教育王國
標題: 比同學偷咗貴重物品 [打印本頁]
作者: 師奶 時間: 11-7-27 23:30 標題: 比同學偷咗貴重物品
個仔返學校暑期班比人偷咗銀包同新電話,放學先知...
個仔係個粗心大意嘅人,只好怪自己個仔唔小心,
今次教訓好大,呢部電話係我見佢下學期努力讀書獎勵比佢,
呢個電話佢恨咗好耐,亦好貴(對我來說)。
我丙咗佢一日,唔彩佢二日,我知佢都十分傷心,喊到眼腫,我就肉痛到死喇~~
已經成事實,佢同我都好唔開心,今日彩番佢,依家係想問大家如果發生係你哋身上會點做？我想佢受d教訓,以下邊樣較好呢？
1.買呢部電話時,佢保證會機不離身,會用二年,我現在罰佢二年無手機用,過份嗎？
2.過左啖氣,9月返學比部二手機佢用,直至中學畢業,咁做殘忍嗎？
3.比部二手機佢用,二年後冇唔見手機的話,到時比佢買過部新手機,合理嗎？
作者: Yanamami 時間: 11-7-27 23:35 標題: 回覆 1# 師奶 的文章
無通知校方?
我會俾二手機佢用, 直至部機坏, 再睇佢表現, 好就買新, 但一定係最平果款. 無得上網只供通話果款.
作者: 師奶 時間: 11-7-27 23:48
原帖由 Yanamami 於 11-7-27 23:35 發表 
無通知校方?
我會俾二手機佢用, 直至部機坏, 再睇佢表現, 好就買新, 但一定係最平果款. 無得上網只供通話果款.
有通知校方,但幫唔到
1.學生放左學,個仔先發現
2.暑期班係d大學畢業生教ga,第ニ日返學都無辦法了
3.暑期班學生係A-F班同學都有D,人海茫茫邊個係邊個都未識晒
作者: Tommy 時間: 11-7-28 01:33
原帖由 師奶 於 11-7-27 23:30 發表
個仔返學校暑期班比人偷咗銀包同新電話,放學先知...
個仔係個粗心大意嘅人,只好怪自己個仔唔小心,
今次教訓好大,呢部電話係我見佢下學期努力讀書獎勵比佢,
呢個電話佢恨咗好耐,亦好貴(對我來說)。
我丙咗佢一日,唔彩 ...
應該係偷野果個被罰，點解被偷果個要受罰既？
他努力的成果被人掠奪，佢已經好慘，不應該受罰。如果我係佢爸爸，我會關心佢、安慰佢、叫佢學精d、以後要小心d，等爸爸儲到錢，會買過一部新機比佢。不過，我未出糧未儲到錢的這段時間，佢會無機用，或者只能用住d殘廢舊機。最後，我都一定會買返部同型號的新機比佢，但要比佢知道爸爸好辛苦儲錢，死慳死底唔食午飯，儲足一個月先夠錢買新機比佢。
Tommy
作者: 師奶 時間: 11-7-28 01:56 標題: 回復 4# Tommy 的帖子
Hi Tommy
(他努力的成果被人掠奪，佢已經好慘，不應該受罰)
我竟然完全忘記了當初買比佢嘅原因,係因為佢好盡力温習獎勵佢,忘記佢之前所付出努力...
我只係將重點放左係手機價值,還想盡辦法懲罰他,也沒有體諒同安慰佢,我知道我應該點做了...
多謝你提醒我!
作者: HappyEE 時間: 11-7-28 10:04
原帖由 Tommy 於 11-7-28 01:33 發表
應該係偷野果個被罰，點解被偷果個要受罰既？
他努力的成果被人掠奪，佢已經好慘，不應該受罰。如果我係佢爸爸，我會關心佢、安慰佢、叫佢學精d、以後要小心d，等爸爸儲到錢，會買過一部新機比佢。不過，我未出糧未儲到錢的這 ...
路過, 好like依個答案, 支持!
