教育王國

標題: 第一次呈分唔理想, 有冇機會追呢, 請指教? [打印本頁]

作者: SandyMaMa 時間: 11-8-3 14:20 標題: 第一次呈分唔理想, 有冇機會追呢, 請指教?

第一次呈分唔理想, 有冇機會追, 如追, 係咪要起碼攞90分以上先打回平均, 如小女第一次呈分落在band 3中?

另, 呈分試係咪只係第一和第二次有用? 而第三次, 係咪趕唔切交教署, 只是放在成績表而已, 比較無咁重要?

請多多指教!

作者: HY412 時間: 11-8-3 15:25 標題: 回復 1# SandyMaMa 的帖子

中英數三科比重最多, 如果真係有9 字頭, 係可以隨時扭轉局勢, 唔好多想, 只有一個方法, 盡全力去考好第二次和第三次呈分試.

通常第一次和第二次用來自行和考直資, 第三次用來睇個BAND 然後選範圍內既中學. 100% 重要, 畢業試都唔好看輕, 用來叩門用.

加油 !! 唔好擔心 !! 唔好放棄 !!

作者: nicolewong58 時間: 11-8-3 17:00 標題: 第二次分數是獨立計算,還是累積計算

小兒也是第一次呈分失手,但唔明,11月便第二次呈分,第二次分數是獨立計算,還是累積計算,請高賜教.很担心.

作者: SandyMaMa 時間: 11-8-3 18:22 標題: 回復 2# HY412 的帖子

多謝妳既鼓勵, 我已感到第二和第三次試既壓力! 自知個女真係好難取得90分以上, 唯有寄望其他同學可能會有失手啦! 希望拉上band 2都好呀!!

作者: SandyMaMa 時間: 11-8-3 18:23 標題: 回復 3# nicolewong58 的帖子

應該係3次拉混平均分!

作者: goodwill 時間: 11-8-3 18:43

有得追,因為失手無人想,如果平日成績好,一定追得到!加油!祝百尺竿頭,更進一步!

作者: HY412 時間: 11-8-3 19:42

如果學校有全級名次, 會獨立計算, 而呈分試排名係累計的.

原帖由 nicolewong58 於 11-8-3 17:00 發表
小兒也是第一次呈分失手,但唔明,11月便第二次呈分,第二次分數是獨立計算,還是累積計算,請高賜教.很担心.

作者: HY412 時間: 11-8-3 19:50

若然事實無法扭轉, 都唔會係絕路, 到時最緊要冷靜地找一所適合而校風好既學校, 想介紹一個 blog 你睇:

ChiChiPaPa ~ http://chichipapa.pixnet.net/blog/category/2359748

http://forum.edu-kingdom.com/viewthread.php?tid=2315967&page=1#pid33858855

原帖由 SandyMaMa 於 11-8-3 18:22 發表
多謝妳既鼓勵, 我已感到第二和第三次試既壓力! 自知個女真係好難取得90分以上, 唯有寄望其他同學可能會有失手啦! 希望拉上band 2都好呀!!

作者: vincher 時間: 11-8-4 00:34 標題: 第一次呈分唔理想, 有冇機會追呢, 請指教?

第一次呈分唔理想, 一定可以追！(其實你覺得自己女兒考得差???問題也在乎對手……如果其他同學都考得不好，問題不大！相反，你的女兒進步，但對手進步得比你多，那麼變成退步了！)

第三次呈分同樣重要(當然主科比重會更重)，教署要3次, 必定趕得及計分，所以六年級一般3/4月考試便是最後一次交分！
***但6月考的試，也不可鬆懈，因5-6年級成績表(有些更看4年級的)見人，若派得不好，叩門之用！

作者: 嫦娥一号 時間: 11-8-4 00:58

有無得追要孩子配合,用盡全力,樂觀面對,所有努力都不會白費,一定有得追,如果盡了力也對得住自己!

每一次試都重要;考得好要繼續努力,不好的要檢討再加把勁,每一次都要拚到盡!

考得好不用太早高興
考得不好不用失望

要考好個試
要顧孩子身心健康為首才能馬到功成!

