教育王國
標題: 剛１歲證實發展遲緩（6歲放棄主流，入讀體障） [打印本頁]
作者: methy 時間: 10-12-28 23:13 標題: 剛１歲證實發展遲緩（6歲放棄主流，入讀體障）
本帖最後由 methy 於 16-4-30 09:29 編輯
因為大小肌肉都差，6個月唔識雙手拎玩具玩,9個月覆診健康院就ok。11個月先識坐穩(6個月時返健康院合格的)。出世時條頸好軟,9、10個月都仲係左fing右fing，又突然向後chok，未識手腳協調向前爬，只懂自轉，唔識由坐轉企，坐坐下跌,無反射動作,一失平衡就成個人"鐘"哂落地，唔識手指指，未識講mama。
個個安慰話個個b發展有快有慢&湊bb既ee 唔理佢(完全唔係事實)，不過我覺得阿仔真係有d野遲，要求健康院轉介兒科。
Day 1
滿一歲就睇了兒科專科，抽血驗睇下有無健康上既問題（可以食藥幫助）＆遺傳問題（無野可以做）。醫生話係整體發展遲緩，早ｄ轉介。
排了政府：
１）體能智力測驗中心（4/1）先見護士評估，半年後才見醫生再做正式評估
２）物理治療（半年後有位）
３）兒科＋腦外科（3個月後）
４）遺傳學科（2013年）
Day2
7am一早空肚去到醫院輪候抽血，點知輪到阿b時無佢抽血既樽&試紙、等到9am化室開門先拎到，終於10am可以抽血，3、4個人夾手先同阿b抽到10樽仔血。好彩阿仔太肚餓，一比奶食就唔記得痛。
Day 3
上網搵資料，希望可以係等政府服務時，可以幫到阿仔，搵了私家既物理治療＆職業治療各一次，＄8xx至1xxx睇一次。
Day 5 －物理治療：
問題所在：頭大碼，身細碼，肌肉能力差，特別係左邊。
每日做以下運動：
１）企5分鐘，休息２０分鐘
２）雙腳拍埋坐厚書５分鐘（成９０度腳）
３）拉佢做ｓｉｔｕｐ３０次
４）多ｄ按摩
５）比阿仔瞓係我肚上，雙手捉佢大腿，幫佢踢１００次
６）同佢玩鬥力：佢向左望，就用手唔按佢臉，唔比佢望，等佢用力望向左邊望
７）屈起佢下身，成蹲下姿態，再引佢向上望。
（唔成功．佢好僧我屈佢大腿）
８）瞓係地上，按佢雙腿，要佢轉多ｄ左邊身
Day 9 －職業治療
問題所在：觸覺敏感，唔鐘意比人”店”，大小肌肉遲左６個月。
佢建議：
１）肚向下,每次時間不用多，但次數要密
２）示範玩具玩法，多ｄ刺激佢
３）用佢介紹既“治療擦”，擦多ｄ皮膚，等佢唔好咁敏感
４）沐浴時多按摩
只係一星期多，已經經歷了好多咁，醫生話阿仔遲緩嗰一刻，好shock．唔相信阿仔做咩會會遲緩，諗左一晚，決定要正面面對，加上朋友／網友介紹ｄ專業評估／治療，決定早ｄ面對．早ｄ接受治療。
其實有無其他機構可以有呢d治療可以平d,又唔使好似政府排咁耐?
[ 本帖最後由 methy 於 11-1-27 19:04 編輯 ]
作者: prinia 時間: 10-12-29 09:18
methy, 加油呀!! 努力做多d練習, 希望阿仔可以好快追得番d進度!!
作者: HgI 時間: 10-12-30 20:45 標題: 回復 1# methy 的帖子
不要灰心, 小朋友會追得番。你可以試下找協康會個別訓練(網頁: http://slp.heephong.org/cht/individual-assessment-and-training), 物理治療及職業治療都有, 不過要排, 可能會快過政府服務。另外明愛都有自費個別服務, 可以到以下網頁參考:
http://www.caritasrehab.org.hk/s ... nyd0/index.php?id=5
作者: methy 時間: 10-12-30 22:44
多謝你既回應,呢幾日不停上網搵料.搵左幾日既資料都唔夠你既回應來得有用。Thanks!
作者: Roseyuen 時間: 10-12-31 09:00
methy, 要加油啊, 係呢度的每個媽咪都面對住自已仔女的唔同問題, 我地大家一齊努力啊!
作者: bb0322 時間: 10-12-31 10:18
http://www.doctorlee.com.hk/D01_AboutUs.htm
李醫生呢個網頁不仿參考下！
作者: kelvin_hmlau 時間: 10-12-31 11:03
人生真是不公平。有的人不努力就得不到想要的東西，有的人不努力就可以一直得到。
但我想即使在不公平的地方，也可能追到「公平」。雖然或許要花一些時間和工夫。或許，花了時間和工夫依然是徒勞無功。然而在這樣的「公平」中，是否有刻意去追求的價值，當然就要由個人的衡量去決定了。
作者: HgI 時間: 10-12-31 12:28
我的小朋友有肌肉低張的問題, 由8個月大做物理治療, 由唔識爬, 坐唔穩, 到做了治療, 治療教他爬, 企, 行路, 跳, 只要努力, 係會追得番。努力, 加油!
原帖由 methy 於 10-12-30 22:44 發表 
多謝你既回應,呢幾日不停上網搵料.搵左幾日既資料都唔夠你既回應來得有用。Thanks!
作者: methy 時間: 10-12-31 13:14
原帖由 HgI 於 10-12-31 12:28 發表
我的小朋友有肌肉低張的問題, 由8個月大做物理治療, 由唔識爬, 坐唔穩, 到做了治療, 治療教他爬, 企, 行路, 跳, 只要努力, 係會追得番。努力, 加油!
好令人鼓舞既分享，我今日去睇另一個好有經驗既職業治療師，佢話阿仔肌肉低張，教我同阿仔坐fitball.彈彈下咁同佢坐，用玩具引佢，練腰力&頸力。
請問你阿仔係邊到做物理治療? 我暫時帶過佢睇過一個,佢係做大人既,佢做大人好有經驗，當bb係大人咁train,一路做運動阿b就一路大喊.我返屋企就將d 運動遊戲化，開頭都ok,做左2、3日開始好抗爭，又同我抗衡，我又驚整親佢。阿仔脾氣都幾大,唔迫得。迫迫下放棄哂嗰種。
問過做特殊幼兒既朋友,佢話唔好迫bb做運動,會有反效果，只會迫到佢更加唔想做，佢地都有物理治療師,不過會將d運動遊戲化左,等小朋友有樂趣咁做。
唔知你嗰位係咪咁? 我仲搵緊d專做bb既物理治療師。
[ 本帖最後由 methy 於 10-12-31 13:29 編輯 ]
作者: methy 時間: 10-12-31 13:29
原帖由 kelvin_hmlau 於 10-12-31 11:03 發表
人生真是不公平。有的人不努力就得不到想要的東西，有的人不努力就可以一直得到。
但我想即使在不公平的地方，也可能追到「公平」。雖然或許要花一些時間和工夫。或許，花了時間和工夫依然是徒勞無功。然而在這樣的「公平 ...
人生係唔公平架，不過我又咁睇，有人唔努力,有嗰樣得嗰樣，咪唔珍惜。相反要好努力花功夫去拎一樣野，即使過程係痛苦，做父母既比細路知道父母係會全力支持佢，最後結果係美滿定徒勞無功，過程入面其實點都有d得著,例如父母與bb既bonding強左等。
大家入黎傾計，即係肯面對自己bb與其他bb不同，好正面好積極，我睇左好多post,學下其他媽媽點幫bb&知道d有用資訊，我既"無助感"慢慢減少，令我既正能量越來越多。
大家一齊加油~
作者: methy 時間: 11-1-1 12:06
前幾日搵了私人既心理學家做評估，佢會幫阿仔寫份報告，轉介社署，之後等社工電話安排約見，再安排服務e位(早期教育中心)or s位(特殊幼兒中心)。
上到去間私人既兒童中心,真係好多人,咁多小朋友都要睇心理學家&/or職業治療?