作者: 師奶 時間: 11-7-28 10:38 標題: 回復 4# Tommy 的帖子
Hi Tommy
一直以為最了解個仔係我,原來我係最唔了解 同一件事我同老公做法完全唔同,今朝我望住枱上3千蚊...好內疚
星期一晚老公知道個仔唔見晒所有野,只係閙咗4句,有ニ句係粗口,我就丙左佢2個鐘。
星期ニ晚老公放工只係問左一句"揾唔揾得返",我就一直唔彩個仔。
星期三晚老公食食下飯同我講"買返個電話比個仔喇",我答"唔得,要比D教訓佢"
今朝起身枱上面放左3000蚊,用我部手機壓住,原來尋晚佢已經咗錢。
個仔中午放學,我會話比個仔知D錢係爸爸比佢買手機,我會解釋比佢知爸爸揾錢好辛苦同叫佢以後小心D同學精D。
謝謝各位!
作者: hw1115 時間: 11-7-28 11:11
原帖由 師奶 於 11-7-27 23:30 發表
個仔返學校暑期班比人偷咗銀包同新電話,放學先知...
個仔係個粗心大意嘅人,只好怪自己個仔唔小心,
今次教訓好大,呢部電話係我見佢下學期努力讀書獎勵比佢,
呢個電話佢恨咗好耐,亦好貴(對我來說)。
我丙咗佢一日,唔彩 ...
係自己既中學呀?
作者: 師奶 時間: 11-7-28 11:32 標題: 回復 8# hw1115 的帖子
係呀~~
作者: wwlwong 時間: 11-7-28 13:36 標題: 回覆 7# 師奶 的文章
提示: 作者被禁止或刪除 內容自動屏蔽
作者: 師奶 時間: 11-7-28 19:13
原帖由 wwlwong 於 11-7-28 13:36 發表
我同妳個 case 一樣，後來我同囝囝去報案，我預咗一定搵唔返（一日噤多人報失電話）但係我真的好感激幫我哋落案嘅亞 Sir，佢同囝囝講「父母搵錢辛苦...名貴和靚野留返響屋企用啦...返學出街帶啲 cheap 機，跌咗都唔會心疼，你睇亞 ...
同大家傾完,心情好好多了,多謝各位!
同個仔講咗爸爸放低3千蚊比佢買手機,個仔話暫時用住舊手機先,話遲d先買會平d,同埋話依家學校係高危,話好驚再唔見野。個仔仲話呢二日咩住個斜咩袋上堂,仲比老師問佢"呢位同學你好趕住放學牙",個仔答老師話驚比人偷野。
唉~聽完佢咁講,緊係比我鬧得太金,攪到佢咁驚...
我主動叫佢去食麥當勞,佢心情開朗返。
如果交咗學費,個仔學精咗,又懂得珍惜的話,咁都係值得的。
作者: Yanamami 時間: 11-7-28 20:29 標題: 回復 1# 師奶 的帖子
乖仔! 要呵番~~
作者: super-cat 時間: 11-7-29 08:54
我將這事告訴囝囝, 請他以年青人的身份處理一下。
他說: 我不會打他、鬧他, 因為他不見了手機已很傷心的了; 一個人遺失了禮物, 就是要承擔失掉這份禮物的後果 ... , 可以叫他再努力讀書, 爭取好成績來換取新的手機 。
我又把 "爸爸再付 3000元給他買新手機" 這事告訴他, 他說: 為什麼偷東西的那個不用罰, 被偷的也不用負責任, 而送禮物的那個要被罰再付 3000元 ... 。 
我也打算買一部手機給囝囝作學業成績的獎勵, 條件是: 價格不限, 但要用他的儲蓄支付機價, 月費在 60元以下由我支付, 多出的要由他付。
理由是: 手機是用他的零用儲備買的,他自覺地選擇合理價格和合用的手機; 要是丟失了也是他的責任, 不想失的, 自然便要好好保管了。 我也是一個怕囝囝粗心大意失財物的家長呀!
