教育王國

標題: 三千至五千元學費的幼稚園跟幾百蚊有學卷的 [打印本頁]

作者: anteater 時間: 11-1-8 12:00 標題: 三千至五千元學費的幼稚園跟幾百蚊有學卷的

有多大分別?? 是否幾千元的就一定學到好多野? 只是三個小時的上堂時間,仲要有排洗,小食,集合等放學,收幾千元真是貴過讀大學呢

[ 本帖最後由 anteater 於 11-1-8 15:45 編輯 ]

作者: peggyhklam 時間: 11-1-8 17:02

希望我無答錯, 以我所知, 有學券的要跟教署規定, 課程會淺些, 有些幼稚園無net, 所以學費平些

無學券的大部份因有net, 用英文及普通話上堂, 和不需跟足教署課程, 課程會較深, 所以學費會貴好多

我覺得要目標清晰, 若你打算將來讀津貼小學, 就揀有學券, 但若考直資或私小就最好揀無學券的

我唔係有錢人, 但我已打算將小朋友讀直資/私小, 所以安排左小朋友讀無券的幼稚園, 我唔係覺得幾千元好閒錢, 而係為左小朋友將來, 若讀得到英文小學, 幾千元對我來講, 我可以唔買樓, 將要供樓的錢駛在他身上, 呢方面你要衡量下, 因我咁做, 好多朋友都話讀幼稚園不需要讀咁貴, 讀學券咪得囉, 所以你要唸清楚自己想點先得

作者: EggEgg08 時間: 11-1-8 17:16

冇學卷的幼稚園都唔代表一定深或英文好的，冇學卷純粹係間學校唔想受教署咁多規管啫，千奇唔好simply畫個等號冇學卷=深、英文好，真係要深入了解間學校先好。

作者: ho_yan2406 時間: 11-1-8 21:29

原帖由 peggyhklam 於 11-1-8 17:02 發表
希望我無答錯, 以我所知, 有學券的要跟教署規定, 課程會淺些, 有些幼稚園無net, 所以學費平些

無學券的大部份因有net, 用英文及普通話上堂, 和不需跟足教署課程, 課程會較深, 所以學費會貴好多

我覺得要目標清晰, ...

我同你想法一樣

作者: alowe 時間: 11-1-8 23:49

好多人誤解有學券同冇學券學校的分別. 首先可接受學劵的學校一定是非牟利學校, 第二全年學費不超過二萬四千元,第三要通過質素評核. 我相信所有學校包括牟利與非牟利學校,都希望能接受學劵,但是因為不能符合上述所有要求而作罷.

接受學劵的學校和不接受學劵的學校, 除了非本土課程的學校,都受教育局監管, 此包括課程,管理, 行政, 收費等等. 因此不成立有學劵的學校要跟足教育局的指令, 而非牟利學校則可任意非為.

課程不是非深即淺, 非淺則深. 難道沒有適中的課程. 我相信大部分學校都會採用適中課程. 因為這一定是專家研究過, 最適合同一年齡的兒童的學習能力的. 當然學生有學習差異, 有功力的學校自會按學生能力因材施教. 所謂課程深, 即是說並不適中, 好像幼兒學幼低班的課程, 幼低學幼高, 幼高學小一, 如此頖推. 但亦有很多家長認為這是好的, 因為看來是比同齡的小朋友叻. 而他們有否考慮或忽略兒童的身心發展. 所謂課程淺的, 就是特殊學校, 因為這些小朋友, 有學習困難, 因此課程要稍為遷就.

明知對學生學習不健康, 為什麼有些學校要加深課程呢? 有兩個目的. 最重要就是吸引學生來源, 亦即是財源, 因為有很多家長都希望自己子女比別人的優勝, 因此不計成本, 對之趨之若鶩. 如果沒有這個[優勢], 誰肯多花數千員入讀呢. 第二美其名, 要接上名私校或直資學校, 因為這些學校課程艱深.其他適中課程的學校會跟不上. 沒有錯, 以前有些私校, 基於同上原因, 特別將課程加深. 但是這類所謂傳統學校因教育改革, 已開始衰微. 試問遺留下來的還有多少間. 我相信亦沒有私立或直資名校再敢說自己是傳統學校了. 因為傳統等如守舊, 不能與時並進. 而實際上, 有心辦學的學校, 真的是會配合教育的新趨勢. 適中課程的學生與艱深課程的學生機會是均等.

不是沒有學劵的學校有net, 而有學劵的沒有net. 請先做調查. 至於收貴學費的學校, 也實在是有些好處的, 就是身分的像徽, 而同儕質素會較高.而有良心的學校也會將盈餘投放在學生身上. 令學生享受到更佳的設施. 但這只局限一些高級的非牟利學校, 和真正對教育有熱忱的學校. 商業味濃的學校, 則作別論.

