小女係33%以內可以優先選校, 同時澄清伊中中只有一班英文班, 同時入左英文班應該唔會有調動, 所以基於以上原因, 我會慎重考慮。
作者: 701003 時間: 10-11-4 23:57
原帖由 rabbitmimi 於 10-11-4 10:02 發表
Hi All,
我個仔今年小六, 讀南元小,成績一般。小五時第一次呈分試成績中文︰85, 英文︰73,數學︰88,常識︰89, 全級名次大約80-90/160。
我希望個仔能夠入一間數學或科學用英文教的中學，但厘D成績真係高不成，低不就，點算好!!!! ...
恕我直言，英文73分，升中之後用英文學習maths同science會有少少吃力，maths要解題，science好多生字要串要記，如果真係入到半英中，要加倍勤力啦！
band 2學校天水圍較元朗多，元朗區鄧佩琼、基朗、元中都啱你要求，英文教maths/science仲有， 白約翰地理/maths/science都係用英文教！不過呢幾間都好多人爭，尤其係元中同白約翰
[ 本帖最後由 701003 於 10-11-5 00:21 編輯 ]
作者: rabbitmimi 時間: 10-11-5 09:31
唉﹗我都認為好難入到元朗的中學，所以先至好擔心。我間小學也聯繫天官，請問你知唔知厘間中學校風好唔好？成繢如何？
因為我一直都好怕入天水圍返學，聽講D學校多數都好雜，D學生好壞。
作者: rabbitmimi 時間: 10-11-5 09:46
唉﹗我都知道要嚮元朗升中真係機乎無可能了，我地都聯繫天官，你覺得厘間中學校風如何？成績？
我聽好多家長講，比個仔入天水圍讀書，等於送個仔入黑社會，我真係聽到都驚。
但如何真係要天水圍讀，有冇好D的選擇，真係擔心到死啦！
原帖由 701003 於 10-11-4 23:57 發表
恕我直言，英文73分，升中之後用英文學習maths同science會有少少吃力，maths要解題，science好多生字要串要記，如果真係入到半英中，要加倍勤力啦！
band 2學校天水圍較元朗多，元朗區鄧佩琼、基朗、元中都啱你要求，英文教maths/scie ...
作者: mamafufu 時間: 10-11-5 10:50
我都要多謝你澄清伊中中的英文班數目，我識既伊中中學生係讀中二，呢級開咗兩班英文班，原來喺教統局既語言微調政策下，伊中中只可開到一班英文班，即係全級只有36人左右可以讀英文班，而且初中三年係沒有英文班的上落車制度，經由中一分班試成績編定的中/英文班別，喺中一至中三都唔會改變。
如果你決定脫龍去報考其他英中，咁就要督促囡囡勤力讀書，喺第三次呈分試唔可以失手跌落band 2。
唔知你有冇問過其他家長，同你囡囡差不多成績的同學，佢地點選擇?
原帖由 jaja 於 10-11-4 20:10 發表
mamafufu於無助之際得你提點, 真係無言感激, 按你提出之要點, 我有問過學校, 老師只係能說33%已經係Band 1, 而本校Band 1比率好好, 不過學校同教統局簽過協議係唔可以講, 只可以講小女係33%以內可以優先選校, 同時 ...
[ 本帖最後由 mamafufu 於 10-11-5 10:56 編輯 ]
作者: mamafufu 時間: 10-11-5 11:19
其實我對李小都唔係好深入瞭解，如果你係李小家長，可能知既嘢比我重多。
以我有限的資訊，李小學生全級頭五名多數會報市區名校，每年都有一、兩個會成功，部份會報市區band 1尾中學。其餘好多都選李兆基(每年有60-70人入讀)，因此:
(1) 選擇元朗區其他英中的李小畢業生相對較少。
(2) 由於入讀元朗區其他英中的李小畢業生相對較少，呢班李小畢業生喺英中的表現未算突出，入讀英中精英班的李小畢業生不多。
原帖由 howangma 於 10-11-4 13:17 發表
謝謝您的資料! 但請可否告知李小過往之中一派位結果又如何? 謝謝
作者: jaja 時間: 10-11-5 11:55
原帖由 mamafufu 於 10-11-5 10:50 發表
我都要多謝你澄清伊中中的英文班數目，我識既伊中中學生係讀中二，呢級開咗兩班英文班，原來喺教統局既語言微調政策下，伊中中只可開到一班英文班，即係全級只有36人左右可以讀英文班，而且初中三年係沒有英文班的上落車制度，經由 ...