[ 本帖最後由 super-cat 於 11-7-30 11:15 編輯 ]
作者: 師奶 時間: 11-7-29 13:32
Hi yanamami
呵番喇~~
講真我都想佢呵番我^^,我內傷
Hi super-cat
我真係諗過打佢架!但冇真係落手
係架!我都覺得罰緊我哋架,我同老公手機都唔過1千蚊。
D仔買機時就發誓機不離身,有得玩嗰時就物都唔記得架喇~~
暫時佢都識心痛話唔買住,幾時會醒目D,係咪男仔先會咁,女仔會細心D？
作者: ZZdaphne 時間: 11-7-29 15:01
原帖由 super-cat 於 11-7-29 08:54 發表
我又把 "爸爸再付 3000元給他買新手機" 這事告訴他, 他說: 為什麼偷東西的那個不用罰, 被偷的也不用負責任, 而送禮物的那個要被罰再付 3000元 ... 。 .
hahaha
作者: ZZdaphne 時間: 11-7-29 15:03
原帖由 師奶 於 11-7-29 13:32 發表
暫時佢都識心痛話唔買住,幾時會醒目D,係咪男仔先會咁,女仔會細心D？
佢都上左一課..
男女一樣...
我女初中掉過..
八達通...校褸...筆袋...書本..手錶...
手機無掉過..因為唔畀帶返學..
[ 本帖最後由 ZZdaphne 於 11-7-29 15:20 編輯 ]
作者: 師奶 時間: 11-7-29 15:48 標題: 回復 16# ZZdaphne 的帖子
原來男仔同女仔都係大頭蝦
作者: Yanamami 時間: 11-7-29 16:13
不分男女, 現在一般環境較好, 得來容易, 不懂珍惜吧! 校方早已告誡不要用貴機, 免招損失.
原帖由 師奶 於 11-7-29 15:48 發表
原來男仔同女仔都係大頭蝦
作者: Sumyeema1 時間: 11-7-29 16:40
原帖由 師奶 於 11-7-29 13:32 發表
係架!我都覺得罰緊我哋架,我同老公手機都唔過1千蚊。
...
阿仔個手機點解貴過父母即？
用平 d 即手機會影響孩子的自尊嗎？
請恕我甘問，因為我小朋友還小，我不太了解初中生的心態。
作者: samuel89 時間: 11-7-29 17:28
原帖由 Tommy 於 11-7-28 01:33 發表
應該係偷野果個被罰，點解被偷果個要受罰既？
他努力的成果被人掠奪，佢已經好慘，不應該受罰。如果我係佢爸爸，我會關心佢、安慰佢、叫佢學精d、以後要小心d，等爸爸儲到錢，會買過一部新機比佢。不過，我未出糧未儲到錢的這 ...
我大仔都試過被偷
但我覺得被偷果個都要受罰.....被罰原因:
1. 學生根本唔應該用比較貴既手機...(大仔雖然聽我講一半,所以被偷已經平左佢本身想買果部型號一半價錢)....講真如果部機系cheap野,2手機根本唔會"引人犯罪"....
2. 被偷雖然系"有心人裝冇心人"....但"疏忽大意"點都有d架啦......佢點都要負番d責任.....
但我就絕對唔會好似樓主甘怪責小朋友......始終"疏忽大意"呢d野系要俾時間小朋友去學習,並唔系用口講左,教左就可以學識......
作者: ZZdaphne 時間: 11-7-29 17:48
原帖由 Sumyeema1 於 11-7-29 16:40 發表
阿仔個手機點解貴過父母即？
用平 d 即手機會影響孩子的自尊嗎？
請恕我甘問，因為我小朋友還小，我不太了解初中生的心態。
佢地好多用智能手機,係呢個價,
I phone 仲貴啦, 都有學生用.
我女都要求買,
我買個 I pod touch 滿足下佢擁有apple產品就算數,
手機仍然係用$1XXX的.
[ 本帖最後由 ZZdaphne 於 11-7-29 17:55 編輯 ]
作者: samuel89 時間: 11-7-29 17:55
原帖由 ZZdaphne 於 11-7-29 17:48 發表
佢地好多用智能手機,係呢個價,
I phone 仲貴啦, 都有學生用.