作者: misstaisen 時間: 11-1-9 00:05 標題: 回復 5# alowe 的帖子

你好同意你的觀點，我家2個BB，算上學前班，一個上了4個幼稚園，都是冇學券的。有的比較用心辦教育，有的就真的非常商業化，下下都講錢。

作者: momome 時間: 11-1-9 05:58

我覺得最緊要家長要清楚學校嘅理念同模式，係咪啱自己個小朋友同自己嘅教育理念。

之前同幾間無學券嘅幼稚園校長傾過計，聽得出好多唔收學券嘅，其實係出自市場定位嘅考慮，有啲係一心要牟利嘅，好商業化，有啲就係因為校舍環境同師資都無乜特點，如果收學券反而難搶生源，所以寧願唔收學券，賣點係日日都有英文課，教得深啲，一定有市場。

但無學券係咪一定好過有學券呢，我相信一定唔可以咁分，其實好多名校都有學券，例如培正、St. Paul、真光。

再講，有學券嘅學校有教育局嘅評核報告，家長可以深入了解到學校著重啲咩，效果如何，有啲咩地方要改善，相對有保證又容易掌握。而無學券嘅一定無報告，只能靠自己去學校參觀、聽口碑，但好難深入了解。

其實名校嘅報告都未必一定好好，有啲好出名嘅，個報告一樣有唔少負面評語，反而有啲地區名校就真係搞得好好。

連名校都咁參次，更何妨係無報告睇嗰啲，真係唔可以太簡單去分一間學校好唔好。

[ 本帖最後由 momome 於 11-1-9 06:02 編輯 ]

作者: KK07 時間: 11-1-9 10:16

培正,聖保祿,聖心,真光這些幼稚園都可用學券的,你能說他們教不出好學生? 樓主實在不需用消費者心態去看幼稚園教育,買貴D等於好D. 正如有家長說,不用學券的學校可以是牟利學校,還是多方面考慮比較吧!

作者: MBK 時間: 11-1-9 11:16

我想問我係教統局個網搵唔到大坑真光同st clare's的評核報告,有無人可以幫下我搵呀!

作者: crystal媽咪 時間: 11-1-9 11:50

原帖由 MBK 於 11-1-9 11:16 發表
我想問我係教統局個網搵唔到大坑真光同st clare's的評核報告,有無人可以幫下我搵呀!

當然搵唔到啦, 因為大坑真光未完成外評, 所以唔會有報告比到你睇.
我post左教統局有關真光條link, 你會睇到[質素評核]那一欄係未有資料的.

http://www.chsc.hk/kindergarten/tc/schooldetail.asp?ID=811

至於st clare's , 有否中文名 ?! 我不知是什麼.

作者: SaBB 時間: 11-1-9 13:29

I totally agree with what alowe said !!
and三千至五千元學費的高級非牟利學校幼稚園真係唔多! 好多更加係係屋頂苑入面或or 係商業或住宅入面第1and 2層.
九龍區好多人都會寧願選九龍塘既私校，一來環境好，二來九龍區多私校直資, 到時可再慢慢考, 但香港區呢邊個個入到都入有學券嘅一條龍如真光、聖心、st paul la!

作者: lcdtopcon 時間: 11-1-10 06:55

引文：
mattmame (Dear Dora)
翡翠級國民

Re: 幼稚園筆記簿
Hello everybody: I am totally agreed 小小 bb and kakiki their comments, my son also studying in SC. 3 years ago, I took my son to the Kinder interviews, the first one was SC. My son did not performed so well in the interview, he only answered his name, his age and some simple questions. I still remembered the teacher asked him "what is the things in the picture?" (That was a bus.) Then my son sang "the wheels" on the bus happily. But the teacher look at him seriously and asked again: Please tell me what. is. this.? Then my son just kept quiet and wanted to leave! I tried to help but my son already felt unhappy, then the teacher jumped to another question, and then went back to the same question again. I thought that was too tough! I also felt very hard feeling when I left, I was very worry to take other interview again, even I also applied HK Preschool and Kenville. After one week, I received an accept letter from SC, I felt so happy because I am not necessary to go to other interview again. I told my best friends immediate, their first comment was "Please think about they have soooo many students of course some students will go to DP or DG but the ratio is very low. You should choose the primary related kinder. Before, I thought SC is very famous in language, at least no problem in speaking and listening english or mandarin... But actually not happened in this school. Sometimes, my son complaints the teacher always forget to bring books and comes late. I asked the teacher how to arrange the individual reading time, she said "Oh sorry, we have too many kids," So sorry! I don't have enough time. Sometimes I will chat with some mothers in SC how come all subjects we need to study outside? So funny. I suddenly counted how much I spent on the academic lesson, my husband asked me why you still need to study in this school? And also it will not add多d 分 when he go to Primary interview. Now I am paying the following fees every month: 3700 school fee 700 school bus 2000 phonics (Academic) 1000 mandarin private lesson (Academic) 1000 math (Kumon and Selin) (Academic) 800 chinese lesson in Shatin (Academic) 700 piano 1500 Violin 1000 gymastic 2000 swimming 500 Drawing 1000 Drama - to expose more in english environment and build up confidence The above is only my personal opinions and experience, hope all mothers and your children have a happy life especially in the first few years. 小小 bb 寫道: 我日日接小兒放學都看見SC 及 KV的學生, SC的學生好開心, 好活潑 (小兒K3 才轉到SC, 現在變得好主動, 活潑又開心, 但接近失控<以前好文靜>), 而KV的學生好乖, 又文靜。 SC的學生英文好並不是全因學校教得好, 因為SC的學生大多由菲律賓照顧, 而大多是中產或以上家庭(父母英文程度高D), 我家用印尼姐姐, 家裏又無人講英文, 所以個仔D英不是很出色, 亦不覺得SC其他學術方面教得很好。我希望細仔讀Victoria, 因為有全普通話及英語教學<無廣東話>, 以前大仔在Victoria讀K1, 他的英文進步神速, 同時可以用普通話和老師自由對答, 這才是學校的功勞。 ------------------- 引文: ---- kakiki 寫道: 等我講一講我以往的經驗, 幾年前我好似各位媽咪一樣, 忙於替小女選kinder, 亦都好相信名牌會令我的大囡能夠容易入讀名小學 , 於是就報了九龍塘兩間名kinder, 根德同st.cat, 結果幸運地兩間同時取錄, 係難於選擇時我唯有相信貴些一定好些的道理(因我就算去街市買餸, 如果兩個菜檔一檔賣$5, 一檔賣$6, 我一定會買$6, 因我相信貴些一定有佢既原因), 於是我選擇了貴些那間kinder給我女兒, 每月除了學費$3xxx多,校車連課外活動加埋$7-8000, 三年時間過去了, 我相信呢三年每月比起其他kinder多交仟多元的投資, 應該有少少回報, 但當我小朋友去in 小學時, 絕對無因為我小朋友讀st.cat 而加多d 分, 結果只有一間我麻麻地喜歡私小收佐佢, 反而我同事個小朋友因方便婆婆接放學, 只讀樓下屋村講都無人識kinder, 結果佢入到聖陳守人同拔萃. 很老實, 當時我真的心心不忿, 我每個月比佢多交千多元學費, 3年合共多3萬幾, 目的都是希望小女可以考到好小學 , 原來是浪費, 我思前想後, 那我每月多出的學費用途是什麼, 結果是因st.cat 外藉老師比較, 所以學費貴些, 原來那些錢只是幫手出糧比外藉老師 , 老實說, 我並不覺得小女及他們同學英文比其他kinder, 與其他kinder不外如是, 只是不怕與外國人接觸, 但有個朋友的小朋友讀根德, 見到外國人一樣不害怕地與他們溝通, 這只是看小朋友性格而定, 有些小朋友比較怕羞見到香港人一樣唔敢同人溝通. 我很後悔每年浪費了萬多元, 我相將這些錢比佢學多幾樣課外活動或帶去外地旅遊, 我相佢得著更大, 所以到我細仔今年都報kinder, 我就先選教學理念為大前題, 另注重身心發展的學校環境好老師有愛心的kinder給他, 而不是追求名牌, 人話好就去追隨. 以上純粹個人經驗之談, 希望各家長能選擇一間適合的kinder 給 :wink:

分享

[ 本帖最後由 lcdtopcon 於 11-1-10 07:46 編輯 ]

作者: 小克 時間: 11-1-10 08:32

提示: 作者被禁止或刪除內容自動屏蔽

作者: pumpumpurin 時間: 11-1-10 09:11

自己未讀過...唔知有乜分別..
相信行內人自己最清楚..

但要我信EDB個套...NOWAY~~!
我寧願比多少少錢...搵間自由度大少少既學校...牟利唔係問題...收左錢做好件事就OK~~我一年納個幾月人工既稅...D錢到頭來又咪係掉左落海!

作者: bb0322 時間: 11-1-10 09:33

我自己只會找有學券的幼稚園，一個月交百幾蚊學費。因為他們還有課外活動的洗費，加加埋埋都唔平。

作者: ccssww22 時間: 11-1-10 10:23

提示: 作者被禁止或刪除內容自動屏蔽

作者: cherryird 時間: 11-1-10 14:05

提示: 作者被禁止或刪除內容自動屏蔽

作者: yinghung1234 時間: 11-1-10 14:33

提示: 作者被禁止或刪除內容自動屏蔽

作者: lovelinda 時間: 11-1-10 15:05

如果父母唔用心 , 讀咩學校效果都唔會顯著. 如果父母肯花精神時間 , 讀有學券發展都會好好.

完全同意!

the main point is the sight of parents.......

原帖由 yinghung1234 於 11-1-10 14:33 發表
我個人覺得現在的幼稚園教育 , 父母既栽培先至係最緊要.
我外甥女讀有學券幼稚園 , 小一有幾間直資名校收左. 但其實我家姐放左成擔心機係個女身上 , 比佢參加好多課外活動, 成日帶佢去見識, 好多機會上台表演 , 比 ...

作者: DGJS 時間: 11-1-10 22:45

This topic is interesting because many parents contribute good ideas.

作者: alowe 時間: 11-1-11 00:35

九龍塘區的幼稚園課程和教學法是否比其他地區的優勝? 答案係不是. 然則九龍塘區幼稚園的學生又為什麼好像比其他區的優勝. 答案很簡單, 都是父母的庇蔭和功勞.

大家都知道, 早期只有開設在屋村和在鬧市商業樓宇的幼稚園, (後期才有大型私人屋村幼稚園), 一些有頭腦的生意人, 想到如在高尚的住宅區閞辦幼稚園, 一定能吸引消費高的用家, 因此可以豬籠入水, 賺個盆滿砵滿.九龍塘正是開辦牟利幼稚園最佳的地方. 結果如他們所願, 很多富有及中上的家庭, 都喜歡送子女到這類學校. 不用說, 家庭背景好, 投放的資源會一定會較一般家庭多, 子女的成績當然會好, 加以父母多出自名校, 如是資助學校,子女可獲加分升讀該等學校(難怪有幼稚園要知道父母的畢業學校). 如申請直資和私校, 也往往因家庭背景而獲優待. 幼稚園的實際影響不大. 但這卻被利用為賣點, 很多學校都向外宣傳自己出的學生有多好.而亦有很多家長也照信無疑.