我同小女會繼續努力, 希望第三次呈分時會有更好成績, 請問自行面試係咪會睇四年級成績架, 小女四年級係全級十名以內, 只係可惜第一次呈分試表現失準, 唔知有無幫助呢? 至於其他家長既意願我唔係咁清楚, 因為要返工係呢區又唔係好識人, 所以只可以靠小女去打聽, 聽聞成績好都會選出面英中。
作者: howangma 時間: 10-11-5 13:15
非常感謝你提供資料。 因這些貨料實在太貧乏, 學校又沒有提供, 令家長非常迷惘。 只知道很多同學仔都是報讀李兆基。
原帖由 mamafufu 於 10-11-5 11:19 發表
其實我對李小都唔係好深入瞭解，如果你係李小家長，可能知既嘢比我重多。
以我有限的資訊，李小學生全級頭五名多數會報市區名校，每年都有一、兩個會成功，部份會報市區band 1尾中學。其餘好多都選李兆基(每年有60-70人入讀)， ...
作者: mamafufu 時間: 10-11-5 14:50
絕大部分中學都只係要小五及小六的成績(某兩三間最top的英中例外)。
我自己個人睇法，如果小四成績好好，小五差咗，一定要係小六時進步番，先至會主動提供小四成績俾中學參考。因為如果小四好好，小五及小六兩年都退步，咁顯示個學生成績退步中，而且唔知幾時到底部，所以寧願唔show出嚟。
原帖由 jaja 於 10-11-5 11:55 發表
我同小女會繼續努力, 希望第三次呈分時會有更好成績, 請問自行面試係咪會睇四年級成績架, 小女四年級係全級十名以內, 只係可惜第一次呈分試表現失準, 唔知有無幫助呢? 至於其他家長既意願我唔係咁清楚, 因為要返工 ...
[ 本帖最後由 mamafufu 於 10-11-5 14:56 編輯 ]
作者: jaja 時間: 10-11-5 15:42
原帖由 mamafufu 於 10-11-5 14:50 發表
絕大部分中學都只係要小五及小六的成績(某兩三間最top的英中例外)。
我自己個人睇法，如果小四成績好好，小五差咗，一定要係小六時進步番，先至會主動提供小四成績俾中學參考。因為如果小四好好，小五及小六兩年都退步，咁顯示 ...
可幸今次呈分試係進步返, 所以都想學校可以參考吓囉!
剛剛老師再次澄清, 伊中中有一班全英文班及一班高比例英文班。
[ 本帖最後由 jaja 於 10-11-5 17:40 編輯 ]
作者: wbady 時間: 10-11-5 16:06
鄉中今年f.2李小全級有4人，2個2e、2個2d，其中一個去年英文及電腦全級第一，一個音樂全級第一，一個應在全級頭5名。
[ 本帖最後由 wbady 於 10-11-5 16:56 編輯 ]
作者: 701003 時間: 10-11-5 17:11
原帖由 rabbitmimi 於 10-11-5 09:46 發表
唉﹗我都知道要嚮元朗升中真係機乎無可能了，我地都聯繫天官，你覺得厘間中學校風如何？成績？
我聽好多家長講，比個仔入天水圍讀書，等於送個仔入黑社會，我真係聽到都驚。
但如何真係要天水圍讀，有冇好D的選擇，真係擔心到死啦！
...
又唔好信果d無謂人up得就up，天水圍不乏校風好、成績又標青ge中學！信義就係好例子
羅桂祥、天官中、十八鄉、伊中中、伊中湯國華、翁祐都幾好ga！
不過伊中中、湯國華、翁祐有聯繫小學，only好少位放出黎大抽獎，要靠面試、叩門爭取！
作者: rabbitmimi 時間: 10-11-6 10:08
羅桂祥﹑十八鄉﹑天官…以我個仔D成績，有冇機會入到呢，可唔可以詳細幫分析下? 有朋友提議的揀張昌，厘間又好唔好呢?
原帖由 701003 於 10-11-5 17:11 發表
又唔好信果d無謂人up得就up，天水圍不乏校風好、成績又標青ge中學！信義就係好例子
羅桂祥、天官中、十八鄉、伊中中、伊中湯國華、翁祐都幾好ga！
不過伊中中、湯國華、翁祐有聯繫小學，only好少位放出黎大抽獎，要 ...
作者: aling0 時間: 10-11-6 16:58
我仔都係讀南元小, 第一次呈分試考全級3X, 呢個成績有冇機會入鄉中?
