教育王國

標題: 應否俾囝囝停止學琴? 好苦惱... [打印本頁]

作者: Sheepy 時間: 11-3-7 10:28 標題: 應否俾囝囝停止學琴? 好苦惱...

囝囝K3, 學咗琴差唔多1年, 彈緊 "輕鬆學鋼琴" 第2同第3冊, 見佢學得真係好辛苦, 佢完全唔肯認譜, 下下彈琴都係靠撞, 我知道呢個係佢的問題, 唔關老師事, 我亦有要求佢學睇譜, 佢同我講每日都好辛苦, 亦都好傷我同佢之間的感情. 因為佢細果的時候上通利的JMC, 養成背音而唔睇譜的習慣...(呢個都係佢的個人問題, 同JMC無關)

我好肯定佢係無學琴的天份, 但我應否繼續俾佢學琴? 呢個係唔係學樂器一定有的難關? 定係俾佢試其他樂器? (佢話想學打鼓) 因為再大D學樂器的話只會愈來愈難...好苦惱!

作者: Arcana 時間: 11-3-7 10:54

放鬆D，學琴唔係唯一的選擇
就算迫佢繼續痛苦地學落去只會繼續破壞小朋友對音樂的興趣，勉強學落去只令佢懂得一門無感情的手藝而非學懂令人陶冶性情的音樂藝術
浪費寶貴的時間，更浪費發展其他潛能的機會
年紀少少就為小事而傷感情，未來仲有好長o既路等住行，值得嗎?

作者: lillymarie 時間: 11-3-7 11:13

原帖由 Sheepy 於 11-3-7 10:28 發表
囝囝K3, 學咗琴差唔多1年, 彈緊 "輕鬆學鋼琴" 第2同第3冊, 見佢學得真係好辛苦, 佢完全唔肯認譜, 下下彈琴都係靠撞, 我知道呢個係佢的問題, 唔關老師事, 我亦有要求佢學睇譜, 佢同我講每日都好辛苦, 亦都好傷我同佢 ...

首先要問的是: 小朋友喜歡彈琴嗎? 如果喜歡, 只是過程覺得好辛苦, 可以用不同的方法幫他. 如果不喜歡, 就不要勉強了.

唔肯認譜這問題,
1. 視力正常嗎? 彈鋼琴要看兩行音符, 一點也不簡單哦!
2. 老師有方法幫助他嗎? 教小朋友認譜絕對是老師的責任, 老師若有經驗, 應該明白小朋友的困難, 起碼要有幾道板斧去幫助學生才對.

我囝囝前任老師常常說孩子姿勢不正確是家長的責任, 因為練琴時沒注意. 我替他換了新老師後, 才明白那是胡說八道! 姿勢問題改不好, 是老師不懂得教!

作者: ziyi 時間: 11-3-7 12:35

只係看譜有問題嗎?
如果是,我都覺得是老師的問題
因為,由輕1,都有教琴鍵對譜
囡囡學了3個幾月,連高8度的F音對譜是第5條線上也知道了
反而現在開始學換手指需要從旁指正.
究竟什麼時間是跳指,連音如Do Re Mi什麼時間是2隻手指後換指,什麼時間是3手指後換
而且每首都唔同,我陪她有時也搞到頭痛
最緊要在最初或現在認到mid C,大不了如自已,數譜

原帖由 Sheepy 於 11-3-7 10:28 發表
囝囝K3, 學咗琴差唔多1年, 彈緊 "輕鬆學鋼琴" 第2同第3冊, 見佢學得真係好辛苦, 佢完全唔肯認譜, 下下彈琴都係靠撞, 我知道呢個係佢的問題, 唔關老師事, 我亦有要求佢學睇譜, 佢同我講每日都好辛苦, 亦都好傷我同佢 ...

作者: ilovethiscow 時間: 11-3-7 13:55 標題: 回覆 3# lillymarie 的文章

提示: 作者被禁止或刪除內容自動屏蔽

作者: mio8390 時間: 11-3-7 14:09

會不會太早給她學琴，學鋼琴是比其它樂器難些，要看左右手琴譜和又要手腳配合，雖然初學是可不用理腳踏部份，但手掌又細，對他們彈是十分因難，所以嚇怕了她，我仔仔比較大才學琴，正常的速度用了七年時間已經可完成八級考試，早學不一定對小朋友有好的結果，其餘的在之前文章的家長已經說了。

作者: lillymarie 時間: 11-3-7 17:47

原帖由 ilovethiscow 於 11-3-7 13:55 發表
姿勢不正確.... 家長一定有責任...!!!

練習時間基本上一定比上堂時間多...

就算上堂叫小朋友用正確姿勢...

練習時間無老師督導... 一像會用一D 不正確姿勢練習...

就好似..細個果陣學渣筆渣筷子果陣... 父母一 ...

我囝囝的前任老師講的和你講的EXACTLY一樣!

但自從換了老師後, 我囝囝的問題, 老師續一處理, 亦想了很多方法教我怎樣在家幫囝囝練琴. 這就是有經驗和沒經驗老師的分別!! 孩子年紀小, 家長的確需要在旁協助. 但你真的相信一位沒學過該樂器的家長自己懂得怎樣改善孩子的問題嗎?

學樂器和"渣筆渣筷子"不同, 不應期望家長自動知道怎樣才是正確方法. 除非家長自己本身亦有學該樂器.

作者: marcuscyrus 時間: 11-3-7 19:01

原帖由 lillymarie 於 11-3-7 17:47 發表

我囝囝的前任老師講的和你講的EXACTLY一樣!

