教育王國

標題: 真的好辛苦, 每天都哭.......... [打印本頁]

作者: ltdcorp 時間: 10-12-8 16:57 標題: 真的好辛苦, 每天都哭..........

每次教小朋友做功課又好, 吃飯又好, 都會哭.... 真的好無奈...............

作者: Anpanmama 時間: 10-12-8 20:08

小朋友幾大呀？有無問老師响學校嘅情况？

作者: pocoyo123 時間: 10-12-8 20:12

遇到什麼困難, 不妨講出來, 睇下大家可否幫忙

作者: GAT 時間: 10-12-8 22:51

ｗｈａｔ　ｈａｐｐｅｎｅｄ？　ｙｏｕ　ｋｎｏｗ　ｃｒｙｉｎｇ　ｃａｎｎｏｔ　ｓｏｌｖｅ　ｔｈｅ　ｐｒｏｂｌｅｍ．　Ｓｅｅ　ｉｆ　ｗｅ　ｃｏｕｌｄ　ｇｉｖｅ　ｙｏｕ　ｓｏｍｅ　ａｄｖｉｃｅ？

作者: mikeb 時間: 10-12-9 11:25

提示: 作者被禁止或刪除內容自動屏蔽

作者: kikiboy 時間: 10-12-9 13:41 標題: 回復 5# mikeb 的帖子

我嘅理解係樓主辛苦到喊.

作者: annaanna 時間: 10-12-9 14:33

我都係咁理解喎~

原帖由 kikiboy 於 10-12-9 13:41 發表
我嘅理解係樓主辛苦到喊.

作者: owl_2046 時間: 10-12-9 15:27

雖然喊真係解決唔到問題, 但起碼可以發洩下.
喊完就要抺乾眼淚, 重新面對.
呢家野我地好有經驗........雖然冇人想有呢D經驗

作者: ltdcorp 時間: 10-12-9 17:38 標題: 回復 1# owl_2046 的帖子

是呀, 是我哭. 只怪自己的EQ愈來愈差, 讚佢...罵佢...打下手板都有試過.... 仔仔小二, 佢的情況學校和老師已知道的. 老師方面已有協助. 仔仔是自傾, 還有讀障, 遠視(四百多), 由於佢太自我, 社交, 讀書方面都好差(好彩現在還有同學同佢一齊玩或幫佢), 之前老公唔同意這個說法仔仔的問題(還給予我壓力,現在都有少少認同仔仔的問題,但有時老公會說是我的問題, 不認同仔仔的行為是不當,老公只會講, 他從未陪仔仔去做訓練或看精神科醫生, 有時我覺得得不到老公的支持或認同, 所以有時我好失望),認為仔仔是賴, 只僱玩, 唔想寫字讀書. 仔仔學什麼都比較慢(可能他不太理別人的說話,太自我).

作者: 澄澄天下 時間: 10-12-10 13:49 標題: 回復 1# ltdcorp 的帖子

你講d case 同我個女有d似，而家老師建議我個女去做評估，我而家好驚，驚check到有問題，唔知自己接唔接受到

作者: kelvin_hmlau 時間: 10-12-10 14:16 標題: 回復 2# ltdcorp 的帖子

其實就算小孩已經小二, 過左黃金期, 但都會有進步的 (個腦係不斷地發展的).

與其經常沮喪, 不如以較低的要求同較多的支持為起步點, 等孩子儲多一點成功感.