其實我心目中偏向選盧幹庭, 因為鄉中一向係尖子集中地, 佢入到去都係墊底一批;
如果選盧幹庭, 同學水平可能差不多, 可能對佢仲好, 自信心會強d. 加上盧中剛轉全英教學, 我估會比充足資源比學生, 好好栽培以保"名聲", 我咁諗有冇問題呢? 請教各位意見.
作者: 701003 時間: 10-11-6 19:51
原帖由 rabbitmimi 於 10-11-6 10:08 發表
羅桂祥﹑十八鄉﹑天官…以我個仔D成績，有冇機會入到呢，可唔可以詳細幫分析下? 有朋友提議的揀張昌，厘間又好唔好呢?
band 2成績使乜選張煊昌呀 even耀道、西英都好過佢好多啦！
有機會大抽獎以聯繫位入天官ga！羅桂祥體育叻ge有優勢！十八鄉你仔會handle得無咁吃力！Try埋鄧佩琼都OK！
[ 本帖最後由 701003 於 10-11-6 20:13 編輯 ]
作者: mamafufu 時間: 10-11-7 03:18
今日講吓東華三院盧幹庭紀念中學。
喺教統局教學語言微調政策實行之前，盧幹庭一直都是中文中學成績比較突出之一，係好多band 1 生的"後備"之選，放在第二或第三志願。當年只有約10%中一係英中學位，即只有三分一的band 1生可入英中，其餘要入中中，因此盧幹庭過去七八年都係收100% band 1 學生。
對於天水圍區居民而言，由於盧幹庭交通比較方便，有巴士(K73)及專線小巴直達，因此很多家長把盧幹庭放在其他元朗區中中(基元/白約翰)之前，所以一直以來，盧幹庭收生水準都比基元及白約翰略高，通常電腦派位階段要放第二志願才可能入讀，而基元/白約翰則第三/四志願還有機會。盧幹庭收取的學生，少部份係BAND 1頭，大部份係BAND 1 中，另加一部份BAND 1 尾。
盧幹庭的課程可以用四個字來形容 ─ 適量、合理。
她沒有如信義般催谷學生，也沒有如趙中/元中般自由輕鬆，有適量的功課及小測幫助學生溫故知新，但又不會令學生感到太大壓力。
例如﹕直至去年，盧幹庭中一上學期沒有統一測驗，令中一生可以有較長時間適應中學生活，但今年開始中一上學期也要統一測驗。這個測驗剛剛完結及派卷，試題內容只係考D基本知識，相信大部份學生都對自己的成績頗為滿意。
這種課程編排，直接反映在會考成績上，她的會考成績一直維持在中上水平，所有中六學位都由校內中五生填滿，但又很少產生尖子生(除了幾年前那一位14歲九優天才同學)。
教學語言方面，盧幹庭兩年前(現時讀中三那一批學生)開始用英文教科學及數學，去年(偷步)用全英文教學，今年當然攞正牌轉為全英文教學。
盧幹庭的校風一直都十分良好，兼且校方又不會時常同區內其他中學比較/競爭，因此盧幹庭係元朗區屬於校風比較純樸的學校。
盧幹庭中一至中三每級都有兩班精英班，平均分配學生，另三班普通班。精英班的讀書風氣比較好，普通班內可能有少部份同學屬BAND 1尾水準，跟不上學校課程，因此讀書風氣較"普通"。
盧幹庭其中一班中一是使用普通話教授中文科。
個人意見，盧幹庭是Band 1中同學的首選，校風好兼且程度適中，不太難亦不太淺。
Band 1頭的同學應可以選更高水準的中學，band 1尾同學則要考慮選擇入讀此校挑戰自己，或是選入讀羅桂祥級數的學校，以取得校內中上的成績，增強自信。
-----
以上純屬個人意見，各家長應搜集多方面資料，才選出"最適合"你的小朋友就讀的學校。記住，沒有學校是完美的，而『最好』(會考成績)的學校未必是『最適合』你小朋友的學校。
-----
[ 本帖最後由 mamafufu 於 10-11-7 03:31 編輯 ]
作者: 701003 時間: 10-11-7 19:42
原帖由 mamafufu 於 10-11-7 03:18 發表
今日講吓東華三院盧幹庭紀念中學。
喺教統局教學語言微調政策實行之前，盧幹庭一直都是中文中學成績比較突出之一，係好多band 1 生的"後備"之選，放在第二或第三志願。當年只有約10%中一係英中學位，即只有三分一的band 1生 ...