就系因為有學生用I phone.....所以想俾部cheap野,2手機阿仔用都完全無"理據".... 最後要掉轉頭向阿仔屈服都唔知究竟系邊個開始俾D學生用貴野,攪亂晒D價值觀.....
作者: ZZdaphne 時間: 11-7-29 18:02
原帖由 samuel89 於 11-7-29 17:55 發表
就系因為有學生用I phone.....所以想俾部cheap野,2手機阿仔用都完全無"理據".... 最後要掉轉頭向阿仔屈服都唔知究竟系邊個開始俾D學生用貴野,攪亂晒D價值觀..... ...
畀阿女用ipod touch已經係我極限,
好彩佢都OK.
一買到,佢已經識得點用,
佢班同學好多都有蘋果產品...
作者: samuel89 時間: 11-7-29 18:08
原帖由 ZZdaphne 於 11-7-29 18:02 發表
畀阿女用ipod touch已經係我極限,
好彩佢都OK.
一買到,佢已經識得點用,
佢班同學好多都有蘋果產品...mouth:" />
一有家長開左頭, 愈來愈多同學仔擁有.....我相信你D"極限"遲早守唔住
作者: ZZdaphne 時間: 11-7-29 18:16
原帖由 samuel89 於 11-7-29 18:08 發表
一有家長開左頭, 愈來愈多同學仔擁有.....我相信你D"極限"遲早守唔住
hahaha
係呀, 我想買埋 ipad....
轉貼, 畀大家研究研究.
一.合理的物質需求
剛剛進入青春期，追求個性化的孩子較少，更多是要求自己從衆。從衆讓自己有安全感，融入同學的圈子裏，不顯山顯水。隨著年齡的增長，熟悉了周圍的環境，瞭解了同學、朋友的個性，孩子們開始彰顯個性，暗暗地在群體裏比高低。這種比較有積極的意義，孩子獲得了經驗，給自己在群體中定了位。
家長要防範孩子物質需求膨脹造成的惡果，但又不能不給予物質的滿足，應該怎麽辦呢？我們認爲，家長要學會判斷孩子的需求是否正常。孩子正常需求的標準主要從兩個方面看：一個是取同班同學物質需求的平均數或平均數的中下等。另一個標準是看家裏的經濟狀況。如果您家裏的經濟狀況中等或比較好，應該讓孩子的生活水平低一些比較好。如果您的經濟狀況不太好，那麽，您千萬不要因爲怕孩子受委屈而硬要讓孩子去享受高消費，這種死要面子活受罪的做法，不但不會讓孩子自信起來，而且容易使孩子不考慮家長的經濟能力而變得變本加厲。
[ 本帖最後由 ZZdaphne 於 11-7-29 18:18 編輯 ]
作者: samuel89 時間: 11-7-29 18:33
原帖由 ZZdaphne 於 11-7-29 18:16 發表
hahaha
係呀, 我想買埋 ipad....
轉貼, 畀大家研究研究.
一.合理的物質需求
剛剛進入青春期，追求個性化的孩子較少，更多是要求自己從衆。從衆讓自己有安全感，融入同學的圈子裏，不顯山顯水。 ...
呵呵....不出所料
我不太相信"變本加厲"這回事.....我比較相信"個別事件各有前因後果"......
作者: 師奶 時間: 11-7-29 21:16
原帖由 Sumyeema1 於 11-7-29 16:40 發表
阿仔個手機點解貴過父母即？
用平 d 即手機會影響孩子的自尊嗎？
請恕我甘問，因為我小朋友還小，我不太了解初中生的心態。
每次補習完我接佢放學,每次佢都在廚窗望住同一部手機,足足睇左2個月,每次都係呢一部手機,每次都喃喃自語話幾時會平D,當時我無理佢。
在下學期開始,我見佢測驗同考試,温書温到12點,早上6點幾起身又再温,張枱好多英文生字,有默有寫,我內心感動。
就是感動令我心軟,我真的覺得佢盡了力,即使我唔知道佢全級名次,我都買了給他,我不知這部手機有幾好,我只知道這部手機佢喜歡,一直未見佢變心過。
佢從來都無要求穿名牌衫鞋,所穿都是平價貨。我也不太了解為何會着迷呢部手機,對我來說打出打入就可以了。
作者: Tommy 時間: 11-7-29 23:20
原帖由 samuel89 於 11-7-29 17:28 發表
我大仔都試過被偷
但我覺得被偷果個都要受罰.....被罰原因:
1. 學生根本唔應該用比較貴既手機...(大仔雖然聽我講一半,所以被偷已經平左佢本身想買果部型號一半價錢)....講真如果部機系cheap野,2手機根本 ...