呢幾日好忙，忙到連新年聖誕都無精力慶祝。
作者: pipi331 時間: 11-1-1 14:23 標題: 回復 1# methy 的帖子
提示: 作者被禁止或刪除 內容自動屏蔽
作者: HgI 時間: 11-1-4 00:31
我當時是排到政府醫院的物理治療。治療師用玩具來吸引他做動作, 例如有一盒積木, 要他來回行, 每次取一塊, 直至搬完所有積木。咁算唔算遊戲?
我以前都好似你咁搵治療師, 但一般都是幫大人做治療。問治療師, 他們都是介紹去找協康之類的中心才有訓練小朋友的。你可以找私家醫院的物理治療, 他們都能提供訓練小朋友的物理治療師。
原帖由 methy 於 10-12-31 13:14 發表
好令人鼓舞既分享，我今日去睇另一個好有經驗既職業治療師，佢話阿仔肌肉低張，教我同阿仔坐fitball.彈彈下咁同佢坐，用玩具引佢，練腰力&頸力。
請問你阿仔係邊到做物理治療? 我暫時帶過佢睇過一個,佢係做大人既,佢做大人好 ...
作者: nokia6300 時間: 11-1-4 10:32
你真幸福,咁早可以train阿仔,不用擔心,咁早開始train,效果可以好大
我仔都系低張小朋友,情況同你差唔多,可能好一點點啦,不過佢大小肌系好弱,去到學行要做好多功夫,我自己未排到政府既pt便出左去私人,系heep hong,好針對小朋友,once 阿仔識行,便展開其他方便training,ot,st,加強家居訓練,你朋友說得岩,如果小朋友系做pt既時候驚左,系好大影響,所以我personally認為要撜返d train小朋友好d,另外假日多去公園,要好多,我仔幾乎系公園長大的,爬又好,趺又好,比人撞咩都好,都對佢有幫助 (當然要安全啦),沖涼比d水佢玩,淋下佢,用我地大人個d起泡綿擦下都系ot既一種,我仔之後排到政府一直做到而家,系一定睇到進步的,加油呀媽媽~
作者: methy 時間: 11-1-4 12:57
原帖由 HgI 於 11-1-4 00:31 發表
我當時是排到政府醫院的物理治療。治療師用玩具來吸引他做動作, 例如有一盒積木, 要他來回行, 每次取一塊, 直至搬完所有積木。咁算唔算遊戲?
我以前都好似你咁搵治療師, 但一般都是幫大人做治療。問治療師, 他們都 ...
多謝你既分享~你小朋友幾大? 做完PT情況改善左嗎?
私家醫院的物理治療又真係無諗過,thx~
作者: methy 時間: 11-1-4 13:10
原帖由 nokia6300 於 11-1-4 10:32 發表
你真幸福,咁早可以train阿仔,不用擔心,咁早開始train,效果可以好大
我仔都系低張小朋友,情況同你差唔多,可能好一點點啦,不過佢大小肌系好弱,去到學行要做好多功夫,我自己未排到政府既pt便出左去私人,系heep hong,好 ...
你地明白，就知道早面對既好處，其他朋友只叫我等.等阿仔"叮"一聲就會自己識，我都想係咁就好囉。
聽完你咁講,等我再帶多d阿仔去多d公園先~
作者: HgI 時間: 11-1-4 19:24
小朋友依家已經3歲半, 仲算叫識行識跑同識跳。不過仔細做評估, 大肌仍然比同齡慢8個月。小肌則不大好, 慢了1年, 到依家仍有上PT同OT。
原帖由 methy 於 11-1-4 12:57 發表
多謝你既分享~你小朋友幾大? 做完PT情況改善左嗎?
私家醫院的物理治療又真係無諗過,thx~
作者: methy 時間: 11-1-7 10:50
原帖由 HgI 於 11-1-4 19:24 發表
小朋友依家已經3歲半, 仲算叫識行識跑同識跳。不過仔細做評估, 大肌仍然比同齡慢8個月。小肌則不大好, 慢了1年, 到依家仍有上PT同OT。
大家一齊努力呀~
作者: methy 時間: 11-1-7 10:53
4/1同阿仔去體能智力測驗中心先見左姑娘做評估，阿仔就最細既一個，姑娘問一大埋資料,做下簡單既測試咁，因為好多人排，約左半年後返去，第一次見醫生。
作者: urme1997 時間: 11-1-7 13:19
原帖由 methy 於 11-1-7 10:53 發表
4/1同阿仔去體能智力測驗中心先見左姑娘做評估，阿仔就最細既一個，姑娘問一大埋資料,做下簡單既測試咁，因為好多人排，約左半年後返去，第一次見醫生。 ...
一般都要等半年, 到時見醫生就知安排入乜野位讀書
作者: 皇后駕到 時間: 11-1-12 15:11
不好意思, 借個位問吓野.
我bb就1yr, 但只會向後爬, 唔太識轉身 同 唔識由訓變坐,
係咪發展遲緩?
之前8-9個月, 佢連趴响度都哭, 宜家就肯趴,
d親戚成日話好多bb都唔爬就行, 所以之前都冇點理..... 唉... 
作者: methy 時間: 11-1-12 17:08
今朝晨咁早帶阿仔見兒科既物理治療師，同之前專做大人既好唔同，硬件一流，好多玩具，治療師既評估係,阿仔既大肌肉(前腹、腰&腰)未發展到佢應有既歲數既能力,所以未有能力爬,企&行更加未得，只有keep住做運動，之後隔個星期再去。
之後去睇中醫，見佢幾定&剛好一歲，中醫摸下阿仔手腳就話最直接就係係個頭到吉支針(針灸)，不過我覺得阿仔仲細，未想試住，個醫師都無迫我，又講話阿仔有痰.d穴位積住左d痰，壓住左d神經線（好特別既理論）。
anyway,最後佢個助手1幫阿仔”推那”，即按摩耳仔下面,頸後&背部肌肉。呢一ｐａｒｔ應該係阿仔成朝最enjoy既一 part。
作者: methy 時間: 11-1-12 17:12
原帖由 皇后駕到 於 11-1-12 15:11 發表
不好意思, 借個位問吓野.
我bb就1yr, 但只會向後爬, 唔太識轉身 同 唔識由訓變坐,
係咪發展遲緩?
之前8-9個月, 佢連趴响度都哭, 宜家就肯趴,
d親戚成日話好多bb都唔爬就行, 所以之前都冇點理..... 唉... :crying: ...
唔好聽親戚講喇，１歲返健康院叫姑娘轉介喇，ｂｂ唔識爬，就算識行，將來好多手尾要跟。
我阿仔一歲返健康院時，姑娘好ｈｅａ，叫我等．好唔想轉介咁，係我堅持佢先幫我。
轉介流程圖:
http://www.dhcas.gov.hk/tc_chi/health_pro/develop_dis_dd.html
[ 本帖最後由 methy 於 11-1-14 10:21 編輯 ]
作者: pattsui11@yahoo 時間: 11-1-12 19:37 標題: 回復 3# 皇后駕到 的帖子
看來BB有感統問題，去健康院轉介唔使錢，給你一些專業意見也不錯吧。
帶BB參加一些playgroup可讓你知道BB是否真的沒有困難。
親戚的安慰說話，大家都會說的，你才是BB的教練啊！
作者: pipi331 時間: 11-1-12 23:36
提示: 作者被禁止或刪除 內容自動屏蔽
作者: nokia6300 時間: 11-1-13 10:31
請問你小朋友睇咩中醫??