作者: pattsui11@yahoo 時間: 10-12-10 14:55 標題: 回復 3# ltdcorp 的帖子

如果30年前，所有人都會好像你老公的看法，已經好out了，你 in佢好多，你是個很好的媽媽啊！但好人成日都要涯，因為明天一定有收獲的。

如果你兩公婆有時間傾傾你老公細個時的事情，說不定你們會發覺你老公都是自傾的，你可請教他家人如何解決這些情形，讓他可以參與。

仔仔有自傾, 有讀障, 有遠視，有沒有什麼支援呢？相信小學是很缺乏這方面資源啊。

作者: ahpei 時間: 10-12-10 14:57

其實我之前都好似你咁, 日日都 cry , 無人幫到我...其實可能主要是你照顧個小朋友, 老公又分擔唔到, 所以會覺得好辛苦。小朋友的問題短期內是無法解決的, 不妨降低下下要求, 不要太緊張, 因為緊張都無用, 另外其實同 EQ 無乜關係, 似乎是有抑屈, 後尾我去左睇醫生就好返好多, 同個仔關係都好左, 如你要醫生資料就 pm 我。

作者: kelvin_hmlau 時間: 10-12-10 15:49 標題: 回復 2# pattsui11@yahoo 的帖子

哈哈, 你呢個問題, 我確實想過幾十次, 得出以下結論.

1. 我的童年確實唔係咁光彩, 三歲時才懂說話, 原因係自小跟外婆住, 整天聽着潮州話. 外婆家中好多老鼠, 親眼目睹外婆將老鼠籠連老鼠放進我沖完涼的水中活生生溺死, 個盤明天又係我沖涼.

2. 小學時發音唔正比老師捉左去何文田巴富街做言語治療.

3. 我個大細佬都要做言語治療, 至今講野都係一舊舊.

4. 小學年年都考第一.

5. 小時侯試過幾次高買, 但升中時將錢還給店主同街邊亞婆.

6. 讀 band 4 中學, 但照樣可以讀 U, 後來讀埋 Master.

我唔知自己以前有無自傾, 好似佛洛伊德所說, 如果你令自閉兒的超我(道德同社會規範)能夠戰勝本我(無意識本能), 表現出的自我可能會比較合理.

作者: Capricorn2521 時間: 10-12-10 17:02 標題: 回復 1# kelvin_hmlau 的帖子

哈哈...我也相信遺傳學的....以前只會話你頑皮，吾乖。而家就變成多種名稱。我曾經都問過奶奶，佢話吾乖就打到乖。

作者: blutack 時間: 10-12-10 18:46 標題: deleted

提示: 作者被禁止或刪除內容自動屏蔽

作者: pattsui11@yahoo 時間: 10-12-10 22:52

ltdcorp,
我們支持你、祝福你，
一齊

，一齊

作者: ltdcorp 時間: 10-12-13 00:38 標題: 回復 1# pattsui11@yahoo 的帖子

是呀!記得

完要

作者: kelvin_hmlau 時間: 10-12-13 01:00

關於怎樣教能力較差的人, 我都可以分享一下:

我讀中學時私人補習教過個中三女生, 當時教她數學, 其中三角形內角和係180度. 即係一隻角係30度, 另一隻角係60度, 第三隻角就係90度. 我做左幾個 examples, 跟住叫佢做一絛. 結果令我O晒嘴: 佢好似沒聽過似的. 每一絛都坐左係度.

結果跟住d數學測驗都係肥晒, 聽說她媽媽係攞單親綜援, 我都唔好意思再教. 中五再遇見佢, 見到佢穿短裙化晒妝, 隔離有件金毛仔, 可能都學壞了, 心裡想, 如果我有能力教好一點, 令她可以升班, 她可能不會變壞.

現在的我, 可能會再仔細調查一下基礎, 佢識唔識: 加減數, 代數, 三角形內角等等, 才教她其他, 雖然佢係中三.

作者: ltdcorp 時間: 10-12-13 01:34 標題: 回復 1# kelvin_hmlau 的帖子

我廿多年前幫人補習, 是很有耐性的, 所有的學生和家長都很欣賞和喜歡我. 還有一個是最特別的, 他們的兒子是弱聽的(需要帶助聽器), 他媽媽找了我幫他, 我可以用唔同的方法和教法, 結果是教到他, 在學術上還有很大的進步, 後來他們移民了. 有時我會問自己, 為什麼以前我對其他小朋友都有很大的耐性, 現在好像差些. 有時我都提自己, 我要再給多些耐性仔仔, 每一次都要, 每次都要再多些些.....