小朋友電話被偷，佢自己絕對要負上責任，但「疏忽大意」唔算係有意識有動機去幹壞事，我覺得唔應該用「懲罰」這些比較嚴厲的措施，但「懲戒」卻是必須的。
我覺得「懲罰」是用來對付做壞事的人，意義上好負面；「懲戒」卻是用來赳正偏差了的行為和壞習慣，有正面輔導的作用。
「努力成果被人掠奪」本身已經是很大的懲戒，再加上延遲一個月去滿足需求，或暫以殘廢舊機代替一段時間，這些「懲戒」已經足夠。
若然同一事件發生於您和我身上，或者，最後我和您所做的都是差不多的事，但我比較傾向以正面的字眼和表達方式去教化。效果或許不能立竿見影，但操作純熟之後，就有好大的分別。
Tommy
Tommy
作者: Tommy 時間: 11-7-29 23:49
原帖由 師奶 於 11-7-28 10:38 發表
Hi Tommy
一直以為最了解個仔係我,原來我係最唔了解 同一件事我同老公做法完全唔同,今朝我望住枱上3千蚊...好內疚
星期一晚老公知道個仔唔見晒所有野,只係閙咗4句,有ニ句係粗口,我就丙左佢2個鐘。
星期ニ晚 ...
師奶：
其實妳應該開心，呢件事反映出妳囝囝好乖好生性，佢只係粗心大意，其實大部份男仔都係咁。即使三千蚊擺在眼前，佢都自願延遲自己的慾望。表面上佢要幫爸爸媽媽慳錢，但實際上佢呢個行為係佢對自己「粗心大意」的自省和負責，亦間接表達了對您們的歉意。
您老公更加係一個好爸爸、好丈夫。面對同樣的情況，我都會講兩句粗口，不過粗口是隔空送贈給偷電話的那個死仔/女包。男人老狗粗枝大葉，往往未能直接表達心意，果三千蚊起碼有一半是為了妳而去禁機，因為佢見您激氣激左兩日，好端端的母子關係又拉得好緊，佢唔想您激氣，又唔想您地為了一偷電話的衰人而破壞親子關係。
點解我知？因為我都係人地個老公同老豆囉！
有機會要係兩個大小男孩面前，具體清晰地表達您看到的細節，並加以讚美和表揚，一家人的關係將會更進一大步。可以的話，或者考慮說出自己之前情緒嬲怒，過份左少少……
Tommy
作者: ZZdaphne 時間: 11-7-30 00:05
原帖由 Tommy 於 11-7-29 23:49 發表
師奶：
其實妳應該開心，呢件事反映出妳囝囝好乖好生性，佢只係粗心大意，其實大部份男仔都係咁。即使三千蚊擺在眼前，佢都自願延遲自己的慾望。表面上佢要幫爸爸媽媽慳錢，但實際上佢呢個行為係佢對自己「粗心大意」的自省和 ...
作者: Yanamami 時間: 11-7-30 06:59
Tommy,
有你呢個daddy係度真好, 可以令我地班mama從另一個角度睇件事, 起一個平衡o既作用. 男女睇野/ 處理手法真係好唔同, 好多時真係火遮眼.....
作者: 師奶 時間: 11-7-30 08:48
Tommy
多謝你提醒!只差小小我就鑄成大錯,加深兒子傷害。
我會聽取意見。
作者: samuel89 時間: 11-7-30 12:38
原帖由 Tommy 於 11-7-29 23:20 發表
小朋友電話被偷，佢自己絕對要負上責任，但「疏忽大意」唔算係有意識有動機去幹壞事，我覺得唔應該用「懲罰」這些比較嚴厲的措施，但「懲戒」卻是必須的。
我覺得「懲罰」是用來對付做壞事的人，意義上好負面；「懲戒」卻是用 ...