作者: methy 時間: 11-1-13 12:56
原帖由 nokia6300 於 11-1-13 10:31 發表
請問你小朋友睇咩中醫??
朋友介紹的，好似話都幫過小朋友針灸，不過睇完之後覺得一般，佢比我既感覺係,幫過幾個小朋友針灸過之後.就話自己識,都無問d咩好快就話"針灸"喇。
你有介紹嗎?
作者: methy 時間: 11-1-13 16:17
2星期前心理學家已經寫左報告,轉介左社署，又話差唔多時間會有社工回覆。今日打去自己區既家庭綜合服務中心，接電話既社工話無收過轉介，再打返去心理學家嗰到，又話12月尾已經轉介左，同confirm左有人已經收左份轉介文件。
兩邊各有各講，我決定相信心理學家嗰邊已經轉介左，打去家庭服務中心，比哂d資料佢地搵,死都話電腦無資料，我估計有職員未將資料入電腦，要求佢地再搵清楚。
終於兩個鐘點後回覆話搵到我阿仔份轉介文件，個職員仲問我排咩,係咪排婚姻輔導，我火都黎埋,問佢有無睇轉介文件上既資料，佢ee..rr..講左d野,最後話要問下佢上司先回覆我。
作者: kelvin_hmlau 時間: 11-1-13 16:54 標題: 回復 1# methy 的帖子
Methy,
如果你同過社署班人交過手, 就會知道佢地有幾攪笑. 她們只做聯絡都係會錯漏百出. 所以大部分復康服務都係資助機構做.
你的兒子只有一歲, 進步空間好大.
加油吧, 盡快開始各項訓練 (PT, OT, 等), 一定可以追上.
作者: methy 時間: 11-1-13 17:46
原帖由 kelvin_hmlau 於 11-1-13 16:54 發表
Methy,
如果你同過社署班人交過手, 就會知道佢地有幾攪笑. 她們只做聯絡都係會錯漏百出. 所以大部分復康服務都係資助機構做.
你的兒子只有一歲, 進步空間好大.
加油吧, 盡快開始各項訓練 (PT, OT, 等), 一定可以 ...
同社署交手,真係笑唔出，打個電話都可以令我咁勞氣。至少佢地知道我係緊張,都立即幫我跟。
下個星期開始,一個星期OT,另一個星期就PT 咁交替去上training喇~THX!
作者: 皇后駕到 時間: 11-1-14 15:06
其實我都係帶佢返pg, d導師覺得佢唔識爬, 所以我先擔心.
但佢可以自己由坐响度, 扶住梳化企起身, 企都可以企10mins以上的, 所以我成日以為佢双腳夠力.... 宜家唯有等1yr 返健康院..
原帖由 pattsui11@yahoo 於 11-1-12 19:37 發表
看來BB有感統問題，去健康院轉介唔使錢，給你一些專業意見也不錯吧。
帶BB參加一些playgroup可讓你知道BB是否真的沒有困難。
親戚的安慰說話，大家都會說的，你才是BB的教練啊！ ...
作者: methy 時間: 11-1-15 22:14
睇左3個職業治療師，全部都係朋友介紹，幾個治療師都fully booked,只係"sip"時間睇，但分別好大，最攪笑係，收費越貴越令我失望。
1. A治療師，較年輕，友善，同我阿仔做評估時用盡方法引佢玩具，玩具都係比d大個d玩既玩具,阿仔免強玩到， 同佢玩千秋，問下係屋企既生活作息。
阿仔唔怕生保，但一個鐘頭內，喊既時間佔1/3時間。
好快就作出”診斷結果” : 話阿仔”接觸”過敏，叫我地買治療擦同阿仔係屋企擦多d,減輕佢既接觸過敏反應，叫我地比阿仔肚向下，比多d機會佢爬。示範玩具玩法，多ｄ刺激佢認知。
費用: $1050+$40(治療擦)
2. B治療師，20年醫院經驗，樣子較權威，一樣係先同阿仔玩玩具，玩具明顯較適合阿仔一歲既年齡，等阿仔好開心咁玩,慢慢將玩具拉離阿仔遠少少，測試佢可以郁動既能力,用布蓋住d玩具test佢認知，阿仔知道d玩具係邊，但未識協調去reach out 拎d野，好快就發脾四。
治療師平靜下阿仔之後，要阿仔企下，睇佢下肢能力，跟住將阿仔瞓底，郁動佢頸,手臂，阿仔好唔鐘意,狂喊，之後免強繼續玩埋其他玩具&fitball。治療師問下阿仔出世時既資料。
診斷結果: 小肌肉好過大肌肉小小，大肌肉比同齡遲左半年，膝頭無力，腰都未係好有力，shoulder後肌肉過緊。左邊身肌肉明顯比右邊差，認知能力與同齡差不多。
建議: 要同阿仔作拉根運動，左手伸直,貼耳，維持1分鐘‧坐fitball，扶大腿等阿仔自己用腰力支持自己。繼而將佢趴係fitball上,向左右移動,等阿仔自己郁動平衡自己。
教我地唔好太”就”阿仔，如果唔係佢學識左扭計就回應，就更加難訓練。
費用: $1000+$110(fitball)
3. C治療師，志願機構兒科職業治療部10多年經驗，持有多個不同治療證書資格。
開始時同阿仔玩玩具，都係玩d容易既,例如波波，睇下佢拎野既能力，之後都係不停咁比玩具佢玩,玩既時間會郁下佢d手腳,比阿仔坐下圓形,&長條型既千秋。過程中阿仔都有喊．不過明顯無睇第一個＆第二個治療師咁多。
診斷結果:腰及腳以下肌張低，左邊無咩力．右邊肌肉發達ｄ，形成左右不平衡，所以個頭側向一邊。
建議：90度角坐，前面用玩具引佢伸手拎．練習用腰力。雙腳擺向一邊，訓練重心轉移（坐係到時容易ｄ轉向一邊），坐fitball強化背肌等
費用: $800
c 係職業治療師，比既意見集中在大肌肉上，與物理治療師的評估相近。
ｂ＆ｃ治療師都很有經驗，只有ｃ治療師仲有平日上午空檔比阿仔每星期返去做治療。
作者: be 時間: 11-1-18 23:07
hi Methy,
我雖然沒有仔細看畢你所有的post,但已覺得你個小朋友有你這麼積極的父母真幸運,我真有點慚愧...見亞仔追返接近正常後便懶惰了,我個仔係9個月都唔識轉身,10月都坐唔穩,一歲去私人機構評估,結果是整體發展遲緩,要排s位,之後我便個個星期帶他去做training,結果到他1歲9個月到cac評估時,醫生說他亳無問題(但我總覺他們的標準很低),而QE兒科醫生則說我個亞仔屬剛剛及格那類,到了9月入pn時,已先向班主任交代亞仔的情況,到11月家長日時,老師卻表示亞仔除了是說話發音不太準外,其他問題方面很正常,,7月出生在班中是最細來說了中規中矩,到11月去考kv和sc,結果kv收了,sc waiting,當然知道要排s位,心情真直墜谷底,真沒有想到現在卻能讀kv,不過我也擔心他追不上,看來我也要向你好好學習,勤力為他作準備了,希望所有delay的bb都可以追回大隊吧!
作者: methy 時間: 11-1-19 15:17
原帖由 be 於 11-1-18 23:07 發表
hi Methy,
我雖然沒有仔細看畢你所有的post,但已覺得你個小朋友有你這麼積極的父母真幸運,我真有點慚愧...見亞仔追返接近正常後便懶惰了,我個仔係9個月都唔識轉身,10月都坐唔穩,一歲去私人機構評估,結果是整體發展遲 ...