另多謝您們的提點, 幾句已很足夠了.

作者: 豬_兜兜 時間: 10-12-13 12:11 標題: 回復 20# ltdcorp 的帖子

睇完你個POST

就好似在看我自已的心理歷程......心情時高時低....就來頂唔住...我OFFICE 16樓三面環窗..有時好有沖動跳落下就算......

又時又EQ好高....
真系

要

作者: Isaacmommy 時間: 10-12-13 13:28

Maybe you could seek assistance from Heep Hong? I think professional help is very important. They can really do miracles (from some examples I've seen).
Add oil, don't give up! Your kid still needs you!

作者: ltdcorp 時間: 10-12-13 17:19 標題: 回復 1# Isaacmommy 的帖子

Thanks for your message. Hong Kong Government can not support us. Keep Hong also. They only give me many question and ask me many question, the doctoc also said that they don't know how to solve our kid's problem.

我會明白由始至終都要我們(媽媽)去面對所有的問題, 是需要正面面對. 就算我有八成的時候EQ高或極高地去而面對能夠克服, 但此終都有兩成時候沒有EQ的我, 向仔仔發脾氣時(罵又好, 打下又好)都發生過, 雨過天x後,我會記得KISS MY KID OR BIG HUG HIM.

ANYWAY, WE NEED SUPPORT AND ADD OIL.

[ 本帖最後由 ltdcorp 於 10-12-13 17:22 編輯 ]

作者: MOTHERTO 時間: 10-12-14 01:22

Itdcorp and 豬兜兜媽，
原來你們的經歷和自己的如同翻版，曾幾何時我都好像豬兜兜媽咁想跳下去，因為實在太無助，學校老師不停向你投訴個小朋友有幾頗皮，記得小兒幼稚園時每天放學我都要留後因要聽老師的報告，聽到我開始害怕接他放學。到了小學，情況更嚴重，他連在家都開始作反，又極度討厭做功課和默書，每晚我要和他作戰。上了小二，老師要求我帶他看精神科，懷疑他有過度活躍，學校亦有心理學家評估他有學障，但智商正常。打從他開始執筆寫字，我的噩夢就開始了。

作者: ltdcorp 時間: 10-12-14 10:47 標題: 回覆 1# MOTHERTO 的文章

真的好多問題和壓力, 無論如何, 我們都努力面對,

完又再努力去做, 每之我不高興時, 都會想想仔仔的優點, 每個小朋友都有獨特的優點的. 我仔仔的優點是有些情況是主動去關心小朋友, 如有次有個6,7歲的小朋友在商場哭, 仔仔主動拿紙巾給她. 他在玩溜冰時, 如看有小朋友跌倒, 他會主動走去問佢有無事(現場大部份小朋友都不會主動做這樣的), 由於他太熱心好多沒有問沒有講, 就行動去做左, 有時都會引致其他問題, 有時還很有禮貌的. 如果我們的小朋友不用上課做功課, 不用定時定候吃飯, 等這些規律. 我會給我仔仔99分, 扣了一分是因為這是我的幻想, 想像, (是不可能的).

作者: bebelover 時間: 10-12-14 12:54

其實我都好有同感, 呢幾年來都過得好不開心, 我細囝 global delay over 1 year, 當我知道後, 不知道哭了多少次, 但拭乾淚後, 還是要再努力.....不管明天會如何

作者: Roseyuen 時間: 10-12-14 13:32

看完了你們的分享, 突然之間覺得好大壓大, 我仔仔而家先兩歲, 已經覺得佢好頑皮, 好難教, 原來我辛苦的路現在才正式開始, 不肯想像他上了小學之後會變成點, 唯有現在好好的教好他 & 好好enjoy 與他相處的時間!