作者: 騰騰震媽咪 時間: 11-8-4 03:55

考試係七分靠努力，三分靠運氣。針對小朋友強項追分。

作者: CrabPincers 時間: 11-8-4 09:44

我女第一次呈分試都衰左
第二次及第三次都有壓力(我)
但我吾敢比太大壓力比佢
驚佢壓力太大而失手
好彩, 都比佢追得到, 但當然如果第一次吾失手, 名次可以更加前, 但失手就係失手, 只可以向前望, 吾可以向後回顧

努力!

作者: littlecat 時間: 11-8-4 10:44

好似我囡囡第一次呈分試都失手, 只係band2頭生, 到第二次呈分試, 我哋都好努力咁追, 但名次都係升咗10名, 所以你努力時, 人哋都好拚命, 不過囡囡都算好彩, 佢啱啱係band 1尾生, 再計埋第三次呈分試, 佢都屬band 1生, 佢最終順利入到一間band 1中學, 我哋都放吓心頭大石

作者: 1314mama 時間: 11-8-4 12:39

第一次呈分唔理想，對自行收生來說的確有少少吃虧，因學校要收五、六年級成績表。
而家唯有在第二次和第三次呈分考好d，搏大抽獎入番band 1中學。

作者: babaBear 時間: 11-8-4 21:18 標題: 回覆 1# SandyMaMa 的文章

升中遊戲規則是妳女兒學校有沒有連繫中學，如果有就問問原校收生標準，其次是妳女兒學校2009、2010小六派位的banding分布，最後是三次呈分試的全級名次，這樣妳才有慨念在统一派位選通合banding的心儀中學。

第一次呈分不理想也不要灰心，我女兒成續原本也不太好，但第一次呈分試成績平均較小五上學期考試進步5分，正當我為我女兒進步高興時，班主任在派成績表時卻說成績是有進步，但全級名次跟上一樣(排名在後的1/3)。

因此去年暑假起，以及開學後的周六、日，都陪伴她温習，了解她的弱項便給她補強，其後每次的呈分試的平均分都比前一次有5分的進步。

雖然班主任在统一派位只建議一間band 2，指原校升中就有點勉勉強強，因為我女兒有五、六年班的成績進步獎狀，我還是選原校作第一志願，作為叩門的誠意準備，但幸運地统一派位獲派原校中學。

現階段不防多花時間跟進小朋友的學習進程，給小朋友與自已有一個共同努力的目標，選校的問題留待第二次試成績後再打算。

Good Luck!

作者: SandyMaMa 時間: 11-8-4 23:24 標題: 回覆 9# vincher 的文章

聽小女的班主任講, 第一次呈分, 個個都考得理想, 相對我女兒, 還比之前退步, 你話聽完後擔唔擔心及驚唔驚呀!

作者: SandyMaMa 時間: 11-8-4 23:28 標題: 回覆 12# CrabPincers 的文章

我都想唔俾壓力女兒, 但自己真係忍不住口, 常常掛在口邊, 有時唸落, 我真係不配做人母親!

作者: fallenleaf 時間: 11-8-5 00:11

原帖由 SandyMaMa 於 11-8-4 23:28 發表
我都想唔俾壓力女兒, 但自己真係忍不住口, 常常掛在口邊, 有時唸落, 我真係不配做人母親!

唔係掛！比少少壓力就話不配做人父母。
記著，給小朋友做個好榜樣，讀書時就拼命去讀書，遊戲時就全心投入遊戲。每一樣想做好都去付出。

作者: Bonnie 時間: 11-8-5 12:01

我哋呢班 " 中游 " 份子係最慘..

當然想努力游上 " 上游 " ..否則後浪一蓋過..就落咗 " 下游 " 架嘞..

大家一齊努力啦..唔奢望有太大突破..
盡量 keep 住 " 中游 " 頭...就唔怕被沖走..

作者: SandyMaMa 時間: 11-8-5 14:07 標題: 回覆 19# Bonnie 的文章

真係身受同感!