但自從換了老師後, 我囝囝的問題, 老師續一處理, 亦想了很多方法教我怎樣在家幫囝囝練琴. 這就是有經驗和沒經驗老師的分別!! 孩子年紀小, 家長的確需要在旁協助. 但你 ...

其實不一定，我亦有完全對音樂不認識的學生家長很投入的參與(一同上課，佢自己jot notes，把課堂錄了音返去再聽再幫手改)

我認同樓上ilovethiscow，我覺得不要太神化老師的角色，老師所教的，小朋友在課堂上未必完全吸收哂，但經驗較好的老師可以用較具體的指引去教學生，但如在家沒有支援，一樣不成事。

作者: ilovethiscow 時間: 11-3-7 19:55

提示: 作者被禁止或刪除內容自動屏蔽

作者: marcuscyrus 時間: 11-3-7 20:38

落堂又唔會問老師野老師寫手冊又唔睇... 仲叫個菲傭接放學果D... 好多時學2個月就會放棄
<-----------
肯放棄都仲好d，唔放棄仲慘，拖拖拉拉

作者: gardenwoods 時間: 11-3-7 21:53

其實要睇你家長要小朋友學琴既用意...

例如：
如果純為陶冶性情，咁當然唔好攪喇，因為仲有好多其他選擇...
如果想囝囝有一技傍身，以便日後考學校，亦都其實還有好多其他選擇的...依家好多小朋友都識彈琴了，所以識彈琴已經不夠吃香...

我囝囝5歲，都有你囝囝一模一樣既問題...哈哈...
我要佢學琴係因為佢讀國際學校...無功課做...剛開始認少少單字...亦剛開始學寫少少英文字&數字...加上我囝囝係口水多過茶果種人...我要佢學琴主要係：
1. 練專注
2. 小手肌運用
3. 手眼協調
所以，就算佢學得幾辛苦 (好怕睇譜 & 手指不靈光)，我都要佢堅持...因為唔趕時間 (唔打算考試)，我每日只需佢乖乖地、正正經經咁練習一首歌就可以了 (快則2-3分鐘便可收工)！
有時佢都彈到喊架...我當然火滾...不過算喇，學琴對我囝囝黎講只係暫替品 (代替做功課)，當學校有正式功課做時，我會由佢選要不要繼續學琴下去！

所以，家長要問問自己，為咩要囝囝學琴呢？！

原帖由 Sheepy 於 11-3-7 10:28 發表
囝囝K3, 學咗琴差唔多1年, 彈緊 "輕鬆學鋼琴" 第2同第3冊, 見佢學得真係好辛苦, 佢完全唔肯認譜, 下下彈琴都係靠撞, 我知道呢個係佢的問題, 唔關老師事, 我亦有要求佢學睇譜, 佢同我講每日都好辛苦, 亦都好傷我同佢 ...

作者: Camom 時間: 11-3-7 22:56

其實真係要問清楚小朋友鍾唔鍾意學琴。鍾意嘅話我會叫佢要慢慢克服困難，嘗試自己睇譜。阿仔年幾前開始學琴，嗰陣時成日都無信心睇譜，又怕辛苦，咁我就慢慢同佢一行一行咁睇住嚟彈（我自己唔識彈琴，只係同佢一齊慢慢研究），睇譜彈哂成首歌都可能要分成2, 3日。到佢彈哂成首歌我就會大讚佢，俾Ｄ信心﹠成就感佢，慢慢佢就有信心自己睇譜彈琴，到而家就算係Ｄ未教過，深Ｄ嘅歌佢都可以自己彈lu.

另外，阿仔係上老師屋企學琴，老師係唔俾我留低的。但係每次老師都好清楚寫低阿仔嘅進度，又會喺我接阿仔嗰時再同我覆述／講解一次嚟緊呢個禮拜嘅練琴重點，咁我番屋企真係會跟老師嘅comments陪阿仔練琴。如果我發現阿仔喺屋企練琴嗰時有咩問題（包括情緒，手型，指法等等），我都會喺下一堂同老師溝通吓。所以我十分反對將學琴呢樣嘢交哂俾老師，做家長的都要同老師保持密切溝通，先會事半功倍的。

另外，有Ｄ家長會話小朋友唔肯練琴，但係家長自己有無替小朋友定下每日練琴的時間表及每次練琴的長度呢？其實好多小朋友都喜歡彈琴，但就不喜歡練琴，所以家長一定要堅持小朋友每日練琴（那怕是15分鐘也好），保持良好練琴習慣。

作者: miss321 時間: 11-3-8 00:21

老師不是萬能的，縱使老師教得有幾好,俾左好多好多指引，但如果家長唔理唔跟都一樣冇用。以我經驗而看，有家長跟同冇家長跟練琴的學生成績差幾遠。除非小朋友已經大個, 可以自己有耐性坐定定彈琴。

作者: babybear 時間: 11-3-8 09:51

一年時間, 似乎真係慢左D.

會唔會係佢嫌學果D 歌唔好聽, 所以冇與趣?
佢平時練琴時, 你會唔會在旁協助/ 指導同埋鼓勵?
又或者係時候轉下老師.

會唔會係佢去到某個「難關」, 衝唔過, 所以原地踏步? 如果有家長在旁協助佢過左呢關, 之後就會學得比較輕鬆.