作者: ccling69 時間: 11-1-11 13:27

各位父母而家咁妝努力去同小朋友報幼稚園, 其實最重要的部份先至剛剛開始. 幼稚園有幾好, 都唔及一個細心觀察同栽培小朋友的父母.

首先父母的價值觀要正確, 從來學校都唔應用用名校/學費來分類, 個個小朋友都有機會成材, 只要家長同社會人士唔好係小朋友小時候就將小朋友定型, 同埋多d鼓勵他們, 比多d機會他們在生活中學習, 他們自然會快樂學習.

反而現在的家長只注重NET有幾多小時, 幼稚園課程夠唔夠深, 小學係咪私小, 最好英文講到native咁, 可惜, 如果想第時在亞洲發展/生活, 中文一定重要過英文. 同埋小朋友成唔成材, 從來都唔係他知識上有幾多,而是做人處事, 個人品德的問題.

作者: 小曳人 時間: 11-1-11 13:41

其實無話邊樣嘢好d
最緊要係攞到間合自己要求嘅學校
每個人嘅要求都唔一樣

作者: jacky123 時間: 11-1-11 14:20

看到這個Topic,我都好有同感,而且現在反而有一些迷惑.

記起一年前(當時係考pn),同好多媽咪一樣,想小朋友可以有更好的語言以及學習環境(最好有戶外操場),捨近求遠去到九龍塘甘遠, pn過後,今年又到k1再戰,都怕輸蝕,報10間8間,見一間差過一間.結果當然衰晒拉.

k1我係甘想:有學劵的而口碑又好好的,輪吾到我地,現在反而後悔當初太好高騖遠,無報村校.

私校pn我正在讀,都要稱讚的. 我仔係開心的.
係有成績的,英文語言能力係強一些,但這些都同媽媽從細就好努力地培育有關.學術係深,pn學k1的野,幼稚園3個鍾,我地自己都知道可以做得幾多? 要學術,照顧相對會差一些.

我覺得:最好選一間要全面發展而吾係單一要求英文多,因為真係中文難搞,我見好多朋友的小朋友都係英文又吾係好叻,中文又吾得,考什麼小學都敗北. 這反而係我現在担心的.

我現在反而覺得自己做多左,如果當初吾去做甘多搜羅資料,專心就報樓下一間,仲吾使心多多同浪費金錢. (村校又平,交幾百元就得) (因為經過一個冬天,明白叫一個甘細的小朋友起床係好辛苦)..

真係我自己都吾知下一步應該點做.

作者: DGJS 時間: 11-1-11 21:51

Parent's involvement is very important.

The next step is to make sure that what kind of primary school you are looking for. It alters the decision to choose kinda.

原帖由 jacky123 於 11-1-11 14:20 發表
看到這個Topic,我都好有同感,而且現在反而有一些迷惑.

記起一年前(當時係考pn),同好多媽咪一樣,想小朋友可以有更好的語言以及學習環境(最好有戶外操場),捨近求遠去到九龍塘甘遠, pn過後,今年又到k1再戰,都怕輸蝕, ...

作者: TOKIN 時間: 11-1-18 14:08

最重要間幼稚園有心教育, 而老師又有愛心, 當然最重要家庭教育, 小女亦係讀有學券幼稚園, 當然有校外活動, 而家已經 K3, 發現佢身心及社交發展得很好, 這是幼稚園三年的所學;
小一亦有考四間私小但無考直資做 backup, 以我所知, 同班小女同另一個同學都入到 KTS, 而德望亦收小女waiting, 另外兩間唔收 <DGJS 及 SFA) 這是我地預期, 因屋企英語環境唔強, 而且我地認為先學好中文較為重要.
至於學術方面, 只要小朋友學習態度正確, 就放手讓佢自主.

作者: cherrieshum 時間: 11-1-18 14:20

女兒讀PN（有學券的幼兒園）英文幾乎沒教，很傷心。所以會為她報無學券的幼稚園。不想後悔。

作者: mandy_ma 時間: 11-1-18 14:21

原帖由 ccling69 於 11-1-11 13:27 發表
各位父母而家咁妝努力去同小朋友報幼稚園, 其實最重要的部份先至剛剛開始. 幼稚園有幾好, 都唔及一個細心觀察同栽培小朋友的父母.

首先父母的價值觀要正確, 從來學校都唔應用用名校/學費來分類, 個個小朋友都有機 ...

total agree with u......
parents play an important role for educating kids more than a kdg

作者: mandy_ma 時間: 11-1-18 14:23

PN 間間都是沒有學卷的.....

原帖由 cherrieshum 於 11-1-18 14:20 發表
女兒讀PN（有學券的幼兒園）英文幾乎沒教，很傷心。所以會為她報無學券的幼稚園。不想後悔。

作者: babyislove 時間: 11-1-18 15:38

間學校有無得用學卷係其中一個考慮因素，不過最重要係搵一間適合自己子女的學校，我自己認為就係老師及課程都可以令子女讀得開心、培養到他/她喜歡自學自律。
我自己偏向揀一D多鼓勵、用欣賞&正面方式教小朋友o既kg，因為我個仔(宜家18個月大)愈讚佢、佢就愈鍾意嘗試新o野&重覆練習學到o既o野。
由於我o地覺得佢咁細個，先打好母語基礎係最重要，所以係屋企都係同佢講廣東話，睇書就中英文都有。帶佢上過不同playgroup，發現用英文教佢會專心D學&有興趣學，可能因為語言無掌握得到，所以PN我o地幫佢揀咗間以英為教學主要語言o既kg。

[ 本帖最後由 babyislove 於 11-1-18 15:40 編輯 ]

作者: jacky123 時間: 11-1-18 15:47 標題: 回復 4# TOKIN 的帖子

你講得好啱,但最弊是又好又有學劵的學校都吾易考.好像祟真,民生.創價....就連救世軍都要一早報名先有位.我都想考到間又便宜又好的學校. 你小朋友讀哪間甘好,可否可以分享一下.