作者: muimui5 時間: 10-12-14 14:22

… “打從他開始執筆寫字，我的噩夢就開始了”。
這也是我的擔心；早前囡囡明明會在長方格內畫橫線，点對点連線，圖手畫圈，近來K1寫前練習要跟着虛線畫圈/線她卻連鉛筆也不想握穩。重覆提示沒反應；催她就伸手打我；捉她手能做不等於她學會了，不做又怕她以為放軟手就可以甩身。

已經訓練了一年:上過3T組3個月、讀了半年私人S位+感统+ST、3個月I位+感统+ST；但仍然講外星話、遊魂、咬手；已經攪不清最根本的是感统問題/行為問題/遺傳性語障(因C6是3歲半才說話的)/智能問題。跟同班落後太多，又要轉排S位，去到會比私人S位好得多嗎？很難講。只知道I位學校已做得很足還是沒把握幫她追近大隊，只有再投入密集訓練。

原帖由 MOTHERTO 於 10-12-14 01:22 發表
Itdcorp and 豬兜兜媽，
原來你們的經歷和自己的如同翻版，曾幾何時我都好像豬兜兜媽咁想跳下去，因為實在太無助，學校老師不停向你投訴個小朋友有幾頗皮，記得小兒幼稚園時每天放學我都要留後因要聽老師的報告，聽到我開始害怕 ...

作者: kelvin_hmlau 時間: 10-12-14 14:44 標題: 回覆 1# muimui5 的文章

其實點解要佢跟上大隊!?

作者: muimui5 時間: 10-12-14 17:04

佢語言、認知、社交、溝通能力都跟年齡落後很多，唔知有冇兩歲，唔止mount車邊，到K2要寫字加數，唔可以back log太多，惟有試吓入S位惡補。其實即使一年前我同佢排S位，依家都係未輪到既啦，今年有I位都是權宜之計。

原帖由 kelvin_hmlau 於 10-12-14 14:44 發表
其實點解要佢跟上大隊!?

作者: kelvin_hmlau 時間: 10-12-14 17:49 標題: 回覆 1# muimui5 的文章

其實你係好叻啦, 見個女跟不上, 即刻幫個女轉排S位打底.

我每日搭村巴都會見到一個住客, 他的鞋爭係長短的, 即係天生長短腳. 一步步拖着走.

個個都走晒, 佢就慢慢行. 其實佢都無可能追得上大隊, 一樣返到工.

其實想講係每個孩子都有唔同的資質同發展步伐, 作為家長都係幫佢搵合適的土壤拙壯生長.

看不到有需要加入一所倒模式學校工廠吧, 比自己同孩子沉重壓力.

作者: TOTO0925 時間: 10-12-14 18:20

睇完你哋寫的, 我開始好怕仔仔都喺咁, 但自覺得, 仔仔又未到好似老師講的咁大問題, 唔知喺因為自己往好方面諗, 定喺真喺小問題呢?
仔仔自從返N1開始, 已成日被老師話佢遊雲, 上堂唔集中, 佢體能又差, 可能因為佢SKIP咗爬的階段啦, 一直以來, 我同老公都以為只是小問題, 但到今年K2啦, 學校要佢哋執筆學寫字啦, 先話我仔喺大問題, 要轉去學校參加的職業治療, 做咗4堂的治療, 我都唔知佢喺咩問題, 只喺知道治療師話佢呢樣唔得, 個樣差, 但全部都喺體能上的問題, 於是我自己去同健康院講(襯住我仔返去CHECK眼時講), 結果可以轉介去CAC, 依家做咗初步登記, 要等6-9個月先可以通知做評估, 依家只能等.....
不過我上網揾過好多資料, 自己估計仔仔應該喺感統出問題, 因為之前學校的治療師教做的運動都喺感統運動, 所以我依家每天都同佢踩單車, 去公園攀爬, 希望可以幫到佢...