好似我個小朋友由K2下學期開始學琴, 學左幾個月後, 見佢進展不大, 就開始轉老師. 轉左老師後, 明顯見佢有進步. 不過去到某個階段, 佢又有好似有D 想放棄. 曾經練琴練到喊, 因為佢有「難關」衝唔過, 唯有從旁協助同鼓勵, 過左餉「難關」後, 佢又開始有番興趣. 到一年級, 佢開始學G3.

作者: BBR 時間: 11-3-8 12:16

我個囡學左4年琴,幾個月前佢決定唔再學.阿囡3歲多開始學,初初佢都有興趣,我重買埋琴比佢,點知學學下佢就彈一首歌要彈好耐,亦唔會主動練,其實我比佢學都係想佢開心,有一樣自己鍾意的興趣,見佢學到咁,早幾個月我就好認真問佢(佢7歲多)究竟佢想唔想學琴,叫佢自己考慮一日答我,其實我本身都識彈,次次老師教完我都會陪佢練,亦試過放手比佢自己攪掂,但佢都彈得唔好. 最後佢答我唔想學,咁我就算,因為學果個係佢,如果佢冇興趣,何必迫佢,最緊要係佢開心,讀書已經辛苦,如果連佢o既興趣家長都要控制,小朋友就真係好慘.
其實同佢傾的過程中佢答過我想學,我就同佢講想學就一定要比心機練,再講講下佢就話其實佢學係因為知我想佢學,佢想我開心所以佢就學,但佢自己根本就唔鍾意彈.
有時見個個父母都要小朋友學琴,但有幾多個係真係有興趣? 究竟係父母心願定係小朋友興趣?

[ 本帖最後由 BBR 於 11-3-8 12:49 編輯 ]

作者: share123 時間: 11-3-8 12:32

原帖由 Sheepy 於 11-3-7 10:28 發表
囝囝K3, 學咗琴差唔多1年, 彈緊 "輕鬆學鋼琴" 第2同第3冊, 見佢學得真係好辛苦, 佢完全唔肯認譜, 下下彈琴都係靠撞, 我知道呢個係佢的問題, 唔關老師事, 我亦有要求佢學睇譜, 佢同我講每日都好辛苦, 亦都好傷我同佢 ...

我阿女係K3,上完曬JMC,依家學左個幾月琴. 我估我都應該分享下我既經驗. 阿女唔算好中意好主動彈琴果種,在JMC上堂時也沒有認譜,人地都識,佢基本上都唔識,彈琴靠記,因已經唱到好熟,另外JMC老師都唔會執手勢....不過,佢學左一個幾月琴,已經唔同曬,手勢顯然未改到,但看譜已經習慣曬,上堂老師彈左差唔多10首短歌,佢都練得掂. 老師都只系普通tom lee鋼琴老師,老師都話佢唔算好有天份,但唱同聽都好好,彈要慢慢改進,我想呢d就系tom lee JMC既功勞啦

所以,我打算比細果個早d同步學琴,希望效果會更好.

作者: DGJS 時間: 11-3-8 13:43

如果你不告訴他，小朋友一般不會自動拱起對手。學琴要好,其實要留意很多細節。家長只要有D執著，又沒有比較孩子接受的方法，衝突是經常有的！有些孩子很早已經學習音樂,耳朵已經很靈。以為事半功倍，點知他情願把整首歌記住都不看譜。

有D老師收得貴D都是有道理。但練親始終都係要家長陪。

作者: mio8390 時間: 11-3-8 14:00

原帖由 share123 於 11-3-8 12:32 發表

我阿女係K3,上完曬JMC,依家學左個幾月琴. 我估我都應該分享下我既經驗. 阿女唔算好中意好主動彈琴果種,在JMC上堂時也沒有認譜,人地都識,佢基本上都唔識,彈琴靠記,因已經唱到好熟,另外JMC老師都唔會執手勢....不過, ...

四五歲人仔隻手咁細，要彈到五六度音節都好難，還要曲起呢彈，嚇怕她怎會想學，等她大少少才執手勢。

作者: share123 時間: 11-3-8 14:21

原帖由 mio8390 於 11-3-8 14:00 發表

四五歲人仔隻手咁細，要彈到五六度音節都好難，還要曲起呢彈，嚇怕她怎會想學，等她大少少才執手勢。

但有d人成日話學壞手勢好難改,甘應該幾時開始嚴謹呢?

另外,如果屋企仲系用緊電子琴,學到幾時真系應該換鋼琴呢?

作者: DGJS 時間: 11-3-8 14:22

等她大少少才執手勢!!! ... 倒不如等她大少少才學。

原帖由 mio8390 於 11-3-8 14:00 發表

四五歲人仔隻手咁細，要彈到五六度音節都好難，還要曲起呢彈，嚇怕她怎會想學，等她大少少才執手勢。

作者: ilovethiscow 時間: 11-3-8 14:31 標題: 回覆 19# share123 的文章

提示: 作者被禁止或刪除內容自動屏蔽

作者: marcuscyrus 時間: 11-3-8 14:35

原帖由 ilovethiscow 於 11-3-8 14:31 發表
一開始就要嚴謹....

如果佢彈唔到5 6 度... 就唔好彈有5 6 度O既歌囉...

2 級鋼琴 5度都夠哂考試

認同DGJS

如果一開始唔嚴謹姿勢.. 不如等你覺得需要嚴謹才學...

壞習慣係最難改.... 家長不是也有呢方面O既經驗 ...