作者: SandyMaMa 時間: 11-8-5 14:15 標題: 回覆 18# fallenleaf 的文章

每當唸起要四出搵學校既景象, 我就無形中對個女加點壓力 - 在口頭上或行動上同佢講一些難聽的說話...。我會盡量改變自己既Y念, 希望可以大步覽過, 派到間心儀既中學啦!

作者: One-Mama 時間: 11-8-5 14:49

SandyMama 唔好灰心，盡力而為，問心無愧！BEST WISHES!

作者: sowasabe 時間: 11-8-5 17:17 標題: 回覆 2# SandyMaMa 的文章

SandyMaMa,小朋友的自信心是很重要的,父母有時太過緊張會講一些打擊小朋友的自信心令小朋友覺得自己吾得,甘就不盡力去溫習取得更好成績,所以,你表面都要放輕鬆,以鼓勵方式推動小朋友自律+自信+勤力,最後考試要小心認真答題,則可取得好成績.有些小朋友是不可以有壓力,過於緊張考試時反而會失分.

作者: SandyMaMa 時間: 11-8-6 23:02

One-Mama & Sowasabe,
多謝你們的鼓勵! 我會盡量改變!!

作者: fallenleaf 時間: 11-8-7 02:10

樓主其實又唔駛太過自責，自問小朋友在5、6年班考呈分試時都一樣好緊張，就係怕他鬆懈，所以不停鞭策。相反，到第三次呈分試就好多人會鬆懈，好多同學仔都會跌watt，點解？因為自行收生階段要做的已做完，可能有小朋友充滿自信以為實得，於是會冇咁勤力。你會發覺學習氣氛都散漫左，呢個就係你的好時機！真係有同學由band 3爬到上band1。希望你能如願以償啦！

作者: babaBear 時間: 11-8-7 10:02 標題: 回覆 21# SandyMaMa 的文章

雖然妳的小孩還是小五，不明白Band 1與Band 3學校的分別，就算小孩上了中學也不一定會明白，否則為什麼有Band 1中學學生會留班或被要求轉校？

作為父母為小孩提供好的教育，目的是什麼?我不是對任何人或其職業有岐視，但我會用日常生活例子讓小孩明白不努力的後果。

在酒樓時我會問孩子一天站10多小時的工作辛不辛苦？看見街上的清潔工、地盤工，問她日後是不是這樣過日子？

但有一天她說做警察與保安也一樣要穿制股巡更，那有什麼分別?我帶去看警察宿社，又到食物銀行，告訢她當警察是有要求，因此有好福利，到食物銀行看不看到穿制股的警察要拿免費的福利？

小孩子能不能接受批評壓力、多少的批評壓力才不會有反效果，是各自各父母要探索的，也是給小孩在家庭温室有機會適應現實社會環境作前期準備。

有時間不防看看耶魯的法律系教授 Amy Chua的"Tiger Mom" ，她用中國式的嚴母管教與猶太藉丈夫(本身也是耶魯大學法學院的教授)生的兩個小孩成材，雖然書中的內容在美國引起嘩然，但也引起不少西方社會媽媽的反思和認同。

Good Luck!

作者: SandyMaMa 時間: 11-8-7 21:53 標題: 回覆 26# babaBear 的文章

係咪講佢有2名女兒, 整天都是在學習及閱讀果個, 我覺得有一半天份是天生, 佢哋父母都咁叻, 真係差極有限。

作者: babaBear 時間: 11-8-8 21:13 標題: 回覆 27# SandyMaMa 的文章

不錯，先天條件好，也要有後天的培養，比如美國奧運金牌泳手米高菲比斯，是有自閉症的，但是通過游泳，讓他名成利就。

不要對小孩失信心，想了解小孩的能力，不防花數千元給小孩做個 IQ 評估 (我的小朋友兩年多也做了評估)，這對了解小孩的強弱項以及針對性的補強會有幫助的。

Good Luck!

作者: pineapple0983 時間: 11-8-9 11:40

原帖由 babaBear 於 11-8-8 21:13 發表
不錯，先天條件好，也要有C，比如美國奧運金牌泳手米高菲比斯，是有自閉症的，但是通過游泳，讓他名成利就。

不要對小孩失信心，想了解小孩的能力，不防花數千元給小孩做個 IQ 評估 (我的小朋友兩年多也做了評估)，這對了解 ...

