教育王國

標題: Porfolio 夠"照" 就考到好私校/直資及叩到好津/官校 [打印本頁]

作者: chachalai 時間: 11-7-29 14:37 標題: Porfolio 夠"照" 就考到好私校/直資及叩到好津/官校

你地認為/有無實證Porfolio 夠"照" - 如有好多獎, 一般會考到好私校/直資及叩到好津/官校嗎?

我識人連Portfolio都無交, 但考到DGJS.

亦識人無獎/Cert.都被CKY取錄
大家分享下

[ 本帖最後由 chachalai 於 11-7-29 14:39 編輯 ]

作者: hwm399 時間: 11-7-29 14:56

好多學校第一輪面試只係睇學生的表現, 有的考學術, 有的考分析力, 所以portfolio就算幾好, 但臨場脫腳, 喺第一round就己經出咗局. 所以有幾靚的portfolio並包保有得入final interview.
但去到最後面試, portfolio有便於令學校理解家庭的培養方向.

去面試逐間報逐間考, 咁艱辛都做, 只係砌個portfolio姐, 頂多用兩三星期嘅夜晚就砌得掂, 有心考直資私校的, 不要吝啬那少少功夫. 而且一定要自已做, 出便比錢比centre做的一定睇得出.

作者: MW9919 時間: 11-7-29 15:20

我識有家長兩公婆都係中學教師，扣門都中幾間，另一個家長就打份普通工但有宗教背景都冇計，大家都係高班同學，表現差不多啫。
我就覺家長背景都有決定性影響！

作者: pandabonita 時間: 11-7-29 16:07

當然如果小朋友有特異功能,放d知料在portfolio就一定有幫助,用$買返來的對一d最top名校應冇乜用.

作者: Charlotte_mom 時間: 11-7-29 22:46

同意, 如果有份品學秉優既成績表, or有咩特異功能, 就算interivew表現唔突出(or衰左), 校長都會再consider一下
如果係豬肉獎, 幫助就唔大喇

咁當然, 亦有小朋友一行出黎就令校長傾心, in完就鐘意, 咁就唔駛靠portfolio都直入啦

原帖由 pandabonita 於 11-7-29 04:07 PM 發表
當然如果小朋友有特異功能,放d知料在portfolio就一定有幫助,用$買返來的對一d最top名校應冇乜用.

作者: 仔仔錫錫你 時間: 11-7-30 00:17

如幾個小朋表現一樣時，Profile同家庭背景將有可能係決勝負關建

作者: share123 時間: 11-7-30 09:43

原帖由 仔仔錫錫你 於 11-7-30 00:17 發表
如幾個小朋表現一樣時，Profile同家庭背景將有可能係決勝負關建

甘我覺得家庭背景一定比portfolio重要囉

作者: cheungmingwai 時間: 11-7-30 10:10

有冇經驗之談，有什麼內容先夠照

作者: tokwawan 時間: 11-7-30 11:50

我都覺得家長背景都會有影響的, 我有個同事既仔, 算OK啦, 佢話有3間直資都去到FINAL, 但唔知係咪呀爸有影響, 因為我同事就係叻女, 讀到MASTER, 但佢老公得F.5, 雖然叫揾到D $, 家住豪宅區, 但我都同佢老公傾過計, 可以話係老粗一名, 我地同事之間就會覺得可能父母INTERVIEW時, 佢老公太多缺點, 令學校覺得唔好....

作者: ahhlunnn 時間: 11-7-30 20:15

提示: 作者被禁止或刪除內容自動屏蔽

作者: hwm399 時間: 11-8-1 11:47

好多學校都好重視家長的教育理念跟學校一致, 這是見家長時, 家長必需做的功課.
父母敎育程度係点, 屋企住喺邊有無米, 唔係決定因素. 但如果見家長唔注意重点, 答非所問, 露出尾巴, 或者一直’逗’圈講唔到重点, 可能真係會累咗小朋友.
家庭背景是不可改變的事實, 或者我地應該諗吓還可以做到乜去幫小朋友.....例如同另一半練習吓見校長時的對答, 有乜方向理念想話比校長知, 成功是留給有準備的人.

作者: kkhon 時間: 11-8-1 12:48

好多名校都會睇父母職業，是否full-time mama,更會考慮埋係大仔定細仔。份fortfolio幾好都唔關係，主要看面試表現，如2個小朋友一樣時，便會考慮以上因素。

作者: ok_ko 時間: 11-8-2 11:36

家庭背景是不可改變的事實。
對! 吾好理人地點，先做好自己要做的。

原帖由 hwm399 於 11-8-1 11:47 發表
家庭背景是不可改變的事實

作者: miffy 時間: 11-8-2 17:47

提示: 作者被禁止或刪除內容自動屏蔽

作者: MW9919 時間: 11-8-2 18:01

家庭背景真係一山還有一山高，我係討論區都見過單親家庭面試時嘅不愉快經驗，校長問來問去查家宅，講到得一個家長支援唔到小朋友讀佢間小學，唉！

作者: ahhlunnn 時間: 11-8-2 18:03

提示: 作者被禁止或刪除內容自動屏蔽

作者: hwm399 時間: 11-8-3 10:32

面試靠小朋友表現(尤其是第一輪), 大家都會同意.
至於自己小朋友的portfolio夠唔夠照, 要今年考小一嘅都已經定局啦. 裏面嘅料, 無得作假, 係有就有, 無就無. 不過即使知道只計5%(男拔上年講明好少比例, 但忘記係幾多), 大家都會做靓佢.因為大家都會諗住,如果同對手係爭些微分數,可能就係portfolio呢5%make the difference
至於下年或兩年後才考小一的, 大把時候執靚裏面啲成績, 到時大家會發現, 原来自己的小朋友經過年多兩年嘅鍛練, 能力提升咗, 自信心大咗, 努力是有回報的.
Portfolio唔係話執靓就執得靓, 都要有材料在手才可以講, 材料就是靠前兩年落幾多功夫.

作者: wh0709 時間: 11-8-3 11:24

想請教下好多人會放「給校長的信」入portfolio, 但如已有幼稚園校長等推薦信，可以不用了？

作者: 幸福俏佳人 時間: 11-8-3 11:27

提示: 作者被禁止或刪除內容自動屏蔽

作者: hwm399 時間: 11-8-3 11:59

校長的推廌信只是好片面的寫吓小朋友的學業及性格好的一面, 平時小朋友有幾何見校長吖, 就算是老師代筆, 都突出唔到小朋友有幾優秀. 人有我有, 無乜特別.
但家長的信不同, 它不单止講述小朋友的性格, 還會突出家長敎養的方向, 這点一定要跟學校的取向一致, 所以家長的信一定不可以抄, 網上的範本, 學校年年都收差不多內容的, 我係老師, 一睇就知道無誠意, 真係唔交好過.
有些學校規限只可交幾多頁紙, 有自廌信在手, 好多時我都係抽起校長的推廌信唔交

作者: huayan 時間: 11-8-3 13:41

提議附上一張參加該校活動(如開放日)的照片, 以表誠意.

作者: YLMom 時間: 11-8-4 09:32 標題: 回復 18# pandabonita 的帖子

May I know what can be regarded as 特異功能? Thanks!

歡迎光臨教育王國 (/)