我對自己仔就係到佢ready先同佢學，當時已經4歲半，一開始就要佢做好手指，控制音色，現在比佢的練琴功課都係以呢2樣野為主，所以佢學得好慢(compare to others)，但我寧願佢尊重每一首曲彈好佢，好過當交功課得過且過，如手未夠大或未夠力，其實應該暫緩學琴計畫

收過一d學生音感ok，但之前冇人執佢手形，冇人教佢shape phrase，到我幫佢改時，佢已經唔肯做，因為佢覺得佢已經彈到，點解手腕要咁，點解跳音唔係飛落去，點解要出多d 個melody，點解左手要輕，佢全部懶理，但當時佢前老師已經比緊sonatina佢彈，要佢彈返d 簡單d o既野執返好咩，佢覺得我dum佢時間..

[ 本帖最後由 marcuscyrus 於 11-3-8 14:46 編輯 ]

作者: Camom 時間: 11-3-8 14:45

原帖由 mio8390 於 11-3-8 14:00 發表

四五歲人仔隻手咁細，要彈到五六度音節都好難，還要曲起呢彈，嚇怕她怎會想學，等她大少少才執手勢。

每個人都有惰性，如果習慣咗一種手勢，雖然唔正確，但係感覺好舒服嘅話，佢就會繼續用呢Ｄ唔正確嘅手勢去彈琴，咁大個咗就更加難改了。其實手型係學琴嘅其中一個要求，如果做唔到就等如沒有學好。

作者: DGJS 時間: 11-3-8 15:09

正確嘅手勢在初時可能沒那麼重要。但到高級，錯誤的手勢會讓你較難彈下去。

作者: mio8390 時間: 11-3-9 13:50

原帖由 Camom 於 11-3-8 14:45 發表

每個人都有惰性，如果習慣咗一種手勢，雖然唔正確，但係感覺好舒服嘅話，佢就會繼續用呢Ｄ唔正確嘅手勢去彈琴，咁大個咗就更加難改了。其實手型係學琴嘅其中一個要求，如果做唔到就等如沒有學好。 ...

可能我仔仔隻手比較細，最初果幾年他無法曲起手指彈，如果太過強迫，會令他興趣大減 (除非是想他將來做一流演奏家，而不是給他一個興趣的想法)，他學到五六級時因手掌大了，他已經可以轉回正確手執，雖然改手勢不是容易的事，但大個左思想和能力都強了，佢現在已經是演奏級，但一早已經把小朋友嚇怕，何來將來的事，完美當然是好，但不一定最好是完美。

作者: mio8390 時間: 11-3-9 14:06

原帖由 share123 於 11-3-8 14:21 發表

但有d人成日話學壞手勢好難改,甘應該幾時開始嚴謹呢?

另外,如果屋企仲系用緊電子琴,學到幾時真系應該換鋼琴呢?

我覺得五六歲學都不太遲，大早學，因小朋友太細個，進度會比較慢，可能要到十二三歲才考八級，但大個些少才學，吸收快些，一樣在十二三歲考八級，分別不大，但細個學可能要比多兩年錢和小朋友因難和進步慢，嚇怕他們，令他們有放棄之念，我的朋友中有幾個都是這樣半途放棄。
雖然現在的電子琴的像真度好高，但在不同壓力下彈奏的音調與真鋼琴都有分別，因為在比較高級演奏樂章，有好多表現是用手指的大細力度；快慢，holding....等等技巧，電子琴暫時還未模仿得好好，如果習慣了彈電子琴是好難控制手指的力度運用技巧，最好馬上更換。

作者: DGJS 時間: 11-3-9 14:46

你个仔好好采，同好o力仔。
好多小朋友在五六級時改不回來, 或者根本沒發覺要改回來。然後要再上便遇到困難，便完全放棄了。這樣就是可能5年的時間都浪費了。

原帖由 mio8390 於 11-3-9 13:50 發表

可能我仔仔隻手比較細，最初果幾年他無法曲起手指彈，如果太過強迫，會令他興趣大減 (除非是想他將來做一流演奏家，而不是給他一個興趣的想法)，他學到五六級時因手掌大了，他已經可以轉回正確手執，雖然改手勢不是容易的事，但大 ...

作者: ohmygosh 時間: 11-3-9 15:49

我個人做法是﹕一開始﹐彈第一個音就已經要嚴謹﹗

好似我個仔剛滿三歲時話要學彈琴﹐要我教﹐123手指都沒問題﹐但去到45手指﹐他知道同樣要用正確的手勢去彈﹐他很努力地去試﹐但實在頗困難(加上是傳統鋼琴﹐琴鍵不輕啊﹗)﹐他真的扁著嘴﹐留著淚的去試﹐但都不能完全做到﹐我就每天讓他再試試彈少少45手指﹐甚至把本來已經學完的樂曲(最前頭只用123手指的那些)再彈過當溫習﹐用45手指的就拖慢來教﹐志在鼓勵他用正確的手勢去彈﹐那怕是一下或兩下﹐做到了就都他加以肯定﹐並對他說﹐‘您每長大一天﹐手指就會越強壯﹐這些歌就會由difficult變做medium﹐再變做easy﹗’

如是者﹐每日早晚練習﹐一兩個星期後他已經能夠完全克服這些困難﹐阿仔還對我說‘我0力左好多呀﹗我每日飲好多奶﹐長高了﹐手指也強壯了﹗沒夠四歲就彈到45手指了﹗’p.s.我之前tum阿仔(彈到喊﹐但依然話要繼續學﹐話好鐘意彈琴)話﹐‘您得三歲﹐所以up to 3手指都好強壯﹐您繼續每日練習﹐towards 4歲您的4手指就會strong enough﹐再過一年﹐五歲時﹐就會連5手指都very strong。’可能我成日同他洗腦﹐他會常常覺得自己每一天都在進步﹐會自己講﹕我以前。。。但而家有進步。。。

原帖由 share123 於 11-3-8 14:21 發表

但有d人成日話學壞手勢好難改,甘應該幾時開始嚴謹呢?