作者: pinkdoll 時間: 10-12-14 20:29

看不到有需要加入一所倒模式學校工廠吧, 比自己同孩子沉重壓力.,<------想請問你是否指s位? 為什麼說成倒模式學校? s位是不是很差的? 你小朋友是讀那一間s位? 情況好像很可怕似的

我小朋友排緊s位不知應否入讀如果讀i位或e位對於一個言語差, 社交差, 行為差的小朋友幫助大不大?

眼見有個朋友的小朋友讀普通位+私人st, 小組等等雖然進步很多但實際跟同齡小孩仍然差距比較大老師都擔心他上小學的情況

另一個朋友仔仔讀了2年s位已經追番同齡小朋友下年出番主流讀k3 已經有學校收了他看到這個case 我還很樂觀地諗入s位是較理想的選擇但有時聽到些負面事又令我卻步令我佷擔心好煩呢
很多問題因為想再知多些?

原帖由 kelvin_hmlau 於 10-12-14 17:49 發表
其實你係好叻啦, 見個女跟不上, 即刻幫個女轉排S位打底.

我每日搭村巴都會見到一個住客, 他的鞋爭係長短的, 即係天生長短腳. 一步步拖着走.

個個都走晒, 佢就慢慢行. 其實佢都無可能追得上大隊, 一樣返到工.

其 ...

[ 本帖最後由 pinkdoll 於 10-12-14 20:57 編輯 ]

作者: pocoyo123 時間: 10-12-15 00:56

其實乜野位都好, 都係講你搵唔搵到一間好學校 & 好老師, 小朋友需唔需要讀S位, 係睇佢有無需要三T訓練, 跟唔跟得上大班, 幼稚園係學前班, 係同佢打好個底上小學, 如果都跟唔上, 咁點攪,? 我們學習都要有基本底子, 上堂先要學識自我控制留心, 寫字要先學執筆, 唔明要學識舉手發問, .........等等, 這一切都係要教育
我小朋友去年轉左S位, 明年出去重讀K3, 再下一年上小學, 你問我S位好唔好, 我只可講我呢間就好好, 其他學校亦有媽咪話唔好, 所以都係睇你好唔好彩, 我亞仔去年真係差, 由DELAY2年到現在DELAY9個月, 都有好大進步, 希望你認真考慮

原帖由 pinkdoll 於 10-12-14 20:29 發表
看不到有需要加入一所倒模式學校工廠吧, 比自己同孩子沉重壓力.,

作者: kelvin_hmlau 時間: 10-12-15 01:30 標題: 回覆 2# pinkdoll 的文章

倒模式學校係指一些要求高的學校. 家長帶着學障兒追趕, 好像老鼠在鐵籠內繞圈跑. 永遠追不到食物.

作者: apple~y 時間: 10-12-15 12:39

原帖由 pocoyo123 於 10-12-15 00:56 發表
其實乜野位都好, 都係講你搵唔搵到一間好學校 & 好老師, 小朋友需唔需要讀S位, 係睇佢有無需要三T訓練, 跟唔跟得上大班, 幼稚園係學前班, 係同佢打好個底上小學, 如果都跟唔上, 咁點攪,? 我們學習都要有基本底子, 上 ...

我想問0下,我見你之前留言係轉讀s位
0甘你那時轉排s位要幾耐,先有位??
仲有你係邊區s位
我仔仔原本排e位巳一年未排到位,番主流幼稚園(不是名校)
進步係有,不過唔多同3age都有距離
所以有同社工反映情況,社工回覆巳安排醫生再評估
其實我都巳經盡晒自己能力幫助小朋友
現在早上係s位中心番暫托,下午番主流幼稚園
星期6就有導師上門個別訓練,再加上自己努力教導
真的身心很累,好似追來追去都仲係遲緩真的好累
身邊朋友小朋友無這些問題,只係煩考什麼名校幼稚園,生日會都唔敢同仔仔出席
出街有個小女孩主動走過來同我仔仔玩
之後大大聲聲講"你唔識講0野嫁"
出街食0野有些情緒係度叫,平時就無好定的
都比坐附近媽媽講"嘩個細路唔識講0野嫁"
個心真係好難受,哭也哭乾了眼淚
又自責自己點解生到個仔0甘.......無言