好詳細 我補充少少
不過盧幹庭唔再係咁溫和啦 有位充滿抱負同幹勁的校長，盧中未來升值力會更高！同學們壓力亦漸增
盧中家校合作做得好好，係咁多間英中之中做得最好，家長好配合學校方針，所以學校嚴謹又和諧！！
作者: chariho 時間: 10-11-8 00:07
原帖由 aling0 於 10-11-6 16:58 發表
我仔都係讀南元小, 第一次呈分試考全級3X, 呢個成績有冇機會入鄉中?
其實我心目中偏向選盧幹庭, 因為鄉中一向係尖子集中地, 佢入到去都係墊底一批;
如果選盧幹庭, 同學水平可能差不多, 可能對佢仲好, 自信心會強d. ...
你心目中的決定是正確的, 鄉中不用想了, 除非有特別技能, 盧幹庭也是不錯的選擇, 學校最緊要合乎阿仔的 level, 要讀得 happy 無煩惱, 才能自信學習.
如果不介意直資學校, 李兆基也是不錯的選擇, 可以多加留意.
作者: aling0 時間: 10-11-8 09:05
原帖由 mamafufu 於 10-11-7 03:18 發表
今日講吓東華三院盧幹庭紀念中學。
喺教統局教學語言微調政策實行之前，盧幹庭一直都是中文中學成績比較突出之一，係好多band 1 生的"後備"之選，放在第二或第三志願。當年只有約10%中一係英中學位，即只有三分一的band 1生 ...
mamafufu, 好多謝你詳細的分析, 對我們真係幫助好多!
作者: aling0 時間: 10-11-8 09:08
原帖由 chariho 於 10-11-8 00:07 發表
你心目中的決定是正確的, 鄉中不用想了, 除非有特別技能, 盧幹庭也是不錯的選擇, 學校最緊要合乎阿仔的 level, 要讀得 happy 無煩惱, 才能自信學習.
如果不介意直資學校, 李兆基也是不錯的選擇, 可以多加留意. ...
我就是希望幫阿仔選一間佢能力所及, 可以讀得happy無煩惱的學校, 等佢可以好好發揮~
作者: howangma 時間: 10-11-8 09:14
Please confirm you mean 李小 = W F Joseph Lee?
原帖由 wbady 於 10-11-5 16:06 發表
鄉中今年f.2李小全級有4人，2個2e、2個2d，其中一個去年英文及電腦全級第一，一個音樂全級第一，一個應在全級頭5名。
作者: mamafufu 時間: 10-11-8 09:36
我可以代wbady confirm 鄉中嗰幾個係李宗德小學的畢業生。
李小係直資小學，家長普遍都比較緊張子女學業，全級頭五至十名其實質素都好高，有D可以成功考入市區名校如La Salle, DGS, DBS, SPCC。所以有同學喺鄉中名列前茅，並非出奇。
其實我覺得入讀李小的學生，資質平均比津小高(包括光明及潮陽等，佢地並沒有收生自主權)，但在小學六年期間缺乏足夠的操練(冇辦法，香港教育基調係填鴨式，除非你有能力送子女入讀國際學校)，加上李小的老師流失率較高，所以小六畢業生的平均水準(小六分班試的成績)，反而比其他津小略有不及。
不過，正如我上文說，李小畢業生的英文水準，係呢一區基本上係最top的。
原帖由 howangma 於 10-11-8 09:14 發表
Please confirm you mean 李小 = W F Joseph Lee?
[ 本帖最後由 mamafufu 於 10-11-8 09:41 編輯 ]
作者: Sherryko9 時間: 10-11-8 10:01
mamafufu,
真係好鍾意睇你的意見,好中肯,好有參考價值.
希望你繼續發揮你正能量,造福我地呢班C9.謝謝!
原帖由 mamafufu 於 10-11-8 09:36 發表
我可以代wbady confirm 鄉中嗰幾個係李宗德小學的畢業生。
李小係直資小學，家長普遍都比較緊張子女學業，全級頭五至十名其實質素都好高，有D可以成功考入市區名校如La Salle, DGS, DBS, SPCC。所以有同學喺鄉中名列前茅， ...