另外,如果屋企仲系用緊電子琴,學到幾時真系應該換鋼琴呢?

作者: lillymarie 時間: 11-3-9 18:59

原帖由 ohmygosh 於 11-3-9 15:49 發表
我個人做法是﹕一開始﹐彈第一個音就已經要嚴謹﹗

好似我個仔剛滿三歲時話要學彈琴﹐要我教﹐123手指都沒問題﹐但去到45手指﹐他知道同樣要用正確的手勢去彈﹐他很努力地去試﹐但實在頗困難(加上是傳統鋼琴﹐琴鍵不輕啊﹗)﹐他真的扁著嘴﹐留 ...

如果我大囝的老師好似妳教妳囝囝咁教佢就好了, 可惜唔係, 雖然每次老師上課都有提下佢, 但歌就照教, 我係屋企提個仔搞到大家都好勞氣, 我睇住佢彈音階還好, 但一要彈樂曲, 就顧得首歌顧唔到手指......雙手又打回原形.......

如果要執佢手指, 真的無可能彈到D歌, 一彈得快手指就扁, 話佢, 佢又駁咀話自己無問題......做家長的可以點? 自行執佢手勢, 唔交功課給老師?

[ 本帖最後由 lillymarie 於 11-3-9 19:01 編輯 ]

作者: ohmygosh 時間: 11-3-10 03:24

其實老師講一句好過家長講十句。您有無同大囝的老師討論過呢個問題呀?

另外﹐您小朋友幾大?學了多久?學到什麼程度?現時彈什麼樂曲?每天花在SCALES AND ARPEGGIOS和練習曲的時間足夠嗎?老師上課時有嚴格要求他的手勢和動作嗎?

原帖由 lillymarie 於 11-3-9 18:59 發表

如果我大囝的老師好似妳教妳囝囝咁教佢就好了, 可惜唔係, 雖然每次老師上課都有提下佢, 但歌就照教, 我係屋企提個仔搞到大家都好勞氣, 我睇住佢彈音階還好, 但一要彈樂曲, 就顧得首歌顧唔到手指......雙手又打回原 ...

作者: lillymarie 時間: 11-3-10 05:01

原帖由 ohmygosh 於 11-3-10 03:24 發表
其實老師講一句好過家長講十句。您有無同大囝的老師討論過呢個問題呀?

另外﹐您小朋友幾大?學了多久?學到什麼程度?現時彈什麼樂曲?每天花在SCALES AND ARPEGGIOS和練習曲的時間足夠嗎?老師上課時有嚴格要求他的手勢和 ...

10歲，學了4年，準備考3級。
他每天練音階3分鐘，老師有提醒他，但不嚴。我有同老師講這問題，老師說很多小朋友都有這問題，我個仔不是最差，叫我不用担心。
我囝資質平庸，對他其實無乜期望啦，鋼琴的好處是彈到似首歌已可騙到人了。不我這樣想對不對？

作者: share123 時間: 11-3-10 09:24

原帖由 mio8390 於 11-3-9 14:06 發表

我覺得五六歲學都不太遲，大早學，因小朋友太細個，進度會比較慢，可能要到十二三歲才考八級，但大個些少才學，吸收快些，一樣在十二三歲考八級，分別不大，但細個學可能要比多兩年錢和小朋友因難和進步慢，嚇怕他們，令他們有放棄之念，我 ...

多謝你既意見,但我好驚阿女唔知彈到幾耐,好擔心買個琴番黎擺......如果要買琴,應該分幾個階段買? 入門的大概多少錢,可以用到幾級?

作者: DGJS 時間: 11-3-10 10:20

琴可以租的.

原帖由 share123 於 11-3-10 09:24 發表

多謝你既意見,但我好驚阿女唔知彈到幾耐,好擔心買個琴番黎擺......如果要買琴,應該分幾個階段買? 入門的大概多少錢,可以用到幾級?

作者: Camom 時間: 11-3-10 11:23

原帖由 DGJS 於 11-3-10 10:20 發表
琴可以租的.

唔想咁快買琴住可以先到琴行租房練住先，因為用電子琴嘅手感真係好唔同。如果小朋友真係有興趣就同佢傾吓，要佢肯commit先買。阿囝而家用緊Kawai K3, 海潚價嗰時買嘅。