唔好咁講喇,你都一樣好積極，個個星期都同阿仔去做治療，亞仔追得返就相信阿仔，之後繼續留意住佢既發展就得喇，養大一個仔真係唔易，一齊加油~
作者: methy 時間: 11-1-19 15:45
呢個星期自己買材料,搵師傅整左件大玩具比佢 &搵左d書學下點幫阿仔。
1. Crawling Track
阿仔唔肯爬，當滑梯玩
2.買左d參考書，睇下點幫阿仔訓練大小肌，真係好有用。
協康:《兒童學習綱領》 與 《兒童發展評 估表 》(修訂版)
耀能:感覺統合 家居訓練冊
順便去參觀下協康，入左會，等參加佢既playgroup。
阿仔上左第二堂既私人職業治療，今堂阿仔relax好多,無咩點喊,我地又學多左好多野幫阿仔。
個治療師好叻,阿仔唔鐘意人攪佢手腳,佢都有方法令佢做出四點式既爬行動作，學左d好細緻既野都要注意，原來阿仔左邊手無咩力，拎野麻麻，同佢隻手指公成日貼實其他手指有關，平時要留意,要幫佢打開哂d手指，等d手指肌肉唔好咁緊。
作者: kelvin_hmlau 時間: 11-1-19 17:37 標題: 回復 1# methy 的帖子
Methy,
好勤力喎, 加油呀!
你提到手指公不能彈出, 病理學好似有個名 "...thumb", 你可以 consult 下專家睇下駛唔駛做手術.
作者: methy 時間: 11-1-19 17:55
原帖由 kelvin_hmlau 於 11-1-19 17:37 發表
Methy,
好勤力喎, 加油呀!
你提到手指公不能彈出, 病理學好似有個名 "...thumb", 你可以 consult 下專家睇下駛唔駛做手術.
係!? 一聽到"手術"就怕怕,阿仔9個月時已經因為忍睪症而做過手術，不過我黎緊都會帶阿仔返外科醫生到覆診,等我問下先,thanks!
作者: nokia6300 時間: 11-1-19 23:01
hi methy,勁勁勁~~有你呢個媽媽,阿仔一定大進步
我仔而家2歲9,都去左公園好好好耐先肯由下向上爬,你仔仲細,唔洗咁push既,呢個動作對於冇問題既小朋友歲幾已做到,但我地d小朋友真系要花點時間的,加油~
作者: chloe_karina 時間: 11-1-21 17:12
methy,我個仔既情況同你個bb好近似,可否做個朋友呢? 我好少上baby kingdom,你有msn/facebook ma? PM me if u have, thx
作者: methy 時間: 11-1-21 18:11
原帖由 nokia6300 於 11-1-19 23:01 發表
hi methy,勁勁勁~~有你呢個媽媽,阿仔一定大進步
我仔而家2歲9,都去左公園好好好耐先肯由下向上爬,你仔仲細,唔洗咁push既,呢個動作對於冇問題既小朋友歲幾已做到,但我地d小朋友真系要花點時間的,加油~ ...
Thanks~
小朋友咁細個都唔到我push,我本住做多好過做少既心態,唔想第時後悔,錯過左阿仔既黃金時間。
做左兩星期運動,阿仔的確硬"正"左,條腰好力左,可以reach out 攞野,跟住用腰力"r" 返起身,見佢信心大左,我都安樂左好多。
作者: chloe_karina 時間: 11-1-21 18:46
我個仔係有先天性遺傳染色體異常, 係非常罕見,冇病例,懷孕期間,醫生不停叫我終止懷孕,但最後我都堅持生出來,當然,仔仔既健康情況比起我地預期中差好多, 佢依家9個多月,確定發育delay, 大肌肉發育差,及張力低,佢又有脊柱向前曲問題,手指又唔靈活, 佢唔識坐, 頸仔都係最近先穩定少少, 唔識反身,返轉佢, 頭唔會抬起, 只識轉半身, 初步估計佢只得2-3個月既能力, 我睇左你地既post,6個月時幫佢排左CAC,係威院做左physio assessment,2月開始train, 我好想幫個仔,請問你地有冇好既training centre / assessment centre 可以介紹比我, 我住沙田,好心急又好無奈.......
作者: methy 時間: 11-1-21 19:59
見左社署既社工,無咩特別，個社工似乎唔會知我好多,問下我地想排邊間既早期教育及訓練中心(E位)&特殊幼兒中心 (S位)，無講d咩,我亦無咩想問佢，佢幫阿仔排政府服務就是了。
至於傷殘津貼,佢就比阿仔嗰份心理學家既轉介報告我地,自己去醫院搵醫務社工跟。
作者: nokia6300 時間: 11-1-23 01:00 標題: 回復 40# methy 的帖子
yes!!!我之前都系寧可做多都唔好浪費佢既黃金時間,系咁出出入入過左一年"超級"training既生活,卒之而家返左學,雖然系仍有空間要追,卻比想像中輕鬆了,所以只要有付出,我地既小朋友一d都唔差,而且,佢地系比一般小朋友更堅強,我見著阿仔輪輪盡盡地去跑去跳,真系覺得我個仔系no.1^^
祝你小朋友日日進步!
作者: aquarius721 時間: 11-1-25 00:13
阿女而家13個月大,六個月睇政府話發展遲緩.果時都唔知乜野事,因為當時主要睇佢頭大,佢個頭係over 100%,13個月已經同家姐(4歲)個頭差唔多大.所以醫生話佢肌張力低,唔夠力都冇乜為意.周圍個個都話佢頭大,所以條頸冇力都好正常.6個月安排做ot,pt都冇點理.直至再係8個月時去qmh睇醫生先知大問題.
阿b唔識爬,企得唔穩,而家先叫做坐得穩,不過有時都會唔識保護自己,會就咁中向前.返身都唔係好識做,而家一個月睇一次pt,3至4星期見一次ot.
我都好想係私家搵d training 比佢.之前睇過協康d course,不過好似冇適合佢咁細個bb.有乜course岩佢返呢?
作者: pattsui11@yahoo 時間: 11-1-25 10:34
阿女咁細，可塑性得高，是處理發展遲緩最好時機啊！
OT & PT有沒有教家居運動？這是比去治療師那裡更重要的。
原帖由 aquarius721 於 11-1-25 00:13 發表
阿女而家13個月大,六個月睇政府話發展遲緩.果時都唔知乜野事,因為當時主要睇佢頭大,佢個頭係over 100%,13個月已經同家姐(4歲)個頭差唔多大.所以醫生話佢肌張力低,唔夠力都冇乜為意.周圍個個都話佢頭大,所以條頸冇力 ...
作者: methy 時間: 11-1-25 12:48
原帖由 aquarius721 於 11-1-25 00:13 發表
阿女而家13個月大,六個月睇政府話發展遲緩.果時都唔知乜野事,因為當時主要睇佢頭大,佢個頭係over 100%,13個月已經同家姐(4歲)個頭差唔多大.所以醫生話佢肌張力低,唔夠力都冇乜為意.周圍個個都話佢頭大,所以條頸冇力 ...