[ 本帖最後由 apple~y 於 10-12-15 12:41 編輯 ]

作者: kelvin_hmlau 時間: 10-12-15 14:37 標題: 回覆 2# kelvin_hmlau 的文章

Remediation vs Compensation

Definition of remediation: Correcting a deficit to the point where it no longer constitutes and obstacle.

By definition they are struggling in many areas: socialization, communication, thinking flexibly, and the list goes on depending on the person. What approach do we usually take to these deficits? By and large, we take a compensation approach. We find ways to work around these problems so that the students fit into the mold of what we do at home and in school everyday. Our main motivation becomes applying strategies that help them exhibit what we consider to be “typical” behaviors —sit appropriately in the classroom or at church, learn academic skills, play on the playground equipment, wait in line without becoming upset, greet others when we see them, etc.

While we may also look for ways to support their communication and to improve their relationships with others, we do this on a very surface level without really understanding the obstacles that create those problems in the first place. And, because we don’t really understand the root issues that create these problems, we resort to compensation techniques rather than remediating the root causes.

作者: MOTHERTO 時間: 10-12-16 01:56 標題: 回覆 2# apple~y 的文章

Apple~Y
我好明白你的感受，無疑我們都比其他家長努力，但都只是要求他基本能力，見到人家又學這又練那，自己心內都有一陣酸。
好彩就是身邊人支持你，否則就換來什麼不要咁緊張，不要要求高的批評。總之有苦自己知。

作者: ltdcorp 時間: 10-12-16 14:17 標題: 回覆 1# MOTHERTO 的文章

我們的小朋友, 帶他們去街, 或多或少都會給其他人(唔識的人)批評或說一些難聽的說話, 最初時, 我會覺得好欖介, 現在我以平常心去看, 如我的小朋友沒有傷害或撞倒其他人, 而對方只用佢自己的觀點或價值觀去說話. 我就不會再理彩對方, 或對話. 其實對方真可悲, 他因一些對佢沒有影響的事來說佢自己想說的話去影響別人. 那麼他日日都會有說不完的話, 因每天都會發生不同的時情和接觸不同的人佢比我們更辛苦呢...!!!!

作者: pocoyo123 時間: 10-12-17 01:55

我用舊NUMBER去排, 我係九龍東,所以係排最前果個, 一個月已有位, 本來要等一年, 因我開始排係8月底, 點知有個小朋友移民, 咁就比左我, 呢個係神的恩賜.
唔好唔開心, 每人都有長處, 所謂天生我材必有用, 成功的人唔一定係起步快果個, 講話唔叻的人又唔一定讀唔到書, 只係佢未遇到一個伯樂
舊年, 當我評估完知亞仔要去S位, 我有一個星期係好唔想見亞仔, 每次想起朋友的小孩比他年齡細, 已學懂很多野, 但佢連最基本講話都唔得, 其他更加差到無影, 直到去左S位, 我依然唔想同佢返學, 怕比人見到, 怕亞仔有日會變成一個低B小孩, 直到有日我C6話如果連你都唔接受個仔, 咁其他人又點會接受佢, 佢係你親生, 就算佢係點, 你都要接受佢, 我果日哭左一晚, 第二日我同自己講, 有心唔怕遲, 就算佢讀到30歲先大學畢業, 我都咁開心,到今年, 我叫守得雲開, 佢可出返去, 所以, 不要灰心, 你今日的所有, 我以前都經歷過, 事情總會過去

原帖由 apple~y 於 10-12-15 12:39 發表

我想問0下,我見你之前留言係轉讀s位
0甘你那時轉排s位要幾耐,先有位??
仲有你係邊區s位
我仔仔原本排e位巳一年未排到位,番主流幼稚園(不是名校)
進步係有,不過唔多同3age都有距離
所以有同社工反映情況,社工回覆巳 ...