作者: miaochan 時間: 11-3-10 11:24

已經好耐無上呢度喇。。今日見到呢個Topic，又想分享下（差不多一年）陪個仔學琴的經驗。
我個仔今個月4歲了，3歲多開始搵老師一對一學，初初學的3個月，真的很苦腦，因為手型不好問題，頭疼咗好耐。當時還上來請教了ohmygosh老師。後來跟現在的琴老師討論過後，大家分別在家和在課堂上不斷不斷提醒，每次手指塌下時我們便笑他的手指像薯條，慢慢地他真的改善了，但5手指始終都是差一點，特別在彈跳音時。
看譜是我個仔的強項，但往往就是因為他強在此，不用多久他便把整首曲記下來了，自此他便不再看已熟了的譜。跟著問題又出來了，不看著譜彈怎能記得那裡要大聲那裡要細聲？要彈好首曲，很多仔細的問題都要留意，慢慢而家變咗系我在旁不斷提他，這裡要點要點點點。
陪他練琴有時真的很勞氣，不是他不肯練，而是他經常只專注自己想彈甚麼便彈甚麼，我在旁邊想Stop佢（因為時間問題要爭取時間練Scale和考試歌），但他又不理我，繼續彈他自己的“曲”（我不知他彈甚麼的）。。。
當我發火了，說要收了他的琴不給他彈時，他就大哭說：“我要彈呀，我要彈呀！”然後才肯開始彈該練的曲。
現在他每天練琴約1小時，15分鐘是Scale（大概14條），另外30分鐘是練考試歌，再加15分鐘sight reading。希望快些考完試可以再練回ADAD，John Thomson，輕鬆學彈琴果幾本書，因只練考試歌，仔仔不覺悶但我都覺得好厭了。

作者: share123 時間: 11-3-10 11:47

[quote]原帖由 miaochan 於 11-3-10 11:24 發表

4歲1日練到1小時呀,好厲害呀,系分開練or坐定定一個鐘呀? 你地打算考幾多級?

作者: DGJS 時間: 11-3-10 11:49

如果依個真的不是他的興趣，我建議暫停。可以試下其他樂器或事物。但我建議你必須要清楚他究竟有沒有其他興趣。如果放棄是由於毅力問題，咁就要想想辦法！
K3還是很小，就算無天份都可以玩下。我覺得只要不太同人比較，任何事都可以有樂趣。

原帖由 Sheepy 於 11-3-7 10:28 發表
囝囝K3, 學咗琴差唔多1年, 彈緊 "輕鬆學鋼琴" 第2同第3冊, 見佢學得真係好辛苦, 佢完全唔肯認譜, 下下彈琴都係靠撞, 我知道呢個係佢的問題, 唔關老師事, 我亦有要求佢學睇譜, 佢同我講每日都好辛苦, 亦都好傷我同佢 ...

作者: mio8390 時間: 11-3-10 12:03

原帖由 share123 於 11-3-10 11:47 發表
[quote]原帖由 miaochan 於 11-3-10 11:24 發表

4歲1日練到1小時呀,好厲害呀,系分開練or坐定定一個鐘呀? 你地打算考幾多級? ...

每隻歌不多過兩分鐘，三隻都是六分鐘，每日彈差不多十次，千篇一律，想唔悶死都好難，如果是練得有質素，十五分鐘已足夠啦，初級已經練到這樣，學都八級或以上，整天什麼都不用做，只能練琴，就算是興趣都變成受難。

作者: mio8390 時間: 11-3-10 12:14

原帖由 share123 於 11-3-10 09:24 發表

多謝你既意見,但我好驚阿女唔知彈到幾耐,好擔心買個琴番黎擺......如果要買琴,應該分幾個階段買? 入門的大概多少錢,可以用到幾級?

如果不知道孩子的興趣是否彈琴，最好看定些才買，不要心急，我是先給他學了大約一年，和每星期在琴行練一小時，他回覆我他有興趣，我才一次過買個好些少給他，因為中途換琴好麻煩和貴，所以一次買個可用到八級或以上，新琴約四萬左右，如二手琴約三萬以下，但買時要小心些，看清楚是否績木琴(組合成的翻新琴)。

作者: miaochan 時間: 11-3-10 12:14

數是這樣計，但每首曲的要求，細節都要做足，一首歌可能抽一小節出來練十次，然後又分手練3次，時間就是這樣過去了。
可能跟你說的剛剛相反，大d還會練少d，要做功課時，那有時間只練琴？

原帖由 mio8390 於 11-3-10 12:03 發表

每隻歌不多過兩分鐘，三隻都是六分鐘，每日彈差不多十次，千篇一律，想唔悶死都好難，如果是練得有質素，十五分鐘已足夠啦，初級已經練到這樣，學都八級或以上，整天什麼都不用做，只能練琴，就算是興趣都變成受難。 ...

作者: miaochan 時間: 11-3-10 12:18

基本是坐定定的，但始終是小朋友，有時免不了分心，下來搞下呢樣搞下果樣。我在身旁經常提他要彈完才能離開。

原帖由 miaochan 於 11-3-10 11:24 發表

4歲1日練到1小時呀,好厲害呀,系分開練or坐定定一個鐘呀? 你地打算考幾多級? ...

作者: chika 時間: 11-3-10 16:33 標題: 回覆 41# Sheepy 的文章

點解唔試下買本「幼兒樂理練習 1」或類似的作業比佢玩下?? 可以認音之餘又有貼紙貼, 我D細細個學生玩得好開心bor.. 又或者買通利或柏斯買一盒的card games, 佢d卡仔有音符另外配有A B C D E F G音名, 你可以當遊戲同佢玩鬥快數音仔, 吸引下佢等佢從遊戲中學習, 咪好似funny啲?? 當佢練琴時, 你可以又同佢玩鬥快數音, 比如話.. 呢首歌有幾多個E呀, 123開始, 你最初要扮慢佢少少, 指出其中一個, 等佢望到你指果個, 之後就等佢自己數, 最尾仲要扮數得慢過過, 等佢自己數哂.. 跟住你再讚佢.. 你好勁喎, 自己都得.. 咁久而久之, 佢會自己記得D音, 望到個音時, 再加指法配對, 就唔駛成日都撞位啦^^

作者: mio8390 時間: 11-3-10 17:46

原帖由 DGJS 於 11-3-9 14:46 發表
你个仔好好采，同好o力仔。
好多小朋友在五六級時改不回來, 或者根本沒發覺要改回來。然後要再上便遇到困難，便完全放棄了。這樣就是可能5年的時間都浪費了。

...