作者: pandabonita 時間: 11-1-18 15:50

pn多中文好ar,可以幫到小朋友in kg,大部份都係用廣東話,又5洗比老師話:乜你小朋友5識中文ga,或咁你來做乜

原帖由 cherrieshum 於 11-1-18 14:20 發表
女兒讀PN（有學券的幼兒園）英文幾乎沒教，很傷心。所以會為她報無學券的幼稚園。不想後悔。

作者: kristinecheng 時間: 11-1-18 16:17

這是一個好很的討論題目，感謝很多家長的有益意見，見解雖然不同，不過理性的討論卻令讀者有更多反思。

我是一名為今年為大b報1的家長，剛開始報名時，因為看見去年朋友的兒子一間offer也沒有（在我眼中，那小孩還長得挺標緻及精靈），擔心自己的兒子會重蹈覆轍，便瘋狂地報考了很多不同類型的學校，有村校近屋企的，有宗教背景的（本人有信仰背景所以想兒子入讀），有連鎖式經營的，亦有九龍唐出名的。想不到，兒子幸運地都獲得offer，in了那麼多間學校，我開心的是越來越了解兒子的能力及脾性（有長亦有短），不過自己卻越來越迷失，究竟那一類型學校，才最適合自己的兒子呢？

我很同意樓上很多家長所講，其實幼兒教育，家長所發揮的作用才是決定性，除了學術方面，我想培養孩子學習的興趣及灌輸正確的人生價值觀比一切都重要，而且，要教導孩子這兩點，其實比教任何學術科目都難﹗例如我可以很容易教導兒子學識講ABC，卻要花上數倍的時間及心機去令他敢於從失敗中再學習。

所以，我覺得學校有冇學卷根本唔係一個選校既條件，因為這是金錢的問題。在選校的時候，學校的辦學理念與自己所想的是否一致，才是最重要。我與很多家長一樣，都肯花費很多金錢去買教材去報playgroup來栽培自己的兒子，不過孩子的培養除了用金錢堆砌，更重要的其實是父母的愛及心思。

作者: kfy 時間: 11-1-18 17:36 標題: 回復 17# cherryird 的帖子

其實用有冇學券同學校的師資和整體環境（例如學生質數）是沒有大關係的。有冇學券只是那一所學校是否牟利。有些有學券的幼稚園每天都有一群司機車在門外等學生放學。
要有一個 overall budget. 整體可在小朋友教育的＄，再看看怎樣分配。
不要對三小時的幼稚園課程期望過高，其實大部份讀幾千元幼稚園的學生也一樣有上各式各樣的興趣班。

作者: yinghung1234 時間: 11-1-19 09:57 標題: 回復 31# jacky123 的帖子

提示: 作者被禁止或刪除內容自動屏蔽

作者: cherrieshum 時間: 11-1-19 10:54

我見很多朋友的小孩都讀PN，如學之園、樂基，約克，英文程度很好，已經懂得表達自己。可是女兒讀的PN是本地課程，全日制，學費與那些幼兒園差不多，但就一點英文也沒教，只有唱歌環節。現在，真的很后悔沒有為她報讀英文的幼兒園。
眼見朋友的小孩英文很好，自己女兒就不懂，很擔心。
不過，女兒上學很開心，所以仍繼續讀PN，不過K1就會轉校了！

[ 本帖最後由 cherrieshum 於 11-1-19 12:16 編輯 ]

作者: w_y 時間: 11-1-19 11:17

去得果類英文PN 學生的家長, 大多注重英文, 由出生已經培養, 買教材, 上全英 Playgroup, 屋企有人同佢日講夜講都未定. 你估真係只靠學校咩. 當你間P 真係英文好勁, 國際學校好未. 唉...你去聖心 interview 果個 topic 睇下, 就知呢個階段廣東話有幾重要, 唔止呢單, BK 都有媽咪個小朋友聽得明, 但唔願講, 見傳統本地學校面試必死. 英文, 幼稚園小朋友用幾個月就可以追返晒架啦. 當然如果你見果D 只用英文IN, 咁又另計, 不過考小學時你一樣煩.

我識一個你提及學校就讀小妹妹, 佢三年K 期間, 恒常下午會去上全英課程, 但結果考小學都係全軍覆沒, 佢英文絕對無問題, 人又幾標緻又肯說話, 我思前想後, 問題應該係中文表達唔得之故.

最重要你知自己條路想點行, 唔好到時至後悔就得啦.

[ 本帖最後由 w_y 於 11-1-19 11:19 編輯 ]

作者: chowhui97 時間: 11-1-19 11:19

入到英文好又無學卷的學校梗係最好啦, 否則我會揀無學卷的學校. 我個女依家外籍老師同國語老師做班主任, 貴唔貴就見仁見智, 但係我覺得總好過係啲無or好少英文/國語學的pn到讀.

另外"大部份"唔收學卷的學校家長質數比較有保證, 當然except以上某啲有學卷pn.