我阿仔都係１３個月大，做左2星期 PT+ OT＋日日家居訓練，條頸＆腰有力左，坐係地下向後”pig拍”跌底既情況少左，向前"摺埋"拎野，之後都好輕易”ｒ”返直個人。日日同佢練fitball好有效。家居訓練真係重要過每一、兩星期上一次PT+OT。協康都排左約一個月，未有回覆。
阿仔１２個多月開始２星期返一次私人PT，１星期一次私人OT，每星期推拿，推完拿嗰一、日特別醒神，ｄ動作靈活ｄ。阿仔仲係上臂式咁軍人爬，而家練緊四點式爬。
Check PM~
作者: methy 時間: 11-1-27 16:25
之前post過阿仔試睇中醫,第一次睇個醫師已經立即建議做針炙,我覺得太細,只係做推拿，個助手負責,效果幾好,阿仔某d肌肉過緊,都推到鬆左，連阿仔傷風流鼻水都好返好多。
昨日我返工,褓姆代我帶阿仔去中醫到做"推拿"，助手幫阿仔做緊推拿時，個中醫師突然經過阿仔身邊，褓姆以為佢經過去幫隔離病人整ｄ，讓一讓比醫師過，點知個醫師就係嗰時響阿仔個頭上吉左一針，嚇到褓姆大叫：唔得架，我幫人湊仔架炸．我擔當唔起架。 個中醫仲笑笑口話：阿媽唔係到先好呀，唔怕唔怕．．吉左之後，阿仔無咩野．支針留向個頭到１５分鐘。
之後褓姆打比我,佢都好唔開心,亦都嚇親。我聽完好嬲,呢個咩醫師,自把自為，我都講過想了解清楚先針,激C我~ 我唔會再比阿仔去睇呢個醫師。
醫師:唐X蘭.華X中醫學院
作者: methy 時間: 11-2-12 18:28
問左幾個朋友介紹既中醫，對針灸了解多左。
1) 針灸無分年齡，大陸d ｂｂ一出世有腦麻痺／問題既都會去做針灸．香港人西化左，唔識．以為太細個唔做得針灸．其實無問題
２）太細個，唔可以針腦囟位．＆手部唔可以留針．因為驚細路仔會攪
３）香港中醫用既針多數係用完即棄．大陸就會消毒完再用
阿仔病左幾星期，停哂去做OT/PT，剛剛星期三，上返私人既PT，阿仔條腰既力有ｄ進步，背肌強過腹肌，但都仲會坐坐下，突然向後仆，要係肚仔”痴”ｄ訓練膠布，提醒阿仔要用腹肌。
昨日又再病左，等遲ｄ好返哂先試中醫針灸。
收到社署既信，阿仔正式排左ｅ位& S位
[ 本帖最後由 methy 於 11-2-17 11:42 編輯 ]
作者: 王美樹 時間: 11-2-13 14:30
提示: 作者被禁止或刪除 內容自動屏蔽
作者: 王美樹 時間: 11-2-13 14:33 標題: 中醫
提示: 作者被禁止或刪除 內容自動屏蔽
作者: methy 時間: 11-2-16 18:21
原帖由 王美樹 於 11-2-13 14:30 發表
[1) 您可以去針灸）細個去針效果更好.香港九龍有個中醫 好不錯.您可以打電話問問.我家姐個仔仔也是那麼樣.現在看完可以說話了.
可唔可以講多小小你家姐個仔情況? 針左幾耐就有進步呢?
作者: methy 時間: 11-2-25 13:21
呢個星期阿仔總算病好，氣管敏感真係好煩。食左"青蛙仔"(善古寧)真係好好多。
今個星期上PT，阿仔條腰既力好左，可以開始學坐，即係90度咁坐凳仔。雙腳仲係無力,做唔到四點跪，不過上臂既肌力強左,軍人式爬行動作快左。
我地又聽另一位私家PT既意見，阿仔腰力開始ok,要打破阿仔成日"向後chok"既pattern。
做幼兒教育既朋友上黎探我地,教識我地:
1.開始要比佢自己玩,唔使下下陪佢,放阿仔係sofa前既地上坐,右邊放個玩具箱,入面有哂佢鐘意既玩具.由得佢自己"探索"&玩,大人只要間中望下佢,比d反應佢就得。
2.多d反轉阿仔.一手托佢上身(等肚仔唔好貼地),等佢下肢習慣尾曲用力著地。
3.播多d兒歌,有意識同佢跟隨節奏擺動身體四肢。
作者: methy 時間: 11-2-28 17:55
排左d服務都有兩個月,今日打去問下進度:
1.政府既物理治療,因為人太多,仲要等多2個月;
2.協康既物理治療,因為我選擇既中心比較多人,都係要等多個零月;
3.兒童體能智力測驗中心本來6月先做評估，而家提早到4月就可以做評估
暫時keep住上私人既物理治療、職業治療，幼兒教育朋友上門教我地同阿仔玩，每日家居訓練。
針灸都開始左，針頭&腳(留針30分鐘)、頸&尾龍骨(不留針)。第一次未識驚。
頭:左右耳對上各一針,頭頂一針
腳:左右各2針
[ 本帖最後由 methy 於 11-2-28 17:56 編輯 ]
作者: methy 時間: 11-3-29 12:02
阿仔(15個月)近月進步唔少,識手指指,放野入箱，明白多左我地講野，腰部既肌力好左d,坐低失平衡識得伸手"禁一禁"地撐起自己。
但都係未識四點爬&無mama既音，私人PT開始教佢學扶住野,由坐變企起身 & 行,不過平衡都係差,雙腳都係軟。
1)覆診兒科，話佢"硬正"左，企&行未達標,認知與同齡相約，排隊照MRI，醫生話落藥做既,d藥無咩副作用，但照左無野攪,得過知字，1年後再算，兒科唔使覆診，等CAC。
2)打去CAC,提早2個月,4月頭做評估
3)曾經覺得因為針灸而覺得阿仔因而進步左，四次之後覺得佢針完連bb音都少左，決定停一停,唔針住。
4)參加了親子bb游水班，阿仔唔怕水,浸個頭落水都無野，玩左兩堂,不過都係未有意識踢水，不但玩得好開心，我當佢做全身肌肉運動。
5)開始了協康既PT服務，無私人既咁進取，都係要阿仔學爬，練肚肌,上臂力,阿仔覺得悶。
[ 本帖最後由 methy 於 11-3-29 12:26 編輯 ]
作者: chloe_karina 時間: 11-3-30 20:27
methy,見到你囝囝既進步,真係好開心,好高興呀!!!
我呀仔一歲啦! 依家都係威院PT,睇左2次脊醫,依家中醫針炙左幾次,進步都有,不過唔快,我呀仔針炙後進步多左,明顯左, 佢一星期針2次,每次都針20-30針,頭手腳背頸,只留頭針,8-10針,
依家plan緊做臚低骨治療, CAC都仲未排到..
係呢,你係屋企點做fitball ar???我都想係home training呢樣野,可否指教一下? 我覺得威院跟得開始一般.....
作者: methy 時間: 11-3-31 15:40
原帖由 chloe_karina 於 11-3-30 20:27 發表
methy,見到你囝囝既進步,真係好開心,好高興呀!!!
我呀仔一歲啦! 依家都係威院PT,睇左2次脊醫,依家中醫針炙左幾次,進步都有,不過唔快,我呀仔針炙後進步多左,明顯左, 佢一星期針2次,每次都針20-30針,頭手腳背頸,只留 ...
一星期2次針灸再加其他治療,好忙喎,加油~
家居訓練係睇院私家PT+OT之後,照跟返佢地教既野每日重複練習。
1)將佢坐係個波上彈彈下,打側佢個人,向左 &向右,等佢自己用力"r"返個人坐正，練頸力&腰力。
2) 亦會將佢面朝天,瞓係個波上,比手輕翰拉起佢,等佢自己用腰力"r"起身等。
不過個個情況唔同,唔知你阿仔適唔適合用fitball咁練。政府點同你阿仔做訓練? 返屋企掌握到同佢練嗎?