其實我個仔一點也不叻，大把人比他早拿到八級，現在他的手勢雖然改善了不小，但離完美還差一段，但應付演奏級還是可以，將會就未知，但應該沒有太多時間練琴繼續學下去。

作者: DGJS 時間: 11-3-10 17:58

很可惜！但我估讀中學壓力會比較大。

原帖由 mio8390 於 11-3-10 17:46 發表

其實我個仔一點也不叻，大把人比他早拿到八級，現在他的手勢雖然改善了不小，但離完美還差一段，但應付演奏級還是可以，將會就未知，但應該沒有太多時間練琴繼續學下去。 ...

作者: mio8390 時間: 11-3-10 18:30

原帖由 DGJS 於 11-3-10 17:58 發表
很可惜！但我估讀中學壓力會比較大。

如果初中前未能完成八級，上到高中是好難有這麼多時間練琴，如果要求高，二或三級已經練一小時，到八級可能要幾小時，可來時間做功課，所以我和孩子都定了目標，但事與願違，雖然我兒子在中二已達標，但佢又愛上了音樂，所以高中時選了音樂讀，這課用了他可多時間，不過這是他喜歡的決定，我是會支持他。

作者: share123 時間: 11-3-11 09:26

原帖由 mio8390 於 11-3-10 18:30 發表

如果初中前未能完成八級，上到高中是好難有這麼多時間練琴，如果要求高，二或三級已經練一小時，到八級可能要幾小時，可來時間做功課，所以我和孩子都定了目標，但事與願違，雖然我兒子在中二已達標，但佢又愛上了音樂，所以高中時選了 ...

曾經聽過有人話最好系小學考完8級,因為中學功課多,好難兼顧,其實系唔系好難達到?

作者: lillymarie 時間: 11-3-11 10:26

最理想當然係早些考到八級, 然後專心讀書.
但想起身邊一些例子, 又不一定讀中學就應付不了學樂器.
見過有位女孩子, 考完八級小提琴後, 中學用了五年時間學鋼琴, 考獲演奏級. 我亦有朋友中六那年去考演奏級.
最後都是那句: 小朋友自己喜歡就會有動力和時間去應付.

作者: mio8390 時間: 11-3-11 10:49

原帖由 lillymarie 於 11-3-11 10:26 發表
最理想當然係早些考到八級, 然後專心讀書.
但想起身邊一些例子, 又不一定讀中學就應付不了學樂器.
見過有位女孩子, 考完八級小提琴後, 中學用了五年時間學鋼琴, 考獲演奏級. 我亦有朋友中六那年去考演奏級.
最後都是 ...

當然也有你說的例子，我仔仔現在還學緊音樂，但越高級越要多些時間練習，少不免多少都會影響其它課目，但孩子喜歡，我都會一定支持。

作者: mio8390 時間: 11-3-11 11:07

原帖由 share123 於 11-3-11 09:26 發表

曾經聽過有人話最好系小學考完8級,因為中學功課多,好難兼顧,其實系唔系好難達到?

初中都不會太忙，但可能中一時與小學的轉變比較大，需要一些時間適應，比較幸苦些。
如果只為cert.，英國皇家音樂試是最容易考的，應該不難，但這樣好像違背良心，不是給小朋友enjoy興趣。
其實好多中學不會看會不會彈琴而加分，因為大部份學校只有管弦樂團，一般管弦樂團表演是不需要彈琴的，所以他們會看看小孩子會不會管樂或弦樂，會鋼琴的最多只能在學校做合唱團的琴師，但幾十人爭取一個位置，最好由他自然發展，不要太過強迫。

作者: 瑩瑩老豆 時間: 11-3-12 22:48

考完8級又如何? 學琴為考試?

原帖由 share123 於 11-3-11 09:26 發表

曾經聽過有人話最好系小學考完8級,因為中學功課多,好難兼顧,其實系唔系好難達到?

作者: 瑩瑩老豆 時間: 11-3-12 22:51

不如先問下自己為乜K2 就要佢去學琴?

原帖由 Sheepy 於 11-3-7 10:28 發表
囝囝K3, 學咗琴差唔多1年, 彈緊 "輕鬆學鋼琴" 第2同第3冊, 見佢學得真係好辛苦, 佢完全唔肯認譜, 下下彈琴都係靠撞, 我知道呢個係佢的問題, 唔關老師事, 我亦有要求佢學睇譜, 佢同我講每日都好辛苦, 亦都好傷我同佢 ...

作者: 音樂人長老 時間: 11-3-13 00:02

原帖由 DGJS 於 11-3-10 17:58 發表
很可惜！但我估讀中學壓力會比較大。

唉，呢個係香港學生寫照，我有個讀中四學生，呢一年來除返學及學校指定活動外，時間都被補習社填滿了，每星期有30分鐘至1小時練琴己經好好，上堂通常第一句話係無練過琴，但佢上堂日子從不遲到又專心，今年9月會升中五，我叫佢考慮停學。

呢個學生體質同條件唔錯，屬於技術型，我都想佢可以更上一層樓，但現實有時要做取捨，如果佢諗過後真係鍾意學，我建議佢每月只學一堂，令佢更好地編排學業時間表同keep 住彈琴樂趣。

作者: ilovethiscow 時間: 11-3-13 03:29 標題: 回覆 50# 瑩瑩老豆的文章

提示: 作者被禁止或刪除內容自動屏蔽

作者: mio8390 時間: 11-3-13 09:40

原帖由 瑩瑩老豆 於 11-3-12 22:48 發表
考完8級又如何? 學琴為考試?