你是對的........基本上我連「懲戒」都不想用.....更加正確的用詞may be「警醒」'「警戒」好d......
我所以認為要對小朋友「懲罰」, 其實只系借買貴電話呢個題發揮而已.....
基於如果小朋友買貴電話系一心要同同學仔互相[比拚],[炫耀],我是絕不會買給他的....但問題系我地很難判斷佢地[比拚],[炫耀]既心態比重有多少; 要求佢地100%冇呢d心態又會引發小朋友完全冇晒[鬥心]既另一心態問題.....所以買貴電話絕對系一件勁難處理拿揘既教仔事件......
作者: ahhlunnn 時間: 11-7-30 17:20
提示: 作者被禁止或刪除 內容自動屏蔽
作者: hhma 時間: 11-7-30 21:35
Like too
另外題外話 : i乜i物, 可以用cambridge/longman查字典,讀音準, 唔似yahoo. 免費睇幾份報紙...etc. 我覺得功能大於虛榮.
原帖由 HappyEE 於 11-7-28 10:04 發表
路過, 好like依個答案, 支持!
[ 本帖最後由 hhma 於 11-7-30 21:48 編輯 ]
作者: noelching39 時間: 11-8-22 07:00
Tommy, 希望你多 d 回應，因為從你身上學到好多野！謝謝！
作者: judy 時間: 11-8-23 12:16
阿仔個手機點解貴過父母即？
用平 d 即手機會影響孩子的自尊嗎？
請恕我甘問，因為我小朋友還小，我不太了解初中生的心態。
我用阿婆級手機，所以阿大阿二都唔好意思同我要貴價手機，依家佢地用比我好少少阿媽級手機。
大少買部i-pad俾阿大做生日禮物，佢地玩两三個月後就擺埋一邊，依家凈係俾阿三玩game。
我都唔明，啲i-xx有咩咁好玩？
作者: wing 時間: 11-8-24 02:11
我大女都係啱啱升中一. 佢用緊果部手機係佢自己既利是錢買既, $8XX. 好彩, 佢咁多年都未試過係學校唔見野. 同埋而家間中學, 係規定同學仔每朝要將手機上繳, 老師會鎖係櫃入面, 放學先准拎番
作者: NonoNo913 時間: 11-8-30 17:49
點解唔報警呢?
作者: bobbytam88 時間: 11-8-31 22:54
提示: 作者被禁止或刪除 內容自動屏蔽
作者: jelly-pudding 時間: 11-9-1 11:58
原帖由 Tommy 於 11-7-28 01:33 發表
應該係偷野果個被罰，點解被偷果個要受罰既？
他努力的成果被人掠奪，佢已經好慘，不應該受罰。如果我係佢爸爸，我會關心佢、安慰佢、叫佢學精d、以後要小心d，等爸爸儲到錢，會買過一部新機比佢。不過，我未出糧未儲到錢的這 ...
雖然他是受害者, 不過如果完全唔罰佢, 佢以後就唔識得珍惜.
如果每次 整唔見/被偷都有daddy mami 原諒又再買過, 以後佢就唔會小心提防了.
個人認為, 暫時用住舊機先.
同佢講如果今個學期成績好就再買給他啦, 不過唔可以再整唔見架啦, 再唔見就一定唔會再買.
作者: 師奶 時間: 11-9-1 22:30
Hi NonoNo913
每日都唔少人大意唔見銀包同電話,幫得邊個揾？
而且係自己個仔唔小心,當買一個教訓吧!
作者: 師奶 時間: 11-9-1 22:39
個仔算生性自動要求出年先買新電話,暫時用舊電話先
個仔編左班我自己好滿意^^
我都好識做話過年前會買返電話比佢,價錢唔會高過之前個部,其次等佢有目標努力讀書。
| 歡迎光臨 教育王國 (/) |
Powered by Discuz! X1.5 |