作者: methy 時間: 11-4-8 19:11
今日返CAC見醫生，心情跌落谷底。
阿仔除左社交係最叻之外,其他既都係得9-10月既能力,建議轉介政府職業治療，繼續等政府既物理治療服務，建議讀e位(我話已經排左e & s位)，及申請傷殘津貼。醫生好好,知道家庭服務中心唔熟識跟呢類case,主動幫我轉返醫院既醫務社工跟。
出年2月再返去見佢,再決定出年9月入讀邊類位，未排到政府服務時，都係要keep住睇私人既治療師。
作者: chloe_karina 時間: 11-4-10 22:12
methy,
唔好咁啦,都唔係差太遠!繼續努力就得架啦,你要記住,我地唔洗同人地比較架,我地要去CAC都只係因為想比多啲幫助自己bb,唔係要同人地比,佢地所謂bb既能力去到邊,就當係一個reference吧!!人各有異呀!我依家就係咁勉勵自己!人比人比死人呀!!!!
by the way,我係威院PT同你果啲差唔多一樣,不過我就冇買fitball係屋企train
另外想問下你doman crawling track點整呀?
作者: esuperbaby 時間: 11-4-10 22:22
各位, 請問bb 大約幾多個月係cac 做評估呢?
作者: methy 時間: 11-4-11 11:24
原帖由 chloe_karina 於 11-4-10 22:12 發表
methy,
唔好咁啦,都唔係差太遠!繼續努力就得架啦,你要記住,我地唔洗同人地比較架,我地要去CAC都只係因為想比多啲幫助自己bb,唔係要同人地比,佢地所謂bb既能力去到邊,就當係一個reference吧!!人各有異呀!我依家就係 ...
多謝你~
其實都已經無咩,可能自己有期望,又見佢有進步,一下子對醫生"都係遲成半年既"診斷有d錯愕。
個crawling track 我係參考人地個blog &淘寶(http://s.taobao.com/search?q=%C5%C0%D0%D0%B5%C0&commend=all&ssid=s5-e&search_type=item&atype&filterFineness)
自己買料,搵相熟師傅整，兩邊pad好厚棉花。
不過阿仔好唔鐘意,一來佢未爬到.係入面令到佢反轉唔到身,又向前唔到,好似比人困住咁。
同佢玩呢條crawling track 真係要用好多心思令佢唔喊,肯坐係旁邊玩下。
作者: methy 時間: 11-4-25 15:12
阿仔一踏日16個月大就比左個驚喜我，佢識得向前爬喇!
雖然都係肚仔貼地,用手指力多過係全身既力，但雙腳郁多左，都係一個進步，出盡力向前爬一兩下，推倒面前既玩具.佢開心到不得了。
作者: methy 時間: 11-4-26 19:23
今日又有另一個驚喜，醫院物理治療部打比我，話6月可以比service 阿仔，由舊年12月尾排,足足等左半年。
希望醫院既物理治療可以幫到阿仔喇~
作者: pattsui11@yahoo 時間: 11-4-27 10:04
http://item.taobao.com/item.htm?id=2375058601你認為這跳跳椅對BB有用嗎？
原帖由 methy 於 11-4-25 15:12 發表
阿仔一踏日16個月大就比左個驚喜我，佢識得向前爬喇!
雖然都係肚仔貼地,用手指力多過係全身既力，但雙腳郁多左，都係一個進步，出盡力向前爬一兩下，推倒面前既玩具.佢開心到不得了。 ...
作者: methy 時間: 11-4-27 16:24
類似既跳椅我有問過物理治療師.佢建議係for 我阿仔學企用。
我無打算買.一來安裝問題(secure 嗎?).二來我都習慣左扶佢貼牆練企,佢突然跌倒.我都可以接實佢。
你打算買嗎?
作者: chloe_karina 時間: 11-4-27 22:48
methy,睇到你既留言好開心呀!!!!
真係一份好大既禮物!!!!!
我個仔最近都坐得好左好多,識叫媽媽,問佢野會答你"好",食野時講"um", 佢仲可以自己反身,雖然只係反,但已經誇出一大步,今晚仲開始有蠕動既能力!!
我今日開始左協康會鮑姑娘既健腦操訓練,唔知佢突然識蠕動係咪因為上左堂呢...哈哈,不過鮑姑娘叫我做埋水療,佢又話威記PT跟我個仔跟得唔太好,唉..不過冇計....樣樣都係錢...
我都打左去CAC催,佢話冇得催,依家只係做到上年10月既case,要等多2個月先到我,不過今日協康既社工教我去威記叫兒科醫生寫信叫醫務社工幫我排左學校先,佢話可能會快啲
希望大家都一直有好消息啦!!!加油
作者: chloe_karina 時間: 11-4-28 23:58
好野!!CAC今日打黎話聽朝有個期個小朋友去唔到,依家轉比我個仔呀!!!好開心提早左咁多,希望順利啦
作者: QQP 時間: 11-4-30 01:25
原帖由 methy 於 11-4-25 15:12 發表
阿仔一踏日16個月大就比左個驚喜我，佢識得向前爬喇!
雖然都係肚仔貼地,用手指力多過係全身既力，但雙腳郁多左，都係一個進步，出盡力向前爬一兩下，推倒面前既玩具.佢開心到不得了。 ...
見到你個 post 都替你開心, 冇嘢開心得過, 見到自己的小朋友進步. 加油呀.
作者: QQP 時間: 11-4-30 01:28
原帖由 chloe_karina 於 11-4-27 22:48 發表
methy,睇到你既留言好開心呀!!!! 真係一份好大既禮物!!!!!
我個仔最近都坐得好左好多,識叫媽媽,問佢野會答你"好",食野時講"um", 佢仲可以自己反身,雖然只係反,但已經誇出一大步,今晚仲開始有蠕動既能力!!
我今 ...
想請教一下水療其實係點做法? 大概做d咩動作? 療效如何 ?
作者: chloe_karina 時間: 11-4-30 15:53
我依家就係想搵教練教呀.....個PT話對大肌肉及腰骨發展改善效果好好
原帖由 QQP 於 11-4-30 01:28 發表
想請教一下水療其實係點做法? 大概做d咩動作? 療效如何 ?
作者: chloe_karina 時間: 11-4-30 16:01
尋日見左CAC OT,PT,兒科醫生, 報告話呀仔依家一歲,認知(智齡)只有6個月,體能發展只有4-5個月,言語表達及理解就同齡1歲, 安排 E 及 S 位,申請傷殘津貼,安排加返OT比呀仔,同埋幫佢驗埋眼....都有啲唔開心架,因為我唔認同認知只有6個月既能力囉,同埋有好多野佢係屋企係做到,只係係果一個鐘入面冇做出黎,咁就話佢唔得! 個兒科醫生就呀仔既起居飲食閙到我冇晒面!
作者: QQP 時間: 11-4-30 21:08
原帖由 chloe_karina 於 11-4-30 16:01 發表
尋日見左CAC OT,PT,兒科醫生, 報告話呀仔依家一歲,認知(智齡)只有6個月,體能發展只有4-5個月,言語表達及理解就同齡1歲, 安排 E 及 S 位,申請傷殘津貼,安排加返OT比呀仔,同埋幫佢驗埋眼....都有啲唔開心架,因為我唔認 ...
算啦, 對佢的評估都唔好太介懷, 其實冇人會比你更了解bb. 都係要佢d轉介服務啫. 但個醫生鬧有關個bb的起居飲食, 咁佢有冇實質的建議先? 佢係專業我哋唔係, 如果咩都識唔洗搵佢啦, 有野教到你去改善先係真正做嘢架麻.
作者: methy 時間: 11-5-2 21:37
原帖由 chloe_karina 於 11-4-30 16:01 發表
尋日見左CAC OT,PT,兒科醫生, 報告話呀仔依家一歲,認知(智齡)只有6個月,體能發展只有4-5個月,言語表達及理解就同齡1歲, 安排 E 及 S 位,申請傷殘津貼,安排加返OT比呀仔,同埋幫佢驗埋眼....都有啲唔開心架,因為我唔認 ...