作者: TOKIN 時間: 11-1-19 12:47 標題: 回復 31# jacky123 的帖子

佢係讀靈糧幼稚園, 其實 PN 時, 都有讀一間無學券幼稚園, 但我地發覺程度係高些, 但身心發展的照顧很少, 而且學校好似唔鼓勵同老師溝通太多, 令我地唔太清楚亞女在校情況, 而且一般雜費有些不合理.

因亞女較慢熱, 而且唔喜歡嘗試, 佢八月出世, 讀靈糧幼稚園之后, 雖然學術進度較其他幼稚園慢, 但自信心及社交能力發展得很好, 學校有好多 Outing 及親子活動, 亦有好多家長教育講座.而且學校好歡迎家校溝通和合作, 令到孩子感受到家長和老師嘅愛和關心, 我地認為這是一間有 '心' 教育的學校

其實, 有好多家長課餘都會帶子女去學其他活動, 來彌補學校不足, 相信不論讀那間幼稚園家長都會咁做.

揀幼稚園, 都係找一間近屋企, 可以有多些休息時間, 而又覺得足夠和合適子女程度, 如果係大 B和已讀過一年 PN, 不妨可報程度較高幼稚園, 但家長要幫小朋友平衡其他方面

個人認為幼稚園 interview, 除小朋友表現, 還要看家長了解和關心子女的程度, 和日常照顧的人, 這只是本人之愚見, 如有錯漏, 請多多包涵.

作者: ho_yan2406 時間: 11-1-20 02:42

原帖由 cherrieshum 於 11-1-19 10:54 發表
我見很多朋友的小孩都讀PN，如學之園、樂基，約克，英文程度很好，已經懂得表達自己。可是女兒讀的PN是本地課程，全日制，學費與那些幼兒園差不多，但就一點英文也沒教，只有唱歌環節。現在，真的很后悔沒有為她報讀英文的幼兒園。
眼 ...

pn唔教,你可以自己教嘛~我仔都冇讀pn,所有野都係我教佢咋.....

作者: ho_yan2406 時間: 11-1-20 02:44

原帖由 yinghung1234 於 11-1-19 09:57 發表
有時家長 label 了有學券 = 淺, 英文不夠好 , 正如 Jacky 所言 , 又好又有學劵的學校真正爭崩頭 , 祟真, 民生, 培正, 創價, 宣道, 協恩, 聖公會, 聖保羅堂幼稚園......

其實家長是否先思考幼兒教育著重的是甚麼呢. ...

呢d幼稚園一定爭崩頭la...祟真, 民生, 培正呢d有學卷又可以升名中小學喎,不過到中小學貴呢~~~

作者: yellowriver01 時間: 11-1-20 12:04

我覺得學校有冇辦學卷係取決於間學校想唔想幫家長減輕負擔, 做到有教無類. 因為如果要有學卷, 間學校要做多好多野, 對於好似SC個D, 佢地可能覺得入讀既都係有錢人, 佢地唔怕收唔夠生, 唔需要去做D咁既野. 所以我覺得SC會有"你冇錢就唔好黎讀既心態". 但係好似PC咁, 佢地都係唔怕收唔夠學生, 但係佢地仍然希望幫家長減輕負擔, 做到有教無類, 所以佢地都有學卷.

作者: chowhui97 時間: 11-1-20 22:08 標題: 回復 42# yellowriver01 的帖子

有學卷的學校係要跟隨正苦使用母語教學, 課程亦有一定的標準去依循. 無用學卷的學校就可以按自己的意思使用不同的語言去教學, 如英文普通話等等, 課程亦較flexible.

所以就有坊間認為無學卷的學校課程較深..

依你所見, 我估你都係揀有學卷"有教無類"的學校?

[ 本帖最後由 chowhui97 於 11-1-20 22:09 編輯 ]

作者: w_y 時間: 11-1-21 09:12

睇完討論, 更加覺得有無學卷學校家長質素一樣無保證.

作者: tsobaba 時間: 11-1-21 12:43

"有教無類"為中國傳統智慧, 人地讀有學卷KG, 有咩好笑?

作者: pakchingb 時間: 11-1-21 13:27 標題: 回復 44# w_y 的帖子

Totally agreed

[ 本帖最後由 pakchingb 於 11-1-21 13:30 編輯 ]

作者: ccling69 時間: 11-1-21 13:27

基本上, 我認同政府對幼稚園的指引, 幼稚園課程如果同一個小朋友的生活同語境脫節, 基本上納稅人的錢同倒落海一樣, 為了小朋友有個好的學習環境幼稚園可以用好多資源去谷成積, 同埋用嚴格方式選學生, 自然效果會好. 幼稚園教育是比小朋友慢慢開始認識社會, 與不同的人相處溝通, 是社會化的第一步.

20年後出來工作, 你想僱主會在意你子女讀那間幼稚園?
基本上,正常都唔會寫幼稚園讀邊間. 點解個applicant明明係香港讀書但中文程度咁嘅?我係僱主我會請個工作態度好定係英文好掂但做事唔踢唔做嘅人?大家想遠一點就知道要點培育個小朋友.

作者: minichong 時間: 11-1-21 14:32

good topics

作者: chowhui97 時間: 11-1-21 14:32

大家千萬唔好唔會我會笑啲讀有學卷學校的人, 我自己都有報啲收學卷的學校. 只係覺得用收唔收學卷就決定間學校係咪"有教無類"好似表面咗啲啫...