哈哈，黑人都做到美國總統喇~

支持"後天努力"！

作者: dickychui 時間: 11-8-25 23:54

呈分一成績唔理想, 自行是比較難 ! 所以自行選校唔好太進取.

當然, 大抽獎可以有得追, 還有二次. 加緊努力.

作者: 白領麗人 時間: 11-8-28 23:43

擔心冇用, 正如有的朋友講, 唯一可做的只是全力以赴.

作者: nc2000 時間: 11-8-28 23:52

呈分一唔理想, 但不是呈分二後才選自行學校嗎? 還有呈分二可追回? 是否所以很多人說呈分一是最緊要的? 但如果大抽奬階段就三個呈分試比重一樣呢?

原帖由 dickychui 於 11-8-25 23:54 發表
呈分一成績唔理想, 自行是比較難 ! 所以自行選校唔好太進取.

當然, 大抽獎可以有得追, 還有二次. 加緊努力.

作者: SandyMaMa 時間: 11-8-29 15:58 標題: 回覆 30# dickychui 的文章

如果自行選校唔太進取, 萬一收咗我個女, 咁咪無咗大抽獎, 第二次和第三次呈分都無用? 請指教!

作者: babaBear 時間: 11-8-29 22:13

自行選校交表是在第二次呈分試後，因此可看看小朋友在第一、二次呈分試的進步表現，與校長及班主任討論合適的自行選校選擇。
由於心儀的自行選校結果(直置私校另計)與大抽獎結果皆是在7月同一天公布，因此理論上是選好一點的學校。
而大抽獎的Banding是以三次呈分試的平均加小六TSA成績調整分，因此努力 (決定在那一Banding組別) + 幸運 (小朋友的隨機抽獎號碼，愈前愈優先入選抽獎表的選校)。
目前重要的還是努力考好第二、三次呈分試和小六的TSA。
Good Luck!

作者: khmama 時間: 11-8-29 22:35

原帖由 babaBear 於 11-8-29 22:13 發表
自行選校交表是在第二次呈分試後，因此可看看小朋友在第一、二次呈分試的進步表現，與校長及班主任討論合適的自行選校選擇。
由於心儀的自行選校結果(直置私校另計)與大抽獎結果皆是在7月同一天公布，因此理論上是選好一點 ...

呈分試唔係用小六TSA調整, 係用師兄師姐既中一編班試成績調整.

作者: nc2000 時間: 11-8-29 23:21

點樣調整呢? 師兄師姐編班試考得好, 係咪即係個 BAND 1 % 會高D?

原帖由 khmama 於 11-8-29 22:35 發表

呈分試唔係用小六TSA調整, 係用師兄師姐既中一編班試成績調整.

作者: fallenleaf 時間: 11-8-30 01:27

原帖由 nc2000 於 11-8-29 23:21 發表
點樣調整呢? 師兄師姐編班試考得好, 係咪即係個 BAND 1 % 會高D?

對，會高D。即係你地學校band 1生會比較多。通常學校老師可憑上年派位表現推測到考第幾至第幾名會是band 1生，邊d會係邊緣，呢d推測未必十分準確，但仍可作參考。

作者: fallenleaf 時間: 11-8-30 01:50

原帖由 SandyMaMa 於 11-8-29 15:58 發表
如果自行選校唔太進取, 萬一收咗我個女, 咁咪無咗大抽獎, 第二次和第三次呈分都無用? 請指教!

呢個錯真係好多人犯。自行時太進取又驚冇學校收，驚會跌落大抽獎。唔進取又驚吃虧。
自行選兩間，兩間都要自己好喜歡，然後再分優先，千期唔好掉轉，因為教育局會先派第一志願，再到第二志願。萬一收左，真係想在乙部大抽獎搏一搏都冇機會。
第二次呈分試(通常係6年級第一次考試)係自行收生階段之前，自行報名時學校都要你填埋成績。第三次就唔影響自行收生，但未到7月，有誰知道你已在自行已被取錄，所以第三次都要考好，以防跌落大抽獎時，banding都跌埋。

作者: fallenleaf 時間: 11-8-30 02:05

原帖由 nc2000 於 11-8-28 23:52 發表
呈分一唔理想, 但不是呈分二後才選自行學校嗎? 還有呈分二可追回? 是否所以很多人說呈分一是最緊要的? 但如果大抽奬階段就三個呈分試比重一樣呢?