其實學琴對考名校沒有什麼幫助，依家大部份家長只會制造出考試琴手，考琴的技術以外就不會，學音樂變成孩子的包袱。

作者: ilovethiscow 時間: 11-3-13 11:26 標題: 回覆 54# mio8390 的文章

提示: 作者被禁止或刪除內容自動屏蔽

作者: Camom 時間: 11-3-13 23:40

原帖由 ilovethiscow 於 11-3-13 11:26 發表
無錯... 除了彈琴之名... 其他音樂知識... 音樂文化... 一D都無...

就咁考左個級絕對談不上高音樂造詣

而且.... 我有個教 Co Edu o既frd 都講...

依家唔睇呢D cert... 而係 interview 去問一D 常識....但發覺大 ...

今日去咗APA Open Day聽咗pre junior programme嘅資料，個負責人都話好多人考到Grade 8，但一到audition就知佢哋有幾多料，仲話好多人可能一年只彈3首歌（雖然誇張咗）....

作者: ilovethiscow 時間: 11-3-14 01:34

提示: 作者被禁止或刪除內容自動屏蔽

作者: Camom 時間: 11-3-14 10:40

原帖由 ilovethiscow 於 11-3-14 01:34 發表
如果唔係diploma 同degree點會 audition 4 次

我地大部份時間都係玩練習曲...

練熟D 手指... 到練歌果陣... 就快人地好多倍完成...

今日有無聽 Concert Band O既 Concert~? ...

擒日主要睇咗junior piano, piano & jazz band，後來小朋友去咗「魔法一條村」玩，仲同個機械人傾咗好耐計　

作者: Sheepy 時間: 11-3-14 14:29

好多謝各位的意見, 我有一日好認真咁問囝囝鍾唔鍾意彈琴, 佢都真係幾唔想彈, 無謂勉強啦, 但其實學音樂有好多種方法的, 亦可以學其他樂器, 所以我比佢選了另一種佢想學的樂器, 而條件就係唔可以半途而廢 (因為今次係佢選擇的)!

新樂器上咗第一堂喇, 同學琴時的第一堂都真係好唔同, 始終興趣係好重要的!

作者: DGJS 時間: 11-3-14 15:15

Good to hear the decision. Don't let him easily to give up the next instrument.

放棄樂器事小,放棄毅力事大。

原帖由 Sheepy 於 11-3-14 14:29 發表
好多謝各位的意見, 我有一日好認真咁問囝囝鍾唔鍾意彈琴, 佢都真係幾唔想彈, 無謂勉強啦, 但其實學音樂有好多種方法的, 亦可以學其他樂器, 所以我比佢選了另一種佢想學的樂器, 而條件就係唔可以半途而廢 (因為今次係 ...

作者: ca-c 時間: 11-3-14 16:10

Hi BBR

看見你寫的,我就忍不住拍手,萬二分替你的小朋友興幸有個好媽媽.
我看過很多家長都不會理會小朋友是否真心愛彈琴,是否真有興趣,只一味是"我希望佢x歲考x級","我想佢參加x比賽",其實興趣是逼不來的,小朋友的天份也不是人人都彈琴,人學我學的心態實在要不得,當小朋友對一樣野有興趣,佢會主動做好件事,不用逼住學逼住練,即使讓你逼到他演奏級又如何,他會開心嗎?相信是家長比較開心吧!與其犧牲孩子的童年去滿足家長的虛榮心,不如讓孩子真真正正的選擇興趣吧!

原帖由 BBR 於 11-3-8 12:16 發表
我個囡學左4年琴,幾個月前佢決定唔再學.阿囡3歲多開始學,初初佢都有興趣,我重買埋琴比佢,點知學學下佢就彈一首歌要彈好耐,亦唔會主動練,其實我比佢學都係想佢開心,有一樣自己鍾意的興趣,見佢學到咁,早幾個月我就好認 ...

作者: fcbttkw 時間: 11-3-14 18:52

原帖由 DGJS 於 11-3-14 15:15 發表
Good to hear the decision. Don't let him easily to give up the next instrument.

放棄樂器事小,放棄毅力事大。

絕對認同！

作者: abbylailai 時間: 11-3-17 17:48

最緊要有興趣同學得開心．　最好比佢自己簡樂器！

佢就算而家唔停,大多幾年咪又停. 都係浪費左呢幾年或者十幾年.

好多人都經歷過學左琴十幾年,可以話事就唔學lu. 因為本身都唔想學. 而且學琴係比較悶又辛苦.

我個仔轉左學古典結他,佢而家好有心機,自動練,又識自彈自唱. 估唔到結他都可以好乖,佢既ar sir 都好乖. 一樣可以表演, 又可以作歌仔,同埋同人夾歌. 佢個人都開朗左.

最緊要佢地開心啦!

作者: ilovethiscow 時間: 11-3-17 20:04 標題: 回覆 63# abbylailai 的文章

提示: 作者被禁止或刪除內容自動屏蔽

作者: ilovethiscow 時間: 11-3-17 20:06 標題: 回覆 59# Sheepy 的文章

提示: 作者被禁止或刪除內容自動屏蔽

歡迎光臨教育王國 (/)