作者: 梅媽媽 時間: 11-1-21 15:50

呢個題目好吸引,睇完左我個觀點係:只要啱個小朋友性格又係屋企附近既幼稚園,我都會報吓試吓.

!反正有冇學卷其實根本就唔影響學校教學質素.我自己心中既幾間學校都係屋企附近,最緊要方便.

作者: ho_yan2406 時間: 11-1-22 02:04

我都覺得近係最緊要

其次睇下間kinder岩唔岩自己個小朋友同埋target咩小學,
跟住再依自己能力去揀有學卷定冇學卷

作者: pigsw 時間: 11-1-22 03:50 標題: 回復 5# alowe 的帖子

I can't agree anymore

作者: agnesmomo 時間: 11-1-22 17:51 標題: 回復 35# yinghung1234 的帖子

民生係有學卷的學校, 而又有net teacher, 因為轉了新校長, 而新校長係like請net teacher, 因為之前在一間冇學卷而又出名的英普kg做校長, 可到民生wet site 看看教師表, 所以有學卷的學校質素未必係差,小兒讀$4500pn, 有net teacher , 也是出名的英普kg, 有幸民生收了他, 家庭月入6位數子, 也會選擇民生, 因為係出名龍校.

作者: chowhui97 時間: 11-1-22 23:24

另外唔記得講, PC 係收學卷的幼稚園, 可惜小女9月出世, 間間都有INTERVIEW的機會, 唯獨呢間連見面的CHANCE都唔俾, 講明唔收細B, 所以一啲都唔覺得呢間係間有教無類的學校! :;pppp:

作者: annvnna 時間: 11-1-23 02:06

原帖由 EggEgg08 於 11-1-8 17:16 發表
冇學卷的幼稚園都唔代表一定深或英文好的，冇學卷純粹係間學校唔想受教署咁多規管啫，千奇唔好simply畫個等號冇學卷=深、英文好，真係要深入了解間學校先好。 ...

讚好

作者: Hang107 時間: 11-1-24 21:45 標題: 回覆 14# yellowriver01 的文章

PC means which school?

作者: 牛精仔 時間: 11-1-26 09:50

我寧願揀無學劵而學習環境好d嘅比我小朋友, 因為呢d地方, 入得去讀, 家庭背景一般都比村校好, 對小朋友投放資源都多好多, 我之前帶我小朋友去in 村校, 無錯, 老師同教職員我印象都好好, 又小班教學 (因為根本收唔足, 全年招生), 但等interview時, 見到有新移民響學校大大聲用粗口鬧仔, 我自問真係冇膽量為左學費平而送我小朋友入讀

什麼良心教育有教無類之類, 我唔會存有天真幻想, 我理得佢有學券定無學券, 對我黎講, 最緊要係小朋友讀得開心, 家長放心交小朋友比學校就係我理想學校 !

作者: zoesychan 時間: 11-1-26 20:45

我咪又係有報有學卷既 ..
係等in 時見盡d 大6細佬有幾乖 ...
我唔夠膽比我個小朋友同呢d細佬做同學lor...

我真係怕我個小朋友係果間學校讀唔夠2日返黎xyz 我呀 ...

原帖由 牛精仔 於 11-1-26 09:50 發表
我寧願揀無學劵而學習環境好d嘅比我小朋友, 因為呢d地方, 入得去讀, 家庭背景一般都比村校好, 對小朋友投放資源都多好多, 我之前帶我小朋友去in 村校, 無錯, 老師同教職員我印象都好好, 又小班教學 (因為根本收唔足 ...

作者: ho_yan2406 時間: 11-1-26 20:55

原帖由 zoesychan 於 11-1-26 20:45 發表
我咪又係有報有學卷既 ..
係等in 時見盡d 大6細佬有幾乖 ...
我唔夠膽比我個小朋友同呢d細佬做同學lor...

我真係怕我個小朋友係果間學校讀唔夠2日返黎xyz 我呀 ...

...

我都有報一間村校做後備,又係全年招生o個d....
我去in時等得唔耐,冇見到d大6人.....我記得interview當日(sat下午),9成都係老人家帶黎,好少係父母帶個小朋友黎in,但in其他4間學校都只係見父母帶黎既(就算平日in都係由父母帶)
當時我感覺....報呢間學校d父母唔多理d小朋友,好似唔太著緊小朋友讀書既野....
不過....又可能人地真係請唔到假la.....
但我都希望個仔d同學既父母係著緊佢地讀書既.....

作者: tsobaba 時間: 11-1-26 21:33 標題: 回復 1# ho_yan2406 的帖子

有邊個父母唔緊張自己子女吖！係識唔識同有無時間啫，村校多基層父母，學識唔高，手停口停，無辨法啦！

作者: smalltungtung 時間: 11-1-26 22:02

睇完你地D posts我有D inspiration,會target有學卷既學校先,同鎖定可以afford既school fee上限.我成日想比BB好D,好D,又好D,樣樣野都好D,加加埋埋真係好多錢要洗

而家諗反正自己既小學都OK,比佢入倒都唔錯呀!咁樣諗,壓力都小D!

作者: PCMW 時間: 11-1-26 22:54

totally agree!

原帖由 EggEgg08 於 11-1-8 17:16 發表
冇學卷的幼稚園都唔代表一定深或英文好的，冇學卷純粹係間學校唔想受教署咁多規管啫，千奇唔好simply畫個等號冇學卷=深、英文好，真係要深入了解間學校先好。 ...