我明白呀．雖然知道自己阿ｂ係遲，但當一聽到遲幾多時既”現實”．真係一時間有ｄ接受唔到咁，仲會不停比藉口阿仔。不過過左幾日已經接受左阿仔真係遲，咪又諗方法再幫阿仔。
我阿仔上左ｂｂ游水班後後．全身肌肉叻左，不過ｃ都唔肯游水時郁對腳，叫極佢踢都唔踢。
剛剛同佢去左幾日旅行，日日不停同佢玩水，終於肯自己主動踢水．郁多左對腳．爬行時對腳都識郁埋．係酒店房long d sofa墊係地下比佢爬上去．雖然未係好叻，總算又多左ｄ動作，佢用盡９牛２虎既戶爬到上塊墊既成功感，真係好開懷，好得戚。
作者: QQP 時間: 11-5-3 00:49
原帖由 methy 於 11-5-2 21:37 發表
我明白呀．雖然知道自己阿ｂ係遲，但當一聽到遲幾多時既”現實”．真係一時間有ｄ接受唔到咁，仲會不停比藉口阿仔。不過過左幾日已經接受左阿仔真係遲，咪又諗方法再幫阿仔。
我阿仔上左ｂｂ游水班後後．全身肌肉叻左，不過ｃ都唔肯游水時 ...
亞b 醒咗, 真係令人鼓舞! yes! 加油.
睇嚟游泳 或者多d 去泳池玩吓水 都對佢哋好有幫助喎. 等我盡快安排吓亞仔個下水禮先. keke!
作者: pipi331 時間: 11-5-3 01:37
提示: 作者被禁止或刪除 內容自動屏蔽
作者: chloe_karina 時間: 11-5-4 00:19
methy,你囝囝好勁呀!!!!十個讚比佢呀!
你係邊度參加親子bb游泳班架???我諗水療咁細未做得,為有行住呢條路先...
原帖由 methy 於 11-5-2 21:37 發表
我明白呀．雖然知道自己阿ｂ係遲，但當一聽到遲幾多時既”現實”．真係一時間有ｄ接受唔到咁，仲會不停比藉口阿仔。不過過左幾日已經接受左阿仔真係遲，咪又諗方法再幫阿仔。
我阿仔上左ｂｂ游水班後後．全身肌肉叻左，不過ｃ都唔肯游水時 ...
作者: sohpinkss 時間: 11-5-4 00:35
我囡囡之前都做左評估
佢大小肌肉好差,, 得1-3個月既BB
佢言語溝通就有8個月大既BB
佢而家都仲未識轉身啊!
作者: sohpinkss 時間: 11-5-4 00:35
原帖由 methy 於 11-5-2 21:37 發表
我明白呀．雖然知道自己阿ｂ係遲，但當一聽到遲幾多時既”現實”．真係一時間有ｄ接受唔到咁，仲會不停比藉口阿仔。不過過左幾日已經接受左阿仔真係遲，咪又諗方法再幫阿仔。
我阿仔上左ｂｂ游水班後後．全身肌肉叻左，不過ｃ都唔肯游水時 ...
叻叻啊!!! 加油啊!!!!!!!!!
作者: sohpinkss 時間: 11-5-4 00:42
原帖由 methy 於 11-1-19 15:45 發表
呢個星期自己買材料,搵師傅整左件大玩具比佢 &搵左d書學下點幫阿仔。
1. Crawling Track
阿仔唔肯爬，當滑梯玩
2.買左d參考書，睇下點幫阿仔 ...
係邊到買架??? 仲有D書都係???
作者: sohpinkss 時間: 11-5-4 00:44
你真係一個好積極既媽咪啊!!!
可唔可以再SHARE你湊BB既心得啊??
作者: chloe_karina 時間: 11-5-4 00:48
你囡囡幾大呀
原帖由 sohpinkss 於 11-5-4 00:35 發表
我囡囡之前都做左評估
佢大小肌肉好差,, 得1-3個月既BB
佢言語溝通就有8個月大既BB
佢而家都仲未識轉身啊!
作者: sohpinkss 時間: 11-5-4 12:34
原帖由 chloe_karina 於 11-5-4 00:48 發表
你囡囡幾大呀
19月個了
作者: methy 時間: 11-5-4 13:40
原帖由 chloe_karina 於 11-5-4 00:19 發表
methy,你囝囝好勁呀!!!!十個讚比佢呀!
你係邊度參加親子bb游泳班架???我諗水療咁細未做得,為有行住呢條路先...
Thanks!
我3月時開始參加.因為天氣仲凍.本地機構無攪咁細個既bb泳班,只有呢個:
http://www.harrywright.com.hk/
不過夏天快到.有其他選擇:
1.香港基督教服務處親職教育中心
http://hkcschild.edu.hk/pec/activity.php?pkey=13
2.黃埔體育會 親子游泳班
[url=http://www.whampoa.org.hk/swimming-training- course/parent-child-swimming-program/]http://www.whampoa.org.hk/swimming-training- course/parent-child-swimming-program/[/url]
唔知仲有無mama有提供。
作者: methy 時間: 11-5-4 13:46
原帖由 sohpinkss 於 11-5-4 00:42 發表
係邊到買架??? 仲有D書都係???
你係問Crawling Track d 料邊到買?
深水步
書:
協康http://www.heephong.org/webprod/cht/publication
耀能、
http://www.rehabguide.hk/resources.php
作者: QQP 時間: 11-5-4 18:37
原帖由 pipi331 於 11-5-3 01:37 發表
而家D水仲系涷涷地, 買件有袖厚少少GE泳衣比佢. 落嬉水池, D水會再暖D
係呀, lee 兩日又凍番少少添, 所以個下水禮要等多幾日.
作者: chloe_karina 時間: 11-5-4 18:51
methy,
我都搵到黃埔泳會,佢係大圍有班開
作者: methy 時間: 11-5-8 13:45
昨日上私人物理治療，阿仔唔知做咩,一見治療師就喊，我叫治療師照同佢做運動，佢就不停喊，喊足一個鐘,無停過!!!到差不多一個鐘,我地停哂手,佢立即唔喊.笑住同治療師揮手bye bye。
我同老公都無哂佢符,係屋企阿仔越來越難同佢做運動，佢仲係連企都未得,一放手,2-3秒就跌底。治療師覺得我地同阿仔做運動次數唔夠多，叫我問人借個舊式"學行車",圍住阿仔.比多d機會自己企下。
可惜,學行車已經不合時宜，好多人都無買，賣既地方有既都係for１歲以下ｂｂ，我阿仔坐唔落，唔知邊到有ｄ大架ｄ既學行車賣呢！？
作者: chloe_karina 時間: 11-5-11 13:10
methy, 你add 我facebook 傾呀! check PM
作者: pattsui11@yahoo 時間: 11-5-11 17:06 標題: 回覆 2# methy 的文章
http://hk.f1.page.auctions.yahoo.com/hk/auction/1127260678
可以試這個嗎？
作者: methy 時間: 11-5-19 18:54
Thanks~
我有類似的,幫助不大,train唔到阿仔平衡。
作者: methy 時間: 11-5-19 19:06
排左5個半月的醫院物理治療服務。見了第一次,3個字:極失望!!