作者: wbady 時間: 10-11-8 10:01
原帖由 howangma 於 10-11-8 09:14 發表
Please confirm you mean 李小 = W F Joseph Lee?
http://www.nthykyldss.edu.hk/doc/0910_2nd_Exam_chi.pdf
李小全級頭5是小女同班同學，另外其中一個小李2d生是今年從崇德插班而來，當然，她的成績極好。
作者: rabbitmimi 時間: 10-11-8 11:48
其實我個仔主動性較低，要人push先會做多D，天官﹑鄧佩瓊﹑耀道邊間會比學生多D壓力呢？太輕鬆的話，我怕佢會變得更懶散。我宜家重要日日檢查功課先至唔會欠交。同佢一齊溫書先至溫得好D。請幫手詳細分拆下，各校的教學模式。
原帖由 701003 於 10-11-6 19:51 發表
band 2成績使乜選張煊昌呀 even耀道、西英都好過佢好多啦！ 有機會大抽獎以聯繫位入天官ga！羅桂祥體育叻ge有優勢！十八鄉你仔會handle得無咁吃力！Try埋鄧佩琼都OK！ ...
作者: rabbitmimi 時間: 10-11-8 11:53
其實我個仔主動性較低，要人push先會做多D，天官﹑鄧佩瓊﹑耀道邊間會比學生多D壓力呢？太輕鬆的話，我怕佢會變得更懶散。我宜家重要日日檢查功課先至唔會欠交。同佢一齊溫書先至溫得好D。請幫手詳細分拆下，各校的教學模式。
原帖由 701003 於 10-11-6 19:51 發表
band 2成績使乜選張煊昌呀 even耀道、西英都好過佢好多啦！ 有機會大抽獎以聯繫位入天官ga！羅桂祥體育叻ge有優勢！十八鄉你仔會handle得無咁吃力！Try埋鄧佩琼都OK！ ...
作者: howangma 時間: 10-11-8 13:16
真的非常謝謝您資料, 我也很想入到鄉中, 但是否他們只接受全級頭十名報名 or 其他?
原帖由 mamafufu 於 10-11-8 09:36 發表
我可以代wbady confirm 鄉中嗰幾個係李宗德小學的畢業生。
李小係直資小學，家長普遍都比較緊張子女學業，全級頭五至十名其實質素都好高，有D可以成功考入市區名校如La Salle, DGS, DBS, SPCC。所以有同學喺鄉中名列前茅， ...
作者: mamafufu 時間: 10-11-8 15:03
報名--->當然任何小六生都可以報，不過.....
鄉中每年揀180人面試，通常全級頭十名先可獲面試機會(天水圍區某些縮班中的小學可能要頭三名)，要在自行階段成功，估計成績要在全級頭三名內，有特異功能當然除外。
有少少數字可以參考:
元朗區有40多間小學，約六千名小六畢業生，卻只有鄉中一間band 1 頭的中學，所以爭崩頭。
而屯門區四千多名小六生，有四間band 1 頭中學(梁銶琚，百周年，董玉娣，陳瑞芝)，所以band 1 頭學生入讀band 1 頭中學成功率大好多。
原帖由 howangma 於 10-11-8 13:16 發表
真的非常謝謝您資料, 我也很想入到鄉中, 但是否他們只接受全級頭十名報名 or 其他?
[ 本帖最後由 mamafufu 於 10-11-8 15:26 編輯 ]
作者: howangma 時間: 10-11-8 22:25
謝謝你的分柝。 跨區報屯門機會應該大一點...
另請問知否崇德之收生標準?
不好意思, 真的太多問題。
原帖由 mamafufu 於 10-11-8 15:03 發表
報名--->當然任何小六生都可以報，不過.....
鄉中每年揀180人面試，通常全級頭十名先可獲面試機會(天水圍區某些縮班中的小學可能要頭三名)，要在自行階段成功，估計成績要在全級頭三名內，有特異功能當然除外。
有少少數字可 ...
作者: bobo 時間: 10-11-9 13:38
請問有無媽咪屋企小朋友曾經考過商中? 面試會問 d 咩o既呢? 形式係點架? 因我想了解多 d 呢間學校, 謝謝!
另外, 其他媽咪對呢間學校有咩睇法? 收生標準如何? 要求高嗎? 請報料, 謝謝!
作者: kilykilyk 時間: 10-11-10 18:31
原帖由 howangma 於 10-11-8 22:25 發表
謝謝你的分柝。 跨區報屯門機會應該大一點...
另請問知否崇德之收生標準?
不好意思, 真的太多問題。
我都想知崇德收生標準啊!