作者: PCMW 時間: 11-1-26 23:07

完全同意!

原帖由 chowhui97 於 11-1-22 23:24 發表
另外唔記得講, PC 係收學卷的幼稚園, 可惜小女9月出世, 間間都有INTERVIEW的機會, 唯獨呢間連見面的CHANCE都唔俾, 講明唔收細B, 所以一啲都唔覺得呢間係間有教無類的學校! :;pppp: ...

作者: PCMW 時間: 11-1-26 23:10

據我所知有好多有$內地人報沒有學劵的KG.

作者: ho_yan2406 時間: 11-1-27 01:05

原帖由 tsobaba 於 11-1-26 21:33 發表
有邊個父母唔緊張自己子女吖！係識唔識同有無時間啫，村校多基層父母，學識唔高，手停口停，無辨法啦！

我自己都係基層父母，學識唔高,好彩細個學琴,而家可以教琴,都係手停口停,星期六係我最忙既一日,學生一個接一個冇時間抖的,但o個日有2個interview,我都係賺少d同個仔去in咋~

作者: ho_yan2406 時間: 11-1-27 01:07

原帖由 smalltungtung 於 11-1-26 22:02 發表
睇完你地D posts我有D inspiration,會target有學卷既學校先,同鎖定可以afford既school fee上限.我成日想比BB好D,好D,又好D,樣樣野都好D,加加埋埋真係好多錢要洗

而家諗反正自己既小學都OK,比佢入倒都唔錯呀!咁樣諗, ...

你小學好就真係唔駛太擔心,我老公間小學執左,我間小學20年前勁多人爭,而家講個名都冇人識....唉~~

作者: chowhui97 時間: 11-1-27 11:00 標題: 回復 66# ho_yan2406 的帖子

家長無出名小學backup真係好慘, 大家一齊努力啦!!

作者: w_y 時間: 11-1-27 11:08

如果係出名小學, 父母係舊生都未必實入到. 一係考一條龍啦, 但係好似一條龍小學, 10 居其9 係學卷幼稚園喎. 包括PC

作者: ho_yan2406 時間: 11-1-27 14:24

原帖由 w_y 於 11-1-27 11:08 發表
如果係出名小學, 父母係舊生都未必實入到. 一係考一條龍啦, 但係好似一條龍小學, 10 居其9 係學卷幼稚園喎. 包括PC

PC我個仔表都冇資格拎呀~~其實想入間好既KG最終目的都係想考間好既小學同中學者,所以如果我個仔係大仔,其實我都想佢入到PC架~
不過呢d一條龍既學校,雖然kg有學卷,但到小學/中學又要交學費...

作者: ho_yan2406 時間: 11-1-27 14:24

原帖由 chowhui97 於 11-1-27 11:00 發表
家長無出名小學backup真係好慘, 大家一齊努力啦!!

你個女咁醒,你唔駛擔心

作者: milk323 時間: 11-1-28 12:23

我個仔NURSARY時讀九龍塘某幼兒園, 佢地的K1都是有學巻的. 但係讀左成年, 我總結係間學校D老師冇愛心, 門面工夫就做得多, 又比D深D的課程小朋友, 但你個仔跟唔到真係話之你死. 我好唔滿意佢地:
1)個仔返左學半年, 見家長先講我個仔樣樣都唔識, 又坐唔定, 唔識自己著鞋唔識自理.大佬, 佢返左半年學你從來都冇同我提過, 佢有打電話俾我GA, 但次次都係追通告(未夠期都追定), 話個仔對鞋唔O岩色... 但從來冇同我講過個仔返學的情況. 我個仔跟唔到都預左, 但你有冇同我溝通過?
2) 成日話家校合作, 但永遠只有家長同佢地合作, 佢地係唔係同你合作. 同佢講你唔駛幫我個仔著鞋, 你唔理佢會自己著; 唔駛拖佢行, 你越拖住佢佢越行得衰, 但老師會話我地好多小朋友, 唔可以等佢, 佢跌親我地負唔起個責任LAW, 係唔會同你合作教好小朋友的.
3) 門面野做得好足GA, 返學接小朋友成4-5個人, 睇體溫紙(其實個個都係求其填), 咁緊張體溫你搵人量啦,
4) 成日搵個NAT TEACHER O向門口接小朋友, 驚死人唔知佢有NAT TEACHER, 但其實個NAT一星期只有一節.
5) 學期尾再見老師, 佢都係話我個仔跟唔到, 佢地K1就寫字, 要我返去谷個仔練. 其實K1係唔應該咁快寫字的, 教署的指引同埋幼兒教育專家都唔鼓勵咁早字, 但老師只係咶"我地係咁GA喇, 冇辦法, 我地D程度係高D GA", 講到明唔會就佢, 只係不停咁叫我返屋企教佢, 捉佢練.

第二日我就搵學校, 一星期後我就轉左校. 而家間學好好, 老師真係關心小朋友學習進度, 會同你傾點教小朋友, 好多溝通(真係關於小朋友的發展). 佢呢半年開心左好多同埋真係學到好多野.

有D非牟利學校扮晒非牟利, 其實處處搵地方賺你錢, 又花好多錢做門面功夫, 但小朋友真正得益唔多. 有D真係非牟利學校, 你見到佢D錢用得其所, 小朋友真係有得益.

歡迎光臨教育王國 (/)