負責第一次接見既係一位高級物理治療師。
阿仔坐地上,佢觀察完阿仔之後既建議係.同佢按摩大腿,按到阿仔又紅又痛就arm 喇，之後side好多口水講唔係佢專業既野,叫我買有機食物比阿仔食,出外面搵髗骶骨治療,多d做按摩。
佢都無睇阿仔企既行既姿勢,就話唔會教企&行,下次交比d阿細睇阿仔，都唔敢有咩期望。
咁就side左我兩個鐘,但咩都無做過。
作者: nokia6300 時間: 11-5-19 22:27
hi methy,
系邊間醫院?可pm我,我同阿仔出入醫院都年多,眼見做小朋友的pt都好好的,同時,我仔細時,約歲半時,都系做好多按摩,特別系d"kwan"節位,時間長左,系有效的,你不妨耐心多做,我唔敢question點解個pt講唔教你仔行,會否是低張或其他問題等去judge到系阿仔未可以開始學行,我仔未放手行已同佢日日去公園,扶住d屋仔,咩都好,真系日日去2轉,我唔清楚,約大概幾個月度便放手行,不過識行之後系仲有好多好多動作要學,呢個先系真正pt既開始呀,努力加油!
作者: 波蘿包1 時間: 11-5-19 23:53
我阿b而家做物理治療都有大半年
但咁耐我問治療師點教 阿仔學行 佢都唔肯講 淨係話阿b未得 按摩先同學企先 到而家阿仔識行廿幾步 我好開心呀
治療師都有讚,但真係無教過 平時日日都係屋企做訓練
去就2個鍾
真係見治療師得個3個字
不過阿仔進步左我都好開心,但始終都係超經磅 細細粒
食極都唔識肥 我都好擔心
作者: 波蘿包1 時間: 11-5-19 23:59
原帖由 methy 於 11-5-19 19:06 發表
排左5個半月的醫院物理治療服務。見了第一次,3個字:極失望!!
負責第一次接見既係一位高級物理治療師。
阿仔坐地上,佢觀察完阿仔之後既建議係.同佢按摩大腿,按到阿仔又紅又痛就arm 喇，之後side好多口水講唔係佢專業 ...
比阿b企係梳化,你係前面拎玩具(忍)下佢,或者阿b企係到你扶住佢條腰學下平衡力
作者: ivychan1999 時間: 11-5-20 06:01
hi methy &nolia6300.....
我女8個月大,己經照過腦部磁力共振,報告話佢腦裡面目前無咩明顯問題,但係腦裡面組織偏細同水比較多,唔知係唔係因為咁令佢發展慢,叫我排政府物理治療等,因医生嘅答案好似我聽得唔係好明,我今日又拎埋報告去睇私家,個醫生講得好得人驚,佢話阿女依家得3.4個月能力,叫我接受現實,佢依家比人慢就會越慢越多........我想請教下你哋,我女依家就帮佢打側個身佢就轉到趴喺度,有抬起頭,但好快又要抖下,瞓喺度都成日玩自已隻手,又食手仔,又抝頭,但就唔識拎玩具只識追住同笑,同佢玩佢識笑同叫,聽歌會開心,冇味嘅嘢就唔肯食,甜嘅就鍾意,坐就只可以挨住坐好耐,俾佢自巳坐就5秒度就周圍中,不過坐喺度就冇瞓喺度咁開心,條頸唔係好够力...
請問係咪真係好差,我應該做d咩嚟帮我女training,私人物理治療師可否介紹俾我........
心急兼痛哭中媽媽上
作者: methy 時間: 11-5-20 16:29
原帖由 nokia6300 於 11-5-19 22:27 發表
hi methy,
系邊間醫院?可pm我,我同阿仔出入醫院都年多,眼見做小朋友的pt都好好的,同時,我仔細時,約歲半時,都系做好多按摩,特別系d"kwan"節位,時間長左,系有效的,你不妨耐心多做,我唔敢question點解個pt講唔教你仔行 ...
可能我已經睇左私家物理治療半年，睇過3個唔同治療師 +CAC醫生,都鼓勵我比阿仔行多d,無治療師叫我唔好比阿仔學，其中一個叫我谷多d阿仔學行，話佢開始有肌力,只係平衡唔得，所以睇政府物理治療師時,我就好自然expect佢教企&行既野。
不過多謝你既reply, 你呢句",不過識行之後系仲有好多好多動作要學,呢個先系真正pt既開始呀" 令我會繼續返醫院.始終出私人睇真係好"容"。
作者: methy 時間: 11-5-20 16:36
原帖由 波蘿包1 於 11-5-19 23:59 發表
比阿b企係梳化,你係前面拎玩具(忍)下佢,或者阿b企係到你扶住佢條腰學下平衡力
thx~
我地已經由阿仔6個月開始都係咁train.加埋私人物理治療,都無咩好大進展，真係個個b都有自己既問題。
講開扶住腰學行,不同專業比既建議都唔同:
醫生:拖住阿仔兩隻手行,扶腰練唔到平衡
私人PT A:扶住阿仔hip 位行喇,,
私人PT B:唔好拖手呀..要扶hip呀....
私人職業治療:扶腰行
係屋企.我地就咩都試囉.阿仔狀態好就扶手,唔好就扶腰。
作者: methy 時間: 11-5-20 16:50 標題: 回覆 94# ivychan1999 的文章
你既心情我地呢度個個都理解，醫生講野直接.好hurt架,又講最worse 既情況，開頭真係好shock。
呢度個個b都有唔同程度既問題，唔好理嚴唔嚴重,最緊要盡快搵方法幫阿b。加油.我都係呢個forum知道好多野/學左好多野。
作者: 波蘿包1 時間: 11-5-20 17:22
原帖由 methy 於 11-5-20 16:36 發表
thx~
我地已經由阿仔6個月開始都係咁train.加埋私人物理治療,都無咩好大進展，真係個個b都有自己既問題。
講開扶住腰學行,不同專業比既建議都唔同:
醫生:拖住阿仔兩隻手行,扶腰練唔到平衡
私人PT A:扶住阿仔hip 位 ...
聽你咁講 我又諗起(LO 娜)如我學GE話我都寧願扶手唔扶腰
咁我唔識扶腰都唔敢行,扶手有安全感
作者: ivychan1999 時間: 11-5-20 22:42
原帖由 methy 於 11-5-20 16:50 發表
你既心情我地呢度個個都理解，醫生講野直接.好hurt架,又講最worse 既情況，開頭真係好shock。
呢度個個b都有唔同程度既問題，唔好理嚴唔嚴重,最緊要盡快搵方法幫阿b。加油.我都係呢個forum知道好多野/學左好多野。 ...
dear methy:多謝你嘅回覆,我己排期政府職業和物理治療,請問你可以介紹你認為好的私家職業和物理治療嗎?另外我會去買你推介的書,還有一個冒昧的請求,你可以留個私人联紹方式給我嗎?十萬個謝謝你的帮助!!!!!!!!
作者: nokia6300 時間: 11-5-20 23:51
其實當初阿仔可以扶住野行,系超超超醜怪的,去公園都有媽媽問我阿仔系咪對腳有事,而家唸返應是低張問題引至的,所以真系不用急,佢扶到咁上下,叫做好dd,先比小小野引佢free hand行,呢個階段我系維持左好耐加做左好多好多野,初初系屋企同2張chair放得好近比佢試下去攞玩具,我從來只扶手,冇扶腰or hip位,不過扶手都要儘量唔好比佢個重心向前,因咁樣平衡唔好系行唔到,我仔free hand自己企,由踎系度自己企呢d都攪好耐的,不過都系個句,去公園系好work,順便又見下其他小朋友,我仔之前可以扶野行但去到公園唔敢行,唔郁系間屋仔度幾分鐘呵~又玩下peekopu,咩都好,都系比多d信心經驗佢自己,平衡呢樣野都系要好長時間,阿仔而家都差的,所以你地趁小朋友細,打好基礎,有助之後的訓練呀!加油加油!
| 歡迎光臨 教育王國 (/) |
Powered by Discuz! X1.5 |