[ 本帖最後由 kilykilyk 於 10-11-10 22:11 編輯 ]
作者: mamafufu 時間: 10-11-10 22:51
崇德的收生標準其實只是差鄉中少許。
試計算一下，元朗區今年估計會有約5700名小六畢業生，鄉中自行收54名，自行加電腦全級收170名，咁BAND 1 頭入唔到鄉中嗰D，好多會入崇德/趙中/商會。再加上好多BAND 1中的學生家長冇信心報鄉中，也會報考崇德/趙中/商會，所以呢三間英中的競爭每年都非常激烈。崇德自行要成功，都係要全級5至10名內。
原帖由 howangma 於 10-11-8 22:25 發表
謝謝你的分柝。 跨區報屯門機會應該大一點...
另請問知否崇德之收生標準?
不好意思, 真的太多問題。
作者: kilykilyk 時間: 10-11-10 23:00
原帖由 mamafufu 於 10-11-10 22:51 發表
崇德的收生標準其實只是差鄉中少許。
試計算一下，元朗區今年估計會有約5700名小六畢業生，鄉中自行收54名，自行加電腦全級收170名，咁BAND 1 頭入唔到鄉中嗰D，好多會入崇德/趙中/商會。再加上好多BAND 1中的學生家長冇信心 ...
請問如果小朋友4、5年級全級頭三名,剛考完個六年級期考分數全部90-100分,參加唔小課活動.有校內外獎,但四年班有一缺點,唔知重有無機會入崇德??thx!
作者: mamafufu 時間: 10-11-10 23:59
純睇成績，機會好大，大部份學校唔使交四年級成績表，所以中學係唔會睇到小四時的缺點。
但你個小朋友五、六年級成績表的操行是甚麼? 班主任評語怎樣?
就讀嗰間小學，是否開足五班小六? 兩班小六考第三(3/50)同五班小六考第三(3/150)係好唔同。
以上幾項問題，如唔方便喺到公開作答，可以PM(私人傳訊)給我，睇吓我俾唔俾到意見。
原帖由 kilykilyk 於 10-11-10 23:00 發表
請問如果小朋友4、5年級全級頭三名,剛考完個六年級期考分數全部90-100分,參加唔小課活動.有校內外獎,但四年班有一缺點,唔知重有無機會入崇德??thx!
作者: kilykilyk 時間: 10-11-11 00:27
原帖由 mamafufu 於 10-11-10 23:59 發表
純睇成績，機會好大，大部份學校唔使交四年級成績表，所以中學係唔會睇到小四時的缺點。
但你個小朋友五、六年級成績表的操行是甚麼? 班主任評語怎樣?
就讀嗰間小學，是否開足五班小六? 兩班小六考第三(3/50)同五班小六考 ...
我以PM你,THX!
[ 本帖最後由 kilykilyk 於 10-11-11 12:29 編輯 ]
作者: mamafufu 時間: 10-11-11 01:29
我喺另一個post見你講埋小學名稱，加上你的資料咁詳細，建議你係嗰個post刪除校名，以保障自己的利益。
原帖由 kilykilyk 於 10-11-11 00:27 發表
.....
[ 本帖最後由 mamafufu 於 10-11-11 14:15 編輯 ]
作者: 甜芋 時間: 10-11-11 10:35
虎虎~~講下基元,羅桂祥,翁佑,十八鄉,得唔得呀?后面三間,哪一間校風同--學習氣氛好些呢?我家仔仔讀的小學,只有一個班級.名次相對沒有叫座力.如果成續在90分以上,而選擇以上后三間中學的話,機會會不會相對大些?謝謝啦!
作者: 甜芋 時間: 10-11-11 10:36
DEL....DEL....DEL....
[ 本帖最後由 甜芋 於 10-11-11 11:53 編輯 ]
作者: 甜芋 時間: 10-11-11 10:36
DEL....DEL.....DEL
[ 本帖最後由 甜芋 於 10-11-11 11:53 編輯 ]
作者: whywhywhy 時間: 10-11-11 11:48
原帖由 甜芋 於 10-11-11 10:36 發表
虎虎~~講下基元,羅桂祥,翁佑,十八鄉,得唔得呀?后面三間,哪一間校風同--學習氣氛好些呢?我家仔仔讀的小學,只有一個班級.名次相對沒有叫座力.如果成續在90分以上,而選擇以上后三間中學的話,機會會不會相對大些?謝謝啦! ...
mamafufu太多粉絲喇
, 睇黎佢真係分身不暇...
唔緊要呀mamafufu慢慢黎, 我哋等你reply
我想知李兆基, 同基元, 麻煩晒你
| 歡迎光臨 教育王國 (/) |
Powered by Discuz! X1.5 |