作者: ltdcorp 時間: 10-12-17 10:46 標題: 回覆 1# pocoyo123 的文章

這個星期心情好像好好多, 不知道是否在這裡發了幾句爐蘇有關, 如可以用這個方法減下壓, 不防來講幾句.

作者: apple~y 時間: 10-12-17 13:14

原帖由 pocoyo123 於 10-12-17 01:55 發表
我用舊NUMBER去排, 我係九龍東,所以係排最前果個, 一個月已有位, 本來要等一年, 因我開始排係8月底, 點知有個小朋友移民, 咁就比左我, 呢個係神的恩賜.
唔好唔開心, 每人都有長處, 所謂天生我材必有用, 成功的人唔一 ...

你c6真係好似我 c6諗0野係諗樂觀一面
我c6時時話當年3age入幼稚園,仲未識講0野學0野又慢
聽奶奶講當時仲比鄰居話未識講0野,點番學係咪啞??
c6話仔仔咪好似當年自己,現在自己大個都大學畢業
現在咪時時同自己講睇開D,睇開D
有時都會哭,哭都係情緒發洩,哭完一場
又努力同仔仔作戰
仔仔番暫托s位,0的姑娘好好人,仔仔又鍾意番
問過主任意見,仔仔主要係發展遲緩問題
主任話呢0的case番一,2年s位,就可以出番主流
不過都要等再見cac醫生先~~

[ 本帖最後由 apple~y 於 10-12-17 13:16 編輯 ]

作者: pinkdoll 時間: 10-12-17 13:41

多謝你分析及鼓勵 :)
我都是住九龍東的介不介意話我知你仔仔讀边一間s位? 可pm給我謝謝

原帖由 pocoyo123 於 10-12-15 00:56 發表
其實乜野位都好, 都係講你搵唔搵到一間好學校 & 好老師, 小朋友需唔需要讀S位, 係睇佢有無需要三T訓練, 跟唔跟得上大班, 幼稚園係學前班, 係同佢打好個底上小學, 如果都跟唔上, 咁點攪,? 我們學習都要有基本底子, 上 ...

作者: scholar 時間: 10-12-20 10:24

樓主多多上來交流一下教囝心德, 這裡都是過來人, 一定比到有用的意見.

而且,我真的覺得政府, 協康, 學校老師都幫了我好多. 如果沒cac的評估, c6及99都不同意給阿囡2歲入學.更遑論給她入讀全日制的學校.

沒協康的評估及小組班, 阿囡在學前我都不知怎樣教她,幫她. 她現在會收好玩具, 又會跟小朋友交換玩具玩, 都是在協康學到的. 讓她從小就養成良好的習慣.(最重要是教了我們一些教導的技巧)

學校的老師更利害, 除了每天跟阿囡做訓練, 還會每天幫阿囡搽lotion, 做按摩. 老師認識阿囡比起我這個媽媽的知道得更透徹.

作者: STMFHH 時間: 11-1-5 15:33

Hi Scholar,
請問協康的小組班, 可否講多些資料? 有冇個名? 中心係邊?

作者: pattsui11@yahoo 時間: 11-1-5 17:19

pl see http://www.heephong.org/webprod/ ... skills/basic_skills

原帖由 STMFHH 於 11-1-5 15:33 發表
Hi Scholar,
請問協康的小組班, 可否講多些資料? 有冇個名? 中心係邊?

作者: Roseyuen 時間: 11-1-10 13:15 標題: 回復 1# pattsui11@yahoo 的帖子

但協康的服務, 大多數要轉介, 就算自費果d, 都有排啊

歡迎光臨教育王國 (/)