...

關於呈分可否追回。呈分係會影響banding，如果第二次考得好極有可能追回，但只限於banding。即是有機會由band 2升回band 1，這對甲乙部大抽獎幫助極大。可惜，在自行收生階段，好多學校都會要求家長將兩次呈分試的結果，包括班名次和全級名次，分別詳列出來，即是話學校除了會考慮你的banding之外，還會獨立考慮你每次的成績。所以每一次呈分都要悉力以赴方為上算。

作者: alice44 時間: 11-8-30 10:14

fallenleaf講得好好, 但我想補充一點, 就係自行時填寫的級名次, 級名次係以呈分(考試)+唔呈分(測驗)來取得名次, 所以我覺得唔止呈分試要盡力, 連唔呈分的都要盡力, 尤其是小五, 因為大多數好的學校都會睇埋小五上學期, 所以由小五開學就要做好準備考好每次測驗&考試直至小六尾.

作者: nc2000 時間: 11-8-30 23:36

fallenleaf, THX A LOTS! 又明白很多了, 但至於自行選校時要求填名次/級名次, 但如學校只講頭10名, 其餘唔講, 咁點填名次/級名次呢?
另外, 自行究進取一D定係保守D 好呢? 如BAND 1B學生, 進取D 選BAND 1A 又會唔會太進取呢?

原帖由 fallenleaf 於 11-8-30 02:05 發表

關於呈分可否追回。呈分係會影響banding，如果第二次考得好極有可能追回，但只限於banding。即是有機會由band 2升回band 1，這對甲乙部大抽獎幫助極大。可惜，在自行收生階段，好多學校都會要求家長將兩次呈分試的結果，包括班 ...

作者: helenting 時間: 11-9-1 11:11

我想問問點先知小朋友嘅成績屬於band幾??

作者: alice44 時間: 11-9-1 11:36

原帖由 helenting 於 11-9-1 11:11 發表
我想問問點先知小朋友嘅成績屬於band幾??

1) 可以在家長方面收風, 睇睇上年全級幾多名係band 1/2/3.
2) 直接問班主任.

作者: helenting 時間: 11-9-1 11:53

原帖由 alice44 於 11-9-1 11:36 發表

1) 可以在家長方面收風, 睇睇上年全級幾多名係band 1/2/3.
2) 直接問班主任.

唔該晒...

作者: Kingswood 時間: 11-9-1 12:11

請問khmama, 咁TSA同PS1有何分別呢?

作者: fallenleaf 時間: 11-9-1 15:48

原帖由 nc2000 於 11-8-30 23:36 發表
fallenleaf, THX A LOTS! 又明白很多了, 但至於自行選校時要求填名次/級名次, 但如學校只講頭10名, 其餘唔講, 咁點填名次/級名次呢?
另外, 自行究進取一D定係保守D 好呢? 如BAND 1B學生, 進取D 選BAND 1A 又會唔會太 ...

我自己會用一個名額去搏，另一個名額就選band 1A尾的而自己又好喜歡的學校，否則我寧願等大抽獎。因自行太穩陣，如果萬一被取錄，就等如放棄在甲乙部的大抽獎。

作者: alice44 時間: 11-9-1 17:45

原帖由 fallenleaf 於 11-9-1 15:48 發表

我自己會用一個名額去搏，另一個名額就選band 1A尾的而自己又好喜歡的學校，否則我寧願等大抽獎。因自行太穩陣，如果萬一被取錄，就等如放棄在甲乙部的大抽獎。 ...

係呀! 上年阿仔班主任&另一個老師都4係咁講, 原本我好保守, 結果聽咗佢地講, 現在派到band 1英中喇!

歡迎光臨教育王國 (/)